ឧកញ៉ា ទុយ គី

ឧកញ៉ាម្ចាស់សណ្ឋាគារមួយ ជាប់ឆ្នោតជា ប្រធានសភាពាណិជ្ជកម្មខេត្តពោធិ៍សាត់ អាណត្តិទី៣

ឧកញ៉ាដែនដី — Thu, 29 Dec 2022 04:28:08 +0000

ឧកញ៉ា ទុយ គី ម្ចាស់សណ្ឋាគារ ពោធិ៍សាត់ រីវើសាយ បានជាប់ឆ្នោតជា ប្រធានសភាពាណិជ្ជកម្មខេត្តពោធិ៍សាត់ អាណត្តិទី៣ លើកទី១ ដោយទទួលបានការទុកចិត្តពីសមាជិកបោះឆ្នោតគាំទ្រ ១០០% នារសៀលថ្ងៃអង្គារ ទី២៧ ខែធ្នូ ឆ្នាំ២០២២។

លទ្ធផលនៃការបោះឆ្នោតដ៏ជោគជ័យនេះ ជាសក្ខីភាពសរបញ្ជាក់ឱ្យឃើញនូវការដឹកនាំប្រកបដោយភាពឈ្លាសវៃ ប៉ិនប្រសព្វ និងការទទួលខុសត្រូវខ្ពស់របស់លោកឧកញ៉ា ទុយ គី ដែលជាប្រធានសភាពាណិជ្ជកម្មខេត្តពោធិ៍សាត់ អាណត្តិមុនផងដែរ ដែលបានផ្តល់ភាពកក់ក្តៅជូនដល់គ្រប់ពាណិជ្ជករ នៅក្នុងខេត្ត ញ៉ាំងឱ្យស្ថាប័នសភាពាណិជ្ជកម្មខេត្តពោធិ៍សាត់ ដើរតួនាទីរួមជាមួយសភាពាណិជ្ជកម្មកម្ពុជា មិនអាចខ្វះបាន ក្នុងការចូលរួមយ៉ាងសកម្មជាមួយរដ្ឋបាលខេត្ត ក៏ដូចជារាជរដ្ឋាភិបាលកម្ពុជា ធ្វើឱ្យសេដ្ឋកិច្ចជាតិមានការអភិវឌ្ឍន៍រីកចម្រើនជាលំដាប់ គួរជាទីមោទនៈ។

គួរបញ្ជាក់ថា ពិធីបោះឆ្នោតជ្រើសរើសសមាជិកជ្រើសតាំងសភាពាណិជ្ជកម្មខេត្តពោធិ៍សាត់ អាណត្តិទី៣ លើកទី១ កាលពីថ្ងៃទី២៧ ខែធ្នូ ឆ្នាំ២០២២ បានធ្វើឡើងនៅសាលាមត្តេយ្យខេត្តពោធិ៍សាត់ ក្រោមអធិបតីភាព លោក គឹម មាសសុខសីហា អនុរដ្ឋលេខាធិការក្រសួងពាណិជ្ជកម្ម, លោក ងួន ប៉ោសេង អភិបាលរង នៃគណៈអភិបាលខេត្តពោធិ៍សាត់ ដោយមានការអញ្ជើញចូលរួមពី លោកស្រី សេង សុម៉ុន ប្រធាននាយកដ្ឋានទំនាក់ទំនងសភាពាណិជ្ជកម្មរាជធានី -ខេត្ត តំណាង លោកឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា លោកស្រីប្រធានមន្ទីរពាណិជ្ជកម្មខេត្ត និងមន្រ្តីក្រោមឱវាទ ព្រមទាំងថ្នាក់ដឹកនាំមន្ទីរពាក់ព័ន្ធមួយចំនួនទៀត៕

The post ឧកញ៉ាម្ចាស់សណ្ឋាគារមួយ ជាប់ឆ្នោតជា ប្រធានសភាពាណិជ្ជកម្មខេត្តពោធិ៍សាត់ អាណត្តិទី៣ appeared first on .

