អ្នកឧកញ៉ា ប៉ោ សំអឿន សូមគោរពអបអរសាទរ នាយករដ្ឋមន្រ្តី ហ៊ុន ម៉ាណែត ក្នុងឱកាសដែលព្រះមហាក្សត្រផ្តល់គោរមងារដ៏ឧត្តុង្គឧត្តមបំផុត ជា «សម្តេចមហាបវរធិបតី»

អ្នកឧកញ៉ាវត្តភ្នំ — Sun, 03 Sep 2023 03:13:57 +0000

អ្នកឧកញ៉ា ប៉ោ សំអឿន សូមគោរពអបអរសាទរដោយស្មោះ ជូនចំពោះ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងឱកាសដែលឯកឧត្តមនាយករដ្ឋមន្ត្រី ត្រូវបានព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានត្រាស់បង្គាប់ផ្តល់គោរមងារ ដ៏ឧត្តុង្គឧត្តមខ្ពង់ខ្ពស់បំផុត ជា «សម្តេចមហាបវរធិបតី» នៅថ្ងៃទី០២ ខែកញ្ញា ឆ្នាំ២០២៣។

អ្នកឧកញ៉ា បានបន្ថែមថា ឯកឧត្ដមនាយករដ្ឋមន្រ្តី ហ៊ុន ម៉ាណែត គឺពិតជាស័ក្តិសមបំផុត ចំពោះការទទួលបាននូវគោរមងារដ៏ឧត្តុង្គឧត្តមខ្ពង់ខ្ពស់បំផុត ជា «សម្តេចមហាបវរធិបតី» ហើយការផ្តល់គោរមងារនេះទៀតសោត ពិតជាស័ក្តិសមខ្លាំង សម្រាប់មុខតំណែងដ៏ខ្ពស់បំផុត ក្នុងប្រទេសកម្ពុជា ដែលប្រកាន់យករបបរាជានិយម អាស្រ័យដោយរដ្ឋធម្មនុញ្ញ។ គោរមងារនេះ ពិតស័ក្តិសមបំផុតចំពោះសម្តេច ដែលជាប្រមុខរាជរដ្ឋាភិបាល ពោរពេញទៅដោយសមត្ថភាពដ៏ខ្ពង់ខ្ពស់ ចំណេះដឹងដ៏ជ្រៅជ្រះ និងទេពកោសល្យដ៏ប៉ិនប្រសប់ប្រកបដោយគតិបណ្ឌិតដ៏ខ្ពង់ខ្ពស់។

ជាថ្មីម្ដងទៀត ខ្ញុំបាទ និងក្រុមគ្រួសារ សូមលើកហត្ថបួងសួង វត្ថុស័ក្ដិសិទ្ធិទាំងឡាយ សូមជួយអភិបាលគ្រងរក្សា ប្រោះព្រំ ប្រសិទ្ធពរ បវរមហាប្រសើរ ជូនសម្តេចមហាបវរធិបតី ហ៊ុន ម៉ាណែត និងលោកជំទាវ ព្រមទាំងគ្រួសារជាទីស្រឡាញ់ សូមបានប្រកបនូវព្រះពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ ជានិច្ចនិរន្តរ៍៕

The post អ្នកឧកញ៉ា ប៉ោ សំអឿន សូមគោរពអបអរសាទរ នាយករដ្ឋមន្រ្តី ហ៊ុន ម៉ាណែត ក្នុងឱកាសដែលព្រះមហាក្សត្រផ្តល់គោរមងារដ៏ឧត្តុង្គឧត្តមបំផុត ជា «សម្តេចមហាបវរធិបតី» appeared first on .

ណែនាំឱ្យស្គាល់មុខជំនួញមួយ របស់ភរិយាអ្នកឧកញ៉ា ប៉ោ សំអឿន

ឧកញ៉ាដែនដី — Sat, 24 Sep 2022 02:00:00 +0000

អ្នកឧកញ៉ា ប៉ោ សំអឿន ត្រូវបានគេស្គាល់ថា ជាសេដ្ឋីជើងចាស់មួយរូបនៅប្រទេសកម្ពុជា ដែលបានទទួលគោរមងារ «អ្នកឧកញ៉ា» ដំបូងគេលំដាប់ទី២ តាំងពីឆ្នាំ១៩៩៦ មកម្ល៉េះ។ ទោះបីលោកឧកញ៉ា ជាសេដ្ឋីមួយរូបយ៉ាងណាក្តី ប៉ុន្តែបើក្រឡេកទៅមើលភរិយារបស់លោកវិញ គឺលោកជំទាវ អ៊ូ លក្ខិណា ក៏នៅតែប្រកបជំនួញផងដែរ។

លោកជំទាវ អ៊ូ លក្ខិណា ជាម្ចាស់ហាង «ផ្ទះសាច់គោ» (The Steak Station)។ ផ្ទះសាច់គោ បម្រើសេវាកម្មលក់សាច់បែបលក្ខណៈគ្រួសារ ហើយអតិថិជនអាចបញ្ជារទិញ និងមានសេវាកម្មដឹកជញ្ជូនដល់ទីតាំងតែម្តង។

ផ្ទះសាច់គោ មានលក់សាច់គោស្តង់ដាមកពីអាមេរិក អូស្ត្រាលី ដែលមានជាប្រភេទសាច់ជាស្លាយ ស៊ុប អាំង និងប្រភេទជាស្ទេក។ ក្រៅពីនេះ ក៏មានលក់គ្រឿងបន្ថែមដូចជា ត្រីដូរី ប្រហិតតៅហូ ប្រហិតត្រី ប្រហិតនំប៉ោ និងប្រហិតសាច់មឹក។

ក្រៅពីការងារប្រកបមុខជំនួញ អ្នកឧកញ៉ា ប៉ោ សំអឿន និងភរិយា តែងតែជួយការងារសង្គមជាច្រើន ដូចជាបរិច្ចាគថវិកាជួយគ្រួសារយោធិន, បរិច្ចាគថវិកាជួយរដ្ឋាភិបាលកម្ពុជាសម្រាប់ទិញវ៉ាក់សាំងកូវីដ-១៩ និងការបង្កើតគ្រុបបណ្តាញសង្គម អ្នកឧកញ៉ា ប៉ោ សំអឿន សម្រាប់ការងារសប្បុរសធម៌ជួយដល់ប្រជាពលរដ្ឋ លោកតា លោកយាយ និងកងកម្លាំងការពារក្នុងមូលដ្ឋានផងដែរ៕

The post ណែនាំឱ្យស្គាល់មុខជំនួញមួយ របស់ភរិយាអ្នកឧកញ៉ា ប៉ោ សំអឿន appeared first on .