ការប្រកាសនេះ ធ្វើឡើងនៅរសៀលថ្ងៃទី១៤ ខែមិថុនានេះ អំឡុងពេលនៃការផ្សាយផ្ទាល់ពិសេសមូលនិធិស៊ីធីអិន ដើម្បីទ្រទ្រង់កងទ័ពការពារព្រំដែនជាតិ លើកញ្ចក់ទូរទស្សន៍ CTN MyTV និង CBS digital។

តបតាមការអំពាវនាវពីសំណាក់សម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា, មូលនិធិ CTN ទ្រទ្រង់កងទ័ពការពារជាតិនៃក្រុមហ៊ុន CBS របស់អ្នកឧកញ៉ា គិត ម៉េង សហការជាមួយសមាគមសិល្បករខ្មែរ, ក្រុមហ៊ុន សែលខាត និងធនាគារ វីង បានប្រកាសចាប់ផ្តើមកៀរគរថវិកាជួយដល់កងទ័ព ដែលកំពុងឈរជើងការពារដែនអធិបតេយ្យភាពជាតិនៅតាមបន្ទាត់ព្រំដែនកម្ពុជា-ថៃ។

ការបង្កើតមូលនិធិទ្រទ្រង់កងទ័ពការពារជាតិនេះ គឺដើម្បីសម្រួលដល់ប្រជាពលរដ្ឋ និងសប្បុរសជនគ្រប់មជ្ឈដ្ឋាន អាចចូលរួមបរិច្ចាគថវិកាតាមលទ្ធភាព តាមរយៈប្រព័ន្ធធនាគារវីង ហើយថវិកាដែលប្រមូលបាន នឹងយកទៅជួយទ្រទ្រង់ដល់កងទ័ពកម្ពុជា ដែលកំពុងឈរជើងការពារព្រំដែន។

សូមបញ្ជាក់ថា សម្តេចតេជោ ហ៊ុន សែន តាមរយៈថ្លែងការណ៍ចេញពីព្រឹទ្ធសភា នៅថ្ងៃទី២៩ ខែឧសភា ឆ្នាំ២០២៥នេះ បានអំពាវនាវប្រជាពលរដ្ឋទាំងអស់ ឱ្យចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នាជាធ្លុងមួយនៃខឿនការពារជាតិរបស់កម្ពុជា។ ជាងនេះទៅទៀត នៅអំឡុងនៃការធ្វើសមាជរដ្ឋសភា និងព្រឹទ្ធសភា នាថ្ងៃទី២ ខែមិថុនា សម្តេចតេជោ ហ៊ុន សែន ក្នុងនាមប្រធានសមាជ ក៏បានអំពាវនាវដល់ស្ថានីយទូរទស្សន៍ និងវិទ្យុ បង្កើតជាមូលនិធិទ្រទ្រង់កងទ័ពការពារជាតិ ដូចកាលឆ្នាំ២០០៨ ២០០៩ ២០១០ និងឆ្នាំ២០១១។

ជាមួយគ្នានេះ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងសម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន ក៏បានប្រកាសចូលរួមថវិកា ៣០០លានរៀលដំណាក់កាល ដំបូង ជាមួយមូលនិធិទូរទស្សន៍ CTN ដើម្បីជួយទ្រទ្រង់កងទ័ពកំពុងឈរជើង ការពារទឹកដី។ សម្តេចតេជោ ក៏បានអំពាវនាវដល់ប្រជាពលរដ្ឋចូលរួមភ្ជាប់និស្ស័យជាមួយ កងទ័ព និង ជាមួយជាតិ និងទឹកដីទាំងអស់គ្នា តាមរយៈមូលនិធិទូរទស្សន៍ CTN។

គួររំលឹកថា កាលពីឆ្នាំ២០០៨ ក្រុមហ៊ុន CBS របស់អ្នកឧកញ៉ា គិត ម៉េង បានបង្កើតមូលនិធិ CTN ដើម្បីប្រមូលថវិកាជួយដល់កងទ័ពដែលកំពុងឈរជើងការពារដែនអធិបតេយ្យភាពនៅតាមបន្ទាត់ព្រំដែនកម្ពុជា-ថៃ ជាពិសេស គឺជួយទ្រទ្រង់ទៅដល់តំបន់ប្រាសាទព្រះវិហារ ប្រាសាទតាមាន់ និងប្រាសាទតាក្របីផងដែរ៕

