សម្ដេចតេជោ ហ៊ុន សែន ប្រមុខរដ្ឋស្តីទី និងជាប្រធានសមាគមអតីតយុទ្ធជនកម្ពុជា កាលព្រឹកថ្ងៃទី២៩ ខែកញ្ញា ឆ្នាំ២០២៥ បានអញ្ជើញជាអធិបតីក្នុងពិធីបិទមហាសន្និបាតវិសាមញ្ញតំណាងសមាគមអតីតយុទ្ធជនកម្ពុជាទូទាំងប្រទេស។ មហាសន្និបាតបានសម្រេចកែសម្រួលឈ្មោះ របស់សមាគមពី «សមាគមអតីតយុទ្ធជនកម្ពុជា» ទៅជា «សមាគមអតីតយុទ្ធជន និងនិវត្តជនកម្ពុជា»។

ក្នុងឱកាសនោះដែរ សម្តេចតេជោ បានមានប្រសាសន៍ថា សមាគមអតីតយុទ្ធជន និងនិវត្តជនកម្ពុជា ត្រូវបន្តគម្រោងសង់ផ្ទះជូនអតីតយុទ្ធជន និងនិវត្តជន ដែលមានស្នាដៃ និងមានដីជាកម្មសិទ្ធិផ្ទាល់ខ្លួនរួចហើយ នៅតាមសហគមន៍។ សម្តេចសម្គាល់ឃើញថា គម្រោងនេះមានប្រសិទ្ធភាពណាស់ ដោយសារ អតីតយុទ្ធជន និងនិវត្តជន ខ្លួនឯង មានដីជាកម្មសិទ្ធិដែលជាបដិភាគ ចំណែកឯសមាគមអតីតយុទ្ធជន និងនិវត្តជនកម្ពុជា អាជ្ញាធរដែនដី សប្បុរសជននានា និងបងប្អូនប្រជាពលរដ្ឋនៅមូលដ្ឋាន បានចូលរួមចំណែកជួយឧបត្ថម្ភ គាំទ្រជាថវិកា និងសម្ភារ:។ ការណ៍នេះ គឺជាវប្បធម៌ចែករំលែកចំពោះអតីតយុទ្ធជន និងនិវត្តជន ធ្វើឱ្យជីវភាពអតីតយុទ្ធជន និង និវត្តជន ត្រូវបានកែលម្អឱ្យប្រសើរឡើងជាបន្តបន្ទាប់។

សូមជម្រាបថា អ្នកឧកញ៉ា វិញ ហួរ កន្លងមកតែងបរិច្ចាគថវិកាផ្ទាល់ខ្លួនជួយដល់សមាគមអតីតយុទ្ធជន និងនិវត្តជនកម្ពុជា។ ជាក់ស្តែង អ្នកឧកញ៉ាក៏បានចូលរួមឧបត្ថម្ភថវិកាចំនួន ៥០០០ដុល្លារអាមេរិក ដើម្បីរៀបចំមហាសន្និបាតវិសាមញ្ញ តំណាងសមាគមអតីតយុទ្ធជនកម្ពុជាទូទាំងប្រទេសផងដែរ៕

The post អ្នកឧកញ៉ា វិញ ហ៊ួរ បរិច្ចាគថវិកាគាំទ្រការសាងសង់ផ្ទះជូនអតីតយុទ្ធជន និងនិវត្តជន ចំនួន ១០០ខ្នងក្នុងមួយឆ្នាំ រយ:ពេល ៥ឆ្នាំ appeared first on .

