កម្មវិធីសិរីមង្គល​នេះ​ ប្រារព្វធ្វើឡើងនៅ មជ្ឈ​មណ្ឌល​សន្និបាត​និង​ពិព័រណ៍​អន្តរជាតិ​ជ្រោយចង្វារ​ OCIC។ កូនប្រុសនាម គៀន ការីបូ ត្រូវជា​ប្អូនប្រុស​បង្កើត​របស់​លោកស្រី​អ្នកឧកញ៉ា គៀន ស្រីនាង ភរិយារបស់អ្នកឧកញ៉ា ទ្រី ភាព ជាគូនឹង​​កូនស្រីនាម គ្រី ម៉ូរីកូ ដែលត្រូវបានគេដឹងថាជាកូនអ្នកអភិជនមួយរូបផងដែរ។

ពិធីអាពាហ៍ពិពាហ៍នេះ មានការអញ្ជើញជាកិត្តិយស​ពីសំណាក់​ថ្នាក់ដឹកនាំជាតិមួយចំនួន និងអ្នកឧកញ៉ា ឧកញ៉ា អ្នកមុខអ្នកការជា​ច្រើន ដែលក្នុងនោះរួមមានដូចជា សម្តេចកិត្ដិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ ព្រះមហាក្សត្រ, លោកស្រី សុងឡេង បូរ៉ា នាយិកាពិធីការសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី, លោកស្រី ទាង អេង ភរិយាលោក ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ, លោកស្រី ថុង ធីតា ភរិយាអ្នកឧកញ៉ា លីម ប៊ុណ្ណា រួមទាំងភ្ញៀវកិត្តិយសជាច្រើននាក់ទៀត។

រូបភាព៖ OneMemory

The post មកមើលទិដ្ឋភាពមង្គលការដ៏ធំរបស់ប្អូនថ្លៃ អ្នកឧកញ៉ា ទ្រី ភាព appeared first on .

បើតាមការបង្ហោះលើបណ្ដាញសង្គមនាថ្ងៃម្សិលមិញ អ្នកឧកញ៉ា ទ្រី ភាព បានឱ្យដឹងថា សមិទ្ធផលនានា ក្នុងវត្ដក្រពើច័ន្ទរង្សី បានចំណាយពេលក្នុងការកសាង អស់រយៈពេលជិត១៨ឆ្នាំ និងទឹកប្រាក់សរុបប្រមាណ ៥៩៥.០០០ដុល្លារ។ សមិទ្ធផលដែលកសាងបានរួមមាន ព្រះវិហារ ១ខ្នង, សាលាឆាន់ ១ខ្នង, កុដិថ្ម ១ខ្នង, កុដិឈើ ១ខ្នង, ខ្លោងទ្វា ១, ស្ពានបេតុងឆ្លងប្រឡាយចូលវត្ត ១, រូបសំណាកចំនួន ៣កន្លែង ព្រមទាំងសមិទ្ធផលមួយចំនួនទៀត។

នៅក្នុងឱកាសដ៏ថ្លៃថ្លានេះ អ្នកឧកញ៉ា ទ្រី ភាព បានសម្ដែងការកោតសរសើរចំពោះព្រះចៅអធិការវត្ត គណៈកម្មការវត្ត ព្រមទាំងពុទ្ធបរិស័ទជិតឆ្ងាយដែលបានរួមកម្លាំងសាមគ្គីគ្នាកសាងបាននូវសមិទ្ធិផលក្នុងវត្តក្រពើច័ន្ទរង្សី រួមទាំងព្រះវិហារ និងសមិទ្ធផលនានាជាគុណប្រយោជន៍នៃវិស័យព្រះពុទ្ធសាសនា និងសង្គមជាតិ។

អ្នកឧកញ៉ា បានលើកឡើងថា បច្ចុប្បន្នប្រជាពលរដ្ឋរស់នៅក្នុងភាពសុខសាន្ត ជីវភាពក៏មានការរីកចម្រើនសម្បូរសប្បាយពីទីក្រុងរហូតដល់ទីជនបទ ហើយប្រជាពលរដ្ឋនៅតែបន្តគោរព និងថែរក្សាវិស័យព្រះពុទ្ធសាសនាជាប់ជាប្រចាំ ដែលនេះជាទង្វើគួរកោតសរសើរបំផុត។

ក្នុងពិធីនេះដែរ អ្នកឧកញ៉ា ក៏បានបំពាក់មេដាយជូនដល់សប្បុរសជនចំនួន ២៩អង្គ/នាក់ ផងដែរ ដើម្បីជាការលើកទឹកចិត្ត និងបង្ហាញពីការសរសើរចំពោះការខិតខំប្រឹងប្រែងរួបរួមគ្នាសម្រេចបាននូវសមិទ្ធផលទាំងនេះ។ ជាចុងក្រោយ អ្នកឧកញ៉ា បណ្ឌិត ទ្រី ភាព និងលោកស្រី អ្នកឧកញ៉ា គៀន ស្រីនាង បានចែកជូននូវថវិកា និងអំណោយមួយចំនួនដល់តាជី-យាយជី លោកគ្រូ-អ្នកគ្រូ ប្រជាពលរដ្ឋ សិស្សានុសិស្ស ព្រមទាំងស្ថាប័នមួយចំនួនផ្សេងទៀត។

