អ្នកឧកញ៉ា ឃុន សៀ ជាម្ចាស់ក្រុមហ៊ុន ឃុន សៀ ឌីវេឡុបមេន គ្រុប ដែលត្រូវបានគេដឹងថា ជាក្រុមហ៊ុនអភិវឌ្ឍន៍​លើ​គម្រោងធំៗជាច្រើន ដូចជា សាងសង់ទីកក្រុងមេគង្គ ឃី (Mekong Quay City) ស្ថិតនៅក្រុងអរិយក្សត្រ ខេត្តកណ្តាល, ការបង្កើតទីក្រុងរណប ទីតាំងអភិវឌ្ឍ​លំនៅឋានតម្លៃ​សមរម្យ​ និងតំបន់ទេសចរណ៍ជាច្រើន​ទីតាំង​ផ្សេងទៀត។

សូមជម្រាបជូនថា សភាពាណិជ្ជកម្មកម្ពុជា ត្រូវបានបង្កើតឡើងក្នុងឆ្នាំ១៩៩៥ ដោយមានទំនាក់ទំនងនៅ​ទូទាំង​ប្រទេស ព្រមទាំងដៃគូកម្រិតតំបន់ និងពិភពលោក។ បច្ចុប្បន្ន មានសភាពាណិជ្ជកម្មកម្ពុជា មានសភាពាណិជ្ជកម្ម​រាជធានី-ខេត្ត ចំនួនសរុប១៨ ដែលស្ថិតនៅក្រោមសភាពាណិជ្ជកម្មកម្ពុជា។

សភាពាណិជ្ជកម្ម គឺជាស្ថាប័នមួយមិនសំដៅរកប្រាក់ចំណេញ ដែលសមាជិកភាពមានលក្ខណៈស្ម័គ្រចិត្ត និងជា​ស្ថាប័នតំណាងការពារផលប្រយោជន៍ជូនវិស័យឯកជនលើផ្នែកពាណិជ្ជកម្ម ឧស្សាហកម្ម សិប្បកម្ម សេវាកម្ម និងកសិកម្ម ដោយធ្វើសកម្មភាពបម្រើឲ្យសេដ្ឋកិច្ចជាតិ ក្នុងដែនសមត្ថកិច្ចរបស់ខ្លួន និងនៅទូទាំងប្រទេស៕

The post អ្នកឧកញ៉ា គិត ម៉េង ចេញសេចក្តីសម្រេចតែងតាំង អ្នកឧកញ៉ា ឃុន សៀ ជាទីប្រឹក្សាជាន់ខ្ពស់​សភាពាណិជ្ជកម្មកម្ពុជា អាណត្តិទី៥ appeared first on .

ក្រុមហ៊ុន ឃុន សៀ ឌីវេឡុបមេន គ្រុប របស់អ្នកឧកញ៉ា ឃុន សៀ ត្រូវបានគេដឹងថា ជាក្រុមហ៊ុនអភិវឌ្ឍន៍លើ​គម្រោងធំៗជាច្រើន ដូចជា សាងសង់ទីកក្រុងមេគង្គ ឃី (Mekong Quay City) ស្ថិតនៅក្រុងអរិយក្សត្រ ខេត្តកណ្តាល, ការបង្កើតទីក្រុងរណប ទីតាំងអភិវឌ្ឍ​លំនៅឋានតម្លៃ​សមរម្យ​ និងតំបន់ទេសចរណ៍ជាច្រើន​ទីតាំងផ្សេងទៀត។

សូមជម្រាបថា សមាគមអ្នកសាងសង់កម្ពុជា ត្រូវបានបង្កើតឡើង​​ក្រោម​ការផ្តួចផ្តើមដោយ​ក្រសួងរៀបចំដែនដី នគរូបនីយកម្ម និងសំណង់ និងលោក​អ្នកឧកញ៉ា ពុង ឃាវសែ អគ្គនាយកក្រុមហ៊ុន OCIC ហើយ​បាន​ចុះបញ្ជី​នៅ​ក្រសួង​មហាផ្ទៃ​ ជាផ្លូវការ​ នៅថ្ងៃទី១៦ ខែវិច្ឆិកា ឆ្នាំ២០១១។ សមាគមនេះ​បង្កើតឡើងមានចក្ខុវិស័យធំៗចំនួន៣ គឺ៖ ១)ប្រែក្លាយ​ឧស្សាហកម្មសំណង់​របស់ជាតិ ជាឧស្សាហកម្ម​ប្រកបដោយ​ទំនុកចិត្ត ផលិតភាព គណនេយ្យភាព និង​ការប្រកួត​ប្រជែង ទាំង​ក្នុង​ទីផ្សារជាតិ និង​អន្តរជាតិ, ២)ធ្វើឱ្យ​សមាជិកទាំងអស់​របស់​សមាគម​ក្លាយជា​​អ្នកសាងសង់​មាន​លំដាប់ស្តង់ដា​ខ្ពស់ និង​ចំណាត់ថ្នាក់​លំដាប់​អន្តរជាតិ និង ៣)ជាអង្គការ​ជួយ​សម្របសម្រួល​ទំនាក់ទំនង​រវាង​រាជ​រដ្ឋាភិបាល និង​ផ្នែក​ឯកជន​ក្នុង​វិស័យ​សំណង់ ដើម្បី​ផ្តល់នូវ​ផលប្រយោជន៍ ដល់ឧស្សាហកម្ម​សំណង់។

