អ្នកឧកញ៉ា យូ សាម៉េត

អ្នកឧកញ៉ា សួរ វីរៈ ទទួលការតែងតាំងជាទីប្រឹក្សាក្រសួងមហាផ្ទៃ

ឧកញ៉ាដែនដី — Thu, 02 Jan 2025 02:05:41 +0000

ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យតែងតាំង អ្នកឧកញ៉ា សួរ វីរៈ ជាទីប្រឹក្សាក្រសួងមហាផ្ទៃ ដោយពុំទទួលប្រាក់បំណាច់មុខងារ រួមទាំងឥស្សរជនចំនួន ១៦រូបផ្សេងទៀត តាមសេចក្តីក្រាបបង្គំទូលថ្វាយរបស់ សម្តេចធិបតី ហ៊ុន ម៉ាណែត នាយករដ្ឋមន្ត្រី កាលពីថ្ងៃទី២៧ ខែធ្នូ ឆ្នាំ២០២៤។

អ្នកឧកញ៉ា សួរ វីរៈ គឺជាអគ្គនាយកក្រុមហ៊ុន វីរៈប៊ុនថាំ អេចប្រេស ដែលជាក្រុមហ៊ុនដឹកជញ្ជូន អ្នកដំណើរ និងសេវាកម្មបញ្ញើរឆាប់រហ័ស ឈានមុខគេនៅកម្ពុជា និងជាម្ចាស់រីសត ជាច្រើនកន្លែង រួមមាន កោះស្តេចរីសត, កោះអភិជន រីសត, ភីដូម៉ា រីសត (Pidoma Resort) , ឧទ្យានបោះតង់គិរីរម្យ រំហើយ រីស៊ត, និងរំដួល រីស៊ត ព្រមទាំងរីសត ជាច្រើនកន្លែងទៀត សរុបជាង ១០កន្លែង ទូទាំងប្រទេសកម្ពុជា។ លោកឧកញ៉ា សួរ វីរៈ ត្រូវបានព្រះមហាក្សត្រផ្តល់គោរមងារ «អ្នកឧកញ៉ា» នៅថ្ងៃទី១៨ ខែកក្កដា ឆ្នាំ២០២៣ ហើយចុងឆ្នាំ២០២៤ កន្លងទៅនេះ អ្នកឧកញ៉ា ក៏ទើបទទួលបានការតែងតាំង ជាទីប្រឹក្សាសម្ដេចតេជោ ហ៊ុន សែន ប្រធានគណបក្សប្រជាជនកម្ពុជា កាលថ្ងៃទី៦ ខែធ្នូ ឆ្នាំ២០២៤ ផងដែរ។

សូមជម្រាបថា ក្រសួងមហាផ្ទៃ ត្រូវបានបង្កើតឡើងតាមរយៈព្រះរាជក្រម កាលថ្ងៃទី២៤ ខែមករា ឆ្នាំ១៩៩៦ ដោយមានបេសកម្មដឹកនាំ គ្រប់គ្រងរដ្ឋបាលដែនដីគ្រប់ថ្នាក់ លើវិស័យនយោបាយរដ្ឋបាល គ្រប់គ្រងកងកម្លាំងនគរបាលជាតិលើ វិស័យសន្តិសុខជាតិ សណ្តាប់ធ្នាប់សាធារណៈ និងសុវត្តិភាពសង្គមក្នុងព្រះរាជាណាចក្រកម្ពុជា៕

The post អ្នកឧកញ៉ា សួរ វីរៈ ទទួលការតែងតាំងជាទីប្រឹក្សាក្រសួងមហាផ្ទៃ appeared first on .

អ្នកឧកញ៉ា យូ សាម៉េត ផ្ញើសារជូនលោកស្រី ម៉ុក ទិព្វរាសី ក្នុងឱកាសដែលព្រះមហាក្សត្រព្រះរាជទានគោរមងារជា «ឧកញ៉ា»

ឧកញ៉ាដែនដី — Wed, 29 May 2024 01:39:22 +0000

អ្នកឧកញ៉ា យូ សាម៉េត អគ្គនាយក ECON Group បានផ្ញើសារអបអរសាទរចំពោះ លោកស្រី ម៉ុក ទិព្វរាសី ក្នុងឱកាសដែលលោកស្រីត្រូវបាន ព្រះករុណា ព្រះបាទសម្តេចព្រះបរមនាថនរោត្តមសីហមុនីព្រះមហាក្សត្រនៃព្រះរាជាណាចក្រកម្ពុជា សព្វព្រះរាជហរទ័យព្រះរាជទាននូវគោរមងារជា «ឧកញ៉ា» នៅថ្ងៃទី២៤ ខែឧសភា ឆ្នាំ២០២៤។

