អ្នកឧកញ៉ា គឹម សុខអេង បានលើកឡើងថា អ្នកដែលសល់លុយច្រើន គួរតែទិញអចលនទ្រព្យ ព្រោះថាចាប់តាំងពីកើតមានវិបត្តិ​កូវីដ១៩​មក តម្លៃអចលនទ្រព្យបានធ្លាក់ចុះជាបន្តបន្ទាប់។ យ៉ាងណាមិញក្នុងពេលដែលសេដ្ឋកិច្ចងើបឡើងវិញ តម្លៃអនចលនទ្រព្យនឹងមិនបន្តចុះទៀតនោះ ហើយអាចនឹងមាននិន្នាការឡើងថ្លៃនៅឆ្នាំក្រោយ បន្ទាប់ពីសេដ្ឋកិច្ចរីកចម្រើន។ ដូច្នេះហើយ នៅឆ្នាំ២០២៥នេះ គឺជាឱកាសល្អ សម្រាប់អ្នកមានបំណងចង់ទិញលំនៅឋាន។

ជាមួយគ្នានេះ អ្នកឧកញ៉ាកត់សម្គាល់ឃើញថា រាជរដ្ឋាភិបាលកម្ពុជា បានដាក់ចេញនូវវិធានការជាច្រើន ដើម្បីជួយសម្រួលដល់វិស័យអចលនទ្រព្យ ដូចជា ការជួយសម្រួលអត្រាការប្រាក់ក្នុងការបង់រំលស់រយៈពេលវែង និងការលើកលែងពន្ធប្រថាប់ត្រាការទិញអចលនទ្រព្យលើកដំបូង លក្ខណៈជាបុរី ឬខុនដូ ក្នុងតម្លៃ២១ម៉ឺនដុល្លារអាមេរិកចុះក្រោមជាដើម។

គួររំឭកថា រដ្ឋាភិបាលសម្រេចលើកលែង និងអនុគ្រោះពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ សម្រាប់អ្នកទិញលំនៅឋានមានលក្ខណៈជាបុរី ឬ ខុនដូ និងផ្ទេរកម្មសិទ្ធិជាលើកដំបូង (First-Time Home Buyer) ដែលមានតម្លៃក្រោម ឬមានតម្លៃស្មើនឹង ២១ម៉ឺនដុល្លារអាម៉េរិក។ ការលើកលែងពន្ធនេះ ត្រូវអនុវត្តចាប់ថ្ងៃទី១ ខែមករា រហូតដល់ដំណាច់ឆ្នាំ២០២៥។ នេះបើតាមសេចក្តីជូនដំណឹងរបស់ក្រសួងសេដ្ឋកិច្ច និងហិរញ្ញវត្ថុ កាលពីថ្ងៃទី៣១ ខែធ្នូ ឆ្នាំ២០២៤។

ការលើកលែងនិងការអនុគ្រោះពន្ធប្រថាប់ត្រាខាងលើនេះ គឺធ្វើឡើងស្របតាមការសម្រេចរបស់ប្រមុខរដ្ឋាភិបាល សម្តេចធិបតី ហ៊ុន ម៉ាណែត នាយករដ្ឋមន្ត្រី ដើម្បីជួយសម្រួលដល់ប្រជាពលរដ្ឋ ដែលបានទិញលំនៅឋានពីក្រុមហ៊ុនអភិវឌ្ឍន៍លំនៅឋាន និងការជួយដល់អ្នករកស៊ីក្នុងវិស័យអចលនទ្រព្យផងដែរ៕

The post អ្នកឧកញ៉ា គឹម សុខអេង៖ ឆ្នាំ២០២៥នេះ ជាឱកាសល្អសម្រាប់អ្នកមានបំណងចង់ទិញលំនៅឋាន appeared first on .

កាលពីថ្ងៃទី៣ ខែធ្នូ ឆ្នាំ២០២៤ លោក ឯក ឃុនឌឿន អភិបាលរង​រាជធានី​ភ្នំពេញ អញ្ជើញ​ដឹកនាំមន្រ្តីជំនាញ និងអាជ្ញាធរពាក់ព័ន្ធចុះ​ត្រួតពិនិត្យ​គម្រោង​សាងសង់​ផ្លូវ​បេតុង និង​ស្ពាន​ឆ្លង​កាត់​ប្រឡាយ​ទឹក​អូវែង​បឹង​ឈូក ដែលត្រូវបានសាងសង់ឡើងដោយគម្រោង ខេខេ ដឹរេស៊ីដិន ៥៩៨ ស្ថិត​នៅ​ភូមិ​បឹងឈូក សង្កាត់​គីឡូម៉ែត្រ​លេខ៦ ខណ្ឌ​ឫស្សីកែវ រាជធានី​ភ្នំពេញ។

