អ្នកជំនួញល្បីៗច្រើនរូប ឡើងងារឧកញ៉ាជាមួយគ្នា

ឧកញ៉ាកោះក្របី — Mon, 14 Jun 2021 05:00:13 +0000

គេហទំព័រឧកញ៉ាញូស៍ សូមបន្តបង្ហាញបញ្ជីឈ្មោះសហគ្រិន និងសប្បុរសជនល្បីៗ ដែលត្រូវបានព្រះមហាក្សត្រត្រាស់បង្គាប់ផ្តល់គោរមងារឧកញ៉ា ក្នុងខែឆ្នាំជាមួយគ្នា ខណៈពួកគាត់មានកំពុងគ្រប់គ្រងមុខជំនួញក្នុងវិស័យផ្សេងៗគ្នា។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

បើតាមអនុក្រឹត្យថ្មីមួយចេញផ្សាយកាលពីថ្ងៃទី២០ ខែមីនា ឆ្នាំ២០១៧ បុគ្គលដែលទទួលបានគោរមងារឧកញ៉ា កាលណាមានការចូលរួមក្នុងការអភិវឌ្ឍសង្គម ដោយផ្តល់ជាប្រាក់ ឬសម្ភារៈ ដែលមានតម្លៃលើពី ៥០ ម៉ឺនដុល្លារ។ កាលពីមុន បុគ្គលដែលបរិច្ចាគធនធានជូនរដ្ឋលើសពី ១ ០ម៉ឺនដុល្លារឡើងទៅ ទើបទទួលបានគោរមងារដែលប្រទានដោយព្រះមហាក្សត្រ តាមការស្នើសុំដោយនាយករដ្ឋមន្ត្រី។ សម្រាប់អ្នកទទួលបានងារជា អ្នកឧកញ៉ាវិញ គឺមិនទាន់មានឯកសារបញ្ជាក់ចំនួនថវិកា ឬលក្ខខ័ណ្ឌជាក់លាក់ណាមួយនៅឡើយទេ។

សប្បុរសជន ៨រូប ទទួលបានងារឧកញ៉ា ក្នុងខែកុម្ភៈ ឆ្នាំ២០១៦ជាមួយគ្នា រួមមាន៖

លោកជំទាវឧកញ៉ា សិទ្ធី ច័ន្ទរ៉ានី តាមព្រះរាជក្រឹត្យ នស/រកត/០២១៦/១៤១ ចុះថ្ងៃទី៤ ខែកុម្ភៈ។ លោកជំទាវឧកញ៉ា ចាន់ វ៉ាន់នី តាមព្រះរាជក្រឹត្យ នស/រកត/០២១៦/១៤៦ ចុះថ្ងៃទី៥ ខែកុម្ភៈ។ លោកជំទាវឧកញ៉ា ជួប មាន អគ្គនាយិការក្រុមហ៊ុន ថោន គ្រុប តាម តាមព្រះរាជក្រឹត្យ នស/រកត/០២១៦/១៥១ ចុះថ្ងៃទី៦ ខែកុម្ភៈ។ អ្នកឧកញ៉ា ចេន ហ្សី ប្រធានក្រុមប្រឹក្សាភិបាលក្រុមហ៊ុន ព្រីនស៍ ហូលឌីង គ្រុប (Prince Holding Group) តាមព្រះរាជក្រឹត្យ នស/រកត/០២១៦/១៧៨ និងលោកឧកញ៉ា លី វាសនា តាមព្រះរាជក្រឹត្យ នស/រកត/០២១៦/១៧៧ ចុះថ្ងៃទី១១ ខែកុម្ភៈ។ លោកឧកញ៉ា តាំង គួង អគ្គនាយកក្រុមហ៊ុន តាំង គួង ហូលឌីង ឯ.ក វិនិយោគលើវិស័យអចលនទ្រព្យ និងសំណង់ ដូចជាគម្រោង (CENTER CITY TA KHMAO) តាមព្រះរាជក្រឹត្យ នស/រកត/០២១៦/១៩៥ ចុះថ្ងៃទី១៣ ខែកុម្ភៈ។ លោកឧកញ៉ា អ៊ឹង ឈុនទ្រី និងលោកឧកញ៉ា ដេត វណ្ណៈ តាមព្រះរាជក្រឹត្យ នស/រកត/០២១៦/២៣៤ ចុះថ្ងៃទី២៩ ខែកុម្ភៈ។

