ថ្លែងក្នុងកម្មវិធីជួបជុំជប់លៀងអាហារពេលល្ងាចដ៏សែនមនោរម្យ នៅភោជនីយដ្ឋានក្រោមដីដ៏ទំនើប Metropol Underground នៃសណ្ឋាគារ ហៃយ៉ាត់ ភ្នំពេញ រីជិនសុី អ្នកឧកញ៉ា លាង ម៉េង មានប្រសាសន៍ថា៖ “ឆ្លៀតក្នុងឱកាសដ៏វិសេសវិសាលនេះ ខ្ញុំ និងក្រុមគ្រួសារ  សូមចូលរួមអបអរសាទរ លោកឧកញ៉ា ដែលព្រះមហាក្សត្រ ព្រះរាជទានគោរមងារ «អ្នកឧកញ៉ា» កាលពីពេលថ្មីៗកន្លងទៅនេះ ។ ហើយក្នុងនាមខ្ញុំផ្ទាល់ ជាអនុប្រធានសមាគមឧកញ៉ាកម្ពុជា ខ្ញុំយល់ឃើញថា គោរមងារជា «អ្នកឧកញ៉ា» ជូនលោកឧកញ៉ា គឺពិតជាស័ក្តិសមបំផុត ហើយនេះក៏ជាសក្ខីភាព បង្ហាញពីកិច្ចខិតខំប្រឹងប្រែង ទាំងកម្លាំងកាយចិត្ត របស់អ្នកឧកញ៉ា ក្នុងបុព្វហេតុចូលរួមជួយសង្គមជាតិ និងអភិវឌ្ឍន៍សេដ្ឋកិច្ចប្រទេសជាតិ ឱ្យកាន់តែរីកចម្រើន តាមរយៈការដឹកនាំ ទូរទស្សន៍ ហង្សមាស អស់រយៈពេលជាច្រើនឆ្នាំកន្លងមក” ។ 

កម្មវិធីជួបជុំរវាងថ្នាក់ដឹកនាំកំពូល ក្រុមហ៊ុន ខ្មែរ ប៊ែវើរីជីស ក្នុងនាមជាម្ចាស់ឧបត្ថម្ភធំបំផុតកម្មវិធី The Voice Cambodia  ទាំង ៣រដូវកាល ជាមួយថ្នាក់ដឹកនាំកំពូល និងបុគ្គលិកទូរទស្សន៍ ហង្សមាស នាល្ងាចនោះ ក៏មានការចូលរួមពីគ្រូបង្វឹក (Coach) ដ៏មានប្រជាប្រិយទាំង ៤រូប របស់កម្មវិធី The Voice Cambodia និងបេក្ខជនឆ្នើម ទាំង ២៤រូប ដែលកំពុងត្រៀមខ្លួនបញ្ចេញសមត្ថភាពឡើងទៅវគ្គ Live Show នាពេលឆាប់ៗខាងមុខផងដែរ ។

តាមរយៈការចាប់ដៃសហការគ្នារវាង ក្រុមហ៊ុន ខ្មែរ ប៊ែវើរីជីស និងទូរទស្សន៍ ហង្សមាស HDTV  ក្នុងកម្មវិធី The Voice Cambodia រដូវកាលទី៣នេះ បូករួមទាំងបេក្ខជន ដែលសិល្បកររលកក្រោយ ពោពេញដោយទេពកោសល្យ ថ្នាក់ដឹកនាំក្រុមហ៊ុនទាំង២ សង្ឃឹមយ៉ាងមុតមាំថា បេក្ខជនទាំង ២៤រូប នឹងបន្តបញ្ចេញសមត្ថភាព អង្រួនឆាក The Voice Cambodia និងឆក់យកបេះដូងអ្នកគាំទ្រទូទាំងប្រទេសកម្ពុជា ជាក់ជាមិនខាន៕

The post អ្នកឧកញ៉ា លាង ម៉េង រៀបចំកម្មវិធីដ៏គួរឱ្យភ្ញាក់ផ្អើលមួយជូន ឧកញ៉ាថៅកែក្រុមហ៊ុន ហង្សមាស ក្នុងឱកាសទទួលគោរមងារ «អ្នកឧកញ៉ា» appeared first on .

