ឧកញ៉ា ឌួង ងៀប

តុលាការសម្រេចបន្តឃុំខ្លួនឱពុកអតីតឧកញ៉ា ឌួង ឆាយ

ឧកញ៉ាតូច — Thu, 07 Jul 2022 11:49:53 +0000

សាលាដំបូងរាជធានីភ្នំពេញ សម្រេចបន្តឃុំខ្លួនឧកញ៉ា ឌួង ងៀប នៅរសៀលថ្ងៃទី៧ ខែកក្កដា ឆ្នាំ២០២២។ ការសម្រេចរបស់ចៅក្រមនេះ គឺធ្វើឡើងបន្ទាប់ពីតុលាការ បានលើកយកបណ្តឹងសុំនៅក្រៅឃុំរបស់លោក ឌួង ងៀប មកជំនុំជម្រះ កាលពីរសៀលថ្ងៃទី៥ ខែកក្កដា ឆ្នាំ២០២២ តាមការស្នើសុំរបស់ជនត្រូវចោទ។

លោក ឌួង ងៀប ដែលមានតួនាទីជាឧត្តមសេនីយ៍នៅក្រសួងមហាផ្ទៃ ត្រូវបានចាប់ឃាត់ខ្លួន កាលពីថ្ងៃទី១៤ ខែកុម្ភៈ ឆ្នាំ២០២២ តាមដីកាបង្គាប់ឲ្យចាប់ខ្លួន របស់ចៅក្រមស៊ើបសួរ នៃសាលាដំបូងរាជធានីភ្នំពេញ ក្រោមការចោទប្រកាន់ពីបទ «មិនបំពេញកាតព្វកិច្ច ចំពោះឧបករណ៍ដែលអាចជួញដូរបាន» មានទឹកប្រាក់ជាង៧លានដុល្លារ ដែលត្រូវបានប្ដឹងដោយអ្នកវិនិយោគជនជាតិចិនតៃវ៉ាន់ចំនួន២នាក់។

គួររំលឹកថា កាលពីព្រឹកថ្ងៃទី១៤ ខែកុម្ភៈ ឆ្នាំ ២០២២ សាលាដំបូងរាជធានីភ្នំពេញ បានចេញដីកាបង្គាប់ឱ្យចាប់ឃាត់ខ្លួន លោ៧ ឌួង ងៀប រួចបញ្ជូនទៅឃុំខ្លួនជាបណ្តោះអាសន្ន (នៅក្នុង PJ) ដើម្បីរង់ចាំទទួលការជំនុំជម្រះទោសតាមផ្លូវច្បាប់ ពាក់ព័ន្ធនឹងបទល្មើសក្លែងឯកសារ ឆបោក និងចេញសែកច្រើនលានដុល្លារប្រព្រឹត្តកាលពីចន្លោះឆ្នាំ២០២០-២០២១៕

The post តុលាការសម្រេចបន្តឃុំខ្លួនឱពុកអតីតឧកញ៉ា ឌួង ឆាយ appeared first on .

សមត្ថកិច្ចក្រុងភ្នំពេញ ឃាត់ខ្លួនឧកញ៉ា ឌួង ងៀប បញ្ជូនទៅតុលាការ

ឧកញ៉ាកោះក្របី — Mon, 14 Feb 2022 04:03:20 +0000

ឧត្តមសេនីយ៍ផ្កាយមាស៣ ឧកញ៉ា ឌួង ងៀប អគ្គលេខាធិការរង នៃក្រសួងមហាផ្ទៃ ត្រូវបានសមត្ថកិច្ចរាជធានីភ្នំពេញ ឃាត់ខ្លួនបញ្ជូនទៅសាលាដំបូងរាជធានីភ្នំពេញ នៅព្រឹកថ្ងៃទី១៤ ខែកុម្ភៈនេះ ក្នុងសំណុំរឿង «ឆបោក និងមិនបំពេញកាតព្វកិច្ចចំពោះឧបករណ៍អាចជួញដូរបាន»។ នេះបើតាម លោកវរសេនីយ៍ឯក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញ។

ឧកញ៉ា ឌួង ងៀប កាលពីថ្ងៃទី៧ ខែមករា បាននិយាយក្នុងវីដេអូបង្ហោះលើបណ្ដាញហ្វេសប៊ុករបស់លោកថា បន្ទាប់ពីមានការចោទប្រកាន់ លោកបានអង្វរតុលាការឱ្យជួយ ដោយសម្អាងថា លោកមិនដែលបោកអ្នកណាសូម្បីតែមួយរៀល។ ប៉ុន្តែលោកថា ពេលលោកទៅតុលាការម្ដងៗ លោកត្រូវបង់លុយឱ្យមន្ត្រីតុលាការរហូត ទោះបីលោកមិនមានកំហុសក៏ដោយ ដែលការណ៍នេះ លោកថាលោកទ្រាំលែងបាន ហើយលុយក៏អស់ដែរ។