សមាគមអ្នកសាងសង់កម្ពុជា (CCA) សម្រាប់​អាណត្តិទី៦ (២០២៦-២០២៨)​​ មានសមាសភាព​​ថ្នាក់ដឹកនាំ​ថ្មី​​​ចំនួន ១១រូប ក្នុងនោះ ឧកញ៉ា ឆារស៍ វ៉ាន់ នាយកគ្រប់គ្រងនៃក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក (CAIC) បានជាប់ជាប្រធានសមាគម។

The post អ្នកឧកញ៉ា ឃុន សៀ ក្លាយជាសមាជិក នៃសមាគមអ្នកសាងសង់កម្ពុជា appeared first on .

ការចូលរួមឧបត្ថម្ភថវិការបស់ អ្នកឧកញ៉ា ឃុន សៀ គឺជាការចូលរួមចំណែកលើកទឹកចិត្តដល់កងទ័ពកម្ពុជាដ៏អង់អាចក្លាហានរបស់កម្ពុជា ដែលកំពុងឈរជើងជាប់ជាប្រចាំដើម្បីការពារបូរណភាពទឹកដី នៅតាមបណ្តោយព្រំដែនកម្ពុជា-ថៃ។

សម្តេចតេជោ ហ៊ុន សែន តាមរយៈថ្លែងការណ៍ចេញពីព្រឹទ្ធសភា បានអំពាវនាវប្រជាពលរដ្ឋទាំងអស់ ឱ្យចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នាជាធ្លង់មួយនៃខឿនការពារជាតិរបស់កម្ពុជា។

ឆ្លៀតឱកាសនេះ យើងខ្ញុំសូមបួងសួងដល់ ទេវតារក្សាទឹកដីនៃព្រះរាជាណាចក្រកម្ពុជា បុព្វបុរសខ្មែរគ្រប់ព្រះអង្គ និងវត្ថុសក្តិសិទ្ធិក្នុងលោក សូមតាមថែរក្សាការពារកងទ័ពកម្ពុជារបស់យើង ឱ្យជួបប្រទះតែសេចក្តីសុខ ជៀសផុតពីជំងឺដង្កាត់ទាំងឡាយ ហើយឈ្នះអស់ខ្មាំងសត្រូវ៕

The post អ្នកឧកញ៉ា ឃុន សៀ ចូលរួមឧបត្ថម្ភថវិកា ១,០០០,០០០ដុល្លារ (១លានដុល្លារ) ដល់កងទ័ពជួរមុខ ដែលកំពុងឈរជើងការពារបូរណភាពទឹកដីកម្ពុជា appeared first on .

អ្នកឧកញ៉ា ឃុន សៀ កន្លងមកតែងតែចូលរួមឧបត្ថម្ភថវិកាជារៀងរាល់ឆ្នាំ ដល់កាកបាទក្រហមកម្ពុជាសម្រាប់ទិវា ៨ឧសភា។ កន្លងមកនេះ អ្នកឧកញ៉ាក៏តែងតែបានចូលរួមឧបត្ថម្ភថវិកា ជួយដល់យុទ្ធនាការផ្សេងៗរបស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។

ការចូលរួមឧបត្ថម្ភគាំទ្រជាថវិកា និងសម្ភារៈ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

គួររម្លឹកថាកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅក្នុងឆ្នាំ២០២៤កន្លងទៅ បានជួយប្រជាពលរដ្ឋងាយគ្រោះដោយផ្ទាល់ និងតាមខ្នងផ្ទះ រួមទាំងប្រយោលជាង ២លាននាក់៕

The post អ្នកឧកញ៉ា ឃុន សៀ បរិច្ចាគថវិកាចំនួន ១០ម៉ឺនដុល្លារអាម៉េរិក ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ appeared first on .

