ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានលើកឡើងថា ក្រោយទទួលបានគោលការណ៍ណែនាំដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា នៅព្រឹកថ្ងៃទី២៩ ខែមីនា ឆ្នាំ២០២៥ ឯកឧត្តម រួមជាមួយថ្នាក់ដឹកនាំ និងមន្ត្រីជំនាញក្រសួង ដោយមានការចូលរួមពីតំណាងផ្នែកឯកជនក្នុងវិស័យទេសចរណ៍ រួមមានសមាគមទីភ្នាក់ងារទេសចរណ៍កម្ពុជា (CATA) សហព័ន្ធទេសចរណ៍កម្ពុជា (CTF) សមាគមទេសចរណ៍អាស៊ីប៉ាស៊ីហ្វិក (PATACC) និងក្រុមហ៊ុនវីរៈប៊ុនថាំ បានអញ្ជើញចុះពិនិត្យស្ថានភាពជាក់ស្តែងនៅរមណីយដ្ឋានធម្មជាតិខ្នងផ្សារ ដែលជាតំបន់ព្រៃភ្នំដ៏ធំមួយ និងជាឋានសួគ៌ធម្មជាតិប្រសព្វមុំបីភ្ជាប់ខេត្តបី កំពង់ស្ពឺ កោះកុង និងពោធិ៍សាត់ ភាគនិរតីនៃព្រះរាជាណាចក្រកម្ពុជា ដែលស្ថិតនៅក្នុងឃុំតាសាល ស្រុលឱរ៉ាល់ ខេត្តកំពង់ស្ពឺ ដើម្បីពិនិត្យលទ្ធភាពក្នុងការរៀបចំកញ្ចប់ទស្សនកិច្ចទាក់ទាញភ្ញៀវទេសចរឱ្យមកទស្សនាឱ្យបានច្រើន ដើម្បីជួយលើកកម្ពស់ជីវភាពប្រជាសហគមន៍ក្នុងមូលដ្ឋានឱ្យកាន់តែមានភាពរីកចម្រើន។

គួររំឭកថា កាលពីថ្ងៃទី៨ ខែមីនា ឆ្នាំ២០២៥ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា អមដំណើរដោយ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍, ឯកឧត្តម អ៊ាង សុផល្លែត រដ្ឋមន្ត្រីក្រសួងបរិស្ថាន និងឯកឧត្តម ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ បានឆ្លៀតចំណាយពេលវេលាធ្វើដំណើរថ្មើរជើងចាប់ពីជើងភ្នំរហូតដល់កំពូលភ្នំខ្នងផ្សារ ដើម្បីស្វែងយល់សក្ដានុពលតំបន់ទេសចរណ៍ធម្មជាតិ។

សូមជម្រាបជូនថា រមណីយដ្ឋានធម្មជាតិ ខ្នងផ្សារ ជាតំបន់ធម្មជាតិដ៏កម្រមួយនៅពេលដែលភ្ញៀវទេសចរឡើងដល់កំពូលភ្នំ ភ្ញៀវទេសចរអាចគយគនវាលស្មៅស្រស់បំព្រងបៃតងខ្ចីនារដូវវស្សា អង្គុយគយគន់ថ្ងៃរះនាព្រឹកព្រលឹមស្រាងៗ និងអង្គុយថ្ងៃអស្តង្គតនាពេលល្ងាចបាន ដែលទេសភាពដ៏ស្រស់ស្អាតទាំងនេះ ភ្ញៀវទេសចរគយគន់មិនចេះជិនណាយនោះឡើយ៕

The post ឧកញ៉ា ឌិន សុមេធារិទ្ធ អមដំណើររដ្ឋមន្ត្រីក្រសួងទេសចរណ៍ ចុះពិនិត្យរមណីយដ្ឋានទេទឹកពុះ និងតំបន់ធម្មជាតិខ្នងផ្សារ appeared first on .

ក្នុងបទសម្ភាសន៍ជាមួយអ្នកសារព័ត៌មាន កាលពីថ្ងៃទី៦ ខែមីនា ឆ្នាំ២០២៥ លោកឧកញ៉ា បានស្នើឱ្យរាជរដ្ឋាភិបាលកម្ពុជា គួរកំណត់ថ្ងៃឱ្យបានច្បាស់លាស់យ៉ាងហោចណាស់ ៦ខែមុន ឬរយៈពេល ១ឆ្នាំមុន ដើម្បីឱ្យប្រតិបត្តិករក្នុងវិស័យទេសចរណ៍ មានភាពងាយស្រួលក្នុងការលក់កញ្ចប់ទេសចរណ៍ និងដើម្បីទាក់ទាញភ្ញៀវទេសចរបរទេសមកកម្សាន្តនៅកម្ពុជាឱ្យកាន់តែច្រើន។

