ថ្លែងប្រាប់សារព័ត៌មាន Oknha News នៅក្នុងពិធីបំពាក់គោរមងា និងគ្រឿងឥស្សរិយយស អ្នកឧកញ៉ា បណ្ឌិត យូ សាម៉េត បានឲ្យដឹងថា៖  “គោរមងារ «Dato Sari» នេះមានតម្លៃស្មើនឹងគោរមងារ «អ្នកឧកញ៉ា» នៅក្នុងប្រទេសឥណ្ឌូនេសុី ហើយអាចមានប្រសិទ្ធភាពប្រើប្រាស់បាននៅ ៤ ប្រទេស ផ្សេងទៀតរួមមាន ឥណ្ឌូនេសុី ម៉ាឡេសុី សឹង្ហបុរី និងឥណ្ឌា ដែលនេះជាកំណត់ត្រាថ្មីនិងជាលើកដំបូងមិនធ្លាប់មានពីមុនមកនោះទេសម្រាប់ សហគ្រិនខ្មែរក្នុងប្រទេសកម្ពុជា។”

អ្នកឧកញ៉ាបណ្ឌិត យូ សាម៉េត ជាអគ្គនាយកក្រុមហ៊ុន ECON Group បានឡើងថ្លែងសុន្ទរកថាថ្លែងអំណរគុណយ៉ាងជ្រាលជ្រៅ ចំពោះក្រុមប្រឹក្សារាជវង្សនៃព្រះរាជាអាត់ជេរ ដារុយសាឡឹម (ATJEH DARU SSALAM) ប្រទេសឥណ្ឌូនេស៊ី។ លោកបានប្ដេជ្ញាចិត្តថានឹងខិតខំប្រឹងប្រែងបន្ថែមទៀត ដើម្បីបង្កើតស្នាដៃ និងសមិទ្ធិផលថ្មីៗជាច្រើនទៀត ក្នុងន័យរួមចំណែកលើកកម្ពស់មុខមាត់ប្រទេសកម្ពុជានៅលើឆាកអន្តរជាតិ។

ទន្ទឹមនឹងការទទួលបានគោរមងារថ្មី លោកក៏បាននឹងកំពុងទាក់ទាញអ្នកវិនិយោគពីក្រៅប្រទេសមកបណ្តាក់ទុននៅក្នុងប្រទេសកម្ពុជា ឱ្យបានកាន់តែច្រើនថែមទៀត ដើម្បីបង្កើតការងារនិងប្រាក់ចំណូលសម្រាប់ពលរដ្ឋកម្ពុជា។ ជាមួយគ្នានោះវិនិយោគិនបរទេស ជាពិសេសឥណ្ឌូនេសុី មើលឃើញពីសក្តានុពល សន្តិភាព និងស្ថិរភាពនយោបាយនៅកម្ពុជា គ្រោងនឹងបោះទុនវិនិយោគបន្ថែមទៀត។

នៅក្នុងពិធីបំពាក់គោរមងា និងគ្រឿងឥស្សរិយយសនេះមានវត្តមានភ្ញៀវអន្តជាតិដែលជាម្ចាស់ក្រុមហ៊ុននិងវិនិយោគិនមកពីបណ្តាប្រទេស ម៉ាឡេស៊ី ឥណ្ឌូនេស៊ី ឥណ្ឌា អារ៉ាប់ និងសិង្ហបុរី បានជួបជុំពិសារអាហារពេលល្ងាចយ៉ាងឆ្ងាញ់ពិសារនៅក្នុងសណ្ឋាគារលំដាប់ផ្កាយប្រាំ សុខា ភ្នំពេញ ដើម្បីបង្កើនទំនាក់ទំនងល្អ បង្កើនឱកាសពាណិជ្ជកម្ម និងការវិនិយោគបន្ថែមនៅប្រទេសកម្ពុជាយើង។

