លិខិតដដែលនេះ បានបញ្ជាក់ថា ក្នុងករណីលោក ឌួង ឆាយ ពុំព្រមធ្វើការអនុវត្តដោយស្ម័គ្រចិត្ត និងមិនអនុវត្តតាមអំណាចនៃដីកាសម្រេចនោះទេ អាជ្ញាសាលា នឹងចាត់វិធានការតាមផ្លូវច្បាប់យ៉ាងតឹងរ៉ឹងបំផុត។

គួរបញ្ជាក់ថា អំពើដែលមិនអនុវត្តសេចក្តីសម្រេចរបស់តុលាការ គឺជាបទល្មើសព្រហ្មទណ្ឌ “បទធ្វើឱ្យបាត់ជំនឿ លើសេចក្តីសម្រេចរបស់តុលាការ” ត្រូវផ្តន្ទាទោសដាក់ពន្ធនាគារពី ១ (មួយ) ខែ ទៅ ៦ (ប្រាំមួយ) ខែ និងពិន័យជាប្រាក់ ពី ១០០.០០០ (មួយសែន) រៀល ទៅ ១.០០០.០០០ (មួយលាន) រៀល ស្របតាមមាត្រា ៥២៣ ក្រមព្រហ្មទណ្ឌនៃព្រះរាជាណាចក្រកម្ពុជា។

សូមអានលិខិតខាងក្រោម៖

The post តុលាការ ចេញលិខិតបង្គាប់ឱ្យអតីតឧកញ៉ា ឌួង ឆាយ ប្រគល់កូនស្រីឱ្យទៅអ្នកស្រី ដេត ម៉ាលីណា ក្នុងរយៈពេល ៧ថ្ងៃ appeared first on .

ពិធីមង្គលការលោក ឌួង ឆាយ ត្រូវបានរៀបចំឡើងតាមប្រពៃណីទំនៀមទម្លាប់ខ្មែរ ក្រោមការចូលរួមពីលោកមេបាចាស់ទុំត្រកូលរាមច្បងទាំងសងខាង និងភ្ញៀវកិត្តិយសជាច្រើនរយនាក់។ ក្នុងពិធីកិច្ចមង្គលការក្រៅពីរៀបចំតាមទម្រង់ទំនៀមទម្លាប់ខ្មែរហើយនោះ ក៏មានរៀបចំតាមកិច្ចប្រពៃណីជនជាតិចិន-វៀតណាមផងដែរ។

កិច្ចអាពាហ៍ពិពាហ៍របស់អតីតឧកញ៉ា ឌួង ឆាយ រូបនេះមានអញ្ជើញចូលរួមដឹកនាំកូនប្រុសស្រីពីឧកញ៉ា២រូប គឺលោកស្រីឧកញ៉ា ម៉ៅ ម៉ាល័យ កែ គឺមយ៉ាន និងលោកស្រីឧកញ៉ា ហ៊ុន ស៊ីណាត ព្រមទាំងមានការអញ្ជើញចូលរួមពីសំណាក់សម្តេចកិត្តិសង្គហបណ្ឌិត ម៉ែន សំអង ឧត្តមប្រឹក្សាផ្ទាល់ព្រះមហាក្សត្រ, ភរិយាសម្តេចក្រឡាហោម ស ខេង លោកស្រី ញ៉ែម សាខន ស ខេង,  លោក ហ៊ុន ម៉ានី រដ្ឋមន្រ្តីក្រសួងមុខងារសាធារណៈ ព្រមទាំងអ្នកឧកញ៉ា ឧកញ៉ា លោក លោកស្រីភ្ញៀវកិត្តិយជាច្រើនរូបទៀត។

បើតាមការឲ្យដឹងនៅលើទំព័រហ្វេសប៊ុកផ្ទាល់ខ្លួន លោក ឌួង ឆាយ បានលើកឡើងថា ពិធីមង្គលការរបស់លោកនិងកញ្ញា ហ៊ មុីលី មានភ្ញៀវកិត្តិយសអញ្ជើញចូលរួមប្រមាណ ២ពាន់នាក់។ លោកថ្លែងថា «សូមគោរពថ្លែងអំណរគុណថ្នាក់ដឹកនាំ និងពូមីងបងប្អូន ២,០០០នាក់ដែលបានផ្តល់កិត្តិយសចូលរួមពិធីអាពាហ៍ពិពាហ៍យើងខ្ញុំដោយបរិសុទ្ធស្មោះត្រង់ជាទីបំផុតទោះបីខ្ញុំបាទគ្មានឋានៈ និងតួនាទីនៅក្នុងសង្គមក្តី។ ខ្ញុំបាទនឹងចងចាំទុកក្នុងក្រអៅបេះដូងអស់មួយជីវិត»៕

The post ភ្ញៀវប្រមាណ ២ពាន់នាក់ចូលរួមពិធីអាពាហ៍ពិពាហ៍អតីតឧកញ៉ា ឌួង ឆាយ appeared first on .

