តាមរយៈបណ្តាញសង្គមផ្ទាល់ខ្លួន របស់អ្នកឧកញ៉ា លី សុភ័ក្ត នាថ្ងៃទី៨ ខែមីនា ឆ្នាំ២០២៦នេះ ជាថ្ងៃទិវាសិទ្ធិនារីអន្តរជាតិ និងក៏ជាថ្ងៃខួបអាពាហ៍ពិពាហ៍របស់អ្នកឧកញ៉ា ជាមួយឧត្តមភរិយាផងដែរ។ អ្នកឧកញ៉ាបានបង្ហោះរូបភាពមួយសន្លឹកដែលជារូបភាពគំនូរឌីជីថលតំណាងឱ្យអ្នកឧកញ៉ា និងឧត្តមភរិយាអង្គុយក្រោមដើមឈើចាស់មួយ ខាងមុខសាលារៀន ដោយភ្ជាប់ជាមួយសំណេរដ៏មានអត្ថន័យ រៀបរាប់ពីភាសាស្នេហាកាលពីវ័យសិក្សាបែបនេះថា «ដើមឈើចាស់ និងសេចក្តីស្នេហាមិនប្រែប្រួល! ការចងចាំកាលពីម្សិលមិញ បងនៅចាំបានយ៉ាងច្បាស់ កាលពីដំបូងដែលបងចាប់ផ្ដើមទៅទទួលអូននៅសាលា។ រាល់ពេលដែលឃើញបងទៅដល់ អូនតែងតែបង្ហាញឫកពាអៀនប្រៀន មិនហ៊ានសូម្បីតែងើបមុខមកមើលបងឱ្យចំ។ ភ្នែកទាំងគូរបស់អូន តែងតែសម្លឹងទៅរកដើមឈើដែលដុះនៅក្បែររបងសាលានោះជំនួសវិញ។

យើងមើលដើមឈើនោះជាមួយគ្នា រហូតដល់រដូវកាលផ្លាស់ប្ដូរ ហើយស្លឹករបស់វាជ្រុះអស់ពីមែក… ប៉ុន្តែអ្វីដែលមិនធ្លាប់ជ្រុះបាត់ទៅតាមស្លឹកឈើ គឺក្ដីស្រឡាញ់ដែលបងមានចំពោះអូន។ រីករាយថ្ងៃខួបអាពាហ៍ពិពាហ៍ ថ្ងៃនៃក្ដីស្រឡាញ់របស់យើង! បងស្រឡាញ់អូន!»

«ដើមឈើចាស់» ស្នេហាមិនប្រែប្រួល ក៏បានបង្ហាញអត្ថន័យក្នុងបទចម្រៀងរវាងអ្នកឧកញ៉ា លី សុភ័ក្ត និងលោកជំទាវដែលជាឧត្តមភរិយាផងដែរ ដែលរៀបរាប់ពីសេចក្តីស្រឡាញ់អ្នកឧកញ៉ាចំពោះភរិយា និងការរំលឹកអារម្មណ៍នៃស្នេហា ដែលកើតឡើងនៅក្នុងវ័យសិក្សានៅក្រោមដើមឈើ ស្នេហានេះជាអ្វីដែលមិនអាចលុបចោលបាន ហើយវានឹងនៅជាប់ក្នុងចិត្តជានិច្ច។

សូមជម្រាបជូនថា អ្នកឧកញ៉ា លី សុភ័ក្ត គឺជាធរុជនដ៏ឆ្នើមមួយរូបនៅកម្ពុជា។ អ្នកឧកញ៉ា ត្រូវបានគេស្គាល់ថាជាសហគ្រិនជោគជ័យ ជាអ្នកជំនួញលើវិស័យជាច្រើន ដូចជា កសិកម្ម មីក្រូហ្វាយនែន នាំចូលរថយន្ត ប្រព័ន្ធផ្សព្វផ្សាយ និងវិស័យមួយចំនួនទៀត។ អ្នកឧកញ៉ា លី សុភ័ក្ត ក៏តែងតែចូលរួមក្នុងកិច្ចការមនុស្សធម៌ និងការជួយជ្រោមជ្រែងដល់សង្គមផងដែរ។ ក្រៅពីវិស័យជំនួញ ក្នុងរឿងស្នេហា អ្នកឧកញ៉ាចាប់តាំងពីរៀបអាពាហ៍ពិពាហ៍មក មានបុត្រាបុត្រីចំនួន៣នាក់ ជាចំណងដៃ៕

The post ស្លឹកឈើរុះរោយ ស្នេហាមិនប្រួលប្រែ!អ្នកឧកញ៉ា លី សុភ័ក្ត រំលឹកពីស្នេហាកាលនៅវ័យសិក្សាជាមួយឧត្តមភរិយា ក្នុងថ្ងៃខួបអាពាហ៍ពិពាហ៍ appeared first on .

