សូមជម្រាបថា អ្នកឧកញ៉ា គង់ សាង គឺជា «ព្រឹទ្ធចារ្យសហស្ថាបនិក» មួយរូបដែលបានលះបង់កម្លាំងកាយចិត្ត ប្រាជ្ញាស្មារតី និងធនធានដោយបានចូលរួមយ៉ាងសកម្មក្នុងការបង្កើត សមាគមឧកញ៉ាកម្ពុជា និងបានបន្តចូលរួម​សហការរហូតសម្រេចបានសមិទ្ធផលជាបន្តបន្ទាប់ និងមានតួនាទីជា សមាជិកក្រុមប្រឹក្សាភិបាល​របស់សមាគមនៅ​ក្នុងអាណត្តិទី១ ចាប់តាំងពីសមាគមឧកញ៉ាកម្ពុជាបានប្រកាសជាផ្លូវកាលពីអំឡុងឆ្នាំ២០២៣មក។

ជាមួយគ្នានេះដែរ អ្នកឧកញ៉ា ក៏ជាអតីតប្រធានសមាគមវាយនភណ្ឌ សម្លៀកបំពាក់ ស្បែកជើង និងផលិតផល​ធ្វើដំណើរនៅកម្ពុជា(TAFTAC) និងជាអនុប្រធាននៃសមាគម WU Chinese Association in Cambodia (WAC) ផងដែរ។ អ្នកឧកញ៉ា គឺជាធុរជនដ៏លេចធ្លោមួយរូបដែលបានរួមចំណែក​ដ៏សំខាន់ក្នុងការកសាង​សេដ្ឋកិច្ច​ជាតិតាមរយៈការបណ្តាក់ទុនផ្ទាល់ និងការកៀរគរវិនិយោគិនពីក្រៅប្រទេស មកវិនិយោគនៅក្នុងប្រទេស ដើម្បី​បង្កើត​ការងាររាប់ម៉ឺនកន្លែងដល់ប្រជាពលរដ្ឋខ្មែរ ព្រមទាំងបានចូលរួមក្នុងការងារមនុស្សធម៌ និងសង្គមកិច្ចជា​ច្រើនទៀត ជាមួយរាជរដ្ឋាភិបាលកម្ពុជានាពេលកន្លងមក។

អ្នកឧកញ៉ា គង់ សាង បានចូលប្រឡូកក្នុងវិស័យជំនួញតាំងពីដើមទសវត្សរ៍ឆ្នាំ១៩៩០មកម្ល៉េះ ដោយក្នុងចន្លោះឆ្នាំ​១៩៩៣ ដល់ឆ្នាំ១៩៩៦ បាននាំចូលនូវផលិតផលមួយចំនួនពីបរទេស មកលក់ក្នុងប្រទេស ជាពិសេសក្រណាត់​សម្រាប់ផ្គត់ផ្គង់ទីផ្សារក្នុងស្រុក។ នាចុងឆ្នាំ១៩៩៦ លោកនិងដៃគូធុរជនចិនតៃវ៉ាន់បានបង្កើត​រោងចក្រកាត់ដេរ​សម្លៀកបំពាក់ និងក្រោយមកទៀតបង្កើតរោងចក្រប៉ាក់។ លោកជាក៏ស្ថាបនិកនៃរោងចក្រ Evergreen Apparel Cambodia Co., Ltd. ក៏ដូចជារោងចក្រ Evergreen Industrial Co., Ltd. និងរោងចក្រ Evergreen Computerized Embroidery Company ផងដែរ។ បន្ថែមលើនេះ លោកក៏បានធ្វើការវិនិយោគ​លើវិស័យផ្សេងៗ​មួយចំនួនទៀត។