អ្នកឧកញ៉ា បុគ្គលិក និងសហការគ្រប់ជាន់ថ្នាក់ មានសេចក្តីសោមនស្សរីករាយ សូមបួងសួងជូនពរជ័យ សិរីមង្គល ប្រាជ្ញាឈ្លាសវៃ វិបុលសុខមហាប្រសើរថ្លៃថ្លាគ្រប់ប្រការ ជូនចំពោះ លោកស្រីឧកញ៉ា និងក្រុមគ្រួសារ សូមមានសុខភាពល្អបរិបូរណ៍ ពលានុភាពមាំមួន ជន្មាយុយឺនយូរ និងទទួលបាននូវជោគជ័យរីកចម្រើន រុងរឿង ជានិរន្តរ៍៕

The post អ្នកឧកញ៉ា យូ សាម៉េត ផ្ញើសារជូនលោកស្រី ម៉ុក ទិព្វរាសី ក្នុងឱកាសដែលព្រះមហាក្សត្រព្រះរាជទានគោរមងារជា «ឧកញ៉ា» appeared first on .

ឧកញ៉ាវ័យក្មេង ២៩ឆ្នាំ មួយរូប ទទួលបានគោរមងារ «អ្នកឧកញ៉ា» ដែលវ័យក្មេងជាងគេបំផុត

ឧកញ៉ាដែនដី — Wed, 16 Aug 2023 03:16:48 +0000

ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់ផ្តល់គោរមងារ ឧកញ៉ា ម៉េត តារាម៉ូវ ជា «អ្នកឧកញ៉ា» នៅថ្ងៃទី ១៥ ខែសីហា ឆ្នាំ២០២៣ តាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។

ឧកញ៉ា ម៉េត តារាម៉ូវ វ័យ២៩ឆ្នាំ ត្រូវបានគេស្គាល់ថា ជាកូនប្រុសរបស់ អ្នកឧកញ៉ា យូ សាម៉េត ទីប្រឹក្សាផ្ទាល់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ ស៊ឹង ហ្គេចអ៊ីម។ លោកឧកញ៉ា ម៉េត តារាម៉ូវ ជាឧកញ៉ាវ័យក្មេង បច្ចុប្បន្នកំពុងកាន់តួនាទីជាអគ្គនាយករង ក្រុមហ៊ុន ECON Group ដែលមានក្រុមហ៊ុនបុត្រសម្ព័ន្ធផ្សេងៗទៀត ទាក់ទងទៅនឹងផ្នែកអចលនទ្រព្យ ភោជនីយដ្ឋាន ប្រព័ន្ធផ្សព្វផ្សាយវិទ្យុ និងផលិតផលសុខភាព។ បើធៀបនឹងអាយុក្នុងចំណោមអ្នកឧកញ៉ា លោកឧកញ៉ា ម៉េត តារាម៉ូវ គឺជាអ្នកឧកញ៉ា ដែលមានវ័យក្មេងជាងគេបំផុត នៅកម្ពុជា៕

The post ឧកញ៉ាវ័យក្មេង ២៩ឆ្នាំ មួយរូប ទទួលបានគោរមងារ «អ្នកឧកញ៉ា» ដែលវ័យក្មេងជាងគេបំផុត appeared first on .

ឧកញ៉ា យូ សាម៉េត ទទួលបានគោរមងារជា «អ្នកឧកញ៉ា»

កូនចៅឧកញ៉ា — Wed, 01 Sep 2021 06:56:10 +0000

ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យមួយ ផ្តល់គោរមងារជា «អ្នកឧកញ៉ា» ដល់ឧកញ៉ា យូ សាម៉េត។ ខាងក្រោមនេះ ជាព្រះរាជក្រឹត្យ ផ្តល់គោរមងារ «អ្នកឧកញ៉ា» ដល់ឧកញ៉ា យូ សាម៉េត៖

The post ឧកញ៉ា យូ សាម៉េត ទទួលបានគោរមងារជា «អ្នកឧកញ៉ា» appeared first on .