ឯកឧត្តមកិត្តិសង្គហបណ្ឌិត គន់ គីម អគ្គលេខាធិការសមាគមអតីតយុទ្ធជនកម្ពុជា បានចាត់ទុកការឧបត្ថម្ភគាំទ្ររបស់សប្បុរសជនពេលនេះ ជាចលនាមហាសមានចិត្តដឹងគុណបំណាច់ជ្រាលជ្រៅ ចំពោះអតីតយុទ្ធជន ដែលបានធ្វើពលិកម្មដ៏មហិមាក្នុងបុព្វហេតុជាតិមាតុភូមិ។ ឯកឧត្តមកិត្តិសង្គហបណ្ឌិត បានអំពាវនាវដល់សប្បុរសជនបន្តចូលរួមឧបត្ថម្ភថវិកាគាំទ្រដល់សមាគមអតីតយុទ្ធជនកម្ពុជាបន្ថែមទៀត ដើម្បីរៀបចំមហាសន្និបាតវិសាមញ្ញទូទាំងប្រទេសនេះឱ្យបានកាន់តែមហោឡារិក។

យោងតាមសេចក្តីប្រកាសព័ត៌មានរបស់សមាគមអតីតយុទ្ធជនកម្ពុជា ចុះថ្ងៃទី១៤ ខែកក្កដា ឆ្នាំ២០២៥ បានឱ្យដឹងថា នៅថ្ងៃទី២៦ ខែកក្កដា ឆ្នាំ២០២៥ ខាងមុខនេះ នឹងមានរៀបចំមហាសន្និបាតវិសាមញ្ញតំណាងសមាគមអតីតយុទ្ធជនកម្ពុជាទូទាំងប្រទេស ក្រោមអធិបតីភាពដ៏ខ្ពង់ខ្ពស់បំផុតរបស់សម្តេចអគ្គមហាសេនាបតីតេជោ នាយឧត្តមសេនីយ៍ ផុតលេខផ្កាយមាស៥ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា។

សូមជម្រាបជូនថា មហាសន្និបាតវិសាមញ្ញតំណាងសមាគមអតីតយុទ្ធជនកម្ពុជាទូទាំងប្រទេស នឹងប្រារព្ធឡើងក្នុងគោលបំណង ៣សំខាន់ៗ រួមមាន៖ ទី១-បូកសរុបលទ្ធផលការងាររយៈពេល១០ឆ្នាំ របស់សមាគម, ទី២-កែសម្រួលនិមិត្តសញ្ញាសមាគម និងឈ្មោះសមាគម ដោយផ្លាស់ប្ដូរពីសមាគមអតីតយុទ្ធជនកម្ពុជា ទៅជា សមាគមអតីតយុទ្ធជន និងនិវត្តជនកម្ពុជា និងទី៣-ការធ្វើវិសោធនកម្មលក្ខន្តិកៈសមាគម ដើម្បីបញ្ចូលនិវត្តជនដែលជាអតីតមន្ត្រីរាជការស៊ីវិលចូលក្នុង សមាគមអតីតយុទ្ធជនកម្ពុជា៕

The post អ្នកឧកញ៉ា វិញ ហួរ ឧបត្ថម្ភថវិកា ៥០០០ដុល្លារ ដើម្បីរៀបចំមហាសន្និបាតវិសាមញ្ញទូទាំងប្រទេសតំណាងសមាគមអតីតយុទ្ធជនកម្ពុជា ក្រោមអធិបតីភាពសម្ដេចតេជោ ហ៊ុន សែន appeared first on .

ក្នុងឱកាសនេះដែរ នាយឧត្តមសេនីយ៍ ឥត សារ៉ាត់ អគ្គមេបញ្ជាការរង និងជានាយសេនាធិការចម្រុះ នៃកងយោធពលខេមរភូមិន្ទ នៅទីបញ្ជាការដ្ឋានកងពលតូចថ្មើរជើងលេខ៤២ បានទទួលស្វាគមន៍យ៉ាងកក់ក្តៅ។ សម្រាប់អំណោយដែលផ្ដល់ជូនរួមមាន ទឹកសុទ្ធដបធំ ១០០០កេស, ភេសជ្ជៈ ៥០០កេស និងស៊ីម៉ងត៍ជាច្រើនផងដែរ។

