លោក កាំង ឡេង បានបន្ថែមថា៖ «ISI PARK ជាផ្នែកដ៏សំខាន់មួយនៃដំណើររបស់យើង និងជាទិសដៅអភិវឌ្ឍន៍មួយសម្រាប់តំបន់ទីក្រុងនៅប្រទេសកម្ពុជា ហើយយើងខ្ញុំជឿជាក់ថាការបន្តធ្វើឲ្យតំបន់នេះកាន់តែមានភាពរស់រវើកនឹងជួយជំរុញភាពរីកចម្រើនកាន់តែយូរអង្វែង ទាក់ទាញការវិនិយោគកាន់តែច្រើន និងលើកកម្ពស់គុណភាពជីវិតសម្រាប់សហគមន៍ជុំវិញតំបន់នេះ»។

លោក កាំង ឡេង ក៏បានរៀបរាប់ត្រួសៗពីប្រវត្តិនៃការឈរជើងរបស់ក្រុមហ៊ុន ISI GROUP មកទល់សព្វថ្ងៃនេះ គឺបានចាប់ផ្តើមដំបូងឡើយតាំងពីជាង ២៥ ឆ្នាំ មុនមកម៉្លេះ ដោយមានស្ថាបនិកដ៏ឆ្នើម គឺលោកឧកញ៉ា កាំង ម៉េងហ៊ុយ និងលោកស្រី ឃុន ហៀង ជាអ្នកចាប់ផ្តើមជាមួយនឹងបង្កើតក្រុមហ៊ុនយើងពីដំបូងទ្បើយ មានឈ្មោះថា International Steel Industrial ដែលសព្វថ្ងៃត្រូវបានស្គាល់ថាជាក្រុមហ៊ុន អាយ អេស អាយ ស្ទៀល (ISI STEEL)។

លោក កាំង ហុក អគ្គនាយកប្រតិបត្តិក្រុមហ៊ុន អឺបេនលែន (Urbanland) ក៏បានបង្ហាញពីចំណាប់អារម្មណ៍ ក្នុងនាមជាអ្នកអភិវឌ្ឍគម្រោងអចលទ្រព្យ និងស្ថាបត្យករមួយរូប ថា៖ « នៅអឺបេនលែន យើងតែងតែគិតគូរយ៉ាងហ្មត់ចត់ទៅលើការរចនា និងការបង្កើតទីតាំងដែលផ្តល់ជូននូវភាពវិជ្ជមាន និងមានអត្ថន័យមួយដល់ជីវិតរស់នៅរបស់អ្នកប្រើប្រាស់។ យើងប្រកាន់ខ្ជាប់នូវបេសកកម្មមួយនេះ ដោយមានការយកចិត្តទុកដាក់ខ្ពស់បំផុតទៅលើគម្រោងទាំងអស់ដែលយើងបានអភិវឌ្ឍ។ យើងជឿជាក់ថាយើងបានសម្រេចគោលដៅមួយនេះជាមួយដំណាក់កាលដំបូងនៃការអភិវឌ្ឍ ISI PARK វេង ស្រេង។ »

លោក កាំង ហុក ក៏បានបន្ថែមទៀតថា៖ « នេះគឺជាមោទកភាពមួយដោយបានចូលរួមជា ចំណែកនៃការផ្លាស់ប្តូរមុខមាត់នៅតំបន់ វេងស្រេង តាមរយៈគម្រោងអភិវឌ្ឍ ISI PARK វេង ស្រេង។ រូបខ្ញុំផ្ទាល់ ក៏ទន្ទឹងរង់ចាំនូវការរីកចម្រើនសំខាន់ៗផ្សេងទៀត ដែលនឹងបន្តកើតមាននៅក្នុងតំបន់នេះ នាពេលអនាគតផងដែរ។»

ក្នុងល្ងាចថ្ងៃជាមួយគ្នានេះដែរ ថ្នាក់ដឹកនាំក្រុមហ៊ុន និងបុគ្គលិកគ្រប់លំដាប់ថ្នាក់ រួមទាំងភ្ញៀវកិត្តិយសជាតិ និងអន្តរជាតិ ដៃគូសហការអាជីវកម្មទាំងអស់ ដែលបានចូលរួម ក៏បានធ្វើការអបអរគម្រប់ខួប ២ឆ្នាំ នៃផ្សារទំនើប ខេ ម៉ល វេង និងធ្វើការស្វាគមន៍គម្រោងថ្មីរបស់ខ្លួនគឺ ផ្ទះអាជីវកម្មចន្ទគីរី​ ក្នុងតំបន់ ISI PARK ។ ផ្ទះអាជីវកម្មចន្ទគីរី ដែលបានចាប់បើកលក់តាំងពីខែ​​ វិច្ឆិកា ឆ្នាំ២០២៣ ក្នុងតំបន់ ISI PARK នេះផងដែរ។

