ឧកញ៉ា ឈួន ហាវ៉ុន ជាម្ចាស់ការ៉ាស់លក់រថយន្តលំដាប់ប្រណិតៗ Hawon Auto Car និងត្រូវបានគេទទួលស្គាល់ថាជាអ្នកជំនួញទិញ លក់ រថយន្តទំនើបៗគ្រប់ប្រភេទ។ ការ៉ាស់លក់រថយន្ត Hawon Auto Car របស់អ្នកឧកញ៉ា មានចំនួនពីរទីតាំង គឺទីតាំងទី១ ស្ថិតនៅផ្លូវសុធារស ជិតផ្សារទំនើប AEON I ក្បែរកោះពេជ្រ និងទីតាំងទី២ ស្ថិតនៅផ្លូវលេខ៣៧៤ សង្កាត់ទួលស្វាយព្រៃ។ អ្នកឧកញ៉ា ឈួន ហាវ៉ុន តែងតែចូលរួមជួយការងារសង្គម ដូចជាការបរិច្ចាគថវិកាផ្ទាល់ខ្លួន ជួយអភិវឌ្ឍមូលដ្ឋាន ជួយជនក្រីក្រ ជួយឧបត្ថម្ភតាមរយៈការអំពាវនាវរបស់រាជរដ្ឋាភិបាល ក្នុងយុទ្ធនាការផ្សេងៗ ជាពិសេសអ្នកឧកញ៉ា តែងតែចូលរួមជាមួយសកម្មភាពកាកបាទក្រហមកម្ពុជាផងដែរ។

ក្រោយទទួលបានគោរមងារ «អ្នកឧកញ៉ា» សមាគមឧកញ៉ាកម្ពុជា បានចេញសារសម្តែងការអបអរសាទរ យ៉ាងដូច្នេះថា៖ “ថ្នាក់ដឹកនាំ ក្រុមប្រឹក្សាភិបាល និងសមាជិកនៃសមាគមឧកញ៉ាកម្ពុជា សូមចូលរួមអបអរសាទរ ឧកញ៉ា ឈួន ហាវ៉ុន សមាជិក នៃសមាគមឧកញ៉ាកម្ពុជា ក្នុងឱកាសដែលព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជាត្រាស់បង្គាប់ផ្តល់គោរមងារជា «អ្នកឧកញ៉ា»។ សូមជូនពរ អ្នកឧកញ៉ា ឈួន ហាវ៉ុន និងលោកជំទាវ ព្រមទាំងក្រុមគ្រួសារ ទទួលបាននូវភាពជោគជ័យគ្រប់ភារកិច្ចទាំងពួងនិងប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ”៕

The post ព្រះមហាក្សត្រ ត្រាស់បង្គាប់ផ្តល់គោរមងារ «អ្នកឧកញ៉ា» ជូនឧកញ៉ា ឈួន ហាវ៉ុន សមាជិកសមាគមឧកញ៉ាកម្ពុជា appeared first on .

វត្តអារាម តាសុត ត្រូវបានមហាជនស្គាល់គ្រប់គ្នាថា ជាវត្តដែលគ្រប់គ្រងដោយព្រះធម្មវនវាសី ចន្ទ មុនី ដែលកំពុងឆក់យកប្រជាប្រិយភាព និងការគោរពស្រឡាញ់ជ្រះថ្លាពីប្រជាពលរដ្ឋខ្មែរអ្នកកាន់ពុទ្ធសាសនា ក្នុងការទេសនាទូទ្មានតាមបែបព្រះពុទ្ធសាសនា និងព្រហ្មញ្ញសាសនាជាដើម។

វត្តតាសុតកាលដើមឡើយគ្រាន់តែជាអាស្រមតូចមួយប៉ុណ្ណោះ ក្រោយកេរ្តិ៍ឈ្មោះ ព្រមទាំងភាពល្បីល្បាញរបស់ព្រះអង្គ​ចន្ទ មុនី បានញាំងឲ្យប្រជាពលរដ្ដដែលមានសទ្ធាជ្រះថ្លាបានរៀបចំធ្វើពិធីក្រុងពាលីសាងសង់សមិទ្ធផលនានាប្រមាណ ១៦មុខ ដែលរំពឹងថានឹងកើតឡើងនៅក្នុងតំបន់ប្រវត្តិសាស្រ្តសម័យបារាំង គឺភូមិតិរច្ឆាន ក្នុងឃុំក្រាំងលាវ ស្រុករលាប្អៀរ​ ខេត្តកំពង់ឆ្នាំង។

ខាងក្រោមនេះជាមុខបញ្ជីឈ្មោះសប្បុរសជន អ្នកឧកញ៉ា ឧកញ៉ា ចូលរួមផ្តួចផ្តើម និងឧបត្ថម្ភការសាងសង់សមិទ្ធផលនានាទាំង១៦មុខក្នុងវត្តតាសុត ដែលគេហទំព័រសារព័ត៌មានឧកញ៉ាញូស៍ទទួលបាន រួមមាន៖

• ១.ទ្វារទឹកសម្រាប់ទប់ទឹកប្រើប្រាស់ ក្រោមការផ្តួចផ្តើមគម្រោងដោយឧកញ៉ា ម៉ុង ឬទ្ធី អគ្គនាយកក្រុមហ៊ុន ម៉ុងឬទ្ធី គ្រុប

