កិច្ចសន្ទនាធុរកិច្ចនេះ មានការអញ្ជើញចូលរួមដោយ ឯកឧត្តម Nguyen Minh Vu ឯកអគ្គរដ្ឋទូតវិសាមញ្ញ និង​ពេញសមត្ថភាពនៃប្រទេសវៀតណាមប្រចាំកម្ពុជា, ឯកឧត្តម ជា វុទ្ធី អគ្គលេខាធិការនៃគណៈកម្មាធិការវិនិយោគ​កម្ពុជានៃក្រុមប្រឹក្សាអភិវឌ្ឍន៍កម្ពុជា, ឯកឧត្តម ហូ ស៊ីវយ៉ុង ប្រតិភូរាជរដ្ឋាភិបាលកម្ពុជាទទួលបន្ទុក​ជាអគ្គនាយក​សេវាពាណិជ្ជកម្មនៃក្រសួងពាណិជ្ជកម្ម និងឧកញ៉ា ឡេង ឬទ្ធី ប្រធានសមាគមធុរកិច្ចកម្ពុជា-វៀតណាម, សមាជិក សមាជិកា សភាពាណិជ្ជកម្មកម្ពុជា និងធុរជននៃប្រទេសទាំងពីរជាច្រើន។

សភាពាណិជ្ជកម្មកម្ពុជា បានឱ្យដឹងថា កិច្ចសន្ទនានេះរៀបចំឡើងក្នុងគោលបំណងពង្រឹង និងពង្រីកកិច្ចសហ​ប្រតិបត្តិការ​ទ្វេភាគីលើវិស័យសេដ្ឋកិច្ច ពាណិជ្ជកម្ម និងវិនិយោគឱ្យកាន់តែស៊ីជម្រៅ នៃប្រទេសវៀតណាម និងកម្ពុជា។

ថ្លែងនៅក្នុងសន្និសីទនេះ អ្នកឧកញ៉ាប្រធាន បានលើកឡើងថា សន្និសីទនាថ្ងៃនេះគឺជាចំណុចរបត់មួយ ដែល​មិនមែនគ្រាន់តែជាការចាប់ដៃគ្នាប៉ុណ្ណោះទេ ប៉ុន្តែគឺជាការពង្រឹងចំណងសេដ្ឋកិច្ច ការលើកកម្ពស់ពាណិជ្ជកម្ម និងការវិនិយោគទ្វេភាគី និងការស្វែងរកច្រកចូលទីផ្សារកាន់តែទូលំទូលាយសម្រាប់ផលិតផលកម្ពុជា និង​វៀតណាម។

អ្នកឧកញ៉ា គិត ម៉េង បានបន្ថែមទៀតថា បច្ចុប្បន្ន វៀតណាមគឺជាដៃគូពាណិជ្ជកម្មចម្បងរបស់កម្ពុជាក្នុងអាស៊ាន និងជាដៃគូពាណិជ្ជកម្មដ៏ធំបំផុតមួយរបស់កម្ពុជានៅលើពិភពលោក ដែលទំហំពាណិជ្ជកម្មទ្វេភាគីមានរហូតដល់ ១១,៣៣ ប៊ីលានដុល្លារ ស្តែងឱ្យឃើញពីភាពធន់នៃខ្សែច្រវាក់ផ្គត់ផ្គង់សមាហរណកម្ម បើទោះបីជាមានបញ្ហា​ប្រឈមសេដ្ឋកិច្ចសកលក៏ដោយ។

អ្នកឧកញ៉ាប្រធាន ក៏បានលើកសំណូមពរដល់ រដ្ឋាភិបាលប្រទេសទាំងពីរ សូមបើកច្រកព្រំដែនទាំងអស់ទៅជា​ច្រកព្រំដែនអន្តរជាតិ ដើម្បីសម្រួលដល់ពាណិជ្ជកម្ម វិនិយោគ ទេសចរណ៍ និង ការឆ្លងកាត់របស់ប្រជាជន និង សំណូមពរសម្រួលនីតិវិធីឆ្លងកាត់ព្រំដែន ដើម្បីកំណើនសេដ្ឋកិច្ចផងដែរ៕

The post អ្នកឧកញ៉ា គិត ម៉េង ចូលរួមកិច្ចសន្ទនាធុរកិច្ច វៀតណាម-កម្ពុជា ដើម្បីស្វែងរកច្រកចូលទីផ្សារកាន់តែទូលំទូលាយ​សម្រាប់ផលិតផលកម្ពុជា និងវៀតណាម appeared first on .