គួរបញ្ជាក់ថា គិតមកដល់ពេលបច្ចុប្បន្នមិនមានតួលេខជាក់លាក់អំពីបុគ្គលដែលទទួលបានគោរមងារឧកញ៉ានេះទេ។ ប៉ុន្តែបើយោងតាមតួលេខចេញផ្សាយជាសាធារណៈកាលពីកន្លងទៅ គឺចាប់ពីឆ្នាំ១៩៩៤ រហូតមកត្រឹមខែកុម្ភៈ ឆ្នាំ២០១៤ កម្ពុជាមានឧកញ៉ាចំនួន ៧០៤ នាក់៕

The post អ្នកជំនួញល្បីៗច្រើនរូប ឡើងងារឧកញ៉ាជាមួយគ្នា appeared first on .

មកស្គាល់មុខជំនួញឧកញ៉ា តាំង គួង ម្ចាស់គម្រោងពាណិជ្ជកម្មដ៍ធំនៅក្រុងតាខ្មៅ

ឧកញ៉ាកោះក្របី — Tue, 16 Feb 2021 04:15:36 +0000

ឧកញ៉ា តាំង គួង មានដើមកំណើតកើតជាអ្នកខេត្តកំពង់ចាម ជាអគ្គនាយក ក្រុមហ៊ុន តាំង គួង ហូលឌីង ឯ.ក វិនិយោគលើវិស័យអចលនទ្រព្យ និងសំណង់ ដូចជាគម្រោង (CENTER CITY TA KHMAO) ។

ឧកញ៉ា តាំង គួង អគ្គនាយក ក្រុមហ៊ុន TANG KUNG Holdings Co.,Ltd និងជាអនុប្រធានសមាគមអ្នកអភិវឌ្ឍន៍លំនៅដ្ឋានកម្ពុជា ហើយត្រូវបានមហាជនស្គាល់ជាអ្នកជំនួញជោគជ័យលើវិស័យអចលនទ្រព្យ និងបានពង្រីកមុខជំនួញរបស់ខ្លួនជាបន្តបន្ទាប់ឥតឈប់ឈរ។

ភាពជោគជ័យ និងការប្រឹងប្រែងតស៊ូជំនះរាល់ឧបសគ្គ បានធ្វើឲ្យមុខជំនួញរបស់លោកឧកញ៉ា ឈរជើងរហូតមកដល់សព្វថ្ងៃ ហើយបង្កើតបុត្តសម្ព័ន្ធក្រុមហ៊ុនជាច្រើន។

ថ្ងៃនេះ ឧកញ៉ាញូស៍ សូមណែនាំមុខជំនួញ មួយចំនួនរបស់ឧកញ៉ា តាំង គួង៖

TANG KUNG Holdings ជាក្រុមហ៊ុនចម្រុះនៅក្នុងឧស្សាហកម្ម ដូចជាការអភិវឌ្ឍន៍អចលនទ្រព្យ បដិសណ្ឋារកិច្ច មីក្រូហិរញ្ញវត្ថុ ។

គម្រោង Center City Takmao

ជាគម្រោងធំមួយរបស់ក្រុមហ៊ុន The River ដែលនឹងក្លាយទៅជាមជ្ឈមណ្ឌលពាណិជ្ជកម្មដ៏រស់រវើកមួយ នៅកម្ពុជាជាពិសេសសម្រាប់ក្រុងតាខៅ្ម។ Center City Takmao នឹងសាងសង់កម្ពស់២៧ជាន់ជាអគារភ្លោះមានរចនានូវប្រាសាទនៅខាងលើអគារនីមួយៗដែលអាចបញ្ជាក់អំពីបេះដូង Landmark របស់ទីក្រុងតាខៅ្ម។

tangkungpay.com គឺជាកន្លែងផ្តល់សេវាកម្មទូទាត់ប្រាក់លឿនបំផុតថ្មីបំផុតនៅក្នុងប្រទេសកម្ពុជា ដែលនឹងផ្តល់នូវដំណោះស្រាយទូទាត់ឌីជីថល និងទីផ្សារ។ មានអាស័យដ្ឋានៈ ៩០៣-៩០៩, ផ្លូវ ៩៣ មហាវិថីព្រះមុនីវង្ស សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ៕

The post មកស្គាល់មុខជំនួញឧកញ៉ា តាំង គួង ម្ចាស់គម្រោងពាណិជ្ជកម្មដ៍ធំនៅក្រុងតាខ្មៅ appeared first on .