វេទិកានេះត្រូវបានរៀបចំឡើងក្រោមមូលបទ “ការរៀបចំយុទ្ធសាស្ត្រឡើងវិញរបស់រដ្ឋតូចក្នុងបរិបទការប្រែប្រួលនៃប្រព័ន្ធពាណិជ្ជកម្មសកល” ក្នុងគោលបំណងវាយតម្លៃនិន្នាការពាណិជ្ជកម្មពិភពលោក និងស្វែងរកយុទ្ធសាស្ត្រក្របខណ្ឌគោលនយោបាយប្រកបដោយនវានុវត្តន៍ ដើម្បីពង្រឹងការប្រកួតប្រជែងនិងភាពធន់នៃពាណិជ្ជកម្មកម្ពុជា ព្រមទាំងជាវេទិកាយុទ្ធសាស្ត្រសម្រាប់កិច្ចសន្ទនា ការឆ្លុះបង្ហាញ និងការធ្វើនវានុវត្តន៍គោលនយោបាយសម្រាប់កម្ពុជាក្នុងបរិបទមិនប្រាកដប្រជានៃប្រព័ន្ធពាណិជ្ជកម្មពិភពលោក។

ក្នុងឱកាសនៃវេទិកាកម្រិតខ្ពស់នេះ អ្នកឧកញ៉ា សៀ ឬទ្ធី បានចូលរួមជាវាគ្មិនកិត្តិយសក្នុងកិច្ចសន្ទនាតុមូល ក្រោមប្រធានបទ៖ “ពហុភាគីនិយម និងតំបន់និយម៖ បម្រែបម្រួលប្រព័ន្ធពាណិជ្ជកម្មអន្តរជាតិដែលមានមូលដ្ឋានលើច្បាប់” ដោយបានចែករំលែកអំពីបទពិសោធន៍ជាក់ស្ដែង និងបញ្ហាប្រឈមនានារបស់អ្នកឧកញ៉ាក្នុងការធ្វើអាជីវកម្មនាពេលកន្លងមក។

អ្នកឧកញ៉ាបានទាញចំណាប់អារម្មណ៍អ្នកចូលរួមឱ្យបែងចែកឱ្យបានច្បាស់អំពីការធ្វើពាណិជ្ជកម្ម និងការវិនិយោគ ដែលពាក្យទាំងពីរនេះមានន័យខុសគ្នា ហើយកម្ពុជាជាប្រទេសដែលមានការធ្វើពាណិជ្ជកម្មច្រើនជាងការវិនិយោគ។ បន្ថែមលើនេះ អ្នកឧកញ៉ាក៏បានគូសរំលេចអំពីសារៈសំខាន់នៃវិស័យដឹកជញ្ជូននិងព័ស្តុភារកម្ម ដែលរួមចំណែកដល់កំណើនសេដ្ឋកិច្ចជាតិ ក្នុងបរិបទមិនប្រាកដប្រជានៃប្រព័ន្ធពាណិជ្ជកម្មពិភពលោកនេះ។ អ្នកឧកញ៉ាបានសង្កត់ធ្ងន់ថា ដើម្បីជំរុញឱ្យវិស័យដឹកជញ្ជូននិងព័ស្តុភារកម្មនេះកាន់តែមានភាពល្អប្រសើរ និងមានការប្រកួតប្រជែងជាមួយប្រទេសជិតខាង និងក្នុងកម្រិតតំបន់ យើងចាំបាច់ត្រូវបន្តពង្រឹង និងអភិវឌ្ឍប្រព័ន្ធអេកូឡូស៊ីនៃវិស័យនេះ តាមរយៈការកសាងហេដ្ឋារចនាសម្ព័ន្ធឱ្យសម្បូរបែប និងជំរុញការតភ្ជាប់ទាំងហេដ្ឋារចនាសម្ព័ន្ធរឹង (ផ្លូវ ស្ពាន កំពង់ផែ) និងហេដ្ឋារចនាសម្ព័ន្ធទន់ (បច្ចេកវិទ្យាឌីជីថល) ដើម្បីផ្ដល់នូវភាពស្រួលក្នុងការដឹកជញ្ជូន និងទំនាក់ទំនងប្រកបដោយប្រសិទ្ធភាព ប្រសិទ្ធផល និងមានការប្រកួតប្រជែង។ 

