ព្រះមហាក្សត្រ ផ្តល់គោរមងារ«អ្នកឧកញ៉ា» ជូនឧកញ៉ា គឹម សុខអេង

ឧកញ៉ាកោះក្របី — Thu, 17 Aug 2023 12:02:44 +0000

ឧកញ៉ា គឹម សុខអេង ត្រូវបានព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ត្រាស់បង្គាប់ផ្តល់គោរមងារ «អ្នកឧកញ៉ា» ថ្ងៃទី១៥ ខែសីហា ឆ្នាំ២០២៣ តាមរយៈព្រះរាជក្រឹត្យលេខ នស/រកត/០៨២៣/១៨៧៤។

ការផ្តល់គោរមងារអ្នកឧកញ៉ាជូនឧកញ៉ា គឹម សុខអេង តាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្រ្តី។

សូមជម្រាបជូនថា កាលដែលព្រះករុណាជាអម្ចាស់ជីវិតតម្កល់ត្បូងត្រាស់បង្គាប់ផ្តល់គោរមងារអ្នកឧកញ៉ានេះ គឺរំលងមិនដល់មួយខែផងបន្ទាប់ពីឧកញ៉ា គឹម សុខអេង ទទួលបានគោរមងារឧកញ៉ា ពោលគឺនៅថ្ងៃទី០៦ ខែកក្កដា ឆ្នាំ២០២៣។

លោក គឹម សុខអេង ត្រូវបានដឹងថា ជាម្ចាស់បុរី ខេស៊ី (Borey KC) នៅជិតផ្សារព្រែកព្នៅ ខណ្ឌព្រែកព្នៅ។ លោកឧកញ៉ាក៏ជាអគ្គនាយក Eng Design & Construction, ស្ថាបនិកក្លិបហាត់ប្រាណ បឹងកេងកង និងជាសហស្ថាបនិកក្រុមហ៊ុនពុះដីឡូត៍ នៅខេត្តកោះកុងផងដែរ។ លើសពីនេះឧកញ៉ាក៏ជាជំនួយការឯកឧត្ដម អ្នកឧកញ៉ាបណ្ឌិត យូ សាម៉េត ទៀតផង៕

The post ព្រះមហាក្សត្រ ផ្តល់គោរមងារ«អ្នកឧកញ៉ា» ជូនឧកញ៉ា គឹម សុខអេង appeared first on .

ព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» ជូនម្ចាស់បុរី ខេស៊ី

ឧកញ៉ាដែនដី — Sat, 08 Jul 2023 13:33:57 +0000

ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់ផ្តល់គោរមងារ លោក គឹម សុខអេង ជា «ឧកញ៉ា» កាលពីថ្ងៃទី០៦ ខែកក្កដា ឆ្នាំ២០២៣។

លោក គឹម សុខអេង ត្រូវបានគេស្គាល់ថា ជាម្ចាស់បុរី ខេស៊ី (Borey KC) នៅជិតផ្សារព្រែកព្នៅ ខណ្ឌព្រែកព្នៅ ដែលជាបុរីលំនៅឋានបែបទំនើប និងទាន់សម័យ ត្រូវបានសាងសង់ឡើងជា៣ប្រភេទ រួមមានប្រភេទ Link House, Shop House និងប្រភេទ Twin Villa។ លោកក៏ជាអគ្គនាយក Eng Design & Construction, ស្ថាបនិកក្លិបហាត់ប្រាណ បឹងកេងកង និងជាសហស្ថាបនិកក្រុមហ៊ុនពុះដីឡូត៍ នៅខេត្តកោះកុង ផងដែរ៕

The post ព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» ជូនម្ចាស់បុរី ខេស៊ី appeared first on .