ខេត្តត្បូងឃ្មុំ មានសក្តានុពផ្នែកកសិ-ឧស្សាហកម្ម កសិកម្ម និងជាច្រកព្រំដែនដ៏សំខាន់មួយក្នុងការនាំចេញទំនិញ កសិផលទៅកាន់ប្រទេសវៀតណាម ពិសេសនោះចំការកៅស៊ូ ដែលជា​ដំណាំ​ក​សិ​ឧស្សា​កម្ម​ដ៏​មាន​សក្តានុពល​មួយ​នៅក្នុង​ខេត្ត​នេះ​។

កត្តាអំណោយផលដល់ការវិនិយោគដំណាំកសិ-ឧស្សាហកម្ម និងពាណិជ្ជកម្មនេះហើយដែលបានទាញចំណាប់អារម្មណ៍ពីវិនិយោគិនក្នុងស្រុក ក៏ដូចជាបរទេសទៅបណ្តាក់ទុនវិនិយោគ ខណៈខេត្តត្បូងឃ្មុំមានពាណិជ្ជករមានគោរមងារអ្នកឧកញ៉ា ឧកញ៉ា និងអ្នកមានមុខជំនួញគ្រាក់ៗកំពុងរកស៊ីយ៉ាងសកម្ម ហើយមានឥទ្ធិពល ជាច្រើរូបផងដែរ។

បើតាមបញ្ជាក់ពីមន្រ្តីរដ្ឋបាលខេត្តត្បូងឃ្មុំ មានអ្នកឧកញ៉ា ឧកញ៉ា ជាច្រើនរូបកំពុងវិនិយោគក្នុងទឹកដីខេត្តជាប់នឹងព្រំប្រទល់វៀតណាមមួយនេះ ហើយអ្នកមានទាំងនោះក៏មានតួនាទីជាអនុប្រធានកិតិ្តយសសាខាកាកបាទក្រហមកម្ពុជាខេត្តត្បូងឃ្មុំប្រមាណ ១២រូប ដូចជា ឧកញ៉ា ម៉ក់ គឹមហុង ប្រធានអគ្គនាយកក្រុមហ៊ុន សុភក្តិនីកា អ៉ិនវេសមេន គ្រុប, ឧកញ៉ា សៀក ពិសិដ្ឋ អគ្គនាយកក្រុមហ៊ុន​ក្រែក (ខេ​ម​បូ​ឌា) ខូ​អិ​ល​ធី​ឌី , ឧកញ៉ា គីម កៅ អគ្គនាយកក្រុមហ៊ុន គីមហាប់ ខូអិលធីឌី, ឧកញ៉ា អាន ម៉ារឌី នាយកក្រុមហ៊ុន អានម៉ារឌី អិនវេសមេន គ្រុប, ឧកញ៉ា វន់ ប៊ុនថៃ ​ម្ចាស់​ក្រុមហ៊ុន ម៉េងលាង, ឧកញ៉ា លឹម ប៊ុណ្ណា អគ្គនាយកក្រុមហ៊ុន LBN Gorup ,ឧកញ៉ា ហេង ឡុង ប្រធានអគ្គនាយកក្រុមហ៊ុន ឡេង ស្រេង អ៊ីនធើណេស៊ីនណល ចម្ការកៅស៊ូបឹងកេត, ឧកញ៉ា លឹម ហុងឈាង ម្ចាស់ក្រុមហ៊ុន  Lim Hong Chheang Import Export Co.,LTD , ឧកញ៉ា គុយ សួរ, ឧកញ៉ា កុយ សុខងន់ អគ្គនាយកក្រុមហ ហេង សុខងន់ អ៉ីមផត អ៊ិចផត ខូអិលធីឌី, ឧកញ៉ា ស៊ឹម សំអុល ម្ចាស់ក្រុមហ៊ុន ​ដាយថាន់ និងឧកញ៉ា ឃុន ម៉េង ជាដើម។

លោក ជាម ច័ន្ទ​សោភ័ណ អភិបាលខេត្តត្បូងឃ្មុំ បានលើកឡើងថា ពលរដ្ឋ​ខេត្ត​ត្បូងឃ្មុំ ប្រមាណ​៨៥​ភាគរយ ប្រកប​របរ​កសិកម្ម ក្នុងនោះ​ដំណាំ​ដែល​និយម​ជា​គេ គឺ​ដំណាំ​ស្រូវ ដែលមាន​ចំនួន ៨៩ ៤៦០​ហិកតា ដំណាំ​កៅស៊ូ​ចំនួន ៨៣ ០០០​ហិកតា និង​ដំណាំ​កសិឧស្សាហកម្ម​រួមផ្សំ​មួយចំនួនទៀត​ប្រមាណ​៨៣ ៥០០​ហិកតា ក្នុងនោះ​មាន​ដំឡូង​មី ពោតក្រហម ស្វាយ​ច​ន្ធី និង​ស្វាយកែវ​រមៀត​ជាដើម​។ ពលរដ្ឋ​ខ្លះ ប្រកប​របរ​ចិញ្ចឹមសត្វ​លក្ខណៈ​គ្រួសារ និង​វិស័យ​វារីវប្បកម្ម​។ ក្រៅពីនេះ គឺ​ពលរដ្ឋ​ពឹង​ផ្អែកលើ​វិការ​ធ្វើ​ពាណិជ្ជកម្ម ១៤​ភាគរយ និង​របរ​ផ្សេងៗ ១​ភាគរយ​៕

The post ឧកញ៉ា ១២រូបកំពុងឈរជើងរកស៊ីដ៏មានឥទ្ធិពលនៅខេត្តត្បូងឃ្មុំ appeared first on .