​ចាប់តាំងពីការបង្កើតឡើងក្នុងឆ្នាំ ១៩៩៦ ​ក្រុមហ៊ុន ខេម ជ្ជីអេសអេម ម.ក. ដែលស្គាល់ជាទូទៅថា ក្រុមហ៊ុន​សែលកាត បានវិនិយោគទឹកប្រាក់ជិត ៥.៥ពាន់លានដុល្លារក្នុងរយៈពេល ៣០ឆ្នាំកន្លងមកនេះ ដើម្បីអភិវឌ្ឍ​ហេដ្ឋារចនាសម្ព័ន្ធទូរគមនាគមន៍ ក្នុងប្រទេសកម្ពុជា ក្នុងនោះ ១.១ពាន់លានដុល្លារ ជាការវិនិយោគលើមូលធន (CAPEX) និង០.៧ ពាន់លានដុល្លារ ជាទឹកប្រាក់សម្រាប់បង់កាតព្វកិច្ចតាមច្បាប់ ជូនរាជរដ្ឋាភិបាលកម្ពុជា។

ការវិនិយោគនេះឆ្លុះបញ្ចាំងពីការប្ដេជ្ញាចិត្តដ៏រឹងមាំ និងគាំទ្រដល់ការអភិវឌ្ឍហេដ្ឋារចនាសម្ព័ន្ធ បង្កើតឱកាសការងារ​ដោយផ្ទាល់ និងប្រយោល ការលើកកម្ពស់ ការវិនិយោគនៅកម្ពុជា និងពង្រីកការតភ្ជាប់សម្រាប់ប្រជាជនកម្ពុជា។

ក្នុងឆ្នាំ ២០២៦នេះ ក្រុមហ៊ុនសែលកាត គាំទ្រយ៉ាងពេញទំហឹង និងដើរស្របតាមអាទិភាពរបស់រាជរដ្ឋាភិបាល​កម្ពុជា ជំរុញការផ្លាស់ប្ដូរឌីជីថលតាមរយៈគំនិតផ្តួចផ្តើមនានា ដូចជាការពង្រីកហេដ្ឋារចនាសម្ព័ន្ធឌីជីថល​ទូទាំង​ប្រទេស ការលើក កម្ពស់ការតភ្ជាប់ឱ្យកាន់តែទូលំទូលាយនិងការអនុវត្តក្របខណ្ឌគោលនយោបាយសេដ្ឋកិច្ច និងសង្គមឌីជីថល។

អ្នកឧកញ៉ា គិត ម៉េង ប្រធានក្រុមប្រឹក្សាភិបាលនៃក្រុមហ៊ុនសែលកាត មានប្រសាសន៍ថា «ការបន្តវិនិយោគ​របស់​ក្រុមហ៊ុនសែលកាត ឆ្លុះបញ្ចាំងពីទំនុក​ចិត្តយ៉ាងរឹងមាំចំពោះអនាគតរបស់កម្ពុជា។ រួមជាមួយដៃគូ យើងកំពុង​កសាង មូលដ្ឋានគ្រឹះឌីជីថលដ៏រឹងមាំមួយ ដែលគាំទ្រដល់កំណើនប្រកបដោយចីរភាព ទាក់ទាញការវិនិយោគ និងលើកកម្ពស់ជីវភាពរស់នៅរបស់ប្រជាជនកម្ពុជាទាំងមូល»។ ​