លោក ពុត ចន្តារិទ្ធ អគ្គលេខាធិការ នៃសមាគមឧស្សាហកម្មស៊ីម៉ង់ត៍កម្ពុជា បានថ្លែងកោតសរសើរ លើកទឹកចិត្ត និងថ្លែងអំណរគុណដល់កងទ័ពជួរមុខទាំងអស់ ដែលបានលះបង់កម្លាំងកាយចិត្តការពារបូរណភាពទឹកដីកម្ពុជា មិនឱ្យសត្រូវឈ្លានបាន។

ជាចុងបញ្ចប់ នាយឧត្តមសេនីយ៍ ឥត សារ៉ាត់ ក៏បានថ្លែងអំណរគុណដល់សមាគមឧស្សាហកម្មស៊ីម៉ង់ត៍កម្ពុជា ដែលបានគិតគូរដល់កងទ័ពកម្ពុជា ហើយសង្ឃឹមថាសមាគមនឹងនាំយកអំណោយបន្ថែមទៀតជូនដល់កងទ័ពនៅទិសដទៃផងដែរ៕

The post អ្នកឧកញ៉ា វិញ ហួរ និងអ្នកឧកញ៉ា លាង ពៅ ដឹកនាំប្រតិភូសមាគមឧស្សាហកម្មស៊ីម៉ង់ត៍កម្ពុជា នាំយកអំណោយឧបត្ថម្ភជូនដល់កងកម្លាំងសមរភូមិមុខ នៅខេត្តឧត្តរមានជ័យ appeared first on .

ការចូលរួមឧបត្ថម្ភថវិកានេះ គឺជាការចូលរួមចំណែកលើកទឹកចិត្ត ដល់កងទ័ពកម្ពុជាដ៏អង់អាចក្លាហានរបស់កម្ពុជា ដែលកំពុងឈរជើងជាប់ជាប្រចាំ ដើម្បីការពារបូរណភាពទឹកដី នៅតាមបណ្តោយព្រំដែនកម្ពុជា-ថៃ។

សម្តេចតេជោ ហ៊ុន សែន តាមរយៈថ្លែងការណ៍ចេញពីព្រឹទ្ធសភា នៅថ្ងៃទី២៩ ខែឧសភា ឆ្នាំ២០២៥ បានអំពាវនាវប្រជាពលរដ្ឋទាំងអស់ ឱ្យចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នាជាធ្លុងមួយនៃខឿនការពារជាតិរបស់កម្ពុជា។

ឆ្លៀតឱកាសនេះ យើងខ្ញុំសូមបួងសួងដល់ទេវតារក្សាទឹកដីនៃព្រះរាជាណាចក្រកម្ពុជា បុព្វបុរសខ្មែរគ្រប់ព្រះអង្គ និងវត្ថុសក្តិសិទ្ធិក្នុងលោក សូមតាមថែរក្សាការពារកងទ័ពកម្ពុជារបស់យើង ឱ្យជួបប្រទះតែសេចក្តីសុខ ជៀសផុតពីជំងឺដង្កាត់ទាំងឡាយ ហើយឈ្នះអស់ខ្មាំងសត្រូវ៕

The post អ្នកឧកញ៉ាបណ្ឌិត វិញ ហ៊ួរ និងលោកជំទាវ ឧបត្ថម្ភថវិកាចំនួន ៥,០០០ដុល្លារអាម៉េរិក ជូនកងទ័ពការពារព្រំដែនកម្ពុជា-ថៃ ទិសទី១ ខេត្តព្រះវិហារ appeared first on .

