ឧកញ៉ាបណ្ឌិត ជា រតនា

ឧកញ៉ាបណ្ឌិត ជា រតនា នាំយករថយន្តសង្គ្រោះបន្ទាន់៣គ្រឿង ជូនដល់កងទ័ព ៣អង្គភាព

ឧកញ៉ាដែនដី — Tue, 03 Jan 2023 03:55:06 +0000

លោកឧកញ៉ាបណ្ឌិត ជា រតនា ជំនួយការផ្ទាល់សម្ដេចតេជោនាយករដ្ឋមន្ត្រី និងភរិយា ឧកញ៉ា លីហៀក រតនា ព្រមទាំងឧកញ៉ា សុខ វណ្ណា និងភរិយា លោកជំទាវ ចាន់ សុទ្ធី នាថ្ងៃទី២៨ ខែធ្នូ ឆ្នាំ២០២២ បានបន្តនាំយករថយន្តសង្គ្រោះបន្ទាន់ ចំនួន ៣គ្រឿង ជូនដល់កងទ័ព៣អង្គភាពផ្សេងៗគ្នា។

ពិធីប្រគល់ទទួលរថយន្តសង្គ្រោះបន្ទាន់នេះ បានធ្វើឡើងនៅវិទ្យាស្ថានកងទ័ពជើងគោក។ រថយន្តសង្គ្រោះទាំង៣គ្រឿងនេះ គឺជារថយន្តសង្គ្រោះទី ៥៣, ៥៤, ៥៥ ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។ រថយន្តសង្គ្រោះទាំង៣គ្រឿង បានប្រគល់ជូន៖ ១)វិទ្យាស្ថានកងទ័ពជើងគោក (មួយគ្រឿង), ២)បញ្ជាការដ្ឋានកងទ័ពជើងទឹក (មួយគ្រឿង) និង៣)បញ្ជាការដ្ឋានរថក្រោះ (មួយគ្រឿង)។

លោកឧកញ៉ាបណ្ឌិត ជា រតនា សង្ឃឹមថា រថយន្តសង្គ្រោះទាំងនេះ ជាការរួមចំណែកដ៏សំខាន់បន្ថែមទៀត ក្នុងការជួយដោះស្រាយតម្រូវការរបស់កងទ័ព ហើយក៏ជួយបម្រើកិច្ចការសង្គ្រោះប្រជាពលរដ្ឋទូទៅ ជាពិសេស អាចប្រើប្រាស់គ្រប់សកម្មភាព ដែលជាតម្រូវការរបស់ប្រជាពលរដ្ឋដូចជា៖ គ្រោះថ្នាក់ចរាចរណ៍ និងសង្គ្រោះប្រជាជនពីគ្រោះមហន្តរាយផ្សេងៗជាដើម។

គួរបញ្ជាក់ថា នេះមិនមែនជាលើកទី១ទេ ដែលឧកញ៉ា ជា រតនា នាំយករថយន្តសង្គ្រោះជូនដល់កងទ័ព។ ជាក់ស្តែង កាលពីថ្ងៃទី០៥ ខែកញ្ញា ឆ្នាំ២០២២ លោកឧកញ៉ាបណ្ឌិត ក៏បាននាំយករថយន្តសង្គ្រោះបន្ទាន់ គ្រឿងទី៥១ ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រគល់ជូនដល់បញ្ជាការដ្ឋានការពារកោះឆ្នេរ កងទ័ពជើងទឹក ខេត្តកំពង់ស្ពឺ ដើម្បីទុកបម្រើសេវាសុខភាពសាធារណៈ ជូនពលរដ្ឋមូលដ្ឋានឱ្យកាន់តែល្អប្រសើរផងដែរ៕

The post ឧកញ៉ាបណ្ឌិត ជា រតនា នាំយករថយន្តសង្គ្រោះបន្ទាន់៣គ្រឿង ជូនដល់កងទ័ព ៣អង្គភាព appeared first on .

