ឧកញ៉ា បណ្ឌិត អ៊ឹង ឃាង

ឧកញ៉ា អ៊ឹង ឃាង ប្រកាសលក់ដីនៅស្រុកស្រែអំបិល តម្លៃពិសេស ៩ដុល្លារក្នុងមួយម៉ែត្រការ៉េ

ឧកញ៉ាដែនដី — Sat, 11 Jun 2022 03:33:32 +0000

ឧកញ៉ា អ៊ឹង ឃាង អគ្គនាយក អ៊ឹង ឃាង គ្រុប ឯ.ក និងជាសមាជិកសមាគមអ្នកអភិវឌ្ឍន៍លំនៅឋានកម្ពុជា បានប្រកាសលក់ដីនៅស្រុកស្រែអំបិល ក្នុងតម្លៃពិសេសបំផុតត្រឹមតែ ៩ដុល្លារក្នុងមួយមែត្រការ៉េ។

លោកឧកញ៉ា បានបញ្ជាក់ឱ្យដឹងថា ដីលក់តំលៃពិសេសបំផុត ទេសភាពស្អាត ជាប់ដៃសមុទ្រប្រវែង ៤០០០ម៉ែត្រ ចំងាយពីសមុទ្រ និងតំបន់ទេសចរណ៍ ឆ្នេរនេសាទ ៥គីឡូម៉ែត្រ ពីភ្នំពេញ ១៤០គីឡូម៉ែត្រ ស្ថិតក្នុងឃុំជ្រោយស្វាយ ស្រុកស្រែអំបិល។

សម្រាប់ទំហំដីសរុបចំនួន ៦០ហិចតា លក់តំលៃត្រឹមតែ ៩ដុល្លារក្នុងមួយមែត្រការ៉េ (ផ្ទេរសិទ្ធប្លង់រឹង) ហើយដីកំពុងចាក់បំពេញ សាកសមបំផុត សម្រាប់ការវិនិយោគជា បុរី រីសត ផ្ទះលំហែកាយ ដីឡូត៌ ។ ល។ ជាពិសេសទៀតនោះ គឺទុករយៈពេលបង់លុយជាដំណាក់ការរហូតដល់ ៣៦ខែ៕

The post ឧកញ៉ា អ៊ឹង ឃាង ប្រកាសលក់ដីនៅស្រុកស្រែអំបិល តម្លៃពិសេស ៩ដុល្លារក្នុងមួយម៉ែត្រការ៉េ appeared first on .

សេដ្ឋីអចលនទ្រព្យច្រើនរូបអមដំណើរមហាសេដ្ឋី យូ សាម៉េត ទៅទស្សនកិច្ចគម្រោងអាកាសយានដ្ឋានអន្តរជាតិសៀមរាបថ្មី ខណៈការសាងសង់បាន ៤០%ហើយ

ឧកញ៉ាកោះក្របី — Fri, 11 Jun 2021 11:17:55 +0000

អ្នកឧកញ៉ាបណ្ឌិត យូ សាម៉េត អគ្គនាយកក្រុមហ៊ុន ECON Group នៅថ្ងៃទី១០ ខែមិថុនា ម្សិលមិញ បានអញ្ជើញចុះទៅទស្សនកិច្ចគម្រោងសាងសង់អាកាសយានដ្ឋានអន្តរជាតិសៀមរាបថ្មី ដែលកំពុងស្ថាបនាយ៉ាងសស្រាក់សស្រាមតាមផែនការកំណត់ ហើយការសាងសង់បាន ៤០% នេះបើតាមការបញ្ជាក់របស់លោកឧកញ៉ា អ៊ុំ ចន្ថា។

បើទោះបីស្ថិតក្នុងស្ថានភាពនៃវិបត្តិជំងឺកូវីដ១៩យ៉ាងណាក្តី ក៏គម្រោងនេះត្រូវបានស្វាគមន៍ដោយភាគីពាក់ព័ន្ធជាច្រើនដែលយល់ឃើញថាវាជាការជំរុញពាណិជ្ជកម្ម និងទេសចរណ៍ មិនត្រឹមតែនៅក្នុងខេត្តសៀមរាប ប៉ុន្តែក៏ដូចជានៅក្នុងប្រទេសកម្ពុជាទាំងមូលផងដែរ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

ខេត្តទេសចរណ៍ដ៏សំខាន់នេះ ត្រូវបានរាជរដ្ឋាភិបាលកម្ពុជា កំណត់ជាតំបន់ស្នូលនៃប៉ូលអភិវឌ្ឍជាតិ ជាគោលដៅទេសចរណ៍ វប្បធម៌ ប្រវត្តិសាស្រ្ត និងធម្មជាតិ ស្របតាមរូបសាស្ត្រទីក្រុង រួមជាមួយការគិតគូរដល់ការពារ និងកែលម្អបរិស្ថាន ផាសុខភាពរបស់ប្រជាពលរដ្ឋ និងការរៀបចំអភិវឌ្ឍទីក្រុងឆ្លាតវៃ (Smart City) ផងដែរ។