ពិធីចុះហត្ថលេខានេះ ធ្វើឡើងរវាងម្ចាស់ភាគហ៊ុនរបស់ HOTAI FINANCE CO., LTD. តំណាងដោយលោក ឆិន ជៀនចូវ ប្រធានក្រុមប្រឹក្សាភិបាល HOTAI FINANCE CO., LTD. និងគ្រឹះស្ថាន អេច អេហ្វ ស៊ី (ខេមបូឌា) មីក្រូហ្វាយនែន ម.ក ដែលតំណាងដោយ អ្នកឧកញ៉ា លី សុភ័ក្ត ប្រធានក្រុមប្រឹក្សាភិបាល គ្រឹះស្ថាន អេច អេហ្វ ស៊ី (ខេមបូឌា) មីក្រូហ្វាយនៃន ម.ក។

ពិធីចុះហត្ថលេខាលើកិច្ចព្រមព្រៀងទិញភាគហ៊ុននេះ ធ្វើឡើងដើម្បីឆ្លើយតបទៅនឹងស្ថានភាពបច្ចុប្បន្ន និងការរីកចម្រើននៃទីផ្សារហិរញ្ញវត្ថុ ការពង្រឹងតួនាទីនៅក្នុងស្ថាប័ន ក៏ដូចជាការគាំទ្រដល់ការអភិវឌ្ឍវិស័យហិរញ្ញវត្ថុនៅកម្ពុជា។

នាឱកាសនោះ អ្នកឧកញ៉ា លី សុភ័ក្ត បានសម្តែងនូវមោទនភាព និងសេចក្តីរីករាយដែលម្ចាស់ភាគហ៊ុនរបស់ HOTAI FINANCE CO., LTD. បានផ្តល់ជំនឿទុកចិត្តមកលើគ្រឹះស្ថានអេច អេហ្វ ស៊ី (ខេមបូឌា) មីក្រូហ្វាយនែន ម.ក ក៏ដូចជាជំនឿទុកចិត្តលើសក្តានុពលនៃទីផ្សារហិរញ្ញវត្ថុនៅកម្ពុជា ដែលជាក់ស្តែងចាប់តាំងពីការចាប់ផ្តើមប្រតិបត្តិការដំបូងក្នុងឆ្នាំ២០១៥ រហូតមកដល់បច្ចុប្បន្ននេះ គ្រឹះស្ថាន អេច អេហ្វ ស៊ី (ខេមបូឌា) មីក្រូហ្វាយនៃន ម.ក បានដើរតួនាទីដ៏សំខាន់ក្នុងការរួមចំណែកដល់ការអភិវឌ្ឍវិស័យហិរញ្ញវត្ថុ និងកំណើនសេដ្ឋកិច្ចកម្ពុជា តាមរយៈការផ្តល់ជូនភតិសន្យា និងកម្ចីដល់ប្រជាជនកម្ពុជាទូទាំងប្រទេសសម្រាប់ការទិញយានយន្តដែលរួមមាន រថយន្ត ម៉ូតូ សម្រាប់គោលបំណងអាជីវកម្ម ក៏ដូចជាការប្រើប្រាស់ផ្ទាល់ខ្លួន។

សូមបញ្ជាក់ថា HOTAI FINANCE CO., LTD. គឺជាដៃគូយុទ្ធសាស្រ្តដ៏រឹងមាំមួយរបស់គ្រឹះស្ថាន អេច អេហ្វ ស៊ី (ខេមបូឌា) មីក្រូហ្វាយនែន ម.ក អស់រយៈពេលជាច្រើនឆ្នាំមកហើយ ដែលកន្លងមកស្ថាប័នទាំងពីរមានទំនាក់ទំនងល្អយ៉ាងជិតស្និតជាមួយគ្នាក្នុងភាពជាដៃគូ និងបានទទួលស្គាល់នូវគុណតម្លៃរបស់គ្នាជាយូរមកហើយ។

ការទិញភាគហ៊ុនបន្ថែមរហូតក្លាយជាភាគទុនិកដែលមានចំណែកភាគហ៊ុនធំជាងគេរបស់ HOTAI FINANCE CO., LTD. នៅក្នុងគ្រឹះស្ថាន អេច អេហ្វ ស៊ី (ខេមបូឌា) មីក្រូហ្វាយនែន ម.ក បានជួយឱ្យគ្រឹះស្ថានអាចពង្រីកធនធានហិរញ្ញវត្ថុកាន់តែធំ និងរឹងមាំ ក្នុងប្រតិបត្តិការអាជីវកម្មរបស់ខ្លួនប្រកបដោយនិរន្តរភាព ព្រមទាំងដើរតួនាទីកាន់តែសំខាន់ក្នុងការចូលរួមចំណែកអភិវឌ្ឍវិស័យហិរញ្ញវត្ថុនៅកម្ពុជា៕

The post អ្នកឧកញ៉ា លី សុភ័ក្ត ចុះហត្ថលេខាព្រមព្រៀងទិញភាគហ៊ុនជាមួយគ្រឹះស្ថានហិរញ្ញវត្ថុឈានមុខគេមួយ ឆ្លើយតបការរីកចម្រើននៃទីផ្សារហិរញ្ញវត្ថុកម្ពុជា appeared first on .