សូមជម្រាបផងដែរថា វេទិកានេះត្រូវបានរៀបចំឡើងជាលើកដំបូងក្រោមគំនិតផ្ដួចផ្ដើមរបស់គណៈកម្មាធិការផ្តល់យោបល់លើគោលនយោបាយពាណិជ្ជកម្ម (គ.ផ.គ.ព.) និងមានកិច្ចសហការពីមូលនិធិខុនរ៉ាដអាឌិនណៅអ៊ែរ (KAS Cambodia) ប្រចាំប្រទេសកម្ពុជា និងសមាគមសេដ្ឋកិច្ចកម្ពុជា (ស.ស.ក.)។

The post អ្នកឧកញ៉ា សៀ ឬទ្ធី អមដោយ អ្នកឧកញ៉ា ហ៊ុន ឡាក់ ចូលរួមក្នុង “វេទិកាពាណិជ្ជកម្មពហុភាគី ឆ្នាំ២០២៦” appeared first on .

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ព្រមទាំងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី សូមអំពាវនាវ ដល់សប្បុរសជនគ្រប់មជ្ឈដ្ឋាន មេត្តាចូលរួមបរិច្ចាគថវិកាជាមួយនឹង «មូលនិធីCTNទ្រទ្រង់កងទ័ពនិងជនភៀសសឹក ដំណាក់កាលទី២» ដើម្បីជួយទ្រទ្រង់ដល់វីរៈកងទ័ពកម្ពុជា ដែលកំពុងឈរជើងយ៉ាងស្វាហាប់ ក្នុងការពារដែនអធិបតេយ្យភាព និងជនភៀសសឹកកម្ពុជា។

ការចូលរួមឧបត្ថម្ភថវិការបស់ អ្នកឧកញ៉ា សៀ ប្ញទ្ធី និងលោកជំទាវ គឺជាការចូលរួមចំណែកលើកទឹកចិត្តដល់កងទ័ពកម្ពុជាដ៏អង់អាចក្លាហានរបស់កម្ពុជា ដែលកំពុងឈរជើងជាប់ជាប្រចាំដើម្បីការពារបូរណភាពទឹកដី នៅតាមបណ្តោយព្រំដែនកម្ពុជា-ថៃ។

ឆ្លៀតឱកាសនេះ យើងខ្ញុំសូមបួងសួងដល់ ទេវតារក្សាទឹកដីនៃព្រះរាជាណាចក្រកម្ពុជា បុព្វបុរសខ្មែរគ្រប់ព្រះអង្គ និងវត្ថុសក្តិសិទ្ធិក្នុងលោក សូមតាមថែរក្សាការពារកងទ័ពកម្ពុជារបស់យើង ឱ្យជួបប្រទះតែសេចក្តីសុខ ជៀសផុតពីជំងឺដង្កាត់ទាំងឡាយ ហើយឈ្នះអស់ខ្មាំងសត្រូវ៕

The post អ្នកឧកញ៉ា សៀ ប្ញទ្ធី ចូលរួមឧបត្ថម្ភថវិកា ២៥០,០០០ដុល្លារ (២៥មុឺនដុល្លារ) ដល់កងទ័ពជួរមុខ ដែលកំពុងឈរជើងការពារបូរណភាពទឹកដីកម្ពុជា appeared first on .

អ្នកឧកញ៉ា សៀ ឫទ្ធី ជាអ្នកជំនួញលេចធ្លោរមួយរូបនៅកម្ពុជា បានចាប់ផ្តើមប្រឡូកក្នុងអាជីវកម្មតាំងពីឆ្នាំ១៩៩២។ អ្នកឧកញ៉ា ជាម្ចាស់អគារខ្ពស់កប់ពកជាប់នឹងតំបន់កោះពេជ្រ The Peak ដែលមានកម្ពស់ជាង ២០០ម៉ែត្រ និងមានចំនួន ៥៥ជាន់ ដោយចំណាយទុនវិនិយោគប្រមាណ ៥៨០ លានដុល្លារ និងជាម្ចាស់ “ភូមិកីឡដ្ឋាន វើលដ៍ប្រ៊ីដ” តម្លៃជាង២០០លានដុល្លារ។ អ្នកឧកញ៉ា មានក្រុមហ៊ុនធំៗប្រមាណ ៣០នៅក្នុងដៃលើពហុវិស័យ ពិសេសក្នុងវិស័យអចលនទ្រព្យ ភស្តុភារកម្ម និងដឹកជញ្ជូន រួមទាំងធនាគារ ប្រ៊ីដ (Bridge Bank) ដែលបានប្រកាសបើកសម្ពោធជាផ្លូវការ កាលខែមិថុនា ឆ្នាំ២០២៣ កន្លងទៅផងដែរ។ បច្ចុប្បន្នអ្នកឧកញ៉ា ក៏មានតួនាទីជាអនុប្រធានសមាគមអ្នកអភិវឌ្ឍន៍លំនៅឋានកម្ពុជា និងជាអនុប្រធានសមាគមឧកញ៉ាកម្ពុជា ទទួលបន្ទុកទំនាក់ទំនងសាធារណៈ និងអន្តរជាតិ។