ឧកញ៉ា ទុយ គី ម្ចាស់សណ្ឋាគារ ពោធិ៍សាត់ រីវើសាយ ប្រកាសផ្ដល់កន្លែងស្នាក់នៅឥតគិតថ្លៃជូនគ្រូពេទ្យស្ម័គ្រចិត្តចូលរួមចាក់វ៉ាក់សាំងកូវីដ១៩

ឧកញ៉ាកោះក្របី — Mon, 29 Mar 2021 06:37:11 +0000

សារជាសំឡេងនាព្រឹកថ្ងៃទី២៩ ខែមីនា ឆ្នាំ២០២១នេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានលើកឡើងថា នាពេលខាង មុខនេះ យុទ្ធនាការចាក់វ៉ាក់សាំងរបស់យើងនឹងធ្វើក្នុងទ្រង់ទ្រាយធំ ហើយនឹងមានអន្តរាគមន៍ ពីគ្រូពេទ្យថ្នាក់ជាតិចូលរួមផងដែរ។ ជាមួយគ្នានោះសម្តេចបានស្នើឲ្យ អភិបាលខេត្តទាំងអស់ ទទួលខុសត្រូវ កន្លែងស្នាក់នៅរបស់ក្រុមគ្រូពេទ្យពីថ្នាក់ជាតិ។

ភ្លាមៗលោឧកញ៉ា ទុយ គី ប្រធានសភាពាណិជ្ជកម្មខេត្តពោធិ៍សាត់ និងជាម្ចាស់សណ្ឋាគារ ពោធិ៍សាត់ រីវើសាយ បានប្រកាសផ្ដល់កន្លែងស្នាក់នៅដោយឥតគិតថ្លៃ ជូនលោកគ្រូ អ្នកគ្រូពេទ្យស្ម័គ្រចិត្ត ដែលចូលរួមចាក់វ៉ាក់សាំងការពារជំងឺកូវីដ១៩ ជូនប្រជាពលរដ្ឋនៅក្នុងខេត្តពោធិ៍សាត់។

សម្ដេចបានបញ្ជាក់ដែរថា សព្វថ្ងៃនេះផ្ទះសំណាក់ ក៏ដូចជាសណ្ឋាគារនៅសល់ច្រើន ដែលអាជ្ញាធរអាចពឹងពាក់ឲ្យក្រុមគ្រូពេទ្យរបស់យើងស្នាក់នៅបាន ចៀសវាងយកថវិកាទៅជួល ហើយក្រុមគ្រូពេទ្យពីថ្នាក់ជាតិ ដែលចុះទៅតាមបណ្ដាខេត្ត គឺថ្នាក់ជាតិជាអ្នកទទួលខុសត្រូវលើការចំណាយ ដូចជាការធ្វើដំណើរ និងការហូបចុក ចំណែកការស្នាក់នៅ អាជ្ញាធរខេត្តជាអ្នកទទួលខុសត្រូវ។ សម្ដេចមានជំនឿថា ម្ចាស់ផ្ទះសំណាក់ និងសណ្ឋាគារ ពិតជាមិនចិត្តអា ក្រក់ទេ ត្រឹមតែការស្នាក់នៅរបស់ក្រុមគ្រូពេទ្យ ដើម្បីជួយប្រជាពលរដ្ឋ បែបមនុស្សធម៌នេះ ហើយដំណើរការចាក់វ៉ាក់សាំងនេះ នឹងខិតខំធ្វើ មិនឲ្យអូសបន្លាយពេលវេលាយូរទេ៕

The post ឧកញ៉ា ទុយ គី ម្ចាស់សណ្ឋាគារ ពោធិ៍សាត់ រីវើសាយ ប្រកាសផ្ដល់កន្លែងស្នាក់នៅឥតគិតថ្លៃជូនគ្រូពេទ្យស្ម័គ្រចិត្តចូលរួមចាក់វ៉ាក់សាំងកូវីដ១៩ appeared first on .

