ការ​ផ្តល់​អំណោយ​នេះ​​តំណាង​ដោយ​លោក​ផន សុភាព ប្រធាន​ការដ្ឋានសាងសង់របស់​ក្រុមហ៊ុន OCIC។

បើ​តាម​លោក ផន សុភាព ការ​ចែកអំណោយសប្បុរសធម៌នេះ​មានចំនួន ២៧ លើក ដល់​បង​ប្អូន​ដែលបានស្ម័គ្រចិត្តរស់នៅក្នុងបុរីរុងរឿង តំបន់អភិវឌ្ឍន៍ជ្រោយចង្វារ រាជធានីភ្នំពេញ ។

បើគិតពីការ ចំណាយតាំងពីលើកទី១ ដល់លើកទី២៧នេះ អ្នកឧកញ៉ា ពុង ឃាវសែ បានចំណាយអស់ទឹកប្រាក់សរុប មានចំនួនប្រមាណ៧៧០លានរៀលហើយ។

គួរ​បញ្ជាក់​ថា ពលរដ្ឋ​ដែល​ទទួលអំណោយនៅពេលនេះ កាលពីមុនពួកគាត់រស់នៅផ្ទះតូចៗ ធ្វើអំពីឈើប្រក់ស័ង្កសី ឬប្រក់ស្បូវនៅឡើយ គ្មានទឹកស្អាតប្រើប្រាស់ គ្មានភ្លើងអគ្គិសនី រស់នៅលើទឹកកខ្វក់។ពីតំបន់ជ្រោយចង្វារនេះ ត្រូវបានរាជរដ្ឋាភិបាល សម្រេចប្រគល់សិទ្ធិ ឲ្យក្រុមហ៊ុនវិនិយោគទុនអណិកជនកម្ពុជា (OCIC) ដើម្បីធ្វើការអភិវឌ្ឍន៍តំបន់នេះ ឲ្យទៅជាទីក្រុងរណបថ្មីមួយទៀត នៅក្នុងរាជធានីភ្នំពេញឃើញថាតំបន់នេះ ត្រូវបានផ្លាស់ប្តូរមុខមាត់ថ្មី ស្របតាមការអភិវឌ្ឍន៍របស់ប្រទេសជាតិ៕

The post អំណោយអ្នកឧកញ៉ា ពុង ឃាវសែ ប្រគល់​ដល់​ពលរដ្ឋជិត ២៥០ គ្រួសាររស់នៅក្នុងបុរី «រុងរឿង» appeared first on .

ក្រោមការផ្តួចផ្តើម ភាពជាដៃគូនេះ ធនាគារឯកទេសវីង និងធនាគធនាគារកាណាឌីយ៉ា នឹងធ្វើការរួមគ្នា ដើម្បីស្វែងរកឱកាសថ្មីៗ ដើម្បីធានាថា ប្រជាជនកម្ពុជាគ្រប់រូប ទទួលបានភាពងាយស្រួល និងសុវត្ថិភាព នៅពេលពួកគេទទួលបាន សេវាហិរញ្ញវត្ថុ ដើម្បីធ្វើឱ្យជីវភាពរស់នៅ របស់ពួកគេ មានភាពកាន់តែប្រសើរឡើង។

លោក ម៉ានូ រ៉ាចាន់ អគ្គនាយក នៃធនាគារឯកទេស វីង (ខេមបូឌា) លីមីតធីត បានមានប្រសាសន៍ថា «យើងមានឯកសិទ្ធិ ដែលថ្ងៃនេះ វីងកំពុងចុះហត្ថលេខា លើអនុស្សរណៈយោគយល់គ្នា ដើម្បីស្វែងរកភាពជាដៃគូ ជាមួយធនាគារ ដែលមានវ័យចំណាស់ជាងគេ និងធំជាងគេមួយនៅកម្ពុជា ដើម្បីជំរុញបរិយាប័ន្ន ហិរញ្ញវត្ថុនៅកម្ពុជា និងកំណើនសេដ្ឋកិច្ច តាមរយៈប្រព័ន្ធអេកូ ហិរញ្ញវត្ថុដ៏រឹងមាំ»។

