តាមរយៈព្រះរាជក្រឹត្យលេខ នស/រកត/០២២៥/២៦០ ព្រះមហាក្សត្របានប្រោសព្រះរាជទានគ្រឿងឥស្សរិយយសតាមលំដាប់ថ្នាក់ ដល់ថ្នាក់ដឹកនាំ ទីប្រឹក្សា គ្រូបង្វឹក កីឡាករ និងកីឡាការិនី នៃសហព័ន្ធកីឡាតេក្វាន់ដូ អាយធីអែហ្វ កម្ពុជា សរុបចំនួន ៣៣រូប យោងតាមសេចក្តីក្រាបបង្គំទូលថ្វាយរបស់ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។ ក្នុងនោះគ្រឿងឥស្សរិយយស «ជាតូបការ» មានចំនួន ៥រូប រួមទាំង អ្នកឧកញ៉ា កី ម៉ានេ។

សូមជម្រាបថា អ្នកឧកញ៉ា កី ម៉ានេ ជាអគ្គនាយិកាក្រុមហ៊ុន ម៉ានេ គ្រុប ដែលមានបុត្រសម្ព័ន្ធសំខាន់ៗមួយចំនួនដូចជា ម៉ានេ ហូថែល ខឺលេកសិន (Mane Hotel Collection), ក្រុមហ៊ុនមេធាវី ម៉ានេ (Mane Law Firm), ម៉ានេ រៀល អ៊ីស្ទេត (Mane Real Estate) និងម៉ានេ ឌីហ្សាញ & ខន់ស្ត្រាក់សិន (Mane Design & Construction)។ លោកស្រី ត្រូវបានព្រះមហាក្សត្រត្រាស់បង្គាប់ផ្តល់គោរមងារ «អ្នកឧកញ៉ា» កាលថ្ងៃទី០៥ ខែមិថុនា ឆ្នាំ២០២៤។

មេដាយជាតូបការ ជាគ្រឿងឥស្សរិយយសប្រភេទមាតុប្រទេស លំដាប់ខ្ពស់ជាងគេបំផុតនៅកម្ពុជា សម្រាប់បំពាក់ជូនចំពោះវរជនដែលមានគុណដ៏ឧត្តុងឧត្តមក្នុងការបម្រើមាតុប្រទេស ហើយត្រូវបានប្រទានដោយព្រះមហាក្សត្រ៕

The post អ្នកឧកញ៉ា កី ម៉ានេ ទទួលបានគ្រឿងឥស្សរិយយស «ជាតូបការ» appeared first on .

លោកជំទាវឧកញ៉ា កី ម៉ានេ ជាអគ្គនាយិកាក្រុមហ៊ុន ម៉ានេ គ្រុប ដែលមានបុត្រសម្ព័ន្ធសំខាន់ៗមួយចំនួន​ដូចជា ម៉ានេ ហូថែល ខឺលេកសិន (Mane Hotel Collection), ក្រុមហ៊ុនមេធាវី ម៉ានេ (Mane Law Firm), ម៉ានេ រៀល អ៊ីស្ទេត (Mane Real Estate) និងម៉ានេ ឌីហ្សាញ & ខន់ស្ត្រាក់សិន (Mane Design & Construction)។ អ្នកឧកញ៉ា ក៏ជាសមាជិកសកម្មមួយរូប នៃសមាគមឧកញ៉ាកម្ពុជា។

ក្រោយទទួលបានគោរមងារ «អ្នកឧកញ៉ា» ខាងលើនេះ សមាគមឧកញ៉ាកម្ពុជា នៅល្ងាច​​ថ្ងៃ​ទី១២ ខែមិថុនា​ ក៏បាន​​ផ្ញើសារ​អបអរសាទរផងដែរ ដែលមានខ្លឹមសារ​ដូច្នេះថា៖ “ថ្នាក់ដឹកនាំ ក្រុមប្រឹក្សាភិបាល និងសមាជិក​នៃសមាគមឧកញ៉ាកម្ពុជា សូមចូលរួមអបអរសាទរ ជំទាវឧកញ៉ា កី ម៉ានេ សមាជិកសកម្ម នៃសមាគមឧកញ៉ា​កម្ពុជា ក្នុងឱកាសដែលព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជា​ណាចក្រកម្ពុជាត្រាស់បង្គាប់ផ្តល់គោរមងារជា «អ្នកឧកញ៉ា» ។ សូមជូនពរ ជំទាវអ្នកឧកញ៉ា កី ម៉ានេ និងឯកឧត្តម ព្រមទាំងក្រុមគ្រួសារ ទទួលបាននូវភាពជោគជ័យគ្រប់ភារកិច្ចទាំងពួង ព្រមទាំងប្រកបដោយ​ពុទ្ធពរ​ទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ”។

The post ព្រះមហាក្សត្រ ត្រាស់បង្គាប់ផ្តល់គោរមងារ «អ្នកឧកញ៉ា» ដល់ឧកញ៉ា កី ម៉ានេ សមាជិកសកម្ម​នៃសមាគមឧកញ៉ាកម្ពុជា appeared first on .