ឧកញ៉ា ង៉ូវ លាងហួត

ឧកញ៉ា ង៉ូវ លាងហួត កំពុងវិនិយោគរោងចក្រផ្គុំនិងដំឡើងរថយន្តតម្លៃ ៧លានដុល្លារក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ប៉ោយប៉ែត

ឧកញ៉ាកោះក្របី — Sun, 25 Feb 2024 02:14:00 +0000

ក្រុមហ៊ុន HGB Motors Assembly Co., Ltd ដែលវិនិយោគដោយពាណិជ្ជករវ័យក្មេងជាប់ខ្សែស្រឡាយចិនកំពុងជោគជ័យខាងផ្នែកនាំចូលនិងចែកចាយរថយន្តសេរីទំនើបល្បីៗ ចូលមកកាន់ទីផ្សារប្រទេសកម្ពុជា គឺឧកញ៉ា ង៉ូវ លាងហួត កំពុងវិនិយោគរោងចក្រផ្គុំនិងដំឡើងរថយន្តក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ប៉ោយប៉ែត របស់អ្នកឧកញ៉ា គិត ម៉េង។

រោងចក្រផ្គុំ និងដំឡើងរថយន្តរបស់ក្រុមហ៊ុន HGB Motors ជាបុត្តសម្ព័ន្ធមួយរបស់ក្រុមហ៊ុន HGB Group កំពុងមានខ្សែសង្វាក់ផលិតកម្មក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ក្រុងប៉ោយប៉ែត ខេត្តបន្ទាយមានជ័យ ក្នុងទុនវិនិយោគ ៧លានដុល្លារអាមេរិក មានទីផ្សារលក់នៅក្នុងស្រុក បានបង្កើតការងារចំនួន ៧៦កន្លែង។ នេះបើតាមរបាយការណ៍បង្ហាញក្នុងដំណើរទស្សនកិច្ចរបស់អនុប្រធានទី១ក្រុមប្រឹក្សាអភិវឌ្ឍន៍កម្ពុជា ឧបនាយករដ្ឋមន្រ្តី ស៊ុន ចាន់ថុល កាលពីថ្ងៃទី២៤ ខែកុម្ភៈ ឆ្នាំ២០២៤។

គួររំលឹកថា ក្រុមហ៊ុន HGB Motors ត្រូវបានក្រុមប្រឹក្សាអភិវឌ្ឍន៍កម្ពុជា យល់ព្រមសំណើសុំវិនិយោគគម្រោងបង្កើតរោងចក្រផ្គុំ និងដំឡើងរថយន្តរបស់ខ្លួន កាលពីខែកញ្ញា ឆ្នាំ២០២១កន្លងទៅដែលមានទុនវិនិយោគ ៧លានដុល្លារ និងអាចបង្កើតការងារបានចំនួន ១៦៥កន្លែង។

ក្នុងរយៈពេលប៉ុន្មានឆ្នាំចុងក្រោយនេះកម្ពុជាកំពុងទាក់ទាក់ទាញក្រុមហ៊ុនផលិតរថយន្តម៉ាកយីហោល្បីៗរបស់ពិភពលោកចូលមកបណ្តាក់ទុនបង្កើតរោងចក្រកាន់តែច្រើនឡើង ខណៈបច្ចុប្បន្នកម្ពុជាមានរោងចក្រដំឡើងរថយន្តជាច្រើន រួមមាន៖ ក្រុមហ៊ុន Hyundai, Kia, Ssangyong, Soueast, Dongfeng, Ford, Toyota, ISUZU និង GTV MOTOR ជាដើម៕

The post ឧកញ៉ា ង៉ូវ លាងហួត កំពុងវិនិយោគរោងចក្រផ្គុំនិងដំឡើងរថយន្តតម្លៃ ៧លានដុល្លារក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ប៉ោយប៉ែត appeared first on .

តើក្រុមហ៊ុន HGB របស់ឧកញ៉ា ង៉ូវ លាងហួត មាន Showroom បង្ហាញរថយន្ត Mazda ប៉ុន្មានសាខា?

ឧកញ៉ាដែនដី — Wed, 29 Nov 2023 00:00:00 +0000

កាលពីដើមខែវិច្ឆិកា ឆ្នាំ២០២៣នេះ លោកឧកញ៉ា ង៉ូវ លាងហួត អគ្គនាយកក្រុមហ៊ុន HGB Group បានសម្ពោធអគារតាំងបង្ហាញ (Showroom) រថយន្ត Mazda ដ៏ទំនើបថ្មីមួយទៀត នៅផ្លូវ ៦០ម៉ែត្រ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។