ឧកញ៉ា អ៊ឹង ឃាង ផ្ញើសារជូនអ្នកឧកញ៉ាបណ្ឌិត យូ សាម៉េត ឱកាសដែលព្រះមហាក្សត្រព្រះរាជទានគោរមងារជា « អ្នកឧកញ៉ា »

កូនចៅឧកញ៉ា — Wed, 01 Sep 2021 04:13:44 +0000

លោកឧកញ៉ា បណ្ឌិត អ៊ឹង ឃាង អគ្គនាយកក្រុមហ៊ុនUng Kheang groupនិងជាម្ចាស់បុរី «ឃាង កលិកា» បានផ្ញើសារអបអរសាទរចំពោះ អ្នកឧកញ៉ាបណ្ឌិត យូ សាម៉េត ក្នុងឱកាសដែលលោកបណ្ឌិតត្រូវបាន ព្រះករុណា ព្រះបាទសម្តេចព្រះបរមនាថនរោត្តមសីហមុនីព្រះមហាក្សត្រនៃព្រះរាជាណាចក្រកម្ពុជា សព្វព្រះរាជហរទ័យព្រះរាជទាននូវគោរមងារជា « អ្នកឧកញ៉ា » ។

The post ឧកញ៉ា អ៊ឹង ឃាង ផ្ញើសារជូនអ្នកឧកញ៉ាបណ្ឌិត យូ សាម៉េត ឱកាសដែលព្រះមហាក្សត្រព្រះរាជទានគោរមងារជា « អ្នកឧកញ៉ា » appeared first on .

កម្រិត «អ្នកឧកញ៉ា» ថ្នាក់ធំជាង «ឧកញ៉ា» នៅស្រុកខ្មែរមានអ្នកណាខ្លះ?

ឧកញ៉ាសម្រែ — Wed, 18 Aug 2021 01:32:40 +0000

មិនទាន់មានតួលេខផ្លូវការពីគោរមងារអ្នកឧកញ៉ាជាឥស្សរជនកំពូល ដែលប្រទានដោយព្រះមហាក្សត្រនៅឡើយ។ គោរមងារឧកញ៉ាមាន ៣ ថ្នាក់គឺ «ឧកញ៉ា អ្នកឧកញ៉ា និងលោកអ្នកឧកញ៉ា»។

បច្ចុប្បន្ននេះ គោរមងារ «ឧកញ៉ា» មានមិនក្រោម ១ ពាន់នាក់នោះទេ។ ដោយឡែកគោរមងារ «អ្នកឧកញ៉ា» មិនទាន់មានតួលេខឬឯកសារបង្ហាញជាក់លាក់នៅឡើយទេ។

គួរបញ្ជាក់ថា «ឧកញ៉ា» គឺមានស័ក្តិតូចជាង «អ្នកឧកញ៉ា»។ រីឯ «អ្នកឧកញ៉ា» គឺមានស័ក្តិតូចជាង «លោកអ្នកឧកញ៉ា»។ ចំពោះគោរមងារ «លោកអ្នកឧកញ៉ា» មិនទាន់មានការអះអាងបុគ្គលឬឥស្សរជនកំពូលណាបានទទួលគោរមងារដ៏ខ្ពង់ខ្ពស់បំផុតនេះដែរ គឺមានត្រឹមកម្រិត ឧកញ៉ា និងអ្នកឧកញ៉ា ប៉ុណ្ណោះ។

ឧកញ៉ាញូស៍នឹងបង្ហាញបុគ្គលដែលទទួលបានគោរម្យងារកម្រិត អ្នកឧកញ៉ា ដែលជាថ្នាក់កម្រិតទីពីរនៃឧកញ៉ា៖

អ្នកឧកញ៉ា ថេង ប៊ុនម៉ា

អ្នកឧកញ៉ា ថេង ប៊ុនម៉ា ជាអ្នកជំនួញចាស់ទុំជាអគ្គនាយកក្រុមហ៊ុន ថៃ ប៊ុនរ៉ុង ដែលជាម្ចាស់សណ្ឋាគារលំដាប់ផ្កាយ ៥ដ៏ល្បី Intercon នៅជិតផ្សារដើមគ។ សេដ្ឋីធ្លាប់មានដាច់គេក្នុងអំឡូងទសវត្សន៍ឆ្នំា ១៩៨០ និង ២០០០ បានទទួលមរណៈភាពនៅឆ្នាំ២០១៦ ដោយជរាពាធក្នុងជន្មាយុ៧៥ឆ្នាំ។