គួររម្លឹកថា គម្រោងអាកាសយានដ្ឋានអន្ដរជាតិសៀមរាប អង្គរ គម្រោងនឹងសាងសង់ឲ្យរួចរាល់នៅក្នុងឆ្នាំ២០២៣ និងដាក់ឲ្យដំណើរការប្រើប្រាស់ជាផ្លូវការនៅក្នុងឆ្នាំ២០២៤។ ទីតាំងនៃគម្រោងព្រលានយន្តហោះនេះស្ថិតនៅទីតាំងនៅជាប់ព្រំប្រទល់ស្រុកចំនួនបី គឺស្រុកសូទ្រនិគម ស្រុកជីក្រែង និង ស្រុកស្វាយលើ ដែលគ្រប់ដណ្តប់លើផ្ទៃដីទំហំ ៧០០ ហិកតា។ គម្រោងនេះនឹងសាងសង់តាម ស្តង់ដារ អាកាសយានដ្ឋានអន្តរជាតិ ដែលអាចប្រតិបត្តិបានជាមួយយន្តហោះខ្នាតធំ។

ក្នុងដំណាក់កាលទី១ នៃគម្រោងនេះ គេគ្រោងនឹងចំណាយទុនវិនិយោគសរុបប្រមាណ ៨៨០ លានដុល្លារ ជាមួយនឹងការសាងសង់ផ្លូវរត់ល្បឿនលឿនទំហំ ៣,៦០០ ម៉ែត្រ គុណនឹង ៤៥ម៉ែត្រមួយផ្លូវ និង ប៉ារ៉ាឡែលសម្រាប់យន្តហោះធ្វើការហោះហើរ និងចុះចត និងចំណតយន្តហោះ ព្រមទាំងមាន ហេដ្ឋារចនាសម្ព័ន្ធ ដែលពាក់ព័ន្ធផ្សេងៗ រួមនឹងបរិក្ខារជំនួយ ស្ថានីយ សម្រាប់អ្នកដំណើរ ដែលមានទំហំ ៥០ ពាន់ម៉ែត្រក្រឡា៕

The post សេដ្ឋីអចលនទ្រព្យច្រើនរូបអមដំណើរមហាសេដ្ឋី យូ សាម៉េត ទៅទស្សនកិច្ចគម្រោងអាកាសយានដ្ឋានអន្តរជាតិសៀមរាបថ្មី ខណៈការសាងសង់បាន ៤០%ហើយ appeared first on .

ក្រោយភ្ជាប់ពាក្យរួចគូដណ្តឹងមួយគូដែលកាន់ងារជាឧកញ៉ា រឹតតែបង្ហាញភាពផ្អែមល្ហែម

ឧកញ៉ាកោះក្របី — Tue, 01 Jun 2021 10:20:37 +0000

ពិធីភ្ជាប់ពាក្យរវាងសេដ្ឋីជាមួយនឹងសេដ្ឋីនី បានបង្ករឲ្យមានការភ្ញាក់ផ្អើលខ្លាំងនិងកក្រើកស្រុកខ្មែរ កាលពីថ្ងៃទី២៧ ខែកុម្ភៈ ឆ្នាំ២០២១កន្លងទៅ។

កូនកំលោះត្រូវបានគេស្គាល់ថា ជាអ្នកជំនួញអចលនទ្រព្យ និងជាម្ចាស់បុរី ឃាង កលិកា លោកឧកញ៉ាបណ្ឌិត អ៊ឹង ឃាង និងកូនក្រមុំលោកជំទាវឧកញ៉ា តែ កលិកា ប្រធាននាយកគ្រប់គ្រងទូទៅ នៃគ្រឹះស្ថានមីក្រូហិរញ្ញវត្ថុ សម្ព័ន្ធសមាគមសហគ្រាសធុនតូច និងមធ្យមកម្ពុជា ភីអិលស៊ី ត្រូវជាបុត្រីរបស់លោកឧកញ៉ា តែ តាំងប៉ អ្នកជំនួញជើងចាស់មួយរូបនៅកម្ពុជា។

ក្នុងពិធីចូលស្តីដណ្តឹងភ្ជាប់ពាក្យកូនក្រមុំក្នុងគ្រួសារអភិជនមួយនេះ ឃើញមានវត្តមានមហាសេដ្ឋី គិត ម៉េង និងលោកជំទាវ ម៉ៅ ចំណាន ព្រមទាំងអ្នកឧកញ៉ា លោកឧកញ៉ា លោកជំទាវ និងអ្នកជំនួញគ្រាកៗជាច្រើនបានចូលរួមអបសារទរយ៉ាងឪឡារិកគគ្រឹកគគ្រេង។

ក្រោយពីបានភ្ជាប់ពាក្យតាមប្រពៃណីខ្មែររួចមក មហាជនជាច្រើនតែងសង្កេតឃើញគូដណ្តឹងកាន់ងារជាឧកញ៉ាមួយគូនេះ បង្ហាញភាពផ្អែមល្ហែមស្អិតរមួតក្នុងដំណើរកម្សាន្តនៅតាមតំបន់ទេសចរល្បីៗនៅតំបន់សមុទ្រ លើកោះ និងរម្មណីយដ្ឋានជាដើម ។ អ្វីដែលកាន់តែពិសេសនោះ គឺសេដ្ឋីទាំងពីរបានផ្តិតយកនូវទិដ្ឋភាពកេរដំណែលដ៏ស្រស់ស្អាតគួរឲ្យចាប់អារម្មណ៍ជាមួយនឹងរថយន្តលំដាប់អភិជន ម៉ាក Rolls-Royce តម្លៃកប់ពពកទៀតផង។