ពិធីបើកសម្ពោធអគារតាំងបង្ហាញរថយន្ត Mazda សាខាមានជ័យ ដ៏អស្ចារ្យ នាថ្ងៃទី០៦ ខែវិច្ឆិកា ឆ្នាំ២០២៣ បានធ្វើឡើងក្រោមអធិបតីភាពលោក គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកអគ្គនាយកដ្ឋានពន្ធដារ និងលោកឧកញ៉ា ង៉ូវ លាងហួត ម្ចាស់ក្រុមហ៊ុន HGB Auto Co, Ltd ដែលទទួលបានសិទ្ធិលក់ចែកចាយផ្តាច់មុខរថយន្ត Mazda នៅព្រះរាជាណាចក្រកម្ពុជា។

គិតមកទល់បច្ចុប្បន្ន អគារតាំងបង្ហាញ (Showroom) រថយន្ត Mazda នៅកម្ពុជា មាន៣សាខាហើយគឺ ១)សាខាពោធិ៍ចិនតុង ស្ថិតនៅលើផ្លូវសហព័ន្ធរុស្សី ទល់មុខរាជបណ្ឌិត្យសភាកម្ពុជា, ២)សាខាព្រះមុន្នីវង្ស ស្ថិតនៅលើផ្លូវ ៤៣២ កែងផ្លូវព្រះមុន្នីវង្ស និង ៣)សាខាមានជ័យ ស្ថិតនៅលើផ្លូវ៦០ម៉ែត្រ។ Showroom សាខាទី៣ ជាអគារតាំងបង្ហាញដ៏ធំជាងគេ សាងសង់ឡើងលើផ្ទៃដីប្រមាណ ៣៦០០ម៉ែត្រការ៉េ ជាមួយនឹងការឌីហ្សាញបែបធម្មជាតិទំនើបទាន់សម័យ មានកន្លែងក្មេងលេង រោងភាពយន្ត កន្លែងស្តាប់តន្ត្រី មានកៅអីអង្គុយម៉ាស្សា និងកន្លែងលក់វត្ថុអនុស្សាវរីយ៍ និងទីតាំងបង្ហាញរថយន្តនៅជាន់ក្រោម។

រថយន្ត Mazda បានឈរជើងនៅកម្ពុជារយៈពេល ១១ឆ្នាំមកហើយ និងត្រូវបានអតិថិជននៅកម្ពុជាជាច្រើន យល់ថាជារថយន្តមួយស្ថិតក្នុងចំណោមរថយន្តដែលមានគុណភាពខ្ពស់ និងមានប្រព័ន្ធបច្ចេកវិទ្យាទំនើបចុងក្រោយទាន់សម័យផងដែរ។

សូមជម្រាបថា ឧកញ៉ា ង៉ូវ លាងហួត ជាអ្នកជំនួញលេចធ្លោមួយរូបនៅកម្ពុជា និងជាម្ចាស់ក្រុមហ៊ុន HGB Group ដែលនាំចូលរថយន្តម៉ាកល្បីប្រណីតៗ និងថ្លៃៗបំផុតនៅលើពិភពលោក ចូលមកទីផ្សារប្រទេសកម្ពុជា។ រថយន្តប្រណីតៗដែលក្រុមហ៊ុន HGB Group នាំចូល និងលក់ចែកចាយនៅកម្ពុជា មានដូចជា៖ Rolls Royce, Bentley, Lamborghini, Aston Martin, McLaren, Maserati, Jeep, RAM, BMW, Volvo, Volkswagen, Kia, Harley-Davidson និង Mazda៕

The post តើក្រុមហ៊ុន HGB របស់ឧកញ៉ា ង៉ូវ លាងហួត មាន Showroom បង្ហាញរថយន្ត Mazda ប៉ុន្មានសាខា? appeared first on .

ក្រុមហ៊ុន HGB Group របស់ឧកញ៉ា ង៉ូវ លាងហួត ធានាបន្តជួសជុលឡាន Porsche ក្រោយក្រុមហ៊ុន ប្រកាសឈប់នាំចូលកម្ពុជា

ឧកញ៉ាដែនដី — Sat, 01 Apr 2023 06:10:22 +0000

កាលពីព្រលប់ថ្ងៃសុក្រ ទី៣១ ខែមីនា ឆ្នាំ២០២៣ ក្រុមហ៊ុន Precision Cars (Cambodia) Limited បានប្រកាសសេចក្តីជូនដំណឹងមួយថា ក្រុមហ៊ុននឹងបញ្ចប់ដំណើរការទទួលសិទ្ធិក្នុងការនាំចូលចែកចាយ និងដាក់លក់ជាផ្លូវការនូវគ្រប់ប្រភេទរថយន្ត Porsche ប្រចាំព្រះរាជាណាចក្រកម្ពុជា ចាប់ពីថ្ងៃទី៣១ ខែមីនា ឆ្នាំ២០២៣ តទៅ។

