ក្នុងកិច្ចប្រជុំនេះ អ្នកឧកញ៉ាបានផ្សព្វផ្សាយអំពីវឌ្ឍនភាពថ្មីៗ និងសក្ដានុពលនៅប្រទេសកម្ពុជា ដោយរួម​មានទាំង វិស័យសេដ្ឋកិច្ច ពាណិជ្ជកម្ម កសិកម្ម ឧស្សាហកម្ម និងទេសចរណ៍។ ក្នុងឱកាសនោះដែរ អ្នកឧកញ៉ាក៏បានប្រកាស​ស្វាគមន៍យ៉ាងកក់ក្ដៅចំពោះអ្នកវិនិយោគចិន និងប្ដេជ្ញាជំរុញបន្ថែមទៀតដល់វិនិយោគិនចិន ដែលមកបណ្ដាក់ទុន​នៅប្រទេសកម្ពុជា។

សូមជម្រាបថា ប្រទេសចិន បានឈរលំដាប់លេខ១ ដែលបានមកដាក់ទុនវិនិយោគនៅកម្ពុជាច្រើនជាងគេ នៅក្នុងឆ្នាំ២០២៥ ក្នុងទំហំទឹកប្រាក់ ៥ ៤២៥លានដុល្លារអាមេរិក។ នេះបើតាមរបាយការណ៍ក្រុមប្រឹក្សាអភិវឌ្ឍន៍កម្ពុជា កាលដើមខែមករា ឆ្នាំ២០២៦៕

The post អ្នកឧកញ៉ា លី ឃុនថៃ ផ្សព្វផ្សាយពីសក្ដានុពលរបស់ប្រទេសកម្ពុជា ជូនដល់វិនិយោគិនចិន appeared first on .

ក្នុងឱកាសនោះដែរ ឯកឧត្តមអ្នកនាំពាក្យរាជរដ្ឋាភិបាល បានលើកទឹកចិត្តឱ្យនិស្សិតចាប់យកឱកាស ដែលថ្នាក់ដឹកនាំ រៀមច្បងជំនាន់មុនបានខិតខំពុះពារការលំបាកគ្រប់យ៉ាង ប្រកបដោយការលះបង់ខ្ពស់ដើម្បីបង្កើតបរិយាកាស​អំណោយផលគ្រប់បែបយ៉ាងដល់យុវជនជំនាន់ក្រោយ ដូចជា សាលារៀនមានគ្រប់ទីកន្លែង ចំណីអាហារសម្បូរបែប សម្លៀកបំពាក់ល្អ មធ្យោបាយធ្វើដំណើរក៏មានគ្រប់គ្រាន់។ ដូច្នេះនៅសល់តែម្យ៉ាងគត់ គឺការខិតខំប្រឹងប្រែងដោយខ្លួនឯងរបស់ក្មួយៗនិស្សិតគ្រប់រូប ដើម្បីក្លាយជាមូលធនមនុស្សដ៏ពូកែសម្រាប់ប្រទេសជាតិទៅថ្ងៃអនាគត។

សូមជម្រាបថា បាឋកថានេះធ្វើឡើងក្នុងគោលបំណងសំខាន់ៗចំនួន៤ រួមមាន ទី១. ដើម្បីឱ្យយុវជនយល់ដឹងពីគោលនយោបាយជាតិ និងយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា អាណត្តិទី៧ នៃរដ្ឋសភា ទី២. លើកទឹកចិត្តដល់និស្សិតឱ្យអភិវឌ្ឍខ្លួនក្លាយជាមូលធនមនុស្សដ៏ពេញលេញ ដើម្បីឆ្លើយតបទៅនឹងយុទ្ធសាស្ត្របញ្ចកោណរបស់រាជរដ្ឋាភិបាល ទី៣. យល់ដឹងពីសារសំខាន់នៃព័ត៌មានដើម្បីជាប្រភពនៃការសិក្សាស្រាវជ្រាវ និងការសម្រេចចិត្ត និងទី៤. លើកកម្ពស់ឱ្យយុវជនចូលរួមអភិវឌ្ឍសង្គមជាតិ ដើម្បីសម្រេចបាននូវចក្ខុវិស័យកម្ពុជាឆ្នាំ២០៥០ ក្លាយជាប្រទេសដែលមានចំណូលខ្ពស់៕

The post អ្នកឧកញ៉ា លី ឃុនថៃ អញ្ជើញឯកឧត្តម ប៉ែន បូណា ផ្តល់បាឋកថាជូនដល់និស្សិតសាកលវិទ្យាល័យ អាស៊ី អឺរ៉ុប appeared first on .