• ២.ខ្លោងទ្វារធំ ក្រោមការផ្តួចផ្តើមដោយលោកស្រី កុយ ពិសី រដ្ឋមន្ត្រីប្រតិភូអមនាយករដ្ឋមន្រ្តី ទទួលបន្ទុកកិច្ចការព្រំដែន និងទេសចរណ៍

• ៣.ឧបដ្ឋានសាលា (សាលាចាន់) មួយខ្នង់ ឧបត្ថម្ភដោយលោកស្រី អាយស៊ី សុគន្ធារី

• ៤. សួនច្បារបៃតង់ធម្មជាតិ និងមជ្ឈមណ្ឌលវិបស្សនា ក្រោមការឧបត្ថម្ភដោយលោកស្រីអ្នកឧកញ៉ា យី រដ្ឋា និងឧត្តមសេនីយ៍ឯក ប៊ុន រ៉ា

• ៥.ព្រះវិហារ ឧបត្ថម្ភដោយលោកស្រីអ្នកឧកញ៉ា យី រដ្ឋា និងលោក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ

• ៦.មហាកុដិថ្មមួយខ្នង ឧបត្ថម្ភដោយអ្នកឧកញ៉ា កែវ ចំរើន និងលោកជំទាវអ្នកឧកញ៉ា យី រដ្ឋា និងឧត្តមសេនីយ៍ឯក ប៊ុន រ៉ា

• ៧.របងថ្មកំពស់៧ម៉ែត្រ ប្រវែង ៨០០ម៉ែត្រ ឧបត្ថម្ភដោយលោកស្រីអ្នកឧកញ៉ា ភាព ហៀក ម្ចាស់ក្រុមហ៊ុន ជីបម៉ុង គ្រុប

• ៨.ខ្លោងទ្វារប្រចាំទិសចំនួន ៤ ឧបត្ថម្ភដោយលោកស្រីអ្នកឧកញ៉ា អ៊ាន អេឡែន និងលោក យិន សារ៉ាន់

• ៩.សាលាវិបស្សនាមួយខ្នង់ ឧបត្ថម្ភដោយអ្នកឧកញ៉ាបណ្ឌិត ជា រតនា និងលោកស្រីអ្នកឧកញ៉ា លីហៀក រតនា

• ១០.ផ្លូវបេតុងអ៊ុតកៅមួយខ្សែប្រវែង ៥០០ម៉ែត្រ ឧបត្ថម្ភដោយលោក ប៊ុត ចន្ថា និងលោកស្រី
• ១១. រូបព្រះបដិមាអរិយមេត្រីអភយមុនីមួយព្រះអង្គ ព្រះផ្នូរកែវចម្លងមួយព្រះអង្គ ក្រោមការផ្តួចផ្តើមដោយលោក ប៉ែន សុផល និងលោកស្រី, ឧកញ៉ា ចាន់ សុឃាំង និងលោកស្រី អុីត អេឡែន ព្រមទាំងក្រុមគ្រួសារ

• ១២. អណ្តូងទឹកស្អាត ក្រោមការផ្តួចផ្តើមដោយឧកញ៉ា ហួត ឈឿន និងលោកស្រី ណៃ ស៊ុន

• ១៣. ស្ពាននាគមួយខ្សែប្រវែង ៨x១២ម៉ែត្រ និងបន្ទប់ស្អាតស្តង់ដារនៅលើកោះ ឧបត្ថម្ភដោយឧបាសិកា មាស ខេង និងឧបាសិកា មួន រួច ព្រមទាំងក្រុមញាតិ
• ១៤. បន្ទប់ទឹកស្អាតស្តង់ដារនៅក្នុងវត្ត ឧបត្ថម្ភដោយឧបាសក ឡាវ ស៊ីអ៊ុយ និងឧបាសិកា ស៊ីម ប៉ោហៀក ព្រមទាំងក្រុមញាតិ
• ១៥. រូបព្រះគោសាងពីស្ពាន់ក្រហមទម្ងន់១តោន ឧបត្ថម្ភដោយឧបាសិកា សុខ សាម៉ុត និងក្រុមញាតិ
• ១៦. ឃ្លាំងបន្ទុកសម្ភារៈមួយខ្នង់ ក្រោមការផ្តួចផ្តើមដោយវត្តតាសុចផ្ទាល់តែម្តង

The post អ្នកឧកញ៉ា ឧកញ៉ា និងឥស្សរជនច្រើនរូបរំលេចឈ្មោះក្នុងបញ្ជីសប្បុរសជនចូលរួមកសាងសមិទ្ធផលទាំង១៦មុខនៅវត្តព្រះអង្គ ចន្ទ មុនី appeared first on .

ឧកញ៉ា លី ហាក់ គេស្គាល់ថាជាអ្នកជំនួញដ៏មានឥទ្ធិពលកំពុងរកស៊ីក្នុងទឹកដីខេត្តព្រះសីហនុ។ លោកឧកញ៉ាជាម្ចាស់ក្រុមហ៊ុន បុរី វីអាយភី មានទីតាំងស្ថិតនៅភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ។

ឧកញ៉ា លី ហាក់ ត្រូវបានប្រភពច្បាស់ការមួយទម្លាយឲ្យដឹងថា ជាឧកញ៉ាមានទ្រព្យម្នាក់ និងត្រូវជាមនុស្សជិតស្នីទជាមួយលោក គួច ចំរើន អភិបាលខេត្តព្រះសីហនុ បច្ចុប្បន្ន។