ព្រះរាជក្រឹត្យផ្តល់គោរមងារ «ឧកញ៉ា» ជូនលោក​ស្រី ខុង លីស៊ីអាណា​​ លេខ នស/រកត/០៧២៣/១៦៤២ នេះ ត្រូវបាន​ធ្វើ​ឡើង​តាម​សេចក្តី​ក្រាប​បង្គំ​ទូលថ្វាយ​របស់​សម្តេចតេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា។

លោក​ស្រី ខុង លីស៊ីអាណា​​ ​​​​ត្រូវ​បាន​គេ​ស្គាល់​ថា ​ជា​ភរិយា​របស់​លោក​ឧកញ៉ា ឌួង ងៀប និង​ជា​ម្តាយ​របស់​លោក ឌួង ឆាយ អគ្គនាយកក្រុមហ៊ុន Downtown Development និង​ជា​ម្ចាស់​បុរី ដោនថោន ផ្លូវ ២០០៤ រាជធានីភ្នំពេញ៕

The post ព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» ជូនម្តាយលោក ឌួង ឆាយ appeared first on .

លោក ថូម៉ាស ស្ត្រេយ ប្រធានប្រតិបត្តិមូលនិធិ ENDEMAJ FUNDS បានឲ្យដឹងពីគោលបំណងពិនិត្យលទ្ធភាពវិនិយោគលើវិស័យធនាគារ, ការបង្កើត SUPER APP, ការបើកសេវាកម្មតាក់ស៊ី UBER និង BITCOIN នៅប្រទេសកម្ពុជានាពេលអនាគត។លោកក៏បានបង្ហាញផងដែរពីទំនាក់ទំនងរវាងមូលនិធិ ENDEMAJ FUNDS និងក្រុមហ៊ុនធំៗមួយចំនួននៅប្រទេសចិន ដូចជា Sinopharm ជាដើម ដែលអាចជាកត្តាមួយងាយស្រួលដល់មូលនិធិក្នុងការវិនិយោគនៅកម្ពុជា ដោយសារកម្ពុជា និងចិនបានចុះកិច្ចព្រមព្រៀងពាណិជ្ជកម្មសេរីជាមួយគ្នា។

ឆ្លើយតបចំពោះគោលបំណងរបស់មូលនិធិ ENDEMAJ FUNDS ក្នុងការវិនិយោគលើវិស័យធនាគារ ការបង្កើត SUPER APP និងសេវាកម្មតាក់ស៊ី UBER នៅប្រទេសកម្ពុជា លោករដ្ឋមន្រ្តី ប៉ាន សូរស័ក្តិ បានបញ្ជាក់ថា ក្រសួងពាណិជ្ជកម្មនឹងជួយសម្របសម្រួលជាមួយធនាគារជាតិ ក្រសួងសាធារណការ និងដឹកជញ្ជូន ព្រមទាំងក្រសួង-ស្ថាប័នពាក់ព័ន្ធរបស់កម្ពុជាមួយចំនួនទៀត ដើម្បីពិនិត្យលទ្ធភាពធ្វើឱ្យការវិនិយោគនេះកើតមានឡើងនៅប្រទេសកម្ពុជា។ ដោយឡែកចំពោះបញ្ហា BITCOIN លោករដ្ឋមន្ត្រីថាអាចនឹងពិភាក្សានៅពេលក្រោយ។

ជាមួយគ្នានេះ លោក ប៉ាន សូរស័ក្តិ ក៏បានលើកឡើងអំពីច្បាប់ស្តីពីវិនិយោគនៅកម្ពុជា ការនាំចេញផលិតផលកសិកម្ម និងគោលបំណងយកតំបន់អារ៉ាប់ជាចំណុចរួម (Hub) ដើម្បីបញ្ជូនផលិតផលកម្ពុជាចូលទីផ្សារមជ្ឈឹមបូព៌ា និងអាហ្រិក (MENA) ក្នុងគោលដៅជំរុញសកម្មភាពពាណិជ្ជកម្ម និងទាក់ទាញការវិនិយោគមកកាន់ប្រទេសកម្ពុជា។

លោករដ្ឋមន្រ្តីបានបញ្ជាក់បន្ថែមថា ការបោះទុនវិនិយោគនៅកម្ពុជា គឺជាការបោះទុនក្នុងទីផ្សារអាស៊ាន ដែលមានប្រជាជនប្រមាណ ៦០០ លាននាក់ ហើយជាលក្ខណៈភូមិសាស្ត្រ កម្ពុជាស្ថិតនៅចំកណ្ដាលអាស៊ានតែម្ដង។

លោករដ្ឋមន្រ្តី ក៏បានអំពាវនាវឱ្យក្រុមហ៊ុនដែលមានចំណាប់អារម្មណ៍ចង់វិនិយោគនៅកម្ពុជា លើគ្រប់វិស័យ ទាំងវិស័យធុរកិច្ច វិនិយោគ ទេសចរណ៍ ធនាគារ សាធារណការ សំណង់ កសិកម្មនៅប្រទេសកម្ពុជា សូមមកពិភាក្សាគ្នាបន្ថែមទៀតជាមួយក្រសួង-ស្ថាប័នពាក់ព័ន្ធរបស់កម្ពុជា៕

The post អតីតឧកញ៉ា ឌួង ឆាយ និងអ្នកវិនិយោគមកពីឌុយបៃ គ្រោងវិនិយោគលើវិស័យធនាគារ និងវិស័យដឹកជញ្ជូននៅកម្ពុជា appeared first on .