សូមជម្រាបថា ចាប់ដំណើរការក្នុងឆ្នាំ១៩៩៦ ក្រុមហ៊ុនសែលកាតគឺជាប្រតិបត្តិករទូរគមនាគមន៍ ដ៏ធំមួយ​ដែលបាន​ចុះបញ្ជីលក់មូលបត្រនៅកម្ពុជា និងមានអតិថិជនជាង៤ លាននាក់។ ក្នុងខណៈពេល​ដែលកម្ពុជាកំពុង​បោះជំហាន ទៅកាន់ទំព័រសករាជថ្មី 5G ក្រុមហ៊ុនសែលកាតកំពុងជំរុញការវិវត្តបច្ចេកវិទ្យា ថ្មីៗ ដោយផ្តល់ជូនការភ្ជាប់​ទំនាក់ទំនង​កាន់តែរហ័ស គួរឱ្យទុកចិត្ត និងត្រៀម ខ្លួនជាស្រេចក្នុងការអភិវឌ្ឍវិស័យឌីជីថល នាពេលអនាគត​សម្រាប់ប្រទេសកម្ពុជា៕

The post ក្រុមហ៊ុនសែលកាត អ្នកឧកញ៉ា គិត ម៉េង វិនិយោគទឹកប្រាក់ជិត ៥.៥ពាន់លានដុល្លារ ក្នុងរយៈពេល ៣០ឆ្នាំ ដើម្បីអភិវឌ្ឍហេដ្ឋារចនាសម្ព័ន្ធទូរគមនាគមន៍ នៅកម្ពុជា appeared first on .

កិច្ចប្រជុំរវាងស្ថាប័នរដ្ឋ និងវិស័យឯកជននេះ ធ្វើឡើងក្រោមអធិបតីភាព ឯកឧត្តមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា និង អ្នកឧកញ៉ា​ គិត​ ម៉េង ប្រធានសភាពាណិជ្ជកម្ម និងជាសហប្រធាននៃយន្ដការភាពដៃគូគយ-ផ្នែកឯកជន និងជាប្រធានគណៈកម្មការសម្របសម្រួលក្រុមការងារផ្នែកឯកជន សម្រាប់យន្ដការវេទិការាជរដ្ឋាភិបាល-ផ្នែកឯកជន ព្រមទាំង អ្នកឧកញ៉ា ឧកញ៉ាៗ និង​មន្ត្រីគយជាច្រើនរូប។

សូមជម្រាបថា កិច្ចប្រជុំនេះ មានការពិភាក្សានិងលើកឡើងអំពី ១.ការកែសម្រួលអត្រាពន្ធ និងអាករសម្រាប់ឆ្នាំ២០២៦, ២.ការបន្ធូរបន្ថយបន្ទុកអាករលើតម្លៃបន្ថែមលើផលិតផលតេលសិលា, ៣.សេចក្ដីព្រាងវិធានការបង្ការ និងបង្ក្រាបអំពើរត់គេចពន្ធ និងការពង្រឹងអភិបាលកិច្ចរបស់អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា សម្រាប់អនុវត្ដក្នុងឆ្នាំ២០២៦ និង ៤.ពិភាក្សាដោះស្រាយសំណើបញ្ហា ដែលលើកឡើងដោយផ្នែកឯកជន៕

The post អ្នកឧកញ៉ា​ គិត​ ម៉េង ដឹកនាំប្រតិភូចូលរួមកិច្ចប្រជុំជាមួយអគ្គនាយកដ្ឋានគយ ពិភាក្សាលើរឿង ៤ចំណុច appeared first on .

បើតាមសេចក្តីប្រកាសព័ត៌មានរបស់ក្រុមហ៊ុន RGPPSEZ កាលថ្ងៃទី២៤ ខែមីនា ឆ្នាំ២០២៦ បានឱ្យដឹងថា នៅឆ្នាំ២០២៥ ក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត ម.ក ដែលជាក្រុមហ៊ុនអភិវឌ្ឍ RGPPSEZ បានសម្រេចលទ្ធផលហិរញ្ញវត្ថុដ៏រឹងមាំ ដែលឆ្លុះបញ្ចាំងពីប្រសិទ្ធភាពប្រតិបត្តិការ និងភាពធន់របស់ខ្លួន នៅក្នុងបរិយាកាសសេដ្ឋកិច្ច ដែលមានការប្រែប្រួលជាប្រចាំ។ ក្រុមហ៊ុនបានកត់ត្រាចំណូលសរុបចំនួនទឹកប្រាក់ ៤១,២ លានដុល្លារអាមេរិក និងប្រាក់ចំណេញសុទ្ធចំនួន ៨,១លានដុល្លារអាមេរិក ដែលស្មើនឹងអត្រា ផលចំណេញសុទ្ធ១៩,៧% ដ៏ល្អប្រសើរ។