ឧកញ៉ា ឌួង ងៀប បានគូសបញ្ជាក់ថា៖ «ខ្ញុំទ្រាំជាមួយចៅក្រមលែងបានហើយ ពេលនេះខ្ញុំអស់លុយហើយ ខ្ញុំគ្មានលុយឯណាឱ្យចៅក្រមតទៅទៀតទេ»។

បើតាមអ្នកនាំពាក្យសាលាដំបូងរាជធានីភ្នំពេញ បញ្ជាក់ថា ឧកញ៉ា ឌួង ងៀប ត្រូវបានប្តឹងដោយឈ្មោះ CHIH YU YEN និងឈ្មោះ YAO CHING KING កាលពីខែវិច្ឆិកា ឆ្នាំ២០២០ ពីបទ «ឆបោក និងមិនបំពេញកាតព្វកិច្ចចំពោះឧបករណ៍អាចជួញដូរបាន» ពាក់ព័ន្ធនឹងការលក់អចលនវត្ថុមួយកន្លែង ដែលអ្នកទិញជាដើមបានប្រគល់ប្រាក់ថ្ងៃដីគ្រប់ ចំនួន ៧.៣០៥.០០០$ ឲ្យទៅជនត្រូវចោទឈ្មោះ ឌួង ងៀប រួចរាល់ ប៉ុន្តែជនត្រូវចោទពុំមានដីនោះឡើយ។

អ្នកនាំពាក្យបានបន្តថា ក្នុងការសម្របសម្រួលដោះស្រាយទំនាស់នេះ ឈ្មោះ ឌួង ងៀប បានចេញមូលប្បទានប័ត្រចំនួន៣សន្លឹកដែលមានលេខ១៤៥៥៧៧ មានតម្លៃ ១.៦៥០.០០០$ លេខ២១៣៩៩៧ មានតម្លៃ ៣.៦៥៥.០០០$ និងលេខ១៣២៧៨៨ មានតម្លៃ ២.០០០.០០០$ ទៅឲ្យដើមបណ្តឹង រដ្ឋប្បវេណី។ បន្ទាប់មក ដើមបណ្តឹងរដ្ឋប្បវេណីបានយកមូលប្បទានប័ត្រទាំង៣សន្លឹកនោះទៅបើកប្រាក់នៅធនាគារ ប៉ុន្ដែខាងធនាគារបញ្ជាក់ថា មួលប្បទានប័ត្រទាំង៣សន្លឹកនោះគ្មានសាច់ប្រាក់ទេ។

សាលាដំបូងរាជធានីភ្នំពេញ បញ្ជាក់បន្ថែមថា ក្នុងដំណាក់កាលស៊ើបសួរ ចៅក្រមស៊ើបសួរបានពិនិត្យផ្ទៀងផ្ទាត់ភស្តុតាង និងសួរចម្លើយជនត្រូវចោទឈ្មោះ ឌួង ងៀប ហើយបានសម្រេចមិនឃុំខ្លួនជនត្រូវចោទ ដោយជំនួសមកវិញនូវការដាក់ជនត្រូវចោទឲ្យនៅក្រោមការត្រួតពិនិត្យ តាមផ្លូវតុលាការ ចុះថ្ងៃទី១៣ ខែសីហា ឆ្នាំ២០២១ ដែលមានកាតព្វកិច្ចតម្រូវ ឲ្យជនត្រូវចោទដាក់ប្រាក់ធានាមិនឃុំខ្លួននេះ ចំនួន ៥.៣០៥,០០០$ មកតម្កល់នៅក្នុងគណនីរបស់សាលាដំបូងរាជធានីភ្នំពេញ ក្នុងរយៈពេល១ខែ តែជនត្រូវចោទពុំបានយកប្រាក់ធានាខ្លួននេះ មកតម្កល់តាមការកំណត់ក្នុងដីកាសម្រេចនោះឡើយ។

ក្រោយមកជនត្រូវចោទឈ្មោះ ឌួង ងៀប បានគេចវេះពីកាតព្វកិច្ចនៃការត្រួតពិនិត្យតាមផ្លូវតុលាការ ចៅក្រមស៊ើបសួរក៏បានចាត់វិធានការបន្តតាមនីតិវិធី ស្របតាមបញ្ញត្តិមាត្រា ២៣០ នៃក្រមនីតិវិធីព្រហ្មទណ្ឌ៕

The post សមត្ថកិច្ចក្រុងភ្នំពេញ ឃាត់ខ្លួនឧកញ៉ា ឌួង ងៀប បញ្ជូនទៅតុលាការ appeared first on .

