ថ្ងៃនេះ គេហទំព័រឧកញ៉ាញូស៍ សូមណែនាំឱ្យស្គាល់នាមសប្បុរសជន អ្នកឧកញ៉ា ឧកញ៉ា ដែលបានចូលរួមកសាងព្រះពុទ្ធបដិមាលើកំពូលភ្នំវត្តពុទ្ធគិរី ដែលជាទីអារាមមួយមានពុទ្ធបដិមាច្រើនជាងគេនៅលើពិភពលោក។

វត្តពុទ្ធគិរី កសាងឡើងកាលពីថ្ងៃទី១៧ ខែកក្កដា ឆ្នាំ២០១៧ មានទីតាំងស្ថិតនៅភូមិត្រពាំងស្ការ ឃុំត្រពាំង ក្រញូង ស្រុកត្រាំកក់ ខេត្តតាកែវ។ ការកសាងព្រះពុទ្ធបដិមាដ៏ធំលើកំពូលភ្នំនេះ មានការចូលបរិច្ចាគសាងសង់ពីអ្នកឧកញ៉ា លី យ៉ុងផាត់, អ្នកឧកញ៉ា សំ អាង, អ្នកឧកញ៉ា ស៊ី គង់ទ្រីវ, លោកស្រី ប៉ែន ភក្ដី ហុក ឡងឌី,  លោក ឌី វិជ្ជា និងលោកស្រី ហ៊ុន ម៉ាណា, លោក ហ៊ុន ម៉ានិត, លោក ឌី រដ្ឋា និងកញ្ញា ឌី សុភ័ក្ដ្របញ្ញា។

បើតាមការបញ្ជាក់ពីពុទ្ធបរិស័ទនៅទីនោះ វត្តពុទ្ធគិរី ដែលកំពុងទាក់ទាញភ្ញៀវទេសចរណ៍ជាតិ និងអន្តរជាតិ គឺដោយសារបាន កសាង ព្រះពុទ្ធបដិមាយ៉ាងច្រើន អង្គដែលធ្វើឲ្យអ្នកទស្សនាប្លែកភ្នែក ដោយឃើញមានព្រះពុទ្ធបដិមា ដែល ប្រតិស្ឋានឡើងជាជួរពីលើភ្នំជាជួរចុះមកក្រោមមើលទៅគួរជាទីជ្រះថ្លាដល់ពុទ្ធសាសនិក៕

The post តើអ្នកឧកញ៉ា និងសប្បុរសជនប៉ុន្មានរូបចូលរួមកសាងពុទ្ធបដិមាធំលើកំពូលភ្នំ វត្តពុទ្ធគិរី? appeared first on .

រោងចក្រស៊ីម៉ងត៍ បាត់ដំបង ខនស៍ ស៊ីមេន លីមីធីត ត្រូវបានសម្ពោធដាក់ឱ្យដំណើរការ​ផលិតស៊ីម៉ងត៍​ជា​ផ្លូវការ នៅថ្ងៃទី៣១ ខែឧសភា ឆ្នាំ២០១៨ ក្រោមអធិបតីភាពដ៏ខ្ពង់ខ្ពស់ សម្តេចអគ្គសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា​ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន។ រោងចក្រ​នេះ ត្រូវបានសង់នៅលើទីតាំងដែលមានផ្ទៃដីសរុបទំហំ ៣១៦ ហិកតា និងប្រើរយ:ពេលសាងសង់ចំនួន ១៨ខែ គិតចាប់តាំងពីចុងឆ្នាំ ២០១៦ ក្នុងគម្រោងទុនវិនិយោគ ប្រមាណ ២៣០លានដុល្លារអាមេរិក ដែល​ជាការវិនិយោគរួមគ្នារវាងក្រុមហ៊ុនចិន Conch International Holding (HK) Limited និងក្រុមហ៊ុន Battambang KT Cement Co.,Ltd តំណាងដោយអ្នកឧកញ៉ា ស៊ី គង់ទ្រីវ និងលោកឧកញ៉ា វិញ ហួរ។

