ពិធីខាងលើនេះ ត្រូវបានធ្វើឡើងក្រោមអធិបតីភាព ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា ព្រមទាំងមានការអញ្ជើញចូលរួមពី ឯកឧត្តម នួន ផារ័ត្ន អភិបាលខេត្តកំពង់ធំ មន្ត្រីរាជការ លោកគ្រូ អ្នកគ្រូ និងសិស្សានុសិស្សជាច្រើនរូបទៀត។

“ការផ្តល់ឈាមមិនត្រឹមតែជួយសង្គ្រោះជីវិតប៉ុណ្ណោះទេ ប៉ុន្តែក៏ជាការចែករំលែកស្នាមញញឹមផងដែរ”។ ប្រសាសន៍ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា។

អ្នកឧកញ៉ា លី សុភ័ក្ត ប្រធានក្រុមប្រឹក្សាភិបាល នៃក្រុមហ៊ុន ទេពី អាក្រូ វិនិយោគ (Tepi Agro Investment) បានគូសបញ្ជាក់ឱ្យដឹងថា សហគមន៍កសិកម្ម ទេពី អាក្រូ មានផ្ទៃដីសរុបប្រមាណ ៧,៨៩៩ ហិកតា ស្ថិតក្នុងស្រុកសណ្តាន់ ខេត្តកំពង់ធំ និងស្រុកត្រពាំងប្រាសាទ ខេត្តឧត្តរមានជ័យ។ ក្នុងនោះមាន ផ្ទៃដីកៅស៊ូចំនួន ២,៦៣៦ ហិកតា ស្វាយចន្ទី និងស្វាយកែវរមៀតមានចំនួន ២,៨៧៧ ហិកតា ព្រមទាំងផ្ទៃដីដាំដុះ និងថែទាំកូនកៅស៊ូ ចំនួន ២,៣៨៦ ហិកតា។ ចំពោះទិន្នផលកៅស៊ូសរុបមានចំនួនប្រមាណ ៧,៩០០ តោន ក្នុង១ឆ្នាំ និងទិន្នផលចន្ទីចំនួនជាង ១,០០០ តោនក្នុង១ឆ្នាំ។

អ្នកឧកញ៉ា បានបន្ថែមឱ្យដឹងទៀតថា សហគមន៍កសិកម្ម ទេពី អាក្រូ មានប្រជាពលរដ្ឋសរុបចំនួនប្រមាណ ៣០០ គ្រួសារ ស្មើនឹងប្រមាណ ១,០០០ នាក់ កំពុងរស់នៅក្នុងតំបន់ទាំងពីរ ដែលមានការរៀបចំជាសហគមន៍សាមគ្គី។ ក្នុងនោះដែរ មានផ្ទះស្នាក់នៅសម្រាប់បុគ្គលិក និងកម្មករចំនួន ២១០ ខ្នង មានសាលារៀនចំនួន ២ ខ្នង ស្មើនឹង ១១ បន្ទប់ និងមានសិស្សដែលជាកូនចៅបងប្អូនបុគ្គលិក កម្មករ ចំនួន ១២៣ នាក់កំពុងទទួលបានការសិក្សារៀនសូត្រពីលោកគ្រូ អ្នកគ្រូ ចាត់តាំងពីស្ថាប័នអប់រំរបស់រដ្ឋ៕

The post អ្នកឧកញ៉ា លី សុភ័ក្ត ដឹកនាំបើកយុទ្ធនាការ «ផ្តល់ឈាម ផ្តល់ជីវិត» និងសម្ពោធសាលាបឋមសិក្សាចំនួនពីរ នៅសហគមន៍កសិកម្ម ទេពី អាក្រូ appeared first on .