ព្រះរាជក្រឹត្យរបស់ព្រះមហាក្សត្រលេខ នស/រកត/០៧២៤/៩០១ ត្រូវបានធ្វើឡើងតាមសេចក្តីក្រាបបង្គំទូលថ្វាយរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងតាមសំណើរបស់ លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា។

តាមរយៈព្រះរាជក្រឹត្យខាងលើ គោរមវន្តឧកញ៉ា ចំនួន ៤រូប ដែលទទួលបានគ្រឿងឥស្សរិយយស «ជាតូបការ» រួមមាន៖ អ្នកឧកញ៉ា ស៊ី ម៉េងម៉េង, អ្នកឧកញ៉ា លីម មុយស៊ឺ, អ្នកឧកញ៉ា ឃុន សៀ និង ឧកញ៉ា សុខ បញ្ញារិទ្ធ។ ក្រៅពីអ្នកឧកញ៉ា និងឧកញ៉ា ក៏មានលោកស្រីបណ្ឌិត លីម លីណា។

សូមជម្រាបថា មេដាយជាតូបការ ជាគ្រឿងឥស្សរិយយសប្រភេទមាតុប្រទេស លំដាប់ខ្ពស់ជាងគេបំផុតនៅកម្ពុជា សម្រាប់បំពាក់ជូនចំពោះវរជនដែលមានគុណដ៏ឧត្តុងឧត្តមក្នុងការបម្រើមាតុប្រទេស ហើយត្រូវបានប្រទានដោយព្រះមហាក្សត្រ៕

The post អ្នកឧកញ៉ា និងឧកញ៉ា ៤រូប ទទួលបានគ្រឿងឥស្សរិយយស «ជាតូបការ» appeared first on .

ក្នុងឱកាសអញ្ជើញក្នុងពិធីបើកការដ្ឋានទីក្រុងមេគង្គ ឃី (Mekong Quay City) ស្ថិតក្នុងក្រុងអរិយក្សត្រ ខេត្តកណ្តាល ក្រោមអធិបតីភាពសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នាព្រឹកថ្ងៃទី១៧ ខែធ្នូ ឆ្នាំ២០២៤នេះ លោក ឃុន សេងផេង នាយកប្រតិបត្តិក្រុមហ៊ុន ធីភី ម៉ូរ៉ាល់ គ្រុប បានឱ្យដឹងថា ទីក្រុងមេគង្គ ឃី ស្ថិតក្នុងក្រុងអរិយក្សត្រ ជាគម្រោងមួយត្រូវបានសិក្សាយ៉ាងយកចិត្តទុកដាក់ល្អិតល្អន់ នៅលើផ្ទៃដីទំហំប្រមាណ ២១០ហិកតា ដែលមានទីតាំងស្ថិតនៅតាមដងទន្លេមេគង្គ ទល់មុខទន្លេចតុមុខ ហើយមានចម្ងាយត្រឹមតែ ៥គីឡូម៉ែត្រប៉ុណ្ណោះ ពីរមណីយដ្ឋានវប្បធម៌ប្រវត្តិសាស្ត្រវត្តភ្នំ។

លោកបានបន្តថា ទីក្រុងមេគង្គ ឃី ជាទីតាំងមួយផ្តល់នូវអំណោយផលយ៉ាងល្អឥតខ្ចោះ សម្រាប់ការអភិវឌ្ឍជាទីក្រុងនាពេលអនាគត។ ចំពោះផ្ទៃដីប្រមាណ ១៤០ហិកតា នៃទំហំផ្ទៃដីសរុប ក្រុមហ៊ុនគ្រោងអភិវឌ្ឍដោយបែងចែកជា ៦វិស័យសំខាន់ៗដូចខាងក្រោម៖

១. វិស័យពាណិជ្ជកម្ម៖ រួមមានបណ្តុំអគារការិយាល័យ ផ្សារទំនើបតាមដងទន្លេ ដែលជាការអភិវឌ្ឍសំខាន់ក្នុងគោលដៅជំរុញសេដ្ឋកិច្ច ប្រកបដោយភាពទាក់ទាញបំផុត សម្រាប់បម្រើដល់តម្រូវការជាច្រើន ដល់អ្នកវិនិយោគទាំងក្នុង និងក្រៅប្រទេស។

២. វិស័យលំនៅឋាន៖ រួមមាន បុរី ខុនដូ វីឡាឯកជន ដែលមានរចនាបថបែបសម័យ គុណភាព ទស្សនីយភាពប្លែក និងគិតគូរដល់បរិស្ថាន ដោយប្រើប្រាស់បច្ចេកវិទ្យាមានភាពច្នៃប្រឌិត មានភាពទាក់ទាញសម្រាប់ការរស់នៅ ប្រកបដោយនិរន្តរភាព។

