បើតាមក្រសួងសាធារណការ និងដឹកជញ្ជូនកម្ពុជា ការចុះសិក្សានិងពិនិត្យនេះធ្វើឡើងក្នុងគោលបំណងបើកច្រកព្រំដែនអន្តរជាតិរវាងកម្ពុជា-ថៃ ដើម្បី បង្កើនកិច្ចសហប្រតិបត្តិការពាណិជ្ជកម្ម និងទេសចរណ៍រវាងប្រទេសទាំងពីរ ខណៈប្រជាពលរដ្ឋនៅតាមបណ្តាខេត្តភាគខាងលិចប្រទេស និងអ្នកវិនិយោគកំពុងទន្ទឹងរង់ចាំ និងចង់ឃើញការប្រែក្លាយច្រកនេះទៅជាច្រកអន្តរជាតិឱ្យបានឆាប់។ ច្រកនេះមានទីតាំង ស្ថិតនៅក្នុងឃុំថ្មដា ស្រុកវាលវែង ខេត្តពោធិ៍សាត់ ជាប់ព្រំដែនជាមួយខេត្តត្រាត ប្រទេសថៃ។

ទន្ទឹមនឹងនោះ ឧកញ៉ា ទ្រី ភាព ដែលជាវិនិយោគិនម្នាក់ដ៏ធំប្រចាំនៅតំបន់ថ្មដានេះ បានបង្ហាញនូវសុទិដ្ឋិនិយមយ៉ាងមុតមាំថា បន្ទាប់ពីការចុះសិក្សា និងពិនិត្យនេះ រាជរដ្ឋាភិបាលនឹងពន្លឿនដល់ការបើកច្រកព្រំដែនអន្តរជាតិរវាងកម្ពុជា-ថៃ ដើម្បីបង្កើនកិច្ចសហប្រតិបត្តិការពាណិជ្ជកម្ម និងទេសចរណ៍រវាងប្រទេសទាំងពីរ ក៏ដូចជាដើម្បីឆ្លើយតបទៅ នឹងបំណងប្រាថ្នារបស់ប្រជាពលរដ្ឋ និងអ្នកវិនិយោគទន្ទឹងរង់ចាំ និងចង់ឃើញការប្រែក្លាយ ច្រកនេះទៅជាច្រកអន្តរជាតិឱ្យបានឆាប់។

សូមបញ្ជាក់ថា ច្រកព្រំដែនអន្តរជាតិថ្មដានេះគ្រោងនឹងសាងសង់ហេដ្ឋារចនាសម្ព័ន្ធនានា ដូចជា អគារអន្តោរប្រវេសន៍ អាគារគយនិងរដ្ឋាករសម្រាប់ត្រួតពិនិត្យរួម ចំណតសម្រាប់ផ្ទេរទំនិញឆ្លងកាត់ ‌‌ឃ្លាំង ទីលានកុងទីន័រ និងអគាររដ្ឋបាល និងសំណង់អគារអន្តេវាសិកដ្ឋាន ដើម្បីបើកឱកាសឱ្យបានទូលំទូលាយដល់ កិច្ចសហ ប្រតិបត្តិការអន្តរជាតិ ការវិនិយោគ ការធ្វើពាណិជ្ជកម្មឆ្លងកាត់ដែន ការបង្កើតការងារធ្វើ និងការទាក់ទាញ ភ្ញៀវទេសចរសំដៅលើកកម្ពស់ សេដ្ឋកិច្ចគ្រួសារ និងសង្គមជាតិនៃប្រជាជាតិទាំងពីរផងដែរ៕

The post លោករដ្ឋមន្រ្តី ស៊ុន ចាន់ថុល ដឹកដៃឧកញ៉ា ទ្រី ភាព ចុះពិនិត្យលទ្ធភាពក្នុងការបើកច្រកព្រំដែនអន្តរជាតិថ្មដា appeared first on .

ក្រុមហ៊ុន ទ្រី ភាព គ្រុប ត្រូវបានបង្កើតឡើង ដោយឧកញ៉ា ទ្រី ភាព នៅឆ្នាំ២០០៣។ ក្រុមហ៊ុននេះបានវិនិយោគលើការអភិវឌ្ឍ ដីសម្បទានសេដ្ឋកិច្ច និងដីកម្មសិទ្ធិរបស់ក្រុមហ៊ុន ក្រោមរូបភាពជា ចម្ការដាំកសិ-ឧស្សាហកម្ម កៅស៊ូ ម្រេច តំបន់រមណីយដ្ឋាន សំណង់ និង ផែស្ងួត។

