អ្នកឧកញ៉ា លី យូគៀក

អ្នកឧកញ៉ា លី យូគៀក បរិច្ចាគបោះពុម្ពសៀវភៅ «រៀនពី ហ៊ុន សែន ដើម្បីជោគជ័យ» ចំនួន២ម៉ឺនក្បាល ចែកជូនយុវជនសិស្សានុសិស្ស

ឧកញ៉ាដែនដី — Wed, 15 Jan 2025 06:05:35 +0000

អ្នកឧកញ៉ា លី យូគៀក សមាជិកក្រុមប្រឹក្សាភិបាល នៃសមាគមឧកញ៉ាកម្ពុជា និងជាប្រធានក្រុមហ៊ុន លី យូគៀក អ៊ិនវេនមិន បានបរិច្ចាគថវិកាផ្ទាល់ខ្លួនជួយបោះពុម្ពសៀវភៅមានចំណងជើងថា «រៀនពី ហ៊ុន សែន ដើម្បីជោគជ័យ» ចំនួន ២ម៉ឺនក្បាល ចែកជូនយុវជននៅតាមវិទ្យាល័យ និងតាមសាកលវិទ្យាល័យនានា ដើម្បីបានសិក្សារៀនសូត្រ ពីគម្រូវីរភាពរបស់ថ្នាក់ដឹកនាំ។

លោក ទូច សុឃៈ អ្នកនិពន្ធសៀវភៅ «រៀនពី ហ៊ុន សែន ដើម្បីជោគជ័យ» បានលើកឡើងលើបណ្តាញសង្គម កាលពីថ្ងៃទី១៤ ខែមករា ម្សិលមិញនេះ ដែលត្រូវនឹងថ្ងៃសម្ដេចតេជោ ហ៊ុន សែន ទទួលបានការបោះឆ្នោតទុកចិត្តជានាយករដ្ឋមន្ត្រីក្មេងជាងគេលើលោក កាលពី ៣៨ឆ្នាំមុន ក្នុងតំណែងជានាយករដ្ឋមន្ត្រី ថា សម្ដេចតេជោ ពីកូនសិស្សលោក ក្លាយជាអ្នកដឹកនាំរំដោះប្រទេស/ប្រជាជនពីគ្រោះជីវិត និងអត់ឃ្លានក្រោមដៃ ប៉ុល ពត ក្លាយជាឧបនាយករដ្ឋមន្ត្រី រដ្ឋមន្ត្រីក្រសួងការបរទេស ក្លាយជានាយករដ្ឋមន្ត្រី និងបច្ចុប្បន្នជាប្រធានព្រឹទ្ធសភា(ប្រមុខរដ្ឋស្ដីទី)។ លោកចាយជីវិត ដើម្បីប្រទេសជាតិពីគុកឥតជញ្ជាំង មកមានសិទ្ធិសេរីភាព ពិសេស សិទ្ធិរស់រៀនមានជីវិត និងប្រែក្លាយពីគ្រោះអត់អាហារ មកជាមានហូបហូរហៀរ ដូចសម្ដេចប្ដេជ្ញា «មិនឱ្យប្រជនណាម្នាក់ស្លាប់ដោយអត់បាយនោះទេ»។

ក្នុងនាមជាអ្នកស្រាវជ្រាវនិងរៀបរៀងសៀវភៅខាងលើនេះ លោក ទូច សុឃៈ បានបន្ថែមថា មេរៀនគន្លឹះចំនួន២៥ ពីសម្ដេចតេជោ ដែលលោកស្រាវជ្រាវតាមឯកសារ និងតាមអង្កេតជាក់ស្ដែងពីភាពជោគជ័យរបស់លោកទាំងជីវិតផ្ទាល់ខ្លួន គ្រួសារ និងជាតិទាំងមូល ដែលរហូតឈានដល់ អ្នកឧកញ៉ា លី យូគៀក មើលឃើញគុណតម្លៃនៃសៀវភៅ«រៀនពី ហ៊ុន សែន ដើម្បីជោគជ័យ»នេះ ហើយលោកបានបរិច្ចាគបោះពុម្ពចែកជូនប្អូនៗយុវជនចំនួន ២ម៉ឺនក្បាល សម្រាប់សិក្សារៀនសូត្រតាម និងបន្តបោះពុម្ពចែកជូនតាមសំណូមពររបស់សិស្សានុសិស្សតាមវិទ្យាល័យ និងនិស្សិតតាមសាកលវិទ្យាល័យជាបន្ត ក្នុងបំណងបង្កើតនិងពង្រីកធនធានមនុស្សជំនាន់ក្រោយ ហើយដែលលោកនឹងកែសម្រួលបន្តបំពេញបន្ថែមមេរៀនគន្លឹះមួយចំនួនទៀត ពីសម្ដេចតេជោគ្រាបោះពុម្ពវគ្គបន្ទាប់។