សូមជម្រាបជូនថា សភាពាណិជ្ជកម្មកម្ពុជា ត្រូវបានបង្កើតឡើងក្នុងឆ្នាំ១៩៩៥ ដោយមានទំនាក់ទំនងនៅទូទាំងប្រទេស ព្រមទាំងដៃគូកម្រិតតំបន់ និងពិភពលោក។ បច្ចុប្បន្ន មានសភាពាណិជ្ជកម្មកម្ពុជា មានសភាពាណិជ្ជកម្មរាជធានី-ខេត្ត ចំនួនសរុប១៨ ដែលស្ថិតនៅក្រោមសភាពាណិជ្ជកម្មកម្ពុជា។

សភាពាណិជ្ជកម្ម គឺជាស្ថាប័នមួយមិនសំដៅរកប្រាក់ចំណេញ ដែលសមាជិកភាពមានលក្ខណៈស្ម័គ្រចិត្ត និងជាស្ថាប័នតំណាងការពារផលប្រយោជន៍ជូនវិស័យឯកជនលើផ្នែកពាណិជ្ជកម្ម ឧស្សាហកម្ម សិប្បកម្ម សេវាកម្ម និងកសិកម្ម ដោយធ្វើសកម្មភាពបម្រើឲ្យសេដ្ឋកិច្ចជាតិ ក្នុងដែនសមត្ថកិច្ចរបស់ខ្លួន និងនៅទូទាំងប្រទេស៕

The post អ្នកឧកញ៉ា គិត ម៉េង តែងតាំងអ្នកឧកញ៉ា សៀ ឫទ្ធី ជាទីប្រឹក្សាជាន់ខ្ពស់សភាពាណិជ្ជកម្មកម្ពុជា appeared first on .

នៅក្នុងដំណើរអញ្ជើញទៅទទួលសញ្ញាបត្របណ្ឌិតកិត្តិយស «ភាពជាអ្នកដឹកនាំ និងការកសាងសន្តិភាព» នេះឃើញមានការអញ្ជើញចូលរួមពីសំណាក់ថ្នាក់ដឹកនាំជាន់ខ្ពស់នៃរាជរដ្ឋាភិបាល រដ្ឋមន្រ្ដី ឯកអគ្គរដ្ឋទូត ព្រមទាំងមានការចូលរួមអមដំណើររបស់លោកអ្នកឧកញ៉ា អ្នកឧកញ៉ា និងឧកញ៉ាមួយចំនួនទៀតផង។

លោកអ្នកឧកញ៉ា អ្នកឧកញ៉ា ឧកញ៉ា ដែលអញ្ជើញអមដំណើរសម្ដេចតេជោ ហ៊ុន សែន មានដូចជា អ្នកឧកញ៉ា គិត ម៉េង, លោកអ្នកឧកញ៉ា លាង ឃុន, អ្នកឧកញ៉ា លឹម ហេង, អ្នកឧកញ៉ា ថៃ ជាហ៊ួត, អ្នកឧកញ៉ា សៀ ឫទ្ធី, អ្នកឧកញ៉ា លី ឃុនថៃ, អ្នកឧកញ៉ា អ៊ាន អេឡែន, អ្នកឧកញ៉ា ឡាវ កាង, អ្នកឧកញ៉ា ប៊ុន ហៃព្រមទាំងគណៈប្រតិភូសភាពាណិជ្ជកម្មកម្ពុជា និងសមាគមឧកញ៉ាកម្ពុជា មួយចំនួនទៀតផងដែរ។

នៅក្នុងឱកាសនៃការទទួលបានទទួលសញ្ញាបត្របណ្ឌិតកិត្តិយស «ភាពជាអ្នកដឹកនាំ និងការកសាងសន្តិភាព» នេះ សម្ដេចតេជោ ហ៊ុន សែន បានចាត់ទុកថាជាកិត្តិយសដ៏ឧត្តុង្គឧត្តម ហើយក៏ជាសមិទ្ធផលនិងកុសលរបស់ប្រជាពលរដ្ឋខ្មែរគ្រប់រូប ពិសេសកម្លាំងប្រដាប់អាវុធទាំងអស់គ្នាដែលបានពលីជីវិតក្នុងបុព្វហេតុសន្តិភាព ឯករាជ្យ បូរណភាពទឹកដី និងភាពសុខសាន្តនៃប្រជាជាតិកម្ពុជា។