សម្តេចតេជោ ហ៊ុន សែន នាយករដ្ឋមន្រ្តី បានចុះហត្ថលេខា និងបោះត្រា កាលពីថ្ងៃទី១០ ខែកក្កដា ឆ្នាំ២០២០ ចេញអនុក្រឹត្យ ឬធ្វើអនុប្រយោគកាត់ឆ្វៀលដីជាង ៣២ហិកតា ទៅឲ្យឧកញ៉ា លី ហាក់ មានទីតាំងនៅតំបន់ប្រើប្រាស់ច្រើនយ៉ាង ព្រែកទឹកសាបក្បាលឆាយ ស្ថិតក្នុងភូមិ១ សង្កាត់១ ក្រុង-ខេត្តព្រះសីហនុ៕

The post អ្នកជំនួញកំពុងរះនៅទិសនិរតី លី ហាក់ ទទួលបានគោរមងារ «អ្នកឧកញ៉ា» appeared first on .

ពាក្យ«ឧកញ៉ា» ជាគោរម្យងារ នៃមន្ត្រីដែលមានបណ្ដាសក្ត័ថ្នាក់ខ្ពស់ ក្នុងជួររាជការ ឬនាហ្មឺនមន្ត្រីធ្វើការថ្វាយហ្លួងប្រចាំព្រះរាជវាំង នាសម័យបុរាណ ដែលមានឋានន្តរស័ក្តិ ឧកញ៉ា មានបីថ្នាក់ «លោកអ្នកឧកញ៉ា/អ្នកឧកញ៉ា/ឧកញ៉ា» ដែលសុទ្ធតែទទួលបានការតែងតាំងដោយព្រះរាជក្រឹត្យពីព្រះមហាក្សត្រ តាមរយៈការស្នើសុំពីនាយករដ្ឋមន្រ្តី។ តែសម្រាប់ឋានន្តរស័ក្តិ «លោកអ្នកឧកញ៉ា» នៅ ៣០ឆ្នាំចុងក្រោយនេះ មិនទាន់ឃើញមានសប្បុរសជនទទួលបាននៅឡើយទេ ខណៈដែលឋានន្តរស័ក្តិ ងារជា«អ្នកឧកញ៉ា ក៏មានចំនួនតិចតួចនៅឡើយ ដោយឡែកសម្រាប់ ឋានន្តរស័ក្តិងារជា «ឧកញ៉ា» មានចំនួនច្រើនគួរឲ្យកត់សម្គាល់។

ចំពោះ គោរមងារ «ឧកញ៉ា» ដែលទទួលបានពីព្រះមហាក្សត្រ កាលពីអំឡុងឆ្នាំ១៩៩៥ ដល់ឆ្នាំ១៩៩៨ មានដូចជា លោក សុខ គង់, លោក លឹម ហុងឈាង, លោក លាវ ម៉េងឃីម, លោក ថៃ សេងឡុង, លោក គិត ម៉េង, លោក ញឹម វណ្ណដា, លោក ម៉ុង ឬទ្ធី, លោក ប៉ោ សំអឿន, លោក គន់ គីម, លោក អ៉ឹង ប៊ុនហ៊ូវ, លោក អូស្មាន ហាស្សាន់, លោក លី សាយឃាង, លោក គិត ធៀង ជាដើម។

ចំណែក អ្នកឧកញ៉ា ជាងារកិត្តិយស ដែលព្រះករុណាម្ចាស់ផែនដី ស្ដេចទ្រង់សព្វព្រះទ័យ ប្រទានដល់កូនចៅប្រជារាស្ត្រដែលជាអ្នកមានអាជីវកម្មសុច្ចរិត មានទ្រព្យសម្បត្តិស្ដុកស្ដម្ភច្រើនលើសអស់បណ្ដាជនដទៃ ហើយដែលបានរួមបរិចាគទ្រព្យធន វិភាគទានចូលរួមចំនែកច្រើនជួយកសាងជាតិ ជួយប្រជារាស្ត្រ ជួយផ្នែកមនុស្សធម៌សង្គម ក្នុងព្រះនគរ ហើយទទួលបានការគោរព ស្រលាញ់ពីបណ្ដាជន ប្រជារាស្ត្រទូទៅ ទើបទទួលបានងារកិត្តិយស ជាអ្នកឧកញ៉ា។

បើតាមសៀវភៅរាជកិច្ច ដែលចេញផ្សាយដោយទីស្តីការគណៈរដ្ឋមន្រ្តី នៅអំឡុងឆ្នាំ២០០០ មានសប្បុរសជន ២រូបទទួលបានគោរមងារ «អ្នកឧកញ៉ា» ដោយមិនធ្លាប់មានប្រវត្តិទទួលងារ «ឧកញ៉ា» គឺលោក ហេង ខេងសេង និងលោក ហ៊ុន តូ នៅថ្ងៃទី៦ ខែឧសភាព ឆ្នាំ២០០០។ នៅឆ្នាំ២០០០-២០០២ ព្រះមហាក្សត្រក៏បានផ្តល់គោរមងារឧកញ៉ា ជូនដល់សប្បុរសជនប្រមាណ ៤៩រូប ក្នុងនោះមាន៖ លោក សូ ងួន, លោក សៀង ណាំង, លោក លឹម ប៊ុនសួរ, លោក វិញ ហួរ, លោក តូនី តាន់ឌីហ្សូណូ, លោក កុក វិញ, លោក ស៊ន សុខណា, លោក លឹម រស់, លោក តែ តាំងប៉រ, លោកស្រី សៀង ចាន់ហេង, លោក ថោង សារ៉ាត់, លោក ចម ប្រសិទ្ធ, លោក ហុង ពីវ, លោកស្រី កែវ ម៉ាលី ខណៈដែលបច្ចុប្បន្នសប្បុរសជនខ្លះក៏ទទួលបានគោរមងារ «អ្នកឧកញ៉ា» រួចហើយផងដែរ។

