ឧកញ៉ា ឈាង រ័ត្ន

ថៅកែក្រុមហ៊ុន សម្រស់ធម្មជាតិ ស្រី អូន អរគុណស្វាមី មិនដាច់ពីមាត់ដែលបំពេញបំណងប្រាថ្នារបស់ខ្លួនបានសម្រេច

ឧកញ៉ាកោះក្របី — Thu, 09 Sep 2021 10:21:03 +0000

ថៅស្រីម្ចាស់ក្រុមហ៊ុន សម្រស់ធម្មជាតិ លោកស្រី សុន្ទររី ហៅស្រីអូន បានសរសើរ និងថ្លែងអំណរអរគុណចំពោះស្វាមី គឺលោកឧកញ៉ា ឈាង រ័ត្ន ដែលបានបំពេញក្តីសុបិន បំណងប្រាថ្នារបស់ខ្លួនឲ្យបានសម្រេចទាំងក្នុងការបង្កើតមុខរបរ ប្រភពចំណូល និងចំណេះជំនាញ ពេលកន្លងកមក។

ការថ្លែងដូច្នេះបន្ទាប់ពីលោកស្រីសម្រេចបំណងក្នុងយុទ្ធនាការព្យាបាលដំបៅផែនដី នៅភ្នំឪរ៉ាល ដោយដាំដើមឈើប្រមាណ ១លានដើម។ ម្យ៉ាង ដេីម្បីលំអជេីងភ្នំឱរ៉ាល់ជាចំណែកនៃទេសចរណ៍ឱរ៉ាល់ផងដែរ។

លោកស្រី ស្រីអូន បានឲ្យដឹងថា ជោគជ័យហេីយ ១២០គ្រួសារនៅទំនប់ពាមល្វា ជេីងភ្នំឱរ៉ាល់រយៈពេល ៤ ខែនេះពួកគាត់ទទួលបានប្រាក់ចំណូលរាល់ថ្ងៃពីការលុញគ្រាប់ឈេីព្យាបាលដំបៅផែនដី ដែលជាបេសកកម្មទី ១។ លោកស្រីថា នេះគឺជាការជោគជ័យ ខណៈដែលឥឡូវលោកស្រីត្រៀមបេសកកម្មទី ២ និងបង្កេីតការងារមុខរបរជាច្រេីនទៀតជូនបងប្អូននៅឱរ៉ាល់ ប៉ុន្តែលោកស្រីសុំលាក់ទុកសិន។

អ្នកជំនួញអនឡាញរូបនេះបញ្ជាក់ថា បេសកកម្មទី ១ យេីងទទួលបានស្នាមញញឹមពីបងប្អូននៅឱរ៉ាល់ និងផែនដី ដែលជាយុទ្ធនាការព្យាបាលដំបៅផែនដី និងយុទ្ធនាការបង្កេីតការងារជូនអ្នកឱរ៉ាល់។

លើសពីនេះទៅទៀត លោកស្រីន្ថែមថា៖ “ចុងក្រោយសូមអរគុណប្ដីសំលាញ់ដែលជួយអោយបំណងប្រាថ្នារបស់ប្រពន្ធបានសំរេច គឺ ការជួយបង្កេីតមុខរបរ ប្រភពចំនូល ចំនេះ ជំនាញ ជូនដល់អ្នកឱរ៉ាល់ និង ដាំដេីមក្ងោកបានគ្រប់ 1លានដេីម ដេីម្បីលំអជេីងភ្នំឱរ៉ាល់ជាចំណែកនៃទេសចរណ៍ឱរ៉ាល់”។

លោកស្រីបន្ថែមទៀតថា “សុំនិយាយពាក្យចេញពីចិត្តមួយសិនបងប្អូន ខ្ញុំចាញ់ស្នាមញញឹមអ្នកឱរ៉ាល់ណាស់ ចឹងទេីបសំរេចចិត្តដាក់បេះដូងនៅឱរ៉ាល់តែម្ដងទៅ”៕

The post ថៅកែក្រុមហ៊ុន សម្រស់ធម្មជាតិ ស្រី អូន អរគុណស្វាមី មិនដាច់ពីមាត់ដែលបំពេញបំណងប្រាថ្នារបស់ខ្លួនបានសម្រេច appeared first on .

