សមាគមសិល្បករខ្មែរ បានឱ្យដឹងថា ពិធីចុះហត្ថលេខានេះ បានប្រព្រឹត្តទៅក្រោមវត្តមានដ៏ខ្ពង់ខ្ពស់របស់ លោកជំទាវអ្នកឧកញ៉ា ម៉ៅ ចំណាន គិតម៉េង ប្រធានសមាគមសិល្បករខ្មែរ, ឧកញ៉ា គិត លីច័ន្ទផាន់ណា អនុប្រធាន និងជាទីប្រឹក្សាជាន់ខ្ពស់សមាគម​សិល្បករខ្មែរ ព្រមទាំងជាអគ្គនាយកប្រតិបត្តិក្រុមហ៊ុន KLYP Investments និងលោក ម៉ា អ៊ែមមឺសិន ម៉ានី នាយកប្រតិបត្តិនៃមន្ទីរពេទ្យអឃីត និងជានាយកគ្រប់គ្រងប្រចាំប្រទេសកម្ពុជា រួមជាមួយថ្នាក់ដឹកនាំ ក្រុមគ្រូពេទ្យ បុគ្គលិក សិល្បករ សិល្បការិនី និងភ្ញៀវកិត្តិយសជាច្រើនរូប។

ក្នុងឱកាសនោះ ឧកញ៉ា គិត លីច័ន្ទផាន់ណា បានថ្លែងសុន្ទរកថាតំណាងលោកជំទាវអ្នកឧកញ៉ា ម៉ៅ ចំណាន គិតម៉េង ដោយគូសបញ្ជាក់ថា កិច្ចសហការនេះ គឺជាការបង្ហាញពីឆន្ទៈរួមក្នុងការលើកកម្ពស់គុណភាពជីវិត និងការទទួលបានសេវាសុខាភិបាលប្រកបដោយគុណភាពសម្រាប់សិល្បករ សិល្បការិនីទូទាំងប្រទេស ជាពិសេសសិល្បកររៀមច្បង ដែលបានលះបង់ពេលវេលា កម្លាំងកាយចិត្ត និងទេពកោសល្យក្នុងការអភិរក្ស និងផ្សព្វផ្សាយសិល្បៈវប្បធម៌ជាតិ។

លោកបានមានប្រសាសន៍ថា៖ «សិល្បករ សិល្បការិនី គឺជាធនធានដ៏មានតម្លៃរបស់សង្គម និងជាអ្នកថែរក្សាអត្ត​សញ្ញាណ​ជាតិខ្មែរ។ ការយកចិត្តទុកដាក់លើសុខភាព សេចក្ដីថ្លៃថ្នូរ និងសុខុមាលភាពរបស់ពួកគាត់ គឺជាកាតព្វកិច្ច​ដែលយើងទាំងអស់គ្នាត្រូវរួមគ្នាគាំពារ និងថែរក្សា»។

តាមរយៈអនុស្សរណៈយោគយល់នេះ សមាជិកសមាគមសិល្បករខ្មែរ នឹងទទួលបានអត្ថប្រយោជន៍ជាច្រើន ពីមន្ទីរ​ពេទ្យអឃីត កោះពេជ្រ និងមន្ទីរពហុព្យាបាល អឃីត សែនសុខ រួមមានសេវាពិនិត្យ ព្យាបាល និងការថែទាំ​សុខភាព​ប្រកប​ដោយគុណភាព ព្រមទាំងលក្ខខណ្ឌអនុគ្រោះផ្សេងៗទៀត។

ជាមួយគ្នានេះ កិច្ចសហការនេះក៏បានបង្ហាញពីការប្តេជ្ញាចិត្តរបស់មន្ទីរពេទ្យអឃីត ក្នុងការអនុវត្តទំនួលខុស​ត្រូវសង្គម និងសកម្មភាពមនុស្សធម៌ តាមរយៈការគាំទ្រដល់សហគមន៍សិល្បករកម្ពុជា និងរួមចំណែកដល់​និរន្តរភាព​នៃវិស័យសិល្បៈវប្បធម៌ជាតិ។