នៅរយៈពេល ៤ឆ្នាំចុងក្រោយនេះ សប្បុរសជន ពាណិជ្ជករដែលកំពុងរស៊ីនៅប្រទេសកម្ពុជា ជាច្រើនរូបដែលត្រូវសម្តេចតេជោ ហ៊ុន សែន នាយករដ្ឋមន្រ្តី ទូលថ្វាយព្រះមហាក្សត្រ ផ្តល់គោរមងារ «អ្នកឧកញ៉ា» ដូចជា៖ ឧកញ៉ា គិត ម៉េង, ឧកញ៉ា ភាព ហៀក, ឧកញ៉ា លាង ឃុន, ឧកញ៉ា លាង ម៉េង, ឧកញ៉ា ហេង សៀ, ឧកញ៉ា ឡេង ណាវ៉ាត្រា, ឧកញ៉ា លី ហួរ, ឧកញ៉ា សំ អាង, ឧកញ៉ា ឈុន លាង, ឧកញ៉ា សំអាង វឌ្ឍនៈ, ឧកញ៉ា សៀ ឬទ្ធី, ឧកញ៉ា គួច ម៉េងលី, ឧកញ៉ា ជា រតនា, ឧកញ៉ា លី ឃុនថៃ, ឧកញ៉ា លី សេងឃាង ជាដើម។

ឆ្នាំ២០១៧ រាជរដ្ឋាភិបាលកម្ពុជា បានសម្រេចធ្វើការផ្លាស់ប្តូរ ឬតម្លើងថ្លៃចំពោះគោរមងារ «ឧកញ៉ា» តម្លៃ ៥០ម៉ឺនដុល្លារ ខណៈពីមុនគោរមងារ «ឧកញ៉ា» តម្រូវត្រឹមតែ១០ម៉ឺនដុល្លារប៉ុណ្ណោះ។ បើទោះបីជាអតិផរណាងារឧកញ៉ានៅកម្ពុជា មានបរិមាណកើនឡើងជារៀងរាល់ឆ្នាំពិតមែនក្តី ប៉ុន្តែទន្ទឹមនឹងការកើនឡើងនេះ គេសង្កេតឃើញថា តម្លៃនៃបុគ្គលជាឧកញ៉ា ក៏ធ្លាក់ចុះគួរឲ្យកត់សម្គាល់ដែរ ដោយបុគ្គលខ្លះប្រព្រឹត្តិទង្វើមិនគប្បី ឬការចោទប្រកាន់ទៅលើឧកញ៉ាមួយចំនួនថាប្រព្រឹត្តខុសឆ្គង បានធ្វើឲ្យតម្លៃរបស់ឧកញ៉ានៅកម្ពុជាធ្លាក់ចុះ។

គួររម្លឹកថា កាល​ពី​ឆ្នាំ​២០១៩ សម្តេចតេជោ ហ៊ុន សែន​ បាន​បញ្ជា​យ៉ាង​ដាច់​ណាត់​មិន​ឲ្យ​កង​កម្លាំង​ប្រដាប់​អាវុធ​ទាំង​អស់​ដែលមាន​ទាហាន នគរបាល និង​កង​រាជ​អាវុធ​ហត្ថ មាន​ងារ​ជា​ឧកញ៉ា ដោយ​ត្រូវ​ជ្រើស​រើស​ត្រូវ​យក​គោរម​ងារ​ជា​ឧកញ៉ា​ឬ​យក​តួនាទី​របស់​ខ្លួន។ បញ្ជាយ៉ាងដូច្នេះ​របស់​នាយក​រដ្ឋមន្ត្រី​ធ្វើ​ឡើងក្រោយ​មើល​ឃើញ​ថា​បុគ្គល​មាន​គោរមងារ​ឧកញ៉ា​មួយ​ចំនួន​បានយក​តួនាទី​ទាំង​នេះ​ទៅ​ធ្វើ​ការងារ​ខុស​ច្បាប់។

ក្រោយកើតមានបាតុភូមិនល្អកើតឡើងចំពោះតម្លៃនៃគោរមងារ «អ្នកឧកញ៉ា ឧកញ៉ា» នៅព្រះរាជាណាចក្រកម្ពុជា រាជរដ្ឋាភិបាល​បាន​សម្រេច​បង្កើត​ក្រុម​ការងារ​អន្តរក្រសួង ដើម្បី​រៀប​ចំ​ឯកសារ​នានា​ទាក់​ទង​នឹង​គោរម​ងារ​ឧកញ៉ា ក្នុង​គោល​ដៅ​ធានា​តម្លៃ​នៃ​គោរមងារ​ដែលព្រះ​រាជ​ប្រទាន​ដោយ​ព្រះមហាក្សត្រ​សម្រាប់​បុគ្គល​ដែលបាន​ចូលរួម​ចំណែក​ជួយ​ដល់​សង្គម​ជាតិ។