អ្នកឧកញ៉ា គិត ម៉េង

ជាអគ្គនាយកក្រុមហ៊ុនរ៉ូយ៉ាល់គ្រុប ដែលក្រុមហ៊ុនអាជីវកម្មមិនក្រោម ៥០ ក្នុងដៃ ហើយក៏ជាម្ចាស់ស្ថានីយទូរទស្សន៍ស៊ីធីអិន រួមទាំងក្រុមហ៊ុនបណ្តាញទូរសព្ទសែលកាត។

អ្នកឧកញ៉ា សុខ គង់

អ្នកឧកញ៉ា សុខ គង់ ជាមហាសេដ្ឋីនិងជាអ្នកជំនួញដ៏មានឥទ្ធិពល ជាម្ចាស់សម្ព័ន្ធក្រុមហ៊ុនសូគីម៉ិចគ្រុប (SOKIMEX GROUP) ដែលរកស៊ីនាំចូលប្រេងសាំង រកស៊ីកាស៊ីណូ សណ្ឋាគារ។

អ្នកឧកញ៉ា លី យ៉ុងផាត់

អ្នកឧកញ៉ាលី យ៉ុងផាត់ ត្រូវបានគេស្គាល់ជាអ្នកជំនួយមកពីខេត្តកោះកុង ហើយដែលគេដាក់រហ័សនាម «ស្តេចកោះកុង»។ មហាសេដ្ឋីមានងារជាអ្នកឧកញ៉ា មិនសូវជាចេញមុខចេញមាត់ច្រើនទេ តែគេដឹងថាសេដ្ឋីមានលុយរយលាននេះ ក្តោបក្តាប់មុខជំនួញមិនតិចទេលើវិស័យទេសចរណ៍ កសិកម្ម ហើយនៅខេត្តកោះក្រុងក្រុមហ៊ុនធំៗសុទ្ធតែក្រោមការគ្រប់គ្រងរបស់អ្នកជំនួយមួយនេះ។

អ្នកឧកញ៉ា ហុង ពីវ

បើនិយាយពីអ្នកឧកញ៉ា ហុង ពីវ គេស្គាល់ច្រើនបំផុតពីគម្រោងបុរីពិភពថ្មី។ អ្នកឧកញ៉ារូបនេះលេចធ្លោលើមុខជំនួញអចលនទ្រព្យគម្រោងអភិវឌ្ឍបុរីពិភពថ្មី ដែលមានការគាំទ្រ និងពង្រីកស្ទើរតែគ្រប់ផ្លូវជាតិចេញចូលក្នុងរាជធានីភ្នំពេញ។

អ្នកឧកញ៉ា ឡេង ណាវ៉ាត់ត្រា

អតីតជាពលករតែប៉ុន្មានឆ្នាំសោះឡើងងារជាឧកញ៉ា និងក្រោយមកត្រូវបានរដ្ឋាភិបាស្នើទៅព្រះមហាក្សត្រដំឡើងងារពីឧកញ៉ាឡើងជាអ្នកឧកញ៉ាថែមទៀតកាលពីដើមឆ្នាំ ២០២១។ ឧកញ៉ាវ័យក្មេងច្រើនដាក់ខ្លួននេះ រកស៊ីលើផ្នែកអចលនទ្រព្យពុះដីឡូ និងសង់ផ្ទះលក់ ហើយក៏ឧស្សាហ៍ចេញមុខជួយសង្គម ជាពិសេសនៅពេលមានការអំពាវនាវពីរដ្ឋាភិបាល ក្នុងការស្វែងរកការឧបត្ថម្ភផ្សេងៗ។