សម្តេចតេជោ ហ៊ុន សែន បានគូសបញ្ជាក់ថា សញ្ញាបត្រកិត្តិយស «ភាពជាអ្នកដឹកនាំ និងការកសាងសន្តិភាព» នេះ គឺជាការទទួលស្គាល់អំពីការលះបង់បូជាគ្រប់បែបយ៉ាង រួមទាំងការដាក់ទុនអាយុជីវិតរបស់សម្តេចតេជោ ដើម្បីរំដោះជាតិពីក្រញ៉ាំនៃរបបប្រល័យពូជសាសន៍ និងការខិតខំកសាងជាតិឡើងវិញពីបាតដៃទទេ ទន្ទឹមនឹងការខិតខំកសាងសន្តិភាព ផ្សះផ្សា និងបង្រួបបង្រួមជាតិ ទម្រាំប្រទេសកម្ពុជាទទួលបានសុខសន្តិភាពពេញបរិបូរណ៍ មានឯកភាពទឹកដី មានកម្លាំងប្រដាប់អាវុធតែមួយនៅក្រោមដំបូលនៃរដ្ឋធម្មនុញ្ញតែមួយ៕

The post តើលោកអ្នកឧកញ៉ា អ្នកឧកញ៉ា ឧកញ៉ា រូបណាខ្លះអមដំណើរសម្ដេចតេជោ ហ៊ុន សែន ទទួលសញ្ញាបត្របណ្ឌិតកិត្តិយសផ្នែក «ភាពជាអ្នកដឹកនាំ និងការកសាងសន្តិភាព» នៅសាធារណរដ្ឋកូរ៉េ? appeared first on .

ក្នុងឱកាសអញ្ជើញអមដំណើរសម្តេចតេជោ ហ៊ុន សែន ប្រធានព្រឹទ្ធសភា រួមជាមួយគណៈប្រតិភូកម្ពុជាជាច្រើន​រូបទៀត អ្នកឧកញ៉ា សៀ ឫទ្ធី បានចូលរួមយ៉ាងសកម្ម ក្នុងនាមជាវាគ្មិន វគ្គសំណួរ-ចម្លើយ និងជាអ្នក​ទទួល​រង្វាន់ ពីវេទិកាចំណេះ​ដឹង​ពិភពលោក ដែលរៀបចំឡើងក្នុងរយៈពេល៣ថ្ងៃ នៅសាធារណរដ្ឋកូរ៉េ។

ការទទួលបានពានរង្វាន់សហគ្រិនអាស៊ានលើកទី៩ ឆ្នាំ២០២៤ គឺជាការទទួលស្គាល់លើការបង្កើត និងដឹកនាំ​អាជីវកម្មប្រកបដោយភាពច្នៃប្រឌិត និងថាមវន្តជាច្រើនរបស់អ្នកឧកញ៉ា សៀ ឫទ្ធី នៅក្នុងតំបន់អាស៊ាន។

«យើងមានសេចក្តីរំភើបរីករាយ ដែលមាន អ្នកឧកញ៉ា សៀ ឫទ្ធី ចូលរួមជាមួយយើងនៅក្នុងវេទិកាឆ្នាំនេះ។ ទស្សនវិស័យរបស់អ្នកឧកញ៉ា សៀ ឫទ្ធី លើការរីកចម្រើននាពេលអនាគត និរន្តរភាព និងនិន្នាការបង្ហាញ​ពី​លទ្ធភាព​ជាច្រើន សម្រាប់អ្នកដែលកំពុងស្វែងរកប្រតិបត្តិការនៅក្នុងតំបន់ឆ្ពោះទៅមុខ»។ លោក Kim Jae-shin អគ្គលេខាធិការនៃមជ្ឈមណ្ឌលអាស៊ាន-កូរ៉េ បានថ្លែងក្នុងពិធី។

សូមជម្រាបថា អ្នកឧកញ៉ា សៀ ឫទ្ធី រួមជាមួយ​លោកអ្នកឧកញ៉ា អ្នកឧកញ៉ា គណៈប្រតិភូសភាពាណិជ្ជកម្ម​កម្ពុជា បានអញ្ជើញ​អមដំណើរសម្ដេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា ចូលរួម​វេទិកា​ចំណេះដឹងពិភពលោកលើកទី២៥ ក្រោមមូលបទ «មាគ៌ាឆ្ពោះទៅរកសហត្ថិភាព (Journey Towards Coexistence)» នៅសាធារណរដ្ឋកូរ៉េ ចាប់ពីថ្ងៃទី ៩-១៣ ខែកញ្ញា ឆ្នាំ២០២៤៕​

The post អ្នកឧកញ៉ា សៀ ឫទ្ធី ទទួលពានរង្វាន់សហគ្រិនអាស៊ានលើកទី៩ ពីវេទិកាចំណេះដឹងពិភពលោក appeared first on .