ក្នុងអាជីពជាអ្នកវិនិយោគ លោកត្រូវបានទទួលស្គាល់ពីសំណាក់រាជរដ្ឋាភិបាលក្នុងការចូលរួមចំណែកកសាង​សេដ្ឋកិច្ចកម្ពុជា តាមរយៈការបង្កើតការងារជាច្រើនដល់ប្រជាពលរដ្ឋខ្មែរ ព្រមទាំងការងារមនុស្សធម៌ និងសង្គមជាច្រើនទៀត។ អ្នកឧកញ៉ា បានទទួលគ្រឿងឥស្សរិយយសជាច្រើនពីសំណាក់រាជរដ្ឋាភិបាលកម្ពុជា ជាពិសេសគ្រឿងឥស្សរិយយសថ្នាក់កំពូល «ជាតូបការ» ដែលប្រោសព្រះរាជទានដោយព្រះមហាក្សត្រ នៃ​ព្រះរាជាណាចក្រកម្ពុជា។

The post សមាគមឧកញ៉ាកម្ពុជា ផ្ញើលិខិតរំលែកមរណទុក្ខជូនលោកជំទាវ អ៊ាង ហេង ព្រមទាំងក្រុមគ្រួសារ ចំពោះមរណភាពរបស់ អ្នកឧកញ៉ា គង់ សាង appeared first on .

អ្នកឧកញ៉ា គង់ សាង គឺជាអតីតប្រធានសមាគមវាយនភណ្ឌ សម្លៀកបំពាក់ ស្បែកជើង និងផលិតផល​ធ្វើដំណើរ​នៅកម្ពុជា (TAFTAC)។ អ្នកឧកញ៉ា បានលះបង់ពេលវេលា កម្លាំងចិត្ត និងបញ្ញាជាច្រើន ក្នុងការដឹកនាំសមាគម​ដោយភាពសកម្ម ព្រមទាំងប្តេជ្ញាចិត្តយ៉ាងខ្ពង់ខ្ពស់ ក្នុងការចូលរួមអភិវឌ្ឍ TAFTAC និងលើកកម្ពស់វិស័យ​នភណ្ឌ សម្លៀកបំពាក់ ស្បែកជើង និងផលិតផលធ្វើដំណើរ (GFT) របស់កម្ពុជា។

អ្នកឧកញ៉ា ក៏ជាសមាជិកទីប្រឹក្សាសភាពាណិជ្ជកម្មរាជធានីភ្នំពេញ និងជាស្ថាបនិកនៃរោងចក្រ Evergreen Apparel Cambodia Co., Ltd. រោងចក្រ Evergreen Industrial Co., Ltd. និងរោងចក្រ Evergreen Computerized Embroidery Company។ បន្ថែមលើនេះ អ្នកឧកញ៉ាក៏បានធ្វើការវិនិយោគ​លើវិស័យផ្សេងៗ​មួយចំនួនទៀត រួមមានវិស័យអចលនទ្រព្យ និងកសិកម្មផងដែរ៕

The post អ្នកឧកញ៉ា គង់ សាង សហស្ថាបនិកនៃសមាគមឧកញ៉ាកម្ពុជា ទទួលមរណភាពក្នុងជន្មាយុ ៧៣ឆ្នាំ appeared first on .

អ្នកឧកញ៉ា បានលើកឡើងក្នុងមហាសន្និបាតលើកទី ១៦ របស់ TAFTAC កាលពីថ្ងៃទី១៣ ខែមករា ឆ្នាំ២០២៤ ថា ក្រោយការថមថយឥទ្ធិពលជំងឺកូវីដ ១៩ កម្ពុជា បានចាប់ផ្តើមឆ្នាំ២០២២ ប្រកបដោយភាពសុទិដ្ឋិនិយមជាមួយនឹងកំណើននាំចេញយ៉ាងខ្ពស់ក្នុងឆមាសដំបូង។ ជាអកុសល ក្រោយមកសង្គ្រាមនៅប្រទេសអ៊ុយក្រែនចាប់ផ្តើមមាន ផលប៉ះពាល់ជាអវិជ្ជមាន លើស្ថានភាពសេដ្ឋកិច្ចសកល ហើយការនាំចេញរបស់កម្ពុជាបានចាប់ផ្តើមធ្លាក់ចុះជាពិសេសនៅរយៈពេល ៥ ខែចុងក្រោយឆ្នាំ២០២២។

