ពិធីសូត្រមន្តចម្រើនព្រះបរិត្ត បានប្រារព្ធទៅតាមគន្លងប្រពៃណីព្រះពុទ្ធសាសនាដ៏ផូរផង់ ដោយមានការបូជាទៀនធូប ផ្កាភ្ញី គ្រឿងសក្ការៈនានា ថ្វាយព្រះរតនត្រៃ និងបាននិមន្ត ព្រះធម្មវនវាសី ចន្ទមុនី ព្រះសមុហ៍គណខេត្តព្រះសង្ឃាធិបតីវត្តចន្ទប្បជោនារាម (ហៅវត្តតាសុត) ដើម្បីចម្រើនព្រះបរិត្ត ស្វាធ្យាយជយន្តោ ពុទ្ធជ័យមង្គល ជូនដល់លោកជំទាវ ហ៊ុន ម៉ាណា អគ្គនាយិកា អ្នកឧកញ៉ា ជាម ឃុនណាត និងអ្នកឧកញ៉ា តេង ហឿង សហនាយកប្រតិបត្តិ ថ្នាក់ដឹកនាំ បុគ្គលិក នៃក្រុមហ៊ុនអ័រគីដេ ឌីវែឡុបម៉ិន ភ្ញៀវកិត្តិយសទាំងអស់ ព្រមទាំងក្រុមគ្រួសារ ជាកិច្ចទទួលអំណរសាទរឆ្នាំថ្មីប្រពៃណីជាតិខ្មែរ។

គួររំលឹកផងដែរថា​ កាលចុងសប្តាហ៍មុន ក្រុមហ៊ុន អ័រគីដេ ឌីវែឡុបម៉ិន បានរៀបចំបុណ្យភូមិអ័រគីដេ នៅគម្រោងអ័រគីដេដឹរ៉ូយ៉ាល់ខុនដូ (Orkide The Royal Condominium) ផ្លូវ២០០៤ ប្រកបដោយជោគជ័យ។ ក្រុមហ៊ុនក៏នឹងបន្តរៀបចំកម្មវិធី បុណ្យភូមិអ័រគីដេ នៅគម្រោង The Botanic City នៅថ្ងៃទី៤ ខែមេសា ឆ្នាំ២០២៦ បន្ថែមទៀត ដោយមានការរៀបចំជាស្តង់បង្ហាញ និងលក់ម្ហូប សិប្បកម្ម និងផលិតផលខ្មែរ ការលេងល្បែងប្រជាប្រិយ ការរាំលេងកំសាន្តជាមួយចង្វាក់ប្រពៃណីខ្មែរ និងការសំដែងសិល្បះវប្បធម៌បុរាណខ្មែរផ្សេងៗទៀត ក្នុងគោលបំណងចូលរួមលើកស្ទួយ និងផ្សព្វផ្សាយសិល្បះវប្បធម៌ប្រពៃណីខ្មែរ ជូនដល់សាធារណៈជន និងក្មេងៗជំនាន់ក្រោយ ព្រមទាំងផ្ដល់នូវស្នាមញ្ញឹម និងអនុស្សាវរីយ៍ដ៏ល្អៗផងដែរ៕ ​

The post អ្នកឧកញ៉ា ជាម ឃុនណាត និងអ្នកឧកញ៉ា តេង ហឿង អមដំណើរលោកជំទាវ ហ៊ុន ម៉ាណា អញ្ជើញប្រារព្វពិធីសូត្រមន្តទទួលអំណរសាទរឆ្នាំថ្មីប្រពៃណីជាតិខ្មែរ appeared first on .

ជារៀងរាល់ឆ្នាំ អ្នកឧកញ៉ា តេង ហឿង និងលោកជំទាវ​ ​​តែងតែចូលរួម​បរិច្ចាគទ្រព្យ​ធន​ផ្ទាល់​ខ្លួន​ជូន​ដល់កាកបាទក្រហម​កម្ពុជា និងចូលរួមឧបត្ថម្ភថវិកាជួយដល់យុទ្ធនាការផ្សេងៗ របស់ប្រមុខ​រាជរដ្ឋាភិបាល ព្រម​ទាំង​បានចូលរួមឧបត្ថម្ភដល់​កម្មវិធី​សប្បុរសជាច្រើនទៀត។

សូមជម្រាបថា ខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៤ នឹង​ប្រារព្វឡើង​ក្រោមប្រធានបទ «រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹង​អាកាស​ធាតុ»។ ថវិកា​ដែល​ទទួល​បាន​ពី​សប្បុរសជន សមាគមជាតិមួយនេះ​នឹង​​ប្រើប្រាស់​ដើម្បី​បន្តផ្តល់សេវាកម្មមនុស្សធម៌ ដោះស្រាយបញ្ហា​ប្រឈម​នានា បន្តពង្រឹងភាពធន់សហគមន៍ និងជួយសម្រាលទុក្ខលំបាកប្រជាពលរដ្ឋរងគ្រោះ និង​ងាយរងគ្រោះបំផុត តាម​គោលការណ៍​គ្រឹះរបស់ចលនាអន្តរជាតិកាកបាទក្រហម និងអឌ្ឍចន្ទក្រហម៕

The post អ្នកឧកញ៉ា តេង ហឿង បរិច្ចាគថវិកា ៥ពាន់ដុល្លារ ជូនកាកបាទក្រហមកម្ពុជា appeared first on .