ប្អូនប្រុសអតីតឧកញ៉ា ឌួង ឆាយ កូនឧកញ៉ា ឌួង ងៀប រៀបអាពាហ៍ពិពាហ៍យ៉ាងស្ងប់ស្ងាត់

ឧកញ៉ាកោះក្របី — Sat, 22 May 2021 10:55:49 +0000

កូនប្រុសឧកញ៉ា ឌួង ងៀប និងលោកជំទាវ ខុង លីស៊ីអាណា លោក ឌួង គីមឡុង ចូលរោងជ័យជាមួយកូនក្រមុំឈ្មោះ ដេត ម៉ារីណា កាលពីថ្ងៃទី២១ ខែឧសភា ឆ្នាំ២០២១ យ៉ាងសាមញ្ញក្នុងត្រកូលគ្រួសារអភិជនមួយនេះ។ កម្មវិធីហាក់រៀបចំឡើងលក្ខណៈគ្រួសារក៏ពិតមែនប៉ុន្តែមើលទៅពោរពេញដោយស្នាមញញឹមរីករាយគ្រប់ៗគ្នា។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

រូបភាពលោក ឌួង គីមឡុង

នៅក្នុងកម្មវិធីសំខាន់ៗនៃការរៀបអាពាហ៍ពិពាហ៍ ហាក់គ្មានវត្តមានលោកឧកញ៉ា ឌួង ងៀប ចូលរួមអបអរសាទរកូនប្រុសស្រី ខណៈដែលលោកកំពុងមានរឿងក្តីក្តាំនឹងគ្នាឡើងតុលាការដើម្បីលែងលះជាមួយលោកជំទាវ ខុង លីស៊ីអាណា។ បើទោះជាយ៉ាងណាក្តីក៏កម្មវិធីនៅតែដំណើការដូចការគ្រោងទុក យ៉ាងសប្បាយរីករាយតាមប្រពៃណីវប្បធម៌ជាតិខ្មែរផងដែរ។

ជាមួយគ្នានោះ លោក ឌួង គីមឡុង ត្រូវជាកូនកំលោះ ក៏បានរៀបរាបសារលើបណ្តាញសង្គមហ្វេសបុកថា៖ ជាដំបូងកូនទាំងពី អរគុណដល់ម៉ាក់ប៉ាទាំងសងខាង ជាពិសេសម៉ាក់ទាំងពីរ ដែលខិតខំរៀបចំពិធីអាពាហ៍ពិពាហ៍ ជាលក្ខណៈគ្រួសារសំរាប់កូន អគុណដែលឲ្យកូនមានថ្ងៃនេះ។

រូបភាពលោក ឌួង គីមឡុង

លោកបន្តថា ពិធីធំតូចមិនសំខាន់ឡើយ អ្វីដែលសំខាន់គឺ ការធ្វើឡើងដោយបេះដូង ដោយក្តីស្រឡាញ់
កូនទាំងពីរនិងចាប់ដៃគ្នាចាប់ពីពេលនេះរហូតដល់ចាស់កោងខ្នង ថែរក្សាគ្នា ផ្តល់ក្តីស្រឡាញ់ឲ្យគ្នានិងថែរក្សាក្រុមគ្រួសារយើងទាំងមូល។

ទន្ទឹមនឹងនោះលោក គីមឡុង ឃ្លាតយកឪកាសនេះថ្លែងអំណរគុណដល់អតីតឧកញ៉ា ឌួង ឆាយ ដែលជាបងប្រុសបង្កើត អគុណនឹងហួត និងជេមួយ ដែលជួយជ្រំជ្រែងប្អូនទាំងពីរហូតមកដល់ពេលនេះ ប្អូនគ្មានអ្វីក្រៅពីអគុណនូវទឹកចិត្តដ៏ល្អរបស់ បងប្រុស និង បងស្រី ឡើយ។ ហើយក៏អរគុណដល់ លោកតា លោកយាយ អ៊ុំ ពូ មីង បងប្រុស បងស្រី ប្អូនប្រុស ប្អូនស្រី និងមិត្តទាំងអស់ ចំពោះការជូនពរ និង កាដូជាច្រើន ខ្ញុំពិតជាអរគុណខ្លាំងណាស់ ហើយក៏សូមទោសផង ដែលមិនបានអញ្ជើញញាតិមិត្តជិតឆ្ងាយមកចូលរួមនៅក្នុងពេលនេះ។