កាដូ​រថយន្ត​ទំនើប​​ដែល​លោកឌួង ឆាយ ​និង​ប្អូនៗ​រួម​គ្នា​ទិញ​ជូនអ្នកមានគុណនេះ​ម៉ាក​ Bentley ពី​ក្រុមហ៊ុន HGB Group ដែល​គេស្គាល់​ជា​របស់​ឧកញ៉ា ង៉ូវ លាងហួត។

តាមរយៈការ​ចាយ​លុយ​រាប់ម៉ឺន​ដុល្លារ​លើ​រថយន្ត​ដ៏​ថ្លៃនេះ លោកឌួង ឆាយ ​បាន​លើកពី​​ពាក្យចាស់​ខ្មែរ​បុរាណ ធ្វើបុណ្យទាន់ខែភ្លឺ ទាន់ព្រះរស់អាចសោយសុខទទួលយកបាន កុំចាំយឺតពេល ឬហួសពេលទើបស្តាយក្រោយ។

ជាមួយគ្នានេះ លោក​ក៏​អរគុណដល់ឧកញ៉ា ង៉ូវ លាងហួត ម្ចាស់ក្រុមហ៊ុន​ HGB GROUP & ក្រុមការងារ Bentley Phnom Penh ដែលបានរៀបចំពិធីយ៉ាងពិសេសសំរាប់អ្នកម្តាយរបស់លោក​ដែរ។

The post លោក ឌួង ឆាយ ​ទិញរថយន្តទំនើប Bentley ជា​កាដូ​​ជូនម្តាយ ក្នុង​ថ្ងៃ​ខួប​កំណើត​របស់ខ្លួន appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

កន្លងមកធ្លាប់មានការចុះផ្សាយថារឿងរ៉ាវរបស់អ្នកទាំងពីរ បានបញ្ចប់សព្វគ្រប់អស់ ហើយក្រោយពីលោក ឌួង ឆាយ ព្រមអហោសកម្មគ្រប់យ៉ាង ហើយចុះចេញដោយខ្លួនទទេជាមួយនឹងបំណុល​ធនាគារជាង៣លានដុល្លារអាមេរិកថែមទៀតផង។

ជុំវិញរឿងរ៉ាវខាងលើ គេមិនទាន់ដឹងថាអ្នកនាង ដេត ម៉ាលីណា អាចលើកលែងទោស ឫក៏អហោសកម្មឲ្យអតីតស្វាមី​គឺ​លោក ឌួង ឆាយ ដូចការទទូចសុំក្នុងការឡាយបានដែរឬយ៉ាងណាទេ?។ ដោយឡែកនៅលើផេករបស់អ្នកនាង ដេត ម៉ាលីណា នៅថ្ងៃនេះក៏បានបង្ហោះសាររៀបរាប់យ៉ាងវែងអន្លាយនិងទទូចចង់បានយុត្តិធម៌ផងដែរ៕

The post អតីតភរិយាលោក ឌួង ឆាយ អ្នកនាង ដេត ម៉ាលីណា មកកាន់សាលា​ដំបូងរាជធានីភ្នំពេញ appeared first on .

លោក ឌួង ឆាយ ក៏បានអរព្រះគុណ និងអរគុណ ចំពោះព្រះគុណម្ចាស់គ្រប់ព្រះអង្គ លោកអាចារ្យ គណៈកម្មការ វត្តមុនីប្រសិទ្ធីវង្ស ជាពិសេសសម្តេចព្រះឧត្តមវង្សា កិតិ្តបណ្ឌិត មួង រ៉ា (លោកឪ) សម្តេចព្រះសង្ឃនាយករងទី៣ នៃព្រះរាជាណាចក្រកម្ពុជា ដែលមានព្រះទ័យសណ្តោសប្រោសប្រទានដល់ខ្លួន បានស្នាក់អាស្រ័យក្នុងកំឡុងពេលសាងផ្នួសផងដែរ។

គួរបញ្ជាក់ផងដែរថា លោក ឌួង ឆាយ បានសម្រេចចិត្តសាងផ្នួសសងគុណអ្នកមានគុណ និងលាងបាបកម្ម កាលពីថ្ងៃទី២១ ខែមីនា ២០២១ ក្រោយមានបញ្ហាចម្រូងចម្រាសក្នុងគ្រួសារ ឈានដល់ការចែកផ្លូវ ចែកទ្រព្យសម្បត្តិគ្នា រវាងអតីតភរិយា៕

The post ព្រះតេជគុណ ឌួង ឆាយ លាចាកសិក្ខាបទហើយ appeared first on .