សូមជម្រាបជូនថា ក្នុងពិធីនេះ អ្នកឧកញ៉ា ទ្រី ភាព និងលោកស្រី ឧកញ៉ា គៀន ស្រីនាង ក៏បានចូលរួមជាថវិការសម្រាប់ទូទាត់ថ្លៃសម្ភារៈសំណង់ដែលនៅសេសសល់ចំនួន៩២លានរៀលផងដែរ៕

The post អ្នកឧកញ៉ា ទ្រី ភាព អញ្ជើញសម្ពោធឆ្លងសមិទ្ធផលនានា នៅវត្តមួយក្នុងខេត្តកំពង់ធំ តម្លៃជិត៦០ម៉ឺនដុល្លារ appeared first on .

មុនទទួលបានតំណែង​​​ខាង​លើ​នេះ​ លោក​ឧកញ៉ា ទ្រី ដាលុច ក៏​ទើប​តែ​ទទួលបាន​ការ​តែងតាំង​ជា នាយករង​ខុទ្ទកាល័យ​ឧបនាយករដ្ឋមន្ត្រី ស៊ុន ចាន់ថុល អនុប្រធានទី១ ក្រុមប្រឹក្សា​អភិវឌ្ឍន៍​កម្ពុជា តាម​រយៈ​សេចក្តីសម្រេច​ ​កាលពី​ថ្ងៃទី២៨ ខែធ្នូ ឆ្នាំ២០២៣។

សូម​ជម្រាប​ថា លោក​ឧកញ៉ា ទ្រី ដាលុច ដែល​ជា​​កូនប្រុសទី១ ស្ថិតក្នុងចំណោមបងប្អូន៥នាក់របស់អ្នកឧកញ៉ា ទ្រី ភាព ធ្លាប់ជាថ្នាក់ដឹកនាំវិស័យឯកជន​ គឺជា​អគ្គនាយករងក្រុមហ៊ុន ទ្រី ភាព គ្រុប។ លោក​​ទទួលបាន​គោរមងារ​ជា ឧកញ៉ា ដោយព្រះរាជក្រឹត្យលេខ នស/រកត/០៣១៣/២៣៥ ចុះថ្ងៃទី១៩ ខែមីនា ឆ្នាំ២០១៣។ កាលពី​ថ្ងៃទី១ ខែឧសភា ឆ្នាំ២០២៣ លោក​ត្រូវ​បាន​គណបក្ស​ប្រជាជនកម្ពុជា ផ្តល់សេចក្តី​ទុកចិត្ត​តែងតាំង​​ឱ្យ​ឈរ​ឈ្មោះ​ជា​បេក្ខជន​បម្រុង​ លំដាប់​លេខរៀងទី៩ នៅមណ្ឌល​ខេត្តកណ្ដាល សម្រាប់ការបោះឆ្នោតជ្រើសតាំងតំណាងរាស្ដ្រ នីតិកាលទី៧ មុន​នឹង​​ក្លាយ​ជា​ថ្នាក់ដឹកនាំ​វិស័យសាធារណៈ (រដ្ឋ) នា​ពេលបច្ចុប្បន្ន។

សម្រាប់តួនាទី​ក្នុង​​គណបក្សប្រជាជនកម្ពុជា បច្ចុប្បន្ន​លោកឧកញ៉ា​ ទ្រី ដាលុច ជា​​អនុប្រធានក្រុមការងារយុវជនគណបក្ស​ចុះមូលដ្ឋានស្រុកកណ្ដាលស្ទឹង ​ខេត្តកណ្តាល និងជាប្រធានក្រុមការងារយុវជនគណបក្សចុះមូលដ្ឋានឃុំត្បែង៕

The post កូនប្រុសអ្នកឧកញ៉ា ទ្រី ភាព ទទួលបានការតែងតាំងជាអគ្គលេខាធិការរង នៃក្រុមប្រឹក្សាអភិវឌ្ឍន៍កម្ពុជា appeared first on .