អ្នកឧកញ៉ាបានបន្តថា ទោះយ៉ាងណាកម្ពុជាបានបិទបញ្ចប់ឆ្នាំ២០២២ ជាមួយនឹងកំណើន ១៤ ភាគរយ។ ក្នុងឆ្នាំ២០២៣ កន្លងទៅសេដ្ឋកិច្ចពិភពលោក បានបន្តឆ្លងកាត់ភាពមិនប្រាកដប្រជា និងបញ្ហាប្រឈមជាច្រើន។ បើតាមតួលេខ អគ្គនាយក ដ្ឋានគយ គឺការនាំចេញរបស់វិស័យវាយនភណ្ឌនៅក្នុងឆ្នាំ២០២៣ មានទឹកប្រាក់ប្រមាណ ១១,៤២ ពាន់លានដុល្លារ ធ្លាក់ចុះ ១២ ភាគរយធៀបនឹងឆ្នាំ២០២២ ដែលមានជិត ១៣ ពាន់លានដុល្លារក្នុងនោះ សម្លៀកបំពាក់ធ្លាក់ចុះជាង ១១ ភាគរយ ស្បែកជើងធ្លាក់ចុះ ៨ ភាគរយ ផលិតផលធ្វើដំណើរ និងកាបូបធ្លាក់ចុះ ២១ ភាគរយ និងផលិត វាយនភណ្ឌ ផ្សេងៗទៀតធ្លាក់ចុះប្រហែល ៤ ភាគរយ។

ទោះមានបញ្ហាប្រឈមជាច្រើនយ៉ាងណាក៏ដោយ ក្នុងនាមជាប្រធានសមាគមវាយណភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា អ្នកឧកញ៉ា បានខិតខំមិនឈប់ឈរក្នុងការស្វែងរកការជួយគាំទ្រ ភ្លាមៗពីសំណាក់ រដ្ឋាភិបាល។ ជាក់ស្តែងលើការជួយឧបត្ថម្ភប្រាក់ឈ្នួលដល់កម្មករ និយោជិតក្នុងអំឡុងពេលការព្យួរកិច្ចសន្យា ការងារបណ្តោះអាសន្ន។ ជាបន្តបន្ទាប់សមាគមបានបន្តកិច្ចពិភាក្សាជាប់ជាប្រចាំ ជាមួយដៃគូរាជរដ្ឋាភិបាលលើការជួយគាំទ្រដល់វិស័យឧស្សាហកម្មមួយនេះ។

អ្នកឧកញ៉ា បានបន្ថែមទៀតថា៖ «យើងនឹងជួបបញ្ហាប្រឈមថ្មីៗជាច្រើនទៀតក្នុងរយៈពេលជាច្រើនឆ្នាំខាងមុខ តែខ្ញុំមាន ទំនុកចិត្តថា យើងនឹងអាចជម្នះបញ្ហាប្រឈមទាំងនោះដោយជោគជ័យតាមរយៈការធ្វើការរួមគ្នា។ ខ្ញុំសូមយកឱកាសនេះ ផងដែរដើម្បីអំពាវនាវ ឱ្យសមាជិកទាំងអស់បន្តកិច្ចសហការ និងចូលរួមក្នុងសកម្មភាពនានា របស់សមាគមដើម្បីជួយវិស័យ របស់យើងផងនិងដើម្បីជួយខ្លួនឯងផង»។