ដោយឡែក លោក ម៉ា អ៊ែមមឺសិន ម៉ានី នាយកប្រតិបត្តិនៃមន្ទីរពេទ្យអឃីត និងជានាយកគ្រប់គ្រងប្រចាំ​ប្រទេស​កម្ពុជា បានបញ្ជាក់ថា កិច្ចសហប្រតិបត្តិការនេះ គឺជាជំហានដ៏សំខាន់ក្នុងការលើកកម្ពស់ការយល់ដឹង​ផ្នែកសុខភាព​ទៅកាន់សាធារណជន តាមរយៈការចូលរួមផ្សព្វផ្សាយសារសុខភាពដោយសមាគមសិល្បករខ្មែរ ដែលមានឥទ្ធិពល​វិជ្ជមាន​ដល់មហាជន។

លោកបានថ្លែងថា៖ «ក្នុងនាមជាមន្ទីរពេទ្យខ្មែរ យើងមានមោទនភាពក្នុងការប្រើប្រាស់ចំណេះជំនាញ និងវិជ្ជាជីវៈ មកបម្រើជាតិមាតុភូមិ ដោយភាពស្មោះត្រង់ និងទំនុកចិត្ត។ រាល់ការខិតខំប្រឹងប្រែងរបស់យើង គឺដើម្បីធានាបាន​នូវសុខសុវត្ថិភាព សុខភាព និងស្នាមញញឹមសម្រាប់ប្រជាជនខ្មែរ»។

ភាគីទាំងពីរ បានសម្តែងនូវជំនឿជាក់ថា កិច្ចសហការនេះនឹងបន្តរីកចម្រើន និងអាចក្លាយជាគំរូសម្រាប់ការពង្រីក​កិច្ចសហប្រតិបត្តិការរវាងវិស័យឯកជន និងស្ថាប័នវប្បធម៌ផ្សេងៗទៀតនៅកម្ពុជា។

សមាគមសិល្បករខ្មែរ បានបញ្ជាក់ថា នឹងបន្តស្វែងរកកិច្ចសហការនានា ដើម្បីគាំទ្រសិល្បករ សិល្បការិនី លើផ្នែកសុខុមាលភាព សង្គមកិច្ច និងការអភិវឌ្ឍជីវភាព ខណៈដែលមន្ទីរពេទ្យអឃីត ក៏នឹងបន្តបេសកកម្មផ្តល់​សេវាសុខាភិបាលប្រកបដោយគុណភាព សុវត្ថិភាព និងការយកចិត្តទុកដាក់ខ្ពស់ជូនដល់ប្រជាជនកម្ពុជា។

The post លោកជំទាវអ្នកឧកញ៉ា ម៉ៅ ចំណាន គិតម៉េង អញ្ជើញចុះ MoU រវាងសមាគមសិល្បករខ្មែរ និងមន្ទីរពេទ្យអឃីត ដើម្បីលើកកម្ពស់សុខុមាលភាពសិល្បករ និងផ្សព្វផ្សាយការយល់ដឹងសុខភាពដល់ពលរដ្ឋ appeared first on .

សមាគមសិល្បករខ្មែរ បានឱ្យដឹងថា ក្នុងឱកាសនោះ លោកជំទាវអ្នកឧកញ៉ា ម៉ៅ ចំណាន គិតម៉េង បានបញ្ជាក់ថា ទោះបីជាស្ថានភាពហាក់ធូរស្បើយបន្តិច ប៉ុន្តែបងប្អូនភៀសសឹកមួយចំនួននៅមិនទាន់អាចវិលត្រឡប់ទៅកាន់គេហដ្ឋានរបស់ពួកគាត់វិញបាននៅឡើយ ដូច្នេះការរួមគ្នាបន្តជួយឧបត្ថម្ភពួកគាត់គឺជារឿងចាំបាច់បំផុត។

លោកជំទាវអ្នកឧកញ៉ាបានបញ្ជាក់ថា៖«ខ្ញុំគិតថា ទោះបីពួកយើងមានស្បៀងមិនច្រើន ប៉ុន្តែឆន្ទៈ ស្មារតី និងកម្លាំងសាមគ្គីរួបរួមគ្នារបស់ពួកយើងត្រូវតែរស់រវើក។ ការរួមគ្នាជាធ្លុងតែមួយរបស់ពួកយើងជាអំណាយនៃការប្រយុទ្ធប្រឆាំងការឈ្លានពាន ពួកយើងត្រូវតែរឹងមាំ ត្រូវតែពួតដៃគ្នា»។