អ្នកឧកញ៉ា ភាព ហៀក អ្នកឧកញ៉ា លាង ឃុន អ្នកឧកញ៉ា លាង ម៉េង

ក្រុមគ្រួសារស្ថាបនិកក្រុមហ៊ុនជីប ម៉ុងគ្រុប ត្រូវបានព្រះមហាក្សត្រផ្តល់គោរមងារជា «អ្នកឧកញ៉ា» ក្នុងថ្ងៃតែមួយ។ ឧកញ៉ា ភាព ហៀក ប្រធានក្រុមប្រឹក្សាភិបាល, ឧកញ៉ា លាង ឃុន ប្រធានអគ្គនាយកក្រុមហ៊ុន និងឧកញ៉ា លាង ម៉េង អគ្គនាយក ដែលជាស្ថាបនិក និងសហស្ថាបនិកក្រុមហ៊ុន ជីប ម៉ុងគ្រុប ត្រូវបានព្រះមហាក្សត្រផ្តល់គោរមងារជា «អ្នកឧកញ៉ា» ក្នុងថ្ងៃតែមួយ គឺនៅថ្ងៃទី ០៣ ខែកញ្ញា ឆ្នាំ ២០២០។

អ្នកឧកញ៉ា ពុង ឃាវសែ

ឧកញ៉ា ពុង ឃាវសែ គឺជាពាណិជ្ជករមានឥទ្ធិពល ជាម្ចាស់សម្ព័ន្ធសហគ្រាសកាណាឌីយ៉ា ដែលទទួលបានគម្រោងអភិវឌ្ឍធំៗដូចជាទីក្រុងកោះពេជ្រ ទីក្រុងជ្រោយចង្វា តំបន់អភិវឌ្ឋកោះនរា និងគម្រោងព្រលានយន្តហោះភ្នំពេញថ្មីនៅខេត្តកណ្តាល។

អ្នកឧកញ៉ា ហេង សិទ្ធី

អគ្គនាយកក្រុមហ៊ុន Maritime Group គឺជាអ្នកជំនួញវ័យក្មេងមួយ ទទួលបាននូវភាពជោគជ័យខ្លាំង ប៉ុន្តែលោកហាក់មិនសូវបង្ហាញមុខនៅទីសាធារណៈនោះទេ។

អ្នកឧញ៉ា ហូលិក តាន់ឌីហ្សូណូ

ជាសហគ្រិនរូបនេះបានទទួលបានគោរមងារជាអ្នកឧញ៉ា នៅថ្ងៃ២៦ ធ្នូ ឆ្នាំ២០២០។ មានម្ចាស់ក្រុមហ៊ុន ម៉ារីថាមឌីវេឡុបម៉ិនគ្រុបដែលជាក្រុមហ៊ុនមេធំមានដូចជា រីស៊ត Sea Sense លំដាប់ផ្កាយនៅលើកោះស្រមោច ខេត្តព្រះសីហនុ ធនាគារ ឯកទេស ម៉ារីថាម ក្រុមហ៊ុនផ្នែកសំណង់ និងមានក្រុមហ៊ុនមួយចំនួនផ្សេងទៀត។

អ្នកឧកញ៉ា សំ អាង អ្នកឧកញ៉ា ឈុន លាង អ្នកឧកញ៉ា សំអាង វឌ្ឍន:

អ្នកឧកញ៉ាទាំង៣រូប ត្រូវបានព្រះមហាក្រត្សចេញព្រះរាជក្រឹត្យផ្តល់គោរមងារជា អ្នកឧកញ៉ា នៅថ្ងៃ២៦ ធ្នូ ឆ្នាំ២០២០។ អ្នកឧកញ៉ាសំ អាង ជាម្ចាស់អគារពាណិជ្ជកម្ម វឌ្ឍនៈនៅកណ្ដាលទីក្រុងភ្នំពេញ ជាម្ចាស់សួនឧស្សាហកម្មវឌ្ឍនៈ ដែលមានបណ្ដុំរោងចក្រជាច្រើន ម្ចាស់ធនាគារវឌ្ឍនៈ ហើយក៏កំពុងអភិវឌ្ឍន៍រោងចក្រផលិតស្រាបៀមួយផងដែរ។ អ្នកឧកញ៉ាឈុន លាង គឺជាភរិយារបស់អ្នកឧកញ៉ា សំអាង និងជាប្រធានក្រុមប្រឹក្សាភិបាលក្រុមហ៊ុន Vattanac Capital។ អ្នកឧកញ៉ាសំអាង វឌ្ឍនៈ គឺជាកូនបង្កើតរបស់អ្នកឧកញ៉ា សំ អាងនិង អ្នកឧកញ៉ា ឈុន លាង ។ អ្នកឧកញ៉ា សំអាង វឌ្ឍនៈ គឺជាម្ចាស់សណ្ឋាគារ រ៉ូសវូដ នៅលើកំពូលអគារវឌ្ឍនៈកាពីថល ជាសណ្ឋាគារលំដាប់ផ្កាយ៥នៅកម្ពុជា។

