ឧកញ៉ាបណ្ឌិត អ៊ឹង ឃាង

ក្រៅពីមុខជំនួញជាច្រើន ឧកញ៉ា អ៊ឹង ឃាង មានសណ្ឋាគារផ្កាយ៤ មួយកន្លែង នៅខេត្តព្រះវិហារ

ឧកញ៉ាដែនដី — Mon, 24 Apr 2023 02:15:00 +0000

ឧកញ៉ា អ៊ឹង ឃាង អគ្គនាយក អ៊ឹង ឃាង គ្រុប ឯ.ក និងជាសមាជិកសមាគមអ្នកអភិវឌ្ឍន៍លំនៅឋានកម្ពុជា ក្រៅពីជាម្ចាស់បុរី គម្រោងរីសត និងដីឡូត៍ នៅតាមបណ្តាខេត្តមួយចំនួន លោកក៏មានសណ្ឋាគារលំដាប់ផ្កាយ៤ មួយកន្លែងនៅខេត្តព្រះវិហារ និងនៅជិតប្រាសាទព្រះវិហារ។

សណ្ឋាគាររបស់ ឧកញ៉ា អ៊ឹង ឃាង មានឈ្មោះថា សណ្ឋាគារ ព្រះវិហារជ័យ ដែលមានទេសភាពស្អាត ផាសុកភាព អាចគយគន់ ភ្នំប្រាសាទព្រះវិហារពីសណ្ឋាគារបាន។ សណ្ឋាគារនេះ មានទីតាំងស្ថិតនៅ ភូមិស្រអែម ឃុំស្រអែមស្រុកជាំក្សាន្ត ខេត្តព្រះវិហារ ចម្ងាយប្រហែលប្រមាណជាង ២០គីឡូម៉ែត្រប៉ុណ្ណោះ ពីជើងភ្នំឡើងទៅកាន់ប្រាសាទព្រះវិហារ។

សណ្ឋាគារព្រះវិហារជ័យ បានបើកដំណើរការ កាលឆ្នាំ២០១៤ មានចំនួនជាង ៤០បន្ទប់ មានភោជនីយដ្ឋាន អាងហែលទឹក និងបារមួយកន្លែងផងដែរ ព្រមទាំងមានបន្ទប់ជាច្រើនជម្រើស តម្លៃមួយយប់ចាប់ពី ២០ដុល្លារឡើងទៅ។

សូមជម្រាបជូនថា ឧកញ៉ា អ៊ឹង ឃាង ក៏ជាម្ចាស់បុរី ឃាង កលិកា ស្ថិតនៅភូមិជ្រៃ ឃុំកណ្តែក ស្រុកប្រាសាទបាគង ខេត្តសៀមរាប, ម្ចាស់បុរី អ៊ឹង ឃាង សៀមរាប ដែលវិនិយោគលើទំហំផ្ទៃដី ៣៤ហិចតា នៅទល់មុខច្រកចូលអាកាសយានដ្ឋានអន្តរជាតិសៀមរាបថ្មី និងគម្រោងរីសតនិងដីឡូត៌ ទេពី វ័ន (TEPY ONE) ជាប់គល់ស្ពានស្រែអំបិល ១២គីឡូម៉ែត្រ ពីផ្លូវជាតិលេខ៤ ក្នុងស្រុកស្រែអំបិល ខេត្តកោះកុង ផងដែរ៕

The post ក្រៅពីមុខជំនួញជាច្រើន ឧកញ៉ា អ៊ឹង ឃាង មានសណ្ឋាគារផ្កាយ៤ មួយកន្លែង នៅខេត្តព្រះវិហារ appeared first on .

ឧកញ៉ា អ៊ឹង ឃាង ធ្លាប់ធ្វើការជាក្មេងបើកទ្វារ នៅកាស៊ីណូ ហ្គ្រែនដាយអឺម៉ិន ក្រុងប៉ោយប៉ែត