សូមជម្រាបថា មូលនិធិទ្រង់ទ្រង់ជនភៀសសឹក ត្រូវបានបង្កើតឡើងដោយអ្នកឧកញ៉ា គិត ម៉េង ប្រធានក្រុមប្រឹក្សាភិបាល និងជាប្រធានអគ្គនាយកក្រុមហ៊ុន រ៉ូយ៉ាល់ គ្រុប និងលោកជំទាវអ្នកឧកញ៉ា ម៉ៅ  ចំណាន គិតម៉េង ប្រធានសមាគមសិល្បករខ្មែរ ក្រោមកិច្ចសហការជាមួយក្រុមហ៊ុនវីង ក្រុមហ៊ុនសែលកាត និងក្រុមហ៊ុន CBS (CTN, MYTV, CNC, CBS Digital ) ដើម្បីជាកម្លាំងសប្បុរសធម៌ រួមចំណែកជាមួយរាជរដ្ឋាភិបាល ជួយដល់កងទ័ព និងបងប្អូនភៀសសឹក ដែលទទួលរងផលប៉ះពាល់ពីសង្គ្រាមឈ្លានពានពីប្រទេសថៃនៅតាមបន្ទាត់ព្រំដែនកម្ពុជា ថៃ នាពេលកន្លងមក៕

The post លោកជំទាវអ្នកឧកញ៉ា ម៉ៅ ចំណាន គិតម៉េង ដឹកនាំរៀបចំវេចខ្ចប់ស្បៀងយកទៅចែកជូនបងប្អូនភៀសសឹក ដែលមិនទាន់អាចវិលទៅកាន់គេហដ្ឋានវិញបាន appeared first on .

សមាគមសិល្បករខ្មែរ បានឱ្យដឹងថា ភាពយន្ត«ភូមិគ្រឹះម្លិះ» ត្រូវបានផលិតឡើងដោយមានការសហការគ្នារវាងផលិតកម្ម 4U Media ជាមួយ Elite Media  និង MTSL ដែលមានតារាសម្តែងលោក ប៉ែន ចំរ៉ុង ជាអ្នកដឹកនាំសម្តែងផ្ទាល់តែម្តង។ ភាពយន្តខ្នាតធំនេះ ត្រូវបានផលិតឡើងដោយមានការចូលរួមពីសំណាក់តារាសម្តែងល្បីៗ ដែលត្រូវបានគេសង្ឃឹមថា នឹងមានការនិយមគាំទ្រយ៉ាងច្រើនពីប្រជាពលរដ្ឋខ្មែរ។

សមាគមក៏សូមអំពាវនាវដល់សាធារណជន ចូលរួមគាំទ្រភាពយន្តខ្មែរទាំងអស់គ្នា។ ភាពយន្ត«ភូមិគ្រឹះម្លិះ» នឹងត្រូវចាក់បញ្ចាំងគ្រប់រោងភាពយន្តចាប់ពីថ្ងៃទី២៦ ខែកុម្ភៈ ឆ្នាំ២០២៦នេះតទៅ៕

The post លោកជំទាវអ្នកឧកញ៉ា ម៉ៅ ចំណាន គិតម៉េង ចូលរួមជាអធិបតីក្នុងពិធីសម្ពោធរឿង «ភូមិគ្រឹះម្លិះ» appeared first on .

តាមរយៈបណ្តាញសង្គម លោកជំទាវអ្នកឧកញ៉ា បានបន្តថា  នៅកម្ពុជា យើងរស់នៅជាគ្រួសារតែមួយ ប្រជាជាតិតែមួយ។ យើងអាចទទួលស្គាល់ថានេះជាការអបអរឆ្នាំថ្មី និងការជួបជុំគ្នាតាមបែបប្រពៃណីចម្រុះ ខណៈដែលយើងនៅតែរក្សាបាននូវឫសគល់ដើមកំណើតខ្មែរ ដែលមានតម្លៃជាអត្តសញ្ញាណរបស់យើងដូចជា សាមគ្គីភាពគ្រួសារ ការគោរពដឹងគុណ និងការគោរពដល់បុព្វបុរសជាដើម។