ក្នុងជំនួបនេះ អតីតកងការពារប្រធានាធិបតីអាមេរិករូបនេះ បានជម្រាបជូនលោកឧបនាយករដ្ឋមន្ត្រីនូវគោលបំណងនិងឆន្ទៈក្នុងការវិលត្រលប់មកប្រទេសកម្ពុជាវិញ មកទាំងចំណេះដឹង និងបទពិសោធន៍ដែលលោកមាន យកមកជួយប្រទេសកម្ពុជាតាមដែលអាចធ្វើទៅបាន។

លោក អួន ប៊ុនឡឺត ជាអតីតកងការពារប្រធានាធិបតីអាមេរិក៤ជំនាន់ រួមមានជំនាន់ប្រធានាធិបតី George W. Bush ប្រធានាធិបតី Barack Obama ប្រធានាធិបតី Donald Trump រហូតដល់ជំនាន់ប្រធានាធិបតី Joe Biden ផងដែរ។

ជាមួយគ្នានេះ អតីតកងការពារប្រធានាធិបតីរូបនេះ បានរៀបរាប់អំពីដំណើរជីវិតក្នុងសៀវភៅមួយក្បាលដែលលោកបានសរសេរចងក្រងមានចំណងជើង “A REFUGEE’S AMERICAN DREAM: From the Killing Fields of Cambodia to the U.S. Secret Service”៕

The post កូនប្រុសច្បងអ្នកឧកញ៉ា​ ទ្រី​ ភាព បង្ហាញវត្តមានក្នុងជំនួបរវាងលោក ស៊ុន ចាន់ថុល និងអតីតកងការពារប្រធានាធិបតីអាមេរិក៤ជំនាន់ appeared first on .

តាម​រយៈ​សេចក្តីសម្រេច​លេខ ០៤៣/០១២៤/សស.គក ​​​​​គណៈអចិន្ត្រៃយ៍​នៃ​គណៈកម្មាធិការ​កណ្តាល ​​បាន​សម្រេច​ដូច​ខាង​ក្រោម៖

១.ចាត់តាំង លោក ជា ចាន់តូ អគ្គទេសាភិបាល​កិត្តិយស​ធនាគារ​ជាតិ​នៃ​កម្ពុជា ជា​ប្រធាន​កិត្តិយស​នៃ​ក្រុមការងារគណបក្ស​ចុះមូលដ្ឋានខេត្តកំពង់ធំ។
២.សម្រួលភារកិច្ច លោក ថោង ខុន ទេសរដ្ឋមន្ត្រីទទួលបន្ទុកបេសកកម្មពិសេស ពី​ប្រធាន មក​ជា​អនុប្រធាន​ក្រុមការងារគណបក្ស​ចុះមូលដ្ឋានខេត្តកំពង់ធំ។
៣.ផ្ទេរ​ភារកិច្ច លោក វង្សី វិស្សុត ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី ពី​ប្រធាន​ក្រុមការងារ​គណបក្ស​ចុះមូលដ្ឋានខេត្តកំពង់ឆ្នាំង មក​ជា​ប្រធាន​ក្រុមការងារគណបក្ស​ចុះមូលដ្ឋានខេត្តកំពង់ធំ ជំនួស​លោក ថោង ខុន។
៤.ចាត់តាំង លោក ម៉ៅ សុផាន់ អគ្គមេបញ្ជាការរង និងជាមេបញ្ជាការកងទ័ពជើងគោក ជា​អនុប្រធាន​ក្រុមការងារគណបក្ស​ចុះមូលដ្ឋានខេត្តកំពង់ធំ បន្ថែម​ភារកិច្ច​ជា​ប្រធាន​ក្រុម​ការងារ​គណបក្ស​ចុះមូលដ្ឋាន​ខេត្ត​ព្រះវិហារ។
៥.ចាត់តាំង លោក ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម ជា​អនុប្រធាន​ក្រុមការងារគណបក្ស​ចុះមូលដ្ឋានខេត្តកំពង់ធំ។
៦.ចាត់តាំង អ្នកឧកញ៉ា ទ្រី ភាព ជា​អនុប្រធាន​ក្រុមការងារគណបក្ស​ចុះមូលដ្ឋានខេត្តកំពង់ធំ។ ​​​​​​​​​​​​

សូម​ជម្រាប​ជូន​ថា អ្នកឧកញ៉ា ទ្រី ភាព មានទួនាទីជាទីប្រឹក្សាផ្ទាល់របស់សម្តេចតេជោ ហ៊ុន សែន ប្រធានគណបក្ស​ប្រជាជន​កម្ពុជា ​ហើយ​អ្នកឧកញ៉ា​ ជាអនុប្រធានទី២ ក្រុមការងារចុះពង្រឹងមូលដ្ឋានស្រុកកណ្ដាលស្ទឹង ខេត្តកណ្តាល។ អ្នកឧកញ៉ា ទ្រីភាព ក៏មានកូនប្រុសម្នាក់​កំពុងកាន់តួនាទីជាអនុប្រធានយុវជនស្រុកកណ្តាលស្ទឹង និងជាអនុប្រធាន​ក្រុម​ការងារ​ថ្នាកជាតិ​ចុះជួយ ឃុំត្បែង ស្រុកកណ្តាលស្ទឹង គឺឧកញ៉ា ទ្រី ដាលុច ដែលជាអគ្គនាយករងក្រុមហ៊ុន ទ្រីភាព គ្រុប ផងដែរ៕

The post សម្ដេចតេជោ ហ៊ុន សែន ចេញសេចក្តីសម្រេចចាត់តាំង អ្នកឧកញ៉ា ទ្រី ភាព ជាអនុប្រធានក្រុមការងារគណបក្សចុះមូលដ្ឋានខេត្តកំពង់ធំ appeared first on .