សមាគមឧកញ៉ាកម្ពុជា បានឱ្យដឹងថា ពិធីនេះបានប្រព្រឹត្តទៅក្រោមអធិបតីភាព ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា តំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នាទីក្រុងគូឡាឡាំពួរ ប្រទេសម៉ាឡេសុី។

សូមបញ្ជាក់ថា តាមរយៈការចាប់ដៃគូរវាងក្រុមហ៊ុនទាំងពីរនឹងបង្កើតការបោះទុនវិនិយោគ ដើម្បីបង្កើតកសិដ្ឋានចិញ្ចឹមគោយកទឹកដោះ និងបង្កើតរោងចក្រផលិតទឹកដោះគោឆៅកំប៉ុងនៅកម្ពុជា ខណៈដែល Farm Fresh Group គឺជាក្រុមហ៊ុនធំជាងគេនៅប្រទេសម៉ាឡេសុី ដែលមានកសិដ្ឋាន ចិញ្ចឹមគោយកទឹកដោះដោយមានគោប្រមាណ១ម៉ឺន ៤ពាន់ក្បាល៕

The post អ្នកឧកញ៉ា លី ឃុនថៃ ចុះហត្ថលេខាលើអនុស្សរណៈ នៃការយោគយល់គ្នាលើការវិនិយោគរវាងក្រុមហ៊ុន Alpha group និងក្រុមហ៊ុន Farm Fresh Group របស់ម៉ាឡេស៊ី appeared first on .

សភាពាណិជ្ជកម្មកម្ពុជា បានឱ្យដឹងថា នៅក្នុងឱកាសនៃវេទិកានេះ អ្នកឧកញ៉ា លី ឃុនថៃ បានលើកឡើងអំពីការរីកលូតលាស់នៃកំណើនសេដ្ឋកិច្ច និងកិច្ចសហប្រតិបត្តិការដ៏ស្អិតរមួតរវាងកម្ពុជា និងចិន ដោយផ្អែកលើមូលដ្ឋានដែលមានស្រាប់ដូចជា គំនិតផ្គួចផ្តើមខ្សែក្រវាត់និងផ្លូវ កិច្ចព្រមព្រៀងពាណិជ្ជកម្មសេរីកម្ពុជា-ចិន និងកិច្ចព្រមព្រៀងពាណិជ្ជកម្មសេរីរវាងអាស៊ាន-ចិន។ 

ទន្ទឹមនឹងនេះ អ្នកឧកញ៉ា  លី ឃុនថៃ ក៏បានគាំទ្រគំនិតផ្តួចផ្តើមរបស់ទីក្រុងគុនមីង ស្តីពី  «ការសម្របសម្រួលបឋម» ដើម្បីដោះស្រាយវិវាទពាណិជ្ជកម្មក្នុងកិច្ចសហប្រតិបត្តិការចិន អាស៊ីខាងត្បូង និងអាស៊ីអាគ្នេយ៍ដោយផ្ដល់នូវដំណោះស្រាយដែលសមស្របនឹងរក្សាស្មារតីនៃភាពជាដៃគូរវាងប្រទេសនៅក្នុងតំបន់ផងដែរ៕

The post អ្នកឧកញ៉ា លី ឃុនថៃ ចូលរួមវេទិកាសហប្រតិបត្តិការផ្នែកច្បាប់ពាណិជ្ជកម្មចិន-អាស៊ីខាងត្បូង និងអាស៊ីអាគ្នេយ៍ ឆ្នាំ២០២៥ appeared first on .