បើតាមសេចក្តី​សម្រេច​ចុះ​ថ្ងៃ​ទី​៩ ខែ​មេសា​ ឆ្នាំ​២០២១ ចុះហត្ថលេខាដោយសម្តេចតេជោ​នាយករដ្ឋមន្ត្រី ហ៊ុន សែន ​ការ​បង្កើត​ក្រុម​ការងារ​អន្តរ​ក្រសួង​នេះ គឺ​ដើម្បី​សិក្សា​ស្រាវ​ជ្រាវ​ច្បាប់ រៀប​ចំ​បែប​បទ និង​នីតិ​វិធី​នៃ​ការ​គ្រប់​គ្រង​ឧកញ៉ា ការ​ស្នើ​សុំ​ផ្តល់​គោរម​ងារ​ឧក​ញ៉ា អ្នក​ឧក​ញ៉ា និង​ការ​ដក​ហូត​គោរមងារ​នេះ។

ក្រសួងមហាផ្ទៃ នៅថ្ងៃទី១៩ ខែមករា ឆ្នាំ២០២៣ បានបើកកិច្ចប្រជុំអន្ដរក្រសួង ដើម្បីបន្តពិនិត្យ និងពិភាក្សាលើ​សេច​ក្តី​​ព្រាងព្រះរាជក្រឹត្យស្តីពីគោរពមងារឧកញ៉ា ដែលដឹកនាំដោយលោក ប៊ុន ហុន រដ្ឋលេខាធិការក្រសួងមហាផ្ទៃ និងជាប្រធានក្រុមការងារអន្តរក្រសួង ដើម្បីសិក្សារៀបចំលិខិតបទដ្ឋានគតិយុត្ត​​សម្រាប់ការគ្រប់គ្រងឧកញ៉ា ការផ្តល់គោរមងារឧកញ៉ា និងការដកហូតគោរមងារឧកញ៉ា។

លោក ប៊ុន ហុន បានលើកឡើងថា កិច្ចប្រជុំពិនិត្យ និងពិភាក្សាលើសេចក្ដីព្រាងព្រះរាជក្រឹត្យ ស្ដីពី គោរមងារឧកញ៉ានេះ កន្លងមកបានបើកកិច្ចប្រជុំពិនិត្យ និងភាក្សាជាច្រើនលើករួចមកហើយ កិច្ចប្រជុំលើកនេះអង្គប្រជុំនឹងបន្តពិនិត្យពិភាក្សាទៅលើឯកសណ្ឋាន សញ្ញាស័ក្តិ មេដាយ បន្តោងខ្សែក និងខ្សែក្រវ៉ាត់សម្រាប់គោរមងារផ្លូវការរបស់អ្នកឧកញ៉ានៃព្រះរាជាណាចក្រកម្ពុជា។

លោកបញ្ជាក់ថា ព្រះរាជ្យក្រឹត្យនេះមាន​ភាពចាំបាច់​ចំពោះ​ជាតិ គឺ ទី១ដើម្បីធានាបាននូវការរក្សាកេរ្តិ៍ឈ្មោះដល់បុគ្គលដែលជួយដល់ជាតិ ហើយទី២ ធានានូវតម្លៃ នៃការប្រើប្រាស់​មុខងារ ពិសេសធ្វើឱ្យមានសណ្តាប់ធ្នាប់ របៀបរៀបរយដល់អ្នកប្រើប្រាស់ ហេតុដូចនេះហើយបានជារាជរដ្ឋាភិបាល​ណែនាំឱ្យមានការរៀបចំ​សេចក្តីព្រាងព្រះរាជក្រឹត្យស្តីពីគោរពមងារឧកញ៉ានេះឡើង។

សូមជម្រាបថា ព្រះរាជក្រឹត្យ ស្ដីពីគោរមងារឧកញ៉ា ដែលកំពុងដំណើរការពិនិត្យពិភាក្សានេះ មាន ១០ជំពូក និង ២៦​មាត្រា ហើយព្រះរាជក្រឹត្យនេះ មានវិសាលភាពអនុវត្តចំពោះរូបវន្ដបុគ្គលជាប្រជាពលរដ្ឋខ្មែរ ដែលទទួលបាន​គោរមងារ​ឧកញ៉ា នៅព្រះរាជាណាចក្រកម្ពុជា៕

The post «អ្នកឧកញ៉ា ឧកញ៉ា» ងារកិត្តិយស ដែលព្រះករុណាម្ចាស់ផែនដី ប្រទានដល់អ្នកមានអាជីវកម្មសុច្ចរិត appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ  

ក្នុងរយៈពេល ១៣ថ្ងៃ គឺចាប់ពីថ្ងៃទី២៧ ខែមេសា ដល់ថ្ងៃទី១០ ខែឧសភា ឆ្នាំ២០២១ ក្រុមមហាសេដ្ឋី និងសេដ្ឋីនៅកម្ពុជាប្រមាណ ១២៦នាក់ បានប្រមូលគៀងគរថវិកាសរុបចំនួន ១,៣៩៧,៥៨៤, ដុល្លារអាមេរិក ទឹកបរិសុទ្ធ ២០,០០០ យួរ និងទឹកសុទ្ធ ៥០០កេះ ម៉ាស់ ១០០ ០០០បន្ទះ អាល់កុល ៣៦០០លីត្រ សាប៊ូលាងដៃ ៦០០០លីត្រ ត្រីខ ៥០កេះ និងចេក ២០កេះ ដើម្បីចូលរួមប្រយុទ្ធប្រឆាំងកូវីដ១៩។