ពិធីបើកកម្មវិធី CAMBODIA HR SUMMIT 2024 ត្រូវបានធ្វើឡើង ក្រោមអធិបតីភាព ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ ដោយមានការចូលរួមពីសំណាក់លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងថ្នាក់ដឹកនាំ ព្រមទាំងភ្ញៀវកិត្តិយសជាច្រើនរូបទៀត។

ឯកឧត្តម ហ៊ុន ម៉ានី បានផ្តល់សុទ្ទរកថាគន្លឹះ ទៅកាន់អង្គពិធីក្រោមប្រធានបទ «ជំរុញការអភិវឌ្ឍន៍មូលធនមនុស្ស ជាមូលដ្ឋានគ្រឹះសម្រាប់ការរីកចម្រើនប្រកបដោយចីរភាព និងហេតុអ្វីបានជាការគ្រប់គ្រងទេពកោសល្យមានសារៈសំខាន់» ដោយឯកឧត្តមបានគូសបញ្ជាក់ថា ក្រោមការដឹកនាំរបស់រាជរដ្ឋាភិបាលកម្ពុជាអាណាត្តិទី ៧  ធនធានមនុស្សគឺជាអាទិភាពចម្បងទី១ ក្នុងយុទ្ធសាស្ត្របញ្ចាកោណ ក្នុងការចូលរួមអភិវឌ្ឍប្រទេសជាតិ។ ឯកឧត្តមបានបន្ថែមថា ធនធានមនុស្សគឺជាសសរទ្រូងនៃប្រទេសជាតិ និងដើរតួយ៉ាងសំខាន់ក្នុងការចូលរួមបង្ហាញសមត្ថភាព បង្កើតនិងបង្កើនអ្វីថ្មីៗដើម្បីប្រកួតប្រជែងក្នុងតំបន់ និងលើសកលលោក។

សូមជម្រាបថា កម្មវិធី CAMBODIA HR SUMMIT 2024 ធ្វើឡើងដើម្បីមានជំនួបជួបជុំរវាង ថ្នាក់ដឹកនាំផ្នែកបុគ្គលិក (HR) ពីបណ្តាក្រុមហ៊ុន ថ្នាក់ដឹកនាំក្រុមហ៊ុន និងម្ចាស់អាជីវកម្ម ដើម្បីចូលរួមពិភាក្សាពីប្រធានបទសំខាន់ៗដូចជា៖ ១.ការកសាងស្ថាប័នឱ្យមានការចូលរួម អាចទទួលបានសមិទ្ធផលខ្ពស់, ២.ការរៀបចំចាត់ចែងបុគ្គលិក, ៣.ការអភិវឌ្ឍធនធានមនុស្សក្នុងសម័យឌីជីថល និង ៤.របៀបរៀបចំផែនការអភិវឌ្ឍថ្នាក់ដឹកនាំបន្តវេន សម្រាប់ពេលអនាគត៕

The post អ្នកឧកញ៉ា សៀ ឫទ្ធី ចូលរួមពិធីបើកកម្មវិធី CAMBODIA HR SUMMIT 2024 appeared first on .

ដំណើរទស្សនៈកិច្ចនេះ ធ្វើឡើង​ក្នុង​គោលបំណង​ដើម្បី​បង្ហាញពីការប្តេជ្ញាចិត្តរបស់ក្រុមហ៊ុន WorldBridge Group ចំពោះការអភិវឌ្ឍប្រកបដោយនិរន្តរភាព និងបរិយាប័ន្ននៅកម្ពុជា តាមរយៈក្រុមហ៊ុនដែលជាបុត្រសម្ព័ន្ធ ដ៏ពោរពេញដោយសក្ដានុពល រួមមានបណ្ដុំសហគ្រាសធុនតូច និងមធ្យម WorldBridge (WBID), លំនៅឋានតម្លៃសរម្យទីក្រុងរណបសិរីមង្គល និងតំបន់សេដ្ឋកិច្ចពិសេស Kerry WorldBridge Supply Chain ជាដើម។