សភាពាណិជ្ជកម្មកម្ពុជា បានឱ្យដឹងថា ក្នុងជំនួបពាណិជ្ជកម្មរវាង សភាពាណិជ្ជកម្មកម្ពុជា និងសហគ្រាស នៃសភាពាណិជ្ជកម្មអន្តរជាតិចិន មានក្រុមហ៊ុនចូលរួមប្រមាណជា៤០ ទាំងភាគីកម្ពុជា និងចិន បានពិភាក្សាគ្នាអំពីឱកាសវិនិយោគទៅលើវិស័យ ថាមពល សំណង់ រោងចក្រ អចលនទ្រព្យ និងវិស័យដឹកជញ្ជូន។

ជាមួយគ្នានេះ ជំនួបពិភាក្សាគ្នា រវាងសភាពាណិជ្ជកម្មកម្ពុជា និងសហគ្រាស នៃសភាពាណិជ្ជកម្មអន្តរជាតិចិន ត្រូវបានបញ្ចប់ទៅដោយទទួលបានឱកាសចាប់ដៃគូគ្នាក្នុងការវិនិយោគរួមគ្នាផងដែរ។

សូមជម្រាបជូនថា ប្រទេសចិនបានឈរលំដាប់លេខ ១ ដែលបានមកដាក់ទុនវិនិយោគនៅកម្ពុជាច្រើនជាងគេ ។ជាក់ស្តែងកាលពីក្នុងឆ្នាំ២០២៤ ការវិនិយោគមកពីប្រទេសចិន បានរួមចំណែកប្រមាណ ៥០% នៃទុនវិនិយោគសរុបដែលកម្ពុជាទទួលបាន ៦.៩ពាន់លានដុល្លារអាម៉េរិក៕

The post អ្នកឧកញ៉ា វិញ ហួរ ចូលរួមជំនួបរវាងក្រុមហ៊ុនកម្ពុជា-ចិនប្រមាណ៤០ ពិភាក្សាស្វែងរកឱកាសចាប់ដៃគូវិនិយោគរួមគ្នា appeared first on .

អ្នកឧកញ៉ាបណ្ឌិត វិញ ហ៊ួរ និងលោកជំទាវអ្នកឧកញ៉ា ឆេង សៀង កន្លងមកតែងតែចូលរួមឧបត្ថម្ភថវិកាជារៀងរាល់ឆ្នាំ ដល់កាកបាទក្រហមកម្ពុជាសម្រាប់ទិវា ៨ឧសភា។ កន្លងមកនេះ អ្នកឧកញ៉ាទាំងពីរ ក៏តែងតែបានចូលរួមឧបត្ថម្ភថវិកា ជួយដល់យុទ្ធនាការផ្សេងៗរបស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។

ការចូលរួមឧបត្ថម្ភគាំទ្រជាថវិកា និងសម្ភារៈ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។ 

គួររម្លឹកថាកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅក្នុងឆ្នាំ២០២៤កន្លងទៅ បានជួយប្រជាពលរដ្ឋងាយគ្រោះដោយផ្ទាល់ និងតាមខ្នងផ្ទះ រួមទាំងប្រយោលជាង ២លាននាក់៕

The post អ្នកឧកញ៉ាបណ្ឌិត វិញ ហ៊ួរ និងជំទាវអ្នកឧកញ៉ា ឆេង សៀង បរិច្ចាគថវិកាចំនួន ៥ម៉ឺនដុល្លារអាម៉េរិក ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ appeared first on .

ក្នុងឱកាសអញ្ជើញជាអធិបតីក្នុងពិធីសម្ពោធកំពង់ផែទេសចរណ៍អន្តរជាតិកំពត នាព្រឹកថ្ងៃចន្ទនេះ សម្តេចធិបតី ហ៊ុន ម៉ាណែត ក៏បានថ្លែងអំណរគុណដល់ អ្នកឧកញ៉ា វិញ ហួរ ដែលបានផ្តល់ដី ៤.២៥ហិកតា សម្រាប់ការសាងសង់កំពង់ផែនេះ ដែលជាសមិទ្ធផលទី១ សម្តេចបើកសម្ពោធមុនគេ ក្រោយពិធីបុណ្យចូលឆ្នាំប្រពៃណីជាតិខ្មែរ។