៣. វិស័យបដិសណ្ឋារកិច្ច៖ មានដូចជា សណ្ឋាគារលំដាប់អន្តរជាតិ រីស៊ត ភោជនីយដ្ឋាន និងមជ្ឈមណ្ឌលសន្និបាត ដែលនឹងអភិវឌ្ឍតាមការរចនាបែបប្រណីត មានអត្ថន័យវប្បធម៌ រួមជាមួយសេវាកម្មមានស្តង់ដាខ្ពស់ ដើម្បីបំពេញតម្រូវការទាំងភ្ញៀវជាតិ និងអន្តរជាតិ។

៤. វិស័យអប់រំ៖ រួមមានការបង្កើតសាលារៀន បណ្ណាល័យ មជ្ឈមណ្ឌលបណ្តុះបណ្តាលបច្ចេកវិទ្យា និងជំនាញ។ ទាំងនេះ មានសារៈសំខាន់ចំពោះការអភិវឌ្ឍចំណេះដឹង ជំនាញ ការផ្តល់ឱកាសដល់អ្នកជំនាន់ក្រោយ និងសហគមន៍ ជាពិសេសពោរពេញដោយបរិយាកាសល្អ ដែលនឹងលើកស្ទួយដល់ការរៀនសូត្រ និងភាពច្នៃប្រឌិតខ្ពស់។

៥. វិស័យសុខាភិបាល៖ ក្រុមហ៊ុនក៏មានបំណងចូលរួមជាមួយរាជរដ្ឋាភិបាល ដើម្បីពង្រឹងប្រព័ន្ធសុខាភិបាល តាមរយៈការបង្កើតមន្ទីរពេទ្យ ឃ្លីនិក មជ្ឈមណ្ឌលសុខភាព ដែលនឹងបំពាក់គ្រឿងបរិក្ខារទំនើបៗ មានភាពងាយស្រួលក្នុងការផ្តល់សេវាកម្មជូនប្រជាជន និងមានតម្លៃសមរម្យ។

៦. វិស័យទេសចរណ៍ និងវប្បធម៌៖ ផ្នែកនេះ នឹងត្រូវបង្កើតឡើងដើម្បីជួយជំរុញដល់ការផ្សព្វផ្សាយវប្បធម៌ និងជាមជ្ឈមណ្ឌលទាក់ទាញភ្ញៀវទេសចរណ៍ជាតិ និងអន្តរជាតិ។ ទីតាំងនេះ នឹងរួមបញ្ចូលសារៈមន្ទីរ រោងមហោស្រប ដែលនឹងបង្ហាញពីសិប្បកម្មក្នុងស្រុក ការសម្តែងសិល្បៈប្រពៃណី និងប្រវត្តិសាស្ត្រខ្មែរ។ ជាពិសេសនឹងមានការរួមបញ្ចូលជាមួយបច្ចេកវិទ្យាបញ្ញាសិប្បនិម្មិត (AI) និង VR ដែលអាចផ្តល់នូវភាពទាក់ទាញ បទពិសោធន៍ថ្មី ជូនភ្ញៀវទេសចរណ៍កាន់តែទទួលបានភាពងាយស្រួល ក្នុងការស្វែងយល់ពីវប្បធម៌ខ្មែរ។

ដោយឡែកចំពោះផ្ទៃដី ៧០ហិកតា ដែលនៅសល់ លោកបានបន្តថា គឺមានសារៈសំខាន់យ៉ាងខ្លាំង សម្រាប់ចក្ខុវិស័យក្នុងការអភិវឌ្ឍ នាពេលអនាគត។ ផ្នែកនេះនឹងត្រូវបានគ្រោងទុកសម្រាប់រៀបចំហេដ្ឋារចនាសម្ព័ន្ធ ក្នុងនោះរួមមានរៀបចំបណ្ដាញផ្លូវសាធារណៈ ដូចជា (ផ្លូវបើកបរយានជំនិះ ផ្លូវថ្មើរជើងសួនច្បារសាធារណៈ កន្លែងហាត់ប្រាណ និងរៀបចំតំបន់សួនច្បារបៃតងតាមដងទន្លេរដ៏ធំទូលាយ ដែលមានទទឹងរហូតដល់ទៅ៥០ម៉ែត្រ និងប្រវែង ៦គីឡូម៉ែត្រ ក្នុងគោលដៅលើកស្ទួយគុណភាពនៃការរស់នៅរបស់ប្រជាពលរដ្ឋ និងបម្រើជាផលប្រយោជន៍សាធារណៈ។