ក្នុងពិធីសម្ពោធនេះ អ្នកឧកញ៉ា លី សុភ័ក្ត ប្រធានក្រុមប្រឹក្សាភិបាលនៃក្រុមហ៊ុន ហ្សិតឌីជី (ខេមបូឌា) ឯ.ក បានថ្លែងថាដោយសង្កត់ធ្ងន់លើវិស័យពាណិជ្ជកម្មមានការរីកចម្រើន និងការបន្តអភិវឌ្ឍន៍ហេដ្ឋារចនាសម្ព័ន្ធរបស់កម្ពុជា ការនាំមករថយន្តទំនើបម៉ាក Lynk & Co ជាមួយបច្ចេកវិទ្យាទំនើប និងសុវត្ថិភាពខ្ពស់ ដើម្បីបំពេញតម្រូវការយ៉ាងខ្លាំងនៅក្នុងទីផ្សារបច្ចុប្បន្ន។

រថយន្ត​​ Lynk & Co​​ 900 ជារថយន្តប្រភេទ SUV ៦កៅអីដ៏ល្បីចុងក្រោយបំផុតរបស់ Lynk & Co ក្រោមវិស្វកម្មទំនើបរបស់ក្រុមហ៊ុន Geely Group ជាមួយនឹងបច្ចេកវិទ្យាស្ថាបត្យកម្មរថយន្តចុងក្រោយបំផុតរបស់ SPA EVO Platform ផ្តល់ជូនលោកអ្នកនូវផលិតផលប្រកបដោយគុណភាព ប្រណីតភាពពេញលេញ។ ជារថយន្តខ្នាតធំ SUV ប្រណីតស៊ីវិល័យបរិបទ យានយន្តថាមពលបែបថ្មីចុងក្រោយបំផុត ដែលបានធ្វើការពង្រីកខ្លួនមកកាន់ទីផ្សារព្រះរាជាណាចក្រកម្ពុជា រថយន្ត Lynk & Co 900 ត្រូវបានរចនាឡើងក្រោមចក្ខុវិស័យ៤ធំៗ ការរចនាបែបទំនើបស៊ីវិល័យ សិល្ប:ហត្ថកម្មប្រណីត រចនាប័ទ្មប្លែកគេ និងស្តង់ដាសុវត្ថិភាពខ្ពស់ ដើម្បីឆ្លើយតបទៅតាមតម្រូវការរបស់អតិថិជនប្រកបដោយនិរន្តរ៍ភាព។

រថយន្ត Lynk & Co 900 មានប្រសិទ្ធភាពខ្ពស់បំពាក់ដោយម៉ូទ័រ៣ (Trio-Motor form) ផ្តល់ជូនការបើកបរដោយអគ្គិសនីសុទ្ធបានកាន់តែឆ្ងាយរហូតដល់ 268 គីឡូម៉ែត្រ ក្នុងការសាកមួយដង។ រថយន្ត Lynk & Co 900 កាន់តែជារថយន្តពិតជាសក្តិសមសម្រាប់ការបើកបរប្រចាំថ្ងៃក្នុងទីក្រុងរបស់លោកអ្នក មិនត្រឹមតែកាត់បន្ថយការចំណាយប្រតិបត្តិការប្រចាំថ្ងៃទេ Lynk & Co 900 ព្រមទាំងជាចំណែកមួយក្នុងការកាត់បន្ថយសារធាតុកាបូនក្នុងបរិយាកាសនៅព្រះរាជាណាចក្រកម្ពុជាផងដែរ។