រូបភាពលោក ឌួង គីមឡុង

លោកបានបញ្ជាក់ថា អគុណភរិយា ដែលថែរក្សាការស្រឡាញ់អស់រយៈពេល ៩ឆ្នាំ រហូតមកដល់ថ្ងៃមង្គលមួយនេះ អគុណទឹកចិត្តដ៏ល្អ ទោះមិនសូវចេះផ្អែមល្ហែម តែអ្វីដែរធ្វើគឺចេញពីចិត្តស្រឡាញ់អូនណាស់៕

រូបភាពលោក ឌួង គីមឡុង

រូបភាពលោក ឌួង គីមឡុង

The post ប្អូនប្រុសអតីតឧកញ៉ា ឌួង ឆាយ កូនឧកញ៉ា ឌួង ងៀប រៀបអាពាហ៍ពិពាហ៍យ៉ាងស្ងប់ស្ងាត់ appeared first on .

ឧកញ៉ា ឌួង ងៀប បកស្រាយជុំវិញរឿងរ៉ាវជាមួយអតីតកូនប្រសារ ដេត ម៉ាលីណា

ឧកញ៉ាកោះក្របី — Fri, 21 May 2021 05:50:36 +0000

នៅថ្ងៃទី២២ ខែឧសភា ឆ្នាំ២០២១នេះ លោកឧកញ៉ា ឌួង ងៀប ចេញមកបកស្រាយជុំវិញរឿងរ៉ាវគ្រួសារដែលកំពុងបង្ករការភ្ញាក់ផ្អើល ខណៈសំណុំរឿងលែងលះគ្នារវាងលោក និងភរិយាស្ថិតក្នុងដៃតុលាការ។ កាលពីថ្ងៃទី១៤ ខែឧសភា ម្ដាយបង្កើតអតីតឧកញ៉ា ឌួង ឆាយ គឺលោកស្រី ខុង លីស៊ីអាណា បានចេញមុខទទូចស្នើសុំយុត្តិធម៌សម្រាប់ខ្លួនឯង និងកូនប្រុសគឺព្រះតេជព្រះគុណ ឌួង ឆាយ។

ឧកញ៉ា ឌួង ងៀប បានឲ្យដឹងថា រឿងដីដែលនិយាយថា ខ្ញុំកាត់ឈ្មោះឱ្យនោះ ការពិតដីនេះដំបូងឡើយខ្ញុំបាននិយាយជាមួយធនាគារមួយដែលខ្ញុំរាប់អានជិតដិតនោះ ជួយទម្លាក់លុយឱ្យកូនប្រុស ឌួង ឆាយ និងនាង ដេត ម៉ាលីណា ដើម្បីចាប់ផ្តើមវិនិយោគដូចដែលខ្ញុំបានរកស៊ី រាប់សិបឆ្នាំកន្លងមក។ ដោយពេលនោះដន្លងខ្ញុំ ម្តាយបង្កើត ដេត ម៉ាលីណា ក៏ចូលហ៊ុនតូចមួយក៏មានទឹកប្រាក់ ៨៥.០០០ ដុល្លារ ស្មើ ៥០០០ ម៉ែត្រការ៉េ នៅក្នុងកិច្ចសន្យាទិញដីមួយកន្លែង ដោយមានមេធាវីបោះត្រាយ៉ាងត្រឹមត្រូវ សរុបទឹកប្រាក់ (ហុកសិបប្រាំម៉ឺនដុល្លារ) ស្របពេលនោះ ឌួង ឆាយ និងនាង ដេត ម៉ាលីណា ចាប់ផ្តើមមានជម្លោះគ្នាមិនទាន់ឈានដល់ការលែងលះគ្នាទេ ហើយ ដេត ម៉ាលីណា ក៏និយាយជាមួយខ្ញុំថា សុំប៉ាជួយកាត់ឈ្មោះឱ្យខ្ញុំទៅ ព្រោះខ្ញុំមិនមានទ្រព្យអីធំដុំទេ ។