កាលពីថ្ងៃទី៣ ខែឧសភា អ្នកឧកញ៉ា ម៉ុង ឬទ្ធី បានគៀងគរថវិកាពី អ្នកឧកញ៉ា ឧកញ៉ា លោកជំទាវឧកញ៉ា និងសប្បុរសជនជាច្រើនរូប បានថវិកា ៣០២,២៥០ដុល្លារអាមេរិក និងទឹកសុទ្ធ ១០ ០០០យួរ ជូនទៅរដ្ឋបាលរាជធានីភ្នំពេញ ដើម្បីជួយដល់ប្រជាពលរដ្ឋដែលមានជីវភាពខ្វះខាត នៅតំបន់ក្រហមមួយចំនួន ស្ថិតក្នុងភូមិសាស្រ្តរាជធានីភ្នំពេញ។

អ្នកឧកញ៉ា លី យ៉ុងផាត់ ដឹកនាំអ្នកឧកញ៉ា និងឧកញ៉ា ១២៦នាក់ រួមគ្នាបរិច្ចាគជាថវិកាសរុប ១.0៩៥.៣៣៤ដុល្លារមេរិក និងសម្ភារៈមួយចំនួនទៀតរួមមាន៖ ម៉ាស់ ១០ម៉ឺន, អាល់កុល ៣.៦០០លីត្រ, សាប៊ូលាងដៃ ៦.០០០លីត្រ, ត្រីខ៥០កេស, ទឹកសុទ្ធ ១០.០០០យួរ/កេស និងចេកទុំ ២០កេស ជូនដល់កងទ័ពជើងគោកនៃកងយោធពលខេមរភូមិន្ទ និងសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) សម្រាប់ជាការរួមចំណែកជួយគាំទ្រដល់ប្រតិបត្តិការប្រយុទ្ធប្រឆាំងនឹងជំងឺកូវីដ-១៩។

សកម្មភាពសប្បរសធម៌ទាំងនេះពិតជាបានរួមចំណែកជាមួយរដ្ឋាភិបាល ដើម្បីជួយទៅដល់ប្រជាពលរដ្ឋ ដែលមានជីវភាពខ្វះខាត។ ហើយនេះជាគំរូដ៏ល្អមួយសម្រាប់កូនចៅជំនាន់ក្រោយទៀត ដើម្បីអោយពួកគេបានរៀនសូត្រ ក្នុងការចែករំលែកជួយគ្នាក្នុងពេលដែលជួបនូវការលំបាកបែបនេះ៕

The post ត្រឹមរយៈពេល ១៣ថ្ងៃ ក្រុមមហាសេដ្ឋីកម្ពុជា ប្រមូលថវិកាបានជាង ១លាន៣០ម៉ឺនដុល្លារ និងគ្រឿងឧបភោគបរិភោគ ដើម្បីចូលរួមទប់ស្កាត់ការឆ្លងកូវីដ១៩ appeared first on .

ពិភពជំនួញនៅកម្ពុជាភាគច្រើនកាន់កាប់ ដោយបុរស ប៉ុន្តែនៅប៉ុន្មានឆ្នាំចុងក្រោយតួលេខសហគ្រិនស្រ្តីបាន កើនឡើងជាបន្តបន្ទាប់។ ការកើនឡើងនេះ គេក៏មិនអាចមើលរំលងបានឡើយនូវកំពូលស្ត្រី អ្នកជំនួញ៥រូប ដែលកំពុងដឹកនាំគ្រប់គ្រង និងជាមគ្គុទេស៍មានភាពលេចធ្លោក្នុងមុខជំនួញ។

អ្នកឧកញ៉ា ភាព ហៀក

ជីប ម៉ុង ជាក្រុមហ៊ុនវិនិយោគដោយជនជាតិខ្មែរ ១០០ភាគរយ ដែលមានឥទ្ធិលពលដ៏ខ្លាំងខ្លាមួយនៅកម្ពុជា ខណៈក្រុមហ៊ុនមួយនេះស្ទើតែក្តោបក្តាប់សេដ្ឋកិច្ចកម្ពុជាទាំងមូលហើយ។

អ្នកជំនួញមានឥទិ្ធពល និងកំពុងមានឈ្មោះបោះសំឡេងលើវិថីជំនួញរូបនេះ បានបង្កើតក្រុមហ៊ុនធំៗប្រមាណ១២ និងមានក្រុមហ៊ុន រោងចក្រ ជាបុត្រសម្ព័ន្ធជាច្រើនទៀត។ លោកជំទាវដែលគេចាត់ទុកថា ជាជើងខ្លាំងក្នុងពិភពជំនួញនៅកម្ពុជា មានដៃគូទំនាក់ទំនងពាណិជ្ជកម្មនៅទូទាំងពិភពលោក ដូចជា ទ្វីបអាមេរិក ទ្វីបអឺរ៉ុប និងទ្វីបអាស៊ី ដែលគ្រងទ្រព្យសម្បត្តិប្រមាណ រាប់ពាន់លានដុល្លារសហរដ្ឋអាមេរិក។