លោកជំទាវម្ដាយបង្កើតរបស់ ព្រះតេជគុណ ឌួង ឆាយ បានរៀបរាប់ថា ​កាមេរ៉ា​នៅក្នុង​ផ្ទះ​ជាច្រើន​កន្លែង​ ត្រូវបានគេរៀបចំទុកជាមុន និង​បាន​អនុញ្ញាត​ឲ្យ​លោក ឌួង ឆាយ ទៅ​ជួប​ ហើយក៏​ប្រើពាក្យ​ពេចន៍​ប្រមាថ​ជាច្រើន ​ក្នុង​គោលបំណង​ធ្វើ​ឲ្យ​លោក​ទប់​កំហឹង​មិនបាន​ក៏​ប្រើ​ហិង្សា​លើ​អ្នកនាង ហើយក៏​ប្រមូល​វីដេអូ​ទុកជា​ភស្តុតាង សម្រាប់​ដាក់​បន្ទុក​មក​លើ​រូបលោក​តែម្តង​។​

ករណីបទចោទ ជុំវិញរឿង​សមគំនិត ដែល​លោកជំទាវ អះអាង​នៅ​ក្នុង​សន្និសីទ​សារព័ត៌មាន​នេះ មិនទាន់មាន​ការបកស្រាយ​ពី​លោកស្រី ដេ​ត ម៉ាលី​ណា និង​លោក​ឧកញ៉ា ឌួង ងៀប នៅឡើយ​ទេ​។​ ខណៈ​ដែល​រឿងរ៉ាវ​ខាងលើនេះ ​មាន​មហាជន​រង់ចាំ​តាមដាន ការ​ចេញមុខ​ស្រាយ​បំភ្លឺ​ពី​សំណាក់​អ្នកនាង ដេ​ត ម៉ាលី​ណា ដើម្បី​ជម្រះ​មន្ទិល​ជុំវិញ​ការ​បញ្ជាក់​ពី​អតីត​ម្ដាយ​ក្មេក​លោកជំទាវ ​ខុង លី​លី​ស៊ី​អាណា នៅឡើយទេ៕

The post ​អ្នកស្រី ដេត ម៉ាលី​ណា មិន​ទាន់​​ចេញមុខបក​ស្រាយ រឿង​អតីត​ម្ដាយក្មេកចោទ​ថា ​​រៀបចំ​គម្រោង​ធ្វើបាប​ព្រះតេជគុណ ឌួង ឆាយ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោកស្រី​ឱ្យ​ដឹង​ថា ស្វាមី​របស់​ខ្លួន​​មិន​បាន​ភ្ញាក់​រលឹក​ដឹង​កំហុស​ខ្លួន​បាន​ធ្វើ​ខុស​យ៉ាង​ធ្ងន់ធ្ងរ​ចំ​ពោះ​កូន​ ឌួង ឆាយ ហើយ​ថែម​ទាំង​ប្ដឹង​លែង​លះ​លោក​ស្រី និង​ជំរុញ​តុលាការ​ឱ្យ​កោះ​ហៅ​លោកស្រី​ជា​លើក​ទី​២​ដើម្បី​ចូល​ខ្លួន​ទាញ​ហេតុ​ផល​ដើម្បី​លែង​លះ​នៅ​ថ្ងៃ​ទី​១៩​ ខែ​ឧសភា​ ខាង​មុខ​នេះ។​​

បើតាមលោកស្រី អ្វីដែលកូនប្រុសរបស់ខ្ញុំនិយាយថា អតីតកូនប្រសារមានគំរោងការរៀបចំផែនការដាក់អន្ទាក់កូនប្រុសរបស់ខ្ញុំជាមួយអតីតប្តីរបស់ខ្ញុំគឺជាការពិត។

លោកស្រីបញ្ជាក់ថា មូលហេតុុឪពុករៀបចំផែនការដាក់អន្ទាក់បំផ្លាញកម្ចាត់កូនខ្លួនឯង ដោយសារគាត់ខឹងកូនប្រុសបានជួយណែនាំមេធាវីការពារក្តីផ្លូវច្បាប់ដល់នាងខ្ញុំ ដើម្បីប្តឹងប្តីរឿងឯកពន្ធនភាព​មានស្រីសាហាយរហូតឈានដល់មានកូនស្រីឥតខាន់ស្លា នឹងបានយកទ្រព្យសម្បត្តិរួមជាច្រើនលានដុល្លារទៅធ្វើភូមិគ្រឹះ ២កន្លែង និងដីជាច្រើនកន្លែងដែលបានកាត់ចេញពីប្លង់ក្រុមហ៊ុន។

លោកស្រី​បន្ត​ថា ​តើ​សាក​សម​ដែរ​ទេ​ដែល​ប្ដី​លួចលាក់​មាន​សហាយ​នៅ​ខាង​ក្រៅ​រហូត​មាន​កូន​មក​ឱ្យ​ប្រពន្ធ​កូន​នៅ​ផ្ទះ​ទទួល​ស្គាល់​ពេញ​មុខ​ពេញ​សិទ្ធិ​បែប​នេះ​។ ប៉ុន្តែ​កូន​ប្រុស​ខ្ញុំ​មិន​បាន​ជួយ​អ្វី​លើស​​ពី​ការ​ណែនាំ​មេធាវី​។

