ឧកញ៉ា ចិត្រ សេរីសុភ័ក្រ្

ឧកញ៉ា ចិត្រ សេរីសុភ័ក្ត្រ បង្ហើបប្រាប់ពីអាជីវកម្ម៦ប្រភេទ ដែលអាចក្លាយជាអ្នកមាន

ឧកញ៉ាដែនដី — Wed, 21 Dec 2022 03:30:31 +0000

លោកឧកញ៉ា ចិត្រ សេរីសុភ័ក្ត្រ សហគ្រិនវ័យក្មេងនៅកម្ពុជា និងជាស្ថាបនិកក្រុមហ៊ុន CSS Group បានបង្ហើបប្រាប់អំពីអាជីវកម្មចំនួន ៦ប្រភេទ ដែលអាចផ្តល់ឱកាសឱ្យយើងក្លាយជាអ្នកមានបាន នៅពេលបច្ចុប្បន្ននេះ។

លោកឧកញ៉ាបណ្ឌិត បានថ្លែងក្នុងវីដេអូចែករំលែកមួយ ថាអាជីវកម្មទាំង៦នេះ គឺលោកបានថ្លឹងថ្លែង និងវាយតម្លៃ ហើយលោកសុទ្ធតែបានឆ្លងកាត់បទពិសោធន៍អាជីវកម្មទាំង៦នេះរួចរាល់ហើយ ព្រមទាំងបានសិក្សាស្រាវជ្រាវយ៉ាងស៊ីជម្រៅផងដែរ ទើបអាចហ៊ានយកចំណុចទាំងនេះ មកចែករំលែកជាគន្លឹះជូនដល់សាធារណៈជនបាន។ លោកឧកញ៉ា បានបន្តថា អាជីវកម្មទាំង៦ ដែលអាចក្លាយជាអ្នកមានគឺ៖

១. អចលនទ្រព្យ / Real Estate ៖ វិស័យអចលនទ្រព្យ នៅទូទាំងពិភពលោក ភាគច្រើនអ្នកវិនិយោគលើអចលនទ្រព្យគឺមិនដែលខាតនោះទេ គ្រាន់អាចមានចំណេញតិច ឬចំណេញច្រើន។

២. សម្ផស្ស / Beauty ៖ នារី១០០នាក់ ទោះមិនចូលចិត្តសម្ផស្សកម្រិតណា ក៏ត្រូវការផាត់មុខមួយដងដែរ ក្នុងជីវិតរបស់គាត់។ អ្នកណាក៏ដោយ នៅពេលមានជីវភាពសមរម្យហើយ គឺចាប់ផ្តើមគិតពីសម្ផស្សនៃរាង្គកាយរបស់ខ្លួន។ មានពាក្យមួយថា “ការតែងខ្លួនរបស់យើង គឺជាអ្វីដែលយើងចង់បង្ហាញដល់គេ”។

៣. កន្លែងកម្សាន្ត / Resorts and Kid Entertainment ៖ លក្ខណៈដូចជា រីស៊ត កន្លែងលំហែកម្សាន្ត ឬកន្លែងក្មេងលេង។

៤. ដឹកជញ្ជូន / Transportation ៖ ប្រទេសកំពុងអភិវឌ្ឍន៍ និងកំពុងរីកចម្រើនអាជីវកម្ម គឺត្រូវការសេវាកម្មដឹកជញ្ជូនជាចាំបាច់បំផុត សម្រាប់ដឹកទំនិញចេញចូល។

៥. ម្ហូបអាហារនិងភេសជ្ជៈ / Foods and Drinks ៖ អ្នកណាក៏ត្រូវការញ៉ាំ ទឹក កាហ្វេ ឬម្ហូប ព្រោះមនុស្សយើងត្រូវការហូបចុកជារៀងរាល់ថ្ងៃ។

៦. បច្ចេកវិទ្យា / Technology ៖ វិស័យបច្ចេកវិទ្យានឹងផ្ទុះនៅរយៈពេល៣ឆ្នាំ ឬ៥ឆ្នាំខាងមុខទៀត ហើយកាន់តែពិសេសគឺអាជីវកម្មលើវិស័យបច្ចេកវិទ្យាពុំសូវមានអ្នកប្រកួតប្រជែងនោះទេ ព្រោះមានចំនួនតិចនៅឡើយ។

លោកឧកញ៉ាបណ្ឌិត បានបញ្ជាក់បន្ថែមថា ទោះយ៉ាងណាក្តី ដើម្បីបង្កើតអាជីវកម្មអ្វីមួយ ត្រូវតែមានការវាយតម្លៃឱ្យបានច្បាស់លាស់ជាមុន ដូចជា ត្រូវមើលពីគូប្រជែងរបស់យើង យើងត្រូវមើលពីគោលដៅបន្ទាប់របស់គេ ហើយអាជីវកម្មមួយៗ មិនងាយស្រួលដូចការគិតនោះទេ។