ក្នុងកម្មវិធីនេះ អ្នកឧកញ៉ា លី សុភ័ក្ត ប្រធានក្រុមប្រឹក្សាភិបាល LYNK & CO Automotive (Cambodia) បានថ្លែងថា ការមកដល់នៃរថយន្តម៉ាក LYNK & CO នឹងរួមចំណែកដល់ចក្ខុវិស័យរបស់រាជរដ្ឋាភិបាលកម្ពុជាក្នុងការជំរុញការដឹកជញ្ជូនបៃតង និងនិរន្តរភាព ។ អ្នកឧកញ៉ា បានមានប្រសាសន៍ថា “ថ្ងៃនេះជាពេលវេលាដ៏សំខាន់មួយ មិនត្រឹមតែសម្រាប់ក្រុមហ៊ុនរបស់យើងទេ ប៉ុន្តែក៏សម្រាប់ដំណើរឆ្ពោះទៅកាន់បរិស្ថានស្អាត និងអនាគតប្រកបដោយនិរន្តរភាពរបស់កម្ពុជាផងដែរ” ។

ឯកឧត្តម ពៅ ម៉ាលី រដ្ឋលេខាធិការ ក្រសួងសាធារណៈ និងដឹកជញ្ជូន បានមានប្រសាសន៍ថា ព្រឹត្តិការណ៍នេះបង្ហាញពី ការប្តេជ្ញាចិត្តរបស់រាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃរបស់      សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងការជំរុញវិស័យដឹកជញ្ជូន និងសេដ្ឋកិច្ចជាតិឱ្យរីកចម្រើន។ “ការនាំចូលរថយន្ត Lynk & Co មិនត្រឹមតែផ្តល់ភាពងាយស្រួល និងសុវត្ថិភាពដល់      ប្រជាពលរដ្ឋប៉ុណ្ណោះទេ ថែមទាំងជួយកាត់បន្ថយផលប៉ះពាល់បរិស្ថានតាមរយៈបច្ចេកវិទ្យាទាន់សម័យ ដែលមានការបំភាយឧស្ម័នទាប”។

លោក ប្រ៊ូស លី(Mr. Bruce Lee) ប្រធានតំបន់អាស៊ីអាគ្នេយ៍ ម៉ាក LYNK & CO បានចែករំលែកថា កម្ពុជាត្រូវបានជ្រើសរើសដោយសារសក្តានុពលសេដ្ឋកិច្ចដ៏រឹងមាំ និងប្រជាជនវ័យក្មេងដែលបានកំពុងស្វែងយល់ពីបច្ចេកវិទ្យាទំនើប។ លោកបានបញ្ជាក់ថា “កម្ពុជាមានកំណើនសេដ្ឋកិច្ចជាង ៦,៨% ជាប់គ្នា ៥ ឆ្នាំ និងប្រជាជន ៦៥% មានអាយុក្រោម ៣០ ឆ្នាំ ដែលជាកម្លាំងចលករសម្រាប់យើង” ។

កម្មវិធីនេះបានបញ្ចប់ដោយការចុះហត្ថលេខាជាផ្លូវការលើកិច្ចព្រមព្រៀងរវាង អ្នកឧកញ៉ា លី សុភ័ក្ត ប្រធានក្រុមប្រឹក្សាភិបាល LYNK & CO Automotive Cambodia និង លោក ប្រ៊ូស លី(Mr. Bruce Lee) ប្រធានតំបន់អាស៊ីអាគ្នេយ៍ ម៉ាក LYNK & CO ក្រោមអធិបតីភាព ឯកឧត្តម ពៅ ម៉ាលី រដ្ឋលេខាធិការ ក្រសួងសាធារណៈការ និងដឹកជញ្ជូន តំណាង ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណៈការ និងដឹកជញ្ជូន និងលោកអ្នកឧកញ៉ា លី ហួរ ប្រធានក្រុមប្រឹក្សាភិបាលនៃក្រុមហ៊ុន លី ហួរ គ្រុប ជាសាក្សីកិត្តិយស។

LYNK & CO Automotive (Cambodia) សន្យាថានឹងនាំមកនូវបទពិសោធន៍ថ្មីនៃការបើកបរ ដែលមិនត្រឹមតែផ្តល់ភាពងាយស្រួលប៉ុណ្ណោះទេ ថែមទាំងរួមចំណែកដល់ការអភិវឌ្ឍសេដ្ឋកិច្ច និងបរិស្ថានបៃតងនៅកម្ពុជា។