ប្រព័ន្ធការពារសុវត្ថិភាពរបស់ Lynk & Co 900 កំណត់បាននូវលក្ខខណ្ឌស្តង់ដារសុវត្ថិភាពថ្មីប្រកបដោយទំនុកចិត្តខ្ពស់ដោយគ្រោងឆ្អឹង និងរាងកាយ (bionic skeletal body) របស់ Lynk & Co 900 ទទួលបានជំនួយស្មារតីលើស្ថាបត្យកម្មពីសភាវៈចំរុះទឹកជ្រៅ (deep-sea crustanceans) រួមបញ្ចូលជាមួយរចនាសម្ព័ន្ធសមាសធាតុប្រភេទដែកអាលុយមីញ៉ូមឆកោណ (Hexagonal Aluminum-steel Composite Structures) តាមតំបន់សំខាន់របស់រថយន្តដូចជា A-pillars, B-pillars ព្រមទាំងតាមបរិវេណតួរថយន្តផងដែរ។ កាន់តែមានសុវត្ថិភាពក្នុងពេលបើកបរ Lynk & Co 900 ភ្ជាប់មកជាមួយរ៉ាដាទំនើប “Full-domain sensing radar array” រួមបញ្ចូលទាំង 128-line LiDar ចំនួន៥ក្នុងការចាប់សញ្ញា, រ៉ាដារលក 4D millinimeter-wave ចំនួន១២គ្រាប់ និងកាមេរ៉ា 8 megapixel ចំនួន ៩ ដែលមានសមត្ថភាពខ្ពស់ក្នុងការចាប់យកសញ្ញា 360 ឌឺគ្រេជុំវិញរថយន្ត។

ក្រៅពីប្រព័ន្ធសុវត្ថិភាពដ៏ទំនើប Lynk & Co 900 មានលក្ខខណ្ឌពិសេសប្រកបដោយប្រណីតភាព និងកិត្យនុភាព។ ការរចនាមិនត្រឹមតែស៊ីវិល័យទេ តែបំពាក់ដោយប្រព័ន្ធឆ្លាតវៃទាំងបរិវេណក្នុង និងក្រៅរថយន្ត។ ដៃទ្វារបំពាក់ដោយឧបករណ័ចាប់សញ្ញាឆ្លាតវៃ និងប្រព័ន្ធ LED ទំនើបនាំជូនមកនូវតុល្យភាពរវាងទំនើបកម្ម និងបច្ចេកវិទ្យា។ ផ្ទៃខាងក្នុងកៅអីភ្ជាប់ជាមួយមកនូវស្បែក NAPPA ដែលមានមុខងារកំដៅ ត្រជាក់ និងម៉ាស្សាពីអ៊ឺរ៉ុប ធានាបានទាំងស្ថេរភាព និងផាសុកភាពរៀងរាល់ការធ្វើដំណើររបស់លោកអ្នក។

ភាពឆ្លាតវៃមិនធម្មតារបស់ Lynk OS បានក្លាយជាផ្នែកដ៏ពិសេសមួយនៃលក្ខខណ្ឌពិសេសផ្សេងៗទៀតរបស់រថយន្ត Lynk & Co 900។ ប្រពន្ធដំណើរការនេះបានបង្កើនទាំងអន្តរកម្មនៃការការគ្រប់គ្រង និងប្រាស្រ័យទាក់ទងរវាង smartphone និងភាពបត់បែននៃ Cabin ទាំងមូលផងដែរ។ កៅអីខាងក្រោយអាចបត់រាបស្មើ ផ្តល់ជូនបរិយាកាសធំទូលាយសមស្របតាមតម្រូវការប្រើប្រាស់របស់លោកអ្នក។

Lynk & Co ផ្តល់ជូនសេវាកម្មតំហែទាំបន្ទាប់ពីការលក់ដែលឈានមុខ និងយកចិត្តទុកដាក់ជាងគេ សម្រាប់អតិថិជនកម្ពុជា។ គ្រប់ម៉ូដែលរថយន្តទាំងអស់នឹងទទួលបាននូវការធានារយៈពេល ៤ ឆ្នាំ ឬចម្ងាយ ១០ម៉ឺនគីឡូម៉ែត្រ គឺជាការជួយកាត់បន្ថយចំណាយថែទាំបានរយៈពេលវែង ហើយក៏ជាការផ្តល់ទំនុកចិត្តយ៉ាងច្បាស់ពីគុណភាព និងការប្តេជ្ញាចិត្តចំពោះអតិថិជនរបស់ខ្លួន។

Lynk & Co សូមស្វាគមន៍អតិថិជន និងសាធារណជន​មកកាន់មជ្ឈមណ្ឌលតាំងបង្ហាញរថយន្ត ដែលស្ថិតនៅក្នុងទីក្រុងភ្នំពេញទាំង​ 2សាខា ​ជារៀងរាល់ថ្ងៃ ចាប់ពីម៉ោង 9:00 ព្រឹក ដល់ 9:00 យប់ ដើម្បីទទួលយកបទពិសោធន៍នៃរថយន្តដ៏ទំនើបម៉ូដែល Lynk & Co 900  និងម៉ូដែលផ្សេងទៀតដោយផ្ទាល់ពីសហការីជំនាញផ្នែករថយន្ត ជាមួយនឹងការបើកបរសាកល្បង រួមទាំងការផ្តល់ជូននូវការបញ្ចុះតម្លៃពិសេសទៀតផង។