បើយោងតាម TAFTAC គិតត្រឹម ខែធ្នូ ឆ្នាំ ២០២៣  សមាគមមានសមាជិកសរុបចំនួន ៧២០ រោងចក្រ/ក្រុមហ៊ុន ក្នុងនោះរោងចក្រកាត់ដេរសម្លៀកបំពាក់ មានចំនួន ៥២៤ រោងចក្រផលិតផលិតផលធ្វើដំណើរ និងកាបូប ចំនួន ៩៣ រោងចក្រផលិតស្បែកជើង ៨ រោងចក្រ ផលិត ផលិតផលផ្សេងៗមានចំនួន ៤៩ និងក្រុមហ៊ុន ផ្សេងៗជាសមាជិកសហការមានចំនួន ៤៦៕

អត្ថបទ៖ សុកធា

The post អ្នកឧកញ៉ា គង់ សាង៖ វិស័យវាយនភណ្ឌ នៅតែដើរតួនាទីសំខាន់សម្រាប់ទីផ្សារនាំចេញកម្ពុជា appeared first on .

លទ្ធផលនៃការជាប់ឆ្នោត ធ្វើឡើងនៅក្នុងសន្និបាតលើកទី១៦ របស់សមាគមវាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា (TAFTAC) ដែលមានការអញ្ជើញចូលរួមពីលោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ អមដោយរដ្ឋលេខាធិការចំនួន៣រូប និងតំណាងក្រសួងពាណិជ្ជកម្ម តំណាងអង្គការអន្តរជាតិ ព្រមទាំងភ្ញៀវកិត្តិយសជាតិ និងអន្តរជាតិផ្សេងៗទៀត កាលពីថ្ងៃទី១៣ ខែមករា ឆ្នាំ២០២៤។

ពិធីសន្និបាតនេះ ធ្វើឡើងក្នុងគោលបំណងបង្ហាញអំពីលទ្ធផលការងារក្នុងអាណត្តិចាស់ និងបោះឆ្នោតជ្រើសរើសប្រធាន និងសមាជិកគណៈកម្មាធិការប្រតិបត្តិថ្មីសម្រាប់អាណត្តិឆ្នាំ២០២៤-២០២៥ ស្របតាមមាត្រា១៨ ក្នុងជំពូកទី៦នៃ លក្ខន្តិកៈ របស់សមាគម។

បេក្ខជនចំនួន ២៦រូបចម្រុះជាតិសាសន៍ ជាម្ចាស់និងថ្នាក់ដឹកនាំជាន់ខ្ពស់របស់រោងចក្រ ត្រូវបានសមាជិកបោះឆ្នោតជ្រើស តាំង ជាសមាជិកគណៈកម្មាធិការប្រតិបត្តិថ្មី សម្រាប់អាណត្តិឆ្នាំ២០២៤-២០២៥ ដែលក្នុងនោះអ្នកឧកញ៉ា គង់ សាង នៅ តែទទួលបានសំឡេងឆ្នោតគាំទ្រច្រើនលើសលប់ ជាប់ជាប្រធានសមាគមបន្តទៀត។

ក្នុងតួនាទីជាប្រធានសមាគមអាណត្តិថ្មី អ្នកឧកញ៉ា គង់ សាង បានថ្លែងអំណរគុណដល់គ្រប់ភាគីពាក់ព័ន្ធ ដែលបានផ្តល់ កិច្ច សហការបានយ៉ាងល្អក្នុងអាណត្តិចាស់ ក្នុងការដោះស្រាយនូវរាល់បញ្ហាប្រឈមនានា ដែលសមាជិកជួបប្រទះក្នុង ប្រតិបត្តិការ ផលិតកម្មប្រចាំថ្ងៃ ក៏ដូចជាការដាក់ចេញនិងអនុវត្តនូវផែនការ និងគោលនយោបាយជាយុទ្ធសាស្ត្រនានា ដើម្បី អភិវឌ្ឍវិស័យរបស់សមាគម ហើយអ្នកឧកញ៉ាក៏សូមអរគុណសមាជិកទាំងអស់ដែលបន្តបោះឆ្នោតជូនលោក ធ្វើជាប្រធាន។