លើទំព័រហ្វេសប៊ុកផ្ទាល់ខ្លួនអ្នកឧកញ៉ា គឹម សុខអេង បានឲ្យដឹងថា ការ​សាងសង់​ផ្លូវ​បេតុង និង​ស្ពាន​ឆ្លង​ដ៏​ស្រស់​ស្អាត​នេះ ដើម្បី​ប្រគល់​ជូន​ដល់​រាជរដ្ឋាភិបាល​កម្ពុជា តាមរយៈ​សាលា​រាជធានី​ភ្នំពេញ ដើម្បី​ទុក​ជា​ប្រយោជន៍សាធារណៈ ហើយ​នេះ​ក៏​បាន​ជួយ​ដល់​សេដ្ឋកិច្ច​ជាតិ​ឲ្យ​រីកចម្រើន​មួយ​ចំណែក​ថែម​ទៀត ព្រោះ​ផ្លូវ​ស្អាត​​ងាយ​ស្រួល​ក្នុង​ការ​ធ្វើ​ចរាចរ។ អ្នកឧកញ៉ាបន្តថា លើសពីនេះ ដើម្បីរួមចំណែក និងជួយសេដ្ឋកិច្ចជាតិឲ្យកាន់តែរីកចម្រើនថែមទៀត។

មិន​តែ​ប៉ុណ្ណោះ​ផ្លូវ​មួយ​ខ្សែ​នេះ​ក៏​បាន​ជួយ​សម្រួល​ដល់​សេដ្ឋកិច្ច​គ្រួសារ​របស់​បងប្អូន​ប្រជាពលរដ្ឋ ដែល​នៅ​ម្ដុំ​នោះ សម្រាប់​ការ​ប្រកប​របរ​រស់នៅ​ចិញ្ចឹម​ជីវិត។

ជាមួយនឹងផែនការចូលរួមលើកកម្ពស់សេដ្ឋកិច្ច និងសោភ័ណ្ឌភាពក្នុងរាជធានីភ្នំពេញផហនោះ បុរី KK The Residences 598 ក៏ត្រូវបានវិនិយោគឡើងជាផ្ទះអាជីវកម្មបែបទំនើប សាកសមបំផុតសម្រាប់លោកអ្នកដែលចង់បានផ្ទះរស់នៅផង ប្រកបអាជីវកម្មផង ហើយខាងក្រៅមានរចនាបទជា Shop House ខាងក្នុងមានសួនរុក្ខជាតិបៃតង ពន្លឺធម្មជាតិ ធ្វើឲ្យបរិយាកាសនៃការរស់នៅប្រកបដោយផាសុកភាព។

ហេតុផលដ៏សំខាន់ដែលលោកអ្នកគួរជ្រើសរើសនៅគម្រោង ខេខេ ដឹ រេស៊ីដេន ៥៩៨ នោះគឺ៖

• ទីតាំងល្អចម្ងាយត្រឹមតែ 50ម៉ែត្រ ពីបណ្ដោយជា សុផារ៉ា (ផ្លូវ៥៩៨)
• ជិតផ្សារអ៊ីអន២ ងាយស្រួលទិញទំនិញ
• ទីតាំងល្អ ត្រឹមតែ 3នាទីពីក្រសួររៀបចំដែនដី នគរូបណីយកម្ម និងសំណង់ និងក្រសួងសាធារណការ និងដឹកជញ្ជូន និងស្នងការដ្ឋាននគរបាលរាជធានីភ្នំពេញ
  -លក្ខខណ្ឌនៃការបង់ប្រាក់មានច្រើនជម្រើសសម្រាប់អតិថិជន
• មានផ្សារទំនើបនៅក្នុងគម្រោង។ល។

The post ម្ចាស់គម្រោង ខេខេ ដឹ រេស៊ីដិន 598 អ្នកឧកញ៉ា គឹម សុខអេង ប្រគល់ផ្លូវប៉េតុង និងស្ពានឆ្លងកាត់ប្រឡាយទឹកដល់រាជរដ្ឋាភិបាល appeared first on .

ការផ្តល់គោរមងារអ្នកឧកញ៉ាជូនឧកញ៉ា គឹម សុខអេង តាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្រ្តី។

សូមជម្រាបជូនថា កាលដែលព្រះករុណាជាអម្ចាស់ជីវិតតម្កល់ត្បូងត្រាស់បង្គាប់ផ្តល់គោរមងារអ្នកឧកញ៉ានេះ គឺរំលងមិនដល់មួយខែផងបន្ទាប់ពីឧកញ៉ា គឹម សុខអេង ទទួលបានគោរមងារឧកញ៉ា ពោលគឺនៅថ្ងៃទី​០៦ ខែកក្កដា ឆ្នាំ២០២៣។

លោក គឹម សុខអេង ​ត្រូវ​បានដឹងថា​ ជា​ម្ចាស់បុរី ខេស៊ី (Borey KC) ​នៅ​ជិត​ផ្សារ​ព្រែកព្នៅ ខណ្ឌ​ព្រែកព្នៅ។ លោក​ឧកញ៉ាក៏​ជា​អគ្គនាយក Eng Design & Construction, ស្ថាបនិក​ក្លិប​ហាត់ប្រាណ​ បឹងកេងកង និង​ជា​សហស្ថាបនិក​ក្រុមហ៊ុន​ពុះ​ដីឡូត៍ នៅ​ខេត្ត​កោះកុងផងដែរ។ លើសពីនេះឧកញ៉ាក៏ជាជំនួយការឯកឧត្ដម អ្នកឧកញ៉ាបណ្ឌិត យូ សាម៉េត ទៀតផង៕

The post ព្រះមហាក្សត្រ ផ្តល់គោរមងារ«អ្នកឧកញ៉ា» ជូនឧកញ៉ា គឹម សុខអេង appeared first on .