ចំណែកដីទ្រព្យដែលប៉ាឯងឱ្យទៅ ឌួង ឆាយ ប្រហែលជាង ២០ លានដុល្លារនោះ ឆាយ មិនចែកឱ្យខ្ញុំទេ ដោយ ឆាយ និយាយថា នេះជាកេររបស់ឪពុកម្តាយគេទេ ដូច្នេះប៉ាឯងកាត់ឱ្យខ្ញុំទាំងអស់នោះមកដូចប៉ាជួយចៅទាំង ៣ អញ្ចឹង ខ្ញុំឆ្លើយថា ប៉ានឹងជួយកូនឯង តែកូនឯងត្រូវមានការយល់ព្រមពី ឆាយ តែក្រោយមកទៀតជម្លោះរវាង ឌួង ឆាយ និង ដេត ម៉ាលីណា កាន់តែខ្លាំងរហូតដល់ការលែងលះគ្នា ។

លោកបានបញ្ជាក់ថា ចំណែកដីរបស់ម្ដាយ ដេត ម៉ាលីណា បច្ចុប្បន្តម្ចាស់ដីឈ្មោះ សុខ វិបុល បានប្រគល់ដី និងកាត់ឈ្មោះជូនលោកស្រី អេង ស៊ីម៉ាដែរ ម្តាយនាង ដេត ម៉ាលីណា ។ រយៈពេលជិត ១ ឆ្នាំចុងក្រោយនេះខ្ញុំមិនបានជួប ឬទៅផ្ទះរបស់ ឌួង ឆាយ និងនាង ដេត ម៉ាលីណា ទេ ។ ទើបតែរយៈពេល ២ ខែមុននេះពូបង្កើតរបស់នាង ដេត ម៉ាលីណា ឈ្មោះ អេង សំផល អេង សោភា ដែលជាកូនចៅខ្ញុំផង និងមិត្តភក្ដិជិតដិតបំផុត (ជាប៉ូលិស) ដែលបានដឹងរឿងគ្រប់យ៉ាងតាំងពីដើមដល់ចប់ បានយកឡានមកដឹករូបខ្ញុំបាទទៅជួប ដេត ម៉ាលីណា នៅផ្ទះរបស់នាងដែលមានការចូលរួម ៖ ១- ដេត រិទ្ធី បងប្រុសបង្កើតរបស់នាង ដេត ម៉ាលីណា ២- អេង សំផល (ពូ) ៣- អេង សោភា និងរូបខ្ញុំបាទផ្ទាល់ព្រមទាំងម្ដាយបង្កើតរបស់នាង និងចៅៗទាំងអស់ ។

អំឡុងពេលជួបនោះដោយរូបខ្ញុំផ្ទាល់ និង អេង សោភា បានអង្វរថា សុំឱ្យ ដេត ម៉ាលីណា កុំប្ដឹង ឌួង ឆាយ អីអាណិតប៉ាផង ។ អាណិតដល់ចៅៗទាំង៣ ដោយខ្ញុំអង្វរពោលពាក្យថា អាឆាយ ឥឡូវវាអស់គោរមងារជាឧកញ៉ា ដូចបានដាក់ទោសវារួចហើយ ដូច្នេះកូនឯងកុំប្ដឹងវាទៀតអី បើពុំដូច្នេះកូនៗ ឌួង ឆាយ ធំឡើងវាស្អប់កូនឯង ។ តែនាង ដេត ម៉ាលីណា ថែមទាំងខឹងខ្ញុំ និងពូៗរបស់ខ្លួនទាំងពីរដោយប្រាប់ថា ឈប់យករឿង ឌួង ឆាយ មកនិយាយទៅ ចំណែក ដេត រិទ្ធី ក៏ប្រាប់ថា ពូងៀប កុំជួយ ឆាយ ទុកឱ្យច្បាប់ធ្វើការ៕

The post ឧកញ៉ា ឌួង ងៀប បកស្រាយជុំវិញរឿងរ៉ាវជាមួយអតីតកូនប្រសារ ដេត ម៉ាលីណា appeared first on .