យោងតាមវិបសាយផ្លូវការ របស់ក្រុមហ៊ុន អាជីវកម្មរបស់ ក្រុមហ៊ុន ទ្រី ភាព គ្រុប មានដូចខាងក្រោម៖

ផ្នែកដំណាំកសិ-ឧស្សាហកម្ម៖
* ចម្ការ កៅស៊ូ ១៨៦០ហិចតា និង ចម្ការ ម្រេច ៥០ហិចតា នៅស្រុក វាលវែង ខេត្តពោធិ៍សាត់។
* ចម្ការ កៅស៊ូ ៣៣៧៦ហិចតា និង ចម្ការ ម្រេច ៥០ហិចតា នៅស្រុករវៀង ខេត្តព្រះវិហារ។

ផ្នែកទេសចរណ៍ និងសណ្ឋាគារ
* ខុនដូ កម្ពស់ ១២ជាន់ នៅសង្កាត់បឹងកេងកង ទី១ ខណ្ឌចំការមន រាជធានីភ្នំពេញ លើ ផទៃដី ១៨៦២ម៉ែត្រការ៉េ
* សណ្ឋាគារ និង កាស៊ីណូ មិត្តភាព នៅស្រុក អូរយ៉ាដាវ ខេត្តរតនគិរី គ្របដណ្ដប់លើផ្ទៃដី ២ហិចតា ឆ្នាំ ២០១៥
* វិមាន ទ្រី ផាលែស រីស្សត និងស្ប៉ា ជា ប្រភេទ ផ្ទះខ្មែរបុរាណ ធ្វើពីឈើប្រណិត គ្របដណ្ដប់ លើផ្ទៃដីប្រមាណ ២ហិចតា នៅខេត្តកែប។
* សណ្ឋាគារ និង កាស៊ីណូ ថ្មដា នៅស្រុកវាលវែង ខេត្តពោធិ៍សាត់ គ្របដណ្ដប់លើផ្ទៃដី ១០ហិចតា។
* សណ្ឋាគារ និង កាស៊ីណូ អានសេះ ស្ថិតនៅស្រុកជាំក្សាន្ត ខេត្តព្រះវិហារ លើផ្ទៃដីប្រមាណ ៥ហិចតា។

ផ្នែកសិប្បកម្ម
* ក្រុមហ៊ុន ទ្រីភាព គ្រុប មានរោងសប្បកម្ម ២កន្លែងធំៗ នៅស្រុកអង្គស្នួល ខេត្តកណ្ដាល គ្របដណ្ដប់លើផ្ទៃដីប្រមាណ ៤៥,១៤៧ហិចតា និងនៅស្រុក ភ្នំក្រវ៉ាញ ខេត្តពោធិ៍សាត់ គ្របដណ្ដប់ លើផ្ទៃដីប្រមាណ ១,៥ហិចតា។

ផ្នែកផែស្ងួត
* ផែស្ងួត នៅតំបន់សេដ្ឋកិច្ចពិសេស អូរយ៉ាដាវ ខេត្តរតនគិរី
* ផែស្ងួត នៅស្រុកឧត្តុង្គ ខេត្តកំពង់ស្ពឺ គ្របដណ្ដប់លើផ្ទៃដី ៣០ហិចតា

ផ្នែកតំបន់សេដ្ឋកិច្ចពិសេស
* តំបន់សេដ្ឋកិច្ចពិសេស ទ្រី ភាព អូរយ៉ាដាវ ខេត្តរតនគិរី (ផ្ទៃដី ១៣៦ហិចតា)
* តំបន់សេដ្ឋកិច្ចពិសេស អិម ឌី អេស ថ្មដា ខេត្តពោធិ៍សាត់ គ្របដណ្ដប់លើផ្ទៃដីប្រមាណ ២២៦៥ហិចតា ក្នុងនោះ ៥៩៤ហិចតា ជាតំបន់អភិវឌ្ឍន៍ទេសចរណ៍ ពាណិជ្ជកម្ម និងផ្សារទំនើប និង ១៦៧១ហិចតា ជាតំបន់ ដំណាំកសិ-ឧស្សាហកម្ម។

ផ្នែកប្រេង
* ក្រុមហ៊ុន ប៉ាប៉ា ប៉េត្រូលៀម នាំប្រេងចែកចាយ ទូទាំងប្រទេស មានស្ថានីយ៍ ផ្ទាល់ខ្លួននៅខេត្តព្រះវិហារ រតនគិរី កំពង់ស្ពឺ និងរាជធានីភ្នំពេញ។