អ្នកឧកញ៉ា លី ហួរ

អ្នកឧកញ៉ា លី ហួរ ជាអ្នកជំនួញជើងចាស់រកស៊ីជាង ៣០ឆ្នាំ។ ដោយចាប់ផ្តើមមុខរបរពីហាងប្តូរប្រាក់ រហូតមានក្រុមហ៊ុនសម្ព័ន្ធជាង ១០។ មានជំនួញជាច្រើន តែថ្មីៗនេះអ្នកឧកញ៉ាបានពង្រីកបន្ថែមទៅវិស័យហិរញ្ញវត្ថុ តាមរយៈធនាគារលីហួរ SBLH។

អ្នកឧកញ៉ា សៀ ឬទ្ធី

អ្នកឧកញ៉ា សៀ ឫទ្ធី ជាប្រធានក្រុមប្រឹក្សាភិបាលក្រុមហ៊ុន WorldBridge Group ដែលមានបុត្រសម្ព័ន្ធជាង ៣០ ក្រុមហ៊ុន។ អគារ The Bridge, The Peak រីស៊តThe Palm ក្រុមហ៊ុន Kerry Express, Thai Cargo, Oxley WorldBridgeត្រូវបានគេដឹងថាក្រោមសម្ព័ន្ធក្រុមហ៊ុន WorldBridge Group របស់មហាសេដ្ឋីរូបនេះ។

អ្នកឧកញ៉ា ហ៊ុន តូ

អ្នកឧកញ៉ា ហ៊ុន តូ អគ្គនាយក ក្រុមហ៊ុន អិល អិច អ អាស៊ាន អ៊ិនវេសមេន ខូអិលធីឌី ជាអ្នកជំនួញដ៏ល្បីល្បាញទាំងនៅកម្ពុជា និងអូស្ត្រាលី ហើយក៏ត្រូវជាក្មួយសម្តេចតេជោហ៊ុន សែន។

អ្នកឧកញ៉ា ឡាវ ម៉េងឃីន

អ្នកឧកញ៉ាឡាវ ម៉េងឃីន ក្តៅពីជាអ្នកជំនួញ អ្នកឧកញ៉ាក៏ជាសមាជិកព្រឹទ្ធសភា ជាប្រធានសមាគមនិកាយចិនទៀជីវ និងជាអនុប្រធានអចិន្ត្រៃយ៍សមាគមមិត្តភាពកម្ពុជា-ចិន។

អ្នកឧកញ៉ា ម៉ុង ឬទ្ធី

អ្នកឧកញ៉ា ម៉ុង ឬទ្ធី ស្ថាបនិកនៃក្រុមហ៊ុន Mong Reththy Group ហើយត្រូវបានប្រសិទ្ធិនាមជាស្តេចកសិកម្មដែលមានដីរាប់ម៉ឺនហិកតានៅខេត្តព្រះសីហនុ ដាំដុះដំណាំដូងប្រេង និងដំណាំកសិឧស្សាហកម្ម មានកសិដ្ឋានចីញ្ចឹមជ្រូល។ និងជាអ្នកជំនួញដែលមានឥទ្ធិពលបំផុត អ្នកឧកញ៉ាក៏ជាសមាជិកព្រឹទ្ធសភាមួយរូប។

អ្នកឧកញ៉ាកុក អាន

អ្នកឧកញ៉ាកុក អាន ជាអគ្គនាយកក្រុមហ៊ុន Anco Group ដែលដើមកំណើតមកពីខេត្តកោះកុរង។ ទស្សនាវដ្តី Fox នៅឆ្នាំ២០១៨ បានចុះផ្សាយអ្នកឧកញ៉ា កុក អាន ឈរលំដាប់លេខរៀងទី៥ នៃបញ្ជីអ្នកមានប្រចាំស្រុកខ្មែរ ដោយលោកមានលុយប្រមាណ ៧៥០ លានដុល្លារអាមេរិក។

អ្នកឧកញ៉ា ឃុន សៀ

ក្រុមហ៊ុន ឃុន សៀ អ៊ីមផត អិចផត ជាកម្មសិទ្ធិរបស់លោកឧកញ៉ា ឃុន សៀ។ អ្នកឧកញ៉ា ឃុន សៀ ត្រូវបានគេស្គាល់ថាជាអ្នករកស៊ីខាងអចលនទ្រព្យមួយរូប និងជាសេដ្ឋីអចលនទ្រព្យ។