លើកទីមួយហើយដែលមានព្រឹត្តិការណ៍ជិះឧទ្ធម្ភាគចក្របាចគ្រាប់ពូជដេីមក្ងោកនៅភ្នំឱរ៉ាល់ ដើម្បីបញ្ចុះកម្តៅផែនដី

ឧកញ៉ាកោះក្របី — Fri, 09 Jul 2021 10:17:38 +0000

លើកទីមួយនៅប្រទេសកម្ពុជា ដែលមានក្រុមអ្នកស្រឡាញ់បរិស្ថានចូលរួមដាំដើមឈើរាប់សិបម៉ឺនដើម ដោយប្រើឧទ្ធម្ភាចក្របាចគ្រាប់ពូជពីលើមេឃដើម្បីបញ្ចុះកម្តៅផែនដី ស្ថិតនៅភ្នំឱរ៉ាល់ ស្រុកឪរ៉ាល់ ខេត្តកំពង់ស្ពឺ។ ព្រឹត្តិការណ៍នៃការដាំកូនឈើនេះ រៀបចំដោយក្រុមហ៊ុន សម្រស់ធម្មជាតិ របស់លោកស្រី នួន សុន្ទរី ហៅស្រីអូន ដែលមានការចូលរួមពីលោកឧកញ៉ា អ្នកជំនួញ សិល្បករ និងប្រជាពលរដ្ឋជាច្រើនរូប។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

តាមរយៈទំព័រហ្វេសប៊ុកលោកស្រី នួន សុន្ទរី ហៅស្រីអូន បានបញ្ជាក់ថា នេះជាការចាប់ផ្ដេីមបាច ១ម៉ឺនដេីម សំរាប់ឧទ្ធម្ភាគចក្រធំ ហេីយឆាប់ៗនេះយេីងនឹងប្រេីយន្ដហោះតូចដេីម្បីបន្ដការបាចគ្រាប់ឈេីអោយគ្រប់ចំនួន ៤សែនដេីម។ ជាមួយគ្នានេះលោកស្រីក៏បង្ហាញនូវភាពជោគជ័យនៃការបង្កេីតព្រឹត្តិការណ៍ជិះឧទ្ធម្ភាគចក្របាចដាំដេីមក្ងោកនៅជេីងភ្នំឱរ៉ាល់ សែសិបមុឺនដេីមផងដែរ។

សូមបញ្ជាក់ថា យុទ្ធនាការនៃគម្រោងលុញគ្រាប់ឈើឱ្យបានចំនួន ១ លានគ្រាប់ និងបណ្តុះកូនឈើ ដើម្បីចូលរួមផ្សព្វផ្សាយអំពីការការពារបរិស្ថានពិភពលោក និងជួយសង្គ្រោះផែនដីនោះ ត្រូវបានបង្កើតឡើងក្រុមយុវជនស្ម័គ្រចិត្តជួយសង្គមបៃតងវ៉ររៀរស៍ (Baitong Warriors)។

យុទ្ធនាការគម្រោងលុញគ្រាប់ឈើ ១ លានគ្រាប់ លោក តាន់ គឹមស៊ួ កន្លងទៅក៏បានបញ្ជាក់ដែរថា៖ «យុទ្ធនាការនេះ សំខាន់ណាស់ក្នុងការជួយផ្សព្វផ្សាយទៅដល់បងប្អូនខ្មែរយើងឱ្យចូលរួមដាំដើមឈើទាំងអស់គ្នា ខណៈពេលថ្មីៗនេះ ក៏មានអ្នកសិល្បៈ ជាតារាចម្រៀង និងសម្តែងចូលរួមផងដែរ៕

The post លើកទីមួយហើយដែលមានព្រឹត្តិការណ៍ជិះឧទ្ធម្ភាគចក្របាចគ្រាប់ពូជដេីមក្ងោកនៅភ្នំឱរ៉ាល់ ដើម្បីបញ្ចុះកម្តៅផែនដី appeared first on .