កំពង់ផែទេសចរណ៍អន្តរជាតិកំពត បានបើកការដ្ឋានសាងសង់កាលពីថ្ងៃទី៨ ខែសីហា ឆ្នាំ២០១៨ និងបានបញ្ចប់ការសាងសង់នៅថ្ងៃទី៣០ ខែមិថុនា ឆ្នាំ២០២២ ដែលអនុវត្តការសាងសង់ដោយក្រុមហ៊ុន អេស.ប៊ី.ភី.អេច អ៊ិនជីនារីង & ខន់ស្ត្រាក់សិន ខូអិលធីឌី និងត្រួតពិនិត្យលក្ខណៈបច្ចេកទេសដោយក្រុមហ៊ុន អេស ប៊ី ខេ រីស៊ើច អេនឌីវេឡុបមេន និងបានប្រើប្រាស់ថវិកាក្រោមឥណទានពីធនាគារអភិវឌ្ឍន៍អាស៊ីប្រមាណ ១០លានដុល្លារអាម៉េរិក និងថវិកាបដិភាគរបស់រាជរដ្ឋាភិបាលមួយចំនួនផងដែរ។

សូមជម្រាបថា កំពង់ផែទេសចរណ៍នេះ គឺមានតម្រាយផ្លូវនាវាចរណ៍ មានជម្រៅទឹក ៣ម៉ែត្រ ដោយរាប់ចាប់ពីទីតាំងបត់នាវារហូតដល់ផ្ទៃសមុទ្រ ដែលមានប្រវែង ៦,៧៥គីឡូម៉ែត្រ និងទទឹងទំហំ ៦២ម៉ែត្រ ចែកជា ២គន្លងទៅមក ដែលអាចអនុញ្ញាតឱ្យនាវាផ្ទុកអ្នកដំណើរ ឬភ្ញៀវទេសចររហូតដល់ ៣០០នាក់ អាចចេញ-ចូលជាលក្ខណៈអន្តរជាតិបាន ដោយសុវត្ថិភាព៕

The post កំពង់ផែទេសចរណ៍អន្តរជាតិកំពត លើផ្ទៃដីជាង ៤ហិកតា ជាអំណោយរបស់ អ្នកឧកញ៉ា វិញ ហួរ ជូនរាជរដ្ឋាភិបាលកម្ពុជា បើកសម្ពោធដាក់ឱ្យប្រើប្រាស់ជាផ្លូវការនៅព្រឹកនេះ appeared first on .

កិច្ចប្រជុំនេះ ក៏មានការអញ្ជើញចូលរួមពី លោក អានូដ ដាក សហប្រធានក្រុមការងារ ឃ ផ្នែកឯកជន, សមាគមឧស្សាហកម្មផលិតផលថ្នាំជក់កម្ពុជា (ATIG), លេខាធិការដ្ឋានសម្របសម្រួលក្រុមការងារផ្នែកឯកជន និង លោកជំទាវ គ្រុយ ណារិន អគ្គនាយករង នៃអគ្គនាយកដ្ឋានគោលនយោបាយ នៃក្រសួងសេដ្ឋកិច្ចនិងហិរញ្ញវត្ថុ ព្រមទាំងសហការីជំនាញជាច្រើន ព្រមទាំងមានការចូលរួមពីតំណាងក្រុមការងារវិស័យថ្នាំជក់កម្ពុជា, តំណាងពី អគគ្នាយកដ្ឋានពន្ធដារ, អគ្គនាយកដ្ឋានគយនិងរដ្ឋាករកម្ពុជា និងសមាជិកសមាជិក ម្ចាស់រោងចក្រផ្នែកឯកជន ពីសមាគមសរុបចំនួន២៥។