ឧកញ៉ាដែនដី — Fri, 30 Dec 2022 07:08:50 +0000

នៅថ្ងៃទី៣០ ខែធ្នូ ឆ្នាំ២០២២នេះ លោកឧកញ៉ា អ៊ឹង ឃាង អគ្គនាយកក្រុមហ៊ុន អ៊ឹង ឃាង គ្រុប ឯ.ក និងជាសមាជិកសមាគមអ្នកអភិវឌ្ឍន៍លំនៅឋានកម្ពុជា បានសម្តែងការចូលរួមរំលែកទុក្ខ និងសោកស្តាយបំផុត ក្នុងគ្រោះថ្នាក់អគ្គិភ័យឆេះកាស៊ីណូ ហ្គ្រែនដាយអឺម៉ិន ស៊ីធី ក្រុងប៉ោយប៉ែត ខេត្តបន្ទាយមានជ័យ កាលពីយប់ថ្ងៃទី២៨ ខែធ្នូ ឆ្នាំ២០២២ ដែលជាទីកន្លែង លោកឧកញ៉ាធ្លាប់មានអនុស្សាវរីយ៍បម្រើការងារជាក្មេងបើកទ្វារ និងយួរកាបូប នៅទីនោះ កាលពី ២០ឆ្នាំមុន។

លោកឧកញ៉ាបណ្ឌិត អ៊ឹង ឃាង បានបង្ហោះសារយ៉ាងដូច្នេះថា៖ “ខ្ញុំសូមចូលរួមរំលែកទុក្ខនិងសោកស្ដាយបំផុតក្នុងគ្រោះថ្នាក់អគ្គិភ័យឆាបឆេះកាស៊ីណូ ហ្រ្គែនដាយអឺម៉ិន ស៊ីធី ប៉ោយប៉ែត ជាកន្លែងដែលខ្ញុំធ្លាប់មានអនុស្សាវរីយ៍ជាច្រើននៅទីនោះ ហើយក៏ជាកន្លែងដែលខ្ញុំបានរៀនសូត្រ និងលត់ដំកែប្រែគ្រប់យ៉ាងផងដែរ។ ចូលរួមរំលែកទុក្ខ ពីខ្ញុំបាទ អតីតក្មេងបើកទ្វារនិងយួរកាបូបភ្ញៀវ (Bellboy) ឆ្នាំ២០០២..ពេលវេលា ២០ឆ្នាំគត់”។

ឧកញ៉ាបណ្ឌិត អ៊ឹង ឃាង ជាអ្នកជំនួញដ៏លេចធ្លោរវ័យក្មេងមួយរូប នាពេលបច្ចុប្បន្ន ហើយថ្មីៗនេះ លោកឧកញ៉ា ទើបបើកនូវគម្រោងរីសតនិងដីឡូត៌ ទេពី វ័ន (TEPY ONE) ជាប់គល់ស្ពានស្រែអំបិល ១២គីឡូម៉ែត្រ ពីផ្លូវជាតិលេខ៤ ក្នុងស្រុកស្រែអំបិល ខេត្តកោះកុង។ គម្រោងរីសត និងដីឡូត៍នេះ មានទេសភាពមហាស្អាត និងបានបើកលក់តាំងពីថ្ងៃទី១៤ ខែកុម្ភៈ ឆ្នាំ២០២២។ គម្រោង មានរីសតជាប់មាត់ព្រែក ហាងអាហារ កាហ្វេ បារបារាំង។ល។ ជាពិសេសទេសភាពធម្មជាតិស្អាត សម្រាប់សាងសង់ផ្ទះលំហែកាយ ព្រមទាំងមានដីឡូត៌គ្រប់ទំហំ និងសម្រួលគ្រប់វីធីបង់ប្រាក់ផងដែរ។

សូមបញ្ជាក់ថា អគ្គិភ័យនៅកាស៊ីណូ ហ្គ្រែនដាយអឺម៉ិន ស៊ីធី ក្រុងប៉ោយប៉ែត (Grand Diamond City Poipet) បានកើតមានតាំងពីវេលាម៉ោង ១១៖៣០នាទីយប់ថ្ងៃទី២៨ ខែធ្នូ ឆ្នាំ២០២២ ខណៈមូលហេតុ ត្រូវបានគេរាយការណ៍ជំហ៊ានដំបូងថា ឆ្លងចរន្ដអគ្គិសនីនៅទីតាំងហ្គេមជាន់ក្រោម ហើយបានរីករាលដាលតែម្ដង ដែលធ្វើឱ្យមានមនុស្សស្លាប់ជាង ១០នាក់ និងរបួសរាប់សិបនាក់៕

The post ឧកញ៉ា អ៊ឹង ឃាង ធ្លាប់ធ្វើការជាក្មេងបើកទ្វារ នៅកាស៊ីណូ ហ្គ្រែនដាយអឺម៉ិន ក្រុងប៉ោយប៉ែត appeared first on .