គួរបញ្ជាក់ថា អ្នកឧកញ៉ា លី យូគៀក ជានិច្ចកាលតែងតែចូលរួមបរិច្ចាគថវិកា និងធនធានផ្ទាល់ខ្លួន ជាមួយរាជរដ្ឋាភិបាល ស្ទើរគ្រប់សកម្មភាព។ ជាពិសេស អ្នកឧកញ៉ា តែងចូលរួមក្នុងការជួយកសាងសមិទ្ធផលនានា តាមទីវត្តអារ៉ាម និងសាលារៀន។ ជាក់ស្តែង កាលចុងឆ្នាំ២០២២ អ្នកឧកញ៉ា បានឧបត្ថម្ភទាំងស្រុង លើការកសាងរូបសំណាកព្រះបាទជ័យវរ្ម័នទី៧, រូបសំណាកសម្ដេចព្រះមហាសុមេធាធិបតី ជួន ណាត និងរូបសំណាកអ្នកភិរម្យភាសាអ៊ូ ហៅង៉ុយ នៅវិទ្យាល័យប៊ុន រ៉ានី ហ៊ុន សែន ចន្ទ្រា ស្ថិតនៅស្រុកចន្ទ្រា ខេត្តស្វាយរៀង។

តាមរយៈការបរិច្ចាគនូវធនធានជួយដល់សង្គមជាច្រើន លោកឧកញ៉ា លី យូគៀក ត្រូវបានព្រះមហាក្សត្រនៃព្រះរាជាណាចក្រកម្ពុជា ចេញព្រះរាជក្រឹត្យត្រាស់បង្គាប់ផ្តល់គោរមងារ ជា «អ្នកឧកញ៉ា» នៅថ្ងៃទី ០៤ ខែសីហា ឆ្នាំ២០២៣ តាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា៕

The post អ្នកឧកញ៉ា លី យូគៀក បរិច្ចាគបោះពុម្ពសៀវភៅ «រៀនពី ហ៊ុន សែន ដើម្បីជោគជ័យ» ចំនួន២ម៉ឺនក្បាល ចែកជូនយុវជនសិស្សានុសិស្ស appeared first on .

មង្គលការកូនប្រុសអ្នកឧកញ៉ា លី យូគៀក គ្រាន់តែរៀបដេគ័រផ្កាអស់ កន្លះលានដុល្លារ

ឧកញ៉ាដែនដី — Wed, 20 Mar 2024 03:50:01 +0000

កាលពីប៉ុន្មានថ្ងៃមុនមានមង្គលការកូនប្រុសរបស់អ្នកឧកញ៉ា លី យូគៀក ហើយកម្មវិធីនោះមានទាំងអ្នកជំនួញ និងមន្ត្រីរាជការអ្នកមុខអ្នកការចូលរួមយ៉ាងច្រើន។

សម្រាប់កម្មវិធីអាពាហ៍ពិពាហ៍កូនប្រុសអ្នកឧកញ៉ា លី យូគៀក និងលោកជំទាវ ជា សោភ័ណ្ឌ រៀបចំកម្មវិធី និងជប់លៀងនៅមណ្ឌលសន្និបាត និងពិព័រណ៍អន្តរជាតិជ្រោយចង្វារ OCIC។ កូនកំលោះរបស់អ្នកឧកញ៉ា លី យូគៀក នាម លី តិចស័រ និងកូនក្រមុំឈ្មោះ មុន្នី ហ្គិចណា ជាកូនស្រីលោក ណុប រ័ត្ននិមល ជំនួយការសម្ដេចមហាបវរធិបតី ហ៊ុន ម៉ាណែត និងលោកជំទាវ ហ៊ីង សុខលាភ។