ថ្លែងប្រាប់សារព័ត៌មាន អ្នកឧកញ៉ា លី ឃុនថៃ បានថ្លែងថា សព្វថ្ងៃនៅខាងសមាគមផលិតផលស្បែកជើងកម្ពុជានៅតែនៅតែមានសមាជិកជាច្រើននៅតែត្រូវការបុគ្គលិកចូលធ្វើការក្នុងរោងចក្រ ដោយរោងចក្រទាំងអស់ត្រូវការបុគ្គលិក កម្មករកម្មការនីជាច្រើនយ៉ាងតិចរាប់ម៉ឺននាក់។

ក្នុងនាមប្រធានសមាគមផលិតផលធ្វើដំណើរ ស្បែកជើង អ្នកឧកញ៉ា បានអំពាវនាវដល់បងប្អូនពលករមកពីប្រទេសថៃវិញ ឬអ្នកមិនទាន់ត្រឡប់មកវិញអាចត្រឡប់មកប្រទេសកម្ពុជាវិញ ដោយសារប្រទេសមានការរីកចម្រើន មានសន្តិភាព មានការដឹកនាំដ៏ល្អ ឈ្លាសវៃ ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ប្រទេសកម្ពុជាសម្បូរការងារ។

អ្នកឧកញ៉ាបញ្ជាក់ថា ដោយវិលត្រឡប់មកវិញ យើងអាចទៅទំនាក់ទំនងនៅសមាគម ក៏ដូចជាក្រសួងការងារ ដោយក្រសួងដូចជាឪពុកម្តាយរបស់រោងចក្រ ដូច្នេះក្រសួងការងារមានក្រុមការងារធ្វើការស្ទើរតែ២៤ម៉ោង ដើម្បីជួយសម្របសម្រួលផ្គូផ្គងការងារទៅដល់បងប្អូនដែលត្រឡប់មកពីប្រទេសថៃវិញ ហើយរោងចក្រក៏បានដាក់សំណើរទៅខាងក្រសួងការងារ ជួយសម្រួលការងារតាមផ្នែកទោះបីជាមិនចេះឬចេះក៏ដោយ ម្យ៉ាងក៏បានជួបជាមួយក្រុមគ្រួសារនៅស្រុកកំណើតដែរ ខណៈអ្នកឧកញ៉ាជឿជាក់ថាប្រាក់ខែនៅប្រទេសខ្មែរក៏មិនចាញ់នៅប្រទេសថៃដែរ។

ក្នុងរយៈពេល ២ខែកន្លងមកនេះ ក្រសួងការងារ និងបណ្ដុះបណ្ដាលវិជ្ជាជីវៈ បានស្វែងរកឱកាសការងារជូនបងប្អូនអតីតពលករខ្មែរ ដែលទើបត្រឡប់មកពីប្រទេសថៃវិញ រាប់សែនកន្លែង។ ក្នុងនោះ មានអតីតពលករប្រមាណ ២១ម៉ឺននាក់ បានទទួលការងារធ្វើនៅតាមរោងចក្រ សហគ្រាស និងគ្រឹះស្ថាននានា ដែលស្ថិតនៅក្នុងប្រព័ន្ធ។

សូមជម្រាបជូនថា ការឱ្យដឹងរបស់អ្នកឧកញ៉ា លី ឃុនថៃ ក្នុងឱកាសចុះសួរសុខទុក្ខ ពលករមកពីថៃជាង ៥០០នាក់ ដែលទទួលបានការងារធ្វើ ក្នុងរោងចក្រផលិតស្បែកជើង ចំនួន ៣ទីតាំងក្នុងខេត្តកណ្តាល១ទីតាំង និងខេត្តកំពង់ស្ពឺ២ទីតាំង៕

The post អ្នកឧកញ៉ា លី ឃុនថៃ អំពាវនាវដល់ពលករដែលត្រឡប់មកពីថៃឬមិនទាន់ត្រឡប់មកវិញ រោងចក្រសមាជិកសមាគមស្បែកជើង ត្រូវការកម្មកររាប់ម៉ឺននាក់ ខណៈអ្នកឧកញ៉ាជឿថាប្រាក់ខែនៅខ្មែរមិនចាញ់នៅថៃឡើយ appeared first on .