លើសពីនេះ LYNK & CO Automotive (Cambodia) បានប្តេជ្ញាចិត្តសហការជាមួយដៃគូក្នុងស្រុកដើម្បីបង្កើតស្ថានីយ៍សាកថ្មទូទាំងប្រទេស ដើម្បីលើកកម្ពស់ការប្រើប្រាស់រថយន្តអគ្គិសនី និងបង្កើតឱកាសការងារថ្មីៗដូចជា ការដំឡើង ថែទាំ និងសេវាកម្មជួសជុល។ លើសពីនេះ នៅខែឧសភា ឆ្នាំ២០២៥ ទីតាំងតាំងបង្ហាញរថយន្ត ម៉ាក LYNK & CO ដំបូង នឹងបើកដំណើរការនៅភ្នំពេញ និងគ្រោងពង្រីកទៅខេត្តសៀមរាប និងខេត្តព្រះសីហនុក្នុងរយៈពេល ២ ឆ្នាំខាងមុខ។

រថយន្តម៉ាក LYNK & CO ដែលត្រូវបានណែនាំនៅក្នុងព្រឹត្តិការណ៍នេះរួមមានម៉ូដែល LYNK & CO 06 EM-P និង LYNK & CO 08 EM-P ។ ម៉ូដែលទាំងនេះត្រូវបានរចនាឡើងដើម្បីបំពេញតម្រូវការប្រជាជនកម្ពុជា ដោយផ្តោតលើ បច្ចេកវិទ្យាទំនើបនិងទាន់សម័យ សុវត្ថិភាព និងតម្លៃសមរម្យ។ ក្រុមហ៊ុនផ្តល់ជូននូវការធានាឈានមុខគេក្នុងឧស្សាហកម្មរថយន្តអគ្គីសនី ដោយរថយន្តគ្រប់ម៉ូដែលទទួលបានការធានា ៥ ឆ្នាំ ឬ ១០០,០០០ គីឡូម៉ែត្រ និងការធានាសមាសធាតុអគ្គិសនីសំខាន់ៗរយៈពេល ៨ ឆ្នាំ ឬ ១៥០,០០០ គីឡូម៉ែត្រ ដើម្បីផ្តល់ទំនុកចិត្តដល់អតិថិជន។

សម្រាប់ការសាកសួរពីព័ត៌មានបន្ថែម ឬដើម្បីចុះឈ្មោះចូលរួមក្នុងព្រឹត្តិការណ៍នេះ សូមទំនាក់ទំនងមកក្រុមទំនាក់ទំនងសារព័ត៌មានរបស់ក្រុមហ៊ុន Lynk & Co Automotive (Cambodia) តាមរយៈហ្វេកបុកផ្លូវការ Lynk & Co Automotive (Cambodia) ។

អំពី Lynk & Co
Lynk & Co គឺជាម៉ាកយីហោរថយន្តលំដាប់សកលដែលបានបង្កើតឡើងនាឆ្នាំ ២០១៦ មានទីស្នាក់ការកណ្តាលនៅ Gothenburg ប្រទេសស៊ុយអែត និងត្រូវបានសកលលោកទទួលស្គាល់ថាជាប្រភេទរថយន្តលំដាប់ខ្ពស់ មានទាំងការរួមបញ្ចូលគ្នានូវការរចនាតាមបែបអឺរ៉ុប ប្រកបដោយភាពច្នៃប្រឌិតជាមួយបច្ចេកវិទ្យាទំនើបទាន់សម័យ ។ Lynk & Co រួមបញ្ចូលជំនាញវិស្វកម្មរបស់ Volvo ជាមួយនឹងសមត្ថភាពផលិតរបស់ Geely ដើម្បីផ្តល់នូវបទពិសោធន៍បើកបរដ៏ល្អឥតខ្ចោះនៅទូទាំងសកលលោក។

អំពី Lynk & Co Automotive (Cambodia)
Lynk & Co Automotive (Cambodia) គឺជាអ្នកនាំចូល និងចែកចាយផ្តាច់មុខនូវរថយន្ត និងគ្រឿងបន្លាស់ ម៉ាកយីហោ Lynk & Co នៅកម្ពុជា ដោយមានការប្តេជ្ញាចិត្តនាំយកបច្ចេកវិទ្យារថយន្តទំនើប ប្រកបដោយនិរន្តរភាពក្នុងការប្រើប្រាស់មកកាន់ទីផ្សារកម្ពុជាសម្រាប់ប្រជាជនជំនាន់ថ្មី៕