លោកលោក ម៉ានូ រ៉ាចាន់ បានបន្តថា «វីងនៅតែងតែរក្សា ចក្ខុវិស័យរបស់ខ្លួន ក្នុងការផ្តល់សេវាកម្ម ហិរញ្ញវត្ថុចល័ត ប្រកបដោយភាពងាយស្រួល សុវត្ថិភាពនិងរហ័ស ដែលសម្រួលដល់ លំហូរសាច់ប្រាក់ នៅក្នុងសេដ្ឋកិច្ច និងជំរុញកំណើនសេដ្ឋកិច្ច។ ភាពជាដៃគូ ជាមួយធនាគារកាណាឌីយ៉ា នឹងផ្តល់ជូនកាន់តែទូលំទូលាយ នូវការទទួលបានសេវាកម្ម ហិរញ្ញវត្ថុសម្រាប់ប្រជាជនគ្រប់រូប»។

វីងជាអ្នកផ្តល់សេវា ហិរញ្ញវត្ថុចល័តឈានមុខគេមួយ នៅកម្ពុជាដែលមានបណ្តាញ ភ្នាក់ងារវីង ជិត ៨០០០ កន្លែង ទូទាំងប្រទេស ជាមួយកម្មវិធី វីងស្មាតហ្វូនវីងដ៏ទំនើប និងមានបណ្តាញដៃគូ ក្នុងស្រុក និងក្រៅស្រុកដ៏រឹងមាំ។

លោក Raymond Sia Say Guan នាយកប្រតិបត្តិធនាគារ កាណាឌីយ៉ា បានមានប្រសាសន៍ថា «កិច្ចសហការនៅថ្ងៃនេះ បានឆ្លុះបញ្ចាំងអំពីកិច្ចខិតខំប្រឹងប្រែង ឥតឈប់ឈររបស់យើង ទាក់ទងនឹងការផ្ដល់ជូន សេវាកម្មហិរញ្ញវត្ថុ និងបង្កើនការដាក់បញ្ចូលហិរញ្ញវត្ថុ និងសិទ្ធិអំណាច ប្រើទៅដល់ប្រជាជនកម្ពុជា។ យើងនឹងនាំយកសេវាកម្មហិរញ្ញវត្ថុ ឱ្យកាន់តែជិតជាងមុន ទៅដល់អតិថិជន របស់យើងបច្ចុប្បន្ន មិនថានៅតំបន់ ដាច់ស្រយាលក៏ដោយ»។

ធនាគារកាណាឌីយ៉ា បានឈរជើងនៅលើទីផ្សារ​ ដោយជោគជ័យ ជិត៣០ឆ្នាំ ក្នុងការផ្ដល់ជូននូវសេវាកម្ម ដ៏សម្បូរបែប ទៅដល់អតិថិជនទាំងបុគ្គល និងសាជីវកម្ម នៅក្នុងប្រទេសកម្ពុជា ហើយបានពង្រីកទីផ្សាររបស់ខ្លួន ទៅដល់ប្រទេសឡាវ ដែលជាប្រទេសជិតខាង។

ទាំងវីង និងធនាគារកាណាឌីយ៉ា គឺជាធនាគារក្នុងស្រុក ឈានមុខគេនៅកម្ពុជា ដែលមានបំណងប្រើប្រាស់ បច្ចេកវិទ្យាហិរញ្ញវត្ថុ ដើម្បីលើកកម្ពស់ជីវភាពរស់នៅ របស់ប្រជាជនកម្ពុជាគ្រប់រូប។ វីងត្រូវបានគេទទួលស្គាល់ បានបង្កើតភាពជាដៃគូ យ៉ាងទូលំទូលាយ ជាមួយដៃគូពាណិជ្ជករជាង ៤០០០០ និងជាមួយក្រុមហ៊ុនសំខាន់ៗ នៅក្នុងឧស្សាហកម្មរួមមាន៖ Mastercard, MoneyGram, AliPay, WeChat Pay and Western Union ជាដើម។ ភ្នាក់ងារវីង ដែលត្រូវបានបណ្តុះបណ្តាល យ៉ាងជំនាញ បានកំពុងជួយសម្រួល ផ្តល់សេវាហិរញ្ញវត្ថុ ដល់ប្រជាជនកម្ពុជា នៅគ្រប់ទិសទីកន្លែង នៃប្រទេសកម្ពុជា ចាប់តាំងពីទីក្រុង រហូតដល់ភូមិដាច់ស្រយ៉ាល៕

The post សេដ្ឋកិច្ច​​​កាន់​​តែ​ខ្លាំង មហាសេដ្ឋី​ស្រុក​ខ្មែរ​ទាំង​២​នេះ​បង្កើត​​ក្រុម​ហ៊ុន​ធំ​មួយ​រួម​គ្នា appeared first on .