​អ្នកឧកញ៉ា សៀ ឫទ្ធី បាន​មាន​ប្រសាសន៍​ថា៖ “យើងមានមោទនភាពក្នុងការបង្ហាញពីការអភិវឌ្ឍ​របស់យើង​ដល់សហគមន៍ការទូត។ គម្រោងទាំងនេះ គឺជាសក្ខីភាពមួយចំពោះការប្តេជ្ញាចិត្តរបស់យើង ក្នុងការវិនិយោគ​លើអនាគត​របស់ប្រទេសកម្ពុជា និងបង្កើតឱកាសការងារសម្រាប់ប្រជាជនកម្ពុជាទាំងអស់”។

ក្នុងដំណើរទស្សនកិច្ចនេះ បាន​ផ្តល់ឱកាស​ឱ្យ​អ្នកចូលរួមបានមើលឃើញជាក់ស្ដែង អំពីការរួមចំណែករបស់ WorldBridgeWGroup ក្នុងការអភិវឌ្ឍសេដ្ឋកិច្ច និងសង្គមរបស់កម្ពុជា។

សូមជម្រាបថា WorldBridge Group គឺជាក្រុមហ៊ុនឈានមុខគេនៅកម្ពុជា ដែលមានផលប័ត្រអាជីវកម្មចម្រុះ រួមមានអចលនទ្រព្យ សំណង់ ភស្តុភារ និងបដិសណ្ឋារកិច្ច។ ក្រុមហ៊ុនបានប្តេជ្ញាចិត្តចំពោះការអភិវឌ្ឍ​ប្រកបដោយចីរភាព និងរួមបញ្ចូលនៅក្នុងប្រទេសកម្ពុជា៕

The post អ្នកឧកញ៉ា សៀ ឫទ្ធី បង្ហាញពីវឌ្ឍនភាពលំនៅឋានតម្លៃសរម្យ និងតំបន់សេដ្ឋកិច្ចពិសេស ដល់ប្រតិភូស្ថានទូតជាច្រើនប្រទេស appeared first on .

សមាគមឧកញ៉ាកម្ពុជាបានឱ្យដឹងថា កម្មវិធីអាហារថ្ងៃត្រង់ធុរកិច្ចតួកគី-កម្ពុជានេះ មានការអញ្ជើញចូលរួមពី សំណាក់ លោក សុខ ចិន្តាសោភា រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ព្រមទាំងមន្ត្រី ជាន់ខ្ពស់ នៃរដ្ឋាភិបាលតួកគី ដែលមានសមាសភាពដូចជា ឯកឧត្តម Mustafa Tuzcu អនុរដ្ឋមន្ត្រីក្រសួង ពាណិជ្ជកម្ម, លោក Mahir Alp ប្រធានក្រុមប្រឹក្សាធុរកិច្ចតួកគី-កម្ពុជា និងថ្នាក់ដឹកនាំក៏ដូចជាតំណាង វិស័យ ឯកជននៃប្រទេសទាំងពីរជាច្រើនរូបទៀត។

សូមបញ្ជាក់ថា កម្មវិធីអាហារថ្ងៃត្រង់ធុរកិច្ច នេះត្រូវបានរៀបចំឡើងក្នុងគោលបំណងជំរុញ ឱ្យកាន់តែស៊ីជម្រៅ ថែមទៀតនូវកិច្ចសហប្រតិបត្តិការពាណិជ្ជកម្ម ក៏ដូចជាវិនិយោគរវាងប្រទេសទាំងពីរ តាមរយៈកិច្ចពិភាក្សានិងការ ផ្គូរផ្គង ធុរកិច្ចរបស់ធុរជននានា ដែលមានសក្តានុពលលើវិស័យទេសចរណ៍ កសិ-ឧស្សាហកម្ម និងសុខាភិបាល ជាដើម៕

The post អ្នកឧកញ៉ា ឧកញ៉ា ប្រតិភូសមាគមឧកញ៉ាកម្ពុជា៥រូប បានចូលរួមក្នុងកម្មវិធីអាហារថ្ងៃត្រង់ធុរកិច្ចតួកគី-កម្ពុជា appeared first on .