ឆ្លៀតក្នុងឱកាសនេះ លោកជំទាវអ្នកឧកញ៉ា សូមជូនពរបងប្អូនទាំងអស់ឱ្យមានសុខភាពល្អ សំណាងល្អ និង​សុភមង្គលគ្រប់ក្រុមគ្រួសារ ដោយការបើកបេះដូងទូលាយទទួលយកស្មារតីភារតភាព និងអត្តសញ្ញាណក្នុងនាមខ្មែរ​តែមួយ៕

The post លោកជំទាវអ្នកឧកញ៉ា ម៉ៅ ចំណាន គិតម៉េង៖ ទោះពិធីចូលឆ្នាំចិនមិនមែនជាប្រពៃណីខ្មែរ តែពិធីនេះជាឱកាស​អបអរមួយ​ដែលឆ្លុះបញ្ចាំងពីទំនៀមទម្លាប់ក្រុមគ្រួសារជាច្រើន appeared first on .

ពិធីចុះអនុស្សរណៈនៃការយោគយល់គ្នានេះ ធ្វើឡើងក្នុងគោលបំណងបង្កើនកិច្ចសហការ និងផ្តល់ការគាំទ្រឱ្យគ្នា​ទៅវិញទៅមក ដូចជាការផ្សព្វផ្សាយព័ត៌មានអំពីកម្មសិក្សា ឱកាសការងារ វគ្គបណ្តុះបណ្តាល សិក្ខាសាលា វប្បធម៌ និងព្រឹត្តិការណ៍ផ្សេងទៀត ដើម្បីចូលរួមលើកកម្ពស់អប់រំ បណ្តុះបណ្តាល ស្រាវជ្រាវ ផ្តល់ការងារ និងអត្ថប្រយោជន៍​សង្គមផងដែរ។

តាមរយៈការចុះអនុស្សារណៈយោគយល់រវាង ស.ស.យ.ក. និងសមាគមន៍សិល្បៈករខ្មែរ នាពេលនេះ គឺជា​សកម្មភាពមួយដែលបង្ហាញថា ស.ស.យ.ក. តែងតែយកចិត្តទុកដាក់ និងគាំទ្ររាល់សកម្មភាពដែលរួមចំណែក​ក្នុងការថែររក្សាអត្តសញ្ញាណជាតិ និងលើកស្ទួយកេរ្ត៍ដំណែលវប្បធម៌ដ៏មានតម្លៃ ដែលដូនតាខ្មែរបានបន្សល់ទុក សម្រាប់កូនចៅជំនាន់ក្រោយឱ្យបន្តរក្សា និងអភិវឌ្ឍ៕

The post ឧបនាយករដ្ឋមន្ត្រី ហ៊ុន ម៉ានី និងជំទាវអ្នកឧកញ៉ា ម៉ៅ ចំណាន គិតម៉េង ចុះហត្ថលេខាលើ MoU រវាងសហភាព​សហព័ន្ធយុវជនកម្ពុជា និងសមាគមសិល្បករខ្មែរ appeared first on .

តាមរយៈសារនៅលើបណ្ដាញសង្គមផ្លូវការរបស់ខ្លួន កាលពីថ្ងៃទី៣០ ខែមករា ឆ្នាំ២០២៦ អ្នកឧកញ៉ា ម៉ៅ ចំណាន គិត ម៉េង បានលើកឡើងថា រាល់ដងឱ្យតែពេលណាក្នុងខួរក្បាលមានភាពមន្ទិលសង្ស័យដែលតែងខ្សឹបតិចៗថា «អ្នកមិនទាន់ល្អគ្រប់គ្រាន់ទេ» នាងខ្ញុំតែងតែឆ្លើយតបជាមួយនឹងការចងចាំមួយ។