ឧកញ៉ាបណ្ឌិត ជា រតនា នាំយករថយន្តសង្គ្រោះបន្ទាន់ទី៥១ សម្ដេចតេជោ និងសម្ដេចកិត្តិព្រឹទ្ធបណ្ឌិត ជូនដល់បញ្ជាការដ្ឋានការពារកោះឆ្នេរកម្ពុជា

អ្នកឧកញ៉ាវត្តភ្នំ — Mon, 05 Sep 2022 14:32:01 +0000

លោកឧកញ៉ាបណ្ឌិត ជា រតនា ជំនួយការផ្ទាល់សម្ដេចតេជោនាយករដ្ឋមន្ត្រី និងលោកជំទាវឧកញ៉ា លី ហៀករតនា នាថ្ងៃទី០៥ កញ្ញា ឆ្នាំ២០២២នេះ បានបន្តនាំយករថយន្តសង្គ្រោះបន្ទាន់ គ្រឿងទី៥១ ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រគល់ជូនដល់បញ្ជាការដ្ឋានការពារកោះឆ្នេរ កងទ័ពជើងទឹក ខេត្តកំពង់ស្ពឺ ដើម្បីទុកបម្រើសេវាសុខភាពសាធារណៈជូនពលរដ្ឋមូលដ្ឋានឱ្យកាន់តែល្អប្រសើរ។

ពិធីប្រគល់ និងទទួលរថយន្តនេះ ធ្វើឡើង ក្រោមអធិបតីភាព នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះនៃកងយោធពលខេមរភូមិន្ទ និងវត្តមានរបស់នាយនាវី នាយនាវីរង ពលនាវី នាបញ្ជាការដ្ឋានការពារកោះឆ្នេរ កងទ័ពជើងទឹកផងដែរ។

នៅក្នុងពិធីសំណេះសំណាល និងទទួលរថយន្តសង្គ្រោះរបស់សម្ដេចទាំងទ្វេ ជំនួសមុខឱ្យថ្នាក់ដឹកនាំក្រសួងការពារជាតិ អគ្គមេបញ្ជាការ នៃកងយោធពលខេមរភូមិន្ទ នាយឧត្តមសេនីយ៍ ឥត សារ៉ាត់ ក៏បានសម្តែងនូវអំណរគុណយ៉ាងជ្រាលជ្រៅចំពោះសម្តេចតេជោ ហ៊ុន សែន និងសម្តេចកិត្តិព្រឹទ្ធិបណ្ឌិត ប៊ុន រ៉ានី ហ៊ុន សែន ដែលជានិច្ចជាកាល តែងតែគិតគូរពីសុខទុក្ខ និងការលំបាករបស់កងកម្លាំងប្រដាប់អាវុធ និងប្រជាជនដោយបានឧបត្ថម្ភទាំងស្មារតី សម្ភារថវិកា ដើម្បីជួយដល់ការលើកកម្ពស់ការគាំពារសុខមាលភាពកងទ័ព និងប្រជាជននៅទូរទាំងប្រទេសឱ្យកាន់តែទទួលបានសេវាគាំពារសុខមាលភាពកាន់តែប្រសើរ។

ក្នុងកម្មវិធីប្រគល់រថយន្តសប្បុរសធម៌ លេខរៀងទី៥១ នោះដែរ លោកឧកញ៉ាបណ្ឌិត ជា រតនា ក៏បានមានប្រសាសន៍ថា រថយន្តសង្គ្រោះនេះជាការរួមចំណែកដ៏សំខាន់បន្ថែមទៀត ក្នុងការជួយដោះស្រាយតម្រូវការរបស់កងទ័ព ហើយក៏ជួយបម្រើកិច្ចការសង្គ្រោះប្រជាពលរដ្ឋទូទៅ ជាពិសេស អាចប្រើប្រាស់គ្រប់សកម្មភាព ដែលជាតម្រូវការរបស់ប្រជាពលរដ្ឋដូចជា៖ គ្រោះថ្នាក់ចរាចរណ៍ និងសង្គ្រោះប្រជាជនពីគ្រោះមហន្តរាយផ្សេងៗជាដើម។

បន្ថែមពីនេះ លោកឧកញ៉ាបណ្ឌិត ជា រតនា ក៏បានសង្កត់ធ្ងន់ថា ការចូលរួមចំណែកជាមួយសម្តេចតេជោ និងសម្តេចកិត្តិព្រឹទ្ធបណ្ឌិត តាមរយៈការឧបត្ថម្ភរថយន្តពេទ្យសង្គ្រោះបន្ទាន់ជាបន្តបន្ទាប់ ក្នុងការធ្វើសកម្មភាពមនុស្សធម៌នេះ គឺជាការបែងចែកផ្លែផ្កាពីការធ្វើអាជីវកម្មរបស់លោកឧកញ៉ា និងគ្រួសារ ក្នុងការជួយដល់សង្គមជាតិ ហើយលោកឧកញ៉ាបណ្ឌិត នឹងបន្តចូលរួមជាមួយរដ្ឋភិបាលជាបន្តបន្ទាប់ថែមទៀត៕

The post ឧកញ៉ាបណ្ឌិត ជា រតនា នាំយករថយន្តសង្គ្រោះបន្ទាន់ទី៥១ សម្ដេចតេជោ និងសម្ដេចកិត្តិព្រឹទ្ធបណ្ឌិត ជូនដល់បញ្ជាការដ្ឋានការពារកោះឆ្នេរកម្ពុជា appeared first on .