គួរបញ្ជាក់ដែរថា ផ្សារទំនើប ខេ ម៉ល បានបើកទ្វារទទួលស្វាគមន៍អ្នករស់នៅក្នុងតំបន់ វេង ស្រេង ប្រមាណជាង ៥០ម៉ឺននាក់ និងបម្រើសហគមន៍បុរីជាង ២០គម្រោង និងជាទីតាំងសម្រាប់សម្រាកលម្ហែកាយ ជាមួយការរៀបចំសួនធម្មជាតិចម្រុះសម្បូរបែប និងពោរពេញដោយគំនិតច្នៃប្រឌិតបំផុតពីអ្នកជំនាញក្នុងស្រុក។

ISI GROUP បានចាប់ផ្តើមពីអាជីវកម្មលក្ខណៈគ្រួសារតូចមួយ ប៉ុន្តែបច្ចុប្បន្ននេះ ISI GROUP គឺជាក្រុមហ៊ុនមួយ ក្នុងចំណោមក្រុមហ៊ុនសាជីវកម្មធំៗផ្សេងទៀត ដែលទទួលបានការគោរព និង ជោគជ័យបំផុតនៅក្នុងប្រទេសកម្ពុជា។​ ជាមួយនឹងបទពិសោធន៍នៅលើទីផ្សារ ជាង ២៥ ឆ្នាំ បុត្រសម្ព័ន្ធក្រុមហ៊ុនដ៏ល្បីល្បាញមួយនេះ គឺសុទ្ធសឹងតែជាក្រុមហ៊ុននាំមុខគេលើផ្នែកអគារ សំណង់ និង បច្ចេកវិទ្យាលំដាប់ប្រទេស។

សម្រាប់ក្រុមហ៊ុន អឺបេនលែន គឺជាក្រុមហ៊ុន បុត្រសម្ព័ន្ធរបស់ ISI GROUP  ហើយក៏ជាក្រុមហ៊ុនអភិវឌ្ឍគម្រោងអចលនទ្រព្យក្នុងស្រុកមួយ បង្កើតឡើងនៅឆ្នាំ ២០១៣ ដោយស្ថាបត្យករ លោក កាំង ហុក ដែលមានគោលដៅបង្កើតទីកន្លែងប្រកបដោយភាពច្នៃប្រឌិតខ្ពស់ ដើម្បីឱ្យមនុស្សគ្រប់គ្នារស់នៅ ធ្វើការ និងកម្សាន្ដ ដោយការប្ដេជ្ញាលើគុណភាព ភាពឋិតថេរ និងភាពផ្ចិតផ្ចង់។ លោកជឿជាក់ថា ការផ្ដោតលើតម្រូវការរបស់មនុស្សជាចម្បង គឺជាយុទ្ធសាស្ត្រដ៏ល្អបំផុតដើម្បីជួយលើកកម្ពស់ គុណភាពនៃការរស់នៅ និងបង្កើតបរិយាកាសប្រកបដោយផាសុកភាព៕ 

The post អគ្គនាយក ISI GROUP និងអគ្គនាយកប្រតិបត្តិក្រុមហ៊ុន អឺបេនលែន (Urbanland) ប្រកាសឈ្មោះជាផ្លូវការទីតាំងពាណិជ្ជកម្មចម្រុះ ISI PARK វេង ស្រេង  appeared first on .