អ្នកឧកញ៉ា ស៊ី គង់ទ្រីវ ​ត្រូវ​បាន​គេ​ដឹង​​ថា ​គឺជា​​សេដ្ឋី​កំពូល​មួយ​រូប​នៅ​កម្ពុជា និង​ជា​អតីត​សមាជិក​ព្រឹទ្ធសភា​ ហើយ​លោកជា​​នាយក​ក្រុមហ៊ុន ខេ ធី ប៉ាស៊ីហ្វិក ​គ្រុប​ លីមីធីត និងជា​ម្ចាស់​មជ្ឈមណ្ឌល​ម៉ុងឌីយ៉ាល់​នៅ​ភ្នំពេញ។ ចំណែក​ឯ​ ឧកញ៉ា វិញ ហួរ ជា​អគ្គនាយកក្រុមហ៊ុន​ កំពង់ផែកំពត (Kampot Port Co.,Ltd) និង​ជា​ម្ចាស់​ក្រុមហ៊ុន «វិញ ហួរ» អភិវឌ្ឍន៍​លើ​ដំណាំ​អំពៅ នៅ​ភូមិ​ពាម ឃុំ​អូរស្វាយ ស្រុក​ត្រពាំង​ប្រាសាទ ខេត្ត​ឧត្ដរមានជ័យ ដើម្បី​ផលិត​ស្ករ​នាំ​ចេញ​ទៅ​បរទេស ផងដែរ។

សូមបញ្ជាក់ថា រោងចក្រស៊ីម៉ងត៍ បាត់ដំបង ខនស៍ ស៊ីមេន លីមីធីត មានសមត្ថភាព ផលិតស៊ីម៉ងត៍បាន​ប្រមាណ ៥,០០០ តោនក្នុងមួយថ្ងៃ ឬស្មើនឹងជិត ២លានតោនក្នុងមួយឆ្នាំ។ សម្តេចតេជោ ហ៊ុន សែន បាន​បញ្ជាក់​​​ឱ្យ​ដឹង​ថា រោងចក្រនេះ គឺអាចផ្គត់ផ្គង់​​ទៅ​​កាន់​ខេត្តមួយចំនួននៅក្នុងតំបន់ ដូចជាខេត្តបាត់ដំបងខ្លួន​ឯង ពោធិ៍សាត់ ប៉ៃលិន បន្ទាយមានជ័យ និង​សៀមរាប ដែលទាំងអស់នេះ គឺជាតម្រូវការ និងជាផលចំនេញ​មួយ​សំរាប់បំពេញតម្រូវការក្នុងស្រុក ខណៈ​ដែលបច្ចុប្បន្ន កម្ពុជាកំពុងមានការអភិវឌ្ឍរីកចម្រើន ក្នុងការ​សាង​សង់ផ្សេងៗ ដូចជាផ្លូវថ្នល់ សាលារៀន និងសំណង់អគារផ្សេងៗ៕

The post ណែនាំឱ្យស្គាល់ឧកញ៉ា២រូប ជាម្ចាស់រោងចក្រស៊ីម៉ង់ត៍ តម្លៃ២៣០លានដុល្លារ នៅខេត្តបាត់ដំបង appeared first on .

ការចូលរួមបរិច្ចាគថវិកានេះ បានធ្វើឡើងបន្ទាប់ពីសម្តេចតេជោ ហ៊ុន សែន អំពាវនាវដល់វិស័យឯកជននានា ដែលមានបំណងចូលរួមជាមួយរាជរដ្ឋាភិបាល ដើម្បីបោសសំអាតមីននៅកម្ពុជា។ សម្តេចតេជោ ហ៊ុន សែន បានថ្លែងអំណរគុណដល់សប្បុរសជនទាំងអស់ ដែលបានចូលរួមបរិច្ចាគថវិកានេះ។

ការអំពាវនាវរបស់សម្តេចធ្វើឡើងបន្ទាប់ពី សម្តេចទទួលបានរបាយការណ៍ពីស្ថានភាព នៃការគំរាមកំហែងយ៉ាងខ្លាំងដោយគ្រាប់មីនចំពោះប្រជាពលរដ្ឋ ក្នុងឱកាសសម្តេចអញ្ជើញលែងកូនត្រី នៅឃុំប៉ោយចារ ស្រុកភ្នំស្រុក ខេត្តបន្ទាយមានជ័យ៕

The post អ្នកឧកញ៉ា ស៊ី គង់ទ្រីវ ចូលរួមវិភាគទានទឹកប្រាក់ ៥០ម៉ឺនដុល្លារជាមួយសម្តេចតេជោ ហ៊ុន សែន ដោះស្រាយបញ្ហាមីន appeared first on .