កម្មវិធីទាំងមូលទាក់ទាញការចាប់អារម្មណ៍បំផុតនោះ គឺការដេគ័រផ្កាពេញ Hall រីកស្គុះស្គាយគ្រប់កន្លុកកន្លៀត។

បើតាមអ្នកដែលទៅចូលរួមកម្មវិធីដ៏អធិកអធមនោះបានបញ្ជាក់ថាមង្គលការដែលរៀបចំកាលពីថ្ងៃ ១៨ ចំណាយប្រាក់ប្រមាណកន្លះលានដុល្លារ គ្រាន់តែការតុបតែងផ្កាភ្ញីតាំងពីមុខរោងរហូតដល់ខាងក្នុង។

ចំណុចពិសេសដែលធ្វើឲ្យការចំណាយលើការតុបតែងផ្កាអស់រាប់សែនដុល្លារនេះ ព្រោះត្រូវរៀបចំបែបសួនច្បារ និងរៀបមានរូបសត្វហង្ស ក្ងោក មេអំបៅ ក្ងាន ចាប និងសត្វជាច្រើនប្រភេទទៀត។ ប្រភេទផ្កាកូឡា ហើយពណ៌ផ្កាដែលប្រើច្រើនបំផុតគឺក្រហម ស្វាយ ផ្កាឈូកចាស់ និងលឿងជាដើម ហើយមិនមែនរៀបតែចំហៀងឡើយតាំងពីលើ និងរៀបកន្លែងកាត់នំធំខ្លាំង។

មួយចំណុចបន្ថែមទៀត គឺក្នុងរោងការពោរពេញដោយក្លិនក្រអូបរបស់ផ្ការាប់លានទងបែបនេះ ហើយអ្នកចូលរួមសុទ្ធតែសរសើរថា រោងការរៀបចំសមឋានៈម្ចាស់កម្មវិធីតែម្ដង៕

រូបភាព៖ The Ring

The post មង្គលការកូនប្រុសអ្នកឧកញ៉ា លី យូគៀក គ្រាន់តែរៀបដេគ័រផ្កាអស់ កន្លះលានដុល្លារ appeared first on .

ឧកញ៉ា លី យូគៀក ទទួលបានគោរមងារ «អ្នកឧកញ៉ា» ពីព្រះមហាក្សត្រ

ឧកញ៉ាដែនដី — Thu, 17 Aug 2023 02:31:24 +0000

ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់ផ្តល់គោរមងារ ឧកញ៉ា លី យូគៀក ជា «អ្នកឧកញ៉ា» នៅថ្ងៃទី ០៤ ខែសីហា ឆ្នាំ២០២៣ តាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។

លោកឧកញ៉ា លី យូគៀក ទីប្រឹក្សាសម្ដេចអគ្គមហាពញាចក្រី ហេង សំរិន ប្រធានរដ្ឋសភា ជានិច្ចកាលតែងតែចូលរួមបរិច្ចាគថវិកា និងធនធានផ្ទាល់ខ្លួន ជាមួយរាជរដ្ឋាភិបាល ស្ទើរគ្រប់សកម្មភាព។ ជាពិសេស លោកឧកញ៉ា តែងចូលរួមក្នុងការជួយកសាងសមិទ្ធផលនានា តាមទីវត្តអារ៉ាម និងសាលារៀន។ ជាក់ស្តែង កាលចុងឆ្នាំ២០២២ លោកឧកញ៉ា បានឧបត្ថម្ភទាំងស្រុង លើការកសាងរូបសំណាកព្រះបាទជ័យវរ្ម័នទី៧, រូបសំណាកសម្ដេចព្រះមហាសុមេធាធិបតី ជួន ណាត និងរូបសំណាកអ្នកភិរម្យភាសាអ៊ូ ហៅង៉ុយ នៅវិទ្យាល័យប៊ុន រ៉ានី ហ៊ុន សែន ចន្ទ្រា ស្ថិតនៅស្រុកចន្ទ្រា ខេត្តស្វាយរៀង៕

The post ឧកញ៉ា លី យូគៀក ទទួលបានគោរមងារ «អ្នកឧកញ៉ា» ពីព្រះមហាក្សត្រ appeared first on .