គោលបំណងសិក្ខាសាលានេះ គឺដើម្បីស្វែងយល់អំពីសកម្មភាពនឹងដាក់ចេញដោយក្រសួងសេដ្ឋកិច្ច និងហិរញ្ញវត្ថុ។ ជាពិសេស ទិសដៅរបស់រាជរដ្ឋាភិបាលលើវិស័យឧស្សាហកម្មផលិតថ្នាំជក់នៅកម្ពុជា និងផ្តល់ធាតុចូល ដល់ក្រុមការងាររៀបចំការប្រមូលពន្ធលើផលិតផលថ្នាំជក់ និងគ្រប់គ្រងពាណិជ្ជកម្មផលិតផលថ្នាំជក់ខុសច្បាប់ ដើម្បីពិនិត្យវិធីសាស្ត្រក្នុងការស្រាវជ្រាវបារីក្លែងក្លាយ និងពិភាក្សាក្តីព្រួយបារម្មរបស់វិស័យចំពោះការដំឡើងពន្ធអាករលើផលិតផលថ្នាំជក់។

សូមជម្រាបថា ដើម្បីពង្រឹងបរិយាកាសការធ្វើអាជីវកម្ម រាជរដ្ឋាភិបាលកម្ពុជាបានបង្កើតក្រុមការពិសេសបន្ថែម ដើម្បីធ្វើការពិភាក្សារ និងដោះស្រាយបញ្ហាផលិតផលខុសច្បាប់ ដែលមាននៅលើទីផ្សារកម្ពុជា។ ឧស្សាហកម្មថ្នាំជក់ ជឿជាក់ថា ក្រសួង និងស្ថាប័នពាក់ព័ន្ធបាន និងកំពុងចាត់វិធានការជាអាទិភាព ដើម្បីពង្រឹងការអនុវត្តច្បាប់មានជាធរមាន លើផលិតផលថ្នាំជក់ ដែលមិនមានបិទសារព្រមានសុខភាពជាអក្សរខ្មែរ និងរូបភាព ជាជាងការដាក់ចេញនូវបទប្បញ្ញត្តិថ្មី និងពង្រីកសារព្រមានសុខភាព។ យ៉ាងណាមិញ ការពង្រឹងអនុលោមភាពនៃការអនុវត្តតែមបិ៍្រអាករពិសេសលើកញ្ចប់បារី ពិតមានសារៈសំខាន់ក្នុងការធានាការប្រកួតប្រជែងដោយស្មោះត្រង់ ការស្មើភាពនៅក្នុងទីផ្សារកម្ពុជា និងធានាការបង្កើនចំណូលរដ្ឋផងដែរ៕

The post អ្នកឧកញ៉ា វិញ ហ៊ួរ ចូលរួមកិច្ចប្រជុំពិភាក្សាលើបញ្ហាកង្វល់ ក្នុងវិស័យឧស្សាហកម្មផលិតផលថ្នាំជក់នៅកម្ពុជា appeared first on .

ក្នុងជំនួបសម្តែងការគួរសមនេះ ដឹកនាំដោយលោក Ratchayut Kasemchaisiri ប្រធានក្រុមប្រឹក្សាភិបាលសមាគមឧស្សាហកម្មស៊ីម៉ង់ត៍កម្ពុជា ព្រមទាំងមានការអញ្ជើញចូលរួមពី អ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយកក្រុមហ៊ុន ខ្មែរ ប៊ែវើរីជីស, ឧកញ៉ា លាង ពៅ (ភីតធើ) អគ្គនាយកពហុពាណិជ្ជកម្ម និងជាប្រធានក្រុមហ៊ុន ជីប ម៉ុង អុិនស៊ី ស៊ីមេន, អ្នកឧកញ៉ា វិញ ហ៊ួរ សហស្ថាបនិកក្រុមហ៊ុនរោងចក្រ ខនស៍ស៊ីមេន និងឧកញ៉ាៗម្ចាស់រោងចក្រស៊ីម៉ង់ត៍មួយចំនួនទៀត។