ក្នុងពិធីមីទ្ទិញមហាជន អបអរសាទរ​ខួប​៤៥ឆ្នាំ នៃថ្ងៃជ័យជម្នះ «៧មករា» ក៏មានការអញ្ជើញចូលរួមពីមន្រ្តីអង្គទូត ព្រមទាំងគណបក្សនយោបាយជាច្រើនរយនាក់ផងដែរ។ ទិវាជ័យជម្នះនេះ គឺរំលឹកដល់ថ្ងៃដ៏វិសេសវិសាលសម្រាប់ប្រជាជនកម្ពុជា បានរួចជីវិតពី​រណ្តៅ​មរណៈ​នៃរបបប្រល័យពូជសាសន៍ ប៉ុលពត ក្រោមការប្រយុទ្ធតស៊ូដ៏អង់អាចក្លាហាន របស់យុទ្ធជន និងយុទ្ធនារី ដឹកនាំរបស់ឥស្សរជននៃគណបក្សប្រជាជនកម្ពុជា។

សម្តេចតេជោ ហ៊ុន សែន មានប្រសាសន៍ថា ខួបនៃទិវាជ័យជម្នះ ៧មករា នៅឆ្នាំនេះ ប្រារព្ធឡើងក្នុងសភាពការណ៍ដែលកម្ពុជា បានសម្រេចសមិទ្ធផលធំៗថ្មីទៀតលើគ្រប់វិស័យ បន្ទាប់ពីកម្ពុជាបានយកឈ្នះលើសមរភូមិនៃវិបត្តិជំងឺកូវីដ១៩ ដែលបង្កលក្ខណៈឱ្យយើងបានបើក ប្រទេសឡើងវិញចាប់ពីចុងឆ្នាំ ២០២១មក ហើយបាននិងកំពុងបន្តដំណើរទៅមុខប្រកបដោយភាពជឿជាក់លើមាគ៌ាសន្តិភាព ប្រជាធិបតេយ្យ នីតិរដ្ឋ និងអភិវឌ្ឍន៍។

សម្តេចតេជោ ហ៊ុន សែន ថ្លែងថា៖ «សេដ្ឋកិច្ចកម្ពុជា បានងើបឡើងវិញយ៉ាងរហ័ស និងកំពុងឈានទៅរកស្ថានភាពកំណើនដូចមុនគ្រាមានវិបត្តិកូវីដ១៩វិញ, លទ្ធិប្រជាធិបតេយ្យសេរី ពហុបក្ស សិទិ្ធមនុស្ស និងនីតិរដ្ឋកាន់តែបានពង្រឹង និងលើកកម្ពស់ឥតឈប់ឈរ ជាពិសេសការប្រព្រឹត្តទៅដោយជោគជ័យនូវការ បោះឆ្នោតជ្រើសតាំងតំណាងរាស្ត្រ នីតិកាលទី៧ បានឆ្លុះបញ្ចាំង អំពីភាពចាស់ទុំខាងប្រជាធិបតេយ្យរបស់កម្ពុជា តាមរយៈការចូលរួមដ៏ច្រើនលើសលប់របស់ប្រជាពលរដ្ឋ និង ភាពត្រឹមត្រូវតាមច្បាប់នៃការបោះឆ្នោតនេះ»។

ក្នុងថ្ងៃអបអរសាទរខួបលើកទី៤៥ នៃទិវាជ័យជម្នះ ៧ មករា អ្នកឧកញ៉ា គិត ម៉េង អគ្គនាយកក្រុមហ៊ុន រ៉ូយ៉ាល់ គ្រុប បានប្រកាសក្តែងៗ សូមថ្លែងអំណរគុណយ៉ាងជ្រាលជ្រៅចំពោះរដ្ឋាភិបាលដែលបានលើកកម្ពស់ភាពធន់ និងវឌ្ឍនភាពរបស់កម្ពុជា។