អ្នកឧកញ៉ាបានបន្ថែមថា៖ “ជាមួយនឹងតួនាទីដ៏មានកិត្តិយសនេះ ខ្ញុំ និងសហការីទាំងអស់នៅក្នុងគណៈកម្មាធិការប្រតិបត្តិ ដែលត្រូវបានជ្រើសរើសដោយការបោះឆ្នោត ក៏ដូចជាបុគ្គលិកគ្រប់លំដាប់ថ្នាក់នៃលេខាធិការដ្ឋាន ប្តេជ្ញាបំពេញតួនាទី និង ការទទួលខុសត្រូវរៀងៗខ្លួន ដើម្បីការពារសិទ្ធិ និងផលប្រយោជន៍ស្របច្បាប់របស់សមាជិកទាំងអស់ ក៏ដូចជាការអភិវឌ្ឍន៍ រួម នៃវិស័យរបស់យើង”។

ជាមួយគ្នានោះដែរលោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានវាយតម្លៃខ្ពស់ចំពោះនីតិវិធី និង ការរៀបចំបោះឆ្នោតប្រកបដោយតម្លាភាព និងសម្តែងនូវក្តីអបអរសាទរចំពោះអ្នកឧកញ៉ា គង់ សាង ដែលត្រូវបានសមាជិក បោះឆ្នោតគាំទ្រ ជាប្រធានសមាគម ក៏ដូចជាបេក្ខជន២៥រូបផ្សេងទៀតជា អនុប្រធាន និងសមាជិកគណៈកម្មាធិការ ប្រតិបត្តិ របស់សមាគមសម្រាប់អាណត្តិថ្មី។

បន្ថែមទៀតនោះ រដ្ឋមន្រ្តីក្រសួងការងារ ក៏បានកោតសរសើរនូវកិច្ចសហប្រតិបត្តិការរបស់ក្រសួង និងសមាគមកន្លងមក លើវិស័យការងារ ហើយបានផ្តល់អនុសាសន៍ដល់ក្រុមការងារនៃស្ថាប័នទាំងពីរ និងគ្រប់ភាគីពាក់ព័ន្ធបន្តកិច្ច សហប្រតិបត្តិការ ពង្រឹងការអនុវត្តច្បាប់ ដើម្បីឱ្យ មានតម្លាភាព សម្រាប់វិនិយោគិន ក៏ដូចជាបងប្អូនកម្មករកម្មការិនី។

សូមជម្រាបជូនផងដែរថា អ្នកឧកញ៉ា គង់ សាង ក្រៅពីជាប្រធានសមាគមវាយណភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា លោកក៏ជាស្ថាបនិកនៃរោងចក្រ Evergreen Apparel Cambodia Co., Ltd. រោងចក្រ Evergreen Industrial Co., Ltd. និងរោងចក្រ Evergreen Computerized Embroidery Company។ បន្ថែមលើនេះ អ្នកឧកញ៉ាក៏បានធ្វើការវិនិយោគលើវិស័យផ្សេងៗមួយចំនួនទៀត រួមមានវិស័យអចលនទ្រព្យ និងកសិកម្មផងដែរ។ បច្ចុប្បន្ន អ្នកឧកញ៉ា ក៏ជាទីប្រឹក្សាសភាពាណិជ្ជកម្មកម្ពុជា (CCC) ជាអនុប្រធាន នៃសមាគម WU Chinese Association in Cambodia (WAC) និងជាសមាជិកក្រុមប្រឹក្សាភិបាល និងជាសមាជិកស្ថាបនិកនៃសមាគមឧកញ៉ាកម្ពុជា ផងដែរ៕

អត្ថបទ៖ សុកធា

The post អ្នកឧកញ៉ា គង់ សាង បន្តជាប់ឆ្នោតជាប្រធានសមាគមវាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា នៅក្នុងអាណត្តិថ្មី appeared first on .

