ក្នុងទិវាដ៏មហានក្ខត្តឫក្សប្រសើរថ្លៃថ្លានាឱកាសចូលឆ្នាំថ្មី ឆ្នាំសកល ២០២៥ ដែលនឹងឈានចូលមកដល់ នាថ្ងៃទី០១ ខែមករា ឆ្នាំ២០២៥ ខាងមុខនេះ យើងខ្ញុំសូមគោរពជូនពរជ័យ សិរីមង្គល មហាប្រសើរបំផុតជូនចំពោះ សម្តេចមហាបវរធិបតី និងលោកជំទាវបណ្ឌិត ព្រមទាំងបុត្រា បុត្រី ជាទីស្រឡាញ់ សូមប្រកបដោយសុខភាពល្អបរិបូរណ៍ ជន្មាយុយឺនយូរ កម្លាំងពលំមាំមួន បញ្ញាញាណវាងវៃភ្លឺថ្នា។

ឆ្លៀតក្នុងឱកាសដ៏ប្រពៃថ្លៃថ្នានេះដែរ យើងខ្ញុំទាំងអស់គ្នា សូមគោរពកោតសរសើរយ៉ាងស្មោះស្ម័គ្របំផុត ជូនចំពោះ សម្តេចធិបតី និងលោកជំទាវបណ្ឌិត ដែលបានខិតខំប្រឹងប្រែងអស់ពីកម្លាំងកាយចិត្ត ប្រាជ្ញាស្មារតី ដោយមិនខ្លាចហត់នឿយ ដើម្បីបុព្វហេតុបម្រើឧត្តមប្រយោជន៍ជាតិ និងប្រជាជនកម្ពុជា ជាពិសេសការថែរក្សា និងការពារនូវសុខសន្តិភាព ដែលជាមូលដ្ឋានគ្រឹះដ៏សំខាន់ក្នុងការអភិវឌ្ឍប្រទេសជាតិលើគ្រប់វិស័យ ក៏ដូចជាជំរុញកំណើនសេដ្ឋកិច្ចជាតិ ដើម្បីលើកកម្ពស់ជីវភាពរស់នៅរបស់ប្រជាជនឱ្យកាន់តែមានវិបុលភាព សុខដុមរមនា ព្រមទាំងកិត្យានុភាពទាំងក្នុងក្របខណ្ឌតំបន់ និងពិភពលោក។

ជាថ្មីម្តងទៀត យើងខ្ញុំទាំងអស់គ្នា សូមបួងសួងដល់គុណបុណ្យព្រះរតនត្រ័យនិងវត្ថុស័ក្តិសិទ្ធិទាំងឡាយក្នុងលោក សូមបីបាច់ថែរក្សា និងប្រោះព្រំនូវសព្ទសាធុការពរជ័យជូន សម្តេចមហាបវរធិបតី និងលោកជំទាវបណ្ឌិត ព្រមទាំងបុត្រា បុត្រី ជាទីស្រឡាញ់ សូមប្រកបដោយព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

The post អ្នកឧកញ៉ាបណ្ឌិត សំ សុខនឿន  សូមផ្ញើសារជូនពរ សម្តេចធិបតី ហ៊ុន ម៉ាណែត និងលោកជំទាវបណ្ឌិត ក្នុងឱកាសឆ្នាំថ្មី ឆ្នាំសកល ២០២៥ appeared first on .

ក្នុងទិវាដ៏មហានក្ខត្តឫក្សប្រសើរថ្លៃថ្លានាឱកាសចូលឆ្នាំថ្មី ឆ្នាំសកល ២០២៥ ដែលនឹងឈានចូលមកដល់ នាថ្ងៃទី០១ ខែមករា ឆ្នាំ២០២៥ ខាងមុខនេះ យើងខ្ញុំសូមគោរពជូនពរជ័យ សិរីមង្គល មហាប្រសើរបំផុតជូនចំពោះ សម្តេចតេជោ និងសម្តេចកិត្តិព្រឹទ្ធបណ្ឌិត ព្រមទាំងបុត្រាបុត្រី និងចៅប្រុស ចៅស្រី ជាទីស្រឡាញ់ សូមប្រកបដោយសុខភាពល្អបរិបូរណ៍ ជន្មាយុយឺនយូរ កម្លាំងពលំមាំមួន បញ្ញាញាណវាងវៃភ្លឺថ្នា។