ទស្សនកិច្ចនេះ បានធ្វើឡើងក្នុងអំឡុងពេលដែលគណៈប្រតិភូសភាពាណិជ្ជកម្មកម្ពុជា អញ្ជើញអមដំណើរ សម្តេចធិបតីនាយករដ្ឋមន្ត្រី បំពេញទស្សនកិច្ចនៅទីក្រុងធានជីន ប្រទេសចិន ដើម្បីចូលរួម កិច្ចប្រជុំកំពូលបូកនៃអង្គការកិច្ចសហប្រតិបត្តិការសៀងហៃ។

គោលបំណងនៃទស្សនកិច្ចក្រុមហ៊ុនអានគ្រុប (Ant Group) គឺដើម្បីស្វែងយល់ពីការគាំទ្រដល់ការអភិវឌ្ឍ សហគ្រាសធុនតូច និងមធ្យម តាមរយៈថ្នាលបច្ចេកវិទ្យាឌីជីថល និង ដកស្រង់បទពិសោធន៍នៃដំណើរវិវត្តន៍សេដ្ឋកិច្ចឌីជីថល។

សូមជម្រាបថា ក្រុមអានគ្រុប (Ant Group) គឺជាក្រុមហ៊ុនបច្ចេកវិទ្យាចិនមួយ ដែលជាសម្ព័ន្ធក្រុមហ៊ុនអាលីបាបាគ្រុប( Alibaba Group)។ ក្រុមហ៊ុននេះ ផ្តល់សេវាកម្មហិរញ្ញវត្ថុឌីជីថល និងសេវាជីវិតឌីជីថលតាមរយៈកម្មវិធី Alipay ដែលជាកម្មវិធីឈានមុខគេនៅលើពិភពលោក និង ត្រូវបានបង្កើតឡើងក្នុងឆ្នាំ ២០០៤ ដែលផ្តល់ជូនសេវាកម្មជាច្រើនដូចជា៖ ការទូទាត់ឌីជីថល ហិរញ្ញវត្ថុសម្រាប់អតិថិជន ការគ្រប់គ្រងទ្រព្យសម្បត្តិ ធានារ៉ាប់រង និងដំណោះស្រាយឥណទានដល់អ្នកប្រើប្រាស់នៅទូទាំងពិភពលោក៕

The post អ្នកឧកញ៉ា លី ឃុនថៃ តំណាងអ្នកឧកញ៉ា គិត ម៉េង ដឹកនាំគណៈប្រតិភូសភាពាណិជ្ជកម្មកម្ពុជា ធ្វើទស្សនកិច្ច ក្រុមហ៊ុនអានគ្រុប នៅទីក្រុងធានជីន appeared first on .

ដំណើរទស្សនកិច្ចនេះ ដើម្បីពិនិត្យមើលដំណើរការផលិតកម្មស្វ័យប្រវត្តិដ៏ទំនើបបំផុត ក្នុងឧស្សាហកម្មយានយន្តអគ្គិសនី និងស្វែងយល់ពីកិច្ចសហប្រតិបត្តិការនាពេលអនាគតលើបច្ចេកវិទ្យា និងការផលិតឆ្លាតវៃ។ ដំណើរទស្សនកិច្ច ប្រព្រឹត្តទៅក្នុងអំឡុងពេលដែលគណៈប្រតិភូសភាពាណិជ្ជកម្មកម្ពុជា អញ្ជើញអមដំណើរ សម្តេចធិបតីនាយករដ្ឋមន្ត្រី បំពេញទស្សនកិច្ចនៅទីក្រុងធានជីន ប្រទេសចិន ដើម្បីចូលរួម កិច្ចប្រជុំកំពូលបូកនៃអង្គការកិច្ចសហប្រតិបត្តិការសៀងហៃ។

