បងបង្កើតអ្នកឧកញ៉ា គិត ម៉េង ឧបត្ថម្ភដល់កីឡាករ បឺត សង្ឃឹម ចូលរួមប្រកួតដណ្តើមខ្សែក្រវាត់ WBC នៅអូស្ត្រាលី

ឧកញ៉ាកោះក្របី — Sat, 17 Feb 2024 09:15:45 +0000

កីឡាករជើងខ្លាំងម្ចាស់មេដាយមាសស៊ីហ្គេម ២ជំនាន់ជាប់ៗគ្នារបស់កម្ពុជា បឺត សង្ឃឹម បានចូលរួមប្រកួតដណ្តើមខ្សែក្រវាត់ពិភពលោក WBC ទម្ងន់ ៥៧ គីឡូក្រាម នៅលើទឹកដីអូស្រ្តាលី ជាលើកដំបូង នាថ្ងៃទី១៧ ខែកុម្ភៈនេះ។

កីឡាករ បឺត សង្ឃឹម ប្រកួតជាមួយអ្នកប្រដាល់ជើងខ្លាំងរបស់ថៃ Yothin FA Group ជាម្ចាស់ខ្សែក្រវាត់ IFMA World Championships និងខ្សែក្រវាត់ Rajadamnern World Series 126 lbs ក្នុងទម្ងន់ ៥៧ គីឡូក្រាម។

ដើម្បីលើកទឹកចិត្តដល់ប្រតិភូ និងកីឡាករ បឺត សង្ឃឹម បងប្រុសបង្កើតអ្នកឧកញ៉ា គិត ម៉េង ម្ចាស់ធនាគារ វីង គឺអ្នកឧកញ៉ា គិត ធាង អតីតម្ចាស់ក្លិបរ៉ក់ (Rock) បានប្រកាសផ្តល់លុយ ១ពាន់ដុល្លារដល់កីឡាករបឺត សង្ឃឹម។

លោក សំណព្វ អតីតបុគ្គលិកស្ថានីយ៍ទូរទស្សន៍ PNN ផ្នែកព័ត៌មានកីឡារបស់អ្នកឧកញ៉ា លី យ៉ុងផាត់ បានបង្ហាញលើទំព័រហ្វេសប៊ុករបស់ខ្លួនកាលថ្ងៃទី១៥កុម្ភៈកន្លងទៅថា៖ «អ្នកឧកញ៉ា គិត ធាង បានឧបត្ថម្ភថវិកា ១,០០០ដុល្លារ ដល់ប្រតិភូ គ្រូបង្វឹក និងកីឡាករ បឺត សង្ឃឹម ដើម្បីចូលរួមប្រកួតខ្សែក្រវាត់ WBC នៅអូស្ត្រាលី ចុងសប្តាហ៍នេះ»។

សូមជម្រាបជូនថា អ្នកឧកញ៉ា គិត ធៀង ជាម្ចាស់គម្រោងអគារពាណិជ្ជកម្ម និងខុនដូកម្ពស់៦២ Royal One នៅលើមហាវិថីសហព័ន្ធរុស្ស៊ី រាជធានីភ្នំពេញ។ វត្តមានអគារពាណិជ្ជ កម្ម និងខុនដូកម្ពស់៦២នេះ គឺជាការបោះទុនរួមគ្នារវាងក្រុមហ៊ុន Royal Group និងក្រុមហ៊ុនវិនិយោគ របស់តៃវ៉ាន់៕

The post បងបង្កើតអ្នកឧកញ៉ា គិត ម៉េង ឧបត្ថម្ភដល់កីឡាករ បឺត សង្ឃឹម ចូលរួមប្រកួតដណ្តើមខ្សែក្រវាត់ WBC នៅអូស្ត្រាលី appeared first on .

