អ្នកឧកញ៉ា មាស សុភារី

អ្នកឧកញ៉ា មាស សុភារី ទទួលការតែងតាំងជា «ទីប្រឹក្សា» សម្តេច ឃួន សុដារី ប្រធានរដ្ឋសភា

ឧកញ៉ាដែនដី — Fri, 02 Feb 2024 01:15:00 +0000

លោកស្រីអ្នកឧកញ៉ា មាស សុភារី ត្រូវបានព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ត្រាស់បង្គាប់តែងតាំងផ្តល់ឋានៈជាទីប្រឹក្សា សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នីតិកាលទី៧ នៃរដ្ឋសភា ជាមួយនឹងឥស្សរជនចំនួន ១៥រូបទៀត នៅថ្ងៃទី១២ ខែមករា ឆ្នាំ២០២៤។ នេះបើតាមព្រះរាជក្រឹត្យលេខ នស/រកត/០១២៤/០៦៤។

ក្នុងឱកាសដ៏រីករាយនេះ អ្នកឧកញ៉ា ទៀ ណារ៉ាវុទ្ធ ដែលត្រូវជាស្វាមីរបស់លោកស្រីអ្នកឧកញ៉ា មាស សុភារី បានបង្ហោះលិខិតលើទំព័រហ្វេសប៊ុក ចូលរួមអបអរសាទរភរិយាជាទីស្រលាញ់របស់ខ្លួន នៅល្ងាចថ្ងៃទី០១ ខែកុម្ភៈ ឆ្នាំ២០២៤ ដូច្នេះថា៖ “ក្នុងឱកាសដែលព្រះមហាក្សត្រត្រាស់បង្គាប់តែងតាំងអូន ជាទីប្រឹក្សា សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា មានឋានៈស្មើ អនុរដ្ឋលេខាធិការ ក្នុងនាមបងផ្ទាល់ ក៏ដូចជាក្រុមគ្រួសាររបស់យើង ពិតជាមានមោទកភាពក្រៃលែងចំពោះការទទួលបាននូវការតែងតាំងតួនាទីថ្មីនេះ ដែលទាំងអស់នេះ ជាស្នាដៃនៃការខិតខំប្រឹងប្រែងក្នុងស្មារតីជួយរាជរដ្ឋាភិបាល ក៏ដូចជាជួយការងារសង្គមកន្លងមក។ បងក៏សូមជូនពរអូនសម្លាញ់ សូមមានសុខភាពល្អ បញ្ញាឈ្លាសវៃ កម្លាំងមាំមួន អាយុយឺនយូរ សម្រស់កាន់តែស្រស់ស្អាត និងជោគជ័យគ្រប់ភារកិច្ច។ ដោយក្តីស្រលាញ់បំផុតពីស្វាមី”។

សូមជម្រាបថា លោកស្រីអ្នកឧកញ៉ា មាស សុភារី គឺជាកូនស្រីបង្កើតរបស់លោក មាស សុភា ឧត្តមប្រឹក្សាផ្ទាល់ព្រះមហាក្សត្រ មានឋានៈស្មើឧបនាយករដ្ឋមន្រ្តី។ លោកស្រីឧកញ៉ា មាស សុភារី ទទួលបានគោរមងារ «អ្នកឧកញ៉ា» នៅថ្ងៃទី១៨ ខែសីហា ឆ្នាំ២០២៣ ខណៈដែលស្វាមីរបស់លោកស្រី គឺឧកញ៉ា ទៀ ណារ៉ាវុទ្ធ ទទួលបានគោរមងារ «អ្នកឧកញ៉ា» នៅថ្ងៃទី២៣ ខែមករា ឆ្នាំ២០២៣៕

The post អ្នកឧកញ៉ា មាស សុភារី ទទួលការតែងតាំងជា «ទីប្រឹក្សា» សម្តេច ឃួន សុដារី ប្រធានរដ្ឋសភា appeared first on .

ឪពុកបង្កើតអ្នកឧកញ៉ា មាស សុភារី តែងតាំងជាឧត្តមប្រឹក្សាផ្ទាល់ព្រះមហាក្សត្រ មានឋានៈស្មើឧបនាយករដ្ឋមន្រ្តី

ឧកញ៉ាកោះក្របី — Sun, 21 Jan 2024 09:26:01 +0000

ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ ត្រាស់បង្គាប់តែងតាំងលោក មាស សុភា ជាឧត្តមប្រឹក្សាផ្ទាល់ព្រះមហាក្សត្រ មានឋានៈស្មើឧបនាយករដ្ឋមន្រ្តី តាមរយៈព្រះរាជក្រឹត្យលេខ នស/រកត/០១២៤/០៨៤ ចុះនៅថ្ងៃទី២១ ខែមករា ឆ្នាំ២០២៤ ។