ក្រុមហ៊ុន ឧកញ៉ា តែ តាំងប៉ ទទួលសិទ្ធិពិសេសកែចង្កូតរថយន្តស្លាកលេខ ខ.ម ទូទាំងប្រទេសពីស្ដាំមកឆ្វេង

អ្នកឧកញ៉ាវត្តភ្នំ — Wed, 17 Nov 2021 07:13:48 +0000

បន្ទាប់ពីមានការប្រជុំ ពិភាក្សារកដំណោះស្រាយ ឯកឧត្តម ឧត្ដមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានសម្រេចសហការ នឹងផ្ដល់សិទ្ធិជូន ឧកញ៉ា តែ តាំងប៉ អគ្គនាយកក្រុមហ៊ុន S.T.P INTERNATIONAL (CAMBODIA) PUBLIC CO., LTD. ទទួលភារកិច្ចក្នុងការបញ្ចុះតម្លៃលើការប្ដូរចង្កូតរថយន្តពីស្ដាំមកចង្កូតឆ្វេង។ នេះបើតាមការឱ្យដឹងពី សេចក្ដីជូនដំណឹងរបស់ ខុទ្ទកាល័យកងទ័ពជើងគោក កាលពីថ្ងៃទី១៦ ខែវិច្ឆិកា ឆ្នាំ២០២១។

ការសហការគ្នាលើការចូលរួមកែសម្រួលបច្ចេកទេសចង្កូតរថយន្តឱ្យត្រូវតាមស្តង់ដា សុវត្ថិភាពរថយន្ត និងស្របតាមច្បាប់ចរាចរណ៍នៅប្រទេសកម្ពុជានេះ ធ្វើឡើងក្នុងគោលបំណងជួយសម្រាលបន្ទុកយោធិន ដែលជាម្ចាស់រថយន្តបំពាក់ស្លាកលេខ កងយោធពលខេមរភូមិន្ទ ទាំងអស់ប្ដូរចង្កូតពីស្ដាំ មកឆ្វេង និងចូលរួមបង់ពន្ធអាករនាំចូល តាមបទបញ្ជា និងគោលនយោបាយប្រមូលពន្ធរដ្ឋ របស់រាជរដ្ឋាភិបាល។

ក្រុមហ៊ុន S.T.P INTERNATIONAL (CAMBODIA) PUBLIC CO., LTD. របស់ឧកញ៉ា តែ តាំងប៉ នឹងទទួលខុសត្រូវលើការប្ដូរចង្កូតរថយន្តពីស្ដាំមកឆ្វេងនេះ ដោយធានានូវគុណភាពសម្ភារ លក្ខណៈបច្ចេកទេស និងស្តង់ដារសុវត្ថិភាពរថយន្ត ស្របតាមច្បាប់ចរាចរណ៍នៅកម្ពុជា។

ហេតុដូច្នេះ សូមអំពាវនាវដល់ម្ចាស់រថយន្តចង្កូតស្ដាំទាំងអស់ ដែលមិនទាន់ប្ដូរចង្កូតពីស្ដាំមកឆ្វេងឱ្យត្រូវតាមស្តង់ និងមិនទាន់បានបង់ពន្ធអាករចូលរដ្ឋទាំងអស់ រៀបចំឯកសារបែបបទស្នើសុំឱ្យទាន់ពេលវេលា។

គួរបញ្ជាក់ថា រាជរដ្ឋាភិបាល បានជូនដំណឹងជាលើកចុងក្រោយ ណែនាំឱ្យម្ចាស់រថយន្តចង្កូតស្តាំទាំងអស់នៅកម្ពុជា ដាច់ខាតត្រូវកែចង្កូតពីស្តាំ មកឆ្វេង មុនអនុញ្ញាតឱ្យបង់ពន្ធ និងអាករនាំចូលស្របច្បាប់ជូនរដ្ឋ។ ការអនុញ្ញាតនេះ មានឱសានវាទ ត្រឹមដំណាច់ខែមិថុនា ឆ្នាំ២០២២។ ចាប់ពីថ្ងៃទី១ ខែកក្កដា ឆ្នាំ២០២២ ឡានចង្កូតស្តាំ ដែលមិនទាន់ព្រមកែ និងបំពេញកាតព្វកិច្ចបង់ពន្ធនាំចូល នឹងត្រូវចាប់ដកហូត ហើយកម្ទេចចោលដោយគ្មានការលើកលែងឡើយ៕

