ឧកញ៉ាបណ្ឌិតបានលើកឡើងថា៖ «ថ្ងៃអង្គារ៍ ទី៨ ខែ០៨ ឆ្នាំ១៩៧៨ គឺជាថ្ងៃដែលពួកខ្មែរក្រហម បានប្រមូលយុវជន យុវនារី ចំនួន២៦នាក់ស្មើនឹង១៣គូរ ក្នុងនោះក៏មានរូបខ្ញុំព្រមទាំងភរិយាផងដែរ យកមកផ្សំផ្គុំរៀបការដោយមិនបានឱ្យស្គាល់មុខគ្នាជាមុននោះទេ ដើម្បីកុំឱ្យច្រឡំប្តីឬប្រពន្ធ ប្រធានកងបានបញ្ជាឱ្យប្តូរក្រម៉ាគ្នាទៅវិញទៅមក ចំណែកឯរូបខ្ញុំចំណាំក្រម៉ាផង ប្រពន្ធផង ប្រហែល១ខែបានស្គាល់ប្រពន្ធច្បាស់»។

លោកឧកញ៉ាបណ្ឌិត បានបន្ថែមទៀតថា៖ «បើគូរណាមិនយល់ព្រមធ្វើតាមពួកអាវខ្មៅនេះទេ ពួកវានឹងសម្លាប់ចោលទាំងពីរនាក់។ ក្រោយរំដោះថ្ងៃ៧មករាឆ្នាំ ១៩៧៩ យុវជន យុវនារី ដែលមិនពេញចិត្តនឹងគ្នាក៏ត្រូវបានបែកបាក់គ្នាជាបន្តបន្ទាប់ ដោយឡែករូបខ្ញុំនិងភរិយាបាននៅរួមរស់ជាមួយគ្នារហូតមកដល់ថ្ងៃព្រហស្បតិ៍ទី០៨.០៨.២០២៤នេះ អស់រយៈពេល ៤៦ឆ្នាំ បានកន្លងផុតទៅហើយ»។

ជាមួយនឹងការនឹកឃើញអនុស្សាវរីយ៍នៃថ្ងៃរៀបការនេះ ឧកញ៉ាបណ្ឌិតក៏បានលើកឡើងថា កាលពីគម្រប់ខួប៤០ឆ្នាំ លោកបានរៀបចំពិធីនៅតំបន់រមណីយដ្ឋានអភិវឌ្ឍន៍កសិទេសចរណ៍ ម៉ុង ឫទ្ធី សែនជ័យ ដោយឡែកក្នុងឆ្នាំជាបន្ដបន្ទាប់លោកឧកញ៉ាបណ្ឌិតនិងលោកជំទាវ ម៉ែន ស៊ុន ម៉ុង ឫទ្ធី មិនបានរៀបចំពិធីអ្វីធំដុំនោះទេ ដើម្បីកុំឱ្យភ្លេចធាតុដើម។

ឧកញ៉ាបណ្ឌិតក៏បានបញ្ជាក់ផងដែរនៅក្នុងខួប៤៦ឆ្នាំនេះ លោកឧកញ៉ា និងភរិយាបាននាំគ្នាស្លៀកសម្លៀកបំពាក់ខ្មៅដូចគ្នា មកហូបបបរសត្រីងៀតដើម្បីរំលឹកអនុស្សាវរីយ៍កាលពី៤៦ឆ្នាំមុន។

សូមជម្រាបជូនថា ចំណងអាពាហ៍ពិពាហ៍រវាងលោកឧកញ៉ា ម៉ុង ឫទ្ធី និងលោកជំទាវ ម៉ែន ស៊ុន ម៉ុង ឫទ្ធី មានរយៈពេល៤៦ឆ្នាំមកហើយ។ លោកឧកញ៉ាធ្លាប់បានលើកឡើងថា ចំណងអាពាហ៍ពិពាហ៍ ដែលអាចរក្សាបានយូរអង្វែងជាមួយភរិយាដល់ចាស់រៀងខ្លួន គឺអាស្រ័យលើភាគីទាំងសងខាង មានភាពស្មោះឱ្យគ្នា យោគយល់គ្នា សន្ដោសប្រណី ចេះលើកលែងចេះអភ័យទោស ពេលមានឧកសគ្គ មានបញ្ហាត្រូវតែជម្នះ ពុះពារទៅជាមួយគ្នា។