លោក ខៀ សុភ័គ៖ ឧកញ៉ា គិត ធាង ត្រូវបានដោះលែងតាមសាលដីការបស់សាលាឧទ្ធរណ៍

ឧកញ៉ាកោះក្របី — Tue, 18 May 2021 02:56:51 +0000

លោកឧកញ៉ា គិត ធាង អ្នកជំនួញលេចធ្លោម្នាក់ ត្រូវបានសាលាដំបូងរាជធានីភ្នំពេញដោះលែងឲ្យមានសេរីភាពវិញ កាលពីពេលថ្មីៗនេះ តាមដីកាសម្រេចរបស់សាលាឧទ្ធរណ៍។ នេះបើយោងតាមមន្រ្តីរដ្ឋាភិបាល។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

ឧកញ៉ា គិត ធាង មានអាយុ៥៥ឆ្នាំ ជាម្ចាស់អតីតមណ្ឌលកម្សាន្តរ៉ុក (ROCK) ដែលត្រូវបានចាប់ខ្លួនកាលពីអំឡុងខែមីនា ឆ្នាំ២០១៩ ពីបទជាប់ពាក់ព័ន្ធការចែកចាយគ្រឿងញៀននៅមណ្ឌលកម្សាន្តរ៉ុក។ ក្រោយមក គឺក្នុងអំឡុងខែមីនាដដែល លោកត្រូវបានបណ្តាញព័ត៌មានក្នុងស្រុករាយការណ៍ថា ត្រូវបានតុលាការផ្តន្ទាទោសឲ្យជាប់ពន្ធនាគាររយៈពេល៤ឆ្នាំ ក្រោមបទចោទថា ចាត់ចែងនិងសម្រួលឲ្យមានការប្រើប្រាស់ដោយខុសច្បាប់នូវសារជាតិញៀននិងបទសមគំនិត។

អ្នកនាំពាក្យក្រសួងមហាផ្ទៃ លោកនាយឧត្តមសេនីយ៍ ខៀវ សុភ័គ បានប្រាប់វីអូអេនៅថ្ងៃចន្ទថា ឧកញ៉ា គិត ធាង ត្រូវបានដោះលែងតាមសាលដីការបស់សាលាឧទ្ធរណ៍ តែលោកមិនចាំច្បាស់កាលបរិច្ឆេទនៃសេចក្តីសម្រេចរបស់សាលាឧទ្ធរណ៍នោះទេ។ ឧកញ៉ា គិត ធាង បានជាប់ពន្ធនាគារប្រមាណ២ឆ្នាំ គិតមកត្រឹមថ្ងៃដោះលែងឲ្យមានសេរីភាពឡើងវិញ។

បើតាមលោក ខៀវ សុភ័គ ឧកញ៉ា គិត ធាង មានសំណុំរឿងគ្រឿងញៀនចំនួនពីរនៅសាលាដំបូងរាជធានីភ្នំពេញ គឺករណីមួយពាក់ព័ន្ធនឹងការផ្តល់ទីតាំងឲ្យប្រើប្រាស់គ្រឿងញៀន និងករណីមួយទៀត គឺពាក់ព័ន្ធនឹងការសង្ស័យថា លោកជួញដូរគ្រឿងញៀន។

រូបភាព Cambonomis

លោកឧកញ៉ា គិត ធាង គឺជាបងប្រុសបង្កើតរបស់អ្នកឧកញ៉ា គិត ម៉េង ដែលជាអ្នកមានលំដាប់កំពូលមួយរូបនៅកម្ពុជា ជាម្ចាស់ក្រុមហ៊ុន Royal Group និងជាប្រធានសភាពាណិជ្ជកម្មកម្ពុជា៕

The post លោក ខៀ សុភ័គ៖ ឧកញ៉ា គិត ធាង ត្រូវបានដោះលែងតាមសាលដីការបស់សាលាឧទ្ធរណ៍ appeared first on .

ឧកញ៉ា គិត ធាង

បងបង្កើតអ្នកឧកញ៉ា គិត ម៉េង ឧបត្ថម្ភដល់កីឡាករ បឺត សង្ឃឹម ចូលរួមប្រកួតដណ្តើមខ្សែក្រវាត់ WBC នៅអូស្ត្រាលី

លោក ខៀ សុភ័គ៖ ឧកញ៉ា គិត ធាង ត្រូវ​បាន​ដោះ​លែង​តាម​សាល​ដីកា​របស់​សាលា​ឧទ្ធរណ៍

លោក ខៀ សុភ័គ៖ ឧកញ៉ា គិត ធាង ត្រូវបានដោះលែងតាមសាលដីការបស់សាលាឧទ្ធរណ៍