សូមជម្រាបថា ក្រុមហ៊ុន ទ្រី ភាព គ្រុប របស់ឧកញ៉ា ទ្រី ភាព មានក្រុមហ៊ុន បុត្រសម្ព័ន្ធជាច្រើនផ្សេងទៀត ដូចជា ក្រុមហ៊ុន ទ្រី ភាព ហ្រ្គេន រ៉ូយ៉ាល់ ដែលមានរោងចក្រដំឡើងម៉ូតូជាច្រើន ប្រភេទ ដោយក្នុងមួយថ្ងៃ អាចដំឡើងបានពី ៤០០ ទៅ ៥០០គ្រឿង៕

The post តើមហាសេដ្ឋីប្រាក់លាន ទ្រី ភាព ក្តោបជំនួញប៉ុន្មានក្នុងដៃ? appeared first on .

លោក បានមានប្រសាសន៍ថា៖ «កំពង់ផែនេះ គឺជាកំពង់ផែរបស់ឯកជនដែលគាត់វិនិ​យោគ​។ ហើយ​អ្វី​ដែល​គាត់បានសាងសង់ហើយ ខ្ញុំមិនអាចវាយតម្លៃជាភាគរយបានទេ ដោយសារកំពង់ផែ​នេះ​មាន​ទំហំធំ​ធេង។ គ្រាន់តែថា កន្លែងដែលចូលចតនោះ គាត់បាន​សាងសង់រួចហើយ ផ្លូវចូល​គាត់​បាន​ធ្វើ​ហើយ នៅតែសេវាសម្បទា បូកជាមួយនឹងអាជ្ញាធរមានសមត្ថកិច្ច ដែលរាជរដ្ឋាភិបាល​លោក​នឹង​អនុញ្ញាត​នៅពេលខាងមុខនេះ។»

ឯកឧត្តមបានបន្តថា៖ «អ្វីដែលយើងជជែកគ្នាពីមុនគឺ យើងចង់ធ្វើឲ្យបាននៅដើមឆ្នាំ២០២០នេះ។ ហើយ​ខ្ញុំ​គិតថាក្រោយពីជំងឺកូវីដស្ងប់ស្ងាត់ ឬក៏សភាពការណ៍យើងល្អប្រសើរ​ ​​សកម្មភាព​ជំរុញ​ក្នុងការចូល​ចតនាវាធំៗនៅខេត្តកំពតនេះ យើងនឹងជំរុញធ្វើជាមួយនឹងផ្នែកឯកជន។»

ការកសាង​កំពង់ផែទឹកជ្រៅនេះ គឺជាហេដ្ឋារចនាសម្ព័ន្ធយុទ្ធសាស្ត្រដ៏សំខាន់មួយ មានគោលដៅតភ្ជាប់ការដឹកជញ្ជូនតាមរបៀងមាត់សមុទ្រក្នុងតំបន់ គឺតភ្ជាប់ពីតំបន់​ហាទៀង​ នៃប្រទេសវៀតណាម ទៅខេត្តត្រាតរបស់ព្រះរាជាណាចក្រថៃ ដោយឆ្លងកាត់ខេត្ត​កំពត ខេត្តព្រះសីហនុ និងខេត្តកោះកុង តាមផ្លូវជាតិលេខ ៤៨។ នេះបើយោងតាមប្រសាសន៍របស់សម្ដេចតេជោ ហ៊ុន សែន ក្នុងឱកាសសម្ពោធដាក់ឱ្យដំណើរការជាផ្លូវការប្រព័ន្ធផ្គត់ផ្គង់ទឹកស្អាតខេត្តកំពត កាលពីថ្ងៃទី ២ មេសា ២០១៩ កន្លងទៅ។

គម្រោងកំពង់ផែទឹកជ្រៅនេះ គឺជាការបណ្ដាក់ទុនរួមរវាងក្រុមហ៊ុនចិន Guangxi Beibu Gulf International Port Group Co., Ltd. និងក្រុមហ៊ុន ទ្រី ភាព គ្រុប របស់ឯកឧត្តមឧកញ៉ាបណ្ឌិត ទ្រី ភាព និងមានសមត្ថភាពឲ្យនាវាសមុទ្រធុនធំផ្ទុកទំនិញ ចាប់ពី ១ម៉ឺន​តោន​ ដល់ ៣ម៉ឺនតោន អាចចូលចត ផ្ទេរ និងផ្ទុកទំនិញបាន។