លោកឧកញ៉ា បានពន្យល់ថា ចំណងស្នេហារវាងលោកជាមួយនិងភរិយា គឺការផ្ដល់ទំនុកចិត្ត និងព្យាយាមយល់ចិត្តគ្នាទៅវិញទៅមក។ ជាក់ស្ដែងលោកជំទាវ ម៉ែន ស៊ុន មិនដែលទាមទារថ្ងៃសៅរ៍អាទិត្យថាត្រូវតែនាំជូនទៅផ្សារទំនើប ឬត្រូវកំដរទៅនេះទៅនោះ។ ប្រសិនបើលោកមានកិច្ចការងារ ត្រូវចុះទៅចម្ការដំណាំផ្សេងៗ ភរិយារបស់លោកភាគច្រើន នឹងទៅជួយកិច្ចការងារផ្សេងៗជាមួយគ្នា ដែលនេះហើយជាការផ្ដល់នូវទំនុកចិត្ត និងការយល់ចិត្តគ្នាដែលជាមូលហេតុអាចជួយឱ្យចំណងគ្រួសារមានសុភមង្គល៕

The post ឧកញ៉ាបណ្ឌិត ម៉ុង ឫទ្ធី រំឭកអនុស្សាវរីយ៍ថ្ងៃរៀបការសម័យខ្មែរក្រហម ក្នុងឱកាសខួប ៤៦ឆ្នាំ appeared first on .

សេដ្ឋីកសិកម្មជើងចាស់នៅស្រុកខ្មែររូបនេះ លើកឡើងថា៖ “ខ្ញុំ​ស្តាប់​លោកគ្រូ​បង្រៀន​ជោគជ័យ​យូៗទៅ​ ស្រាប់តែ​មាន​អ្នក​មកដៀល​ជារួម​ថា​ (​ គ្មាន​ណា​ ឆ្គួត​ដល់​ បណ្ឌិត​ស្រុក​ខ្មែរ​ និយាយត្រង់​ )​ មិនគួរដៀលជារួម​អីចឹង​ទេ​ វាធ្វេីអោយ​ប៉ះពាល់​ ​ដល់​បណ្ឌិត​មែនទែន​ គេគ្មាន​អំនួត​អីចឹង​ទេ​ គួរតែកែសម្រួល​វិញទៅ”​ ។

ស្ថាបនិកតំបន់អភិវឌ្ឍន៍​កសិទេសចរណ៍​ម៉ុង​ ឫទ្ធី​សែនជ័យ​ ឧកញ៉ាបណ្ឌិត ម៉ុង ឫទ្ធី បន្ថែមទៀតថា៖ “ចំពោះ​ខ្ញុំ​នៅ​មិនទាន់បាន​ឃេីញ​ បុគ្គល​ណាម្នាក់​ទទួល​ជោគជ័យ​នៅឡេីយ​ទេ​ ឧទាហរណ៍​ក្រុម​ខ្មែរ​ក្រហម​ ចុងក្រោយ​ត្រូវ​ប្រមូល​យកមកកាត់ទោស​ ប៊ិនឡាឌិនចុងក្រោយ​អាមេរិក​តាម​ប្រម៉ាញ់​បាន​ សូម​អភ័យ​ទោស​ផង​បេីមាន​ការខុសឆ្គង”​។

ក្នុងន័យនេះ លោកឧកញ៉ា ម៉ុង ឫទ្ធី គ្រាន់តែចង់ឱ្យអ្នកលេងបណ្ដាញសង្គមមួយចំនួន មានការវិភាគឱ្យបានទូលំទូលាយ និងវែងឆ្ងាយ ជៀសវាងការវិនិច្ឆ័យណាមួយ ដោយគ្រាន់តែឃើញមួយជ្រុង ហើយវាយតម្លៃជារួមបែបនេះ ព្រោះអាចធ្វើឱ្យប៉ះពាល់ដល់លោកបណ្ឌិតៗ ដែលជាពួកគាត់ជាអ្នកចេះដឹងពិតប្រាកដ៕

The post ឧកញ៉ា ម៉ុង ឫទ្ធី សុំចិត្តអ្នកលេងបណ្ដាញសង្គមកុំដៀល “បណ្ឌិតស្រុកខ្មែរ” ជារួមអ៊ីចឹង! appeared first on .