លោកប្រធានក្រុមប្រឹក្សាភិបាល បានគោរពរាយការណ៍ជូនសម្ដេចបវរធិបតី អំពីវឌ្ឍនភាពនៃ ឧស្សាហកម្ម ស៊ីម៉ង់ត៍ ដែលបច្ចុប្បន្ននេះ បណ្តាក្រុមហ៊ុនដែលជាសមាជិកសមាគម បាននិងកំពុងបោះទុនវិនិយោគសរុបប្រមាណជាង ១.២ប៊ីលានដុល្លារ និងអាចបង្កើតការងារបានប្រមាណជាង ២ ៧០០កន្លែង ដែលក្នុងនោះមានប្រមាណជាង ១ ៩០០នាក់គឺជាកម្លាំងពលកម្មក្នុងស្រុក។ សមាគមមានលទ្ធភាពផលិត និងចែកចាយស៊ីម៉ង់ត៍ ដើម្បីបំពេញតម្រូវការនៅក្នុងស្រុកផង និងសម្រាប់នាំចេញទៅតាមបណ្ដាប្រទេសជិតខាងមួយចំនួនផង ហើយថ្មីៗនេះ សមាគមក៏បានក្លាយជាសមាជិកសហព័ន្ធក្រុមហ៊ុនផលិតស៊ីម៉ងត៍អាស៊ាន (AFCM) ផងដែរ។

ជាការឆ្លើយតប សម្ដេចបវរធិបតី បានសម្ដែងនូវការកោតសសើរ និងវាយតម្លៃខ្ពស់ចំពោះវឌ្ឍនភាពរីកចម្រើន និងជោគជ័យរបស់សមាគមឧស្សាហកម្មស៊ីម៉ង់ត៍កម្ពុជា ដែលបានរួមចំណែកក្នុងការអភិវឌ្ឍសង្គម-សេដ្ឋកិច្ចកម្ពុជា តាមរយៈការបង្កើតការងារសម្រាប់ប្រជាពលរដ្ឋ និងលទ្ធភាពក្នុងការផ្គត់ផ្គង់ស៊ីម៉ង់ត៍ប្រកបដោយគុណភាព និងតម្លៃសមរម្យ។ ជាមួយគ្នានេះ សម្ដេចបវរធិបតី ក៏បានគូសបញ្ជាក់អំពីការដាក់ចេញនូវគោលនយោបាយ, វិធានការ និងការលើកទឹកចិត្តនានារបស់រាជរដ្ឋាភិបាល ដើម្បីធានាដល់ភាពជោគជ័យ, បរិយាកាសវិនិយោគ និងភាពប្រកួតប្រជែងរបស់បណ្ដាក្រុមហ៊ុន ដែលកំពុងមានប្រតិបត្តិការអាជីវកម្មនៅកម្ពុជា។

តបតាមសំណូមពរ របស់សមាគមឧស្សាហកម្មស៊ីម៉ង់ត៍កម្ពុជា សម្តេចបវរធិបតី នាយករដ្ឋមន្ត្រី បានសម្រេច បន្តផ្តល់ការលើកទឹកចិត្តផ្នែកពន្ធដារ ដល់ក្រុមហ៊ុន ផលិតសុីម៉ង់ត៍ក្នុងស្រុក ព្រមទាំងប្រគល់ភារកិច្ចឱ្យក្រសួងសេដ្ឋកិច្ច និងហិរញ្ញវត្ថុ សហការជាមួយក្រសួងរ៉ែ និងថាមពល ធ្វើការសិក្សាលើវិធានការមួយចំនួនបន្ថែមទៀត ដើម្បីលើកយោបល់សុំការសម្រេចពីសម្តេចបវរធិបតីនាយករដ្ឋមន្ត្រី ក្នុងគោលដៅបង្កើនភាពប្រកួតប្រជែង និងការរីកចម្រើននៃឧស្សាហកម្មស៊ីម៉ង់ត៍ ក្នុងការផលិតសុីម៉ង់ត៍ក្នុងស្រុក ដែលមានគុណភាពខ្ពស់ និងតម្លៃ សមរម្យ ដើម្បីជួយជាប្រយោជន៍បន្ថែម ដល់ប្រជាពលរដ្ឋកម្ពុជា ដែលជាអ្នកប្រើប្រាស់៕