លោកជំទាវអ្នកឧកញ៉ា បានបន្ថែមថា « នាងខ្ញុំនៅចាំថាកាលពីខ្លួនឯងនៅក្មេងជាមនុស្សដែលខំជម្នះពុះពារឧបសគ្គគ្រប់បែបយ៉ាង ពោរពេញដោយក្ដីសង្ឃឹម និងការតាំងចិត្តខ្ពស់។ នាងខ្ញុំក៏ចាំបានថា ចំណាន កាលពីក្មេង មិនមានអ្វីនោះទេ ប៉ុន្តែនាងព្យាយាមយ៉ាងខ្លាំង ហើយនាងជឿជាក់លើជីវិតដែលនាងខ្ញុំកំពុងរស់នៅសព្វថ្ងៃនេះ»។

ជាមួយនឹងបទពិសោធន៍ជីវិតនេះ អ្នកឧកញ៉ា ម៉ៅ ចំណាន បានសង្កត់ធ្ងន់ថា «ដូច្នេះបងប្អូនស្រីៗគ្នាយើង កាលណាបងប្អូនសួរថាភាពខ្លាំងខ្លួនឯងជាអ្វី សូមគិតដល់ខ្លួនយើងកាលពីក្មេង ជាស្ត្រីម្នាក់តែងខំពុះពារគ្រប់យ៉ាងដែលយើងកម្រនឹងនឹកដល់។ សូមរស់នៅយ៉ាងណាធ្វើឱ្យខ្លួនយើងពីក្មេងមានមោទនភាពចំពោះខ្លួនឯងបច្ចុប្បន្ន ព្រោះនោះជាអ្វីខ្លួនយើងសក្ដិសមនឹងទទួលបានបំផុត»៕

The post អ្នកឧកញ៉ា ម៉ៅ ចំណាន ជំរុញនិងលើកទឹកចិត្ដដល់ស្រ្ដីគ្រប់រូប រស់នៅយ៉ាងណាធ្វើឱ្យខ្លួនយើងពីក្មេងមានមោទនភាពចំពោះខ្លួនឯងបច្ចុប្បន្ន ព្រោះនោះជាអ្វីខ្លួនយើងសក្ដិសមនឹងទទួលបានបំផុត appeared first on .

ក្នុងសារលិខិតជូនពរ លោកជំទាវអ្នកឧកញ៉ា ម៉ៅ ចំណាន គិតម៉េង បានសរសេរបែបនេះថា៖ “លោកជំទាវបណ្ឌិត ជាទីគោរពដ៏ខ្ពង់ខ្ពស់បំផុត! នៅក្នុងឱកាសដ៏ឧត្តុង្គឧត្តមវិសេសវិសាលប្រសើរថ្លៃថ្លា​ប្រកបដោយសេចក្តីសោមនស្ស​រីករាយ នៃឱកាសចម្រើនជន្មាយុគម្រប់ ៤៥ ឈានចូល ៤៦ឆ្នាំ របស់ លោកជំទាវបណ្ឌិត ដែលនឹងប្រព្រឹត្តទៅ​នៅថ្ងៃទី២២ ខែមករា ឆ្នាំ២០២៦នេះ តាងនាមសមាគមសិល្បករខ្មែរ និងក្នុងនាមរូបនាងខ្ញុំផ្ទាល់ ព្រមទាំងសិល្បករ​សិល្បការិនីទាំងអស់ ជាសមាជិកសមាជិកានៃសមាគមសិល្បករខ្មែរ សូមអនុញ្ញាតសម្តែងនូវគារវកិច្ចគោរព​ជូននូវ​សព្ទសាធុការពរជ័យ បវរសួស្តី សិរីមង្គល ជូនចំពោះលោកជំទាវបណ្ឌិត សូមប្រកបដោយសុខភាពល្អបរិបូរណ៍ កម្លាំងពលំមាំមួនខ្លាំងក្លា អាយុយឺនយូរ ប្រាជ្ញាឈ្លាសវៃ និងចាកផុតពីរោគាព្យាធិនានា។