នៅពេលអនាគត Lynk & Co នឹងបន្តវិនិយោគក្នុងទីផ្សារកម្ពុជា ដោយផ្តល់ផលិតផល និងសេវាកម្មមានគុណភាពកម្រិតខ្ពស់ ស្តង់ដាអន្តរជាតិ ដើម្បីគាំទ្រនវានុវត្តន៍ដែលរឹងមាំ និងមានគុណភាពខ្ពស់របស់ឧស្សាហកម្មរថយន្តក្នុងស្រុក។

The post អ្នកឧកញ៉ា លី សុភ័ក្ត បើកសម្ពោធមជ្ឈមណ្ឌលតាំងបង្ហាញរថយន្តទំនើបម៉ាក LYNK & CO និងការបង្ហាញរថយន្ត SUVប្រណីត ៦កៅអីប្រភេទថ្មីLYNK&CO 900 appeared first on .

ការចូលរួមឧបត្ថម្ភគាំទ្រជាថវិកា និងសម្ភារៈ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

គួររម្លឹកថាកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅក្នុងឆ្នាំ២០២៤កន្លងទៅ បានជួយប្រជាពលរដ្ឋងាយគ្រោះដោយផ្ទាល់ និងតាមខ្នងផ្ទះ រួមទាំងប្រយោលជាង ២លាននាក់៕

The post អ្នកឧកញ៉ា លី សុភ័ក្ត និងលោកជំទាវ ស ចាន់ណែត បរិច្ចាគថវិកាចំនួន ៥,០០០ ដុល្លារអាម៉េរិក ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ appeared first on .

រថយន្តម៉ាក Lynk & Co ត្រូវបានបង្កើតឡើងនាឆ្នាំ២០១៦ដោយកិច្ចសហការគ្នារវាង Geely Auto Group និង Volvo Cars Group ដែលត្រូវបានទទួលស្គាល់លើការប្រើប្រាស់បច្ចេកវិទ្យាទំនើប និងការរចនាបែបទាន់សម័យ សម្រាប់ប្រជាជនជំនាន់ថ្មី។ ការពង្រីកទីផ្សារមកកម្ពុជា ជាសក្ខីកម្មបញ្ជាក់ពីការប្តេជ្ញាចិត្តរបស់រថយន្តម៉ាក Lynk & Co ក្នុងការផ្តល់ជូននូវរថយន្តលំដាប់ខ្ពស់ដែលរួមបញ្ចូលវិស្វកម្មស៊ុយអែតជាមួយនឹងការផលិតប្រកបដោយនវានុវត្តន៍។

កិច្ចព្រមព្រៀងសហប្រតិបត្តិការពាណិជ្ជកម្មនេះ បានធ្វើឱ្យ ​ក្រុមហ៊ុន Lynk & Co Automotive (Cambodia) ក្លាយជាអ្នកនាំចូល និងចែកចាយផ្តាច់មុខ​ ទាំងរថយន្ត និងគ្រឿងបន្លាស់ ម៉ាក Lynk & Co តែមួយគត់នៅកម្ពុជា។

លោក Zhang Hongjun បានមានប្រសាសន៍ថា “យើងរីករាយណាស់ដែលបាននាំយក Lynk & Co មកកាន់ព្រះរាជាណាចក្រកម្ពុជា ដែលជាទីផ្សារមួយមានសក្តានុពលខ្ពស់​ សម្រាប់ភាពស៊ីវិល័យ និងនវានុវត្តន៍។ កិច្ចសហប្រតិបត្តិការនេះឆ្លុះបញ្ចាំងពីការប្តេជ្ញាចិត្តរបស់យើងក្នុងការផ្តល់ជូននូវដំណោះស្រាយដែលជារថយន្តទំនើប​ និងល្បីល្បាញក្នុងពិភពលោក ដើម្បីបង្កើនបទពិសោធន៍ថ្មីជាមួយបច្ចេកវិទ្យាទំនើបក្នុងការបើកបរសម្រាប់ប្រជាជនជំនាន់ថ្មី នៅក្នុងប្រទេសកម្ពុជា។

អ្នកឧកញ៉ា លី សុភ័ក្ត បានមានប្រសាសន៍បន្ថែមថា “ក្នុងនាមជាប្រធានក្រុមប្រឹក្សាភិបាលនៃក្រុមហ៊ុន Lynk & Co Automotive (Cambodia) ខ្ញុំពិតជាមានមោទនៈភាពក្នុងការសហការ នាំយករថយន្តទំនើបបែបអឺរ៉ុប ដើម្បីបំពេញតម្រូវការដែលកំពុងវិវឌ្ឍន៍នៃទីផ្សារក្នុងស្រុករបស់យើង”។

