អ្នកឧកញ៉ា អាន ម៉ាឌី នាំយកអំណោយគ្រឿងឧបភោគ បរិភោគ ប្រគល់ជូនកងកម្លាំងការពារព្រំដែនជួរមុខ ជាង ២០អង្គភាព នៅខេត្តព្រះវិហារ

ឧកញ៉ាដែនដី — Tue, 22 Jul 2025 07:39:49 +0000

អ្នកឧកញ៉ា អាន ម៉ាឌី ប្រធានក្រុមហ៊ុន អាន ម៉ាឌី គ្រុប និងក្រុមគ្រួសារ នាព្រឹកថ្ងៃទី២២ ខែកក្កដា ឆ្នាំ២០២៥នេះ បានអញ្ជើញចុះជួបសំណេះសំណាលសាកសួរសុខទុក្ខលើកទឹកចិត្ត និងនាំយកអំណោយ ជាគ្រឿងឧបភោគ បរិភោគ និងសម្ភារមួយចំនួន ទៅប្រគល់ជូនដល់នាយទាហាន នាយទាហានរង ពលទាហាន និងកងកម្លាំងប្រដាប់អាវុធឈរជើង នៅខ្សែត្រៀមជួរមុខការពារបូរណភាពទឹកដីនៅតាមបណ្តោយព្រំដែនកម្ពុជា-ថៃ ក្នុងខេត្តព្រះវិហារ នៅបញ្ជាការដ្ឋានអង្គរក្ស ស្ថិតក្នុងស្រុកជាំក្សាន្ត ខេត្តព្រះវិហារ។

ពិធីប្រគល់ទទួលអំណោយ នៅបញ្ជាការដ្ឋានអង្គរក្ស ប្រចាំទិសខេត្តព្រះវិហារ ធ្វើឡើងក្រោមអធិបតីភាពនាយឧត្តមសេនីយ៍ កិត្តិសង្គហបណ្ឌិត ហុីង ប៊ុនហៀង អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការ បញ្ជាការដ្ឋានអង្គរក្ស។

អ្នកឧកញ៉ា អាន ម៉ាឌី បានថ្លែងការកោតសរសើរចំពោះ កងទ័ពកម្ពុជានៅជួរមុខទាំងអស់ ដែលបានលះបង់សព្វបែបយ៉ាង ដើម្បីការពារទឹកដី ប្រឆាំងជាមួយទ័ពឈ្លានពាន ហើយផ្តល់នូវសេចក្តីសុខឲ្យពលរដ្ឋខ្មែរទាំងអស់គ្នានៅជួរខាងក្រោយ។ បើសិនជាគ្មានការលះបង់របស់កងទ័ពជួរមុខនោះទេ យើងទាំងអស់គ្នានៅជួរក្រោយមិនអាចអង្គុយធ្វើការងារ ប្រកបរបររកសុី និងរៀនសូត្របាននោះទេ បើសិនជាគ្មានកងទ័ព ដ៏អង់អាចក្លាហានរបស់យើង នៅឈរកាន់អាវុធការពារទឹកដីបានរឹងមាំ។

ក្នុងឱកាសនោះដែរ អ្នកឧកញ៉ា និងក្រុមគ្រួសារ ក៏សូមគោរពជូនពរ និងបួងសួងដល់អស់ទេវតា និងវត្ថុសក្កិសិទ្ធិក្នុងព្រះរាជាណាចក្រកម្ពុជា ប្រទានពរជ័យដល់ ថ្នាក់ដឹកនាំ នាយទាហាន នាយទាហានរង និងពលទាហានទាំងអស់ សូមមានសុខភាពល្អបរិបូរណ៍ និងកម្លាំងពលំមាំមួន ព្រមទាំងយកឈ្នះគ្រប់មារសត្រូវ និងសមរភូមិ។

សូមជម្រាបថា នៅថ្ងៃដដែលនេះដែរ អ្នកឧកញ៉ា អាន ម៉ារ៉ាឌី និងក្រុមគ្រួសារ ក៏បានចុះជួបសំណេះសំណាលសាកសួរសុខទុក្ខលើកទឹកចិត្ត និងនាំយកអំណោះជាគ្រឿងឧបភោគ បរិភោគ និងសម្ភារមួយចំនួន ទៅប្រគល់ជូនដល់នាយទាហាន នាយទាហានរង ពលទាហាន និងកងកម្លាំងប្រដាប់អាវុធឈរជើងនៅខ្សែត្រៀមជួរមុខ តាមបណ្តាអង្គភាពនានា សរុប ២១អង្គភាពចំណុះឲ្យទិសព្រះវិហារផងដែរ៕

The post អ្នកឧកញ៉ា អាន ម៉ាឌី នាំយកអំណោយគ្រឿងឧបភោគ បរិភោគ ប្រគល់ជូនកងកម្លាំងការពារព្រំដែនជួរមុខ ជាង ២០អង្គភាព នៅខេត្តព្រះវិហារ appeared first on .