ឧកញ៉ា ឌួង ងៀប៖ មូលហេតុដែលខ្ញុំចាកចេញពីផ្ទះនោះដោយភរិយាបានដាក់ចេញនូវបទបញ្ជាថ្មី ដើម្បីគ្រប់គ្រងរូបខ្ញុំ

ឧកញ៉ាកោះក្របី — Fri, 21 May 2021 05:11:22 +0000

ឧកញ៉ា ឌួង ងៀប នៅព្រឹកថ្ងៃទី២២ ខែឧសភា ឆ្នាំ២០២នេះ បានចេញមកបំភ្លឺរឿងរ៉ាវជម្លោះគ្រួសារអភិជន ដែលកំពុងប្តឹងផ្តល់គ្នាឡើងតុលាការ។

ឧកញ៉ា ឌួង ឌៀប បានឲ្យដឹងថា៖ មូលហេតុដែលខ្ញុំចាកចេញពីផ្ទះនោះដោយភរិយាបានដាក់ចេញនូវបទបញ្ជាថ្មី ដើម្បីគ្រប់គ្រងរូបខ្ញុំ មានពេលមួយខ្ញុំគ្រាន់តែទៅខេត្តតែមួយយប់ទេ ហើយខ្ញុំត្រឡប់មកផ្ទះវិញ ខោអាវ និងសម្ភារៈរបស់ខ្ញុំប្រើត្រូវបានគាត់ប្រើឱ្យកូនចៅយកទៅដុតកម្ទេចចោលអស់ព្រមទាំងបង្ហោះវិីដេអូទៀត ។

លោកថា មានពេលខ្លះវាយដំរូបខ្ញុំស្រេចតែចិត្តពេលគាត់ខឹងម្ដងៗ ហើយថែមទាំងចាក់សោររូបខ្ញុំនៅក្នុងផ្ទះជាមួយចុងភៅ ២នាក់ទៀត ។ ចំពោះរូបខ្ញុំវិញបានគិតថាមនុស្សយើងគ្រប់រូបរស់នៅក្រោមច្បាប់ មានសិទ្ធិសេរីភាពពេញលេញក្នុងការដើរធ្វើការដើម្បីបម្រើជាតិប្រកបមុខរបររកស៊ីដោយគ្មានការហាមឃាត់ ។ ចំណែករូបខ្ញុំវិញសុំតែមួយសប្តាហ៍សេរីភាពកន្លះថ្ងៃក៏គេមិនឱ្យដែរ ។ ទន្ទឹមនឹងនេះ ខ្ញុំបានរៀបចំសំណុំរឿងរួចរាល់ហើយ កំពុងដាក់ប្តឹងទៅសមត្ថកិច្ចលើបញ្ហានេះ។

ឧកញ៉ា ឌួង ងៀប បានបញ្ជាក់ថា ហើយរយៈពេលជាងមួយឆ្នាំមកនេះ រឿងរ៉ាវក៏បានកើតឡើងធ្វើឱ្យមានជម្លោះក្នុងគ្រួសារ ។ ហើយរូបខ្ញុំក៏រំងាប់ក្នុងគ្រួសារដើម្បីកុំមានរឿងរ៉ាវឮដល់ខាងក្រៅ ខ្លាចប៉ះពាល់កិត្តិយសគ្រួសារ ពេលនោះខ្ញុំសុខចិត្តប្រគល់ទ្រព្យសម្បត្តិទាំងអស់ក្នុងគ្រួសារ ព្រមទាំងក្រុមហ៊ុនដែលរូបខ្ញុំបានចំណាយកម្លាំងញើសឈាម រកស៊ីក្នុងមួយជីវិត ប្រគល់ឱ្យកូនទាំង ៤ នាក់ និងភរិយារបស់ខ្ញុំ ក្រោមការបង្ខិតបង្ខំ ថែមទាំងសុខចិត្តឱ្យគេវះកាត់អវៈយវៈ (គ្រៀវ) ទៀតផង៕

The post ឧកញ៉ា ឌួង ងៀប៖ មូលហេតុដែលខ្ញុំចាកចេញពីផ្ទះនោះដោយភរិយាបានដាក់ចេញនូវបទបញ្ជាថ្មី ដើម្បីគ្រប់គ្រងរូបខ្ញុំ appeared first on .

ឧកញ៉ា ឌួង ងៀប ប្តឹងសុំលែងលះ តែមិនបានសម្រេចឡើយ ដោយប្រពន្ធមិនយល់ព្រមព្រោះមិនសមហេតុសមផល

ឧកញ៉ាកោះក្របី — Wed, 19 May 2021 11:02:45 +0000

ឧកញ៉ា ឌួង ងៀប និងលោកជំទាវ ខុង លីស៊ីអាណា បានទៅកាន់តុលាការតាមដីកាកោះហៅដើម្បីលែងលះ ប៉ុន្តែពុំបានសម្រេចឡើយ ដោយសារភាគីខាងប្រពន្ធមិនយល់ព្រម ធ្វើឡើងនៅព្រឹកថ្ងៃទី១៩ ខែឧសភា ឆ្នាំ២០២១នេះ។