ថ្លែងក្នុងជំនួបនោះ លោក​ឧបនាយករដ្ឋមន្ត្រី​ សាយ សំអាល់ រដ្ឋមន្ត្រី​ក្រសួង​រៀប​ចំ​ដែនដី​ នគរូបនីយកម្ម​ និង​សំណង់​ បាន​មានប្រសាសន៍ថា៖ “ក្រសួងរៀបចំដែនដី​ នគរូបនីយកម្ម​ និងសំណង់ ឯកភាពជាមួយសមាគម ក្នុងការ​សម្រួលនីតិវិធី ពេលវេលា និងកម្រៃសេវាក្នុងការចេញវិញ្ញាបណ្ណបត្រ​ប្រើប្រាស់​សំណង់ដល់គ្រប់រោងចក្រ​ទូទាំងព្រះរាជាណាចក្រកម្ពុជាឱ្យបានឆាប់”។

វិញ្ញាបណ្ណបត្រប្រើប្រាស់សំណង់ ជាឯកសារតម្រូវដ៏ចាំបាច់មួយ ដែលបញ្ជាក់ពីសុវត្ថិភាពរបស់អគារ ហើយអ្នក​បញ្ជា​ទិញជាច្រើនទាមទារនូវឯកសារនេះជាអនុលោមភាពផ្នែកសុវត្ថិភាពការងារ។

អ្នកឧកញ៉ា គង់ សាង ប្រធានសមាគម បានថ្លៃងអំណរគុណយ៉ាងជ្រាលជ្រៅចំពោះ លោក​ឧបនាយករដ្ឋមន្ត្រី​ សាយ សំអាល់ និងលោក​រដ្ឋលេខាធិការ អនុរដ្ឋលេខាធិការ ព្រមទាំងសហការី ចំពោះការយកចិត្តទុកដាក់ និងផ្តល់កិច្ចសហការក្នុងការដោះស្រាយបញ្ហាប្រឈមនានា​​របស់វិស័យ ដើម្បីរក្សាបានការអភិវឌ្ឍ​នៃវិស័យ​កាត់ដេរ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា។

សូម​ជម្រាប​ថា អ្នកឧកញ៉ា គង់ សាង ទើប​ត្រូវ​បាន​សម្ដេចវិបុលសេនាភក្តី សាយ ឈុំ ប្រមុខរដ្ឋស្តីទី ​ចេញ​ព្រះរាជក្រឹត្យ​ត្រាស់​បង្គាប់​ផ្តល់​គោរមងារ​​ជា​ «អ្នកឧកញ៉ា» ​នៅ​​ថ្ងៃទី ១៣ ខែកញ្ញា ឆ្នាំ២០២៣។ លោកជា​ស្ថាបនិក​នៃរោងចក្រ Evergreen Apparel Cambodia Co., Ltd. រោងចក្រ Evergreen Industrial Co., Ltd. និងរោងចក្រ Evergreen Computerized Embroidery Company៕

The post អ្នកឧកញ៉ា គង់ សាង ចូលជួបសម្តែងការគួរសម និងពិភាក្សាការងារជាមួយឧបនាយករដ្ឋមន្ត្រី សាយ សំអាល់ appeared first on .

តាមរយៈការ​បង្ហាញ​ឱ្យ​ដឹង​ពី​សមាគម TAFTAC ​អ្នកឧកញ៉ា គង់ សាង ជាជនជាតិខ្មែរ កើតនៅក្នុងឆ្នាំ១៩៤៩ ក្នុងសង្កាត់លេខ៣ រាជធានីភ្នំពេញ និង​បច្ចុប្បន្ន​លោក​ស្នាក់នៅរាជធានីភ្នំពេញ។ លោកបានបញ្ចប់​ការសិក្សា​ថ្នាក់បរិញ្ញាបត្រ​នៅក្នុងរាជធានី​ភ្នំពេញ និងចេះនិយាយភាសាចិនបានស្ទាត់ជំនាញ។