សូម្បី​តែ​ខ្ញុំ​ឱ្យ​កូន​ប្រុស​ ឌួង ឆាយ ទៅ​ធ្វើ​សាក្សី​នៅ​តុលាការ​ថា​ឪពុក​ខ្លួន​មាន​ស្រី​ និង​កូន​នៅ​ក្រៅ​ក៏ ​ឌួង ឆាយ មិន​ព្រម​ទៅ ​និង​ធ្វើ​តាម​ហើយ​ពេល​ខ្ញុំ​ប្ដឹង​ចុះ​រក្សា​ការ​ពារ​ផ្ទះ​ស្រី​សហាយ​របស់​គាត់​បាន​ឱ្យ​ប្រតិកម្ម​ដោយ​ឱ្យ​ទុក​កិត្តិយស​កេរ្តិ៍ឈ្មោះ​ និង​ផ្លូវ​ក្រោយ​សម្រាប់​ឪពុក​របស់​គេ​។ ប៉ុន្តែ​ឪពុក​នៅ​តែ​ដាច់​ចិត្ត​រៀប​ចំ​គម្រោង​ផែន​ការ​ជា​មួយ​អតីត​កូន​ប្រសា​ដើម្បី​ធ្វើ​បាប​កូន​ប្រុស​របស់​ខ្លួន​ឯង​បង្កើត​ទាំង​អស់។

ពាក់​ព័ន្ធ​នឹង​បញ្ហា​នេះ​មិន​ទាន់​មាន​ការ​បក​ស្រាយ​ពី​ ឧកញ៉ា ឌួង ងៀប ដែលជាស្វាមីរបស់លោកស្រី​នៅឡើយ​នោះ​ទេ៕

The post លោកស្រី ខុង លីស៊ីអាណា៖ ឧកញ៉ា ឌួង ងៀប រៀបចំផែនការដាក់អន្ទាក់កម្ចាត់កូនខ្លួនឯង appeared first on .

1. នាងខ្ញុំសូមគោរពជំរាបសួរសម្តេចតេជោ បិតាសន្តិភាព សម្តេចកត្តិ មាតាមនុស្សធម៍ ជាបឋមនាងខ្ញុំសូមគោរពសូមអភ័យទោស ដែលនាងខ្ញុំលើកយកបញ្ហាគ្រួសារមកនិយាយនៅពេលនេះដែលប្រទេសជាកំពុងជួបភាពវឹកវរ គ្រោះអសន្តរោគ មេរោគកូវិត-19 កំពុងរីករាលត្បាតយ៉ាងខ្លាំងខ្លា និងកូនប្រុសឌួងឆាយកំពុងមានគ្រោះ និងទុក្ខជាទង្ងន់។ ប៉ុន្តែដោយសារស្វាមីរបស់នាងខ្ញុំមិនបានភ្ញាក់រលឹកដឹងកំហុសខ្លួនបានធ្វើខុសយ៉ាងធ្ងន់ធ្ងរចំពោះកូនឌួងឆាយ ហើយថែមទាំងប្តឹងលែងលៈនាងខ្ញុំ និងជំរុញតុលាការអោយកោះហៅនាងខ្ញុំជាលើកទី 2 អោយចូលខ្លូនទាញហេតុផលដើម្បីលែងលៈនៅថ្ងៃទី 19 ខាងមុខនេះ។

នាងខ្ញុំមានភាពចាស់ទុំ និងមានភាពស៊ូទ្រាំខ្លាំងណាស់អស់លទ្ធភាពក្នុងការទ្រាំ ហើយនាងខ្ញុំពិតជាមិនចង់បង្ហាញជាសាធារណៈដូចកូនប្រសារនាងខ្ញុំនោះទេ។ នាងខ្ញុំអាចទទួលរងភាពអយុត្តិធម៍ដោយស្វាមីបាន ប៉ុន្តែនាងខ្ញុំដាច់ខាតមិនអាចអោយកូនប្រុសឌួងឆាយរងភាពអយុត្តិធម៍ដោយសារស្វាមីរបស់នាងខ្ញុំបានជាដាច់ខាត។ នាងខ្ញុំត្រូវតែទាមទារយុត្តិធម៍សំរាប់កូនប្រុសឌួងឆាយ ហើយខ្ញុំជឿជាក់ថាម្តាយគ្រប់រូបក៏នឹងធ្វើបែបនេះដែលហើយក៏គ្មានអ្នកណាចង់បើកកកាយរឿងបញ្ហាផ្ទៃក្នុងគ្រួសារជាទីសាធារណៈនៅលើបណ្តាញសង្គមបែបនេះទេ។ ហើយអ្វីដែលកូនប្រុសរបស់ខ្ញុំនិយាយថាអតីតកូនប្រសារមានគំរោងការរៀបចំផែនការដាក់អន្ទាក់កូនប្រុសរបស់ខ្ញុំជាមួយអតីតប្តីរបស់ខ្ញុំគឺជាការពិត។