រោងចក្រ សាវមី អ៊ីវី ហាភើ ហ្វេកតូរី (Xiaomi EV Hyper Factory) គឺជារោងចក្រផលិតរថយន្តអគ្គិសនី បំពាក់ដោយបរិក្ខាស្វ័យប្រវត្តិខ្ពស់ក្នុងដំណើរផលិតកម្ម ដោយប្រើប្រាស់បច្ចេកវិទ្យាឌីជីថល និង បញ្ញាសុប្បនិម្មិត ក្នុងនោះដំណើរការផលិតកម្មសំខាន់ៗត្រូវបានគ្រប់គ្រងដោយ មនុស្សយន្ត (Robot) និង យានយន្តបញ្ជាស្វ័យប្រវត្តិ (automated guided vehicles)។ រោងចក្រ បានដាក់គោលដៅផលិតកម្មដែលមានប្រសិទ្ធភាពបំផុត ធ្វើយ៉ាងណាឲ្យផលិតរថយន្តថ្មីបានមួយគ្រឿងក្នុងរយៈពេល ៧៦ វិនាទី៕

The post អ្នកឧកញ៉ា លី ឃុនថៃ តំណាងអ្នកឧកញ៉ា គិត ម៉េង ដឹកនាំគណៈប្រតិភូសភាពាណិជ្ជកម្មកម្ពុជា ធ្វើទស្សនកិច្ច រោងចក្រ Xiaomi EV Hyper Factory appeared first on .

វេធិការធុរកិច្ចនេះរៀបចំដោយ សមាគមសហព័ន្ធអ្នកវិនិយោគកម្ពុជា ដោយមានការការចូលរួមពីសំណាក់ម្ចាស់ក្រុមហ៊ុន សហគ្រាស និងអ្នកវិនិយោគចិន ជាង ២០០នាក់ ដើម្បីធ្វើការផ្សព្វផ្សាយ ពីសក្ដានុពលរបស់កម្ពុជា ដោយរួមមានទាំង វិស័យសេដ្ឋកិច្ច ពាណិជ្ជកម្ម កសិកម្ម ឧស្សាហកម្ម និងទេសចរណ៍ គោលបំណងទាក់ទាញវិនិយោគិនចិនអោយវិនិយោគបន្ថែមនៅប្រទេសកម្ពុជា។

ថ្លែងក្នុងវេទិកា អ្នកឧកញ៉ា លី ឃុនថៃ បានលើកឡើងថា ក្នុងឆ្នាំ២០២៤ ទំហំពាណិជ្ជកម្មរវាងកម្ពុជានិងចិនសម្រេចបាន១៥,១ពាន់លានដុល្លារអាមេរិក កើនឡើង២៣,៨% ពីមួយឆ្នាំទៅមួយឆ្នាំ។ ចិនជាដៃគូពាណិជ្ជកម្មធំបំផុតរបស់កម្ពុជារយៈពេល១២ឆ្នាំជាប់គ្នា។ សម្លៀកបំពាក់ និងផលិតផលកសិកម្មរបស់កម្ពុជាត្រូវបាននាំចេញទៅកាន់ប្រទេសចិនក្នុងបរិមាណដ៏ច្រើន ដែលធ្វើឲ្យទីផ្សារចិនកាន់តែរីកចម្រើន និងនាំមកនូវកម្លាំងជំរុញខ្លាំងដល់ការអភិវឌ្ឍន៍សេដ្ឋកិច្ចកម្ពុជា។ ផលិតផលគុណភាពខ្ពស់ បច្ចេកវិជ្ជាទំនើប និងដើមទុនដ៏ស៊ីជម្រៅរបស់ប្រទេសចិន ក៏បានបន្តហូរចូលប្រទេសកម្ពុជាផងដែរ ដែលជំរុញការកសាងហេដ្ឋារចនាសម្ព័ន្ធរបស់កម្ពុជា ការធ្វើឱ្យប្រសើរផ្នែកផលិតកម្ម និងវិស័យផ្សេងៗទៀតឱ្យមានការបោះជំហានទៅមុខដ៏អស្ចារ្យ ដូចជាផ្លូវហាយវេភ្នំពេញទៅកំពង់ផែព្រះសីហនុ ដែលជាផ្លូវល្បឿនលឿនដំបូងរបស់កម្ពុជា សាងសង់ដោយក្រុមហ៊ុនចិន វាបានកាត់បន្ថយពេលវេលាធ្វើដំណើររវាងទីក្រុងទាំងពីរពីជាងប្រាំម៉ោងមកតិចជាងពីរម៉ោង ធ្វើឱ្យប្រសើរឡើងយ៉ាងខ្លាំងនូវប្រសិទ្ធភាពដឹកជញ្ជូន ជំរុញការអភិវឌ្ឍសេដ្ឋកិច្ចតាមដងផ្លូវ ហើយបានក្លាយជាលទ្ធផលហត្ថលេខានៃកិច្ចសហប្រតិបត្តិការចិន-កម្ពុជា។