ទទឹមនឹងការប្រកាសដ៏សោកសៅនេះ ក្រុមហ៊ុន Precision Cars ក៏សូមថ្លែងអំណរគុណយ៉ាងជ្រាលជ្រៅដល់អតិថិជនទាំងអស់ ចំពោះការគាំទ្រដល់ក្រុមហ៊ុន អស់រយៈពេលជាច្រើនឆ្នាំកន្លងមក។ ក្រុមហ៊ុន សង្ឃឹមថាអតិថិជនទាំងអស់ នឹងបន្តប្រើប្រាស់រថយន្ត Porsche តទៅទៀត។

សេចក្តីប្រកាសដដែល បានបន្ថែមថា ចាប់ពីថ្ងៃទី០១ ខែមេសា ឆ្នាំ២០២៣ តទៅ ក្រុមហ៊ុន HGB Group នឹងចូលខ្លួនមកបន្តដំណើរការ ជាអ្នកផ្តល់សេវាកម្មផ្នែកជួសជុល ថែទាំ និងផ្តល់ការធានារថយន្ត Porsche នៅកម្ពុជា។

ក្រុមហ៊ុន HGB Group ដែលមានលោកឧកញ៉ា ង៉ូវ លាងហួត ជាម្ចាស់ក្រុមហ៊ុន កំពុងនាំចូលរថយន្តម៉ាកល្បីៗ ប្រណីតៗ និងថ្លៃៗបំផុតនៅលើពិភពលោក ចូលមកទីផ្សារប្រទេសកម្ពុជា។ រថយន្តប្រណីតៗដែលក្រុមហ៊ុន HGB Group នាំចូល និងលក់ចែកចាយនៅកម្ពុជា មានដូចជា៖ Rolls Royce, Bentley, Lamborghini, Aston Martin, McLaren, Maserati, Jeep, RAM, BMW, Volvo, Volkswagen, Kia, Harley-Davidson និង Mazda ផងដែរ។

សូមជម្រាបថា ក្រុមហ៊ុន Precision Cars Limited (Porsche Cambodia) បានបង្កើតឡើង ចាប់តាំងពីឆ្នាំ២០១៣ ដែលជាក្រុមហ៊ុនទទួលសិទ្ធិនាំចូលលក់ចែកចាយផ្តាច់មុខ នូវរថយន្តទំនើបៗ Porsche របស់ប្រទេសអាល្លឺម៉ង់ ជាច្រើនប្រភេទ ព្រមទាំងគ្រឿងបន្លាស់រថយន្ត Porsche ផ្សេងៗ ប្រចាំនៅប្រទេសកម្ពុជា។ ក្រុមហ៊ុនមួយនេះ មានទីតាំងនៅលើផ្លូវ ៦០ម៉ែត្រ (មហាវិថី សម្តេចតេជោ ហ៊ុន សែន) កែងនឹងមហាវិថីឧកញ៉ា ហ៊ុន នាង សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ៕

The post ក្រុមហ៊ុន HGB Group របស់ឧកញ៉ា ង៉ូវ លាងហួត ធានាបន្តជួសជុលឡាន Porsche ក្រោយក្រុមហ៊ុន ប្រកាសឈប់នាំចូលកម្ពុជា appeared first on .

មកដល់ខ្មែរហើយ Aston Martin DBX707 រថយន្តប្រណីត ល្បឿនលឿនបំផុត ខ្លាំងបំផុតក្នុងប្រវត្តិសាស្ត្រ

អ្នកឧកញ៉ាវត្តភ្នំ — Fri, 09 Sep 2022 05:25:14 +0000

កាលពីថ្ងៃទី០៦ កញ្ញា ២០២២ ក្រុមហ៊ុន HGB Group CO.,Ltd បានបង្ហាញវត្តមានកំពូលរថយន្ត SUV ដ៏ប្រណីតលំដាប់ពិភពលោក គឺរថយន្ត Aston Martin ម៉ូឌែល DBX707 ស៊េរីឆ្នាំ២០២៣ ដ៏ថ្មីសន្លាង។ រចនាឡើងជាមួយនឹង ភាពសម្បូរបែបនៃធាតុផ្សំ និងសមត្ថភាពគួរឱ្យទាក់ទាញ Aston Martin DBX707 គឺជារថយន្ត SUV ចុងក្រោយបង្អស់នៅក្នុង គ្រប់ទិដ្ឋភាពនិងបង្ហាញពីការរួមបញ្ចូលគ្នាដ៏ពិសេសនៃការបើកបរដ៏ ភ្លឺស្វាង សក្ដានុពលកំពូល រចនាបទនិងប្រណីតមិនធ្លាប់។

