ឧកញ៉ា បណ្ឌិត ទ្រី ភាព

គម្រោងកំពង់ផែទឹកជ្រៅ ខេត្តកំពត របស់ឧកញ៉ា ទ្រីភាព សម្រេចបានប៉ុន្មានភាគរយហើយ?

កូនចៅឧកញ៉ា — Tue, 12 May 2020 02:42:43 +0000

គម្រោងសាងសង់កំពង់ផែទឹកជ្រៅដ៏ធំសម្បើមមួយនៅខេត្តកំពត បានសម្រេចសមិទ្ធផលជាបណ្ដើរៗហើយ ដូចជាកន្លែងចូលចត និងផ្លូវចូលទៅកាន់កំពង់ផែជាដើម។នេះបើយោងទៅតាមប្រសាសន៍របស់លោក សយ ស៊ីណុល ប្រធានមន្ទីទេសចរណ៍ខេត្តកំពត ថ្លែងក្នុង សន្និសីទសារព័ត៌មានស្ដីពី «វឌ្ឍនភាព និងទិសដៅការងារបន្ដរបស់រដ្ឋបាលខេត្តកំពត» នៅថ្ងៃទី០៨ ខែឧសភា ឆ្នាំ២០២០នេះ។

លោក បានមានប្រសាសន៍ថា៖ «កំពង់ផែនេះ គឺជាកំពង់ផែរបស់ឯកជនដែលគាត់វិនិយោគ។ ហើយអ្វីដែលគាត់បានសាងសង់ហើយ ខ្ញុំមិនអាចវាយតម្លៃជាភាគរយបានទេ ដោយសារកំពង់ផែនេះមានទំហំធំធេង។ គ្រាន់តែថា កន្លែងដែលចូលចតនោះ គាត់បានសាងសង់រួចហើយ ផ្លូវចូលគាត់បានធ្វើហើយ នៅតែសេវាសម្បទា បូកជាមួយនឹងអាជ្ញាធរមានសមត្ថកិច្ច ដែលរាជរដ្ឋាភិបាលលោកនឹងអនុញ្ញាតនៅពេលខាងមុខនេះ។»

ឯកឧត្តមបានបន្តថា៖ «អ្វីដែលយើងជជែកគ្នាពីមុនគឺ យើងចង់ធ្វើឲ្យបាននៅដើមឆ្នាំ២០២០នេះ។ ហើយខ្ញុំគិតថាក្រោយពីជំងឺកូវីដស្ងប់ស្ងាត់ ឬក៏សភាពការណ៍យើងល្អប្រសើរ សកម្មភាពជំរុញក្នុងការចូលចតនាវាធំៗនៅខេត្តកំពតនេះ យើងនឹងជំរុញធ្វើជាមួយនឹងផ្នែកឯកជន។»

ការកសាងកំពង់ផែទឹកជ្រៅនេះ គឺជាហេដ្ឋារចនាសម្ព័ន្ធយុទ្ធសាស្ត្រដ៏សំខាន់មួយ មានគោលដៅតភ្ជាប់ការដឹកជញ្ជូនតាមរបៀងមាត់សមុទ្រក្នុងតំបន់ គឺតភ្ជាប់ពីតំបន់ហាទៀង នៃប្រទេសវៀតណាម ទៅខេត្តត្រាតរបស់ព្រះរាជាណាចក្រថៃ ដោយឆ្លងកាត់ខេត្តកំពត ខេត្តព្រះសីហនុ និងខេត្តកោះកុង តាមផ្លូវជាតិលេខ ៤៨។ នេះបើយោងតាមប្រសាសន៍របស់សម្ដេចតេជោ ហ៊ុន សែន ក្នុងឱកាសសម្ពោធដាក់ឱ្យដំណើរការជាផ្លូវការប្រព័ន្ធផ្គត់ផ្គង់ទឹកស្អាតខេត្តកំពត កាលពីថ្ងៃទី ២ មេសា ២០១៩ កន្លងទៅ។

គម្រោងកំពង់ផែទឹកជ្រៅនេះ គឺជាការបណ្ដាក់ទុនរួមរវាងក្រុមហ៊ុនចិន Guangxi Beibu Gulf International Port Group Co., Ltd. និងក្រុមហ៊ុន ទ្រី ភាព គ្រុប របស់ឯកឧត្តមឧកញ៉ាបណ្ឌិត ទ្រី ភាព និងមានសមត្ថភាពឲ្យនាវាសមុទ្រធុនធំផ្ទុកទំនិញ ចាប់ពី ១ម៉ឺនតោន ដល់ ៣ម៉ឺនតោន អាចចូលចត ផ្ទេរ និងផ្ទុកទំនិញបាន។