ក្រៅពីម្ចាស់សណ្ឋាគារ២កន្លែង ឧកញ៉ាបណ្ឌិត ជា រតនា មានមុខជំនួញធំៗ៣ទៀត

ឧកញ៉ាដែនដី — Thu, 21 Jul 2022 01:30:00 +0000

ឧកញ៉ាបណ្ឌិត ជា រតនា ស្ថាបនិក និងជាអគ្គនាយកក្រុមហ៊ុន SUN & MOON Group ជាអ្នកជំនួញដ៏ឆ្នើមមួយរូបនៅកម្ពុជា ហើយលោកត្រូវបានគេស្គាល់ថា ជាម្ចាស់សណ្ឋាគារលំដាប់ផ្កាយ៤ ពីរទីតាំងនៅរាជធានីភ្នំពេញ។ ក្រៅពីសណ្ឋាគារ លោកឧកញ៉ា ក៏មានមុខជំនួញធំៗ៣ផ្សេងទៀត ដែលក្រុមហ៊ុនបុត្រសម្ព័ន្ធរបស់លោកមានចំនួនសរុប ៥ ក្រុមហ៊ុន។

ឧកញ៉ាបណ្ឌិត ជា រតនា

១. សណ្ឋគារ SUN & MOON, Urban Hotel

សណ្ឋគារ SUN & MOON, Urban Hotel ជាសណ្ឋាគារគម្រោងទី១ របស់លោក ដែលមានទីតាំងនៅដីឡូត៍លេខ៦៨ ផ្លូវ១៣៦កែងផ្លូវ១៥ សង្កាត់ផ្សារកណ្តាល១ ខណ្ឌដូនពេញ រាជធានីភ្នំពេញ។ បច្ចុប្បន្ននេះ SUN & MOON, Urban Hotel បានក្លាយជាសណ្ឋារគារដ៏ល្បី និងពេញនិយមមួយនៅក្នុងទីក្រុងភ្នំពេញ ជាពិសេសគឺ SkyBar ដែលសណ្ឋារគារនេះទទួលបានចំណាត់ថ្នាក់ Excellent នៅក្នុង Trip Advisor។

២. សណ្ឋាគារ SUN & MOON, Riverside Hotel

សណ្ឋាគារ SUN & MOON, Riverside Hotel ឬហៅថា SUN & MOON, The Light ជាគម្រោងសណ្ឋាគារថ្នាក់ផ្កាយ៤ថ្មីមួយទៀត ដែលមានទុនវិនិយោគជាង៣៥លានដុល្លារនឹងបង្ហាញខ្លួននៅទឹកដីក្រុងភ្នំពេញឆាប់ៗនេះ។ នេះបើយោងតាមក្រុមប្រឹក្សាអភិវឌ្ឍន៍កម្ពុជានៅថ្ងៃទី៩ ខែមិថុនា ឆ្នាំ២០២០។

សណ្ឋាគារទី២នេះ មានទីតាំងស្ថិតនៅតាមបណ្តោយមហាវិថីនរោត្តម ក្បែរស្ពានព្រះមុនីវង្ស ក្នុងសង្កាត់ទន្លេបាសាក់។ SUN & MOON, The Light មានផ្ទៃក្រឡាសរុបចំនួន ១៧០០០ម៉ែត្រការ៉េ ដែលរួមមាន បន្ទប់សំរាប់ភ្ញៀវចំនួន ១២៦បន្ទប់ កន្លែងសន្និសីទបែបពហុមុខងារដែលអាចទទួលភ្ញៀវរហូតដល់ ៤៨០នាក់ សួនច្បារ កន្លែងហាត់ប្រាណ និងស្ប៉ា ភោជនីយដ្ឋាន និងបារ ក៏ដូចជាការិយាល័យសំរាប់ជួលជាដើម។ ដំបូងឡើយ សណ្ឋាគារ SUN & MOON, Riverside Hotel គ្រោងនឹងសម្ពោធនៅចុងឆ្នាំ២០២១ ប៉ុន្តែដោយសារបញ្ហាកូវីដ-១៩ ទើបពន្យាពេលមកដល់បច្ចុប្បន្ន និងគ្រោងសម្ពោធឆាប់ៗខាងមុខនេះ។