សកម្មភាពពាណិជ្ជកម្មនៅក្នុងតំបន់សេដ្ឋកិច្ចពិសេស ក៏បានបញ្ជាក់ពីកំណើនគួរឱ្យចាប់អារម្មណ៍ផងដែរ ដែលបង្ហាញពីការកើនឡើងនៃទំនុកចិត្តរបស់វិនិយោគិន និងការពង្រីកប្រតិបត្តិការឧស្សាហកម្ម។ ជាក់ស្ដែង តម្លៃនាំចេញបានកើនឡើងគួរឱ្យកត់សម្គាល់ ពីចំនួនទឹកប្រាក់ ២៨៥,៨៧លានដុល្លារអាមេរិក ក្នុងខែមករា និងខែកុម្ភៈ ឆ្នាំ២០២៥ ដល់ទៅ ៣២៥,៣៦លានដុល្លារអាមេរិក ក្នុងអំឡុងពេលដូចគ្នាក្នុងឆ្នាំ២០២៦ ដែលជាការកើនឡើង១៣,៨%។ និន្នាការកើនឡើងនេះឆ្លុះបញ្ចាំងពីការពង្រីកសមត្ថភាពផលិតកម្មជាបន្តបន្ទាប់ និងការពង្រឹងសកម្មភាពខ្សែសង្វាក់ផ្គត់ផ្គង់នៅក្នុងតំបន់។

RGPPSEZ នៅតែជាអ្នករួមចំណែកដ៏សំខាន់មួយ ចំពោះការបង្កើតឱកាសការងារ និងការអភិវឌ្ឍសេដ្ឋកិច្ចសង្គម នៅក្នុងប្រទេសកម្ពុជា។ គិតត្រឹមខែកុម្ភៈ ឆ្នាំ២០២៦ តំបន់សេដ្ឋកិច្ចពិសេសនេះ ផ្ដល់ឱកាសការងារដល់កម្មករ កម្មការិនីចំនួន ៥៥ ៩៣៥នាក់ ដែលគាំទ្រដល់ជីវភាពរស់នៅ និងរួមចំណែកដល់ការអភិវឌ្ឍកម្លាំងពលកម្មជំនាញ៕

The post តំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ របស់អ្នកឧកញ៉ា គិត ម៉េង ទទួលបានចំណូលសរុប ៤១,២លានដុល្លារ ក្នុងឆ្នាំ២០២៥ appeared first on .

ពិធីក្រុងពាលី​ បើកការដ្ឋានសាងសង់អគារស្នងការដ្ឋាននេះ ធ្វើឡើងក្រោមអធិបតីភាពដ៏ខ្ពង់ខ្ពស់ លោកជំទាវ ញ៉ែម សាខន ស ខេង ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងឯកឧត្តម សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដីនគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ។

ក្នុងឱកាសនោះដែរ ក៏មានវត្តមាន អ្នកឧកញ៉ា គិត ម៉េង, អ្នកឧកញ៉ា លាង ម៉េង, អ្នកឧកញ៉ា លាង ពៅ, អ្នកឧកញ៉ា កុក អាន, អ្នកឧកញ៉ា លី ប៉ោយូ និងឧកញ៉ាៗ អភិបាលរាជធានី ខេត្ត ស្នងការនគរបាលរាជធានី ខេត្ត ព្រមទាំង​ភ្ញៀវកិត្តិយសជាច្រើនរូបទៀតផងដែរ។