បើតាមសមាគមឧកញ៉ាកម្ពុជា បានឱ្យដឹងថា ជំនួបនេះ ធ្វើឡើងនៅថ្ងៃទី២៧ ខែឧសភា ឆ្នាំ២០២៤ ដោយមាន ការចូលជួបប្រជុំរវាងលោក សុខ ចិន្ដាសោភា អមដំណើរដោយអ្នកឧកញ៉ា សៀ ឫទ្ធី ជាមួយក្រុមហ៊ុនទួកគីចំនួន ៣ រួមមានក្រុមហ៊ុនមន្ទីរពេទ្យ Koru Ankara Hospital ក្រុមហ៊ុន Dedeman Hotel & Resort International និង ក្រុមហ៊ុន Kiddy។

ក្រុមហ៊ុនទាំង៣ខាងលើនេះ មានបំណងចង់ពង្រីកការវិនិយោគទៅប្រទេសកម្ពុជាក្នុងវិស័យទេសចរណ៍សុខភាព ការគ្រប់គ្រងសណ្ឋាគារប្រណីត ប្រព័ន្ធបច្ចេកវិទ្យាសម្រាប់ការទំនាក់ទំនងក្នុងវិស័យអប់រំ និងវិស័យហិរញ្ញវត្ថុ ជាដើម ដោយក្រុមហ៊ុនទាំង៣ បានបង្ហាញពីចំណាប់អារម្មណ៍ និងទំនុកចិត្តខ្ពស់ក្នុងការស្វែងរកឱកាស បណ្តាក់ ទុនវិនិយោគនៅកម្ពុជា។

សូមជម្រាបជូនថា អ្នកឧកញ៉ា សៀ ឫទ្ធី ទទួលបានការចាត់តាំងពីលោកអ្នកឧកញ៉ា លី យ៉ុងផាត់ ប្រធានសមាគម ឧកញ៉ាកម្ពុជា ដឹកនាំប្រតិភូសមាគមឧកញ៉ាកម្ពុជាចំនួន៤រូប ចូលរួមកម្មវិធីអាហារថ្ងៃត្រង់ធុរកិច្ច នៅ សាធារណរដ្ឋទួកគី។

កម្មវិធីដ៏មានសារៈសំខាន់នេះត្រូវបានរៀបចំឡើងដោយ ក្រសួងការបរទេស និងសហប្រតិបត្តិការអន្តរជាតិ ដែលនឹង ប្រព្រឹត្តិទៅនាថ្ងៃទី២៧ ខែឧសភា ឆ្នាំ២០២៤ នៅទីក្រុងអ៊ីស្ពានប៊ុល នៃសាធារណរដ្ឋតួកគី ក្រោម អធិបតីភាពដ៏ខ្ពង់ខ្ពស់របស់ ឯកឧត្តមឧបនាយករដ្ឋមន្ត្រី សុខ ចិន្តាសោភា ក្នុងគោលបំណងជំរុញឱ្យកាន់តែស៊ី ជម្រៅ ថែមទៀតនូវកិច្ចសហ ប្រតិបត្តិការពាណិជ្ជកម្ម ក៏ដូចជាវិនិយោគរវាងប្រទេសទាំងពីរ តាមរយៈកិច្ចពិភាក្សា និងការផ្គូរផ្គងធុរកិច្ចរបស់ធុរជននានាដែល មានសក្តានុពលលើវិស័យទេសចរណ៍ កសិ-ឧស្សាហកម្ម និងសុខា ភិបាលជាដើម៕

The post អ្នកឧកញ៉ា សៀ ឫទ្ធី ចូលរួមប្រជុំដោយឡែកជាមួយក្រុមហ៊ុនទួកគីចំនួន៣ ដែលចាប់អារម្មណ៍បណ្ដាក់ទុន វិនិយោគនៅកម្ពុជា appeared first on .

សមាគមឧកញ៉ាកម្ពុជា បានឱ្យដឹងថា កម្មវិធីដ៏មានសារៈសំខាន់នេះត្រូវបានរៀបចំឡើងដោយ ក្រសួងការបរទេស និងសហប្រតិបត្តិការអន្តរជាតិដែលនឹង ប្រព្រឹត្តិទៅនាថ្ងៃទី២៧ ខែឧសភា ឆ្នាំ២០២៤ នៅទីក្រុងអ៊ីស្ពានប៊ុល នៃសាធារណរដ្ឋតួកគី ក្រោមអធិបតីភាពដ៏ខ្ពង់ខ្ពស់របស់ ឯកឧត្តមឧបនាយករដ្ឋមន្ត្រី សុខ ចិន្តាសោភា ក្នុងគោលបំណងជំរុញឱ្យកាន់តែស៊ីជម្រៅថែមទៀតនូវកិច្ចសហប្រតិបត្តិការពាណិជ្ជកម្ម ក៏ដូចជាវិនិយោគរវាងប្រទេសទាំងពីរ តាមរយៈកិច្ចពិភាក្សានិងការផ្គូរផ្គងធុរកិច្ចរបស់ធុរជននានាដែល មានសក្តានុពលលើវិស័យទេសចរណ៍ កសិ-ឧស្សាហកម្ម និងសុខាភិបាលជាដើម។