សម្តេចធិបតី ហ៊ុន ម៉ាណែត នាយករដ្ឋមន្ត្រី ក៏បានបញ្ជាក់ថា ការវិនិយោគសាងសង់គម្រោងទីក្រុងដ៏ធំនេះ គឺជាការវិនិយោគដ៏ត្រឹមត្រូវមួយ ដែលបានបង្ហាញថា វិស័យអចលនទ្រព្យនៅកម្ពុជា បាននិងកំពុងងើបឡើងវិញជាបណ្តើរៗ។ គម្រោងនេះ នឹងរួមចំណែកបំពេញក្តីប្រាថ្នារបស់ប្រជាជនផង និង ជំរុញកំណើនសេដ្ឋកិច្ចជាតិជារួមផង តាមរយៈការជួយបង្កើនភាពសកម្មនៃវិស័យអចលនទ្រព្យ វិនិយោគ ពាណិជ្ជកម្ម បដិសណ្ឋារកិច្ច ក៏ដូចជាការជួយផ្សព្វផ្សាយវប្បធម៌ និងទេសចរណ៍របស់កម្ពុជា៕

The post កូនប្រុសអ្នកឧកញ៉ា ឃុន សៀ បង្ហើបថាការសាងសង់ទីក្រុងមេគង្គ ឃី គ្រោងបែងចែកជា ៦វិស័យសំខាន់ៗ appeared first on .

សូមជម្រាបថា ទីក្រុងមេគង្គ ឃី (Mekong Quay City) មានផ្ទៃដីទំហំប្រមាណ ២១០ហិកតា ស្ថិតនៅតាមដងទន្លេមេគង្គទល់មុខទន្លេចតុមុខ ដែលនឹងរៀបចំសាងសង់ដោយបែងចែកជាផ្នែកសំខាន់ៗ ដូចជា ផ្នែកអគារពាណិជ្ជកម្មលក្ខណៈទំនើប, ផ្សារទំនើប, មជ្ឈមណ្ឌលអប់រំ, សណ្ឋាគារស្តង់ដាអន្តរជាតិ, មជ្ឈមណ្ឌលទេសចរណ៍ និងវប្បធម៌ ។ល។

ការវិនិយោគសាងសង់គម្រោងទីក្រុងដ៏ធំនេះ គឺជាការវិនិយោគដ៏ត្រឹមត្រូវមួយ ដែលបានបង្ហាញថា វិស័យអចលនទ្រព្យនៅកម្ពុជា បាននិងកំពុងងើបឡើងវិញជាបណ្តើរៗ ។ គម្រោងនេះ នឹងរួមចំណែកបំពេញក្តីប្រាថ្នារបស់ប្រជាជនផង និង ជំរុញកំណើនសេដ្ឋកិច្ចជាតិជារួមផង តាមរយៈ ការជួយបង្កើនភាពសកម្មនៃវិស័យអចលនទ្រព្យ, វិនិយោគ, ពាណិជ្ជកម្ម, បដិសណ្ឋារកិច្ច, ក៏ដូចជាការជួយផ្សព្វផ្សាយវប្បធម៌ និង ទេសចរណ៍របស់កម្ពុជា៕

The post អ្នកឧកញ៉ា ហេង សៀ សូមអបអរសាទរ អ្នកឧកញ៉ា ឃុន សៀ ក្នុងឱកាសបើកការដ្ឋានសាងសង់ទីក្រុងមេគង្គ ឃី ក្នុងក្រុងអរិយក្សត្រ appeared first on .

ក្នុងនាមជាគ្រូបង្វឹកកិត្តិយស សម្តេចតេជោ ហ៊ុន សែន នឹងដឹកនាំការប្រកួតបាល់ទាត់ដើម្បីមនុស្សធម៌ចំនួនពីរ ប្រកួត នៅពហុកីឡដ្ឋានជាតិអូឡាំពិក រួមមានជំនួបរវាងក្រុម Vloggers All Star Vs បាល់ទះ S&E All Star និងជំនួបរវាង CFSS Vs Kun Khmer All Star ផងដែរ។

ការប្រកួតបាល់ទាត់នេះធ្វើឡើង ក្រោមមូលបទ «រួមគ្នាដើម្បីសប្បុរសធម៌ និងប្រយុទ្ធប្រឆាំងគ្រឿងញៀន» និងដើម្បី ប្រមូល ថវិកា ជួយមន្ទីរពេទ្យគន្ធបុប្ផា។ ជាមួយគ្នានេះ សម្តេចតេជោ ក៏សូមអំពាវនាវសប្បុរសជនចូលរួមជួយថវិកា សម្រាប់ជួយដល់ មន្ទីរពេទ្យគន្ធបុប្ផា ដែលកំពុងត្រូវការសម្រាប់ព្យាបាលដល់ កុមារកម្ពុជា។ សម្តេចតេជោ ក៏បានប្រកាសថា សម្តេច និងសម្តេចកិត្តិព្រឹទ្ធបណ្ឌិត បានចូលរួម ថវិកា  ចំនួន ២០០លាន រៀល។