អ្នកឧកញ៉ាបណ្ឌិត យូ សាម៉េត

អ្នកឧកញ៉ា យូ សាម៉េត អគ្គនាយកក្រុមហ៊ុនអ៊ីខនគ្រុប ( ECON Group) និងអគ្គនាយកវិទ្យុឯករាជ្យ (លោកគ្រូ នេត ឈរ័)។

អ្នកឧកញ៉ាគិត ធាង

អ្នកឧកញ៉ាគិត ធាង គឹជាអ្នកជំនួញ ហើយដែលត្រូវបានគេស្កាល់ជាម្ចាស់ក្លិបកម្សាន្ត Rock និងផលិតកម្មចម្រៀង ROCK។ អ្នកឧកញ៉ាគិត ធាង ក៏ត្រូវជាបងប្រុងបង្កើតអ្នកឧកញ៉ាគិត ម៉េង៕

The post កម្រិត «អ្នកឧកញ៉ា» ថ្នាក់ធំជាង «ឧកញ៉ា» នៅស្រុកខ្មែរមានអ្នកណាខ្លះ? appeared first on .

អ្នកឧកញ៉ា យូ សាម៉េត និងលោកជំទាវ ឧបត្ថម្ភនូវគ្រឿងឧបភោគបរិភោគជាច្រើនដល់ក្រុមគ្រូពេទ្យ TYDA

ឧកញ៉ាកោះក្របី — Sat, 12 Jun 2021 14:50:28 +0000

ដើម្បីរួមចំណែកជាមួយសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ក្នុងយុទ្ធនាការប្រឆាំងជំងឺកូវីដ-១៩ រួមទាំងព្រឹត្តិការណ៍ ២០ កុម្ភៈ អ្នកឧកញ៉ា យូ សាម៉េត និងលោកជំទាវ ស៊ឹង ហ្គេចអ៊ីម បានឧបត្ថម្ភនូវគ្រឿងឧបភោគបរិភោគជាច្រើន។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

ជាមួយនឹងទឹកចិត្តដ៏សប្បុរសក្នុងកិច្ចការមនុស្សធម៌ សមាគមគ្រូពេទ្យស្ម័គ្រចិត្ត TYDA ក៍សូមថ្លែងអំណរគុណយ៉ាងជ្រាលជ្រៅជូនចំពោះអ្នកឧកញ៉ា យូ សាម៉េត និង លោកជំទាវ ស៊ឹង ហ្គេចអ៊ីម ដែលបានឧបត្ថម្ភ ៖ អង្ករ ចំនួន ២០ តោន, ត្រីខ ចំនួន ៥០កេស, ទឹកស៊ីអ៊ីវ ចំនួន ១,៨០០ ដប, អំបិល ចំនួន ១៥០ គក, អាកុល ចំនួន ៣០០ លីត្រ និងម៉ាស ចំនួន ១០ កេស។

សូមបញ្ជាក់ផងដែរថា គិតត្រឹមព្រឹកថ្ងៃទី១២ ខែមិថុនា ឆ្នាំ២០២១នេះ កម្ពុជាមានអ្នកឆ្លងកូវីដ១៩សរុបជាបណ្តោះអាសន្នចំនួន ៣៧,៩៥៩ នាក់ ខណៈអ្នកជាសះស្បើយបានកើនឡើងដល់ ៣១,២២២ នាក់ និងអ្នកស្លាប់ក្នុងព្រឹត្តិការណ៍សហគមន៍ចំនួន ៣២០ នាក់៕

The post អ្នកឧកញ៉ា យូ សាម៉េត និងលោកជំទាវ ឧបត្ថម្ភនូវគ្រឿងឧបភោគបរិភោគជាច្រើនដល់ក្រុមគ្រូពេទ្យ TYDA appeared first on .