លោកជំទាវឧកញ៉ា លឹម ឈីវហូ

អគ្គនាយកក្រុមហ៊ុន Attwood Export Import Co.Ltd និងជាប្រធានក្រុមហ៊ុន LCH INVESTMENT GROUP។ លោកជំទាវឧកញ៉ា គឺជាស្រ្តីអ្នកជំនួញម្នាក់ដ៏លេចធ្លោរបស់កម្ពុជា។ ដោយបានចាប់ផ្តើមអាជីវកម្មនៅពាក់កណ្តាលឆ្នាំ ១៩៩០ ក្រោយមកបានដំណើរការអាជីវកម្មលក់ផលិតផលដែលនាំចូលមកលក់នៅក្នុងទីក្រុងភ្នំពេញ បន្ទាប់ពីមុខជំនួញជោគជ័យ លោកជំទាវបានកសាងកេរ្តិ៍ឈ្មោះល្អ និងជាអ្នកមានឥទ្ធិពលមួយរូប ក្នុងពិភពអ្នកជំនួញ។

ក្រុមហ៊ុនដែលដឹកនាំដោយស្រ្តីមួយនេះ ត្រូវបានគេស្គាល់តាមរយៈការរកស៊ីនាំចូលនូវផលិតផលស្រាម៉ាកល្បីៗ ដែលមានតម្លៃខ្ពស់ មកលក់នៅកម្ពុជា មាន Johnnie Walker, Hennessy, Kickapoo Joy Juice និង Corona ជាដើម។

លោកជំទាវឧកញ៉ា កែវ មុំ

នៅពីក្រោយជោគជ័យនៃសហគ្រាសផលិតនំស្រួយលីលី លោកជំទាវ គឺជាស្រ្តីលេចធ្លោមួយរូប ដែលឆ្លងកាត់ឧបសគ្គស្ទើរាប់មិនអស់ ទើបអាចអភិវឌ្ឍន៍ខ្លួនបានដូចបច្ចុប្បន្ន។ ចាប់ផ្តើមដំបូងមានបុគ្គលិកប្រហែល ២០ នាក់ បច្ចុប្បន្ន សហគ្រាសផលិតនំស្រួយលីលី ដែលបានដំណើរការជាង ២០ឆ្នាំមកនេះ មានបុគ្គលិកបម្រើការងារជាង ៣០០នាក់។ សហគ្រិនល្បីឈ្មោះរូបនេះ តែងប្រកាន់យកទស្សនៈថា គេអាចធ្វើបាន យើងក៏អាចធ្វើបាន។

គិត​មក​ទល់​ពេល​នេះ ក្រុមហ៊ុន​ផលិត​នំ​ស្រួយ លីលី មាន​ផលិត​ទំនិញ​ជាង​៣០​មុខ និង​បាន​ធ្វើការ​នាំចេញ​ទៅ​កាន់​ទីផ្សារ​ជាង ១០​ប្រទេស 

លោកជំទាវឧកញ៉ា សៀង ចាន់ហេង

​ក្រុម​ហ៊ុន ហេងអភិវឌ្ឍន៍ ​បាន​បើកដំណើរការ​ក្នុង​ខែ​មិថុនា ឆ្នាំ​១៩៩៤។ ការ​កើត​ឡើង​នៅ​គ្រា​នោះ គឺ​​មាន​​​​​ការិយាល័យ​ទី​១ ស្ថិត​​នៅ​ក្នុង​​ក្រុង​តាខ្មៅខេត្ត​កណ្តាល។ ចំណែក​​ការិយាល័យ​ទី២ គឺ​ស្ថិត​នៅ​​មហា​វិថី​ព្រះ​​មុនីវង្ស​រាជ​ធានី​ភ្នំពេញ។ ក្រោយមកលោកជំទាវ ចាប់ផ្តើម​​ការ​វិនិយោគ​លើ​ផ្នែក​សិកម្មឧស្សាហ៍កម្ម គ្រឿង​ចក្រ សំណង់ រោង​ចក្រសហគ្រាស សាលា​រៀន កាសែត វិទ្យុនិង​ទស្សនាវដ្តីជាដើម។

លោកជំទាវឧកញ៉ា ជាអគ្គនាយិកាក្រុមហ៊ុនហេងអភិវឌ្ឍន៍ ​និងជាអ្នក​ជំនួញ​ដី​ធ្លី ហើយលោកជំទាវកំពុងក្តោបក្តាប់​មុខ​ជំនួញ​​ជា​ច្រើន​មុខ​ទៀត។

អ្នកឧកញ៉ា ឈុន លាង

លោកជំទាវ បានសាងភាពល្បីល្បាញមកឲ្យកម្ពុជាតាមរយៈគម្រោងមជ្ឈមណ្ឌលពាណិជ្ជកម្មវឌ្ឍនៈកាពីតាល់ (Vattanac Capital) និងសណ្ឋាគារ រ៉ូសវូដ (Rosewood)។

អគារដ៏ខ្ពស់នៅកណ្ដាលទីក្រុងភ្នំពេញនេះ ត្រូវបានដាក់រហ័សនាមថា ចក្កវាឡប្លែកគេ ដែលមានកម្ពស់៣៩ជាន់ ស្មើនឹងកម្ពស់សរុប ១៨៦ ម៉ែត្រ គឺជាអគារពាណិជ្ជកម្ម និងបណ្តុំសេវាកម្ម ចម្រុះជាច្រើន រួមមាន ទីតាំងសម្រាប់ប្រើប្រាស់ធ្វើជាការិយាល័យ ធ្វើសណ្ឋាគារ ភោជនីយដ្ឋាន និងផ្សារទំនើប ព្រមទាំងមាន ហាងលក់ទំនិញ ដែលមានម៉ាកល្បីៗ លំដាប់អន្តរជាតិ ទៀតផង។