ប្រភពច្បាស់ការមួយបានបង្ហើបឲ្យដឹងថា ក្រោយពេលធ្វើពិធីភ្ជាប់ពាក្យរួច លោកឧកញ៉ាបណ្ឌិត អ៊ឹង ឃាង និងលោកជំទាវឧកញ៉ា តែ កលិកា គ្រោងនឹងរៀបអាពាហ៍ពិពាហ៍ នៅថ្ងៃទី១០ និង១១ ខែធ្នូ ឆ្នាំ២០២១ខាងមុខនេះ៕

តោះ ទស្សនារូបស្អាតៗរបស់អនាគតប្តីប្រពន្ធសេដ្ឋីមួយគូនេះ….!

The post ក្រោយភ្ជាប់ពាក្យរួចគូដណ្តឹងមួយគូដែលកាន់ងារជាឧកញ៉ា រឹតតែបង្ហាញភាពផ្អែមល្ហែម appeared first on .

ផ្អើលខេត្តបន្ទាយមានជ័យ ឧកញ៉ាទាំង៨រូបនេះចុះចែកអំណោយជូនពលរដ្ឋព្រឹកមិញ

កូនចៅឧកញ៉ា — Fri, 23 Oct 2020 05:37:43 +0000

បន្ទាយមានជ័យ៖ ដោយអនុវត្តតាមអនុសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា, ក្រុមលោកឧកញ៉ាវ័យក្មេងពោពេញដោយបេះដូងមនុស្សធម៌ទាំង៨រូបនៅព្រឹកថ្ងៃទី២៣ ខែ តុលា ឆ្នាំ ២០២០ នេះបាននាំយកអំណោយមកចែកជូនពលរដ្ឋរងគ្រោះដោយទឹកជំនន់១,០០០គ្រួសា ក្នុងភូមិលេខ៤ សង្កាត់ផ្សារកណ្តាល ក្រុង ប៉ោយប៉ែត ខេត្តបន្ទាយមានជ័យ។

តាមការលើកឡើង ពីលោក ឧកញ៉ា ហ៊ួត ជា អំណោយទាំងនោះសរុបជាទឹកប្រាក់80000$ ដោយ ក្នុងមួយគ្រួសារៗទទួលបាន៖ អង្ករ មី ទឹកត្រី ទឹកស៉ីអ៉ីវ ទឹកបរិសុទ្ធ និងថវិកាមួយចំនួន។

ក្រុមលោកឧកញ៉ាវ័យក្មេងទាំង៨រូបនៃក្រុមហ៊ុនT.O.I.C Group នោះរួមមាន៖

១- ឧកញ៉ា អ៉ឹង ឃាង ទីប្រឹក្សាសភាពពាណិជ្ជកម្មកម្ពុជា និងជាប្រធានក្រុមប្រឹក្សាភិបាល T.O.I.C Group។

២- ឧកញ៉ា ហួត ជា ទីប្រឹក្សាសភាពាណិជ្ជកម្មកម្ពុជា។

៣- ឧកញ៉ា ភិរម្យ វិចិត្រដារ៉ា សមាជិកអ្នកអភិវឌ្ឍន៍លំនៅឋានកម្ពុជា។

៤- ឧកញ៉ា ឡាយ លន់ ទីប្រឹក្សាសភាពពាណិជ្ជកម្មខេត្តសៀមរាប។

៥- ឧកញ៉ា ចាង ជីវិញ អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្តកោះកុង។

៦- ឧកញ៉ា សុក រ៉ាដូ អនុប្រធានសភាពាណិជ្ជកម្មកម្ពុជា។ និងជាប្រធានសភាពាណិជ្ជកម្មខេត្តស្វាយរៀង។

៧- ឧកញ៉ា ម៉េន កានី ម្ចាស់បុរី GM។

៨- ឧកញ៉ា នួន អក ម្ចាស់រីសតកំពតឋានសួគ៌។

យោងតាមប្រសាសន៍របស់លោកឧកញ៉ា នួន អក ម្ចាស់រីសតកំពតឋានសួគ៌បានបញ្ជាក់ឲ្យដឹងថា ការចែកជូនអំណោយស្បៀងអាហារដល់ប្រជាពលរដ្ឋនេះ គឺយោងតាមអនុសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា<<ជួយគ្នាក្នុងគ្រាមានអាសន្ន>> ទើបក្រុមលោកឧកញ៉ាវ័យក្មេងទាំង៨រូបនៃក្រុមហ៊ុនT.O.I.C Group ចុះនាំអំណោយមកចែកដោយផ្ទាល់នេះ។

សកម្មភាពខាលើ មិនមែនជាលើកទី១ ឡើយរបស់ក្រុមលោកឧកញ៉ាវ័យក្មេងទាំង៨រូបនៃក្រុមហ៊ុនT.O.I.C Group នេះ កន្លងមកអ្នកជំនួញវ័យក្មេងនៃ ក្រុមមួយនេះ តែងតែចុះ ធ្វើកិច្ចការសប្បុរសធម៌ជាច្រើនលើកមកហើយ ។