សម្រាប់សប្បុរសជនចង់ ចូល រួមតាមរយៈសម្តេចក្នុងព្រឹត្តិការណ៍ប្រកួតបាល់ទាត់មនុស្សធម៌នេះ សូមទាក់ទងទៅលោក សេង ទៀង ដែលមាន លេខទូរស័ព្ទ ០១២ ៩៦១ ៩៧១៕

The post អ្នកឧកញ៉ា ឃុន សៀ និងលោកជំទាវ ឧបត្ថម្ភថវិកា ១០ម៉ឺនដុល្លារ ជូនដល់មន្ទីរពេទ្យគន្ធបុប្ផា តាមរយៈការប្រកួតបាល់ទាត់មនុស្សធម៌ appeared first on .

ក្នុង​វេទិការដ្ឋ-ឯកជន លើកទី៤​ ស្តីពី​ការ​អភិវឌ្ឍនគរូបនីយកម្មកម្ពុជា-ជប៉ុន ​​​នៅ​ទីស្តីការក្រសួងរៀបចំដែនដី នគរូបនីយកម្ម និង​សំណង់ នា​ព្រឹក​ថ្ងៃ​ព្រហស្បតិ៍ លោក ប្រាក់​ អង្គារ៉ា ​​បាន​​បង្ហាញ​អំពី​គម្រោង​អភិវឌ្ឍ​លំនៅឋាន​តម្លៃ​សមរម្យ​នៅ​កម្ពុជា មានដូចជា៖

១. លំនៅឋាន​ទីក្រុងរណប​សិរីមង្គល ៖ អភិវឌ្ឍដោយ​ក្រុមហ៊ុនវើលដ៏ប៊្រីដ ហូម (World Bridge Home) របស់​អ្នកឧកញ៉ា សៀ ឬទ្ធី។ ក្រុមហ៊ុន​បុត្រសម្ព័ន្ធថ្មី​មួយទៀត ​របស់ វើលប៊្រីដ គ្រុប ដែលបានបង្កើតឡើងក្នុងឆ្នាំ ២០១៧ មួយ​នេះ ​​បាន​សាងសង់​គម្រោង​លំនៅឋាន​តម្លៃ​សមរម្យ​សុទ្ធសាធ​ លើ​ផ្ទៃដី ២៤ហិកតា ចំនួន​លំនៅឋាន ២៤៥៧​ខ្នង ស្ថិតនៅភូមិកោះគរ សង្កាត់រកាខ្ពស់ ក្រុងតាខ្មៅ ខេត្តកណ្ដាល។ មក​ដល់​បច្ចុប្បន្ន​ក្រុមហ៊ុន​នេះ បាន​បញ្ចប់​ការសាងសង់ ១០០%។

២. បុរីសែនមនោរម្យ ព្រែកតាទែន ៖ អភិវឌ្ឍ​ដោយ​ក្រុមហ៊ុន B & BM Development Co.,Ltd ​របស់​ អ្នកឧកញ៉ា ផាត់ ប៊ុន។ គម្រោង​នេះ​ សាងសង់​លើ​ផ្ទៃដី ៤០,៥៦​ហិកតា មាន​ប្រភេទ​លំនៅឋាន​ច្រើន​ ប៉ុន្តែ​ក្នុង​នោះ​មាន​លំនៅឋាន​តម្លៃ​សមរម្យ​ចំនួន ៧០០​ខ្នង ហើយ​​ចែក​ការសាង់សង់​ជា​២​ដំណាក់​កាល។ បច្ចុប្បន្ន​គម្រោង​មួយ​នេះ បាន​សាងសង់​ដំណាក់កាលទី១ បាន​ ៩៧%។ បុរីសែនមនោរម្យ ព្រែកតាទែន ​ស្ថិតនៅភូមិ​ស្លែងដីដុះ ឃុំព្រែកតាទែន ស្រុកពញាឮ ខេត្តកណ្ដាល។