សូមជម្រាបថា ស្នងការដ្ឋាននគរបាលខេត្តព្រះសីហនុ បច្ចុប្បន្នដឹកនាំដោយ ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ ដែលលោកទទួលបានការតែងតាំងជាស្នងការខេត្តភាគនិរតីមួយនេះ តាំងពីថ្ងៃទី២៤ ខែសីហា ឆ្នាំ២០២៣៕

The post អ្នកឧកញ៉ា ឧកញ៉ាៗច្រើនរូប ចូលរួមពិធីក្រុងពាលី​ បើកការដ្ឋានសាងសង់អគារស្នងការដ្ឋាននគរបាលខេត្តព្រះសីហនុ appeared first on .

កិច្ចប្រជុំនេះមានការចូលរួមពីបណ្តាលក្រុមហ៊ុនជាតិ និងអន្តរជាតិ សរុប ៣០៦ ក្រុមហ៊ុន និងធុរជនជាតិ និងអន្តរជាតិជិត ៧០០នាក់។ ក្នុងនោះដែរ មានការអញ្ជើញចូលរួមពីសំណាក់ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា, លោកអ្នកឧកញ៉ា លាង ឃុន, អ្នកឧកញ៉ា លាង ម៉េង, អ្នកឧកញ៉ា ជាម ឃុនណាត, អ្នកឧកញ៉ា ឡាវ កាង, អ្នកឧកញ៉ា លឹម ហេង, អ្នកឧកញ៉ា លី ឃុនថៃ, អ្នកឧកញ៉ា សំ សុខនឿន, ឧកញ៉ា តាន់ មុនីវណ្ណ, ឧកញ៉ា សុខ ពិសិដ្ឋ, ឧកញ៉ា ម៉ុង រិទ្ធថា និងឧកញ៉ាៗ​មក​ពីវិស័យឯកជនជាច្រើនរូបទៀត។

សូមជម្រាបថា ព្រឹត្តិការណ៍កិច្ចប្រជុំកំពូលធុរកិច្ច អាស៊ាន-កម្ពុជា ឆ្នាំ២០២៦ ក្រោមមូលបទ “ការផ្លាស់ប្តូរអាស៊ាន៖ នវានុវត្តន៍ សមាហរណកម្ម និងការវិវត្តឧស្សាហកម្ម” ត្រូវបានរៀបចំឡើងដោយ សភាពាណិជ្ជកម្មកម្ពុជា និងសភាពាណិជ្ជកម្មអន្តរជាតិ និងសមាគមពាណិជ្ជកម្មទាំងអស់។ វេទិកានេះនឹងផ្តល់នូវឱកាសសម្រាប់ការផ្គូរផ្គងអាជីវកម្មយ៉ាងទូលំទូលាយ លើកកម្ពស់ការយល់ដឹងគ្នាទៅវិញទៅមកកាន់តែស៊ីជម្រៅ និងពង្រឹងភាពជាដៃគូសហការក្នុងតំបន់៕

The post លោកអ្នកឧកញ៉ា អ្នកឧកញ៉ា ឧកញ៉ាៗច្រើនរូប ចូលរួមកិច្ចប្រជុំកំពូលធុរកិច្ច អាស៊ាន-កម្ពុជា ឆ្នាំ២០២៦ appeared first on .

ក្រុមហ៊ុន រ៉ូយ៉ាល់ គ្រុប របស់អ្នកឧកញ៉ា គិត ម៉េង បានឱ្យដឹងថា ពិធីសូត្រមន្តនេះជាការបង្ហាញអំពីភាពរួចរាល់ និង ត្រៀមខ្លួនរួចជាស្រេចក្នុងការស្វាគមន៍អ្នកជួល ចូលមកប្រត្តិបត្តិការនៅអគារការិយាល័យលំដាប់ខ្ពស់ (Grade A) ថ្មីជាងគេ ដែលមានបំពាក់ដោយបច្ចេកវិទ្យាទំនើបៗ។