សូមបញ្ជាក់ថា របាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយ ដែលបណ្តាញសារព័ត៌មាន ទទួលបានបញ្ជាក់ថា គិតចាប់ពីថ្ងៃទី០១ ខែកញ្ញា ដល់ថ្ងៃទី២០ ខែតុលា ឆ្នាំ២០២០ កម្ពុជាបានទទួលរងផលប៉ះពាល់ នៅក្នុង១៩រាធានី-ខេត្ត ក្នុងនោះមានប្រជាជនរងផលប៉ះពាល់ចំនួន ១០៤,៣៤៨គ្រួសារ ស្មើប្រមាណ ៤១៧,៣៩២នាក់, ប្រជាជនត្រូវបានជម្លៀសមកទីទួលសុវត្ថិភាពចំនួន ១០,៥៨៣គ្រួសារ ស្មើប្រមាណ ៤២,៣៣២នាក់ និងប្រជាជនស្លាប់ចំនួន៣៤នាក់។ ចំពោះទិន្នន័យរួមនៃផលប៉ះពាល់ និងខូចខាត នឹងត្រូវធ្វើការប៉ាន់ប្រមាណបូកសរុប បន្ទាប់ពីជំនន់ទឹកភ្លៀងត្រូវបានបញ្ចប់៕

The post ផ្អើលខេត្តបន្ទាយមានជ័យ ឧកញ៉ាទាំង៨រូបនេះចុះចែកអំណោយជូនពលរដ្ឋព្រឹកមិញ appeared first on .

ឧកញ៉ាល្បីៗច្រើនរូប នាំអំណោយជូនដល់សាលាខេត្តកំពង់ស្ពឺ

កូនចៅឧកញ៉ា — Fri, 09 Oct 2020 01:04:34 +0000

T.O.I.C Group ដែលជាក្រុមហ៊ុនប្រជុំដោយឧកញ៉ាជាច្រើនរូបចូលហ៊ុនវិនិយោគជាមួយគ្នា កាលពីថ្ងៃ០៨ ខែ តុលា ឆ្នាំ ២០២០ បាននាំឲ្យអំណោយជាច្រើនទៅជូន ឯកឧត្ដម វ៉ី សំណាង អភិបាលនៃគណៈអភិបាល ខេត្ត កំពង់ស្ពឺ ទុកសម្រាប់ចែកជូនដល់ពលរដ្ឋដែលកំពុងខ្វះខាត។

អំណោយទាំងនោះ រួមមាន អង្ករ10តោន និង អំពូលសូឡាចំនួន50ដើម ។ ក្នុងពិធីនោះដែរ ឧកញ៉ា អ៊ឹង ឃាង ប្រធានក្រុមប្រឹក្សាភិបាលក្រុមហ៊ុន T.O.I.C Group តំណាងឲ្យលោកឧកញ៉ាទាំង៧រូបទៀត សូមថ្លែងអំណរគុណដល់ ឯកឧត្ដម វ៉ី សំណាង អភិបាលនៃគណៈអភិបាលខេត្តកំពង់ស្ពឺ ដែលបានទទួលស្វាគមន៍ក្រុមហ៊ុនយើងខ្ញុំយ៉ាងកក់ក្ដៅបំផុត ។ លោកឧកញ៉ា សង្ឃឹមថា អំណោយទាំងនោះ នឹងជួយសម្រួលបានខ្លះ ដល់ពលរដ្ឋដែលខ្វះខាតលើទឹកខេត្តកំពង់ស្ពឺនេះ។ ក្នុងនោះដែរលោក ឧកញ៉ាបណ្ឌិត អ៊ឹង ឃាង ក៏ជូនពរ ឯកឧត្ដមអភិបាលខេត្ត ឯកឧត្ដមអភិបាលខេត្តរង ប្រធានមន្ទីរ សហការីទាំងអស់ សូមមានសុខភាពល្អ សុភមង្គល ជោគជ័យគ្រប់ភារកិច្ចការងារទាំងអស់៕

នេះមិនមែនជាលើកទី១ឡើយ សម្រាប់ការចូលរួមកិច្ចការសង្គម T.O.I.C Group កន្លងមកក្រុមហ៊ុនដែលប្រជុំដោយឧកញ៉ាល្បីៗឈ្មោះបោះទុនរកស៊ីរួមគ្នានោះ បានធ្វើកិច្ចការសប្បុរសជាច្រើនមកហើយ ជាមួយរដ្ឋាភិបាល ។

T.O.I.C Group ជាក្រុមហ៊ុនថ្មីមួយ ត្រូវបានគេដឹងថា មានឧកញ៉ា៨រូបចូលហ៊ុនរកស៊ីជាមួយគ្នា ក្នុងមាន ឧកញ៉ា អ៊ឹង ឃាង ជាប្រធានក្រុមប្រឹក្សាភិបាលក្រុមហ៊ុន លោកឧកញ៉ា នួន អក លោកឧកញ៉ា ហ៊ួត ជា លោកឧកញ៉ា សុក រ៉ាដូ លោកឧកញ៉ា ឡាយ លន់ លោកឧកញ៉ា ម៉េន កានី នឹង លោកឧកញ៉ា ភិរម្យ វិចិត្រដារ៉ា។

The post ឧកញ៉ាល្បីៗច្រើនរូប នាំអំណោយជូនដល់សាលាខេត្តកំពង់ស្ពឺ appeared first on .