សេដ្ឋីអចលនទ្រព្យច្រើនរូបអមដំណើរមហាសេដ្ឋី យូ សាម៉េត ទៅទស្សនកិច្ចគម្រោងអាកាសយានដ្ឋានអន្តរជាតិសៀមរាបថ្មី ខណៈការសាងសង់បាន ៤០%ហើយ

ឧកញ៉ាកោះក្របី — Fri, 11 Jun 2021 11:17:55 +0000

អ្នកឧកញ៉ាបណ្ឌិត យូ សាម៉េត អគ្គនាយកក្រុមហ៊ុន ECON Group នៅថ្ងៃទី១០ ខែមិថុនា ម្សិលមិញ បានអញ្ជើញចុះទៅទស្សនកិច្ចគម្រោងសាងសង់អាកាសយានដ្ឋានអន្តរជាតិសៀមរាបថ្មី ដែលកំពុងស្ថាបនាយ៉ាងសស្រាក់សស្រាមតាមផែនការកំណត់ ហើយការសាងសង់បាន ៤០% នេះបើតាមការបញ្ជាក់របស់លោកឧកញ៉ា អ៊ុំ ចន្ថា។

បើទោះបីស្ថិតក្នុងស្ថានភាពនៃវិបត្តិជំងឺកូវីដ១៩យ៉ាងណាក្តី ក៏គម្រោងនេះត្រូវបានស្វាគមន៍ដោយភាគីពាក់ព័ន្ធជាច្រើនដែលយល់ឃើញថាវាជាការជំរុញពាណិជ្ជកម្ម និងទេសចរណ៍ មិនត្រឹមតែនៅក្នុងខេត្តសៀមរាប ប៉ុន្តែក៏ដូចជានៅក្នុងប្រទេសកម្ពុជាទាំងមូលផងដែរ។

ខេត្តទេសចរណ៍ដ៏សំខាន់នេះ ត្រូវបានរាជរដ្ឋាភិបាលកម្ពុជា កំណត់ជាតំបន់ស្នូលនៃប៉ូលអភិវឌ្ឍជាតិ ជាគោលដៅទេសចរណ៍ វប្បធម៌ ប្រវត្តិសាស្រ្ត និងធម្មជាតិ ស្របតាមរូបសាស្ត្រទីក្រុង រួមជាមួយការគិតគូរដល់ការពារ និងកែលម្អបរិស្ថាន ផាសុខភាពរបស់ប្រជាពលរដ្ឋ និងការរៀបចំអភិវឌ្ឍទីក្រុងឆ្លាតវៃ (Smart City) ផងដែរ។

គួររម្លឹកថា គម្រោងអាកាសយានដ្ឋានអន្ដរជាតិសៀមរាប អង្គរ គម្រោងនឹងសាងសង់ឲ្យរួចរាល់នៅក្នុងឆ្នាំ២០២៣ និងដាក់ឲ្យដំណើរការប្រើប្រាស់ជាផ្លូវការនៅក្នុងឆ្នាំ២០២៤។ ទីតាំងនៃគម្រោងព្រលានយន្តហោះនេះស្ថិតនៅទីតាំងនៅជាប់ព្រំប្រទល់ស្រុកចំនួនបី គឺស្រុកសូទ្រនិគម ស្រុកជីក្រែង និង ស្រុកស្វាយលើ ដែលគ្រប់ដណ្តប់លើផ្ទៃដីទំហំ ៧០០ ហិកតា។ គម្រោងនេះនឹងសាងសង់តាម ស្តង់ដារ អាកាសយានដ្ឋានអន្តរជាតិ ដែលអាចប្រតិបត្តិបានជាមួយយន្តហោះខ្នាតធំ។

ក្នុងដំណាក់កាលទី១ នៃគម្រោងនេះ គេគ្រោងនឹងចំណាយទុនវិនិយោគសរុបប្រមាណ ៨៨០ លានដុល្លារ ជាមួយនឹងការសាងសង់ផ្លូវរត់ល្បឿនលឿនទំហំ ៣,៦០០ ម៉ែត្រ គុណនឹង ៤៥ម៉ែត្រមួយផ្លូវ និង ប៉ារ៉ាឡែលសម្រាប់យន្តហោះធ្វើការហោះហើរ និងចុះចត និងចំណតយន្តហោះ ព្រមទាំងមាន ហេដ្ឋារចនាសម្ព័ន្ធ ដែលពាក់ព័ន្ធផ្សេងៗ រួមនឹងបរិក្ខារជំនួយ ស្ថានីយ សម្រាប់អ្នកដំណើរ ដែលមានទំហំ ៥០ ពាន់ម៉ែត្រក្រឡា៕