The post អ្នកឧកញ៉ា លី សុភ័ក្ត ចុះហត្ថលេខាទទួលសិទ្ធផ្ដាច់មុខនាំចូលនិងចែកចាយរថយន្តអគ្គិសនីទំនើបម៉ាក LYNK & CO ចូលមកទីផ្សារកម្ពុជាផ្លូវការ appeared first on .

ឧកញ៉ា លី សុភ័ក្ត ជាប្រធានក្រុមប្រឹក្សាភិបាលក្រុមហ៊ុន លី ហួរ លីស៊ីង ភីអិលស៊ី និងជាសមាជិកទ្រទ្រង់នៃសមាគមឧកញ៉ាកម្ពុជា ត្រូវជាកូនប្រុសរបស់ លោកអ្នកឧកញ៉ា លី ហួរ ប្រធានក្រុមប្រឹក្សាភិបាលក្រុមហ៊ុន លី ហ៊ួរ គ្រុប និងជា​អនុប្រធានសមាគមឧកញ៉ាកម្ពុជា និងលោកជំទាវឧកញ៉ា ស៊ាង លីម។

អ្នកឧកញ៉ា លី ហួរ ដែលជាឪពុករបស់ឧកញ៉ា លី សុភ័ក្ត ក៏ទើបត្រូវបានព្រះមហាក្សត្រ ត្រាស់បង្គាប់​ផ្ដល់គោរមងារជា «លោកអ្នកឧកញ៉ា» ដែលជាគោរមងារខ្ពស់បំផុតលំដាប់ទី១ កាលពីថ្ងៃទី១២ ខែមេសា ឆ្នាំ២០២៤ និងត្រូវបានសម្ដេចតេជោ ហ៊ុន សែន ប្រធានព្រឹទ្ធសភា និងជាប្រធានកិត្តិយស សមាគមឧកញ៉ាកម្ពុជា ផ្តល់កិត្តិយសប្រគល់ព្រះរាជក្រឹត្យដោយផ្ទាល់ដៃ កាលពីល្ងាចថ្ងៃសុក្រ ទី២៦ ខែមេសា ឆ្នាំ២០២៤ ក្នុងពិធីសន្និបាតលើកទី១ និងកម្មវិធីពិសាអាហារសាមគ្គីមហាគ្រួសារសមាគមឧកញ៉ាកម្ពុជា នៅសណ្ឋាគារ ហ្គាឌិនសុីធី។

ឧកញ៉ា លី សុភ័ក្ត ជាកូនច្បងរបស់លោកអ្នកឧកញ៉ា លី ហួរ កើតនៅឆ្នាំ១៩៧៨ ក្នុងខេត្តកំពង់ចាម។ លោកត្រូវបានតែងតាំង​ជាអនុប្រធាននាយកប្រតិបត្តិ​នៅថ្ងៃទី២០ ខែកក្កដា ឆ្នាំ២០១១។ លោកឧកញ៉ា ជាធុរជនខ្មែរមានភាពស្វាហាប់ និងប្រជាប្រិយមួយរូប ព្រម​ទាំង​មានបទពិសោធន៍ជាង១០ឆ្នាំ ក្នុងការគ្រប់គ្រងអាជីវកម្មនៅក្នុងប្រទេសកម្ពុជា។ លោកឧកញ៉ា លី សុភ័ក្ត បានចូលរួម​ពង្រីក​អាជីវកម្ម និងវិនិយោគក្នុងវិស័យជាច្រើនរួមមានវិស័យសំណង់ និងវិស័យហិរញ្ញវត្ថុជាដើម៕

The post ឧកញ៉ា លី សុភ័ក្ត ត្រូវបានព្រះមហាក្សត្រ ត្រាស់បង្គាប់ផ្តល់គោរមងារជា «អ្នកឧកញ៉ា» appeared first on .