ចៅហ្វាយខេត្ត ព្រះវិហារ ចុះពិនិត្យទីតាំងសណ្ឋាគារ ដែលឧកញ៉ា អ៊ឹង ឃាង ប្រកាសផ្តល់សណ្ឋាគារមួយកន្លែងសម្រាប់ជាកន្លែងព្យាបាលអ្នកជំងឺកូវីដ១៩

កូនចៅឧកញ៉ា — Wed, 25 Mar 2020 01:57:09 +0000

ឯកឧត្តម ប្រាក់ សុវណ្ណ អភិបាលខេត្តព្រះវិហារ និងជាប្រធានគណៈកម្មការប្រយុទ្ធប្រឆាំង នឹង ជំងឺកូវីដ១៩ ខេត្តព្រះវិហារ កាលពីរសៀលថ្ងៃទី២៤ ខែមីនានេះ បានបន្ដដឹកនាំក្រុមការងារថ្នាក់ខេត្ត ចុះពិនិត្យទីតាំងអគារស្នាក់នៅ២កន្លែងបន្ថែមទៀត ដើម្បីត្រៀមទុកជាមុន សម្រាប់ព្យាបាល និងដាក់ដាច់ដោយឡែក ចំពោះអ្នកដែលសង្ស័យ ឬមានផ្ទុកជំងឺកូវីដ១៩ ក្នុងនោះ មាន សណ្ឋាគារព្រះវិហារជ័យ ដែលជារបស់
លោកឧកញ៉ាបណ្ឌិត អ៉ឹង ឃាង នឹង ផ្ទះសំណាក់មួយកន្លែង។

មានការអញ្ជើញចូលរួមអមដំណើរនាឱកាសនោះ រួមមាន ឯកឧត្តម ឡុង សុវណ្ណ ប្រធានក្រុមប្រឹក្សាខេត្ត ឯកឧត្តម លោកជំទាវ លោក លោកស្រី ជាអនុប្រធាន និងជាសមាជិកគណៈកម្មការប្រយុទ្ធប្រឆាំងជាច្រើនរូបផងដែរ ។ ការចុះពិនិត្យទីតាំងនេះ បានធ្វើឡើងដោយមានការណែនាំរបស់សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ឲ្យខេត្តនីមួយៗ ត្រៀមលក្ខណៈសម្បតិ្តក្នុងការរៀបចំ និងរកទីកន្លែងដើម្បីត្រៀមបង្ការ ក្នុងករណីដែល COVID-19 ផ្ទុះឡើង។

សូមបញ្ជាក់ថា ការចុះពិនិត្យទីតាំងស្នាក់នៅទាំង២កន្លែងនាពេលនេះ រួមមានទី១ៈ សណ្ឋាគារ ព្រះវិហារជ័យ ស្ថិតក្នុងភូមិសាស្ដ្រឃុំស្រអែម ស្រុកជាំក្សាន្ដ មានចំនួន ៤២បន្ទប់ និងទីតាំងទី២ៈ ស្ថិតនៅផ្ទះសំណាក់គ្រូបង្រៀន ស្ថិតក្នុងក្រុងព្រះវិហារ ខេត្តព្រះវិហារ មានចំនួន ២២បន្ទប់៕

ប្រភព៖https://www.information.gov.kh/

The post ចៅហ្វាយខេត្ត ព្រះវិហារ ចុះពិនិត្យទីតាំងសណ្ឋាគារ ដែលឧកញ៉ា អ៊ឹង ឃាង ប្រកាសផ្តល់សណ្ឋាគារមួយកន្លែងសម្រាប់ជាកន្លែងព្យាបាលអ្នកជំងឺកូវីដ១៩ appeared first on .

ឧកញ៉ាម្នាក់ ប្រកាសផ្តល់សណ្ឋាគារមួយកន្លែងសម្រាប់ជាកន្លែងព្យាបាលអ្នកជំងឺកូវីដ១៩នៅខេត្តព្រះវិហារ

កូនចៅឧកញ៉ា — Mon, 23 Mar 2020 13:14:23 +0000

លោកឧកញ៉ា អ៉ឹង ឃាង ម្ចាស់សណ្ឋាគារព្រះវិហារជ័យ នៅថ្ងៃទី២៣ ខែមីនា ឆ្នាំ២០២០នេះ បានប្រកាសផ្តល់ទីតាំងសណ្ឋាគាររបស់ខ្លួន ដែលមានចំនួន៤២បន្ទប់ ក្នុងខេត្តព្រះវិហារ ដើម្បីឲ្យមន្ទីរសុខាភិបាលខេត្ត ប្រើប្រាស់សម្រាប់ជាកន្លែង ត្រៀមទទួលព្យាបាលអ្នកជំងឺកូវីដ១៩។