លោក Jason Broome នាយកគ្រប់គ្រងក្រុមហ៊ុន Aston Martin Phnom Penh មានប្រសាសន៍ថា “តាំងពីដើមដំបូងមក DBX បានបង្កប់នូវរចនាបទ និងតម្លៃនៃការរចនារបស់ Aston Martin តាមរបៀបដែលបង្ហាញថាមិនមែនរថយន្ត SUV ទាំងអស់ត្រូវតែធ្វើតាមការសម្របសម្រួលដូចគ្នានោះទេ។ ជាមួយនឹង DBX707 Aston Martin បានរុញច្រានព្រំដែននៅគ្រប់តំបន់ដើម្បីបង្កើតរថយន្តដែល កំណត់ស្តង់ដារ ថ្មីនៃការអនុវត្ត និងការចង់បាន។ រថយន្តដែលលឿនបំផុត កម្លាំងខ្លាំងបំផុត ការគ្រប់គ្រងល្អបំផុត និងទាក់ទាញបំផុត នៃប្រភេទរបស់វា វាជំរុញ Aston Martin ដល់ចំណុចកំពូលនៃដំណើរការរថយន្ត SUV”។

នាយកគ្រប់គ្រងក្រុមហ៊ុន Aston Martin Phnom Penh ដដែលរូបនេះ បញ្ជាក់បន្ថែមទៀតថា ក្រុមវិស្វកររបស់ Aston Martin បានកំណត់អំពីការសម្រេចបាននូវ សក្តានុពលពេញលេញនៃម៉ាស៊ីន V8 ចំណុះ 4.0 លីត្រ DBX ។ ម៉ាស៊ីនរបស់ DBX707 ឥឡូវនេះមានបំពាក់នូវ ម៉ាស៊ីន Turbochargers ដើម្បីបញ្ចេញថាមពល និងកម្លាំងបង្វិលជុំបន្ថែមទៀត។ ថ្មីផងដែរចំពោះរថយន្តប្រភេទ SUV ដែលមានសមត្ថភាពខ្ពស់របស់ក្រុមហ៊ុន Aston Martin គឺជាប្រអប់លេខសើមស្វ័យប្រវត្តិ 9 វគ្គ ‘wet clutch’ ។ ការបញ្ជូនប្រកបដោយប្រសិទ្ធភាពខ្ពស់នេះអនុញ្ញាតឱ្យទិន្នផលរបស់ម៉ាស៊ីន V8 ចំណុះ 4.0 លីត្រអាចឡើងដល់ 707PS និង 900Nm ដ៏ធំសម្បើម កើនឡើង 157PS និង 200Nm លើសពី DBX (V8) ។

Aston Martin ស៊េរី DBX707 បានបំពាក់ស្តង់ដារហ្រ្វាំងសេរ៉ាមិចកាបូន។ ផ្នែកខាងមុខទំហំ 420mm និងខាងក្រោយ 390mm ឌីស CCB ទាំងនេះត្រូវបានក្តាប់ដោយ 6-piston calipers ហើយជាលទ្ធផលក្នុងការកាត់បន្ថយទំងន់ 40.5kg ។

បូមរបស់ DBX707 ប្រើប្រព័ន្ធបូមខ្យល់ បំពាក់នូវសាកស៊ីដែលកែតម្រូវតួ ដែលអាចចាត់ទុកថា ជារថយន្ត SUV ដែលគ្រប់គ្រងលំនឹងបានល្អបំផុតមិនធ្លាប់មាន។

ដោយឡែក ការបំពាក់បន្ថែមផ្នែកខាងមុខថ្មីមើលឃើញថា DBX ទទួលបានក្រឡាចត្រង្គខាងមុខធំជាងមុន និងការរចនាថ្មីនៃ DRL ពេញលេញជាមួយនឹងបំពង់ខ្យល់ថ្មី និងបំពង់ត្រជាក់ហ្វ្រាំង បូករួមទាំងទម្រង់បំបែកជ្រែកខ្យល់ផ្នែកខាងមុខថ្មី។ ក្រឡាចត្រង្គ satin chrome – ពង្រីកដើម្បីបង្កើនលំហូរខ្យល់ត្រជាក់យ៉ាងសំខាន់ទៅម៉ាស៊ីន V8 ដែលដំណើរការខ្ពស់ជ្រុល និងការបញ្ជូនកម្លាំងនៃប្រអប់លេខ 9 វគ្គថ្មី។

ផ្នែកបង្អួច satin chrome ងងឹតព័ទ្ធជុំវិញ និងបន្ទះគម្របដំបូលថ្មីដែលសហការគ្នាយ៉ាងល្អឥតខ្ចោះជាមួយនឹង ក្រឡាចត្រង្គខាងមុខ និងផ្នែកបំបែកពណ៌ខ្មៅរលោង ដោយបន្តនៅតាមបណ្តោយគែមជាមួយនឹងផ្នែកចំហៀង ពណ៌ ខ្មៅរលោង ដែលឥឡូវនេះមានទម្រង់ចម្លាក់កាន់តែស៊ីជម្រៅ និងរឹងមាំជាងមុន ដើម្បីផ្តល់ឱ្យ DBX707 អាចរក្សាលំនឹងកាន់តែប្រសើរ។