មូលហេតុុដែលឪពុករៀបចំផែនការដាក់អន្ទាក់បំផ្លាញកម្ចាត់កូនខ្លួនឯងដោយសារគាត់ខឹងកូនប្រុសបានជួយណែនាំមេធាវីការពារក្តីផ្លូវច្បាប់ដល់នាងខ្ញុំដើម្បីប្តឹងប្តីរឿងឯកការព័ន្ធមានស្រីសាហាយនាងប្រាក់ សុីណា រហូតឈានដល់មានកូនស្រី ឌួង ជូលី ឥតខាន់ស្លានៅខាងក្រៅរៀននៅសាលាអន្តរជាតិណតប្រីតនឹងបានយកទ្រព្យសម្បត្តិរួមជាច្រើនលានដុល្លារទៅធ្វើភូមិគ្រឹះ 2 កន្លែង និងដីជាច្រើនកន្លែងដែលបានកាត់ចេញពីប្លង់ក្រុមហ៊ុន។ ហើយរឿងនាងប្រាក់សុីណាគឺខ្ញុំមិនដែលដឹងថាប្តីរបស់ខ្ញុំមានស្រីលួចលាក់នៅខាងក្រៅរហូតមានកូននោះទេគឺនាងប្រាក់សុីណាបានអោយគេខលមកអោយតំរុយពីសកម្មភាព និងទីកន្លែងផ្ទះរបស់នាងសាហាយប្រាក់សុីណា និងសកម្មភាពប្តីរបស់នាងខ្ញុំជារៀងរាល់ថ្ងៃរហូតខ្ញុំតាមរកឃើញផ្ទះនាងប្រាក់សុីណា។

ពេលខ្ញុំគ្រាន់តែសង្ស័យ ទៅដល់មុខផ្ទះនាងប្រាក់សុីណា ស្រាប់តែនាងប្រាក់សុីណាបានខលមកលេខដៃខ្ញុំផ្ទាល់ដោយបាននិយាយសំឡុតគំរាមនាងខ្ញុំថាមានសិទ្ធិមកដល់មុខផ្ទះរបស់នាង និងបានអោយ បងប្រុសឈ្មោះប្រាក់ សូលី ដែលជាមន្រ្តីនគរបាលខណ្ឌពោធសែនជ័យពេលនេះប្តីនាងខ្ញុំបានជួយផ្លាស់ប្តូរទៅប៉ូលិសអន្តោប្រវេសដែលបានចូលក្រមខណ្ឌតាមរយៈប្តីនាងខ្ញុំមកឈ្លោះប្រកែកគ្នាជាមួយនាងខ្ញុំ និងចង់ប្រើប្រាស់ហឹង្សាមកលើរូបនាងខ្ញុំ។ ប៉ុន្តែបានកូនប្រុសឌួងឆាយអង្វរអោយខ្ញុំត្រលប់ទៅផ្ទះវិញដើម្បីដោះស្រាយគ្នាដើម្បីកុំអោយខ្មាស់គេ។ ពេលនោះកូនៗបានសួរឪពុកថាហេតុអ្វីបានជានាងប្រាក់សុីណាខលមកនាងខ្ញុំ។ ប្តីរបស់នាងខ្ញុំក៏បានឆ្លើយថាគេចង់អោយយើងទទួលគេផង។

តើសាកសមដែលទេដែលប្តីលួចលាក់មានសាហាយនៅខាងក្រៅរហូតមានកូនមកអោយប្រពន្ធកូននៅផ្ទះទទួលស្គាល់ពេញមុខ ពេញសិទ្ធិបែបនះ។ ប៉ុន្តែកូនប្រុសខ្ញុំមិនបានជួយអ្វីលើសពីជួយណែនាំមេធាវិ។ សូម្បីតែខ្ញុំអោយកូនប្រុសឌួងឆាយទៅធ្វើសាក្សីនៅតុលាការថាឪពុកខ្លួនមានស្រី និងកូននៅក្រៅក៏ឌួងឆាយមិនព្រមទៅ និងធ្វើតាមហើយពេលខ្ញុំប្តឹងចុះរក្សាការពារផ្ទះស្រីសាហាយរបស់គាត់បានអោយសារពត៍មានបង្ហោះឈ្មោះស្វាមីរបស់ខ្ញុំ ក៏កូនប្រុសឌួងឆាយ ប្រតិកម្មដោយអោយទុកកិត្តិយស កេរ្តិ៍ឈ្មោះ និងផ្លូវក្រោយសំរាប់ឪពុករបស់គេ។

ប៉ុន្តែឪពុកនៅតែដាច់ចិត្តរៀបចំគំរោងផែនការជាមួយអតីតកូនប្រសារដើម្បីសម្លាប់កូនប្រុសរបស់ខ្លួនឯងបង្កើតទាំងរស់។ ពាក្យចាស់ពោលថា ខ្លាកាចមិនសុីកូនឯង គាត់មិនត្រឹមតែសុីកូនខ្លូន ហើយថែមទាំងសុីចៅខ្លួនឯងទៀត។