The post អ្នកឧកញ៉ា ទុយ គី ប្រកាសឧបត្ថម្ភ ១០លានរៀល ដល់មូលនិធិ CTN ទ្រទ្រង់កងទ័ពការពារជាតិ តបតាមការអំពាវនាវរបស់សម្តេចតេជោ ហ៊ុន សែន appeared first on .

ពិធីសម្ពោធដាក់ឱ្យដំណើរការខ្សែសង្វាក់ផលិតកម្មថ្មី រថយន្ត FORD ខាងលើនេះ មានការអញ្ជើញចូលរួមពីថ្នាក់ដឹកនាំ ប្រតិភូអមរាជរដ្ឋាភិបាល មន្ត្រីរាជការនៃរដ្ឋបាលខេត្ត ថ្នាក់ដឹកនាំ បុគ្គលិកក្រុមហ៊ុន ភ្ញៀវជាតិអន្តរជាតិជាច្រើនរូប។ ក្នុងនោះដែរ គេឃើញមានវត្តមាន អ្នកឧកញ៉ា ទុយ គី ប្រធានសភាពាណិជ្ជកម្មខេត្តពោធិ៍សាត់ និងជាអនុប្រធានសភាពាណិជ្ជកម្មកម្ពុជា អ្នកឧកញ៉ា ឡូវ កាង សមាជិកក្រុមប្រឹក្សាភិបាលសមាគមឧកញ៉ាកម្ពុជា, អ្នកឧកញ៉ា សំ សុខនឿន, ជំទាវឧកញ៉ា នឹម វណ្ណៈ, ឧកញ៉ា លន់ ពៅ, ជំទាវឧកញ៉ា នួន ពេជ្រសុផល, ឧកញ៉ា ណាង សុធី ព្រមទាំងឧកញ៉ាៗមួយចំនួនទៀតផងដែរ។

សូមជម្រាបថា រថយន្ត Ford ជាម៉ាករថយន្តដ៏ល្បីរបស់សហរដ្ឋអាមេរិក ដែលមានលើទីផ្សាររបស់កម្ពុជាយូរឆ្នាំមកហើយ។ កាលពីឆ្នាំ២០២២ ក្រុមហ៊ុន បានរៀបចំពិធីសម្ពោធដាក់ឱ្យដំណើរការរោង ចក្រដំឡើងរថយន្ត ក្រោមអធិបតីភាពដ៏ខ្ពង់ខ្ពស់បំផុតសម្ដេចមហាបវរធិបតី ហ៊ុន ម៉ាណែត ដោយបានបណ្តាក់ទុនវិនិយោគដំបូងចំនួន ២១លានដុល្លារ ដើម្បីសាងសង់រោងចក្រដំឡើងរថយន្តលើផ្ទៃដីចំនួន ៥ហិកតា។

យ៉ាងណាមិញ សម្រាប់ការសម្ពោធនាថ្ងៃនេះគឺ ក្រុមហ៊ុនបានបង្កើតរោងចក្រដំឡើងគ្រឿងបង្គុំថ្មីបន្ថែមមួយទៀត (Sub-Assembly Plant) ដែលអាចផ្ដល់ឱកាសការងារបានជាច្រើនកន្លែងទៀត។ លើសពីនោះ ក្រុមហ៊ុនបានពង្រីកការវិនិយោគពី ២១លានដុល្លារអាមេរិក ទៅ ២៦,៨លានដុល្លារអាមេរិក និងបានពង្រីកផ្ទៃដីសាងសង់រោងចក្រពី ៥ហិកតា រហូតដល់ ១២ហិកតា។ លោក Kevin Whitcraft ប្រធានក្រុមហ៊ុន RMA Group បានឱ្យដឹងទៀតថា ក្រុមហ៊ុនក៏បានផ្លាស់ប្តូរច្រវាក់ផលិតកម្មពីកម្រិតដំឡើង CKD មកកម្រិត IKD-1 ដែលអាចបង្កើនសមត្ថភាព ផលិតរថយន្តលើសពី ១០,០០០គ្រឿងក្នុងមួយឆ្នាំ៕