ព្រះរាជក្រឹត្យផ្តល់គោរមងារអ្នកឧកញ៉ាជូនឧកញ៉ា អុឹង ឆៃងួន ធ្វើឡើងតាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា។

ឧកញ៉ា អុឹង ឆៃងួន ជាម្ចាស់ផលិតកម្ម និងទូរទស្សន៍ ហង្សមាស គ្រុប ជាអតីតប្រធានសមាគមសិល្បៈចម្រៀង និងភាពយន្ត ជាបងបង្កើតលោក អុឹង សុខលី អ្នកគ្រប់គ្រងផ្នែកផលិតកម្មនៃស្ថានីយ៍ទូរទស្សន៍ ហង្សមាស និងជាបងថ្លៃតារាចម្រៀង ឱក សុគន្ធកញ្ញា ។

ផ្តើមចេញពីការជួលកាសែតវីដេអូមួយកេះតូចដឹកនាំតាមកង់ក្នុងអំឡុងទស្សរ៍ ៨០ ដោយមានការយកចិត្តទុកដាក់ អត់ធ្មត់ តស៊ូព្យាយាមទាំងយប់ទាំងថ្ងៃ ទីបំផុតនៅដើមឆ្នាំ១៩៩០ លោក អ៊ឹង ឆៃងួន បានបង្កើតក្រុមហ៊ុន ហង្សមាសវីដេអូ ជាក្រុមហ៊ុនដំបូងគេដោយបានទទួលសិទ្ធិចែកចាយផ្តាច់មុខនៅរឿងភាគមកពីទីក្រុងហុងកុង និងប្រទេសសឹង្ហបុរី។ ឈ្មោះ ហង្សមាស នៅជំនាន់នោះត្រូវបានគេទទួលស្គាល់នៅទូទាំងប្រទេសទៅលើគុណភាព ត្រជាក់ភ្នែក និងសម្លេងច្បាស់ល្អ។

នៅឆ្នាំ១៩៩៤ ឧកញ៉ា ឆៃងួន បោះទុនវិនិយោគលើផលិតកម្ម រស្មីហង្សមាស ដំបូងគេបង្អស់ដែលផលិតបទចម្រៀងខារ៉ាអូខេខ្មែរជាច្រើនពាន់បទ ខណៈមកដល់ពេលបច្ចុប្បន្នមានអ្នកគាំទ្រ និងទស្សនាវីដេអូចម្រៀងរាប់លាននាក់ផងដែរ។ មិនតែប៉ុណ្ណោះ ផលិតកម្ម រស្មីហង្សមាស ក៏មានតារាចម្រៀងដំបូងគេដែលមានកំពូលតារាចម្រៀងចុះកុងត្រាប្រចាំផលិតកម្ម។

នៅឆ្នាំ២០០៩ លោក ឆៃងួន ក៏បានសម្រេចចិត្តបង្កើតស្ថានីយវិទ្យុហង្សមាស FM (១០៤.៥ មេកាហឺត) ដែលធ្វើការផ្សាយចម្រៀងដែលផលិតផ្តាច់មុខ ដោយក្រុមហ៊ុនដើមរបស់ខ្លួន។ ជំហានបន្ទាប់ លោកក៏សម្ពោធដាក់ឱ្យប្រើប្រាស់ស្ថានីយវិទ្យុរស្មីហង្សមាស FM (៩៥.៧ មេកាហឺត) ដើម្បីតម្រូវចិត្តអតិថិជនដែលនិយមស្តាប់បទចម្រៀងរបស់ផលិតកម្ម រស្មីហង្សមាស។ 