ការពង្រឹងទាំងទម្រង់សោភ័ណភាព និងមុខងារ លំហអាកាស កាងខ្យល់ថ្មីត្រូវបានបន្ថែមទៅស្លាបដំបូល ដើម្បីកាត់បន្ថយការលើក និងបង្កើនស្ថេរភាព ក្នុងការ បើកបរល្បឿនលឿន ជាមួយនឹងកន្ទុយស៊ីមាំងភ្លោះដែលពង្រីកយ៉ាងសំខាន់ ដើម្បីបំពេញតាមប្រព័ន្ធផ្សែង អង្កត់ផ្ចិត ធំថ្មី។ បានបញ្ចប់ជាពណ៌ខ្មៅ satin ដើម្បីសរសើរដល់ការរចនាថ្មីពណ៌ខ្មៅរលោងនៃ Diffuser ថ្មីនេះត្រូវបានកែ សម្រួលដើម្បីផ្តល់នូវសំឡេងយ៉ាងពិសេស។ ការបញ្ចប់ផ្នែកខាងក្រោយ ផ្លាស់ប្តូរកាងខាងក្រោយថ្មីពេញលេញជាមួយ នឹងរន្ធខ្យល់ដែលរួមបញ្ចូលគ្នានូវបន្ទះត្រីមាសដែលសង្កត់លើសាច់ដុំរបស់ DBX707 ។

នៅផ្នែកខាងក្រៅ ខាងក្នុងរបស់ DBX707 មានបំពាក់នូវ Chrome ងងឹត ដើម្បីប្តូរតាមស្តង់ដារ។ Chrome ភ្លឺ និងសរសៃកាបូនអាចត្រូវបានបញ្ជាក់ជាជម្រើសមួយ។ Piano Black veneer គឺជាស្តង់ដារដែលមានជាតិ សរសៃ កាបូន ឬដែកធ្វើពីដែកសំរិទ្ធដែលបានបញ្ចប់ជាជម្រើស។

default

សម្រាប់អតិថិជនដែលកំពុងស្វែងរកការពង្រឹងបន្ថែមនូវលក្ខណៈផ្តាច់មុខនៃ DBX707 និងបង្កើតនូវអ្វីដែលប្លែកពីគេ។ Aston Martin DBX707 គឺជាជម្រើសដ៏ល្អបំផុតសម្រាប់អតិថិជន។

The post មកដល់ខ្មែរហើយ Aston Martin DBX707 រថយន្តប្រណីត ល្បឿនលឿនបំផុត ខ្លាំងបំផុតក្នុងប្រវត្តិសាស្ត្រ appeared first on .

មកស្គាល់ឧកញ៉ា និង CEO ៤រូប ដែលនាំចូលម៉ូតូឡានទំនើបៗមកកាន់ទីផ្សារកម្ពុជា

ឧកញ៉ាដែនដី — Tue, 12 Jul 2022 01:47:53 +0000

ទីផ្សារម៉ូតូ និងរថយន្តនៅកម្ពុជាបច្ចុប្បន្ន កំពុងមានភាពសម្បូរបែប ដោយសារតែមានក្រុមហ៊ុនជាច្រើន បាននាំចូល និងចែកចាយលក់បន្តនូវផលិតផលទំនើបៗទាន់សម័យ មកពីក្រុមហ៊ុនដើមលំដាប់ធំៗនៅលើពិភពលោក។ ថ្ងៃនេះ ឧកញ៉ាញូស៍ សូមណែនាំឱ្យស្គាល់ឧកញ៉ា និងជាអគ្គនាយកក្រុមហ៊ុនខ្មែរចំនួន៤រូប ដែលបាននាំចូល និងលក់ចែកចាយម៉ូតូ និងរថយន្តទំនើបៗនៅកម្ពុជា ដែលមានដូចខាងក្រោម៖

១. ឧកញ៉ា ង៉ូវ លាងហួត ៖ ប្រធានក្រុមប្រឹក្សាភិបាល ក្រុមហ៊ុន HGB Group

ឧកញ៉ា ង៉ូវ លាងហួត ជាអ្នកជំនួញលេចធ្លោមួយរូបនៅកម្ពុជា ប៉ុន្តែលោកមិនសូវចេញមុខចេញមាត់ខ្លាំងនោះទេ។ ឧកញ៉ា ង៉ូវ លាងហួត ជាម្ចាស់ក្រុមហ៊ុន HGB Group ដែលនាំចូលរថយន្តម៉ាកល្បីៗ ប្រណីតៗ និងថ្លៃៗបំផុតនៅលើពិភពលោក ចូលមកទីផ្សារប្រទេសកម្ពុជា។ រថយន្តប្រណីតៗដែលក្រុមហ៊ុន HGB Group នាំចូល និងលក់ចែកចាយនៅកម្ពុជា មានដូចជា៖ Rolls Royce, Bentley, Lamborghini, Aston Martin, McLaren, Maserati, Jeep, RAM, BMW, Volvo, Volkswagen, Kia, Harley-Davidson និង Mazda។