នៅក្នុងវិស័យកសិកម្ម ប្រទេសចិនបានក្លាយជាគោលដៅនាំចេញដ៏ធំបំផុតសម្រាប់ចេក និងផ្លែមាន ពីកម្ពុជា។ បច្ចុប្បន្ននេះ ផ្លែឈើសំខាន់ៗចំនួន ៤ របស់កម្ពុជាត្រូវបានអនុម័តឱ្យចូលទីផ្សារប្រទេសចិនគឺ ចេក ស្វាយ ផ្លែមៀន និងដូង។ កិច្ចព្រមព្រៀងពាណិជ្ជកម្មសេរីចិន-កម្ពុជា កិច្ចព្រមព្រៀងពាណិជ្ជកម្មសេរីចិន-អាស៊ាន និងកិច្ចព្រមព្រៀងភាពជាដៃគូសេដ្ឋកិច្ចទូលំទូលាយក្នុងតំបន់ត្រូវបានអនុវត្តយ៉ាងស៊ីជម្រៅ ហើយវិធានការសម្របសម្រួលពាណិជ្ជកម្មកសិកម្មជាបន្តបន្ទាប់កំពុងអនុវត្ត។ ការកាត់បន្ថយយ៉ាងសំខាន់នៃតម្លៃនចរាចរណ៍ឆ្លងព្រំដែននៃផលិតផលកសិកម្មមិនត្រឹមតែធ្វើឱ្យ “កន្ត្រកបន្លែ” របស់ប្រជាជនចិនកាន់តែសម្បូរបែបប៉ុណ្ណោះទេ ថែមទាំងនាំទៅដល់ការធ្វើឱ្យមានស្ដង់ដារ និងខ្នាតនៃផលិតកម្មកសិកម្មកម្ពុជា បង្កើតផលប្រយោជន៍សេដ្ឋកិច្ចយ៉ាងច្រើនសម្រាប់កសិករកម្ពុជា។

នៅក្នុងឧស្សាហកម្មទេសចរណ៍ ឆ្នាំ២០២៥ ត្រូវបានចាត់តាំងជា “ឆ្នាំទេសចរណ៍ចិន-កម្ពុជា” ហើយក្រសួងទេសចរណ៍កម្ពុជាបានដាក់ចេញនូវវិធានការជាបន្តបន្ទាប់ ដើម្បីលើកកម្ពស់ការធ្វើពិពិធកម្មផលិតផលទេសចរណ៍ និងបង្កើនប្រសិទ្ធភាពសេវាកម្មទេសចរណ៍បន្ថែមទៀត។ នៅឆ្នាំ២០២៤ ចំនួនភ្ញៀវទេសចរចិនមកកម្ពុជាបានកើនឡើងដល់ ៨៤៨.៩៥២នាក់ កើនឡើង ៥៥% បើធៀបនឹងឆ្នាំ២០២៣ ហើយត្រូវបានគេរំពឹងថានឹងទាក់ទាញភ្ញៀវទេសចរចិនបានជាង ១លាននាក់នៅឆ្នាំនេះ។ ការរីកដុះដាលនៃវិស័យទេសចរណ៍មិនត្រឹមតែជំរុញការប្រើប្រាស់ក្នុងស្រុកប៉ុណ្ណោះទេ ប៉ុន្តែថែមទាំងបង្កើតឱកាសវិនិយោគមួយចំនួនធំសម្រាប់ឧស្សាហកម្មដែលពាក់ព័ន្ធដូចជា សណ្ឋាគារ ភោជនីយដ្ឋាន និងការដឹកជញ្ជូន។