The post ក្រុមហ៊ុន ឧកញ៉ា តែ តាំងប៉ ទទួលសិទ្ធិពិសេសកែចង្កូតរថយន្តស្លាកលេខ ខ.ម ទូទាំងប្រទេសពីស្ដាំមកឆ្វេង appeared first on .

តម្លៃធូរជាងគេក្នុងតំបន់!ផ្ទះវីឡាកូនកាត់ ឧកញ៉ាបណ្ឌិត អ៊ឹង ឃាង លក់ថ្លៃក្រោមទីផ្សារ ៧០%

អ្នកឧកញ៉ាវត្តភ្នំ — Mon, 13 Sep 2021 05:12:18 +0000

ម៉ូដផ្ទះវីឡាកូនកាត់ដ៏ទាន់សម័យ របស់លោក ឧកញ៉ាបណ្ឌិត អ៊ឹង ឃាង កំពុងដាក់លក់ជូនអតិថិក្នុងទាបជាងទីផ្សារបច្ចុប្បន្នរហូតដល់ទៅ ៧០% ។ ផ្ទះវីឡាកូនកាត់តម្លៃសមរម្យនេះ ស្ថិតក្នុងតំបន់ប្រជុំជនទីរួមខេត្តសៀមរាប លក់ក្នុងតម្លៃត្រឹមតែ 45,000$ ប៉ុណ្ណោះ។

ក្រៅពីលក់ក្នុងតម្លៃទាបជាងទីផ្សារហើយ គម្រោងផ្ទះវីឡាកូនកាត់ទើបបើកលក់គម្រោងថ្មីនេះ ក៏ស្ថិតក្នុងតំបន់ដ៏មានសក្ដានុពលខ្លាំងបំផុតប្រចាំខេត្ត ស័ក្តិសមបំផុតសម្រាប់ការទិញរស់នៅ ធ្វើជាផ្ទះលម្ហែរ ឬទិញទុកវិនិយោគជួល ឬលក់យកចំណេញទៅថ្ងៃក្រោយ។

ហេតុអ្វីទិញផ្ទះវីឡាកូនកាត់ក្នុងបុរី ឃាង កលិកា ខេត្តសៀមរាប?

តាមការឱ្យដឹងរបស់លោកឧកញ៉ា អ៊ឺង ឃាង អគ្គនាយក អ៊ឹង ឃាង គ្រុប ឯ.ក និងជាសមាជិកសមាគមអ្នកអភិវឌ្ឍន៍លំនៅឋានកម្ពុជា បានបញ្ជាក់ថា ក្រៅពីលក់ក្នុងតម្លៃសមរម្យធូរថ្លៃជាងទីផ្សារ គម្រោងផ្ទះវីឡាកូនកាត់ដ៏ស្រស់ស្អាតនេះ ក៏ស្ថិតនៅទីតាំង ដែលហ៊ុំព័ទ្ធដោយតំបន់អភិវឌ្ឍន៍ថ្នាក់ជាតិធំ” ចំនួន3 ប្រភេទនៅជុំវិញនោះ រួមមានដូចជា៖ អាកាសយានដ្ឋានអន្តរជាតិថ្មី សៀមរាប-អង្គរ ទីក្រុងថ្មី (New Grand City) និងទីក្រុងចិន (China Town) ដែលគម្រោងខ្នាតយក្សទាំង៣នេះ ក៏កំពុងបង្ហាញរូបរាងជាបណ្ដើរផងដែរ។

បន្ថែមពីនេះ ទីតាំងរបស់គម្រោងអភិវឌ្ឍន៍ផ្ទះវីឡាកូនកាត់នេះ ស្ថិតនៅចម្ងាយត្រឹមតែ ១៧០០ម៉ែត្រ ពីផ្សារទំនើបម៉ាក្រូសៀមរាប មានប្រជាជនរបស់នៅច្រើនកុះករ។ សំណង់ផ្ទះវីឡាកូនកាត់ ម៉ូដទាន់សម័យ គុណភាពសំណង់រឹងមាំ មានផ្លូវបេតុង និងហេដ្ឋារចនាសម្ព័ន្ធខ្វាត់ខ្វែង និងផ្ដល់ជូនការកាត់ប្លង់រឹងជូនអតិថិជនថែមទៀតផង។