អ្នកឧកញ៉ាថ្លែងថា៖ «ដោយទទួលស្គាល់នូវការប្តេជាចិត្តដ៏មោះមុតក្នុងវិស័យពាណិជ្ជកម្ម យើងខ្ញុំសូមចងចាំ និងគោរពនូវតួនាទីដ៏សំខាន់ក្នុងការអភិវឌ្ឍជាតិ។ យើងរួមគ្នា ហើយជញ្ជឹគគិតពីដំណើររបស់យើង ចាប់ពីស្ថានភាពលំបាករហូតសម្រេចបានសមិទ្ធផលនាពេលបច្ចុប្បន្ន ហើយយើងនៅតែបន្តប្តេជ្ញាក្នុងការរួមចំណែកដល់ការជំរុញភាពរុងរឿង និងឯកភាពជាតិរបស់យើង»។

ពីស្រុកកណ្ដាលស្ទឹង ខេត្តកណ្តាល ក្នុងពិធីរំលឹកខួបលើកទី ៤៥ នៃទិវាជ័យជម្នះ ៧ មករា អ្នកឧកញ៉ា ទ្រី ភាព អគ្គនាយកក្រុមហ៊ុន ទ្រី ភាព គ្រុប បានថ្លែងថា ថ្ងៃរំដោះ ៧ មករា ១៩៧៩ នៅតែបន្តដក់ជាប់ក្នុងដួងចិត្តរបស់កូនខ្មែរទូទៅ ហើយថា ៧ មករា នាំមកវិញនូវជីវិត សិទ្ធិ សេរីភាព និងការអភិវឌ្ឍ។

ដោយឡែក សម្រាប់ស្ថាប័ន អង្គការ សមាគម ដែលធ្វើការគ្រប់អ្នកមានគោរមងារឧកញ៉ា ការវិនិយោគ អចលនទ្រព្យ គឺសមាគមឧកញ៉ាកម្ពុជារបស់អ្នកឧកញ៉ា លី យ៉ុងផាត់, សមាគមអ្នកសាងសង់កម្ពុជារបស់អ្នកឧកញ៉ា ពុង ឃាវសែ គឺគ្រាន់តែប្រកាសអបអរសាទរលើទំព័រហ្វេសប៊ុកផ្ទាល់ខ្លួនតែប៉ុណ្ណោះ។ ទន្ទឹមនឹងនេះ ក៏មានឧកញ៉ាមួយចំនួនបានក៏បានអញ្ជើញទៅចូលរួមអបអរសាទរដោយផ្ទាល់ក្នុងពិធីមីទ្ទិញមហាជននៃទិវាជ័យជម្នះ ៧មករា នៅមជ្ឈមណ្ឌលកោះពេជ្រ គឺឧកញ៉ា លី ឆេង សមាជិករដ្ឋសភា, ឧកញ៉ា ម៉ុង ឬទ្ធី សមាជិកព្រឹទ្ធសភា និងឧកញ៉ា អូស្មាន ហាស្សាន់ ទេសរដ្ឋមន្រ្តីទទួលបេសកកម្មពិសេស ជាដើម៕

The post ក្នុងថ្ងៃអបអរសាទរជ័យជម្មះ ៧មករា ទិវាបុណ្យជាតិ តើអ្នកឧកញ៉ាធំៗនិយាយអ្វីខ្លះ? appeared first on .

កាលដើមឡើយអ្នកឧកញ៉ារូបនេះ ល្បីល្បាញខាងជំនួញដឹកឈើនាំចេញទៅក្រៅប្រទេស ព្រមទាំងជំនួញវិស័យកសិកម្ម កសិ-ឧស្សាហកម្ម កាស៊ីណូ ភោជនីយដ្ឋាន តំបន់សេដ្ឋកិច្ចពិសេស និងដឹកញ្ជូន។ នៅប៉ុន្មានឆ្នាំចុងក្រោយនេះក្រុមហ៊ុន ទ្រីភាព គ្រុប ដែលគ្រប់គ្រងដោយផ្ទាល់ពីអ្នកឧកញ៉ា ទ្រី ភាព បានបន្តបេសកកម្មជំនួញលើវិស័យសំណង់, កំពង់ផែទឹកជ្រៅ និងភស្តុភារកម្ម និងទេសចរណ៍បដិសណ្ឋារកិច្ចក្នុងទំហំទឹកប្រាក់រាប់ពាន់ដុល្លារវិនិយោគនៅតំបន់សក្តានុពលសំខាន់ៗដូចជានៅខេត្តព្រះសីហនុ, ខេត្តកំពត, ខេត្តកែប, ខេត្តពោធិ៍ និងខេត្តកំពង់ឆ្នាំងជាដើម។