ឆ្លៀតក្នុងឱកាសដ៏ប្រពៃថ្លៃថ្នានេះដែរ យើងខ្ញុំទាំងអស់គ្នា សូមគោរពកោតសរសើរយ៉ាងស្មោះស្ម័គ្របំផុត និងចងចាំជានិច្ចនូវគំរូវីរភាពដ៏ឧត្តុងឧត្តមរបស់ សម្តេចតេជោ ដែលបានខិតខំប្រឹងប្រែងអស់ពីកម្លាំងកាយចិត្ត ប្រាជ្ញាស្មារតី មិនខ្លាចហត់នឿយ ដើម្បីបុព្វហេតុបម្រើឧត្តមប្រយោជន៍ជាតិ និងប្រជាជនកម្ពុជា ដោយបានកសាងនូវសុខសន្តិភាព ការអភិវឌ្ឍ ព្រមទាំងការលើកកម្ពស់ជីវភាពរស់នៅរបស់ប្រជាជនខ្មែរទូទាំងប្រទេស ឱ្យមានការរីកចម្រើនប្រកបដោយភាពថ្លៃថ្នូរ ស្ថេរភាព និងវឌ្ឍនភាពលើគ្រប់វិស័យ។

ជាថ្មីម្តងទៀត យើងខ្ញុំទាំងអស់គ្នា សូមបួងសួងដល់គុណបុណ្យព្រះរតនត្រ័យនិងវត្ថុស័ក្តិសិទ្ធិទាំងឡាយក្នុងលោក សូមបីបាច់ថែរក្សា និងប្រោះព្រំនូវសព្ទសាធុការពរជ័យជូន សម្តេចតេជោ និងសម្តេចកិត្តិព្រឹទ្ធបណ្ឌិត ព្រមទាំងបុត្រា បុត្រី និងចៅប្រុស ចៅស្រី ជាទីស្រឡាញ់ សូមប្រកបដោយព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

The post អ្នកឧកញ៉ាបណ្ឌិត សំ សុខនឿន  សូមផ្ញើសារជូនពរ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ក្នុងឱកាសឆ្នាំថ្មី ឆ្នាំសកល ២០២៥ appeared first on .

តាមរយៈជំនួបនេះ គណៈប្រតិភូនៃក្រុមហ៊ុនទាំង៤ បានមានឱកាសស្វែងយល់បន្ថែមទៀតអំពីបរិយាកាសវិនិយោគ ការលើកទឹកចិត្តរបស់រាជរដ្ឋាភិបាល និងកិច្ចវិនិយោគលើវិស័យថាមពលស្អាត ជាវិស័យដែលក្រុមហ៊ុនកំពុងមានចំណាប់អារម្មណ៍ស្វែងរកការបណ្ដាក់ទុនវិនិយោគនៅកម្ពុជា ព្រមទាំងឱកាសបង្កើតតំបន់សេដ្ឋកិច្ចពិសេសនៅកម្ពុជាផងដែរ។

នាឱកាសនោះដែរ ឯកឧត្តម ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានជម្រាបជូនក្រុមហ៊ុនទាំង៤ថា កម្ពុជា ជាទីតាំងវិនិយោគដ៏មានសក្តានុពលជាមួយនឹងកម្លាំងពលកម្មវ័យក្មេង ប្រកបដោយថាមវ័ន្តដែលអាចចូលរួមក្នុងផលិតកម្មការងារបានល្អប្រសើរ ពិសេសរាជរដ្ឋាភិបាលកម្ពុជាក្នុងនីតិកាលទី៧ នៃរដ្ឋសភា បានបន្តយកចិត្តទុកដាក់ និងចាត់ទុកផ្នែកឯកជនជាក្បាលម៉ាស៊ីនយ៉ាងសំខាន់សម្រាប់ជំរុញកំណើតសេដ្ឋកិច្ចជាតិ។

គួរបញ្ជាក់ថា អ្នកធុរកិច្ចមកពីក្រុមហ៊ុនចំនួន៤ ដែលចង់បោះទុនវិនិយោគលើវិស័យថាមពលស្អាត និងតំបន់សេដ្ឋកិច្ចពិសេសនៅកម្ពុជា គឺអញ្ជើញមកពីក្រុមហ៊ុន ដូចជា៖ ១. ក្រុមហ៊ុន Bolt Battery Company Limited and Bolt Energy, ២. ក្រុមហ៊ុន Genezen Energy  ៣. ក្រុមហ៊ុន Sam St Investment Pte., Ltd. និង ៤.ក្រុមហ៊ុន Sam Sn Group៕

The post អ្នកឧកញ៉ាបណ្ឌិត សំ សុខនឿន ដឹកនាំប្រតិភូក្រុមហ៊ុនចំនួន៤ ចូលជួបពិភាក្សាការងាជាមួយឯកឧត្តម ស៊ុន ចាន់ថុល លើគម្រោងបោះទុនវិនិយោគវិស័យថាមពល និងតំបន់សេដ្ឋកិច្ចពិសេសនៅកម្ពុជា appeared first on .