ការកោះហៅរបស់តុលាការសាលាដំបូងរាជធានីភ្នំពេញនេះ គឺធ្វើឡើងក្នុងគោលបំណងដើម្បីបំភ្លឺជុំវិញបណ្តឹងរបស់ស្វាមី គឺឧកញ៉ា ឌួង ងៀប ប្តឹងសុំលែងលះជាមួយភរិយា គឺលោកជំទាវ ខុង លីស៊ីអាណា។ ប៉ុន្តែបើតាមប្រភពព័ត៌មានបានលើកឡើងថា មិនបានសម្រេចឡើយ ដោយលោកជំទាវ ខុង លីស៊ីអាណា មិនយល់ព្រមលែងលះ។

បើយោងតាមការបញ្ជាក់ពីលោកជំទាវ ខុង លីស៊ីអាណា បានប្រាប់សារព័ត៌មានថា៖ ស្វាមីលោកស្រីគឺឧកញ៉ា ឌួង ងៀប បានទាមទារលែងលះ តែលោកស្រីមិនព្រមលែងលះជាដាច់ខាត ព្រោះការលើកឡើងដើម្បីការលែងលះរបស់គាត់ វាមិនសមហេតុសមផលដែលត្រូវលែងលះជាមួយគាត់ឡើយ។ ដោយគាត់ថា មកពីលោកស្រីរករឿងគាត់ គាត់មិនមានសិទ្ធឯកភាពផ្សេងៗ តែការពិតគ្រប់យ៉ាង គឺដោយសារគាត់មានស្រីទើបធ្វើឲ្យគ្រួសារបែកបាក់គ្នា។

ដោយឡែកសម្រាប់លោកឧកញ៉ា ឌួង ងៀប រហូតមកទល់ពេលនេះ គឺមិនទាន់មានការបញ្ជាក់ ឬបកស្រាយអ្វីឡើយ ជុំវិញរឿងរ៉ាវវិវាទរបស់គ្រួសារអភិជនដែលបានបើកកកាយរឿងលែងលះ និងបញ្ហាគ្រួសារជាច្រើនធ្វើឡើងពីសំណាក់លោកជំទាវ ខុង លីស៊ីអាណា តាមរយ:សន្និសីទសារព័ត៌មានកាលពីថ្ងៃទី១៤ខែឧសភាកន្លងទៅ៕

The post ឧកញ៉ា ឌួង ងៀប ប្តឹងសុំលែងលះ តែមិនបានសម្រេចឡើយ ដោយប្រពន្ធមិនយល់ព្រមព្រោះមិនសមហេតុសមផល appeared first on .

ឧកញ៉ា ឌួង ងៀប និងប្រពន្ធ មកលែងលះគ្នាព្រឹកនេះនៅតុលាការ

ឧកញ៉ាកោះក្របី — Wed, 19 May 2021 04:52:02 +0000

លោកឧកញ៉ា ឌួង ងៀប និងប្រពន្ធ គឺលោកជំទាវ ខុង លីស៊ីអាណា បានមកកាន់តុលាការចូលខ្លួនទាញហេតុផលដើម្បីលែងលះនៅថ្ងៃទី១៩ ខែឧសភា នេះ។

លោកស្រី ខុង លីស៊ីអាណា ឱ្យដឹងថា ស្វាមីរបស់ខ្លួនមិនបានភ្ញាក់រលឹកដឹងកំហុសខ្លួនបានធ្វើខុសយ៉ាងធ្ងន់ធ្ងរចំពោះកូន ឌួង ឆាយ ហើយថែមទាំងប្ដឹងលែងលះលោកស្រី និងជំរុញតុលាការឱ្យកោះហៅលោកស្រីជាលើកទី២ដើម្បីចូលខ្លួនទាញហេតុផលដើម្បីលែងលះ។

សវនាការលែងលះប្តី ប្រពន្ធ លោកឧកញ៉ា ឌួង ងៀប បានចាប់ផ្ដើមនៅព្រឹកថ្ងៃទី១៩ ខែឧសភា ឆ្នាំ២០២១នេះ៕

The post ឧកញ៉ា ឌួង ងៀប និងប្រពន្ធ មកលែងលះគ្នាព្រឹកនេះនៅតុលាការ appeared first on .