ក្នុងឆ្នាំ២០២៤នេះ អ្នកឧកញ៉ា ទ្រី ភាព បានប្រកាសលើកទិសដៅអនុវត្ត និងជំរុញគម្រោងតាមផែនការដែលបានគ្រោងទុក ជុំរិញការ
អភិវឌ្ឍន៍រោងចក្រកៅស៊ូ, រីសតនៅក្រុងកែប ក្រុងព្រះសីហនុ កោះទន្សាយ, ការងារវិស្វកម្មនិងសំណង់, ការសាងសង់កំពង់ផែក្នុងស្រុក, ការសាងសង់កំពង់ផែសមុទ្រទឹកជ្រៅ, ការងារភស្តុភារកម្ម និងក្រុមហ៊ុននាំចេញផ្សេងៗទៀត។ នេះបើតាមលទ្ធផលកិច្ចប្រជុំបូកសរុបលទ្ធផលការងារប្រចាំឆ្នាំ២០២៣ និងលើកទិសដៅអនុវត្តបន្តសម្រាប់ឆ្នាំ២០២៤ កាលពីខែធ្នូឆ្នាំ២០២៣កន្លងទៅ។

នៅក្នុងកិច្ចប្រជុំរយៈពេល២ថ្ងៃដែលដឹកនាំដោយអ្នកឧកញ៉ា ទ្រី ភាព ថ្នាក់ដឹកនាំនៃក្រុមហ៊ុនបុត្រសម្ព័ន្ធ និងសាខាទាំងអស់បានប្ដេជ្ញាចិត្តយ៉ាងមុតមាំ ថានឹងព្យាយាមឱ្យអស់ពីសមត្ថភាពដើម្បីសម្រេចឱ្យបាននូវផែនការដែលបានគ្រោងទុករបស់ខ្លួន៕

The post ឆ្នាំ២០២៤ អ្នកឧកញ៉ា ទ្រី ភាព ដាក់គោលដៅអនុវត្តពង្រីកបន្ថែមលើមុខជំនួញសំខាន់អ្វីខ្លះ? appeared first on .

ការឧបត្ថម្ភថវិការបស់លោកជំទាវ អ្នកឧកញ៉ា ដើម្បីទ្រទ្រង់ដល់សកម្មភាពចម្បងៗរបស់កាកបាទក្រហមនៅខេត្តព្រះសីហនុ ជាពិសេសក្នុងបេសកម្មនាំយកអំណោយសង្គ្រោះសម្តេចកិត្តិព្រឹទ្ធបណ្ឌិតចែកជូនប្រជាពលរដ្ឋរងគ្រោះដោយខ្យល់កន្ត្រាក់ចំនួន ១.១៦៥គ្រួសារ នៅស្រុកព្រៃនប់ ។

ក្នុងនោះ អ្នកឧកញ៉ា គៀន ស្រីនាង ឧត្តមភរិយាអ្នកឧកញ៉ា ទ្រី ភាព បានចូលរួមឧបត្តម្ភថវិកាចំនួន២៥០០០ដុល្លារ។ លោកជំទាវ ហេង គីមជី ឧត្តមភរិយា ឧកញ៉ា ទៀ វិចិត្រ ឧបត្តម្ភថវិកាចំនួន ៥០លានរៀល។ លោកជំទាវ យឹម ឆៃលីន ឧត្តមភរិយា លោក ហ៊ុន ម៉ានី ឧបត្តម្ភថវិកាចំនួន ៥ម៉ឺនដុល្លារ រួមទាំងមានឧបត្ថម្ភថវិកាពីសប្បុរសជនជាច្រើនរូបទៀត។

សូមជម្រាបជូនថា បេសកម្មនាំយកអំណោយសង្គ្រោះសម្តេចកិត្តិព្រឹទ្ធបណ្ឌិតចែកជូនប្រជាពលរដ្ឋរងគ្រោះដោយខ្យល់កន្ត្រាក់ចំនួន ១.១៦៥គ្រួសារ បានធ្វើឡើងជាបន្តបន្ទាប់ដល់បងប្អូនប្រជាពលរដ្ឋដែលរងគ្រោះ។  

បើតាមការឱ្យដឹងពីលោក គួច ចំរើន ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះសីហនុ កន្លងមកបានចុះចែកជូនអំណោយដល់ប្រជាពលរដ្ឋនៅឃុំសាមគ្គីចំនួន ៤៦៧ គ្រួសារម្តងរួមមកហើយកាលពីថ្ងៃទី២៤។ នៅថ្ងៃទី២៦ ខែធ្នូ បានបន្តនាំយកអំណោយចែកជូនពលរដ្ឋចំនួន ១.១៦៥គ្រួសារទៀត ដោយក្នុងមួយគ្រួសារទទួលបាន អង្ករ ២៥គីឡូក្រាម មី១កេស ទឹកត្រី១យួរ ត្រីខ១យួរ  ឃីតមួយកញ្ចប់ (មុង១ ភួយ១ សារុង១ ក្រមា១) និងថវិកា ៥ម៉ឺនរៀល ។