នៅក្នុងឱកាសដ៏មហានក្ខត្តឫក្សប្រពៃថ្លៃថ្លានេះ យើងខ្ញុំទាំងអស់គ្នាសូមគោរពសម្តែងនូវការកោតសរសើរដោ អស់ពីដួងចិត្ត ចំពោះលោកជំទាវបណ្ឌិត ដែលជាកុលធីតាខ្មែរដ៏ឆ្នើមពោរពេញដោយសមត្ថភាព និងទេពកោសល្យ​មួយរូប ជាឧត្តមភរិយាដ៏ប្រពៃ ជាមាតាដ៏ល្អថ្លៃថ្លា ពិសេសភាពជាអ្នកដឹកនាំប្រកបដោយចក្ខុវិស័យ​របស់លោកជំទាវ​បណ្ឌិត ជាកម្លាំងចលករដ៏សំខាន់ក្នុងការរួមចំណែកជាមួយរាជរដ្ឋាភិបាល លើការងារសង្គមកិច្ច ការងារមនុស្សធម៌ សុខុមាលភាពប្រជាជន ការអប់រំ និងការអភិវឌ្ឍសមត្ថភាពជំនាញសម្រាប់អនាគតរបស់កុមារ ជាពិសេសកុមារី យុវតីនៅទូទាំងប្រទេស។

លើសពីនេះ ក្នុងតួនាទី «ជាស្រ្តីទី១» នៃព្រះរាជាណាចក្រកម្ពុជា លោកជំទាវបណ្ឌិត បានដើរតួនាទីយ៉ាងសំខាន់​ក្នុងការប្រកៀកស្មាជាមួយនឹងរាជរដ្ឋាភិបាលកម្ពុជា ដើម្បីវឌ្ឍនភាពជាតិមាតុភូមិ។ ពិសេស យើងខ្ញុំទាំងអស់គ្នា​បាន​មើលឃើញ​យ៉ាងជាក់ច្បាស់ពីការ ចូលរួមវិភាគទានមិនអាចខ្វះបានក្នុងការជួយសម្រាលបន្ទុក និងទុក្ខលំបាករបស់​ប្រជាពលរដ្ឋ និងប្រទេសជាតិ នៅក្នុងគ្រាដ៏លំបាកនៃសង្គ្រាមឈ្លានពានរបស់​ប្រទេសថៃមកលើអធិបតេយ្យភាព​ជាតិកម្ពុជា។

ជាថ្មីម្តងទៀត យើងខ្ញុំទាំងអស់គ្នាសូមលើកហត្ថបួងសួងវត្ថុស័ក្តិសិទ្ធិទាំងឡាយក្នុងលោក សូមជួយអភិបាល​គ្រង​រក្សា ប្រោះព្រំ ប្រសិទ្ធពរ បវរមហាប្រសើរ ជូនចំពោះលោកជំទាវបណ្ឌិត និងសម្តេចមហាបវរធិបតីនាយករដ្ឋមន្ត្រី ព្រមទាំងបុត្រា បុត្រីជាទីស្រលាញ់ សូមសមប្រកបនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀង​ឃ្លាតឡើយ”៕

The post លោកជំទាវអ្នកឧកញ៉ា ម៉ៅ ចំណាន គិតម៉េង ផ្ញើសារលិខិតជូនពរ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ក្នុងឱកាសខួបចម្រើនជន្មាយុ appeared first on .

សមាគមសិល្បករខ្មែរ បានឱ្យដឹងថា នៅចំពោះមុខជនភៀសសឹក ក្រុមគ្រួសារកងទ័ព និងវីរកងទ័ព លោកជំទាវ​អ្នកឧកញ៉ា ម៉ៅ ចំណាន គិតម៉េង បានថ្លែងដោយអារម្មណ៍ក្តុកក្តួលថា ការបាត់បង់ ការភ័យខ្លាច និងការនិរាស្ត្រ ពុំមែនជារឿងរបស់បងប្អូន​តែឯង​ឡើយ តែវាជាការឈឺចាប់រួមរបស់ប្រជាជនកម្ពុជាទាំង ១៧លាននាក់ និងខ្មែរជុំវិញពិភពលោក។

លោកជំទាវប្រធានសមាគមសិល្បករខ្មែរ បានគួសបញ្ជាក់យ៉ាងដូច្នេះថា៖ «សូមកុំមានភាពឯកា យើងត្រូវតស៊ូ ពង្រឹងសាមគ្គីភាពកាន់ដៃគ្នា ឈរជាមួយគ្នា ព្រោះយើងជាម្ចាស់ទឹកដីជាកូនចៅបុព្វបុរស ដែលបានកសាងអង្គរ​ដ៏អស្ចារ្យ»។