អ្នកឧកញ៉ា បណ្ឌិត សំ សុខនឿន បានបញ្ជាក់ថា ការបង្កើតរោងចក្រ តំបន់ឧស្សាហកម្ម ឬសួនឧស្សាហកម្ម និងក្រុងរណបមួយនេះ ធ្វើឡើងនៅក្នុងគោលបំណង បង្កើនការផលិតក្នុងស្រុក បង្កើតការងារជូនពលរដ្ឋ ពង្រីកការវិនិយោគ បង្កើនចំណូលសម្រាប់ក្រុមហ៊ុន នាំចំណូលពន្ធជូនរដ្ឋ និងដើម្បីជាមរកតសម្រាប់គ្រួសារ។

ជាមួយនឹងមហិច្ឆតានេះ អ្នកឧកញ៉ា បណ្ឌិត សំ សុខនឿន បានសង្កត់ធ្ងន់ថា ទោះជាយ៉ាងណា ជាអ្នកជំនាញអចលនទ្រព្យម្នាក់នៅកម្ពុជា អ្នកឧកញ៉ាក៏មិនដែលភ្លេចបេសកកម្មពិសេសរបស់ខ្លួននោះដែរ គឺវិនិយោគអចលនទ្រព្យ។

សូមជម្រាបថា អ្នកឧកញ៉ាបណ្ឌិត សំ សុខនឿន គឺជាប្រធានក្រុមប្រឹក្សាភិបាលនៃសម្ព័ន្ធក្រុមហ៊ុន SAM SN GROUP , ជាប្រធានក្រុមប្រឹក្សាភិបាល ក្រុមហ៊ុន ខេធី ស្ទៀល ស្រ្កាក់ឈ័រ ឯ.ក និងជាអ្នកជំនាញអចលនទ្រព្យមួយរូបនៅកម្ពុជា ជាសមាជិកសកម្មនៃសមាគមឧកញ៉ាកម្ពុជា និងសមាជិកសភាពាណិជ្ជកម្មកម្ពុជា ដែលបញ្ចប់ថ្នាក់បណ្ឌិតពីក្រៅប្រទេស៕

The post អ្នកឧកញ៉ា បណ្ឌិត សំ សុខនឿន បង្ហាញមហិច្ឆតា បង្កើតរោងចក្រនៅក្នុងស្រុកឱ្យបាន៧, តំបន់ឧស្សាហកម្ម និងក្រុងរណបមួយ ត្រឹមរយៈពេល៣ឆ្នាំ appeared first on .

ការប្រគល់ជូនសៀវភៅ ដែលនិពន្ធឡើងបង្ហាញ និងផ្ដល់បទពិសោធន៍ពី ចំណេះដឹង ជំនាញ និងព័ត៌មានក្នុងវិស័យអចលនទ្រព្យពីសំណាក់ អ្នកឧកញ៉ា បណ្ឌិត សំ សុខនឿននេះ ធ្វើឡើងកាលពីរសៀលថ្ងៃទី២៥ ខែវិច្ឆិកា ឆ្នាំ២០២៤ នៅសាកលវិទ្យាល័យភូមិន្ទភ្នំពេញ។

អ្នកឧកញ៉ាបណ្ឌិតបានលើកឡើងថា ការប្រគល់សំណៅឯកសារពាក់ព័ន្ធនឹងការកសាងគ្រឹះក្នុងវិស័យអចលនទ្រព្យ ដឹកនាំជីវិត និងអាជីវកម្មរបស់អ្នកឧកញ៉ា សំ សុខនឿន ដល់បណ្ណាល័យនាពេលនេះ គឺដើម្បីតម្កល់ជាប្រយោជន៍ដល់ការសិក្សាជ្រាវរបស់សិស្ស និស្សិត បញ្ញវ័ន សាស្រ្តាចារ្យ និងមហាជន ទុកជាឯកសារបន្ថែម។