គួររំឭកថា កាលថ្ងៃទី៦ ខែមករា ឆ្នាំ២០២៦ កន្លងទៅ អ្នកឧកញ៉ា គិត ម៉េង ប្រធានក្រុមប្រឹក្សាភិបាល និងជានាយកប្រត្តិបត្តិនៃក្រុមហ៊ុន រ៉ូយ៉ាល់គ្រុប ក៏បានអញ្ជើញដៃគូរពាណិជ្ជកម្មទៅទស្សនា អគារ Royal Group Central Tower ដែលជាអគារការិយាល័យលំដាប់ខ្ពស់ Grade A ស្ថិតចំកណ្តាលក្រុងនេះផងដែរ៕

The post អគារ Royal Group Central Tower របស់អ្នកឧកញ៉ា គិត ម៉េង បើកដំណើរការជាផ្លូវការ ដោយមានរៀបចំពិធីសូត្រមន្តប្រោះព្រំ​បែបប្រពៃណីខ្មែរ appeared first on .

សភាពាណិជ្ជកម្មកម្ពុជា ត្រូវបានបង្កើតឡើងក្នុងឆ្នាំ១៩៩៥ ដោយមានទំនាក់ទំនងនៅ ទូទាំង ប្រទេស ព្រមទាំងដៃគូកម្រិតតំបន់ និងពិភពលោក។ បច្ចុប្បន្ន មានសភាពាណិជ្ជកម្មកម្ពុជា មានសភាពាណិជ្ជកម្ម រាជធានី-ខេត្ត ចំនួនសរុប១៨ ដែលស្ថិតនៅក្រោមសភាពាណិជ្ជកម្មកម្ពុជា។

សូមជម្រាបជូនថា សភាពាណិជ្ជកម្ម គឺជាស្ថាប័នមួយមិនសំដៅរកប្រាក់ចំណេញ ដែលសមាជិកភាពមានលក្ខណៈស្ម័គ្រចិត្ត និងជា ស្ថាប័នតំណាងការពារផលប្រយោជន៍ជូនវិស័យឯកជនលើផ្នែកពាណិជ្ជកម្ម ឧស្សាហកម្ម សិប្បកម្ម សេវាកម្ម និងកសិកម្ម ដោយធ្វើសកម្មភាពបម្រើឲ្យសេដ្ឋកិច្ចជាតិ ក្នុងដែនសមត្ថកិច្ចរបស់ខ្លួន និងនៅទូទាំងប្រទេស៕

The post អ្នកឧកញ៉ា គិត ម៉េង ចេញសេចក្តីសម្រេចតែងតាំង ឧកញ៉ា សុខ ហួត ជាទីប្រឹក្សាជាន់ខ្ពស់សភាពាណិជ្ជកម្មកម្ពុជា អាណត្តិទី៥ appeared first on .

សភាពាណិជ្ជកម្មកម្ពុជា បានឱ្យដឹងថា «កិច្ចប្រជុំកំពូលធុរកិច្ចអាស៊ាន-កម្ពុជាឆ្នាំ២០២៦» (Cambodia-ASEAN Business Summit 2026) នៅរាជធានីភ្នំពេញ ក្រោមមូលបទ ការផ្លាស់ប្តូរអាស៊ាន៖ នវានុវត្តន៍ សមាហរណកម្ម និងការវិវត្តឧស្សាហកម្ម (Transforming ASEAN: Innovation, Integration, and Industrial Evolution) ដែលពិធីបើកកិច្ចប្រជុំកំពូលធុរកិច្ចនេះ នឹងប្រព្រឹត្តនៅថ្ងៃទី៤ ខែមីនា ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

កិច្ចប្រជុំកំពូលធុរកិច្ចនេះ មានគោលបំណងពិភាក្សា និងជំរុញយុទ្ធសាស្ត្រ ដែលចាត់ទុកកម្ពុជាជា កាតាលីករ សម្រាប់កំណើនក្នុងតំបន់ និងលើកយកមកបង្ហាញនូវកត្តាអំណោយផលនៃច្បាប់វិនិយោគ និងការអភិវឌ្ឍហេដ្ឋារចនាសម្ព័ន្ធ ដែលដើរតួនាទីយ៉ាងសំខាន់ក្នុងការជំរុញកម្ពុជាឱ្យក្លាយជាដៃគូ «បូកមួយ» (Plus-One Partner) និងជាផ្នែកមួយនៃពិពិធកម្មខ្សែច្រវាក់ផ្គត់ផ្គង់តំបន់៕

The post អ្នកឧកញ៉ា គិត ម៉េង នឹងអញ្ជើញថ្លែងសុន្ទរកថាស្វាគមន៍ក្នុង «កិច្ចប្រជុំកំពូលធុរកិច្ចអាស៊ាន-កម្ពុជាឆ្នាំ២០២៦» appeared first on .