សូមជម្រាបជូនថា លោកឧកញ៉ា ចិត្រ សេរីសុភ័ក្ត្រ ជាសហគ្រិនជោគជ័យវ័យក្មេងមួយរូបនៅកម្ពុជា ដែលលោកមានអាជីវកម្មក្នុងដៃរហូតដល់ទៅ ១៥ កន្លែង។ អាជីវកម្មរបស់លោកឧកញ៉ា គឺលក្ខណៈពហុវិស័យទៅលើវិស័យជាច្រើនដូចជា វិស័យអចលនទ្រព្យ, ម្ហូបអាហារ, ប្រឹក្សាយោបល់, គ្រឿងអលង្ការ, គ្រឿងសង្ហារឹម, សម្រស់ និងអាជីវកម្មផ្សេងមួយចំនួនទៀត៕

The post ឧកញ៉ា ចិត្រ សេរីសុភ័ក្ត្រ បង្ហើបប្រាប់ពីអាជីវកម្ម៦ប្រភេទ ដែលអាចក្លាយជាអ្នកមាន appeared first on .

ឧកញ៉ាបណ្ឌិត ចិត្រ សេរីសុភ័ក្ត្រ ផ្ញើសារអបអរសាទរលោក ឈាង សុវណ្ណរតនៈ ទទួលគោរមងារ “ឧកញ៉ា”

អ្នកឧកញ៉ាវត្តភ្នំ — Mon, 04 Apr 2022 06:46:36 +0000

ឧកញ៉ាបណ្ឌិត ចិត្រ សេរីសុភ័ក្ត្រ ស្ថាបនិកក្រុមហ៊ុន Luxury Smile Beauty Group ផ្ញើសារជូនពរដល់ លោក ឈាង សុវណ្ណរតនៈ ដែលត្រូវបាន សម្តេចវិបុលសេនាភក្តី សាយ ឈុំ ប្រមុខរដ្ឋស្តីទីព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា ត្រាស់បង្គាប់តែងតាំងលោកឡើងជា «ឧកញ៉ា» កាលពីថ្ងៃទី៣១ ខែមីនា ឆ្នាំ២០២២នេះ។

ឧកញ៉ាបណ្ឌិត ចិត្រ សេរីសុភ័ក្ត្រ ស្ថាបនិកក្រុមហ៊ុន Luxury Smile Beauty Group

ការផ្ដល់គោរមងារ “ឧកញ៉ា” ជូនលោក ឈាង សុវណ្ណរតនៈ អគ្គនាយកក្រុមហ៊ុន អធីអិនខេ អ៊ិនវេសម៉ិន ធ្វើឡើងតាមសេចក្តីក្រាបបង្គំទូលថ្វាយដោយផ្ទាល់របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាជូន សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី៕

ឧកញ៉ា ឈាង សុវណ្ណរតនៈ អគ្គនាយកក្រុមហ៊ុន អធីអិនខេ អ៊ិនវេសម៉ិន

The post ឧកញ៉ាបណ្ឌិត ចិត្រ សេរីសុភ័ក្ត្រ ផ្ញើសារអបអរសាទរលោក ឈាង សុវណ្ណរតនៈ ទទួលគោរមងារ “ឧកញ៉ា” appeared first on .

ឧកញ៉ា ចិត្រ សេរីសុភ័ក្រ្ត ច្រានចោលជនអនាមិកក្លែងបន្លំយករូបថតនិងឈ្មោះទៅបង្កើត Telegram

ឧកញ៉ាកោះក្របី — Fri, 11 Jun 2021 11:58:32 +0000

លោកឧកញ៉ា ចិត្រ សេរីសុភ័ក្រ្ត ប្រកាសច្រានចោលចំពោះជនអនាមិកបានយករូបថត និងឈ្មោះទៅបង្កើតបណ្តាញទំនាក់ទំនសង្គម Telegram ក្លែងក្លាយមួយឆាតទៅសួរទុកក្នុងចេតនាមិនល្អ ដើម្បីកេញចំណេញផលប្រយោជន៍ដែលបណ្តាលឲ្យប៉ះពាល់ដល់កិត្តិយស ហើយបងប្អូនសូមប្រុងប្រយ័ត្នទាំងអស់គ្នា។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

ក្នុងគ្រុបតេឡេក្រាម ក្រុមប្រឆាំងព័ត៌មានក្លែងក្លាយ នៅរសៀលថ្ងៃទី១១នេះ លោកឧកញ៉ា ចិត្រ សិរីសុភ័ក្ត្រ អគ្គនាយកក្រុមហ៊ុន Luxury Smile Group បាននិយាយថា សូមជម្រាបជូនដំណឹងដល់ពុកម៉ែបងប្អូនទាំងអស់ឲ្យបានជ្រាបថា៖ ដោយថ្មីៗនេះមានជនអនាមិក បានយករូបភាព និងឈ្មោះរបស់ខ្ញុំបាទ មកបង្កើតAccount នេះនៅក្នុងប្រព័ន្ធTelegram។