គួរជម្រាបជូនដែរថា អ្នកឧកញ៉ាបណ្ឌិត យូ សាម៉េត ជាអគ្គនាយកក្រុមហ៊ុន ECON Group និងជាសហគ្រិនឆ្នើមមួយរូបប្រចាំប្រទេសកម្ពុជា ក៏ទើបនឹងទទួលបានពានរង្វាន់ឆ្នើមៗចំនួនពីរប្រចាំតំបន់អាស៊ីប៉ាស៊ីហ្វិកកាលពីពេលថ្មីៗនេះដែលក្នុងនោះរួមមាន ពានរង្វាន់ Excellence Brand និងទទួលបានតំណែងជា អនុប្រធាន Asia Pacific TOP Excellence Brand Committee (APC), Asia Pacific នៅប្រទេសម៉ាឡេសុី កាលពីថ្ងៃទី ២២ ខែមិថុនា ឆ្នាំ២០២៤ កន្លងទៅ៕

The post អ្នកឧកញ៉ាបណ្ឌិត យូ សាម៉េត ទទួលគោរមងារថ្នាក់ខ្ពស់លំដាប់ទី២ «Dato Sari» ពីក្រុមប្រឹក្សារាជវង្សនៃប្រទេសឥណ្ឌូនេស៊ី appeared first on .

នេះ គឺជាកំណត់ត្រាថ្មី សម្រាប់សហគ្រិនខ្មែរ ហើយក៏ជាលើកដំបូង ចំពោះប្រទេសកម្ពុជា ដែល
អ្នកឧកញ៉ាបណ្ឌិត យូ សាម៉េត ទទូួលបានតំណែងក្នុងក្របខ័ណ្ឌធុរៈជនប្រចាំតំបន់អាសុីប៉ាសុីហ្វិកទាំងមូល។

ថ្លែងប្រាប់ Oknha News អ្នកឧកញ៉ាបណ្ឌិត យូ សាម៉េត មានប្រសាសន៍ថា៖ “តំណែង អនុប្រធាន Asia Pacific TOP Excellence Brand Committee គឺជាតំណែងមួយដែលមិនទាន់មានកូនខ្មែររូបណាទទួលបាននៅឡើយទេ ពីស្ថាប័ននេះ”។

អ្នកឧកញ៉ា អគ្គនាយកក្រុមហ៊ុន ECON Group បន្ថែមថា ចំពោះមូលហេតុ គឺដោយសារតែនៅក្នុងអាស៊ីប៉ាស៊ីហ្វិក មានប្រទេសជាសមាជិករហូតដល់ ១៥ ប្រទេស និងជាសហព័ន្ធដ៏ធំមួយប្រចាំតំបន់ ហើយមានអ្នកជំនួញ ម្ចាស់ក្រុមហ៊ុនធំៗ ប្រចាំប្រទេសនីមួយៗ ចូលរួមជាសមាជិករហូតដល់ទៅជាង ១មុឺន ក្រុមហ៊ុន។

សូមជម្រាបជូនថា អ្នកឧកញ៉ាបណ្ឌិត យូ សាម៉េត គឺជាស្ថាបនិក និងជាអគ្គនាយក ក្រុមហ៊ុន ECON Group ដែលមានមុខជំនួញបុត្រសម្ព័ន្ធ លើវិស័យអចលនទ្រព្យ ភោជនីយដ្ឋាន ប្រព័ន្ធផ្សព្វផ្សាយ វិទ្យុ និងផលិតផលសុខភាពជាដើម។ ក្រៅពីការពង្រីកមុខជំនួញក្នុងប្រទេស ក្រុមហ៊ុន ECON Group អ្នកឧកញ៉ាបណ្ឌិត យូ សាម៉េត មានមច្ឆតាពង្រីកខ្លួនឱ្យកាន់តែធំ ទៅកាន់តំបន់អាស៊ីប៉ាស៊ីហ្វិក និងប្រទេសផ្សេងៗទៀត ក្នុងតំបន់អាស៊ាន ខណៈដែលបច្ចុប្បន្ន ECON Group បានពង្រីកខ្លួននៅសហរដ្ឋអាមេរិក និងប្រទេសអូស្រ្ដាលីរួចមកហើយ។

ក្រៅពីនោះ អ្នកឧកញ៉ាបណ្ឌិត យូ សាម៉េត ក៏ជាសមាជិកនៃសមាគមឧកញ៉ាកម្ពុជា និងទទួលបានគោរមងារជា «អ្នកឧកញ៉ា» ពីព្រះមហាក្សត្រ កាលពីថ្ងៃទី២៥ ខែកុម្ភៈ ឆ្នាំ២០២១ តាមព្រះរាជក្រឹត្យលេខ នស/រកត/០២២១/១៩៥៕