២. ឧកញ៉ា គង់ ងួន ៖ អគ្គនាយកក្រុមហ៊ុន គង់ នួន គ្រុប និងក្រុមហ៊ុន Toyota Cambodia

ក្រុមហ៊ុន គង់ នួន គ្រុប របស់ឧកញ៉ា គង់ នួន ត្រូវបានបង្កើតឡើងក្នុងឆ្នាំ១៩៩១ ហើយត្រូវបានគេស្គាល់ថា ជាក្រុមហ៊ុនធំមួយ ក្នុងការនាំចូល និងចែកចាយគ្រឿងយន្តដូចជា ការនាំចូលនិងចែកចាយគ្រឿងចក្រសាងសង់ផ្លូវ គ្រឿងចក្រសំណង់ និងគ្រឿងចក្រផ្នែកកសិកម្មផ្សេងៗ។ នៅខែធ្នូ ឆ្នាំ២០១៦ ក្រុមហ៊ុន គង់ នួន គ្រុប បានក្លាយជាក្រុមហ៊ុនតែមួយគត់ ដែលទទួលបានសិទ្ធិនាំចូល និងចែកចាយម៉ូតូយ៉ាម៉ាហា របស់ក្រុមហ៊ុន Yamaha Motor នៃប្រទេសជប៉ុន ក្នុងទីផ្សារប្រទេសកម្ពុជា។ ឧកញ៉ា គង់ នួន ក៏ជាអគ្គនាយកក្រុមហ៊ុន Toyota Cambodia ក្នុងការនាំចូល និងចែកចាយរថយន្តម៉ាក Toyota ផងដែរ។

៣. លោក ងន សាំង ៖ អគ្គនាយកក្រុមហ៊ុន RMA Cambodia (ក្រុមហ៊ុន Ford)

លោក ងន សាំង បានចូលបម្រើការងារនៅក្រុមហ៊ុន RMA ក្នុងឆ្នាំ ១៩៩៦ ក្នុងនាមជាបុគ្គលិកហាត់ការ។ លោកធ្លាប់កាន់តួនាទីសំខាន់ៗជាច្រើនដូចជាក្នុងផ្នែកគណនេយ្យ និងហិរញ្ញវត្ថុ និងក្រោយមកក៏ត្រូវបានតែងតាំងជាអគ្គនាយករងនិងនាយកផ្នែកហិរញ្ញវត្ថុក្នុងឆ្នាំ ២០០៧។ លោកបានបញ្ចប់ការសិក្សាថ្នាក់បរិញ្ញាបត្រ ផ្នែកវិទ្យាសាស្ត្រសេដ្ឋកិច្ច នៅសាកលវិទ្យាល័យ ភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច និងសញ្ញាប័ត្រអនុបណ្ឌិតផ្នែកគ្រប់គ្រងអាជីវកម្មពីវិទ្យាស្ថានបច្ចេកវិទ្យាអាស៊ី (Asian Instituteof Technology) ពីប្រទេសថៃ។

លោក ងន សាំង ជាជនជាតិខែ្មរទីមួយ ដែលបានទទួលការសិក្សាជំនាញ គ្រប់គ្រងអាជីវកម្ម ពីសាកលវិទ្យាល័យហាវើត ដ៏ល្បីល្បាញនៅសហរដ្ឋអាមេរិច (Harvard Business School General Management Program)។ ក្រុមហ៊ុន RMA Cambodia ជាក្រុមហ៊ុនមេមួយ ដែលនាំចូលនិងលក់ចែកចាយនូវរថយន្តទំនើប Ford។

៤. ឧកញ៉ា ស៊ីវ ថៃ ៖ អគ្គនាយកក្រុមហ៊ុន OMC

លោកឧកញ៉ា ស៊ីវ ថៃ ទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន ជាអគ្គនាយកក្រុមហ៊ុន OMC ដែលបាននាំចូល និងចែកចាយរថយន្តម៉ាក Suzuki មកកាន់ទីផ្សារប្រទេសកម្ពុជា។

The post មកស្គាល់ឧកញ៉ា និង CEO ៤រូប ដែលនាំចូលម៉ូតូឡានទំនើបៗមកកាន់ទីផ្សារកម្ពុជា appeared first on .