សេដ្ឋីខ្មែរ ដែលជាបណ្ណាធិការ នៃធនាគារ វឌ្ឍនៈ និងម្ចាស់ក្រុមហ៊ុន វឌ្ឍនៈថ្មីនេះលោកជំទាវ បានចាប់ផ្តើម ដើម្បីសាងសង់រោងចក្រផលិតស្រាបៀរថ្មីមួយទៀតក្នុងប្រទេស។

ដែលមានឈ្មោះ “VATTANAC BREWERY CO., LTD.” ទីតាំងវិនិយោគស្ថិតនៅភូមិរបោះអង្កាញ់ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។ ទឹកប្រាក់នៃការវិនិយោគមានចំនួន ៨៧លានដុល្លារអាមេរិក និងអាចបង្កើតការងារបានចំនួន ៨៩៩កន្លែង៕

The post កំពូលស្ត្រី ៥រូប កំពុងមានភាពលេចធ្លោក្នុងពិភពជំនួញនៅកម្ពុជា appeared first on .

បើតាមអនុក្រឹត្យរបស់រាជរដ្ឋាភិបាលចុះថ្ងៃទី ២០ ខែមិនា ឆ្នាំ ២០១៧ កំណត់ថាអ្នកដែលអាចមានងារជា ឧកញ៉ា លុះត្រាតែ បានធ្វើអំណោយជូនរដ្ឋ ជាថវិកា ឬសម្ភារ: ដែលមានតម្លៃលើសពី ៥០ម៉ឺនដុល្លារឡើងទៅ។ ខណៈ​ពី​មុន​គោរមងារ «​ឧកញ៉ា​» តម្រូវ​ត្រឹមតែ​១០​ម៉ឺន​ដុល្លារ​ប៉ុណ្ណោះ។

យោង​តាម​អនុក្រឹត្យ​របស់​រាជរដ្ឋាភិបាល​ដែល​បោះត្រា និង​ចុះហត្ថលេខា​ដោយ​សម្ដេច​តេជោ ហ៊ុន សែន នាយករដ្ឋមន្រ្តី កាលពី​ថ្ងៃ​ទី​២០ ខែមីនា ឆ្នាំ​២០១៧ ដែល​បាន​ផ្សព្វផ្សាយ​នៅ​ថ្ងៃ​ទី​១ ខែមេសា​២០១៧ បាន​សម្រេច​ថា ចំណុច​ទី​១ មាត្រា​ទី​២ នៃ​អនុ​ក្រឹ​ត​លេខ​១៥ ចុះ​ថ្ងៃ​ទី​៤ ខែមេសា ឆ្នាំ​១៩៩៤ ត្រូវ​បាន​ធ្វើការ​កែសម្រួល​ដូច​តទៅ៖

ទី​១​ថ្មី ៖ សប្បុរសជន​ដែល​បាន​ធ្វើ​អំណោយ​ជូន​រដ្ឋ​ជា​ថវិកា ឬ​សម្ភារ​ដែល​មាន​តម្លៃលើស​ពី​១០​ម៉ឺន​ដុល្លារ​សហរដ្ឋអាមេរិក​ឡើង​ទៅ​ត្រូវ​បាន​ជូន​មេដាយ​ស្ថាបនា​ជាតិ​ថ្នាក់​លេខ​១ ។ អនុក្រឹត្យ ដដែល​នោះ​បាន​បញ្ជាក់ថា ចំពោះ​សប្បុរសជន​ដែល​បាន​ធ្វើ​អំណោយ​ជូន​រដ្ឋ​ជា​ថវិកា ឬ​សម្ភារ​ដែល​មាន​តម្លៃលើស​ពី​៥០​ម៉ឺន​ដុល្លារ​សហរដ្ឋអាមេរិក​ឡើង​ទៅ​ត្រូវ​បាន​រាជរដ្ឋាភិបាល​ស្នើ​សុំ​ព្រះរាជ​យោ​បល់​ដ៏​ខ្ពង់ខ្ពស់​នៃ​ព្រះករុណា​ជា​អង្គ​ម្ចាស់ជីវិត​តម្កល់​លើ​ត្បូង ដើម្បី​ទ្រង់​ព្រះ​រាជទាន​គោរមងារ​ជា «​ឧកញ៉ា​» ។ បទ​ប្ប​ញ្ញាតិ​ទាំងឡាយ​ណា​ដែល​ផ្ទុយ​នឹង​អនុ​ក្រឹ​ត​នេះ​ត្រូវ​ទុកជា​និ​រាករ​ណ៏។

មន្ត្រី​ព្រះ​បរមរាជវាំងមួយរូប សូមមិនចេញឈ្មោះ ​បាន​ឲ្យ​ដឹង​ថា តាម​ការ​ប៉ាន់ស្មានរបស់លោក ​ចាប់តាំងពី​ឆ្នាំ​១៩៩៥​ រហូត​ដល់​ឆ្នាំ​២០២១នេះ​ចំនួន ឧកញ៉ា​នៅ​កម្ពុជាមានការ​កើនឡើង​ដល់​១​ពាន់នាក់ជាង៕

The post អ្នកជំនួញ សប្បុរសជន មិនមែនចេះតែទទួលគោរមងារជា ឧកញ៉ាទេ ទាល់តែគ្រប់លក្ខខណ្ឌទាំងនេះសិន appeared first on .