ផ្សារទំនើប ខេ ម៉ល ព្រែកត្នោត នឹងចាប់ផ្តើមសាងសង់នៅក្នុងឆ្នាំ ២០២៣​ ដោយគ្រោងបញ្ចប់រួចរាល់ក្នុងឆ្នាំ ២០២៤​ លើដីទំហំជាង ៨០០០​ ម៉ែត្រការ៉េ និងមានទីតាំងស្ថិតនៅតាមបណ្តោយ​ផ្លូវជាតិលេខ ២​ ជាប់​នឹង​បុរីចន្ទគីរី (Borey Chankiri) ហើយ​ក៏ជាគម្រោងថ្មីមួយទៀតបង្កើតឡើងដោយក្រុមហ៊ុនឈ្នះពានរង្វាន់ អឺបេនលែន (Urbanland)។

ផ្សារទំនើបថ្មីនេះ បានប្រារព្ធ​ពិធីប្រកាសគម្រោងអភិវឌ្ឍន៍ជាផ្លូវការនៅថ្ងៃទី ១៩​ ខែកញ្ញា ឆ្នាំ២០២២​ ជាមួយ​នឹងពិធីចុះហត្ថលេខាលើអនុស្សរណៈយោគយល់គ្នា​រវាងផ្សារទំនើបឡាក់គី Lucky Supermarket ប្រោនកាហ្វេ BROWN និង Kungfu Kitchen ស្របពេលដែលដៃគូពិសេសៗ​ជាច្រើន​ទៀត​នឹងចូលរួមជាបន្តបន្ទាប់នាពេលអនាគត។

ផ្សារទំនើប ខេ​ ម៉ល​ ព្រែកត្នោត នឹងមានបង្កើតជាទីកន្លែងសម្រាប់ជួបជុំគ្នាជាសាធារណៈ ផ្លាហ្សាបើកចំហ​ធំទូលាយ ផ្សារតូបតូចៗ និងព្រឹត្តិការណ៍ដ៏គួរឱ្យរំភើបរីករាយផ្សេងៗទៀត ព្រមទាំងជាគោលដៅដ៏ល្អ​ឥត​ខ្ចោះ សម្រាប់ការ​ទិញ​ទំនិញ​ប្រចាំ​ថ្ងៃ និងការកម្សាន្តជាមួយក្រុមគ្រួសារ និង​ការ​ជួប​ជុំ​មិត្តភក្តិ។

សូម​បញ្ជាក់​ថា ក្រុមហ៊ុន អឺបេនលែន ជាក្រុមហ៊ុនអភិវឌ្ឍន៍អចលនទ្រព្យ ក្នុងស្រុកជាប់​លំដាប់ថ្នាក់មួយ ​​ដែល​បាន​អភិវឌ្ឍ​​​គម្រោង​ផ្សារ​ទំនើប​ ខេ ម៉ល (K Mall) ជាផ្សារទំនើបដំបូងគេបង្អស់​នៅលើមហាវិថី វេង ស្រេង និង​បាន​បើក​កាល​ពី​ខែ​វិច្ឆិកា ឆ្នាំ២០២១។ ​​បន្ទាប់ពី​ទទួល​បាន​ជោគជ័យ​នៅ​គម្រោង​ទី​១​នេះ ​​ទើប​លោក កាំង ហុក ​​អាច​ឈាន​ដល់​ការ​ពង្រីក​សាខា​ថ្មី​ជា​បន្ត​ទៀត៕

​

The post កូនឧកញ៉ា កាំង ម៉េងហ៊ុយ ប្រកាសបើកផ្សារទំនើប K Mall ទី២ នៅព្រែកត្នោត appeared first on .

ម្ចាស់ក្រុមហ៊ុន អឺបេនលែន (Urbanland) គឺលោក កាំង ហុក ជាកូនប្រុសបង្កើត​របស់​ឧកញ៉ា កាំង ម៉េងហ៊ុយ និង​លោកជំទាវ ឃុន ហៀង ដែលជា​ស្ថាបនិក​ក្រុមហ៊ុន​សម្ព័ន្ធ ISI Group។ លោក កាំង ហុក បច្ចុប្បន្ន​មានវ័យ​ជិត​ ៤០​ឆ្នាំ ​​បាន​​កើត​នៅ​ទីក្រុង​ភ្នំពេញ។ លោក​បាន​បញ្ចប់​ថ្នាក់​វិទ្យាល័យ​នៅ​រាជធានី​ភ្នំពេញ ​និង​បាន​បញ្ចប់​ថ្នាក់​បរិញ្ញាបត្រ​​ចំនួន​ពីរ​ ​លើ​ជំនាញ​ស្ថាបត្យកម្ម និង​​ជំនាញ​សហគ្រិនភាព ពីសាកលវិទ្យាល័យ Washington ​​សហរដ្ឋអាមេរិក នៅ​ឆ្នាំ២០០៩។