៣. ក្រុមហ៊ុនខុនដូឯកជនដ៏ប្រណីត The Peninsula Private Residences

ក្រុមហ៊ុនលំនៅឋាន (ខុនដូ) ឯកជនដ៏ប្រណីត The Peninsula Private Residences អភិវឌ្ឍន៍ដោយក្រុមហ៊ុន CC Peninsula Co., Ltd ដែលជាក្រុមហ៊ុនបណ្តាក់ទុនរួមគ្នារវាងក្រុមហ៊ុនម៉ាឡេស៊ី National 6A Investment Co., Ltd, ក្រុមហ៊ុនចិន Saturn Investment Co., Ltd. និង SUN & MOON Group របស់ឧកញ៉ា ជា រតនា។

៤. ក្រុមហ៊ុនផ្នែកបោកអ៊ុត SUN & MOON LAUNDRY SERVICES

SUN & MOON LAUNDRY SERVICES ជាក្រុមហ៊ុនពាណិជ្ជកម្មបម្រើសេវាកម្មផ្នែករោងចក្របោកអ៊ុតខ្នាតធំនៅកម្ពុជា។ ក្រុមហ៊ុន សាន់ & មូន ឡនឌ្រី បង្កើតឡើងនៅឆ្នាំ២០១៩ សាងសង់លើផ្ទៃដីទំហំ ៤៩០០ម៉ែត្រក្រឡា ស្ថិតនៅក្នងដីឡូតិ៍លេខ១៥១២ ភូមិរបោះអង្កាញ់ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។

សាន់ & មូន ឡនឌ្រី បើកបម្រើសេវាកម្មបោកអ៊ុតជូនអតិថិជនជាតិ និងអន្តរជាតិរបស់ខ្លួនដែលរោងចក្របោកអ៊ុតដ៏ទំនើបមួយនេះដំណើរការដោយម៉ាស៊ីនបោកអ៊ុតស្វ័យប្រវត្ថិ នាំចូលពីបរទេសដែលមានសមត្ថភាពបោកអ៊ុតក្នុងបរិមាណពី ៥តោន រហូតដល់ ១០តោន ក្នុងមួយថ្ងៃ។

៥. គម្រោងផ្ទះល្វែង

គម្រោងអភិវឌ្ឍន៍លំនៅឋាន (ផ្ទះល្វែង) ក្នុងប្រទេសកម្ពុជា បាននិងកំពុងមានសន្ទុះយ៉ាងខ្លាំងដោយសារតែតម្រូវការនៅតាមទីប្រជុំជន និងទីក្រុងធំៗនៅទូទាំងប្រទេស។ ប្រតិកម្មទៅនឹងនិន្នាការនេះ ក្រុមហ៊ុនរបស់ឧកញ៉ា ជា រតនា បានចូលរួមក្នុងការអភិវឌ្ឍន៍ផ្ទះឯកជនទាំងនៅក្នុងទីក្រុងភ្នំពេញ និងតាមបណ្តាខេត្ត តាំងពីឆ្នាំ ២០១៥ ។

គួរបញ្ជាក់ថា ក្រៅប្រកបមុខជំនួញធំៗលោកឧកញ៉ា ជា រតនា និងភរិយា ឧកញ៉ា លី ហៀក រតនា តែងតែចូលរួមជួយការងារសង្គមជាញឹកញាប់ ដូចជា ជួយបរិច្ចាគរថយន្តសង្គ្រោះបន្ទាន់រាប់សិបគ្រឿងទៅដល់មណ្ឌលសុខភាពដាច់ស្រយ៉ាលតាមខេត្តនានា និងជួយកសាងព្រះវិហារនៅតាមទីវត្តអារ៉ាមជាដើម។ ឧកញ៉ាបណ្ឌិត ឧកញ៉ា ជា រតនា ក៏មានតួនាទីមួយទៀត ជាទីប្រឹក្សាផ្ទាល់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាផងដែរ៕

The post ក្រៅពីម្ចាស់សណ្ឋាគារ២កន្លែង ឧកញ៉ាបណ្ឌិត ជា រតនា មានមុខជំនួញធំៗ៣ទៀត appeared first on .