សមាគមឧកញ៉ាកម្ពុជា បានឱ្យដឹងបន្ថែមទៀតថា អ្នកឧកញ៉ា ឧកញ៉ា ដែលអ្នកឧកញ៉ា សៀ ឫទ្ធី ដឹកនាំទៅរួមមាន លោកជំទាវអ្នកឧកញ៉ា សុខ សុភាព លោកជំទាវ ឧកញ៉ា ឆាយ ស៊ីវលីន លោកជំទាវឧកញ៉ា ស៊ាត មុំសុភា និងឧកញ៉ា សុខ បញ្ញារិទ្ធ។

យោងតាមសេចក្ដីប្រកាសព័ត៌មានក្រសួងការបរទេសកម្ពុជា បានឱ្យដឹងថា អំឡុងពេលទស្សនកិច្ចនៅប្រទេសតួកគី ប្រមុខការទូតកម្ពុជា នឹងចូលរួមពិសារអាហារថ្ងៃត្រង់ធុរកិច្ច ដែលលោកនឹងពិភាក្សាអំពីសក្តានុពលនៃកិច្ចសហប្រតិបត្តិការសេដ្ឋកិច្ច និងវិនិយោគរវាងប្រទេសកម្ពុជា និងតួកគី។

ទន្ទឹមនឹងនេះដែរ នៅថ្ងៃទី២៨ ខែឧសភា លោកឧបនាយករដ្ឋមន្ត្រី នឹងចូលជួបសម្តែងការគួរសម និងជួបពិភាក្សាការងារដាច់ដោយឡែកជាមួយឥស្សរជនតួកគីទាំង ផ្នែកនីតិប្រតិបត្តិ និងនីតិបញ្ញត្តិថែមទៀត។ លោក សុខ ចិន្តាសោភា និង លោក ហាកាន់ ហ្វីដាន់ រដ្ឋមន្រ្តីការបរទេសតួកគី នឹងមានកិច្ចប្រជុំទ្វេភាគី ដើម្បីស្វែងរកមធ្យោបាយថ្មីៗ ក្នុងការពង្រឹងយន្តការដែលមានស្រាប់លើគ្រប់វិស័យ និងរិះរកបន្ថែមទៀតនូវសក្តានុពលថ្មីៗ លើគ្រប់វិស័យនៃកិច្ចសហប្រតិបត្តិការនាពេលអនាគត។ រដ្ឋមន្ត្រីការបរទេសទាំងពីរ ក៏នឹងផ្លាស់ប្ដូរ ទស្សនៈគ្នាលើការវិវឌ្ឍថ្មីៗ នៅក្នុងតំបន់ និងអន្តរជាតិ។

លើលពីនេះថែមទៀត ឯកសារនៃកិច្ចសហប្រតិបត្តិ ការមួយចំនួនត្រូវបានរំពឹងថា នឹងត្រូវបានចុះហត្ថលេខា ក្នុងអំឡុងកិច្ចប្រជុំនេះ ដើម្បីពង្រឹងទំនាក់ទំនងរវាងប្រទេសទាំងពីរ។

ក្រសួងការបរទេស បានបញ្ជាក់បន្ថែមថា ក្នុងអំឡុងពេលស្នាក់នៅប្រទេសតួកគី ឧបនាយករដ្ឋមន្រ្តី ក៏នឹងមានជំនួបសំណេះសំណាលជាមួយសហមន៍ខ្មែរ និងនិស្សិត ផងដែរ។ ដំណើរទស្សនកិច្ចនេះនឹងផ្តល់ជាសក្ខីភាពយ៉ាងច្បាស់ នៃចំណងមិត្តភាពដ៏រឹងមាំ និងប្រកបដោយភាពស្និទ្ធស្នាល ព្រមទាំងលើក កម្ពស់ទំនាក់ទំនងរីកចម្រើនរវាងប្រទេសទាំងពីរ ខណៈដែលកម្ពុជា និងតួកគីកំពុងប្រារព្ធខួបលើក ទី៦៥ នៃការបង្កើតទំនាក់ទំនងការទូតនៅឆ្នាំ២០២៤ នេះ៕

The post លោកអ្នកឧកញ៉ា លី យ៉ុងផាត់ ចាត់តាំងអ្នកឧកញ៉ា សៀ ឫទ្ធី ដឹកនាំប្រតិភូសមាគមឧកញ៉ាកម្ពុជា៤រូប ចូលរួមកម្មវិធីអាហារថ្ងៃត្រង់ធុរកិច្ច នៅសាធារណរដ្ឋតួកគី appeared first on .