​ក្រោយ​ត្រឡប់​មក​ប្រទេសកម្ពុជា​វិញ ដោយសារ​មាន​ជំនាញ​ស្ថាបត្យកម្ម និង​​​គោលដៅ​​​ចង់​ធ្វើ​អាជីវកម្ម​ផង​នោះ លោក កាំង ហុក ​​បាន​​ផ្តួច​ផ្តើម​​ស្ថាបនា​​​ហាង​កាហ្វេ​ Brown ដ៏​ល្បី​​ជា​ច្រើន​ទីតាំង​នៅ​កម្ពុជា និង​បាន​បង្កើត​ក្រុមហ៊ុន​ Urbanland ក្នុងឆ្នាំ ២០១៣។​ ក្រុមហ៊ុន​ Urbanland ក៏ជាក្រុមហ៊ុន​មួយនៃសហព័ន្ធ​ក្រុមហ៊ុន ISI GROUP ហើយទទួលបានកេរ្តិ៍ឈ្មោះក្នុងនាមជាក្រុមហ៊ុនអភិវឌ្ឍន៍ពេញលេញ ដោយមាន​ទំនោរ​ពិសេស​មួយ​សម្រាប់គំនិតកែច្នៃជីវភាពប្រកបដោយសោភ័ណភាពទាក់ភ្នែក ដូចដែល​ឃើញ​តាម​រយៈគម្រោង​អភិវឌ្ឍន៍ ដែលជាប់ជ័យលាភីរួមមាន Raintree (ពាណិជ្ជកម្ម), Embassy Residences and Embassy Central (ខុនដូបែបប្រណីត) និងសណ្ឋាគាររចនាម៉ូដបែប​ប្រណីតដំបូងគេនៅ​ក្រុង​សៀមរាប Treeline Urban Resort។

Urbanland នឹងបន្តនូវគម្រោងអភិវឌ្ឍន៍ដំបូងគេមួយទៀត​នៅតំបន់​វេងស្រេងគឺ KMH Park ដែលជា​ផែនការធំថ្មី បូកបញ្ចូលចក្ខុវិស័យដ៏វែងឆ្ងាយក្នុងការប្រែក្លាយ​ដី​ឧស្សាហកម្ម ដែលមានស្រាប់ទៅជាតំបន់​រស់នៅ និងធ្វើពាណិជ្ជកម្ម ដែលក្នុងនោះរួមមានការិយាល័យ ហាងលក់ទំនិញ លំនៅឋាន និងសួនលម្ហែ​កាយ​បែបធម្មជាតិ។

សម្រាប់​ផ្សារទំនើប K Mall គឺ​មានទីតាំងនៅតាមបណ្ដោយមហាវិថី វេង ស្រេង មានចម្ងាយប្រមាណ​៥នាទីប៉ុណ្ណោះ ពីផ្លូវបំបែកស្ទឹងមានជ័យ និង រង្វង់មូលចោមចៅ។ អតិថិជនក៏អាចធ្វើដំណើរពីផ្លូវជាតិ​លេខ​៣ និងមហាវិថី ហ៊ុនសែន (ផ្លូវ ៦០ម៉ែត្រ) បានផងដែរ។ K Mall មានកន្លែងសម្រាប់ជួល ១២,០០០ ម៉ែត្រការ៉េ ដែលលាតសន្ធឹងលើកម្ពស់បីជាន់ ហើយ K Mall នេះ នឹងបង្កើនភាពរស់រវើកយ៉ាងសម្បូរបែប ដោយរួមបញ្ចូលនូវអាហារ និងភេសជ្ជៈចម្រុះជាច្រើនមុខ ភាពងាយស្រួលក្នុងការដើរទិញឥវ៉ាន់ប្រចាំថ្ងៃ ការកម្សាន្ត ការបង្ហាញសម្លៀកបំពាក់ និង ស្បែកជើងជាច្រើនម៉ូដ ដែលធ្វើឱ្យ K Mall ក្លាយជាទិសដៅមួយ សម្រាប់បំពេញរាល់តម្រូវការប្រចាំថ្ងៃរបស់អតិថិជន ដែលរស់នៅក្នុងតំបន់វេងស្រេងផងដែរ៕

The post ណែនាំឱ្យស្គាល់កូនឧកញ៉ាម្នាក់ ជាម្ចាស់ផ្សារទំនើប K Mall នៅផ្លូវវេងស្រេង appeared first on .