2.ពេលរៀបការរួចហើយនាងខ្ញុំបានអោយកូនទាំង 2 ទៅរស់នៅផ្ទះវីឡា និងគ្រប់គ្រងស្ថានីយ៍ប្រេងតូតាល់នៅផ្លូវ 2004 ដែលចំនេញ 10,000$ ក្នុង 1 ខែ ដើម្បីបានប្រាក់ចំណូលសំរាប់ចំណាយ និងធ្វើដើមទុនធ្វើជំនួញ។ ប៉ុន្តែអតីតកូនប្រសារចង់ទៅនៅផ្ទះខាងម្តាយរបស់គេដើម្បីម្តាយរបស់គេបានជួយមើលកូន ចំណែករឿងដីផ្ទះសុីសុវត្ថិ និងផ្ទះវីឡាដែលអតីតកូនប្រសាររបស់ខ្ញុំថាទិញដោយលុយខ្លួនឯងជាមួយកូនប្រុសរបស់ខ្ញុំនោះមិនមែនជាការពិតទេ នេះជាភស្តុតាងដែលម្ចាស់ផ្ទះសុីសុវត្ថិឈ្មោះលោក ហុី ប៊ុនថា និងភរិយាបានមកយកសែកលុយនៅក្រុមហ៊ុនរបស់ខ្ញុំ និងដកលុយពីកុងធនាគារក្រុមហ៊ុនរបស់ខ្ញុំកក់លើកទី 1 ចំនួន 50,000$ និងបង់ផ្តាច់លើកទី 2 ចំនួន 141,600$។

ហើយដីផ្ទះវីឡាដែលកូនប្រសារកំពុងរស់នៅរាល់ថ្ងៃក៏ជាកេរ្តិ៍អំណោយនាងខ្ញុំបានអោយហើយថែមទាំងនាងខ្ញុំបានទិញដីមួយឡូថែមទៀតជាប់ផ្ទះវីឡាដែលមានតម្លៃ 125,000$ ដែលបានដកលុយចេញពីកុងក្រុមហ៊ុនរបស់ខ្ញុំដដែល ប៉ុន្តែបែរជាអតីតកូនប្រសារនិយាយថាទិញដោយខ្លួនឯងដែលនាងខ្ញុំមានភស្តុតាងបង្ហាញនៅទីនេះ។

សរុបសេចក្តីគឺកូនប្រសាររបស់ខ្ញុំលើកឡើងនិយាយក្នុងការឡាយចុងក្រោយរបស់នាងព័ន្ធនឹងទ្រព្យសម្បត្តិគឺមិនមែនជាការពិត និងគ្មានភស្តុតាងទាល់តែសោះ។ នាងខ្ញុំដឹងច្បាស់ថាកូនប្រសារនឹងឆ្លើយតប ប៉ុន្តែនិយាយដោយមកជាមួយនឹងភស្តុតាង និងសាក់ខីកម្មពិតប្រាកច្បាស់លាស់ចុងក្រោយនៅក្នុងឆ្នាំ 2020 កូនប្រសារបានខ្ចីលុយនាងខ្ញុំចំនួន 600,000$ ដើម្បីទិញផលិតផលនៅកូរ៉េយកមកលក់ដែលជារោងចក្រមិត្តភ័ក្តរកសុីដីធ្លីជាមួយខ្ញុំកាលពីជាង 10 ឆ្នាំមុនដែលរាល់មុខជំនួញទាំងអស់ជាគំនិតផ្តួចផ្តើម និងដើមទុនពីគ្រួសាររបស់ខ្ញុំទាំងអស់ ប៉ុន្តែបែរជានាងនិយាយមកថារាល់ភាពជោគជ័យរាល់ថ្ងៃបានមកពីនាងផ្តួចផ្តើមគំនិតរកសុីទាំងដែលនាងមិនចេះភាសាអង់គ្លេសច្បាស់លាស់ និងមិនហ៊ានទាំងឡាយ FB លក់ដូរផងតាំងពីដំបូងមក។

មានមនុស្សជាច្រើនដែលស្គាល់ប្រវត្ថិនាង និងគ្រួសារនាងដែលផ្ទះរស់នៅបន្ទប់តូចជាន់ទី 2 ជុំគ្នា 2-3 គ្រួសារនៅអាគារសេងថៃក្រោយវត្ត ស្វាយដង្គំ ជិតប៉ុស្ត៍ទូរទ្សស៍លេខ 3 ចាស់។