បន្ទាប់ពីជោគជ័យក្នុងវិស័យចម្រៀង ឧកញ៉ា អុឹង ឆៃងួន នៅតែបន្តវិនិយោគទៅលើស្ថានីយ៍ទូរទស្សន៍ ហង្សមាស HDTV នៅក្នុងឆ្នាំ២០១២ ដែលផ្តោតការផ្សាយជាចម្បងទៅលើការកម្សាន្ត។ ដោយទទួលបានការគាំទ្រខ្លាំងត្រឹមរយៈពេលដ៏ខ្លី ក្រុមហ៊ុន ហង្សមាស បន្តបើកស្ថានីយ៍ថ្មីមួយទៀត គឺប៉ុស្តិ៍ទូរទស្សន៍រស្មីហង្សមាស HDTV ក្នុងឆ្នាំ២០១៤។

ជាមួយគ្នានេះ ក្រុមហ៊ុន ហង្សមាស ក៏បានចាប់ផ្តើមបង្កើតនូវការផលិតទៅលើភាពយន្តជាប្រភេទរឿងភាគបន្ថែមទៀតផងដែរ ដែលធ្វើឱ្យកេរ្តិ៍ឈ្មោះនៃក្រុមហ៊ុនមួយនេះកាន់តែមានភាពល្បីល្បាញទ្វេដង៕

The post បងថ្លៃតារាចម្រៀង ឱក សុគន្ធកញ្ញា ទទួលបានគោរមងារ«អ្នកឧកញ៉ា» appeared first on .

តាមរយៈសេចក្តីជូនដំណឹងរបស់ខ្លួននៅថ្ងៃទី១៣ ខែវិច្ឆិកានេះ អ្នកឧកញ៉ា អ៊ឹង ឆៃងួន បានបញ្ជាក់ថា ប្រសិនបើជនខិលខូចទាំងអស់នោះនៅតែបន្តក្លែងបន្លំជាបុគ្គលិកហង្សមាស ប្រើប្រាស់អត្តសញ្ញាណហួសសុពលភាព គ្មានកាលបរិច្ឆេតច្បាស់លាស់ទៅធ្វើសកម្មភាពផ្ទុយពីវិជ្ជាជីវៈ និងក្រមសីលធម៌អ្នកកាសែត នឹងធ្វើការជាមួយសមត្ថកិច្ចពាក់ព័ន្ធដើម្បីឃាត់ខ្លួនចាត់ការតាមផ្លូវច្បាប់។

សេចក្តីជូនដំណឹងដដែលបានឲ្យដឹងថា កន្លងមកក៏ធ្លាប់មានជនខិលខូចមួយចំនួនបានលួចចម្លងកម្មសិទ្ធិបញ្ញា ដូចជាការលួចចម្លងផលិតមាតិកាព័ត៌មាន និងការកែច្នៃចម្លងស្នាដៃ កាត់តបំភាន់សម្លេង បន្លំយកទៅប្រើប្រាស់ដើម្បីរកផលប្រយោជន៍ផ្ទាល់ខ្លួនពីក្នុងបណ្តាញសង្គមនានា។

អ្នកឧកញ៉ា អ៊ឹង ឆៃងួន បានបញ្ជាក់បន្ថែមនិងព្រមានជាសាធារណៈ សូមឲ្យបញ្ឈប់សកម្មភាពល្មើសច្បាប់នេះជាបន្ទាន់។ បើមិនដូច្នេះទេ ក្រុមហ៊ុននឹងដាក់ពាក្យបណ្តឹងតាមនីតិវិធី ដើម្បីស្វែងរកអ្នកប្រព្រឹត្តបទល្មើសយកមកចាត់ការអនុវត្តតាមផ្លូវច្បាប់៕

The post អ្នកឧកញ៉ា អ៊ឹង​ ឆៃងួន ព្រមានចាត់វិធានការលើបុគ្គលតាំងខ្លួនជាបុគ្គលិកហង្សមាស ដើរជំរិតទាប្រាក់ពីស្ថាប័នរដ្ឋ និងឯកជន appeared first on .