គួរកត់សម្គាល់ថា កំពង់ផែទឹកជ្រៅថ្មីនេះ គឺជាគម្រោងកំពង់ផែធំមួយ ក្នុងចំណោមគម្រោង​កំពង់ផែធំៗ ទាំង ៣ នៅខេត្តកែប និងខេត្តកំពត បន្ថែមលើកំពង់ផែចំនួន ២ ផ្សេងទៀត គឺកំពង់ផែទេសចរណ៍អន្តរជាតិកែប និងគម្រោងកំពង់ផែកោះទន្សាយ ដែលរដ្ឋាភិបាលទើបនឹងប្រកាសគម្រោងថ្មីៗនេះ។ ចំពោះគម្រោងកំពង់ផែទឹកជ្រៅកំពតនេះ នឹងក្លាយជាកំពង់ផែដ៏ធំមួយ គូនឹងកំពង់ផែស្វយ័តក្រុងព្រះសីហនុ បច្ចុប្បន្ន៕

ប្រភព៖construction-property.com/km

The post គម្រោងកំពង់ផែទឹកជ្រៅ ខេត្តកំពត របស់​​ឧកញ៉ា ទ្រីភាព សម្រេច​បាន​ប៉ុន្មាន​ភាគរយ​ហើយ? appeared first on .

ក្នុងពីធីនេះដែរ ក្រៅពីអាហារសាមគ្គី លោកឧកញ៉ា បណ្ឌិត និងលោកជំទាវ បានអញ្ជើញចែក​អំ​ណោយ​ជូន​ដល់បងប្អូនបុគ្គលិក-កម្មករ និងអាជីវករ ដោយវត្តមានអញ្ជើញចូល​រួមពីថ្នាក់​ដឹកនាំ​គ្រប់​ជាន់ថ្នាក់​ នៃក្រុមហ៊ុន ទ្រី ភាព គ្រុប និងបងប្អូនបុគ្គលិក-កម្មករ និងអាជីវករដែលសរុប​មានចំនួន​ប្រមាណ​ជាង ១.០០០ នាក់។

The post សម្ពោធ​រោង​ចក្រកែច្នៃជ័រកៅស៊ូ​ភ្លាម ឧកញ៉ា ទ្រី ភាព ជប់លៀង​ជូនបុគ្គលិក​​​ជាង​១០០០នាក់ appeared first on .

ទន្ទឹមនឹងការដាំដុះដើមកៅស៊ូ និងប្រមូលផលជ័រកៅស៊ូ ក្រុមហ៊ុន​បានសាងសង់រោងចក្រ​កែច្នៃ​ជ័រកៅ​ស៊ូ​មួយ​ នៅទីតាំងខាងលើ​។ រោងចក្រ​មួយ​​នេះ មានសមត្ថភាពផលិតជ័រកៅស៊ូក្រែប បាន​ចំនួន ៣,៥តោន ក្នុងមួយម៉ោង។


ក្រៅពីប្រើ​ប្រាស់ជ័រកៅស៊ូពីចំការរបស់ខ្លួន ក្រុមហ៊ុននឹងប្រមូលទិញជ័រកៅស៊ូពីប្រជាពលរដ្ឋ ក៏ដូចជាពីបណ្តាក្រុមហ៊ុនផ្សេងៗទូទាំងប្រទេសកម្ពុជា។

គួរបញ្ជាក់ផងដែរថា ក្រុមហ៊ុន ទ្រី ភាព អ៊ីមផត អិចផត បានទទួលការអនុញ្ញាត​វិនិយោគ​ពី​រាជ​រដ្ឋាភិបាល​កម្ពុជា លើគម្រោងវិនិយោគដំាដំណាំកសិ-ឧស្សាហកម្ម និងសាងសង់រោងចក្រ​កែច្នៃ​ជ័រ​កៅស៊ូ លើផ្ទៃដីចំនួន៤.៨០០ហិកតា រួមជាមួយផ្ទៃដីកម្មសិទ្ធិឯកជន របស់ក្រុមហ៊ុនចំនួន ១.៦០០​ហិកតា​ទៀត សរុបទាំងអស់ចំនួន ៦.៤០០ហិកតា រហូតដល់​បច្ចុប្បន្ន​ក្រុមហ៊ុន​បានធ្វើការ​ដាំដុះ​ដើម​កៅ​ស៊ូ​រួច​រាល់ចំនួន ៥.៤០០ហិកតា និងបានបង្កើតការងារជូនប្រជាពលរដ្ឋ បានប្រមាណ ១.០០០​នាក់៕

ប្រភព​ផេក៖ TRY PHEAP GROUP CO.,LTD

The post ឧកញ៉ា បណ្ឌិត ទ្រី ភាព ដាក់ឲ្យ​ដំណើរ​ការសាកល្បងរោងចក្រកែច្នៃជ័រកៅស៊ូ ខេត្តព្រះវិហារ appeared first on .