នៅក្នុងព្រះរាជក្រឹត្យ ព្រះមហាក្សត្រ ទ្រង់យល់លោក មាស សុភា បានចូលរួមជួយដឹកនាំប្រជាជាតិតាមរដ្ឋធម្មនុញ្ញឆ្នាំ១៩៩៣ សម្រាប់ជាឧត្តមប្រយោជន៍ដល់សង្គមជាតិ ទទួលបាននូវសន្តិភាព ស្ថិរភាព ឯកភាពជាតិ ការអភិវឌ្ឍជាតិលើគ្រប់វិស័យ ការពារលទ្ធិប្រជាធិបតេយ្យ ការពារជាតិ មានសន្តិសុខសង្គមល្អប្រសើរ ព្រមទាំងរក្សាបាននូវឯករាជ្យជាតិ និងបូរណភាពទឹកដីក្រោមការដឹកនាំដ៏ប៉ិនប្រសប់ និងឈ្លាសវៃរបស់សម្តេចតេជោ ហ៊ុន សែន ។

ជាមួយគ្នានោះ ព្រះមហាក្សត្រ ទ្រង់យល់ លោក មាស សុភា មានស្វាមីភក្តិចំពោះរាជបល្ល័ង្ក ការពារ គោរពព្រះពុទ្ធសាសនា និងចូលរួមការពារនិរន្តរភាពរាជានិយមនៃកម្ពុជា។

លោក មាស សុភា ជាអតីតនាយឧត្តមសេនីយ៍ មេបញ្ជាការកងទ័ពជើងគោក, អតីតទេសរដ្ឋមន្រ្តីទទួលបេសកកម្មពិសេស។ បច្ចុប្បន្នលោកជាសមាជិកគណៈអចិន្ដ្រៃយ៍គណៈកម្មាធិការកណ្ដាលនៃគណបក្សប្រជាជនកម្ពុជា និងជាប្រធានក្រុមការងាររាជរដ្ឋាភិបាល ចុះជួយមូលដ្ឋានខេត្តព្រះវិហារ។

លោក មាស សុភា ត្រូវជាឪពុកបង្កើតលោកស្រីអ្នកឧកញ៉ា មាស សុភារី នឹងត្រូវជាឪពុកក្មេកអ្នកឧកញ៉ា ទៀ ណារ៉ាវុទ្ធ (ចាង យុនហ្វេង) អគ្គនាយកក្រុមហ៊ុន Golden Fortune Securities Plc និងក្រុមហ៊ុន Golden Fortune Derivatives Exchange Co.,Ltd ដែលជាស្វាមីលោកស្រី មាស សុភារី៕

The post ឪពុកបង្កើតអ្នកឧកញ៉ា មាស សុភារី តែងតាំងជាឧត្តមប្រឹក្សាផ្ទាល់ព្រះមហាក្សត្រ មានឋានៈស្មើឧបនាយករដ្ឋមន្រ្តី appeared first on .

ព្រះមហាក្សត្រ ផ្តល់គោរមងារ«អ្នកឧកញ៉ា» ជូនដល់កូនស្រីម្នាក់របស់ទេសរដ្ឋមន្ត្រីទទួលបន្ទុកបេសកកម្មពិសេស

ឧកញ៉ាកោះក្របី — Sun, 20 Aug 2023 09:46:08 +0000

ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ត្រាស់បង្គាប់ផ្តល់គោរមងារ«អ្នកឧកញ៉ា» ឲ្យលោកស្រីឧកញ៉ា មាស សុភារី នៅថ្ងៃទី១៨ ខែសីហា ឆ្នាំ២០២៣ តាមរយៈព្រះរាជក្រឹត្យលេខ នស/រកត/០៨២៣/១៩៦៥ ធ្វើឡើងតាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្រ្តី។

លោកស្រីឧកញ៉ា មាស សុភារី ទទួលបានគោរមងារ«ឧកញ៉ា» នៅថ្ងៃទី២៣ ខែមករា ឆ្នាំ២០២៣ តាមរយៈព្រះរាជក្រឹត្យលេខ នស/រកត/០១២៣/១៣៦។

លោកស្រីឧកញ៉ា មាស សុភារី គឺជាកូនស្រីបង្កើតរបស់លោក មាស សុភា ទេសរដ្ឋមន្ត្រីទទួលបន្ទុកបេសកកម្មពិសេស និងជាស្វាមី អ្នកឧកញ៉ា ទៀ ណារ៉ាវុទ្ធ (ចាង យុនហ្វេង) អគ្គនាយកក្រុមហ៊ុន Golden Fortune Securities Plc និងក្រុមហ៊ុន Golden Fortune Derivatives Exchange Co.,Ltd ជាអនុប្រធានសមាគមមិត្តភាពកម្ពុជា-ចិន និងជាទីប្រឹក្សាក្រសួងធម្មការ និងសាសនា។ លោកឧកញ៉ា ក៏ធ្លាប់ជាមន្ត្រីជាន់ខ្ពស់មួយរូប នៅក្នុងក្របខ័ណ្ឌក្រសួងការពារជាតិផងដែរ៕

The post ព្រះមហាក្សត្រ ផ្តល់គោរមងារ«អ្នកឧកញ៉ា» ជូនដល់កូនស្រីម្នាក់របស់ទេសរដ្ឋមន្ត្រីទទួលបន្ទុកបេសកកម្មពិសេស appeared first on .