លោកក៏បានអំពាវនាវដល់ប្រជាពលរដ្ឋទាំងអស់ក្ដាប់ឱ្យបាននូវបញ្ហាប្រឈម ត្រូវ សង់លំនៅដ្ឋានឲ្យបានរឹងមាំ មិនមានហានិភ័យពីគ្រោះថ្នាក់ដោយខ្យល់កន្រ្តាក់ និងណែនាំដល់មន្ត្រីពាក់ព័ន្ធបន្តវប្បធម៌ជួយប្រជាពលរដ្ឋ និងចូលរួមជាមួយកាកបាទក្រហម បន្តត្រួតពិនិត្យមើលចាស់ជរា កុមារ ឲ្យមានសុវត្ថិភាព និងបងប្អូន អាជ្ញាធរ កងកម្លាំងត្រូវត្រៀមបង្កាជួយសង្គ្រោះប្រជាពលរដ្ឋ ពិសេសចាស់ជរា និងកុមារឲ្យមានកន្លែងសុវត្ថិភាព ៕

អត្ថបទ៖ សុកធា

The post ភរិយាអ្នកឧកញ៉ា ឧកញ៉ា ថ្នាក់ដឹកនាំជាច្រើនរូបឧបត្ថម្ភថវិកាដល់កាកបាទក្រហមកម្ពុជា ខេត្តព្រះសីហនុ appeared first on .

អ្នកឧកញ៉ា​បណ្ឌិត ទ្រី ភាព បាន​លើកឡើង​ថា ទោះបី​ជា​​មាន​បញ្ហា​ប្រឈម​មួយ​ចំនួន​ដូចជា ចំហាយ​ជំងឺ​កូវីដ-១៩ សង្គ្រាម​អន្តរជាតិ និង​សង្គ្រាម​ពាណិជ្ជកម្ម​រវាង​ប្រទេស​មហាអំណាច​ក្តី​ ប៉ុន្តែ​សម្រាប់​ឆ្នាំ២០២៣​ ក្រុមហ៊ុន ទ្រី ភាព គ្រុប ​​​​​​​​នៅ​តែ​អាច​ជម្នះ​ឧបសគ្គ​​ទាំង​នេះ​បាន ព្រម​ទាំង​រក្សា​បាន​នូវ​លទ្ធផល​ដ៏​ប្រសើរ​ថែម​ទៀត ​​ធ្វើ​ឱ្យ​លោក​សប្បាយរីករាយ និង​មោទនភាព​យ៉ាង​ខ្លាំង​ចំពោះ​ក្រុមការងារ និង​បុគ្គលិក​​គ្រប់​ផ្នែក​ទាំង​អស់។

តាមរបាយការណ៍​​ប្រចាំឆ្នាំ​២០២៣​​របស់​ក្រុមហ៊ុន បានបង្ហាញថា ក្រុមហ៊ុនទ្រីភាពគ្រុប ​មានបុគ្គលិកសរុប​ប្រមាណ​ ៤ពាន់នាក់ ហើយបានចំណាយប្រាក់ខែប្រចាំខែជាង ១លានដុល្លារសហរដ្ឋអាមេរិក។ របាយការណ៍​ដដែល​​បានបង្ហាញ​ទៀត​​ថា គិតត្រឹមខែវិច្ឆិកា ឆ្នាំ២០២៣ ក្រុមហ៊ុនបានចូលរួមបង់ពន្ធជូនរដ្ឋ រហូត​ដល់​ទៅ​ប្រមាណ​ជា​ ២០លាន​ដុល្លារអាមេរិក។

ក្នុង​កិច្ចប្រជុំ​បូកសរុប​​ប្រចាំឆ្នាំ​នេះ​ដែរ ក្រុមហ៊ុន​​ក៏​បាន​លើកឡើង​​លទ្ធផល​សម្រេច​បាន បញ្ហា​ប្រឈម សំណូមពរ និង​ទិសដៅ​សម្រាប់​ឆ្នាំ២០២៤។ យ៉ាងណាមិញ ចំពោះការលើកទិសដៅអនុវត្តឆ្នាំ​២០២៤ អង្គប្រជុំបានឯកភាព​តាមផែនការ ដែលបានគ្រោងទុក ដោយ​គ្រោង​ជំរុញការងារចំការកៅស៊ូ រោងចក្រកៅស៊ូ ការអភិវឌ្ឍរីសត (ក្រុង​កែប ក្រុងព្រះសីហនុ និងកោះទន្សាយ) ការងារវិស្វកម្មនិងសំណង់ ការសាងសង់កំពង់ផែក្នុងស្រុក ការសាង​សង់កំពង់ផែសមុទ្រទឹកជ្រៅ ការងារភស្តុភារកម្ម និងក្រុមហ៊ុននាំចេញផ្សេងៗទៀត។