ក្រៅតែពីការផ្តល់សណ្ឋាគាររបស់ខ្លួន សម្រាប់ជាកន្លែងទទួលព្យាបាលជំងឺហើយនោះ លោកក៏បានធានាចេញប្រាក់ថ្លៃទឹកភ្លើង ដែលប្រើប្រាស់ក្នុងប្រតិបត្តិការ ព្យាបាលជំងឺជូនពលរដ្ឋផងដែរ។

ឧកញ៉ា អ៉ឹង ឃាង បានបញ្ជាក់ប្រាប់បណ្តាញព័ត៌មាន Fresh News ថា ការសម្រេចផ្តល់ទីតាំងសណ្ឋាគារនេះ ធ្វើឡើងតបតាមការអំពាវនាវរបស់សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា និងជាប្រធានគណៈកម្មការជាតិ ប្រយុទ្ធប្រឆាំងនឹងជំងឺកូវីដ១៩ ដែលបានប្រកាសនៅថ្ងៃនេះ ឲ្យតាមបណ្តាខេត្តស្វែងរកសណ្ឋាគារ សម្រាប់តៀមជាកន្លែងព្យាបាលអ្នកជំងឺកូវីដ១៩។ ដូច្នេះសម្រាប់ខេត្តព្រះវិហារ អាចទាក់ទងប្រើប្រាស់សណ្ឋាគារព្រះវិហារជ័យ នៅឃុំស្រអែម តំបន់ប្រាសាទព្រះវិហារ ដើម្បីទទួលឲ្យអ្នកជំងឺស្នាក់នៅដោយឥតគិតថ្លៃ។

លោកឧកញ៉ា អ៉ឹង ឃាង បានបញ្ជាក់យ៉ាងដូច្នេះថា «ខ្ញុំបាទ អ៉ឹង ឃាង ម្ចាស់សណ្ឋាគារព្រះវិហារជ័យ នៅឃុំស្រអែម តំបន់ប្រាសាទព្រះវិហារ ខេត្តព្រះវិហារ សូមចូលរួមជាមួយមន្ទីរសុខាភិបាលខេត្តព្រះវិហារ បើមានប្រជាពលរដ្ឋកម្ពុជាណា មានរោគសញ្ញានៃជំងឺ Covid-19 សណ្ឋាគារខ្ញុំបាទទទួលឲ្យអ្នកជំងឺស្នាក់នៅដោយមិនមានគិតតម្លៃឡើយ ហើយថ្លៃអគ្គិសនី និងថ្លៃទឹក ក៏ខ្ញុំជាអ្នកចំណាយផងដែរ»។

សូមជម្រាបថា សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃទី២៣ ខែមីនា ឆ្នាំ២០២០នេះ បានចេញបទបញ្ជាថ្មី និងបន្ទាន់មួយទៅកាន់អភិបាខេត្តទាំង២៤ ឱ្យរៀបចំសណ្ឋាគារ ផ្ទះសំណាក់ សាលារៀន និងមជ្ឈមណ្ឌលបណ្តុះបណ្តាលមួយចំនួន ទុកសម្រាប់ព្យាបាលអ្នកកើតជំងឺកូវីដ១៩ (COVID-19)។

បទបញ្ជារបស់សម្តេចតេជោនាយករដ្ឋមន្ត្រី បានធ្វើឡើងបន្ទាប់ពីអ្នកកើតជំងឺកូវីដ១៩ នៅក្នុងប្រទេសកម្ពុជា បានកើតឡើងជាបន្តបន្ទាប់រហូតដល់៨៦ករណី និងរីកសាយភាយរហូតដល់១៣រាជធានី-ខេត្ត។

ក្នុងសារសំឡេងបញ្ជាទៅកាន់អភិបាលខេត្ត ដែលលោក លឹម ជាវុត្ថា នាយកប្រតិបត្តិអង្គភាពព័ត៌មាន Fresh News ទទួលបានពីសម្តេចតេជោ ហ៊ុន សែន នៅថ្ងៃទី២៣ ខែមីនា ឆ្នាំ២០២០នេះ សម្តេចតេជោ ហ៊ុន សែន បានណែនាំយ៉ាងដូច្នេះ «ដោយឥឡូវឃើញថាសណ្ឋាគារជាច្រើននៅតាមខេត្តពុំសូវមានភ្ញៀវស្នាក់នៅ ហើយក៏មានអគារមជ្ឈមណ្ឌលបណ្តុះបណ្តាលមួយចំនួន ក៏អាចមានអគារខ្លះដែរ។ អ៊ីចឹងបើមានសណ្ឋាគារ ឬក៏មជ្ឈមណ្ឌលណាដែលវាល្អយើងយកអាហ្នឹងដោយមិនបាច់យកសាលារៀនទេ។ ដូចជានៅខេត្តសៀមរាប ខេត្តព្រះសីហនុ ខេត្តកំពង់ចាម ឬខេត្តដទៃទៀត ដែលមានសណ្ឋាគារស្រាប់យើងជួលយកសណ្ឋាគារហ្នឹងតែម្តង ព្រោះវាមានប្រព័ន្ធទឹក ប្រព័ន្ធភ្លើង មានម៉ាស៊ីនត្រជាក់ មានកង្ហារអីគ្រប់គ្រាន់តែម្តង។ អ៊ីចឹងយើងជួលយក ហើយគ្រប់គ្រងមានគ្រែ មានអីហើយស្រេច អ៊ីចឹងវាជាការងាយស្រួល»។