អតិថិជនដែលមានបំណងចង់ក្លាយជាម្ចាស់ផ្ទះវីឡាកូនកាត់ដ៏ទាន់សម័យ លោកឧកញ៉ាបណ្ឌិត អ៊ឹង ឃាង អាចទំនាក់ទំនងកក់ ឬទិញពីឥឡូវបាន តាមរយៈលេខទូរស័ព្ទ 076 50 55555/069 23 5555៕

The post តម្លៃធូរជាងគេក្នុងតំបន់!ផ្ទះវីឡាកូនកាត់ ឧកញ៉ាបណ្ឌិត អ៊ឹង ឃាង លក់ថ្លៃក្រោមទីផ្សារ ៧០% appeared first on .

ឱកាសមាសក្នុងសម័យកាលកូវីដ ទិញដីឡូតិ៍អាជីវកម្មចំណេញហួសស្មាន ពីគម្រោងរបស់ឧកញ៉ា អ៊ឹង ឃាង

ឧកញ៉ាកោះក្របី — Sat, 27 Mar 2021 03:27:28 +0000

បើទោះបីកម្ពុជាស្ថិតក្នុងស្ថានភាពនៃជំងឺរាតត្បាតកូវីដ១៩យ៉ាងណាក្តី ក៏ម្ចាស់បុរី ឃាង កលិកា ឧកញ៉ា បណ្ឌិត អ៊ឹង ឃាង ប្រកាសក្តែងៗអំពីឪកាសមាសដែលមិនធ្លាប់មាន ឥឡូវបានកើតឡើងហើយសម្រាប់បងប្អូងប្រជាពលរដ្ឋចង់បានដីឡូតិ៍សម្រាប់ខ្នាតអាជីវកម្ម ស្ថិតក្នុងតំបន់មានសក្តានុពលខ្លាំង។ ទល់មុខច្រកចូលអាកាសយានដ្ឋានអន្តរជាតិសៀមរាបអង្គរថ្មី នៅក្បែរគម្រោងអភិវឌ្ឍន៍ទីក្រុងចិន ១០០០ហិចតា(airport city) នឹងគម្រោងបុរីរបស់ឧកញ៉ាបណ្ឌិត ជាប្រភេទបុរី ផ្ទះអាជីវកម្ម ដែលមានទំហំធំជាងគេក្នុងខេត្តសៀមរាប លើផ្ទៃដី៣៤ហិចតា សាងសង់ផ្ទះល្វែងនិងខុនដូ ទំនើបៗ។

សេដ្ឋីអចលនទ្រព្យ អ៊ឹង ឃាង បានថ្លែងលើទំព័រហ្វេសបុកថា “ឱកាសមាសក្នុងរដូវកាលកូវីដ១៩ ដីឡូតិ៍ខ្នាតអាជីវកម្ម សំរាប់លក់មានទំហំចាប់ពី ៣០០០មែត្រការ៉េឡេីងទៅ ដែលជាប់នឹងផ្លូវជាតិ៦៤។ គម្រោងដីឡូតិ៍ត្រូបានដីចាក់រួចរាល់ មានប្រព័ន្ធលូ ទឹក ភ្លើង រួចជាស្រេច ហើយអាចសាងសង់ បុរី រីសត ផ្ទះលំហែកាយ តំបន់ពាណិជ្ជកម្ម”។

សេដ្ឋីវ័យក្មេងជោគជ័យក្នុងមុខជំនួញអលចនទ្រព្យរូបនេះបានបន្តថា “គម្រោងដីឡូតិ៍នេះ ជាប់ច្រកចូលព្រលានយន្តហោះអន្តរជាតិសៀមរាបអង្គរថ្មី ខេត្តសៀមរាប ជាការវិនិយោគរបស់ប្រទេសចិន និងជាតំបន់ដែលអភិវឌ្ឍន៍ខ្លាំងក្នុងពេលដ៏ខ្លីខាងមុខ”។