លោកស្រី ខុង លីស៊ីអាណា៖ ឧកញ៉ា ឌួង ងៀប រៀបចំផែនការដាក់អន្ទាក់កម្ចាត់កូនខ្លួនឯង

ឧកញ៉ាកោះក្របី — Sat, 15 May 2021 08:18:50 +0000

ភរិយាឧកញ៉ា ឌួង ងៀប និងត្រូវជាម្ដាយបង្កើតអតីតឧកញ៉ា ឌួង ឆាយ គឺលោកស្រី ខុង លីស៊ីអាណា បានចេញមុខទទូចស្នើសុំយុត្តិធម៌សម្រាប់ខ្លួនឯង និងកូនប្រុសគឺព្រះតេជព្រះគុណ ឌួង ឆាយ កាលពីរសៀលថ្ងៃទី១៤ ខែឧសភា ឆ្នាំ២០២១។

លោកស្រីឱ្យដឹងថា ស្វាមីរបស់ខ្លួនមិនបានភ្ញាក់រលឹកដឹងកំហុសខ្លួនបានធ្វើខុសយ៉ាងធ្ងន់ធ្ងរចំពោះកូន ឌួង ឆាយ ហើយថែមទាំងប្ដឹងលែងលះលោកស្រី និងជំរុញតុលាការឱ្យកោះហៅលោកស្រីជាលើកទី២ដើម្បីចូលខ្លួនទាញហេតុផលដើម្បីលែងលះនៅថ្ងៃទី១៩ ខែឧសភា ខាងមុខនេះ។

បើតាមលោកស្រី អ្វីដែលកូនប្រុសរបស់ខ្ញុំនិយាយថា អតីតកូនប្រសារមានគំរោងការរៀបចំផែនការដាក់អន្ទាក់កូនប្រុសរបស់ខ្ញុំជាមួយអតីតប្តីរបស់ខ្ញុំគឺជាការពិត។

លោកស្រីបញ្ជាក់ថា មូលហេតុុឪពុករៀបចំផែនការដាក់អន្ទាក់បំផ្លាញកម្ចាត់កូនខ្លួនឯង ដោយសារគាត់ខឹងកូនប្រុសបានជួយណែនាំមេធាវីការពារក្តីផ្លូវច្បាប់ដល់នាងខ្ញុំ ដើម្បីប្តឹងប្តីរឿងឯកពន្ធនភាពមានស្រីសាហាយរហូតឈានដល់មានកូនស្រីឥតខាន់ស្លា នឹងបានយកទ្រព្យសម្បត្តិរួមជាច្រើនលានដុល្លារទៅធ្វើភូមិគ្រឹះ ២កន្លែង និងដីជាច្រើនកន្លែងដែលបានកាត់ចេញពីប្លង់ក្រុមហ៊ុន។

លោកស្រីបន្តថា តើសាកសមដែរទេដែលប្ដីលួចលាក់មានសហាយនៅខាងក្រៅរហូតមានកូនមកឱ្យប្រពន្ធកូននៅផ្ទះទទួលស្គាល់ពេញមុខពេញសិទ្ធិបែបនេះ។ ប៉ុន្តែកូនប្រុសខ្ញុំមិនបានជួយអ្វីលើសពីការណែនាំមេធាវី។

សូម្បីតែខ្ញុំឱ្យកូនប្រុស ឌួង ឆាយ ទៅធ្វើសាក្សីនៅតុលាការថាឪពុកខ្លួនមានស្រី និងកូននៅក្រៅក៏ ឌួង ឆាយ មិនព្រមទៅ និងធ្វើតាមហើយពេលខ្ញុំប្ដឹងចុះរក្សាការពារផ្ទះស្រីសហាយរបស់គាត់បានឱ្យប្រតិកម្មដោយឱ្យទុកកិត្តិយសកេរ្តិ៍ឈ្មោះ និងផ្លូវក្រោយសម្រាប់ឪពុករបស់គេ។ ប៉ុន្តែឪពុកនៅតែដាច់ចិត្តរៀបចំគម្រោងផែនការជាមួយអតីតកូនប្រសាដើម្បីធ្វើបាបកូនប្រុសរបស់ខ្លួនឯងបង្កើតទាំងអស់។

ពាក់ព័ន្ធនឹងបញ្ហានេះមិនទាន់មានការបកស្រាយពី ឧកញ៉ា ឌួង ងៀប ដែលជាស្វាមីរបស់លោកស្រីនៅឡើយនោះទេ៕

The post លោកស្រី ខុង លីស៊ីអាណា៖ ឧកញ៉ា ឌួង ងៀប រៀបចំផែនការដាក់អន្ទាក់កម្ចាត់កូនខ្លួនឯង appeared first on .