តែទោះជាយ៉ាងសម្តេចតេជោនាយករដ្ឋមន្ត្រី ក៏បានណែនាំឱ្យយកសាលារៀនសម្រាប់ផ្តល់សេវាការព្យាបាលអ្នកជំងឺ១៩ ក្នុងករណីមិនមានសណ្ឋាគារ ឬអគារដទៃ។ សម្តេចតេជោប្រមុខរាជរដ្ឋាភិបាល បានសង្កត់ធ្ងន់ថា អភិបាលខេត្តទាំងអស់ត្រូវធ្វើការងារនេះជាបន្ទាន់។

សូមបញ្ជាក់ថា គិតត្រឹមម៉ោង១១ព្រឹកថ្ងៃទី២៣ ខែមីនា ឆ្នាំ២០២០ ករណីវិជ្ជមានកូវីដ១៩ នៅកម្ពុជា មានចំនួនសរុប៨៦នាក់ហើយ (ស្រី២១នាក់ ប្រុស៦៥នាក់ ដែលក្នុងនោះមានចិន១នាក់ (នៅខេត្តព្រះសីហនុ បានជាសះស្បើយ) អង់គ្លេស ៣នាក់ (ក្នុងនោះមាន១នាក់បានជាសះស្បើយហើយ) កាណាដា១នាក់ ប៊ែលហ្សិក១នាក់ បារាំង៣៣នាក់ (ក្នុងនោះមានកូនប្រុសបង្កើតអាយុ៤ខែ) ម៉ាឡេស៊ី១២នាក់ និងខ្មែរ៣៣នាក់។

ក្រសួងសុខាភិបាល បានបញ្ជាក់ថា ក្រុមការងាររបស់ខ្លួន កំពុងតែធ្វើកិច្ចការស្រាវជ្រាវករណីថ្មីបន្តទៀត ហើយនឹងបន្តជម្រាបជូនប្រជាពលរដ្ឋ ប្រសិនបើមានករណីវិជ្ជមានកូវីដ១៩ ថ្មីណាផ្សេងទៀត៕

ប្រភព៖ Fresh News

The post ឧកញ៉ាម្នាក់ ប្រកាសផ្តល់សណ្ឋាគារមួយកន្លែងសម្រាប់ជាកន្លែងព្យាបាលអ្នកជំងឺកូវីដ១៩នៅខេត្តព្រះវិហារ appeared first on .

ខ្មែរជួយខ្មែរ!ឧកញ៉ាអ៊ឹង ឃាង ទិញត្រសក់ផ្អែម១៥០០Kgចែក freeជូនពលរដ្ឋ

កូនចៅឧកញ៉ា — Tue, 18 Feb 2020 01:45:58 +0000

បន្ទាប់ពីមានការត្អូញត្អែរលើបណ្ដាញសង្គម របស់ប្រជាកសិករខ្មែរស្ដីពីផលកសិកម្មខ្លួនមិនមានទីផ្សារ ដូចជាបន្លែ ផ្លែឈើជាដើម ធ្វើឲ្យមហាជនអាណិតជាខ្លាំង ។ ទទឹមគ្នានោះដែរ មានអ្នកខ្លះបានជួយទិញ ដើម្បីយកទៅលក់បន្ត ហើយអ្នកខ្លះបានទិញចែកបងប្អូនមិត្តភ័ក្ដិ ដើម្បីជាការរួមចំណែកលើកទឹកចិត្តដល់ ពួកគាត់។ ថ្មីៗនេះលោកឧកញ៉ាបណ្ឌិត អ៊ឹង ឃាង ដែលត្រូវបានគេស្គាល់ថា ជាឧកញ៉ាវ័យក្មេង មានចិត្តសប្បុរសធម៌ម្នាក់ បានជួយទិញត្រសក់ផ្អែម ចំនួន១៥០០គីឡូក្រាម ពីបងប្អូនកសិករខ្មែរ ក្នុងស្រុកបន្ទាយស្រី យកមកចែកជូនបងប្អូនប្រជាពលរដ្ឋ free នៅខេត្តសៀមរាប។

ផ្អែកតាមលោកឧកញ៉ាបណ្ឌិត ”Ung Kheang អ៊ឹង ឃាង” បានសរសេរអមវីដេអូឡាយបែបនេះថា”
(យើងខ្មែរតែមួយ ត្រូវចេះជួយគ្នាក្នុងគ្រាលំបាកថ្ងៃនេះខ្ញុំបាទបានធ្វើការចែកត្រសក់ផ្អែម ចំនួន១៥០០គីឡូក្រាម ដែលបានជួយទិញបងប្អូនកសិករក្នុងស្រុកបន្ទាយស្រី យកមកចែកជូនបងប្អូនប្រជាពលរដ្ឋ free នៅខេត្តសៀមរាប)

https://www.facebook.com/oknha.news/videos/558212868238380/

The post ខ្មែរជួយខ្មែរ!ឧកញ៉ាអ៊ឹង ឃាង ទិញត្រសក់ផ្អែម១៥០០Kgចែក freeជូនពលរដ្ឋ appeared first on .