The post អ្នកឧកញ៉ាបណ្ឌិត យូ សាម៉េត សហគ្រិនខ្មែរដំបូងគេទទួលបានពានរង្វាន់ឆ្នើមចំនួន២ ប្រចាំតំបន់អាស៊ីប៉ាស៊ីហ្វិក appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

តែសម្រាប់ អ្នកឧកញ៉ាបណ្ឌិត យូ សាម៉េត ហៅលោកគ្រូ នេតឈ័រ អគ្គនាយកក្រុមហ៊ុន ECON Group Ltd  និងជាអ្នកជំនាញខាងបណ្ដុះផ្នត់គំនិតដ៏ល្បីល្បាញមួយរូបនៅកម្ពុជា មានទស្សនៈផ្សេងពីការលើកឡើងខាងលើ។ អ្នកឧកញ៉ាបណ្ឌិត មិនបានចាត់ថ្នាក់អ្នកមាន ទៅតាមចំនួនទឹកលុយ ឬទ្រព្យសម្បត្តិដែលពួកគាត់កំពុងមានឡើយ តែចាត់ថ្នាក់ អ្នកមាន ឬអ្នកដែលអាចក្លាយជាអ្នកមានសម័យថ្មី (ក្រោយសម័យរំដោះ ឆ្នាំ១៩៧៩) ទៅតាមលក្ខណៈសម្បត្តិ និងការខិតខំប្រឹងប្រែងរៀងៗខ្លួន។

ក្នុងន័យនេះ អ្នកឧកញ៉ាបណ្ឌិត យូ សាម៉េត បានលើកពីទស្សនៈផ្ទាល់ខ្លួនថា អ្នកមានសម័យថ្មី និងអាចមានឱកាសក្លាយជាអ្នកមានបានយ៉ាងពិតប្រាកដ គឺជាក្រុមមនុស្ស ដែលស្ថិតក្នុងតថភាពជាក់ស្ដែងទាំង ៣ ខាងក្រោមនេះ៖   

អ្នកមានប្រភេទទី១៖ ពួកគាត់ គឺជាក្រុមអ្នករៀន អ្នកសូត្រ អ្នកមានមុខជំនួញ ហើយក៏ស្ថិតត្រកូលអ្នកមានតាំងពីដើមមកស្រាប់។ ម្លោះហើយ អាណាព្យាបាលគាត់ តែងតែយកចិត្តទុកដាក់ខ្ពស់ លើការបញ្ជូនកូនៗរបស់ពួកគាត់ ឱ្យរៀនសូត្របានខ្ពង់ខ្ពស់ ទោះត្រូវចំណាយលើការអប់រំនេះ អស់លុយច្រើនក៏ពួកគាត់មិនរុញរា។

ជាលទ្ធផល ពេលកូនៗពួកគាត់បញ្ចប់ការសិក្សា មានទាំងចំណេះ ជំនាញ ច្បាស់លាស់ មិនថារៀននៅក្នុងស្រុក ឬមកពីសាលានៅបរទេសទេ គឺនឹងយកសមត្ថភាព ចំណេះជំណាញ និងទ្រឹស្ដីដែលបានរៀនសូត្រនោះ មកបង្កើតមុខជំនួញ ឬអាជីវកម្មណាមួយដោយខ្លួនឯង។ បើមិនដូច្នេះទេ គឺកូនចៅគាត់ មកបន្តកាន់កាប់មុខរបរ ដែលឱពុកម្ដាយគាត់មានស្រាប់។

ក្រុមពូួកគាត់នេះហើយ ដែលអាចចាត់ថ្នាក់ថា ជាក្រុមអ្នកមានប្រភេទទី១ នៅស្រុកយើង ហើយក៏ជាក្រុមដែលមានសំណាងតាំងពីដើម ហើយបើពួកគាត់បណ្ដុះបណ្ដាលកូនចៅគាត់ជំនាន់ក្រោយ បានល្អប្រសើរទៀត កាន់តែធ្វើឱ្យត្រកូលរបស់ពួកគាត់ ឈរឈ្មោះជាគ្រួសារអភិជនតជំនាន់ថែមទៀតផង។