សូម​ជម្រាប​ថា ក្រុមហ៊ុន ទ្រីភាព គ្រុប ជាក្រុមហ៊ុនដែលបាន​និង​កំពុង​រកស៊ីលើវិស័យជាច្រើន ​មានដូចជា​សំណង់ ដឹកជញ្ជូន កំពង់ផែ សណ្ឋាគារ ប្រេងឥន្ធនៈ ដំណាំ​កៅស៊ូ​ និង​កន្លែង​សម្រាកលំហែ​ទេសចរណ៍ ដូចជា គម្រោង​អភិវឌ្ឍ កោះទន្សាយ រីសត ​នៅ​ខេត្តកែប ​​ដែល​គ្រោង​​ចំណាយ​ទុន​វិនិយោគ​ប្រមាណ ១៣០​លាន​ដុល្លារ​ផង​ដែរ៕

The post ក្រុមហ៊ុន អ្នកឧកញ៉ា ទ្រី ភាព ចូលរួមបង់ពន្ធជូនរដ្ឋដល់ទៅជាង ២០លានដុល្លារ ក្នុងឆ្នាំ២០២៣ appeared first on .

ផែនការមេ​នៃ​គម្រោង​អភិវឌ្ឍន៍​កោះទន្សាយ ​​ត្រូវ​បាន​ឌីហ្សាញ​ឡើង​ដោយ​ក្រុមហ៊ុន​ Osmosis Architects ​ដែល​​ក្នុង​នោះ​មានទាំង រីសត សណ្ឋាគារ មណ្ឌលកម្សាន្ត ព្រះពុទ្ធរូប និង រ៉តកន្រ្តកខ្សែកាបឆ្លងពីកោះទៅកោះមួយ​ទៀត​ផង។ គម្រោង​អភិវឌ្ឍន៍​ដ៏​ទាក់ទាញ​សម្បូរ​បែប​នៅ​លើ​កោះ​ទន្សាយ​នេះ ​ត្រូវ​បាន​គេ​រំពឹង​ថា​នឹង​អាច​ទាក់​ទាញ​ភ្ញៀវ​ទេសចរជាតិ និងអន្តរជាតិ​កាន់តែច្រើន។

កោះទន្សាយ ​ជារមណីយដ្ឋានរ​ណ​ប​របស់ខេត្ត​កែប ដែលអ្នកទេសចរជាតិ​ និងបរទេសបាន​​ទៅ​ទស្សនា​ខេត្ត​កែបហើយ តែងតែ​​​​ចង់​បន្តដំណើរ​​ទៅ​សម្រាកកម្សាន្ត​នៅកោះនេះ។ កោះទន្សាយ​ មានទីតាំងស្ថិតនៅប៉ែក​អាគ្នេយ៍នៃ​ទីក្រុងកែប មានចម្ងាយ៤,៥គីឡូម៉ែត្រពីទីក្រុងនេះ ជិះទូក​រយៈពេល​ប្រមាណ​៣០​នាទី ពី​កំពង់ផែ​ទេសចរណ៍​កោះទន្សាយ។ កោះនេះ​ជារមណីដ្ឋានធម្មជាតិ​ដ៏ល្អប្រណិត​របស់ទីក្រុង ដែល​មាន​លក្ខណៈ​អំណោយ​ផលពី​ធម្មជាតិ ព្រោះ​មាន​ឆ្នេរខ្សាច់​ចំនួន២កន្លែង ដែលមានវាលខ្សាច់សពីធម្មជាតិ អាចធ្វើជាកន្លែង​សម្រាប់​ងូតទឹក​កម្សាន្តសប្បាយ។

សូម​ជម្រាប​ថា ​កាលឆ្នាំ២០១៩ ក្រុមប្រឹក្សាអភិវឌ្ឍន៍កម្ពុជា បាន​​អនុម័ត​​ឱ្យ​ក្រុមហ៊ុន​ ទ្រី ភាព កោះទន្សាយ រីសត ឯ.ក (Try Pheap Koh Tunsay Resorts Co., Ltd) ទទួលបានសិទ្ធិអភិវឌ្ឍន៍កោះទន្សាយរហូត ៥០ឆ្នាំ​ ដោយ​ចំណាយទុនវិនិយោគរហូត ១៣០លានដុល្លារ ហើយបច្ចុប្បន្ននេះ ក្រុមហ៊ុនកំពុង​ដំណើរ​ការអភិវឌ្ឍ​គម្រោង​របស់ខ្លួនយ៉ាងសកម្ម ក្នុងបំណងបង្កើតទីក្រុងរណបថ្មីមួយ រួម​ទាំង​មណ្ឌលកម្សាន្ត​​ដ៏​សម្បូរ​បែប៕

The post មកមើលគម្រោងវិនិយោគកោះទន្សាយ ក្រុមហ៊ុនអ្នកឧកញ៉ា ទ្រី ភាព ដែលគ្រោងចំណាយទុន ១៣០លានដុល្លារ appeared first on .