សូមជម្រាបថា អ្នកឧកញ៉ាបណ្ឌិត សំ សុខនឿន គឺជាប្រធានក្រុមប្រឹក្សាភិបាលនៃសម្ព័ន្ធក្រុមហ៊ុន SAM SN GROUP និងជាអ្នកជំនាញអចលនទ្រព្យមួយរូបនៅកម្ពុជា។ ឆ្លងកាត់បទពិសោធន៍យ៉ាងច្រើននៅក្នុងវិស័យអចលនទ្រព្យនេះហើយ ទើបធ្វើឱ្យអ្នកឧកញ៉ា សម្រេចចិត្តសរសេរចងក្រងបទពិសោធន៍ជីវិត ទាំងការសិក្សា ការងារ ជំនួញ ទំនាក់ទំនង ជាពិសេសនោះ គឺគន្លឹះក្នុងមាគ៌ាអចលនទ្រព្យ ដើម្បីឲ្យបងប្អូនប្រជាពលរដ្ឋសិក្សាឈ្វេងយល់ដើរលើវិថីមួយនេះឲ្យបានជោគជ័យគ្រប់ៗគ្នា៕

The post អ្នកឧកញ៉ា បណ្ឌិត សំ សុខនឿន ជូនសៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ា អចលនទ្រព្យ» ដល់បណ្ណាល័យសម្តេចតេជោ ហ៊ុន សែន appeared first on .

អ្នកឧកញ៉ាបណ្ឌិត សំ សុខនឿន ជាប្រធានក្រុមប្រឹក្សាភិបាលនៃសម្ព័ន្ធក្រុមហ៊ុន SAM SN GROUP និងជាប្រធានក្រុមប្រឹក្សាភិបាល ក្រុមហ៊ុន ខេធី ស្ទៀល ស្រ្កាក់ឈ័រ ឯ.ក ដែលជាក្រុមហ៊ុនផលិតផ្គត់ផ្គង់គ្រោងដែក និងសំណង់គ្រោងដែក។ អ្នកឧកញ៉ា បណ្ឌិត ក៏ជាអ្នកជំនាញអចលនទ្រព្យមួយរូបនៅកម្ពុជា និងជាសមាជិកសកម្មនៃសមាគមឧកញ៉ាកម្ពុជា ដែលបញ្ចប់ថ្នាក់បណ្ឌិតពីក្រៅប្រទេស។

សូមជម្រាបជូនថា សភាពាណិជ្ជកម្មកម្ពុជា ត្រូវបានបង្កើតឡើងក្នុងឆ្នាំ២០០៥ ដោយមានទំនាក់ទំនងនៅទូទាំងប្រទេស ព្រមទាំងដៃគូកម្រិតតំបន់ និងពិភពលោក។ បច្ចុប្បន្ន មានសភាពាណិជ្ជកម្មកម្ពុជា មានសភាពាណិជ្ជកម្មរាជធានី-ខេត្ត ចំនួនសរុប១៨ ដែលស្ថិតនៅក្រោមសភាពាណិជ្ជកម្មកម្ពុជា។

សភាពាណិជ្ជកម្ម គឺជាស្ថាប័នមួយមិនសំដៅរកប្រាក់ចំណេញ ដែលសមាជិកភាពមានលក្ខណៈស្ម័គ្រចិត្ត និងជាស្ថាប័នតំណាងការពារផលប្រយោជន៍ជូនវិស័យឯកជនលើផ្នែកពាណិជ្ជកម្ម ឧស្សាហកម្ម សិប្បកម្ម សេវាកម្ម និងកសិកម្ម ដោយធ្វើសកម្មភាពបម្រើឲ្យសេដ្ឋកិច្ចជាតិ ក្នុងដែនសមត្ថកិច្ចរបស់ខ្លួន និងនៅទូទាំងប្រទេស៕

The post រោងចក្រផ្តង់ផ្គងគ្រោងដែក KTSS របស់អ្នកឧកញ៉ា សំ សុខនឿន ក្លាយជាសមាជិកថ្មី របស់សភាពាណិជ្ជកម្មកម្ពុជា appeared first on .