ព្រឹត្តិការណ៍នេះ គឺជាការចាប់ផ្តើមនៃយុគសម័យថ្មីសម្រាប់ឧស្សាហកម្មរថយន្តនៅកម្ពុជា។ បន្ទាប់ពីការចុះហត្ថលេខា ក្រុមហ៊ុន Lynk & Co Automotive (Cambodia) នឹងមានគម្រោងបញ្ចេញនូវរថយន្តម៉ូដែលដ៏គួរឱ្យទាក់ទាញ។ សម្រាប់ព័ត៌មានលម្អិតបន្ថែមនិងត្រូវប្រកាសនៅក្នុងព្រឹត្តិការណ៍ផ្សព្វផ្សាយនៅរសៀលថ្ងៃទី ៧ ខែមេសា ឆ្នាំ២០២៥ ខាងមុខនេះ នៅឯសណ្ឋាគារ Sofitel Phokeethra Phnom Penh។

សម្រាប់ការសាកសួរពីព័ត៌មានបន្ថែម ឬដើម្បីចុះឈ្មោះចូលរួមក្នុងព្រឹត្តិការណ៍នេះ សូមទំនាក់ទំនងមកក្រុមទំនាក់ទំនងសារព័ត៌មានរបស់ក្រុមហ៊ុន Lynk & Co Automotive (Cambodia) តាមរយៈហ្វេកបុកផ្លូវការ Lynk & Co Automotive (Cambodia)។

អំពី Lynk & Co
Lynk & Co គឺជាម៉ាកយីហោរថយន្តលំដាប់សកលដែលបានបង្កើតឡើងនាឆ្នាំ ២០១៦ មានទីស្នាក់ការកណ្តាលនៅ Gothenburg ប្រទេសស៊ុយអែត និងត្រូវបានសកលលោកទទួលស្គាល់ថាជាប្រភេទរថយន្តលំដាប់ខ្ពស់ មានទាំងការរួមបញ្ចូលគ្នានូវការរចនាតាមបែបអឺរ៉ុប ប្រកបដោយភាពច្នៃប្រឌិតជាមួយបច្ចេកវិទ្យាទំនើបទាន់សម័យ ។ Lynk & Co រួមបញ្ចូលជំនាញវិស្វកម្មរបស់ Volvo ជាមួយនឹងសមត្ថភាពផលិតរបស់ Geely ដើម្បីផ្តល់នូវបទពិសោធន៍បើកបរដ៏ល្អឥតខ្ចោះនៅទូទាំងសកលលោក។

អំពី Lynk & Co Automotive (Cambodia)
Lynk & Co Automotive (Cambodia) គឺជាអ្នកនាំចូល និងចែកចាយផ្តាច់មុខនូវរថយន្ត និងគ្រឿងបន្លាស់ ម៉ាកយីហោ Lynk & Co នៅកម្ពុជា ដោយមានការប្តេជ្ញាចិត្តនាំយកបច្ចេកវិទ្យារថយន្តទំនើប ប្រកបដោយនិរន្តរភាពក្នុងការប្រើប្រាស់មកកាន់ទីផ្សារកម្ពុជាសម្រាប់ប្រជាជនជំនាន់ថ្មី។

The post អ្នកឧកញ៉ា លី សុភ័ក្ត ចុះកិច្ចព្រមព្រៀងនាំចូល និងចែកចាយផ្តាច់មុខនូវ​រថយន្តម៉ាក Lynk & Co តែមួយគត់នៅកម្ពុជា appeared first on .

សមាគមឧកញ៉ាកម្ពុជាបានឱ្យដឹងថា សមាគមឧកញ៉ាកម្ពុជា បានតាមដានយ៉ាងយកចិត្តទុកដាក់ចំពោះការផ្សព្វផ្សាយ និងការចែករំលែកបន្ត ព្រមទាំងការបញ្ចេញមតិយោបល់នានា នៅតាមបណ្តាញសង្គមមួយចំនួនមានហ្វេសប៊ុក (Facebook) និងតិកតុក (Tik Tok) ជាដើម ចាប់តាំងពីថ្ងៃទី៩ ខែកក្កដា ឆ្នាំ២០២៤ ក្នុងនោះក៏មានគណនីហ្វេសប៊ុក និងតិកតុកឈ្មោះ Camcar Collection ផងដែរ លើករណីវិវាទរវាង អ្នកឧកញ៉ា លី សុភ័ក្ត ជាសមាជិកសមាគមឧកញ៉ាកម្ពុជា និង លោក ឡយ ភាល័យ ជាអ្នកផ្តល់សេវាកែច្នៃ និងដំឡើងរថយន្ត។