The post អ្នកឧកញ៉ា ឧកញ៉ាៗច្រើនរូប ចូលរួមពិធីសម្ពោធដាក់ឱ្យដំណើរការខ្សែសង្វាក់ផលិតកម្មថ្មី រថយន្ត FORD នៅស្រុកក្រគរ ខេត្តពោធិ៍សាត់ appeared first on .

ការបំពាក់​គ្រឿង​ឥស្សរិយយស​​​ ថ្នាក់ «ជាតូបការ» នេះ​ ​បាន​​ធ្វើ​ឡើង​ក្នុងពិធី “សំណេះសំណាល​ និងពិសាភោជ​នាហារសាមគ្គីមហាគ្រួសារសហគ្រាសធុនតូច មធ្យម និងសិប្បកម្មកម្ពុជា ក្នុងឱកាសអបអរទិវាសហគ្រាស​ធុន​មីក្រូតូច និងមធ្យម” ក្រោម​អធិបតីភាព​​​សម្តេចធិបតី នាយករដ្ឋមន្ត្រី។

អ្នកឧកញ៉ា ៣រូប ដែលទទួលបាន​ការ​បំពាក់​​គ្រឿង​ឥស្សរិយយស «ជាតូបការ» គឺ អ្នកឧកញ៉ា ទុយ គី, អ្នកឧកញ៉ា អ៊ូ ឆាយ និង​អ្នកឧកញ៉ា ហ៊ួរ ហាក់សេង ព្រមទាំង​ឧកញ៉ា ២៣រូប រួមមាន ឧកញ៉ា លាង ហ៊ី, ឧកញ៉ា កៅ មុយលីម, ឧកញ៉ា ជា ដាណា, ឧកញ៉ា សួង សុភារ័ត្ន, ឧកញ៉ា សុខ សុផល, ឧកញ៉ា ឡោក ដារិទ្ធិ, ឧកញ៉ា អ៊ូ ស្រុន, ឧកញ៉ា ស៊ីន ឃីម, ឧកញ៉ា ឃិន ចន្តា, ឧកញ៉ា សរ សុខប៊ុនលីម, ឧកញ៉ា លាង វិនឡុង, ឧកញ៉ា តាំង ល័ក្ខហាវ, ឧកញ៉ា វិញ ខេវិន, ឧកញ៉ា ជាម ហេង, ឧកញ៉ា ជឹម សុជាតា, ឧកញ៉ា ឌី ហឿងញ៉ែន, ឧកញ៉ា ឡេង ស្រុយហាំង, ឧកញ៉ា ឡេង ស្រុយហាក់, លោកជំទាវ ឧកញ៉ា សន សុធី, លោកជំទាវ ឧកញ៉ា ចាង សុខគីម, លោកជំទាវ ឧកញ៉ា អ៊ឺង គឹមហុង, លោកជំទាវ ឧកញ៉ា លីវ ស៊ីវម៉ី, លោកជំទាវ ឧកញ៉ា ម៉ុក ទិព្វរាសី។ ក្រៅពី អ្នកឧកញ៉ា និងឧកញ៉ាៗខាងលើនេះ ក៏មាន​ឯកឧត្តម លោកជំទាវ លោក-លោកស្រី មួយចំនួន​ទៀត​ផងដែរ។

