អ្នកឧកញ៉ា អ៊ុល ចំណាន និងលោកជំទាវ ម៉ៅ ថារី បរិច្ចាគថវិកា ២ម៉ឺនដុល្លារ ជូនកាកបាទក្រហមកម្ពុជា

ឧកញ៉ាដែនដី — Fri, 10 Apr 2026 01:15:00 +0000

អ្នកឧកញ៉ា អ៊ុល ចំណាន ម្ចាស់បុរី ចំណាន ថារី ស្ថិតនៅផ្លូវ២០០៤ រាជធានីភ្នំពេញ និងលោកជំទាវ ម៉ៅ ថារី បរិច្ចាគថវិកាចំនួន ២ម៉ឺនដុល្លារអាមេរិក ជូនកាកបាទក្រហមកម្ពុជា ក្នុងឱកាសខួបលើកទី១៦៣ ទិវា៨ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាលជ្រៅបំផុតចំពោះ អ្នកឧកញ៉ា អ៊ុល ចំណាន និងលោកជំទាវ ម៉ៅ ថារី ដែលបានបរិច្ចាគថវិកាចំនួន ២ម៉ឺនដុល្លារអាមេរិក ជូនកាកបាទក្រហមកម្ពុជា ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

កាកបាទក្រហមកម្ពុជា បានបញ្ជាក់ថា នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ដើម្បីបម្រើសកម្មភាពមនុស្សធម៌ជួយដល់ប្រជាពលរដ្ឋងាយរងគ្រោះបំផុត ជាពិសេសប្រជាជនភៀសសឹក និងគ្រួសារយុទ្ធជនរបួសនិងពលីក្នុងសមរភូមិ។

ដើម្បីមានមូលនិធិសម្រាប់បន្តបេសកកម្មមនុស្សធម៌ជាជំនួយការជូនរាជរដ្ឋាភិបាល កាកបាទក្រហមកម្ពុជា សូមអំពាវនាវចំពោះ សម្តេច ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជនមកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន សូមមេត្តាបន្តចូលរួមបរិច្ចាគថវិកា សម្ភារ ជូនកាកបាទក្រហមកម្ពុជា ដោយសទ្ធាជ្រះថ្លា និងតាមការស្ម័គ្រចិត្ត។ ការចូលរួមឧបត្ថម្ភគាំទ្រការងារមនុស្សធម៌តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល៕

The post អ្នកឧកញ៉ា អ៊ុល ចំណាន និងលោកជំទាវ ម៉ៅ ថារី បរិច្ចាគថវិកា ២ម៉ឺនដុល្លារ ជូនកាកបាទក្រហមកម្ពុជា appeared first on .

ម្ចាស់បុរី ចំណាន ថារី ទទួលបានគោរមងារ «អ្នកឧកញ៉ា»

ឧកញ៉ាដែនដី — Tue, 03 Dec 2024 04:07:08 +0000

សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី បានចេញព្រះរាជក្រឹត្យផ្តល់គោរមងារ ឧកញ៉ា អ៊ុល ចំណាន ម្ចាស់បុរី ចំណាន ថារី ស្ថិតនៅផ្លូវ២០០៤ រាជធានីភ្នំពេញ និងជាសមាជិកនៃសមាគមឧកញ៉ាកម្ពុជា ជា «អ្នកឧកញ៉ា» នៅថ្ងៃទី៣១ ខែសីហា ឆ្នាំ២០២៤។

លោកឧកញ៉ា អ៊ុល ចំណាន ជាប្រធានក្រុមប្រឹក្សាភិបាលគ្រឹះស្ថានមីក្រូហិរញ្ញវត្ថុ សិរីឧត្តម ភីអិលស៊ី (Serey Oudom Microfinance Plc.) និងជាម្ចាស់បុរី ចំណាន ថារី ព្រមទាំងជាសមាជិកសមាគមឧកញ៉ាកម្ពុជា។ លោកធ្លាប់ទទួលបានការត្រាស់បង្គាប់ផ្ដល់គោរមងារជា «ឧកញ៉ា» ដោយព្រះមហាក្សត្រ តាមរយៈព្រះរាជក្រឹត្យលេខ នស/រកត/១១១៩/១៧៤៣ ចុះថ្ងៃទី២៣ ខែវិច្ឆិកា ឆ្នាំ២០១៩។

សូមជម្រាបថា អ្នកឧកញ៉ា អ៊ុល ចំណាន បានបង្កើតគម្រោងបុរីនេះឡើង ដោយដាក់បញ្ចូលឈ្មោះរបស់លោក និងភរិយា (លោកស្រី ម៉ៅ ថារី) តែម្តងគឺ «បុរី ចំណាន ថារី» ហើយបុរីដែលស្ថិតនៅផ្លូវ ២០០៤ សង្កាត់អូរបែកក្អម ខណ្ឌសែនសុខ រាជធានីភ្នំពេញនេះ បានបើកការដ្ឋានសាងសង់ កាលពីថ្ងៃទី០៦ ខែឧសភា ឆ្នាំ២០២២។ អ្នកឧកញ៉ា បានបង្កើតគ្រឹះស្ថាន សិរីឧត្តម មីក្រូហិរញ្ញវត្ថុ ភីអិលស៊ី និងទទួលបានអាជ្ញាប័ណ្ណប្រកបអាជីវកម្មមីក្រូ ហិរញ្ញវត្ថុ ពីធនាគារជាតិនៃកម្ពុជា ជាផ្លូវការ នៅថ្ងៃទី២៣ ខែមករា ឆ្នាំ២០១៥៕

The post ម្ចាស់បុរី ចំណាន ថារី ទទួលបានគោរមងារ «អ្នកឧកញ៉ា» appeared first on .