The post អ្នកឧកញ៉ា និងឧកញ៉ាៗម្ចាស់រោងចក្រស៊ីម៉ង់ត៍ច្រើនរូប ចូលជួបសម្តែងការគួរសម និងពិភាក្សាការងារជាមួយសម្តេចធីបតី ហ៊ុន ម៉ាណែត appeared first on .

កិច្ចប្រជុំ​​នេះ​ មានការ​អញ្ជើញ​ចូលរួមពី ថ្នាក់ដឹកនាំ​ក្រសួងរៀបចំដែនដី លោក ម៉ឹង មករា រដ្ឋលេខាធិការ​ទីស្តីការ​គណៈរដ្ឋមន្ត្រី, ឧកញ៉ា​ ហេង គឹមស៊រ ជា​​អគ្គនាយករង ក្រុមហ៊ុន ជី.ធី.វី.ស៊ី ស្ពីដប៊ូត ខេមបូឌា, អ្នកឧកញ៉ា វិញ ហួរ ម្ចាស់កំពង់ផែ ពហុបំណងកំពត ព្រមទាំងម្ចាស់អាជីវកម្មផែទេសចរណ៍ ​នៃខេត្តតំបន់ឆ្នេរ​មួយ​ចំនួន​ទៀត​ផង​ដែរ។

​លោកឧបនាយករដ្ឋមន្ត្រី សាយ សំអាល់ ​​បាន​លើកឡើង​ថា លោក​ចង់ឱ្យមានការចូលរួមរៀបចំផែរួមនេះ ជាផែចម្រុះ ទាំងផែទេសចរណ៍ ផែពាណិជ្ជកម្ម និងផែនេសាទ មិនមែនត្រឹមតែជាផែ តែជាការរៀបចំជា​ដង្ហើម​សេដ្ឋកិច្ច សម្រាប់យើងទាំងអស់គ្នានៅក្នុងមូលដ្ឋាន។ យោងតាមស្មារតីនៃការឯកភាពគ្នាក្នុងកិច្ចប្រជុំនេះ​ ក្រសួងរៀបចំដែនដី នគរូបនីយកម្ម និងសំណង់ ដែលមានគណៈកម្មការឆ្នេរជាសេនាធិការ នឹងរៀបចំ​ទស្សនា​ទានក្នុងការរៀបចំផែនការនេះ។

គួរបញ្ជាក់ថា ខេត្តតំបន់ឆ្នេរកម្ពុជា មាន​កំពង់ផែ​ជា​ច្រើន រួមមាន​ទាំងផែទេសចរណ៍ ផែពាណិជ្ជកម្ម និងផែ​នេសាទ។ ក្នុងនោះ​ដែរ កំពង់ផែ ពហុបំណងកំពត របស់​អ្នកឧកញ៉ា វិញ ហួរ ដែលជាកំពង់ផែ​ទឹកជ្រៅ​មួយ​នៅ​ខេត្តកំពត តម្លៃ ១៤០លានដុល្លារ បាន​សម្ពោធបើកឱ្យដំណើរការអាជីវកម្មជាផ្លូវការ កាលពី​ថ្ងៃទី៦ ខែមិថុនា ឆ្នាំ២០២៤៕

The post អ្នកឧកញ៉ា វិញ ហួរ ចូលរួមកិច្ចប្រជុំត្រៀមរៀបចំផែនការ «ផែចម្រុះ» នៅខេត្តតំបន់ឆ្នេរ appeared first on .