អ្នកឧកញ៉ា លី ឃុនថៃ បានគូសបញ្ជាក់ថា សមិទ្ធិផលទាំងនេះបានមកពីមូលដ្ឋានគ្រឹះនៃកិច្ចសហប្រតិបត្តិការដ៏ល្អរវាងប្រទេសទាំងពីរ និងបរិយាកាសវិនិយោគដ៏ល្អប្រសើររបស់កម្ពុជាផ្ទាល់។ ប្រទេសកម្ពុជាមានធនធានធម្មជាតិដ៏សំបូរបែប ទីតាំងភូមិសាស្រ្តដ៏ល្អ ដែលជាសរសៃឈាមដឹកជញ្ជូនដ៏សំខាន់មួយនៅអាស៊ីអាគ្នេយ៍ និងជាមជ្ឈមណ្ឌលដ៏សំខាន់មួយតភ្ជាប់ប្រទេសជាច្រើន៕

The post អ្នកឧកញ៉ា លី ឃុនថៃ ផ្សព្វផ្សាយពីសក្ដានុពលរបស់កម្ពុជា ដល់អ្នកវិនិយោគចិន ជាង ២០០នាក់ នៅទីក្រុងណាននីង ប្រទេសចិន appeared first on .

ក្នុងឱកាសនៃជំនួបដ៏មានសារៈសំខាន់ដល់វិស័យទេសចរណ៍ និងការបង្កើតឱកាសការងារជាច្រើនកន្លែងនៅក្នុងប្រទេសកម្ពុជា ឯកឧត្តមរដ្ឋមន្រ្តី បានថ្លែងអំណរគុណដល់ លោក Wang Hongjin ប្រធានមន្ទីរពាណិជ្ជកម្មខេត្តសានស៊ី និងប្រតិភូចម្រុះដែលជាវិនិយោគិនលើវិស័យទេសចរណ៍ និងសំណង់ធំៗ។ ឯកឧត្តមរដ្ឋមន្ត្រី ក៏សូមកោតសរសើរ និងវាយតម្លៃខ្ពស់ចំពោះគំនិតផ្តួចផ្តើមរបស់លោកប្រធានមន្ទីរ និងអបអរសាទរដល់វិនិយោគិនកម្ពុជា និងចិនដែលឈានដល់ការបណ្តាក់ទុនរួមគ្នា រៀបចំបង្កើតផលិតផលទេសចរណ៍ និងខែ្សទស្សនកិច្ចប្រកបដោយភាពច្នៃប្រឌិត និងទាក់ទាញ ដើម្បីជំរុញកំណើនភ្ញៀវទេសចររវាងខេត្តសានស៊ី ដែលមានប្រជាជនជាង ៣០លាននាក់ និងប្រទេសកម្ពុជា។ ភាគីទាំងពីរនឹងធ្វើការភ្ជាប់នូវបេតិកភណ្ឌពិភពលោកដ៏ល្បីល្បាញរបស់ប្រទេសកម្ពុជា និងរបស់ខេត្តសានស៊ី វប្បធម៌ ប្រពៃណីដ៏ចំណាស់ និងទាក់ទាញ ទេសភាពដ៏ស្រស់ត្រកាលរួមបញ្ជូលគ្នា ដែលជាចំណុចពិសេស និងទាក់ទាញភ្ញៀវទេសចរជាវកញ្ចប់ទស្សនកិច្ចថ្មីមួយនេះ។

ទន្ទឹមនឹងនេះដែរ ការតភ្ជាប់ជើះហោះហើរត្រង់រវាងរាជធានីភ្នំពេញ ខេត្តសៀមរាប និងទីក្រុងធំៗ នានារបស់ខេត្តសានស៊ី ក៏ត្រូវលើកមកពិភាក្សាដើម្បីជំរុញឱ្យចាប់ផ្តើមឆាប់ៗ ខាងមុខនេះ រួមទាំងការរៀបចំ FamTrip ដឹកនាំវិនិយោគិនខេត្តសានស៊ីមកប្រទេសកម្ពុជា ដើម្បីពិនិត្យកាលានុវត្តវិនិយោគក្នុងប្រទេសកម្ពុជាផងដែរ៕

The post អ្នកឧកញ៉ា លី ឃុនថៃ ដឹកនាំប្រតិភូមន្ទីរពាណិជ្ជកម្មខេត្តសានស៊ីនៃសាធារណរដ្ឋចិន ចូលជួបពិភាក្សាការងារជាមួយរដ្ឋមន្ត្រីក្រសួងទេសចរណ៍ appeared first on .