ឧកញ៉ា ទុយ គី នាំ យកអំណោយចែកជូនពលរដ្ឋរងគ្រោះដោយទឹកជំនន់៥០០គ្រួសារ សរុបជាប្រាក់អស់ ២៥០០០ដុល្លារ

កូនចៅឧកញ៉ា — Tue, 27 Oct 2020 04:48:00 +0000

ព្រឹកទី២៤-២៥ ខែតុលា ឆ្នាំ២០២០ លោកឧញ៉ា ទុយ គី អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្តពោធិ៍សាត់ ព្រមទាំងសមាជិក សមាជិកា បានអមដំណើរឯកឧត្តម ម៉ក់ រ៉ា ប្រធានក្រុមប្រឹក្សាខេត្ត ឯកឧត្តមបណ្ឌិត ម៉ៅ ធនិន អភិបាលនៃគណៈអភិបាលខេត្ត និងលោកជំទាវ ហ៊ុន ចាន់ធី ប្រធានកិត្តយសសមាគមនារីដើម្បីសន្តិភាព និង អភិវឌ្ឍន៍ខេត្ត នាំយកអំណោយចែកជូនប្រជាពលរដ្ឋដែលរងគ្រោះដោយសារទឹកជំនន់ចំនួន៥០០គ្រួសារ និងលោកគ្រូអ្នកគ្រូទូទាំងខេត្តពោធិ៍សាត់ ចំនួន១០០០នាក់ ។

នៅក្នុងពិធីសំណេះសំណាល និងចែកជូនគ្រឿងឧបភោគ បរិភោគនាពេលនេះដែលលោកឧកញ៉ាបានចូលរួមចំណែកជាមួយរដ្ឋបាលខេត្តក្នុងមួយគ្រួសារទទួលបានអង្ករ២០គីឡូក្រាម ទឹកត្រី១យូរ និងមី១កេះ ដែលសរុបជាទឹកប្រាក់ ២៥០០០ដុល្លាអាមេរិច ។

អត្ថបទ និងរូបភាពដោយ៖ សភាពាណិជ្ជកម្មខេត្តពោធិ៍សាត់

The post ឧកញ៉ា ទុយ គី នាំ យកអំណោយចែកជូនពលរដ្ឋរងគ្រោះដោយទឹកជំនន់៥០០គ្រួសារ សរុបជាប្រាក់អស់ ២៥០០០ដុល្លារ appeared first on .

ឧកញ៉ា ទុយ គី ឧបត្ថម្ភ អង្ករ ១០តោនដល់រដ្ឋបាលខេត្តពោធិ៍សាត់ ដើម្បី..

កូនចៅឧកញ៉ា — Thu, 02 Apr 2020 03:14:54 +0000

លោក ឧកញ៉ា ទុយ គី ប្រធានសភាពាណិជ្ជកម្មខេត្តពោធិ៍សាត់ បានផ្តល់នូវ អង្ករ ចំនួន ១០តោន ដើម្បីឧបត្ថម្ភដល់រដ្ឋបាលសាលាខេត្តពោធិ៍សាត់ សម្រាប់ប្រើប្រាស់ក្នុង វិធានការបង្ការ ការពារ និងទប់ស្កាត់ វីរុសcovid19 នៅខេត្តពោធិ៍សាត់។ នេះបើតាមការផេកផ្លូវការរបស់” សភាពាណិជ្ជកម្មកម្ពុជា Cambodia Chamber of Commerce។

ផ្អែកតាមផេកផ្លូវការរបស តាមការផេកផ្លូវការរបស់ សភាពាណិជ្ជកម្មកម្ពុជា Cambodia Chamber of Commerce បានសរសេរបែបនេះថា “ឧកញ៉ា ទុយ គី ប្រធានសភាពាណិជ្ជកម្មខេត្តពោធិ៍សាត់ បានផ្តល់នូវ អង្ករ ចំនួន ១០តោន ដើម្បីឧបត្ថម្ភដល់រដ្ឋបាលសាលាខេត្តពោធិ៍សាត់ សម្រាប់ប្រើប្រាស់ក្នុង វិធានការបង្ការ ការពារ និងទប់ស្កាត់ វីរុសcovid19 នៅខេត្តពោធិ៍សាត់។

ចូលរួមឧបត្ថម្ភថវិកា ចំនួន ១០,០០០,០០០រៀល (ដប់លានរៀល) ជូនដល់រាជរដ្ឋាភិបាល សម្រាប់ប្រយុទ្ធប្រឆាំងនិងជំងឺCovid19”

The post ឧកញ៉ា ទុយ គី ឧបត្ថម្ភ អង្ករ ១០តោនដល់រដ្ឋបាលខេត្តពោធិ៍សាត់ ដើម្បី.. appeared first on .