ក្រៅពី​គម្រោង​របស់​អ្នកឧកញ៉ា​ទាំង​២​រូប​ខាង​លើ លោក ប្រាក់​ អង្គារ៉ា ​​​បាន​បង្ហាញ​ឱ្យ​ដឹង​ទៀត​ថា គម្រោង​ទី៣ គឺ​បុរីហ្គេ្រនផាក របស់​លោក តាំង សេងប៉ ​​​​ស្ថិត​នៅ​ភូមិទួលកី សង្កាត់ភ្លើងឆេះរទេះ ខណ្ឌ​កំបូល​ រាជធានីភ្នំពេញ។ បុរីហ្គេ្រនផាក ​សាងសង់​លើ​ផ្ទៃដី ៥,១៦​ហិកតា មាន​លំនៅឋាន​តម្លៃ​សមរម្យ​ចំនួន ២០០​ខ្នង សាងសង់​ដំណាក់កាលទី១ រួចរាល់ ១០០% និង​ដំណាក់កាលទី២ សម្រេច​ការ​សាងសង់​បាន ២៧%។

ចំណែក​ឯ​គម្រោង​ទី៤ ​គឺ​លំនៅឋាន​អារ៉ាខាវ៉ា របស់​ក្រុមហ៊ុន​ជប៉ុន ស្ថិតនៅភូមិផ្សារទឹកថ្លា សង្កាត់ទឹកថ្លា ខណ្ឌ​សែនសុខ រាជធានីភ្នំពេញ។ គម្រោងនេះជាប្រភេទ​ខុនដូ ​លើ​ផ្ទៃ​ដី ១,៣៦ហិកតា ដែលមានចំណែកឯនជនសរុប ៣១៦៤​ យូនីត និង​ប្រភេទ​​ខុនដូ​លំនៅឋាន​តម្លៃ​សមរម្យ​ចំនួន ១៩២៨​យូនីត។ បច្ចុប្បន្ន​ គម្រោង​លំនៅឋាន​អារ៉ាខាវ៉ា បាន​សាងសង់​រួចរាល់ ១០០%។

លោក ប្រាក់​ អង្គារ៉ា ​អគ្គនាយក​លំនៅឋាន បាន​បង្ហើប​ឱ្យ​ដឹង​ផង​ដែរ​ថា ​ក្នុង​ពេល​ឆាប់ៗ​ខាង​មុខ​នេះ កម្ពុជា​នឹង​មាន​គម្រោង​អភិវឌ្ឍន៍​លំនៅឋាន​តម្លៃ​សមរម្យ​ទី៥ ​​អភិវឌ្ឍ​ដោយ​ក្រុមហ៊ុន​ ឃុន​ សៀ​ អ៊ីមផត​ អិចផត​​ របស់​អ្នក​ឧកញ៉ា ឃុន សៀ នៅក្រុងអរិយក្សត្រ ខេត្ត​កណ្តាល​ ដែលគ្រោងទុនវិនិយោគប្រហែល​ ៤​ពាន់លានដុល្លារ​អាមេរិក។

សូម​ជម្រាប​ថា បន្ទាប់ពី​រាជរដ្ឋាភិបាល​បាន​ដាក់​ចេញ​គោលនយោបាយជាតិ​ស្តីពី​លំនៅឋាន ចាប់ពីឆ្នាំ២០១៤​ ក្រសួងរៀបចំដែនដី នគរូបនីយកម្ម និងសំណង់ បាននិង​កំពុងសហការជាមួយវិស័យឯកជន បន្ត​ជំរុញការ​អនុវត្តគម្រោងសាងសង់លំនៅឋានតម្លៃសមរម្យ ដើម្បីធានាឱ្យប្រជាពលរដ្ឋ​ ដែលមាន​ចំណូលមធ្យម ចំណូល​ទាប និងងាយរងគ្រោះ មានលទ្ធភាពទិញលំនៅឋាន​សម្រាប់ការរស់នៅ​ប្រកបដោយសុខុមាលភាព សុវត្ថិភាព និងសេចក្តីថ្លៃថ្នូរ៕

The post ណែនាំឱ្យស្គាល់អ្នកឧកញ៉ា ២រូប ជាម្ចាស់គម្រោងលំនៅឋានតម្លៃសមរម្យ នៅកម្ពុជាបច្ចុប្បន្ន appeared first on .