អាស្រ័យដូចបានជម្រាបជូនខាងលើ សូមពុកម៉ែបងប្អូន មានការប្រុងប្រយ័ត្នចំពោះAccount នេះផង ប្រសិនជាមានការទំនាក់ទំនង ឬបញ្ហាផ្សេងៗ ដោយមានពាក់ព័ន្ធនឹងAccount មួយនេះខ្ញុំបាទនឹងមិនទទួលខុសត្រូវឡើយ៕

The post ឧកញ៉ា ចិត្រ សេរីសុភ័ក្រ្ត ច្រានចោលជនអនាមិកក្លែងបន្លំយករូបថតនិងឈ្មោះទៅបង្កើត Telegram appeared first on .

ឧកញ៉ា ចិត្រ សេរីសុភ័ក្រ្ត៖ ១០ចំណុចសំខាន់ៗដែលគួរយល់ដឹងនៅក្នុងឆ្នាំ២០២១

ឧកញ៉ាកោះក្របី — Tue, 22 Dec 2020 06:52:37 +0000

ឧកញ៉ាញូស៍ Oknha news សូមណែនាំ ១០ចំណុចសំខាន់ៗដែលបងប្អូនគួរយល់ដឹងនៅក្នុងឆ្នាំ២០២១ ពីលោក ឧកញ៉ា ចិត្រ សេរីសុភ័ក្រ្ត អគ្គនាយកក្រុមហ៊ុន Luxury Smile Beauty (Cambodia) & CSS Group Co., LTD។

លោកឧកញ៉បានបញ្ជាក់ថា ១០ចំណុចសំខាន់ៗដែលបងប្អូនគួរយល់ដឹងនៅក្នុងឆ្នាំ២០២១ ដោយកុំមើលរំលងដូចនៅក្នុងឆ្នាំ២០២០ ដែលបានបង្ហាត់យើងនូវរឿងដែលនឹកស្មានមិនដល់កន្លងមក៖

១/ កុំរំពឹងលើភ័ព្វព្រេងវាសនា
២/ ឈ្វេងយល់ និងយល់ដឹងពីចំណុចខ្សោយ និងខ្វះខាត របស់ខ្លួនឯងឲ្យបានច្បាស់លាស់
៣/ ត្រូវត្រៀមខ្លួនឯងជាស្រេច គ្រប់ពេលវេលា និងកាលៈទេសៈទាំងអស់
៤/ ត្រូវតែពូកែ និងមានភាពឈ្លាសវៃនៅក្នុងការដឹកនាំអាជីវកម្មរបស់អ្នក ហើយត្រូវមានប្រជាប្រិយ៍ភាព និងទំនាក់ទំនងល្អនៅក្នុងសង្គម
៥/ កុំរត់គេចពីបញ្ហា ហើយត្រូវហ៊ានប្រឈមមុខ និងដោះស្រាយបញ្ហាទាំងអស់ដែលកំពុងតែកើតឡើងម្តងមួយៗឲ្យបានច្បាស់លាស់
៦/ កុំជម្រុញខ្លួនឯងឲ្យដើរទៅលើផ្លូវខុស ហើយកុំគិតអវិជ្ជមានច្រើនពេក
៧/ ត្រូវចេះកែច្នៃបញ្ហាដែលបានកើតឡើងឲ្យទៅជាឱកាស ដើម្បីធ្វើការអភិវឌ្ឍខ្លួន ឬស្ថាប័នឲ្យទាន់សភាពជាក់ស្តែង
៨/ ត្រូវដឹងពីគោលដៅ និងគោលបំណងពិតប្រាកដរបស់ខ្លួនឲ្យបានច្បាស់លាស់
៩/ ត្រូវមានឆន្ទៈខ្ពស់ គិតវិជ្ជមាន ដោយការគិត និយាយ ធ្វើ ដោយមានការពិចារណា កុំរវើរវាយទៅតាមអារម្មណ៍
១០/ ត្រូវធ្វើការផ្លាស់ផ្តូរការគិតរបស់អ្នក ដែលធ្លាប់គិតថា«មិនអាចធ្វើបាន មិនអាចទៅរួច ចាំសិន គ្មានសមត្ថភាព គ្មានបទពិសោធន៍ ខ្លាច និង ខ្ជិលជាដើម។ល។»

The post ឧកញ៉ា ចិត្រ សេរីសុភ័ក្រ្ត៖ ១០ចំណុចសំខាន់ៗដែលគួរយល់ដឹងនៅក្នុងឆ្នាំ២០២១ appeared first on .