ភរិយាឧកញ៉ា ឈាង រ័ត្ន ស្រីអូន ឧបត្ថម្ភថវិកាដល់អង្គការអាហ្វេស៊ីបដែលធ្វើការជួយជនរងគ្រោះដោយការរំលោភបំពាននិងជួញដូរ

ឧកញ៉ាកោះក្របី — Sat, 03 Apr 2021 04:51:02 +0000

លោកជំទាវ នួន សុន្ទរី ហៅស្រីអូន និងលោកឧកញ៉ា ឈាង រ័ត្ន ម្ចាស់ក្រុមហ៊ុនសម្រស់ធម្មជាតិ បានប្រកាសឧបត្ថម្ភថវិកាចំនួន 32.000$ ដល់អង្គការអាហ្វេសុីប ដេីម្បីជួយដល់ជនរងគ្រោះដោយការរំលោភបំពានក្នុងសម័យកូវីដ១៩ ដែលបាននិងកំពុងរីករាលដាលក្នុងសហគមន៍។

លោកជំទាវ ស្រី បានថ្លែងថា “ថវិកានេះចូលរួមដោយនាងខ្ញុំ ស្រីអូន និង តំណាងចែកចាយក្រុមហ៊ុនសម្រស់ធម្មជាតិសហការគ្នាដេីម្បីផ្ដល់ជាកាដូជូនដល់ស្ថាបនិករបស់អង្គការអាហ្វេសុីប ក្នុងថ្ងៃខួបកំណើតរបស់គាត់ គឺអ្នកស្រី ម៉ម សុម៉ាលី”។

សូមជ្រាបថា អង្គការអាហ្វេសុីប ត្រូវបានបង្កើតឡើងដេីម្បីជួយសង្រ្គោះដល់ក្មេងស្រីដែលរងគ្រោះដោយការរំលោភបំពាននិងជួញដូរ។ អង្គការមួយនេះបានជួយសង្រ្គោះទាំងម្ហូបអាហារ ការស្នាក់នៅ ការព្យាបាលជំងឺ និងការសិក្សារហូតដល់ចប់ថ្នាក់ឧត្ដមសិក្សា នេះជាហេតុធ្វើអោយអង្គការជួបកង្វះខ្វះខាតខ្លាំងក្នុុងសម័យកូវីដ។

លោកជំទាវបានបញ្ជាក់ថា នាងខ្ញុំនិងតំណាងចែកចាយក្រុមហ៊ុនសម្រស់ធម្មជាតិសង្ឃឹមថា នឹងជួយសម្រាលបន្ទុកខ្លះរបស់អង្គការអាហ្វេសុីប ក្នុងនោះដែរនាងខ្ញុំសុំធ្វេីការអំពាវនាវទៅកាន់សប្បុរសជនទាំងក្នុងប្រទេសនិងក្រៅប្រទេសសូមចូលរួមផ្ដល់ជាថវិកាបន្តិចបន្តួចដេីម្បីជួយទ្រទ្រង់ទៅកាន់អង្គការអាហ្វេសុីបធនាគារ និង វីងរបស់អង្គការអាហ្វេស៊ីបសំរាប់ទទួលជំនួយ៖ THANKS FOR DONATIONS ធនាគារ ABA (ABA Bank): 001981605 (AFESIP CAMBODIA ORGANIZATION) វីង (Wing): 02705889 (AFESIP CAMBODIA) លេខសំគាល់ 061 601 601 និងWebsite: https://www.afesip.org/donate៕

The post ភរិយាឧកញ៉ា ឈាង រ័ត្ន ស្រីអូន ឧបត្ថម្ភថវិកាដល់អង្គការអាហ្វេស៊ីបដែលធ្វើការជួយជនរងគ្រោះដោយការរំលោភបំពាននិងជួញដូរ appeared first on .