នៅលើបណ្តាញសង្គម អ្នកឧកញ៉ាប្រធានសភាពាណិជ្ជកម្ម បានលើកឡើងថា នៅពេលក្រឡេកមើលពីអតីតកាល ដំណើរទស្សនកិច្ចរបស់សម្តេចមហាបវរធិបតី ហ៊ុន ម៉ាណែត ទៅកាន់​សភាពាណិជ្ជកម្មកម្ពុជា កាលពីថ្ងៃទី១៩ ខែកុម្ភៈ ឆ្នាំ២០១៦ នៅតែជាពេលវេលាដ៏មានអត្ថន័យនៃកិច្ច​សហប្រតិបត្តិការរួមគ្នារបស់យើង។ ទស្សនកិច្ចនេះ​មិនត្រឹមតែជាពិធីផ្លូវការមួយប៉ុណ្ណោះទេ ប៉ុន្តែក៏ជានិមិត្តរូបមួយ​មានអានុភាពនៃទំនុកចិត្ត ការសន្ទនា និងភាពជា​ដៃគូរ​វាងរាជរដ្ឋាភិបាល និងសហគមន៍ធុរកិច្ចកម្ពុជាផងដែរ។

ទស្សនកិច្ចនាពេលនោះជាសារដ៏សំខាន់មួយបង្ហាញថា វឌ្ឍនភាពជាតិប្រកបដោយចីរភាពត្រូវបាន​បង្កើតទ្បើង​តាមរយៈកិច្ចសហការយ៉ាងជិតស្និទ្ធរវាងថ្នាក់ដឹកនាំរដ្ឋាភិបាល និងសហគ្រាសឯកជន។ កិច្ចសន្ទនា គោលដៅរួមគ្នា និងស្មារតីនៃកិច្ចសហប្រតិបត្តិការរបស់យើងនៅតែបន្តមានរហូតមកដល់សព្វថ្ងៃនេះ  ហើយរំឭកយើងពីព្រឹត្តិការណ៍​ដ៏សំខាន់មួយដែលពង្រឹងទំនុកចិត្តរបស់យើង និងបង្ហាញពីកិច្ចសហការកាន់តែច្បាស់លាស់ ឆ្ពោះទៅរកវឌ្ឍនភាព​នៃសេដ្ឋកិច្ច។

អ្នកឧកញ៉ា គិត ម៉េង បានបន្ថែមថា នៅពេលយើងគិតទៅដល់ទស្សនកិច្ចនាថ្ងៃនោះ យើងដឹងថា ភាពជាដៃគូ​ដែល​ត្រូវបានបង្កើតទ្បើងដោយ​ភាព​ស្មោះត្រង់ និងប្រកបដោយចក្ខុវិស័យ បន្សល់ទុកនូវលទ្ធផលជាផ្លែផ្កាយូរអង្វែង។ ភាពជាដៃគូនេះមិនត្រឹមតែ​ផ្តល់ផលល្អ​ដល់ដំណើរការស្ថាប័នប៉ុណ្ណោះទេ ប៉ុន្តែក៏ដល់អនាគតប្រទេសជាតិផងដែរ៕

The post អ្នកឧកញ៉ា គិត ម៉េង រំឭកអនុស្សាវរីយ៍ដំណើរទស្សនកិច្ចរបស់សម្តេចធិបតី ហ៊ុន ម៉ាណែត ទៅកាន់​សភាពាណិជ្ជកម្មកម្ពុជា កាល១០ឆ្នាំមុន appeared first on .