អ្នកមានប្រភេទទី២៖ ជាក្រុមអ្នកមានទុនរកស៊ី ដោយផ្ដើមចេញពីការប្រឹងប្រែងធ្វើការ និងសន្សំ បូកផ្សំនឹងការមានគំនិត មានចំណេះដឹង ជំនាញ តែមិនមានការទំនុកបំរុងពីអាណាព្យាបាលបានពេញលេញទេ។ ពោល គឺក្រុមអ្នកមានប្រភេទទី២នេះ ពួកគាត់ ភាគច្រើនផ្ដើមពីការខិតខំប្រឹងប្រែងដោយខ្លួនឯង ធ្វើការឱ្យគេ ហើយសន្សំទុនទុករកស៊ី វិនិយោគ ក៏បន្តចេញធ្វើជំនួញដោយរហូតជោគជ័យ ក្លាយជាអ្នកមាន។

ឧទាហរណ៍៖ អ្នកខ្លះ គាត់ទៅធ្វើការងារសន្សំលុយនៅស្រុកគេ ហើយពេលសន្សំលុយបានគ្រប់គ្រាន់ហើយល្មមតែ អាចមកខ្មែរវិញ និងបើកអាជីវកម្ម ឬមុខរបរច្បាស់លាស់ណាមួយ ពួកគាត់ក៏ចាប់ផ្ដើមធ្វើផែនការអាជីវកម្មដ៏ត្រឹមត្រូវមួយ ហើយដើរតាមនោះ រហូតទទួលបានជោគជ័យ ក្លាយជាអ្នកមាន។

អ្នកមានប្រភេទទី៣៖ ក្រុមអ្នកមានប្រភេទចុងក្រោយនេះ អ្នកឧកញ៉ាបណ្ឌិត យូ សាម៉េត សង្កត់ធ្ងន់ថា ជាក្រុមមនុស្សកំសត់ជាងគេ ប៉ុន្តែជាមនុស្សដែលរឹងមាំបំផុត! ក្រុមមនុស្សប្រភេទទី៣ ដែលអាចក្លាយជាអ្នកមាន ហើយនឹងមិនងាយធ្លាក់ខ្លួនក្រវិញនេះ ពួកគាត់ជាក្រុមមនុស្សដែលមានគំនិត មានប្រាជ្ញា ខំប្រឹងរៀន មានជំនាញ មានចំណេះ មានការអត់ធ្មត់ មានការប្រឹងប្រែង និងជាពិសេស មិនព្រមចុះចាញ់ឧបសគ្គឡើយ។

ក្រុមមនុស្សដែលជោគជ័យ ក្នុងប្រភេទទី៣នេះ ជាមនុស្សដែលតោងភ្ជាប់នឹងវិន័យល្អផ្ទាល់ខ្លួន ចេះដាក់ខ្លួន រៀនសូត្រពីមនុស្សនៅជុំវិញ មិនចុះចាញ់ មុនធ្វើឡើយ! កត្តាដូចបានរៀបរាប់នេះហើយ ទើបគេតែងឃើញក្រុមមនុស្សរឹងមាំក្នុងប្រភេទនេះ ក្លាយជាអ្នកមានទ្រព្យសម្បត្តិស្ដុកស្ដម្ភ គួរជាទីមោទនៈភាព និងជាបុគ្គលគំរូ ក្នុងសង្គមថែមទៀតផង។

ជារួមមកវិញ លោកគ្រូ នេតឈ័រ ចង់សង្កត់ធ្ងន់ថា មនុស្សគ្រប់គ្នាក្នុងសង្គមសុទ្ធតែអាចទទួលបានឱកាសក្លាយជាអ្នកមានបាន គឺអាស្រ័យលើការប្រឹងប្រែង និងឱកាសផ្សេងៗគ្នា ហើយពាក្យថា អ្នកមាន ឬបុគ្គលជោគជ័យពិតប្រាកដ គឺមិនអាចវាស់វែងបានត្រឹមតែ ទឹកលុយ ទ្រព្យសម្បត្តិ តែប៉ុណ្ណោះឡើយ៕  

អានអត្ថបទ៖ ឧកញ៉ា យូ សាម៉េត ទទួលបានគោរមងារជា «អ្នកឧកញ៉ា»

The post អ្នកឧកញ៉ាបណ្ឌិត យូ សាម៉េត៖ ចាត់ថ្នាក់អ្នកមានសម័យថ្មីតាមកម្រិតទាំង ៣ប្រភេទនេះ មិនមែនតាមទឹកលុយទេ appeared first on .