ប្រធានស្ថាបនិក KW ទូទាំងប្រទេស ផ្ញើសារអបអរសាទរ ឧកញ៉ា អាន ម៉ាឌី ក្នុងឱកាសទទួលបានគោរមងារជា «អ្នកឧកញ៉ា» ពីព្រះមហាក្សត្រ

អ្នកឧកញ៉ាវត្តភ្នំ — Mon, 24 Jul 2023 14:02:01 +0000

ឧកញ៉ាបណ្ឌិត គីម ហ៊ាង និងលោកស្រី ឧកញ៉ា គង់ សំណាង ស្ថាបនិកបុរី វិមានសំណាង សូមចូលរួមអបអរសាទរ ឧកញ៉ា អាន ម៉ាឌី អនុប្រធានសភាពាណិជ្ជកម្មកម្ពុជា និងជាអគ្គនាយក ក្រុមហ៊ុន អាន ម៉ាឌី គ្រុប (AN MADY GROUP Co.,Ltd) ក្នុងឱកាសដែលលោកឧកញ៉ា ត្រូវបានព្រះមហាក្សត្រ ទ្រង់ចេញព្រះរាជក្រឹត្យ ផ្តល់គោរមងារជា «អ្នកឧកញ៉ា» កាលពីថ្ងៃទី២១ ខែកក្កដា ឆ្នាំ២០២៣ ។

ព្រះរាជទានត្រាស់បង្គាប់ផ្តល់គោរមងារ អ្នកឧកញ៉ា នេះ ពិតជាកិត្តិយសដ៏ឧត្តុង្គឧត្តម និងជាសក្ខីភាពឆ្លុះបង្ហាញអំពី កិច្ចខិតខំប្រឹងប្រែងលះបង់ ទាំងពេលវេលា និងថវិការផ្ទាល់ខ្លួន របស់អ្នកឧកញ៉ា ក្នុងការជួយជ្រោមជ្រែងរាល់សកម្មភាពមនុស្សធម៌ និងចូលរួមបរិច្ចាគជូនដល់កាកបាទក្រហមកម្ពុជា ក៏ដូចជាកិច្ចការមនុស្សធម៌ជាច្រើន ដែលនេះសបញ្ជាក់ពីឆន្ទៈ និងការលះបង់ ចូលរួមចំណែកជាមួយនឹងរាជរដ្ឋាភិបាល ដល់ការអភិវឌ្ឍន៍សេដ្ឋកិច្ចប្រទេសជាតិ និងជាឧត្តមប្រយោជន៍ជូន សាធារណៈជន និងប្រជាពលរដ្ឋកម្ពុជា។

នាឱកាសប្រកបដោយក្ដីសោមនស្សរីករាយនេះ យើងខ្ញុំ ក៏សូមបួងសួងដល់គុណបុណ្យ ព្រះរតនត្រ័យ កែវទាំងបី វត្ថុស័ក្ដិសិទ្ធិក្នុងលោក និងទេវតាឆ្នាំថ្មី សូមប្រោះប្រទានពរជ័យជូនចំពោះ អ្នកឧកញ៉ា និងក្រុមគ្រួសារ សូមមានសុខភាពល្អបរិបូរណ៍ និងសម្រេចបានជោគជ័យបន្ថែមទៀត ដើម្បីចូលរួមចំណែកជួយអភិវឌ្ឍប្រទេសកម្ពុជាលើគ្រប់វិស័យ និងសូមជួបប្រទះនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍៕

The post ប្រធានស្ថាបនិក KW ទូទាំងប្រទេស ផ្ញើសារអបអរសាទរ ឧកញ៉ា អាន ម៉ាឌី ក្នុងឱកាសទទួលបានគោរមងារជា «អ្នកឧកញ៉ា» ពីព្រះមហាក្សត្រ appeared first on .