ក្រុមហ៊ុនឧកញ៉ា ង៉ូវ លាងហួត ឧបត្ថម្ភឡានថ្មីមួយគ្រឿង Mazda BT-50 ស៊េរីឆ្នាំ 2022 ដល់សមាគម TYDA

ឧកញ៉ាតូច — Sat, 07 May 2022 09:30:29 +0000

ក្រុមហ៊ុន HGB Group Co, Ltd., ដែលវិនិយោគលើការនាំចូលរថយន្តស៊េរីទំនើបថ្លៃៗ របស់ឧកញ៉ា ង៉ូវ លាងហួត បានឧបត្ថម្ភ រថយន្ត Mazda BT-50 ស៊េរីឆ្នាំ 2022 ចំនួន មួយគ្រឿង ដល់សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA)។

តាមរយៈការឧបត្ថម្ភរថយន្ត Mazda BT-50 ស៊េរីឆ្នាំ 2022 ចំនួន មួយគ្រឿងនេះ ពិតជាបានចូលរួមចំណែកយ៉ាងធំធេងជាមួយ សមាគមគ្រូពេទ្យស្ម័គ្រចិត្តយុវជន សម្ដេចតេជោ ដើម្បីផ្ដល់សេវាថែរក្សាសុខភាព ក្នុងការពិនិត្យនិងព្យាបាលជំងឺនៅតាមមូលដ្ឋានដោយឥតគិតថ្លៃ ក្នុងបុព្វហេតុលើកកម្ពស់សុខមាលភាពជូនដល់ប្រជាពលរដ្ឋនៅទូទាំងប្រទេស។

ថ្លែងនៅក្នុងកម្មវិធីសំណេះសំណាល ថ្លែងអំណរគុណ និងពិសារអាហារសាមគ្គី ជាមួយគ្រូពេទ្យសម្តេចតេជោប្រឆាំងកូវីដ១៩ កាលពីល្ងាចថ្ងៃទី០៥ ខែឧសភា ឆ្នាំ២០២២ លោក ហ៊ុន ម៉ាណែត បានសម្តែងនូវការអបអរសាទរចំពោះកត្តាជោគជ័យលើការគ្រប់គ្រងហានិភ័យបង្កទ្បើងដោយជំងឺកូវីដ-១៩ នៅកម្ពុជា ទាំងផ្នែកសុខភាពសាធារណៈ និងផ្នែកសង្គម-សេដ្ឋកិច្ច គឺដោយសារការដឹកនាំដ៏ឈ្លាសវៃរបស់សម្តេចតេជោ រួមជាមួយកម្លាំងមហាសាមគ្គីជាតិខ្មែរពីគ្រប់មជ្ឈដ្ឋាននៅទូទាំងប្រទេស។

លោក ហ៊ុន ម៉ាណែត ក៏បានសម្តែងនូវការអរគុណដល់គ្រប់ស្ថាប័នពាក់ព័ន្ធ និងប្រតិបត្តិកររាប់ពាន់នាក់នៅទូទាំងប្រទេស ដែលបានខិតខំប្រឹងប្រែងដោយមិនខ្លាចភាពនឿយហត់ក្នុងការចូលរួមជាមួយរាជរដ្ឋាភិបាល ដើម្បីការពារសង្គ្រោះអាយុជីវិតរបស់ប្រជាពលរដ្ឋ។ ជាពិសេសសប្បុរសជនជិតឆ្ងាយទាំងក្នុងនិងក្រៅប្រទេស ដែលបានឧបត្ថម្ភគាំទ្រទាំងថវិកា ស្មារតី និងសម្ភារដល់យុទ្ធនាការរបស់រាជរដ្ឋាភិបាលក្នុងការទប់ស្កាត់ និងគ្រប់គ្រងការរីករាលដាលនៃជំងឺដ៏កាចសាហាវនេះ៕

The post ក្រុមហ៊ុនឧកញ៉ា ង៉ូវ លាងហួត ឧបត្ថម្ភឡានថ្មីមួយគ្រឿង Mazda BT-50 ស៊េរីឆ្នាំ 2022 ដល់សមាគម TYDA appeared first on .