សូមជម្រាបថា គ្រឿងឥស្សរិយសជាតូបការ ត្រូវបានបង្កើតដោយព្រះករុណា ព្រះបាទសម្តេច ព្រះនរោត្តម សីហនុ ព្រះបរមរតនកោដ្ឋ កាលពីថ្ងៃទី ៥ តុលា ១៩៩៥។ គ្រឿងឥស្សរិយយសនេះ សម្រាប់ផ្តល់ជូន​ប្រមុខរដ្ឋបរទេស និងជនជាតិខ្មែរ​ដែលបានជួយដល់ប្រទេសជាតិយ៉ាងពិសេស។ មេដាយ​ជាតូបការ ជាមេដាយ​ខ្ពស់បំផុត​​នៅក្នុងព្រះរាជាណាចក្រកម្ពុជា និងជាប្រភេទ​មាតុប្រទេស ដែល​ចេញ​ដោយព្រះរាជក្រឹត្យ​របស់​ព្រះមហាក្សត្រ និងអាចបំពាក់ដោយនាយករដ្ឋមន្ត្រី៕

The post អ្នកឧកញ៉ា ៣រូប និងឧកញ៉ាជាង ២០រូប ទទួលបានការបំពាក់មេដាយ «ជាតូបការ» ពីសម្តេចធិបតី ហ៊ុន ម៉ាណែត appeared first on .

អ្នកឧកញ៉ា ឧកញ៉ា ដែលអញ្ជើញអមដំណើរសម្ដេចធិបតីរួមមាន អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា, អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា, អ្នកឧកញ៉ា ទុយ គី អនុប្រធាន​សភាពាណិជ្ជកម្មកម្ពុជា និងជា​អនុប្រធានក្រុមប្រឹក្សាភិបាលសមាគមមូលនិធិសម្តេចតេជោ ដើម្បីអភិវឌ្ឍន៍សហគ្រាស​ធុនតូច និងមធ្យមនៅកម្ពុជា, អ្នកឧកញ៉ា ចាន់ សុទ្ធា អនុប្រធានសភាពាណិជ្ជកម្មកម្ពុជា ,ឧកញ៉ា ហួត ឈឿន ប្រធានសភាពាណិជ្ជកម្មខេត្តកំពង់ចាម-មណ្ឌលគិរី, ឧកញ៉ា នួន ពេជ្រសុផល អគ្គនាយករងជាន់ខ្ពស់សភាពាណិជ្ជកម្មកម្ពុជា ,ឧកញ៉ា តែ តាំងប៉ ប្រធានក្រុមប្រឹក្សាភិបាល នៃសមាគមមូលនិធិសម្តេចតេជោ និងជាប្រធាន FASMEC។

សូមជម្រាបជូនថា ក្នុងដំណើរទស្សនកិច្ចផ្លូវការរបស់សម្ដេចធិបតី ហ៊ុន ម៉ាណែត នៅសាធារណរដ្ឋប្រជាធិបតេយ្យប្រជាមានិតឡាវ គឺចាប់ពីថ្ងៃទី២៥-២៦ ខែមីនា ឆ្នាំ២០២៤ តបតាមការអញ្ជើញរបស់ឯកឧត្តមបណ្ឌិត សនសៃ ស៊ីផាន់ដន នាយករដ្ឋមន្រ្តីឡាវ។

ដំណើរទស្សនកិច្ចផ្លូវការរបស់ សម្តេចធិបតី ទៅកាន់ប្រទេសឡាវ នឹងធ្វើឱ្យកាន់តែស៊ីជម្រៅថែមទៀតនូវទំនាក់ទំនងទ្វេភាគី ក្នុងស្មារតីភាពជាអ្នកជិតខាងល្អ មិត្តភាពជាប្រពៃណី និងភាពជាដៃគូយុទ្ធសាស្រ្តគ្រប់ជ្រុងជ្រោយ និងយូរអង្វែងរវាងប្រទេសទាំងពីរ ព្រមទាំងពង្រឹងមូលដ្ឋានគ្រឹះដើម្បីវឌ្ឍនភាព និងវិបុលភាពសម្រាប់ផលប្រយោជន៍របស់ប្រជាជននៃប្រទេសទាំងពីរ៕

The post អ្នកឧកញ៉ា ឧកញ៉ា ៧រូបអមដំណើរសម្ដេចធិបតីទស្សនកិច្ចផ្លូវការនៅឡាវ appeared first on .