លោកជំទាវអ្នកឧកញ៉ា ម៉ៅ ចំណាន គិតម៉េង បានមានប្រសាសន៍ជម្រាបជូនបងប្អូនប្រជាភៀសសឹកទាំងអស់ អំពី​ប្រភព​នៃអំណោយដែលកើតចេញពីព្រឹត្តិការណ៍ Rise For Khmer ថាគឺជាព្រឹត្តិការណ៍ប្រគំតន្ត្រី ដែលរៀបចំឡើង​ដោយសមាគមសិល្បករខ្មែរ ផលិតកម្មបារមី និងក្រុមហ៊ុនសប្បាយតារា (ប្រទេសបារាំង) ដោយមានការឧបត្ថម្ភធំ​ពី​ក្រុមហ៊ុន រ៉ូយ៉ាល់គ្រុប ក្រុមហ៊ុន ជីប ម៉ុង លែន និងក្រុមហ៊ុន OCIC កាលពីថ្ងៃទី១ ខែធ្នូ ឆ្នាំ២០២៥ នៅទីក្រុង​ប៉ារីស ប្រទេសបារាំង ក្នុងគោលបំណងនាំយកសិល្បៈវប្បធម៌ដ៏ល្អផូរផង់កម្ពុជាទៅបង្ហាញ និងផ្សព្វផ្សាយនៅលើ​ឆាកអន្តរជាតិ។

Rise For Khmer ក៏ជាស្មារតីរួមនៃការងារមនុស្សធម៌ដ៏អស្ចារ្យ ក្នុងការកៀរគរថវិកាជួយដល់ប្រជាជនកម្ពុជា នៅតាម​ព្រំដែនកម្ពុជា-ថៃ ដែលទទួលរងផលប៉ះពាល់ពីការឈ្លានពាន, បាញ់ប្រហារយ៉ាងព្រៃផ្សៃពីកម្លាំង​យោធា​ប្រទេសថៃ។ ព្រឹត្តិការណ៍ Rise For Khmer ក៏ជាការនាំសារដ៏សំខាន់ពីកម្ពុជាទៅប្រាប់ពិភពលោកឱ្យច្បាស់ថា ប្រទេសថៃ គឺជាអ្នកបង្កសង្គ្រាម ជាអ្នកឈ្លានពាន តែប្រទេសថៃតែងបំភ្លៃ និងសម្តែងថា ខ្លួនជាប្រទេសរងគ្រោះ​ដោយគ្មានភាពអៀនខ្មាស។

លោកជំទាវអ្នកឧកញ៉ា បានបញ្ជាក់ថា តាមរយៈភាពជោគជ័យនៃព្រឹត្តិការណ៍ Rise For Khmer នៅទីក្រុងប៉ារីស​ប្រទេសបារាំង យើងបានទទួលថវិកាសរុបប្រមាណ ៨ម៉ឺនដុល្លារសហរដ្ឋអាមេរិក ដើម្បីនាំយកមករៀបចំកម្មវិធី​សប្បុរសធម៌​ជូនពុកម៉ែ បងប្អូនជនភៀសសឹក និងវីរកងទ័ពរបស់យើងជាបន្តបន្ទាប់៕

The post លោកជំទាវអ្នកឧកញ៉ា ម៉ៅ ចំណាន គិតម៉េង នាំយកសម្ភារប្រើប្រាស់ និងស្បៀងអាហារ ចែកជូនជនភៀសសឹក ១៨០០គ្រួសារ នៅខេត្តសៀមរាប appeared first on .

លោកជំទាវអ្នកឧកញ៉ា ម៉ៅ ចំណាន គិតម៉េង ក្នុងនាមជាអនុប្រធានក្រុមប្រឹក្សាភិបាលក្រុមហ៊ុន រ៉ូយ៉ាល់ គ្រុប និងជាអនុប្រធានមូលនិធិទ្រទ្រង់ជនភៀសសឹក នឹងដឹកនាំរៀបចំវេចខ្ចប់បន្ទាន់នូវសម្ភារៈប្រើប្រាស់ និងគ្រឿងឧបភោគបរិភោគចម្រុះ ដូចជា ភួយ, ក្រម៉ា, សារ៉ុង, ច្រាស់ដុះធ្មេញ, ថ្នាំដុះធ្មេញ, ប្រេងកូឡា, សាប៊ូ, ទឹកត្រី, ទឹកស៊ីអ៊ីវ, មីជាតិ, អង្ករ, ត្រីងៀត ដាច់ក្រក និងរបស់របរផ្សេងៗទៀត ដើម្បីនាំយកទៅចែកជូនដល់បងប្អូនជនភៀសសឹកនៅជំរំសុវត្ថិភាព។ 