សមាគមឧកញ៉ាកម្ពុជា មើលឃើញថា តាមរយៈសំណេរ និងការផ្សព្វផ្សាយ ព្រមទាំងការបញ្ចេញមតិយោបល់ទាំងនោះហាក់មិនបានឆ្លុះបញ្ចាំងពី ទិដ្ឋភាពទាំងស្រុងនៃវិវាទ ដែលធ្វើឱ្យមានការភាន់ច្រឡំ និងយល់ខុសជាសាធារណៈចំពោះគូភាគី ដែលធ្វើឱ្យប៉ះពាល់ យ៉ាងធ្ងន់ធ្ងរដល់កិត្តិយស កេរ្តិ៍ឈ្មោះ សេចក្តីថ្លៃថ្នូរបុគ្គល។

សមាគមឧកញ៉ាកម្ពុជា គូសបញ្ជាក់ថា ទោះជាយ៉ាងក៏ដោយ វិវាទនេះត្រូវបានដោះស្រាយបញ្ចប់ ដោយសន្តិវិធី ពោលគឺ លោក ឡយ ភាល័យ បានទទួលស្គាល់នូវចំណុចខ្វះខាតរបស់ខ្លួនក្នុងការផ្តល់សេវាកែច្នៃ និង ដំឡើងរថយន្តជូន អ្នកឧកញ៉ា លី សុភ័ក្ត តាមការព្រមព្រៀងគ្នា និងបានសុំទោសជាសាធារណៈដោយទទួលស្គាល់នូវកំហុសចំពោះការផ្សព្វផ្សាយព័ត៌មានតែមួយជ្រុងតាមបណ្តាញសង្គមរបស់ខ្លួន ខណៈអ្នកឧកញ៉ា លី សុភ័ក្ត ក៏បានដកពាក្យបណ្តឹងឈប់ប្តឹង លោក ឡយ ភាល័យ ផងដែរ។

ជុំវិញការយល់ព្រមបញ្ចប់ជម្លោះដោយសន្ដិវិធីនេះ សមាគមឧកញ៉ាកម្ពុជា បានសម្ដែងនូវការអបអរសាទរ ព្រមទាំងគោរពសិទ្ធិក្នុងការបញ្ចេញមតិរបស់ប្រជាពលរដ្ឋ ប៉ុន្តែគួរតែស្ថិតក្នុងក្រមសីលធម៌ ឈរលើសុចរិតភាព និងស្មារតីទទួលខុសត្រូវ៕

The post សមាគមឧកញ៉ាកម្ពុជា ចេញសេចក្ដីប្រកាសព័ត៌មានពីដំណោះស្រាយបញ្ចប់វិវាទដោយសន្តិវិធី រវាងអ្នកឧកញ៉ា លី សុភ័ក្ត និងលោក ឡយ ភាល័យ appeared first on .

អ្នកជំនាញវិស័យយានយន្ត​រូបនេះ បាន​បង្ហោះសារ​លើ​ទំព័រហ្វេសប៊ុក Camcar Collection កាលពី​យប់មិញ យ៉ាងដូច្នេះថា៖ “ខ្ញុំចង់តែបញ្ចប់បញ្ហាទេ។ ខ្ញុំសុំចិត្តបងប្អូន បើពិតជាស្រឡាញ់ខ្ញុំ កុំយកខ្ញុំដើម្បីគេងចំណេញ​នយោបាយ។ បើក្រុមជ្រុលនិយម ចង់ទាញរឿងចូលនយោបាយ ខ្ញុំ block ចោល ជាពិសេសមិន​ពាក់ព័ន្ធ​ជាមួយ​លោកអ្នកឧកញ៉ាផ្សេងឡើយ ហើយក៏មិនពាក់ព័ន្ធស្ថាប័នណាឡើយ”។

លោកបានបន្ថែមថា រឿងនេះគឺជារឿងរបស់លោកជាមួយអ្នកឧកញ៉ា លី សុភ័ក្ត តែប៉ុណ្ណោះ។ បើលោកខុស លោកព្រមទទួលទោស ពោលខុសគឺខុស ត្រូវគឺត្រូវ ហើយ​លោក​ក៏មិនល្អគ្រប់ ១០នោះដែរ។ ទោះយ៉ាងណា បើលោកត្រូវជាប់គុក ចាត់ទុកថាជាកំហុសរបស់លោកទៅចុះ។