ក្រោយការដួលរលំនៃរបប ប៉ុល ពត លោកបានចាប់ផ្តើមអាជីវកម្ម​ដោយនាំចូលនូវផលិតផល​មួយចំនួន ​ពីបរទេស​មកលក់ក្នុងប្រទេស។ ក្នុងឆ្នាំ១៩៨៥ លោកបានជួបនិងចាប់ដៃគូរអាជីវកម្មជាមួយ​ធុរជនតៃវ៉ាន់ ដោយ​ធ្វើការនាំចូលក្រណាត់មកផ្គត់ផ្គង់ទីផ្សារក្នុងស្រុក។

បន្ទាប់ពីប្រទេសកម្ពុជាមានការបោះឆ្នោតជាសកលជាលើកដំបូងក្នុងឆ្នាំ១៩៩៣ និងសុខសន្តិភាព​ពេញលេញ ក្រោមនយោបាយឈ្នះ-ឈ្នះរបស់ សម្តេចតេជា ហ៊ុន សែន​ លោកនិងដៃគូធុរជនតៃវ៉ាន់​ បានចាប់ផ្តើម​បង្កើត​រោងចក្រកាត់ដេរសម្លៀកបំពាក់ និងក្រោយមកទៀតបង្កើតរោងចក្រប៉ាក់។ លោកជាស្ថាបនិកនៃរោងចក្រ Evergreen Apparel Cambodia Co., Ltd. រោងចក្រ Evergreen Industrial Co., Ltd. និងរោងចក្រ Evergreen Computerized Embroidery Company។ បន្ថែមលើនេះ លោកក៏បានធ្វើការវិនិយោគ​លើវិស័យ​ផ្សេងៗមួយចំនួនទៀត រួមមានវិស័យអចលនទ្រព្យ និងកសិកម្មផងដែរ។

បច្ចុប្បន្ន អ្នកឧកញ៉ា គង់ សាង ជាប្រធានសមាគមវាយណភណ្ឌ សម្លៀកបំពាក់ ស្បែកជើង និងផលិតផល​ធ្វើដំណើរនៅកម្ពុជា ជាទីប្រឹក្សាសភាពាណិជ្ជកម្មកម្ពុជា (CCC) ជាអនុប្រធាន នៃសមាគម WU Chinese Association in Cambodia (WAC) និងជាសមាជិកក្រុមប្រឹក្សាភិបាល និងជាសមាជិក​ស្ថាបនិក​នៃសមាគម​ឧកញ៉ាកម្ពុជា ផងដែរ។

ក្នុងអាជីពជាអ្នកវិនិយោគ លោកបានទទួលនូវការទទួលស្គាល់​ពីសំណាក់រាជរដ្ឋាភិបាល​ក្នុងការចូលរួមចំណែក​កសាងសេដ្ឋកិច្ចកម្ពុជា តាមរយៈការបង្កើតការងារជាច្រើនដល់ប្រជាពលរដ្ឋខ្មែរ ការងារមនុស្សធម៌ និងសង្គម​ជាច្រើនទៀត។ លោកបានទទួលគ្រឿងឥស្សរិយយសជាច្រើនពីសំណាក់រាជរដ្ឋាភិបាលកម្ពុជា រួម​ទាំង​គ្រឿង​ឥស្សរិយ​យស​ថ្នាក់កំពូល “ជាតូបការ” ពីព្រះមហាក្សត្រ។ អ្នកឧកញ៉ា មានចំណងអាពាហ៍ពិពាហ៍​ជាមួយ​លោកស្រី អ៊ាង ហេង ជាជនជាតិខ្មែរ និងមានបុត្រាបុត្រីចំនួន៤នាក់៕

The post ឧកញ៉ា គង់ សាង ប្រធានសមាគម TAFTAC ទទួលបានគោរមងារ «អ្នកឧកញ៉ា» appeared first on .