គួរកត់សម្គាល់ថា កំពង់ផែទឹកជ្រៅថ្មីនេះ គឺជាគម្រោងកំពង់ផែធំមួយ ក្នុងចំណោមគម្រោងកំពង់ផែធំៗ ទាំង ៣ នៅខេត្តកែប និងខេត្តកំពត បន្ថែមលើកំពង់ផែចំនួន ២ ផ្សេងទៀត គឺកំពង់ផែទេសចរណ៍អន្តរជាតិកែប និងគម្រោងកំពង់ផែកោះទន្សាយ ដែលរដ្ឋាភិបាលទើបនឹងប្រកាសគម្រោងថ្មីៗនេះ។ ចំពោះគម្រោងកំពង់ផែទឹកជ្រៅកំពតនេះ នឹងក្លាយជាកំពង់ផែដ៏ធំមួយ គូនឹងកំពង់ផែស្វយ័តក្រុងព្រះសីហនុ បច្ចុប្បន្ន៕

ប្រភព៖construction-property.com/km

The post គម្រោងកំពង់ផែទឹកជ្រៅ ខេត្តកំពត របស់ឧកញ៉ា ទ្រីភាព សម្រេចបានប៉ុន្មានភាគរយហើយ? appeared first on .

សម្ពោធរោងចក្រកែច្នៃជ័រកៅស៊ូភ្លាម ឧកញ៉ា ទ្រី ភាព ជប់លៀងជូនបុគ្គលិកជាង១០០០នាក់

កូនចៅឧកញ៉ា — Fri, 22 Nov 2019 08:24:49 +0000

បន្ទាប់ពីកម្មពិធីដាក់ឱ្យដំណើរការសាកល្បងរោងចក្រកែច្នៃជ័រកៅស៊ូ និងពិធីអភិសេកព្រះពុទ្ធប្បដិមា ព្រមទាំងឆ្លងសាលាបុណ្យ ត្រូវបានបញ្ចប់រួចហើយនោះ លោកឧកញ៉ា បណ្ឌិត ទ្រី ភាព និងលោកជំទាវ ឧកញ៉ា គៀន ស្រីនាង បានឆ្លៀតឱកាសជួបសំណេះសំណាល និងសាកសួរសុខទុក្ខ ព្រមទាំងថ្លែងអំណរគុណចំពោះបងប្អូនបុគ្គលិក-កម្មករ និងអាជីវករដែលបានខិតខំប្រឹងប្រែង បម្រើការងារដោយអស់ពីចិត្ត និងស្មោះស្ម័គ្រ ជូនក្រុមហ៊ុនកន្លងមក។

ជាមួយនេះដែរ លោកឧកញ៉ា បណ្ឌិត បានសំដែងការជឿជាក់យ៉ាងមុតមាំថា តាមរយៈការខិតខំប្រឹងប្រែងក្នុងការបំពេញតួនាទីភារកិច្ចរបស់ថ្នាក់ដឹកនាំគ្រប់កម្រិត រួមទាំងបងប្អូនបុគ្គលិក-កម្មករទាំងអស់ ក្រុមហ៊ុននឹងកាន់តែបន្តការរីកចម្រើនថែមទៀត។

ក្នុងពីធីនេះដែរ ក្រៅពីអាហារសាមគ្គី លោកឧកញ៉ា បណ្ឌិត និងលោកជំទាវ បានអញ្ជើញចែកអំណោយជូនដល់បងប្អូនបុគ្គលិក-កម្មករ និងអាជីវករ ដោយវត្តមានអញ្ជើញចូលរួមពីថ្នាក់ដឹកនាំគ្រប់ជាន់ថ្នាក់ នៃក្រុមហ៊ុន ទ្រី ភាព គ្រុប និងបងប្អូនបុគ្គលិក-កម្មករ និងអាជីវករដែលសរុបមានចំនួនប្រមាណជាង ១.០០០ នាក់។

The post សម្ពោធរោងចក្រកែច្នៃជ័រកៅស៊ូភ្លាម ឧកញ៉ា ទ្រី ភាព ជប់លៀងជូនបុគ្គលិកជាង១០០០នាក់ appeared first on .