គួររំឭកថា កាលពីថ្ងៃទី០៩ ខែកក្កដា លើបណ្ដាញសង្គមផ្ទុះការវែកញែកយ៉ាងក្ដៅគគុក ក្រោយម្ចាស់ផេក Camcar Collection បានបង្ហោះសារជាសារធាណៈ ដើម្បីពន្យល់ពីអង្គហេតុពាក់ព័ន្ធ ករណីម្ចាស់រថយន្ត ដែលបានទិញរថយន្ត យកមកទទួលសេវាកម្មកែច្នៃនៅការ៉ាស់របស់ខ្លួន។ សាររបស់ម្ចាស់ផេក Camcar បាន​ធ្វើ​ឱ្យមហាជនមួយចំនួន បានបញ្ចេញមតិក្នុងបណ្តាញសង្គមមិនគប្បី​ធ្វើ​ឱ្យ​ប៉ះពាល់ដល់កិត្តិយស និងសេចក្ដីថ្លៃថ្នូរ​របស់​គោរមវ័ន្ត​ឧកញ៉ា ជាទូទៅផងដែរ៕

The post ម្ចាស់ Camcar សំណូមពរមហាជនអ្នកគាំទ្រ កុំបញ្ចេញមតិប៉ះពាល់ដល់ គោរមវ័ន្តឧកញ៉ា appeared first on .

កម្មវត្ថុនៃ លិខិតជូនដំណឹង ចេញដោយលោក មេធាវី សុភារិន វាស្នា ចុះថ្ងៃទី១០ ខែកក្កដា ដដែលនេះ ក៏បានជូនដំណឹងសូមឱ្យ ម្ចាស់ទំព័របណ្ដាញសង្គម ឈ្មោះ Camcar Collection លុបសំណេរ និងវីដេអូពាក់ព័ន្ធ ព្រមទាំងធ្វើការសុំទោសជាសាធារណៈ ក្នុងរយៈពេល ២៤ម៉ោង គិតចាប់ពីពេលជូនដំណឹងនេះតទៅ។

គួររំឭកថា កាលពីថ្ងៃទី០៩ ខែកក្កដា លើបណ្ដាញសង្គមផ្ទុះការវែកញែកយ៉ាងក្ដៅគគុក ក្រោយម្ចាស់ផេក Camcar Collection បានបង្ហោះសារ ជាសារធាណៈជាច្រើនដង ដើម្បីពន្យល់ពីអង្គហេតុពាក់ព័ន្ធ ករណីម្ចាស់រថយន្ត ដែលបានទិញរថយន្ត យកមកទទួលសេវាកម្មកែច្នៃនៅការ៉ាស់របស់ខ្លួន។ យ៉ាងនេះក្ដី ចំពោះមុខករណីនេះ ភាគីទាំងសងខាង ក៏សុទ្ធតែបង្ហាញឆន្ទៈចង់បញ្ចប់ ការប៉ះទង្គិចនេះរៀងៗខ្លួន ប៉ុន្តែករណីសម្របសម្រួលនឹងបន្តតាមនីតិវិធីបែបណានោះ សារព័ត៌មាន Oknha News នឹងផ្សាយជូនប្រិយមិត្ត បានជ្រាបជាបន្ត៕

The post មេធាវី អ្នកឧកញ៉ា លី សុភ័ក្ត ចេញលិខិតជូនដំណឹង និងពន្យល់ពីអង្គហេតុពាក់ព័ន្ធម្ចាស់ទំព័របណ្ដាញសង្គម Camcar Collection appeared first on .

គោរមងារ «អ្នកឧកញ៉ា» គឺពិតជាស័ក្តិសមនិងជាសក្ខីភាពឆ្លុះបញ្ចាំងអំពីគុណវុឌ្ឍិដែល អ្នកឧកញ៉ា បានលះបង់ទាំងកម្លាំងកាយ កម្លាំងចិត្ត ប្រាជ្ញាស្មារតី និងធនធានជាច្រើន ដើម្បីចូលរួមបម្រើឧត្តមប្រយោជន៍ជូនជាតិមាតុភូមិ និងប្រជាជនកម្ពុជាទាំងក្នុងវិស័យសេដ្ឋកិច្ច សង្គមកិច្ច សាសនា និងមនុស្សធម៌នាពេលកន្លងមក។

យើងខ្ញុំទាំងអស់គ្នា សូមចូលរួមអបអរសាទរ និងសូមជូនពរ អ្នកឧកញ៉ា លី សុភ័ក្ដ និងលោកជំទាវ ព្រមទាំងបុត្រាបុត្រី និងក្រុមគ្រួសារទាំងមូល សូមប្រកបដោយសិរីមង្គល វិបុលសុខ និងពុទ្ធពរទាំងបួនប្រការគឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post សមាគមឧកញ៉ាកម្ពុជា ផ្ញើសារអបអរសាទរឧកញ៉ា លី សុភ័ក្ដ ដែលត្រូវបានព្រះមហាក្សត្រ ត្រាស់បង្គាប់ផ្ដល់គោរមងារជា «អ្នកឧកញ៉ា» appeared first on .