3. ទោះបីកូនប្រុសរបស់ខ្ញុំបានបួសជាលោកសង្ឃ និងអហោសកម្មអោយអតីតកូនប្រសារគ្រប់បែបយ៉ាង ក៏នាងនៅតែផ្តាច់ទំនាក់ទំនងចៅៗមិនអោយមើលលេងឪពុកនៅវត្ត លើសពីនេះទៅទៀតទោះបីក្រុមគ្រួសារ និងញាតិមិត្តខ្ញុំ បានសុំអង្វរនាងអោយដកពាក្យបណ្តឹងក្តីក៏នាងនៅតែចង់ដាក់គុកកូនប្រុសរបស់ខ្ញុំដែលជាឪពុករបស់កូនៗនាង និងគ្មាននឹងឃើញមនោសចេតនា និងអនុស្សារីយជាប្តីប្រពន្ធដែលកូនប្រុសរបស់ខ្ញុំបានខិតខំប្រឹងប្រែងលៈបង់គ្រប់បែបយ៉ាងដើម្បីផ្តល់អនាគត មុខជំនួយ និងគ្រប់បែបយ៉ាងដើម្បីនាងក្តី។

តើនៅលើលោកនេះមានមនុស្សស្រីដែលសាហាវជិតដាច់បែបនេះប៉ុន្មាននាក់ដែលហ៊ានរៀបចំគំរោងផែនការអន្ទាក់ល្បិចកិចកល់ពិសពុលគ្រប់បែបយ៉ាងដើម្បីលេបយកទ្រព្យសម្បត្តិប្តី និងបង្ហោះវីដេអូសម្លាប់ប្តីខ្លូនឯងទាំងរស់ទាំងដែលកូនប្រុសរបស់ខ្ញុំបានព្រមប្រគល់ទ្រព្យសម្បត្តិទាំងអស់អោយទៅនាងហើយចុះចេញខ្លួនទទេជាមួយបំណុលធនាគារហើយចុងក្រោយគ្រាន់តែកូនប្រុសរបស់ខ្ញុំយកកូនៗទៅដើរលេងនៅខេត្តប៉ុន្មានថ្ងៃសោះនាងបានបង្ហោះវីដេអូដែលបានសន្យាថានឹងលុបនៅចំពោះមុខចៅក្រម ក្រឡាបញ្ជី មេធាវីទាំងសងខាងនឹងនាងខ្ញុំផ្ទាល់ដោយនាងយល់ព្រមធ្វើកិច្ចសន្យាថានឹងលុបបើសិនជាវីដេអូនោះបែកធ្លាយនាងនឹងទទួលខុសត្រូវចំពោះមុខច្បាប់ហើយនឹងប្រគល់ទ្រព្យសម្បត្តិទាំងអស់ និងសិទ្ធិអំណាចមេបាកូនទាំង 3 មកអោយកូនប្រុសរបស់ខ្ញុំវិញ។ ប៉ុន្តែដោយសារកូនប្រុសរបស់ខ្ញុំនិយាយថាមិនបាច់ធ្វើកិច្ចសន្យាទេ ខ្លួនទុកចិត្តថាអតីតភរិយានឹងមិនសម្លាប់ខ្លួនទេ។ ទោះមិនមានកិច្ចសន្យាប៉ុន្តែមានចៅក្រម ក្រឡា បញ្ជី និងសាក្សីជាច្រើនក៏នឹងមានទំងន់ស្មើនឹងកិច្ចសន្យាដែរ ពីព្រោះចៅក្រមជាអ្នកកាន់ច្បាប់។

នាងខ្ញុំសូមអង្វរសម្តេចតេជោ និងសម្តេចគតិបណ្ឌិតដែលជាបិតាសន្តិភាព និងមាតាមនុស្ស និងពូមីងបងប្អូនទាំងអស់គ្នា សូមជួយផ្តល់យុត្តិធម៍ និងការពិតអោយកូនប្រុសរបស់ខ្ញុំដែលគ្នាបានទទួលរងនៅអយុត្តិធម៍ និងប៉ៈពាល់សតិអារម្មណ៍ផ្លូវចិត្តយ៉ាងធ្ងន់ធ្ងរចង់គិតខ្លីម្តងដោយសារឈឺចាប់ពេកចាញ់បោក និងស្លាប់ក្រោមដៃមនុស្សដែលខ្លួនស្រលាញ់ និងជាមនុស្សជឿជាក់ជាទីបំផុតមិននឹកស្មានដល់ថាជាម្តាយរបស់កូនៗខ្លួនឯង។

នាងខ្ញុំសូមគោរពអរគុណជាទីបំផុតចំពោះសម្តេចតេជោ បិតាសន្តិភាព និងសម្តេចកត្តិ មាតា មនុស្ស ដែលជានិច្ចជាកាលតែងតែមានមេត្តាសណ្តោសប្រោះប្រណៃ និងអនុគ្រោះលើកលែងចំពោះរូបនាងខ្ញុំ និងកូនប្រុសរបស់ខ្ញុំ។ គុណរបស់សម្តេចទាំង 2 ពិតជាមហាធំធេងណាស់សំរាប់រូបនាងខ្ញុំ និងតែងតែចងចាំទុកជានិច្ច៕

The post លោកជំទាវ ខុង លីស៊ីអាណា ភរិយាឧកញ៉ា ឌួង ងៀប ទទូចសុំយុត្តិធម៌ សម្រាប់ខ្លួនឯង និងកូនប្រុស ព្រះតេគុណ ឌួង ឆាយ appeared first on .