ឧកញ៉ា បណ្ឌិត ទ្រី ភាព ដាក់ឲ្យដំណើរការសាកល្បងរោងចក្រកែច្នៃជ័រកៅស៊ូ ខេត្តព្រះវិហារ

កូនចៅឧកញ៉ា — Thu, 21 Nov 2019 06:56:39 +0000

នាព្រឹកថ្ងៃទី ២១ ខែវិច្ឆិកា ឆ្នាំ២០១៩ លោកឧកញ៉ា បណ្ឌិត ទ្រី ភាព បានធ្វើពិធីដាក់ឲ្យដំណើរការសាកល្បងរោងចក្រកែច្នៃជ័រកៅស៊ូ ទ្រី ភាព អ៊ីមផត អិចផត ដែល ស្ថិតនៅឃុំរមណីយ ស្រុករវៀង ខេត្តព្រះវិហារ។ ពិធីនេះបានធ្វើឡើង ក្រោមអធិបតីភាពដ៏ខ្ពង់ខ្ពស់ លោកឧកញ៉ា បណ្ឌិត និងលោកជំទាវឧកញ៉ា គៀន ស្រីនាង ព្រមទាំងបុគ្គលិក ដៃគូពាណិជ្ជកម្មជាច្រើនរូបទៀត។

ទន្ទឹមនឹងការដាំដុះដើមកៅស៊ូ និងប្រមូលផលជ័រកៅស៊ូ ក្រុមហ៊ុនបានសាងសង់រោងចក្រកែច្នៃជ័រកៅស៊ូមួយ នៅទីតាំងខាងលើ។ រោងចក្រមួយនេះ មានសមត្ថភាពផលិតជ័រកៅស៊ូក្រែប បានចំនួន ៣,៥តោន ក្នុងមួយម៉ោង។

ក្រៅពីប្រើប្រាស់ជ័រកៅស៊ូពីចំការរបស់ខ្លួន ក្រុមហ៊ុននឹងប្រមូលទិញជ័រកៅស៊ូពីប្រជាពលរដ្ឋ ក៏ដូចជាពីបណ្តាក្រុមហ៊ុនផ្សេងៗទូទាំងប្រទេសកម្ពុជា។

គួរបញ្ជាក់ផងដែរថា ក្រុមហ៊ុន ទ្រី ភាព អ៊ីមផត អិចផត បានទទួលការអនុញ្ញាតវិនិយោគពីរាជរដ្ឋាភិបាលកម្ពុជា លើគម្រោងវិនិយោគដំាដំណាំកសិ-ឧស្សាហកម្ម និងសាងសង់រោងចក្រកែច្នៃជ័រកៅស៊ូ លើផ្ទៃដីចំនួន៤.៨០០ហិកតា រួមជាមួយផ្ទៃដីកម្មសិទ្ធិឯកជន របស់ក្រុមហ៊ុនចំនួន ១.៦០០ហិកតាទៀត សរុបទាំងអស់ចំនួន ៦.៤០០ហិកតា រហូតដល់បច្ចុប្បន្នក្រុមហ៊ុនបានធ្វើការដាំដុះដើមកៅស៊ូរួចរាល់ចំនួន ៥.៤០០ហិកតា និងបានបង្កើតការងារជូនប្រជាពលរដ្ឋ បានប្រមាណ ១.០០០នាក់៕

ប្រភពផេក៖ TRY PHEAP GROUP CO.,LTD

The post ឧកញ៉ា បណ្ឌិត ទ្រី ភាព ដាក់ឲ្យដំណើរការសាកល្បងរោងចក្រកែច្នៃជ័រកៅស៊ូ ខេត្តព្រះវិហារ appeared first on .

ឧកញ៉ា បណ្ឌិត ទ្រី ភាព

គម្រោងកំពង់ផែទឹកជ្រៅ ខេត្តកំពត របស់​​ឧកញ៉ា ទ្រីភាព សម្រេច​បាន​ប៉ុន្មាន​ភាគរយ​ហើយ?

សម្ពោធ​រោង​ចក្រកែច្នៃជ័រកៅស៊ូ​ភ្លាម ឧកញ៉ា ទ្រី ភាព ជប់លៀង​ជូនបុគ្គលិក​​​ជាង​១០០០នាក់

ឧកញ៉ា បណ្ឌិត ទ្រី ភាព ដាក់ឲ្យ​ដំណើរ​ការសាកល្បងរោងចក្រកែច្នៃជ័រកៅស៊ូ ខេត្តព្រះវិហារ

គម្រោងកំពង់ផែទឹកជ្រៅ ខេត្តកំពត របស់ឧកញ៉ា ទ្រីភាព សម្រេចបានប៉ុន្មានភាគរយហើយ?

សម្ពោធរោងចក្រកែច្នៃជ័រកៅស៊ូភ្លាម ឧកញ៉ា ទ្រី ភាព ជប់លៀងជូនបុគ្គលិកជាង១០០០នាក់

ឧកញ៉ា បណ្ឌិត ទ្រី ភាព ដាក់ឲ្យដំណើរការសាកល្បងរោងចក្រកែច្នៃជ័រកៅស៊ូ ខេត្តព្រះវិហារ