អ្នកឧកញ៉ាបណ្ឌិត បានលើកឡើងកាលពីថ្ងៃទី៤ ខែកញ្ញា ដូច្នេះថា៖ “តោះយេីងខំប្រឹងបន្តទៀត! ខ្ញុំចាំបានថា កាលឆ្នាំ២០១២ ដីនៅក្នុងសង្កាត់ឃ្មួញ  សង្កាត់ក្រាំងធ្នង់ ក្នុងខណ្ឌសែនសុខ តំបន់ខ្លះមានតម្លៃ $10-15/m2 ក៏មាន និងក្រោយមកឡេីងដល់ $30/m2 តែបច្ចប្បន្ននេះ តម្លៃដីនៅតំបន់នេះមានតម្លៃ $250 -$500/m2 បាត់ទៅហេីយ”។ 

“នៅឆ្នាំ២០១២ ខ្ញុំមិនទាន់អាចចាប់ឱកាសបានច្រេីនទេ ខ្ញុំក៏នៅតែស្តាយឱកាសមាសពេលនោះដែរ។ នៅពេលនោះតំបន់នោះមានតែផ្លូវស្រែ ដែលអាចជិះម៉ូតូបាន ពេញទៅដោយស្រូវខៀវស្រងាត់”។ អ្នកឧកញ៉ាបណ្ឌិត បានបន្ថែម។

អ្នកឧកញ៉ាបណ្ឌិត សំ សុខនឿន បានបញ្ជាក់ទៀតថា សុបិនអាចក្លាយជាការពិតបាន លុះត្រាតែយេីងធ្វេីឱ្យសុបិននោះក្លាយជាការពិត។ បេីយេីងមិនធ្វេី នោះសុបិនបានត្រឹមតែសុបិន។ ខំធ្វេី ខំពុះពារ ទេីបបានលទ្ធផល។

សូមជម្រាបថា អ្នកឧកញ៉ាបណ្ឌិត សំ សុខនឿន ជាអ្នកវិនិយោគអចលនទ្រព្យមួយរូប ដែលកំពុងតែបន្តទិញអចលទ្រព្យជាយក្រុងទុក ក៏ព្រោះតែលោក ធ្លាប់បានផលចំណេញ ដីជាងក្រុង។ អ្នកឧកញ៉ាបណ្ឌិត ធ្លាប់លើកឡើងផងដែរថា មានអ្នកវិនិយោគជាច្រើនណាស់ ដែលកំពុងបន្តទិញដីជាងក្រុងដដែល នោះបណ្តាលមកពីគាត់ទាំងនោះភាគច្រើន ធ្លាប់បានចំណេញយ៉ាងច្រើនពីអចលនទ្រព្យ៕

The post អ្នកឧកញ៉ាបណ្ឌិត សំ សុខនឿន សោកស្តាយមិនបានចាប់ឱកាសមាស កាលឆ្នាំ២០១២ appeared first on .

តាមរយៈសារជូនពរ និងអបអរសាទរ សមាគមឧកញ៉ាកម្ពុជាបានលើកឡើងថា ថ្នាក់ដឹកនាំ ក្រុមប្រឹក្សាភិបាល និងសមាជិកនៃសមាគមឧកញ៉ាកម្ពុជា សូមចូលរួមអបអរសាទរ ឧកញ៉ាបណ្ឌិត សំ សុខនឿន សមាជិកសកម្ម នៃសមាគមឧកញ៉ាកម្ពុជា ក្នុងឱកាសដែលព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជាត្រាស់បង្គាប់ផ្តល់គោរមងារជា «អ្នកឧកញ៉ា» ។

សូមជូនពរ អ្នកឧកញ៉ាបណ្ឌិត សំ សុខនឿន និងលោកជំទាវ ព្រមទាំងក្រុមគ្រួសារ ទទួលបាននូវភាពជោគជ័យគ្រប់ភារកិច្ចទាំងពួងនិងប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សូមជម្រាបជូនថា អ្នកឧកញ៉ាបណ្ឌិត សំ សុខនឿន គឺជាប្រធានក្រុមប្រឹក្សាភិបាលក្រុមហ៊ុន SAM SN Group និងជាសមាជិកសកម្មសមាគមឧកញ៉ាកម្ពុជា។ អ្នកឧកញ៉ាបណ្ឌិត សំ សុខនឿន ក៏មានតួនាទីជា ទីប្រឹក្សារបស់ សម្តេចតេជោ ហ៊ុន សែន ប្រធានគណៈបក្សប្រជាជនកម្ពុជា៕

The post សមាគមឧកញ៉ាកម្ពុជា ផ្ញើសារអបអរសាទរ ឧកញ៉ាបណ្ឌិត សំ សុខនឿន ក្នុងឱកាសព្រះមហាក្សត្រត្រាស់បង្គាប់ផ្ដល់គោរមងារ «អ្នកឧកញ៉ា» appeared first on .