លោកឧកញ៉ា បានលើកឡើងដូច្នេះថា៖ “ធម្មតាវិស័យទេសចរណ៍នៅកម្ពុជា មានរដូវមានភ្ញៀវច្រើន និងរដូវមិនសូវមានភ្ញៀវ។ ចាប់ពីខែ១០ រហូតដល់ខែ៣ ជាខែសម្បូរភ្ញៀវច្រើនមែនទែន ព្រោះនៅតំបន់អឺរ៉ុប អាមេរិក កាណាដា ចិន ជប៉ុន កូរ៉េ ត្រជាក់ខ្លាំងធ្លាក់ទឹកកក ប៉ុន្តែពីខែ៤ ដល់ខែ៩ ឬដល់ពាក់កណ្តាលខែ១០ ភាគច្រើនយើងលំបាក មិនត្រឹមតែកម្ពុជាយើងទេ សូម្បីប្រទេសនៅជុំវិញយើងក៏លំបាកដែរ”។

លោកឧកញ៉ា ឌិន សុមេធារិទ្ធ បានគូសបញ្ជាក់ថា ដូច្នេះទាក់ទងនឹងព្រឹត្តិការណ៍អង្គរសង្ក្រាន្តក៏ដោយ កម្មវិធីបុណ្យសមុទ្រ ឬកម្មវិធីបុណ្យទន្លេក៏ដោយ កន្លងមកយើងទាក់ទាញភ្ញៀវក្នុងស្រុកច្រើន តែបើសិនជាយើងចង់ទាក់ទាញភ្ញៀវទេសចរបរទេសឱ្យបានច្រើន ទាល់តែការផ្សព្វផ្សាយទៅក្រៅរបស់យើងទូលំទូលាយ។ ម្យ៉ាងទៀត យើងត្រូវកំណត់ថ្ងៃឱ្យបានច្បាស់លាស់នៅក្នុងប្រតិទិន ឱ្យដូចបុណ្យជាតិ ព្រោះកាលណាគេលក់កញ្ចប់ទេសចរណ៍ គឺលក់រយៈពេល ១ឆ្នាំមុន ឬជាង ១ឆ្នាំមុន ឬយ៉ាងហោចណាស់ ៦ខែ។

សូមជម្រាបជូនថា ព្រឹត្តិការណ៍អង្គរសង្ក្រាន្តឆ្នាំ២០២៥ នឹងត្រូវរៀបចំឡើងក្រោមប្រធានបទ «ញញឹមសាទរសង្ក្រាន្តឆ្នាំថ្មី» ដែលនឹងលើកយកនូវកេរតំណែលអរិយធម៌ វប្បធម៌ ទំនៀមទម្លាប់ និងស្នាដៃរបស់បុព្វបុរសខ្មែរមករំលេចឡើងជាផ្ទាំងទស្សនីយភាពចម្រុះដ៏សម្បូរបែបនៅលើទឹកដីអង្គររយៈពេល ០៣ ថ្ងៃ គឺថ្ងៃទី ១៤ ១៥ និង១៦ ខែមេសា ឆ្នាំ២០២៥៕

The post ឧកញ៉ា ឌិន សុមេធារិទ្ធ ជឿថាព្រឹត្តិការណ៍អង្គរសង្ក្រាន្តឆ្នាំ២០២៥នេះ កម្ពុជានឹងទាក់ទាញភ្ញៀវទេសចរបរទេសមកលេងកម្សាន្តកាន់តែច្រើន appeared first on .

លោក ឌិន សុមេធារិទ្ធ ត្រូវបានគេស្គាល់ថា ជាវាគ្មិនល្បីឈ្មោះមួយរូប ដែលតែងចែករំលែកក្នុងវគ្គបណ្តុះបណ្តាល និងសិក្ខាសាលានានា ទាក់ទងនឹងការអភិវឌ្ឍន៍អាជីវកម្មឱ្យរីកចម្រើន សហគ្រិនភាព និងគន្លឹះជោគជ័យក្នុងជីវិត។ លោក ជាម្ចាស់រមណីយដ្ឋាន ភូមិផ្កាត្រកួន, ម្ចាស់បុរី មង្គលវីឡា និងជាម្ចាស់សណ្ឋាគារ The Frangipani Royal Palace។

លើសពីនេះ ឧកញ៉ា ឌិន សុមេធារិទ្ធ ជាប្រធានសហព័ន្ធទេសចរណ៍កម្ពុជា, ប្រធានសមាគមអតីតនិស្សិតកម្ពុជា (អេ អាយ ធី), សមាជិកសភាពាណិជ្ជកម្មកម្ពុជា និងជាសមាជិកសមាគមអ្នកអភិវឌ្ឍលំនៅឋានកម្ពុជា ផងដែរ៕

The post ព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» ជូនលោក ឌិន សុមេធារិទ្ធ appeared first on .