ចំពោះតម្លៃដីឡូតិ៍វិញ គឺអាចចរចាបានក្នុងតំលៃពិសេសមិនធ្លាប់មាន ដើម្បីសួរព័ត៌មានលំអិតសូមទាក់ទកមកលោកឧកញ៉ា អ៊ឹង ឃាង ផ្ទាល់តែម្តង តាមរយៈបណ្តញសង្គម Telegram 076 566 6666។

គួររម្លឹកផងថា ក្នុងប្រវត្តិសាស្ត្រទីផ្សារអចលនទ្រព្យ សម្រាប់នៅប្រទេសកម្ពុជាមិនធ្លាប់មានឡើយដែលម្ចាស់បុរីហ៊ាន ផ្ដល់រង្វាន់ រថយន្តទំនើប ROLLS ROYCE PHANTOM ដល់អតិថិជននោះ ទើបតែឃើញឧកញ៉ា អ៊ឹង ឃាង ម្ចាស់ “បុរី ឃាង កលិកា” ហ៊ានប្រកាសផ្ដល់រង្វាន់រថយន្តទំនើបនេះ ដល់អតិជនដែលទិញផ្ទះរបស់លោកឧកញ៉ា។

លក្ខខណ្ឌដែលអតិថិជនអាចមានឱកាសឈ្មោះរង្វាន់រថយន្តទំនើប ROLLS ROYCE PHANTOMឆ្នាំ 2015 មួយគ្រឿង ដែលមានតម្លៃស្មើរនឹង 450,000 $លោកអ្នកគ្រាន់តែធ្វើការ ទិញ ដី ឫផ្ទះណាមួយពី “បុរី ឃាង កលិកា” ដែលមានទឹកប្រាក់ចាប់ពី 15,000$ ឡើងទៅ នោះលោកអ្នកទទួលបានឆ្នោតមួយសន្លឹងភ្លាមៗ៕

The post ឱកាសមាសក្នុងសម័យកាលកូវីដ ទិញដីឡូតិ៍អាជីវកម្មចំណេញហួសស្មាន ពីគម្រោងរបស់ឧកញ៉ា អ៊ឹង ឃាង appeared first on .

៣៤ហិចតាទល់មុខប្រលានយន្តហោះ ឧកញ៉ាបណ្ឌិត អ៊ឹង ឃាង ប្រកាសបើកគម្រោងថ្មីលើទឹកដីអង្គរ

ឧកញ៉ាកោះក្របី — Tue, 01 Dec 2020 12:03:03 +0000

ក្រោយប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន អញ្ជើញបើករដ្ឋានសាងសង់ និងកែលំអរផ្លូវ ចំនួន ៣៨ខ្សែ នៅខេត្តសៀមរាប កាលពីថ្ងៃទី៣០ ខែវិច្ឆិកាកន្លងទៅ។លោកឧកញ៉ា អ៊ឹង ឃាង ម្ចាស់ក្រុមហ៊ុន អ៊ឹង ឃាង គ្រុប បានប្រកាស ស្វាគមន៍គំរោងថ្មីលើទឹកដីអង្គរ ដោយប្រសិទ្ធនាមថា បុរី អ៊ឹង ឃាង សៀមរាប ដែលវិនិយោគលើទំហំផ្ទៃដី ៣៤ហិចតា នៅទល់មុខច្រកចូលអាកាសយានដ្ឋានអន្តរជាតិសៀមរាបថ្មី ជាតំបន់ដែលមានសក្តានុពលសេដ្ឋកិច្ចធំ និងក្នុងតំបន់អភិវឌ្ឍន៍ទីក្រុងថ្មីរបស់ដែនដីខេត្តសៀមរាប នៅថ្ងៃទី១ ខែធ្នូ ឆ្នាំ២០២០។

សូមបញ្ជាក់ថា លោកឧកញ៉ាបណ្ឌិត អ៊ឹង ឃាង ប្រធានក្រុមហ៊ុន អ៊ឹង ឃាង គ្រុប ជាម្ចាស់គម្រោងបុរី អ៊ឹង ឃាង សៀមរាប។

The post ៣៤ហិចតាទល់មុខប្រលានយន្តហោះ ឧកញ៉ាបណ្ឌិត អ៊ឹង ឃាង ប្រកាសបើកគម្រោងថ្មីលើទឹកដីអង្គរ appeared first on .