​ដឹណេតឆឺរ៉ល របស់បុរី ហ្គោលដេន ផាក ជាគម្រោងអភិវឌ្ឍលំនៅឋានបែបសហគមន៍​ធម្មជាតិបៃតង សាងសង់​នៅលើផ្ទៃដីទំហំ ៦០ហិកតា នៅលើផ្លូវជាតិ 6A ហ៊ុមព័ទ្ធទៅដោយតំបន់សក្តានុពលសេដ្ឋកិច្ចខ្លាំង និងហេដ្ឋា​រចនា​សម្ព័ន្ធដ៏ល្អប្រសើរ ជាទីតាំងលូតលាស់សម្បូរបែប។ បច្ចុប្បន្ននេះ បុរី ហ្គោលដេន ផាក កំពុងមានភាព​លេចធ្លោ​ក្នុងតំបន់ជ្រោយចង្វារ និងត្រូវបានគាំទ្រយ៉ាងខ្លាំង ពីសំណាក់អតិថិជនទៅលើប្រភេទ​ផ្ទះប្រណិតៗ​ដូចជា វីឡាឃីង វីឡាឃ្វីន វីឡាព្រីន វីឡាភ្លោះ វីឡាកូនកាត់ និងហូមអហ្វីស ដែលពេញនិយម និងទាន់សម័យ​សម្រាប់ការវិនិយោគ និងការរស់នៅ។

សូមជម្រាបថា ស្ថាបនិក បុរី ហ្គោលដេន ផាក អ្នកឧកញ៉ា តេង ហឿង បច្ចុប្បន្ន មានតួនាទីជាសមាជិក​ក្រុម​ប្រឹក្សា​ភិបាល សមាគមឧកញ៉ាកម្ពុជា និងជាអគ្គនាយក ក្រុមហ៊ុន តេងឡាយ គ្រុប។ លោកត្រូវបាន​ព្រះមហាក្សត្រ ចេញ​ព្រះរាជក្រឹត្យ​ត្រាស់​បង្គាប់​ផ្តល់​គោរមងារ​ជា​ «អ្នកឧកញ៉ា» កាល​​ថ្ងៃទី ១៨ ខែសីហា ឆ្នាំ២០២៣៕

The post តើអ្នកឧកញ៉ា តេង ហឿង បើកការសាងសង់គម្រោង ដឹណេតឆឺរ៉ល របស់បុរី ហ្គោលដេន ផាក តាំងពីពេលណា? appeared first on .

ព្រះរាជទានត្រាស់បង្គាប់ផ្តល់គោរមងារ «អ្នកឧកញ៉ា» ជាសក្ខីភាពឆ្លុះបង្ហាញ អំពីកិច្ចខិតខំប្រឹងប្រែង ទាំងកម្លាំង​កាយចិត្ត ដោយមិនខ្លាចនឿយហត់របស់ អ្នកឧកញ៉ា ក្នុងបុព្វហេតុដើម្បីជួយសង្គមជាតិ និងចូលរួមចំណែកដល់​ការ​អភិវឌ្ឍន៍សេដ្ឋកិច្ចប្រទេសជាតិ ឱ្យកាន់តែរីកចម្រើន។ ការប្រទាននេះពិតជាស័ក្តិសម និងផ្ដល់កិត្តិយស​ដ៏ឧត្តុង្គ​ឧត្តមបំផុតសម្រាប់អ្នកឧកញ៉ា និងក្រុមគ្រួសារ។

ក្នុងឱកាសដ៏ប្រសើរថ្លៃថ្លានេះ អ្នកឧកញ៉ា ហេង សៀ ក៏សូមបួងសួងដល់វត្ថុស័ក្តិសិទ្ធិទាំងអស់ក្នុងលោក ទេវតាថែរក្សាព្រះរាជាណាចក្រកម្ពុជា សូមជួយអភិបាលគ្រងរក្សា ប្រោះព្រំប្រសិទ្ធពរ បវរមហាប្រសើរជូន អ្នកឧកញ៉ា ទីវ ម៉េងហ៊ុយ ព្រមទាំងក្រុមគ្រួសារជាទីស្រឡាញ់ សូមបានប្រកបដោយព្រះពុទ្ធពរ និងពរទាំង ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post អ្នកឧកញ៉ា ហេង សៀ ផ្ញើសារអបអរសាទរជូនពរ អ្នកឧកញ៉ា តេង ហឿង ក្នុងឱកាសព្រះមហាក្សត្រផ្ដល់គោរមងារជា «អ្នកឧកញ៉ា» appeared first on .

អ្នកឧកញ៉ា តេង ហឿង បច្ចុប្បន្ន មានតួនាទីជាសមាជិកក្រុមប្រឹក្សាភិបាល សមាគមឧកញ៉ាកម្ពុជា និងជាអគ្គនាយក ក្រុមហ៊ុន តេងឡាយ គ្រុប ។ ក្នុងនាមជាអ្នកជំនួញមួយរូបនៅកម្ពុជា កន្លងមក អ្នកឧកញ៉ា តេង ហឿង តែងតែបរិច្ចាគធនធាន ទ្រព្យធន និងកម្លាំងកាយចិត្ត ជាមួយរាជរដ្ឋាភិបាល ក្នុងសកម្មភាពជួយសង្គម និងមនុស្សធម៌ ជាហូរហែ ៕

The post ព្រះមហាក្សត្រចេញព្រះរាជក្រឹត្យត្រាស់បង្គាប់ផ្ដល់គោរមងារ «អ្នកឧកញ៉ា» ជូនឧកញ៉ា តេង ហឿង  appeared first on .