ការចុះពិនិត្យ​របស់​​ក្រុមការងារ​ក្រសួង​ជំនាញ​ ដែល​ដឹកនាំ​​ដោយ​លោក ផារ៉ា មង្គល​ នេះ ​​បាន​ធ្វើ​ឡើង​ បន្ទាប់ពី​លោក ផាន ផល្លា រដ្ឋលេខាធិការ​ក្រសួង​សេដ្ឋកិច្ច និង​ហិរញ្ញវត្ថុ បាន​បើក​កិច្ចប្រជុំ​​ក្រុមការងារ​អន្តរក្រសួង ប្រជុំពិភាក្សា​អំពី​​គម្រោង​អភិវឌ្ឍលំនៅឋានតម្លៃសមរម្យរបស់ក្រុមហ៊ុន​ ឃុន​ សៀ​ អ៊ីមផត​ អិចផត កាលពីថ្ងៃ​ទី២០ ខែមិថុនា ឆ្នាំ២០២៣ កន្លង​ទៅ ដើម្បី​សិក្សា​លម្អិត​លើ​គម្រោង​អភិវឌ្ឍ​មួយ​នេះ​បន្ថែម។

​សណ្ឋាន​ដី​នៃ​ទីតាំង​គម្រោង​នេះ​ ជា​ទីតាំងដីដុះ ដែល​តម្រូវ​ឱ្យ​មានការចាក់ថ្ម និងចាក់ខ្សាច់ ពីព្រោះ​ពី​មុនមក​មានការបាក់ដីរហូត។ ការអភិវឌ្ឍ​ ត្រូវ​បាន​គេ​រំពឹង​ថា​នឹងធ្វើឱ្យ​លែង​មាន​ការ​បាក់​ច្រាំង​ទន្លេ​ពី​ធម្មជាតិ​ទៀត​ ព្រោះ​ការ​អភិវឌ្ឍ​ច្រាំង​ទន្លេ​នេះ​មាន​លក្ខណៈ​ទ្រង់ទ្រាយ​ធំ និង​ចំណាយ​ថវិកា​ច្រើន។

លោក គង់ សោភ័ណ អភិបាលខេត្តកណ្តាល​ ធ្លាប់​បាន​​គូស​បញ្ជាក់​ថា ​ក្នុងការ​ចាក់​ថ្ម​របស់​គម្រោង​​​ខាង​លើ​ លោក​​មើល​ទៅ​លក្ខណៈ​ប្រហាក់​ប្រហែល​នឹង​ការ​អភិវឌ្ឍ​នៃ​តំបន់​កោះពេជ្រ និង​កោះ​នរា​ដែរ។ ម្យ៉ាង​ទៀត​ ក្រុមហ៊ុន​បាន​ជួល​ដីរដ្ឋ​មាន​កិច្ចសន្យា​តាម​ច្បាប់​ត្រឹមត្រូវ ខ្ទង់​៥០ឆ្នាំ​ ហើយ​ទំហំ​ប្រមាណ ៧០​ហិកតា ដើម្បី​ធ្វើការ​វិនិយោគ​​ អភិវឌ្ឍ​ជា​តំបន់​ទេសចរណ៍​ អគារ​ពាណិជ្ជកម្ម​ខ្ពស់ៗ ខុនដូ ផ្សារ​ទំនើប​ និង​​អគារ​លំនៅឋាន ដែល​នឹង​អាច​ជួយ​ជំរុញ​កំណើន​សេដ្ឋកិច្ច​នៅ​ក្នុង​មូលដ្ឋាន។

​សូម​ជម្រាប​ថា ​ក្រុមហ៊ុន​ ឃុន​ សៀ​ អ៊ីមផត​ អិចផត (Khun Sea Import Export Co., Ltd) ទទួល​បាន​សិទ្ធិ​វិនិយោគ​​លើ​ផ្ទៃដី​ជាង ៧០ហិកតា ក្នុង​រយៈពេល ៥០ឆ្នាំ ​​ដោយ​មាន​ សជណ របស់​ទីស្តីការគណៈរដ្ឋមន្ត្រី កាលខែ​មេសា ឆ្នាំ២០១៩។ ​គម្រោង​អភិវឌ្ឍ​របស់​ក្រុមហ៊ុន​នេះ​ មាន​ទទឹង ៦០០ម៉ែត្រ បណ្តោយជិត ៤គីឡូម៉ែត្រ ​ផ្ទៃក្រឡាជាង ៧០ហិកតា ចាប់ពីកំពង់ចម្លងអរិយក្សត្រ រហូតដល់វត្តសារិកាកែវ ច្រាំង​ទន្លេ​មេគង្គ ភាគ​ខាង​ត្បូង​សង្កាត់​អរិយក្សត្រ​ ក្រុងអរិយក្សត្រ ខេត្តកណ្តាល៕

The post កូនប្រុសលោក ជា សុផារ៉ា ចុះពិនិត្យទីតាំងគម្រោងអភិវឌ្ឍក្រុមហ៊ុនរបស់អ្នកឧកញ៉ា ឃុន សៀ លើទុនវិនិយោគ ៤ពាន់លានដុល្លារ appeared first on .