ដើម្បីចូលរួមក្នុងទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ខួបលើកទី១៥៨ ឧកញ៉ាបណ្ឌិត ជា រតនា ឧបត្ថម្ភ១ម៉ឺនដុល្លារ

ឧកញ៉ាកោះក្របី — Sun, 04 Apr 2021 01:25:17 +0000

ឧកញ៉ាបណ្ឌិត ជា រតនា អគ្គនាយកក្រុមហ៊ុន Sun & Moon Hotel Co., LTD និង លោកជំទាវឧកញ៉ា លីហៀក រតនា បានឧបត្ថម្ភថវិកា ១ម៉ឺនដុល្លារ ជូនដល់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដើម្បីចូលរួមក្នុងទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ខួបលើកទី១៥៨ ។

នាកន្លងទៅ ឧកញ៉ាបណ្ឌិត ជា រតនា និងឧកញ៉ា លី ហៀករតនា បានប្រកាសបរិច្ចាគថវិកា ១០ ម៉ឺនដុល្លារ ជូនសម្តេចតេជោ ហ៊ុន សែន ដើម្បីចូលរួមទប់ស្កាត់ការរីករាលដាលជំងឺកូវីដ១៩ ដែលកំពុងផ្ទុះចូលក្នុងសហគមន៍។

លោកឧកញ៉ា បណ្ឌិត ជា រតនា ត្រូវបានគេស្គាល់ថា គឺជា ឧកញ៉ាមានចិត្តសប្បុរសម្នាក់ ដោយលោកតែងតែបានចុះជួយដល់ពលរដ្ឋក្រីក្រស្ទើរគ្រប់ខេត្តក្រុង ជាច្រើនកន្លងមក។កិច្ចការសប្បុរសនេះ លោកឧកញ៉ា មានមូលនិធិមួយមូលនិធិ១សម្រាប់ជួយដល់សង្គមតែម្ដង ហើយជារឿងតែងតែចុះជួយ ដល់ពលរដ្ឋជាបន្តបន្ទាប់៕

The post ដើម្បីចូលរួមក្នុងទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ខួបលើកទី១៥៨ ឧកញ៉ាបណ្ឌិត ជា រតនា ឧបត្ថម្ភ១ម៉ឺនដុល្លារ appeared first on .

លោកឧកញ៉ាបណ្ឌិត ជា រតនា ប្រកាសបរិច្ចាគថវិកា ១០ម៉ឺនដុល្លារដើម្បីចូលរួមទប់ស្កាត់ការរីករាលដាលជំងឺកូវីដ១៩ ជាមួយសម្តេចតេជោ

ឧកញ៉ាកោះក្របី — Fri, 12 Mar 2021 03:53:48 +0000

ឧកញ៉ាបណ្ឌិត ជា រតនា និងឧកញ៉ា លី ហៀករតនា បានប្រកាសបរិច្ចាគថវិកា ១០ ម៉ឺនដុល្លារ ជូនសម្តេចតេជោ ហ៊ុន សែន ដើម្បីចូលរួមទប់ស្កាត់ការរីករាលដាលជំងឺកូវីដ១៩ ដែលកំពុងផ្ទុះចូលក្នុងសហគមន៍។

លោកឧកញ៉ា បណ្ឌិត ជា រតនា ត្រូវបានគេស្គាល់ថា គឺជា ឧកញ៉ាមានចិត្តសប្បុរសម្នាក់ ដោយលោកតែងតែបានចុះជួយដល់ពលរដ្ឋក្រីក្រស្ទើរគ្រប់ខេត្តក្រុង ជាច្រើនកន្លងមក។

កិច្ចការសប្បុរសនេះ លោកឧកញ៉ា មានមូលនិធិមួយមូលនិធិ១សម្រាប់ជួយដល់សង្គមតែម្ដង ហើយជារឿងតែងតែចុះជួយ ដល់ពលរដ្ឋជាបន្តបន្ទាប់៕

The post លោកឧកញ៉ាបណ្ឌិត ជា រតនា ប្រកាសបរិច្ចាគថវិកា ១០ម៉ឺនដុល្លារដើម្បីចូលរួមទប់ស្កាត់ការរីករាលដាលជំងឺកូវីដ១៩ ជាមួយសម្តេចតេជោ appeared first on .

ឧកញ៉ាបណ្ឌិត ជា រតនា

ឧកញ៉ាបណ្ឌិត ជា រតនា នាំយករថយន្តសង្គ្រោះបន្ទាន់៣គ្រឿង ជូនដល់កងទ័ព ៣អង្គភាព

ក្រៅពី​ម្ចាស់​សណ្ឋាគារ​២​កន្លែង​ ឧកញ៉ាបណ្ឌិត ជា រតនា ​​មាន​មុខ​ជំនួញ​ធំៗ​៣​ទៀត

ក្រៅពីម្ចាស់សណ្ឋាគារ២កន្លែង ឧកញ៉ាបណ្ឌិត ជា រតនា មានមុខជំនួញធំៗ៣ទៀត