ការប្រកាសនេះ ធ្វើឡើងនៅថ្ងៃទី២៧ ខែមិថុនានេះ អំឡុងពេលនៃការផ្សាយផ្ទាល់ពិសេសមូលនិធិស៊ីធីអិន ដើម្បីទ្រទ្រង់កងទ័ពការពារព្រំដែនជាតិ លើកញ្ចក់ទូរទស្សន៍ CTN MyTV និង CBS digital។ 

គួររំលឹកថា តបតាមការអំពាវនាវពីសំណាក់សម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា, មូលនិធិ CTN ទ្រទ្រង់កងទ័ពការពារជាតិនៃក្រុមហ៊ុន CBS របស់អ្នកឧកញ៉ា គិត ម៉េង សហការជាមួយសមាគមសិល្បករខ្មែរ, ក្រុមហ៊ុន សែលខាត, និងធនាគារ វីង បានប្រកាសចាប់ផ្តើមកៀរគរថវិកាជួយដល់កងទ័ពដែលកំពុងឈរជើងការពារដែនអធិបតេយ្យភាពជាតិនៅតាមបន្ទាត់ព្រំដែនកម្ពុជា-ថៃ។ 

ការបង្កើតមូលនិធិទ្រទ្រង់កងទ័ពការពារជាតិនេះ គឺដើម្បីសម្រួលដល់ប្រជាពលរដ្ឋ និងសប្បុរសជនគ្រប់មជ្ឈដ្ឋាន អាចចូលរួមបរិច្ចាគថវិកាតាមលទ្ធភាព តាមរយៈប្រព័ន្ធធនាគារវីង ហើយថវិកាដែលប្រមូលបាន នឹងយកទៅជួយទ្រទ្រង់ដល់កងទ័ពកម្ពុជា ដែលកំពុងឈរជើងការពារព្រំដែន។ 

សម្តេចតេជោ ហ៊ុន សែន តាមរយៈថ្លែងការណ៍ចេញពីព្រឹទ្ធសភា នៅថ្ងៃទី២៩ ខែឧសភា ឆ្នាំ២០២៥ បានអំពាវនាវប្រជាពលរដ្ឋទាំងអស់ ឱ្យចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នាជាធ្លុងមួយនៃខឿនការពារជាតិរបស់កម្ពុជា។ ជាងនេះទៅទៀត នៅអំឡុងនៃការធ្វើសមាជរដ្ឋសភា និងព្រឹទ្ធសភា នាថ្ងៃទី២ ខែមិថុនា សម្តេចតេជោ ហ៊ុន សែន ក្នុងនាមប្រធានសមាជ ក៏បានអំពាវនាវដល់ស្ថានីយទូរទស្សន៍ និងវិទ្យុ បង្កើតជាមូលនិធិទ្រទ្រង់កងទ័ពការពារជាតិ ដូចកាលឆ្នាំ២០០៨ ២០០៩ ២០១០ និង២០១១។ 

គួររំលឹកផងដែរថា កាលពីឆ្នាំ២០០៨ ក្រុមហ៊ុន CBS របស់អ្នកឧកញ៉ា គិត ម៉េង បានបង្កើតមូលនិធិ CTN ដើម្បីប្រមូលថវិកាជួយដល់កងទ័ពដែលកំពុងឈរជើងការពារដែនអធិបតេយ្យភាពនៅតាមបន្ទាត់ព្រំដែនកម្ពុជា-ថៃ ជាពិសេស គឺជួយទ្រទ្រង់ទៅដល់តំបន់ប្រាសាទព្រះវិហារ ប្រាសាទតាមាន់ និងប្រាសាទតាក្របី៕

The post អ្នកឧកញ៉ា លី ឃុនថៃ និងលោកជំទាវ ប្រកាសឧបត្ថម្ភ ២លានរៀល ដល់មូលនិធិ CTN ទ្រទ្រង់កងទ័ពការពារជាតិនៃក្រុមហ៊ុន CBS តបតាមការអំពាវនាវរបស់សម្តេចតេជោ ហ៊ុន សែន appeared first on .