សូមបញ្ជាក់ថា ការវេចខ្ចប់នេះ ត្រូវបានរៀបចំនៅព្រឹកថ្ងៃអង្គារ ទី១៦ នេះ ចាប់ពីម៉ោង ៩ព្រឹក តទៅ នៅ Royal One ស្តុបកាណាឌីយ៉ា អតីតប៉ុស្តិ៍លេខ ៣ចាស់ ដើម្បីឆ្លើយតបបន្ទាន់ទៅនឹងកំណើនជនភៀសសឹក និងតម្រូវចាំបាច់នៅជំរំភៀសសឹក៕

The post ជំទាវអ្នកឧកញ៉ា ម៉ៅ ចំណាន គិតម៉េង ដឹកនាំក្រុមការងារ ចុះកៀរគរថវិកានៅស្តង់ Royal One និងក្រុមហ៊ុន សែលកាត ដើម្បីរៀបចំការកៀរគរមូលនិធិពីសប្បុរសជនជួយជនភៀសសឹក appeared first on .

ការចូលរួមឧបត្ថម្ភថវិការបស់ អ្នកឧកញ៉ា និងលោកជំទាវ គឺជាការចូលរួមចំណែកជួយដល់ជនភៀសសឹក​ដែលកំពុងរងគ្រោះដោយសារការឈ្លានពានរបស់យោធាថៃ។ សម្តេចតេជោ ហ៊ុន សែន ថ្លែងអំពាវនាវប្រជាពលរដ្ឋ​ទាំងអស់ ឱ្យចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នា ជាធ្លង់មួយនៃខឿនការពារ​ជាតិរបស់កម្ពុជា។

ឆ្លៀតឱកាសនេះ យើងខ្ញុំសូមបួងសួងដល់ ទេវតារក្សាទឹកដីនៃព្រះរាជាណាចក្រកម្ពុជា បុព្វបុរសខ្មែរគ្រប់ព្រះអង្គ និងវត្ថុសក្តិសិទ្ធិក្នុងលោក សូមតាមថែរក្សាការពារកងទ័ពកម្ពុជារបស់យើង ឱ្យជួបប្រទះតែសេចក្តីសុខ ជៀសផុតពីជំងឺដង្កាត់ទាំងឡាយ ហើយឈ្នះអស់ខ្មាំងសត្រូវ។

សូមជម្រាបថា កាលថ្ងៃទី១៧ ខែកក្កដា ឆ្នាំ២០២៥ កន្លងទៅ អ្នកឧកញ៉ា គិត ម៉េង និងអ្នកឧកញ៉ា ម៉ៅ ចំណាន គិតម៉េង ក៏បានចូលជួបសម្តែងការគួរសម និងគោរពប្រគល់ជូនថវិកាមូលនិធិ ស៊ីធីអិនទ្រទ្រង់កងទ័ពការពារ​ព្រំដែនជាតិ ចំនួនជាង ៥០ម៉ឺនដុល្លារអាមេរិក ដល់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ផងដែរ ដើម្បីរួមចំណែកជួយដល់កងទ័ព ដែលកំពុងឈរជើងការពារដែនអធិបតេយ្យ បូរណភាព ទឹកដី នៅតាមបន្ទាត់​ព្រំដែនកម្ពុជា-ថៃ៕

The post អ្នកឧកញ៉ា គិត ម៉េង និងលោកជំទាវអ្នកឧកញ៉ា ម៉ៅ ចំណាន ប្រកាសចូលរួមឧបត្ថម្ភថវិកា ២លានដុល្លារ ដល់ជនភៀសសឹក តាមរយៈសម្តេចតេជោ ហ៊ុន សែន appeared first on .