ព្រះរាជទានត្រាស់បង្គាប់ផ្តល់គោរមងារ អ្នកឧកញ៉ា នេះ ពិតជាកិត្តិយសដ៏ឧត្តុង្គឧត្តម និងជាសក្ខីភាព​ឆ្លុះបង្ហាញ​អំពី កិច្ចខិតខំប្រឹងប្រែងយកអស់ពីកម្លាំងកាយចិត្ត ប្រាជ្ញាស្មារតី លះបង់ ដោយមិនខ្លាចនឿយហត់ ដោយ​ចំណាយ ទាំងពេលវេលា និងថវិការផ្ទាល់ខ្លួន របស់អ្នក​ឧកញ៉ា ក្នុងការជួយជ្រោមជ្រែងរាល់សកម្មភាពមនុស្សធម៌ និងចូលរួមបរិច្ចាគជូនដល់កាកបាទក្រហមកម្ពុជា ក៏ដូចជាកិច្ចការមនុស្សធម៌​ជា​ច្រើន ដែលនេះសបញ្ជាក់ពីឆន្ទៈ និងការលះបង់ ចូលរួមចំណែកជាមួយនឹងរាជរដ្ឋាភិបាល ដល់ការអភិវឌ្ឍន៍សេដ្ឋកិច្ចប្រទេសជាតិ និងជាឧត្តម​ប្រយោជន៍ជូន សាធារណៈជន និងប្រជាពលរដ្ឋកម្ពុជា។

នាឱកាស​ប្រកបដោយក្ដីសោមនស្សរីករាយនេះ ខ្ញុំបាទ និងក្រុមគ្រួសារ សូមបួងសួងដល់គុណបុណ្យ ព្រះរតនត្រ័យ កែវទាំងបី វត្ថុស័ក្ដិសិទ្ធិក្នុងលោក និងទេវតាឆ្នាំថ្មី សូមប្រោះប្រទានពរជ័យជូនចំពោះ អ្នកឧកញ៉ា ទុយ គី និង​ក្រុមគ្រួសារ​ សូមមានសុខភាពល្អបរិបូរណ៍ បញ្ញាញាណវាងវៃ អាយុយឺនយូរ និង​សម្រេចបាន​ជោគជ័យ​​បន្ថែមទៀត ដើម្បី​ចូល​រួម​ចំណែក​ជួយ​អភិវឌ្ឍ​ប្រទេសកម្ពុជា​លើ​គ្រប់វិស័យ និង​សូម​ជួប​ប្រទះ​នូវ​ពុទ្ធពរ​ទាំង​បួន​ប្រការ​គឺ អាយុ វណ្ណៈ សុខៈ ពលៈ ជានិច្ច​និរន្តរ៍៕

The post ឧកញ៉ា តែ តាំងប៉ ផ្ញើសារអបអរសាទរ ឧកញ៉ា ទុយ គី ក្នុងឱកាសដែលព្រះមហាក្សត្រផ្ដល់គោរមងារជា «អ្នកឧកញ៉ា» appeared first on .

ព្រះរាជក្រឹត្យផ្តល់គោរមងារ «អ្នកឧកញ៉ា» ជូនលោកឧកញ៉ា ទុយ គី លេខ នស/រកត/០៧២៣/១៦៣៧ នេះ ត្រូវបាន​ធ្វើ​ឡើង​តាម​សេចក្តី​ក្រាប​បង្គំ​ទូលថ្វាយ​របស់​សម្តេចតេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា។

លោកឧកញ៉ា ទុយ គី ជា​អនុប្រធានក្រុមប្រឹក្សាភិបាលសមាគមមូលនិធិសម្តេចតេជោ ដើម្បីអភិវឌ្ឍន៍សហគ្រាស​ធុនតូច និងមធ្យមនៅកម្ពុជា ហើយ​លោក​ឧកញ៉ា​ក៏​ជា​ប្រធានសភាពាណិជ្ជកម្មពោធិ៍សាត់ និងជាអនុប្រធាន​សភាពាណិជ្ជកម្មកម្ពុជា៕

The post ព្រះមហាក្សត្រ ត្រាស់បង្គាប់ផ្តល់គោរមងារ ឧកញ៉ា ទុយ គី ជា «អ្នកឧកញ៉ា» appeared first on .