បង្ហាញឧកញ៉ានាំចូលរថយន្តទំនើបប្រណិតៗតម្លៃខ្ទង់លានដុល្លារមកកាន់ទីផ្សារកម្ពុជា

ឧកញ៉ាកោះក្របី — Mon, 25 Apr 2022 08:10:44 +0000

នៅលើវិថីនានាក្នុងទីក្រុងភ្នំពេញ គេឃើញមានរថយន្តទំនើបល្បីៗ Rolls-Royce, BMW, lamborghini, Mercedes, Range Rover, PEUGEOT, Audi, Porsche, Land Over, Volvo និង Jaguar ជាដើម បើកបង្អួតរាងយ៉ាងសង្ហារនារយៈពេលប៉ុន្មានឆ្នាំចុងក្រោយ។ រថយន្តទំនើបៗទាំងនោះភាគច្រើនត្រូវបានគេឃើញអ្នកឧកញ៉ា ឧកញ៉ា អ្នកមាននៅស្រុកខ្មែរជិះ ខណៈដែលសេដ្ឋីលើពិភពលោកក៏នាំគ្នាជិះរថយន្តប្រភេទនេះផងដែរ។

សារព័ត៌មានឧកញ៉ាញូស៍ សូមណែនាំលោកអ្នកនាងឲ្យស្គាល់ពាណិជ្ជករខ្មែរម្នាក់ល្បីល្បាញច្រើនទសវត្សរ៍មកហើយក្នុងវិស័យនាំចូលរថយន្តម៉ាកល្បីតម្លៃរាប់សែនលានដុល្លារអាមេរិកមកកាន់ទីផ្សារកម្ពុជា។

អ្នកជំនួញមិនសូវបង្ហាញមុខជាសាធារណៈរូបនេះគឺ ឧកញ៉ា ង៉ូវ លាងហួត ជាម្ចាស់ក្រុមហ៊ុន HGB Group ដែលនាំចូលរថយន្តម៉ាកល្បីៗ ប្រណីតៗ និងថ្លៃៗបំផុតនៅលើពិភពលោក ចូលមកទីផ្សារប្រទេសកម្ពុជា។ លោកគឺជាអ្នកជំនួញលេចធ្លោមួយរូប ប៉ុន្តែរូបលោកផ្ទាល់មិនសូវបង្ហាញមុខចេញមាត់នៅទីសាធារណៈដូចឧកញ៉ាផ្សេងទៀតនោះទេ។

រថយន្តប្រណីតៗដែលក្រុមហ៊ុនរបស់លោកឧកញ៉ា នាំចូល និងលក់ចែកចាយនៅកម្ពុជា រួមមាន Rolls-Royce, Bentley, Volkswagen, MAZDA។ ប្រភេទរថយន្តប្រណីតសម្រាប់ពួកអ្នកមានស្តុកស្តម្ភ គឺរថយន្តម៉ាក Rolls Royce បាននាំ ចូលមកទីផ្សារកម្ពុជា ដោយក្រុមហ៊ុន HGB Group Co., Ltd ជាអ្នកដែលទទួលបានសិទិ្ធចែកចាយរថយន្តតម្លៃរាប់សិបម៉ឺនដុល្លារនេះនៅទីផ្សារមុនគេ បន្ទាប់ពីចុះហត្ថលេខាលើកិច្ចព្រមព្រៀងជាមួយក្រុមហ៊ុន Rolls Royce Motor Cars កាលពីឆ្នាំ២០១៤។

HGB Group ជាសម្ព័ន្ធក្រុមហ៊ុនដែលមានមូលដ្ឋានក្នុងទីក្រុងភ្នំពេញ និងមានសាខានៅប្រទេសសិង្ហបុរី ទីក្រុងវៀងចន្ទ ប្រទេសឡាវ និងទីក្រុងហូជីមិញ ប្រទេសវៀតណាម។

តាមរយៈវេបសាយផ្លូវការរបស់ក្រុមហ៊ុនបានបញ្ជាក់ថា ការស្តាប់គឺជាអាថ៍កំបាំងនៃភាពជ័យ ការពិភាក្សាជាមួយអតិថិជនដើម្បីយល់និងបំពេញនូវតម្រូវការរបស់ពួកគេ។ ទាំងនេះជាពាក្យស្នូរ ឬពាក្យស្លោកក្រុមហ៊ុនតែងប្រកាន់ភ្ជាប់ជានិច្ចអស់រយៈពេលជាច្រើនឆ្នាំ។

ក្រៅពីនាំចូលនិងចែករថយន្តប្រណីតៗទាំងនេះ ក្រុមហ៊ុន HGB Group ឧកញ៉ា ង៉ូវ លាងហួត ក៏មានមុខជំនួញជាច្រើនផ្សេងទៀតនៅក្នុដៃផងដែរ ដូចជា ក្រុមហ៊ុនអ្នកផ្គត់ផ្គង់ទូរស័ព្ទដៃដែលមានតម្លៃខ្ពស់ម៉ាក Vertu ជាអ្នកនាំចូលកាំមេរ៉ា Nikon និងផ្នែកចំណីអាហារនិងភេសជ្ជៈមួយចំនួនទៀត៕

The post បង្ហាញឧកញ៉ានាំចូលរថយន្តទំនើបប្រណិតៗតម្លៃខ្ទង់លានដុល្លារមកកាន់ទីផ្សារកម្ពុជា appeared first on .