ខ្មែរជួយខ្មែរ! ករណីវីរុសកូរ៉ាណា អ្នកជំនួញទាំង៥ រូបនេះ ចែកអស់១០ម៉ឺនម៉ាស ដល់ពលរដ្ឋ

កូនចៅឧកញ៉ា — Wed, 29 Jan 2020 01:51:13 +0000

បន្ទាប់ពី វីរុសកូរ៉ាណា ដ៍កាចសាហាវ កំពុងតែធ្វើឲ្យពិភពលោកភ័យខ្លាច ហើយកម្ពុជារកឃើញអ្នកឆ្លងវីរុសនេះ មួយករណីហើយកើតឡើងលើ បុរសជនជាតិចិនម្នាក់មានវ័យ ៦០ឆ្នាំ នៅក្នុងខេត្តព្រះសីហនុ ធ្វើឲ្យប្រជាពលរដ្ឋមានការព្រួយបារម្ភជាខ្លាំង។ ក្រសួងសុខាភិបាល បានណែនាំ ពីវិធីបង្ការជាច្រើនរបៀនដើម្បីកុំឲ្យឆ្លងជំងឺនេះ។ ម៉ាស គឺជាប្រធានបទសំខាន់មួយដែល មនុស្សភាគច្រើនកំពុងតែសម្រុកទិញ ដោយអ្នកខ្លះបានទិញទុកប្រើប្រាស់ក្នុងគ្រួសារ អ្នកខ្លះទិញ ស្ដុកទុក ដើម្បីលក់យកចំណេញ ហើយអ្នកខ្លះទិញដើម្បីចែកជូនដោយឥតគិតថ្លៃថ្លៃ។ លើបណ្ដាញសង្គមគេឃើញមានអ្នកជំនួញល្បីឈ្មោះចំនួន៥រូប បានទិញម៉ាសរាប់ម៉ឺន ដើម្បីចែកជូនដល់ពលរដ្ឋ ពួកគាត់ទាំង៥រូបនោះមានដូចខាងក្រោម៖

១/ លោក ឧកញ៉ា ឡេង ណាវ៉ាត្រា (១ម៉ឺនម៉ាស់)

ផ្អែកតាមផេក លោក ឧកញ៉ា បានសរសេរបង្ហោះឲ្យមានមហាជនដឹងបែបនេះថា “ថ្ងៃនេះខ្ញុំចេញពីពេទ្យហើយ បុរីឡេង ណាវ៉ាត្រា សូមចូលរួម ទិញម៉ាស់ចំនួន 10.000 មួយមុឺនម៉ាស់ សូមបងប្អូនអាជីវករ កុំឡើងថ្លៃខ្លាំងពេកអី ដើម្បីចូលរួមចែករំលែកនិង ទប់ស្កាត់ជំងឺឆ្លង ហើយសូមអគុណបងប្អូនដែលបារម្មណ៍ និងជូនពរខ្ញុំ”៕

២/ លោក ឧកញ៉ា បណ្ឌិត ឧកញ៉ា អ៊ឹង ឃាង(៤ម៉ឺនម៉ាស)

ផ្អែកតាមផេក លោក ឧកញ៉ា បានសរសេរបង្ហោះឲ្យមានមហាជនដឹងបែបនេះថា( ពេលនេះដោយមើលឃើញខេត្តសៀមរាបជាខេត្តទេសចរណ៍ដែលមានអ្នកទេសចរណ៍ចេញចូលច្រើននិងជួយសំរួលដល់រាជរដ្ឋាភិបាលក្នុងការ បង្ការ ការពារទប់ស្កាត់វីរុសឆ្លងដ៏កាចសាហាវ(កូរ៉ូណា)ខ្ញុំបាទបានបន្ថែមម៉ាស់ការពារវីរុសដល់ចំនួន40000ម៉ាស់(4ម៉ឺនម៉ាស់)ដែលបែកចែកដូចខាងក្រោម:
-មន្ទីរពេទ្យគន្ធបុប្ផាខេត្តសៀមរាបចំនួន20000ម៉ាស់
-មន្ទីរពេទ្យកុមារអង្គរខេត្តសៀមរាបចំនួន10000ម៉ាស់
-មន្ទីរពេទ្យបង្អែកខេត្តសៀមរាបចំនួន10000ម៉ាស់
ខ្ញុំបាទនិងធ្វើការចែកជូននៅវេលាម៉ោង3រសៀលនៅថ្ងៃទី28,01,2020)

៣/ ឧកញ៉ា ស្រី ចាន់ថន (៣ម៉ឺនម៉ាស់)

ផ្អែកតាមផេក លោក ឧកញ៉ា បានសរសេរបង្ហោះឲ្យមានមហាជនដឹងបែបនេះថា( ដោយមើលឃើញថាជំងឺឆ្លង ដ៏កាចសាហាវ នឹងសំលាប់ជីវិតមនុស្សលឿនបំផុត វីរុស Corona នឹងដោយក្ដីអាណិតអាសូរ ស្រលាញ់ខ្មែរ ខ្ញុំបាទ ថ្ងៃស្អែកខ្ញុំនឹងចែក ម៉ាស free ដល់កម្មករ កម្មការនី ចំនួន ៣ម៉ឺនម៉ាស នៅក្នុងតំបន់អភិវឌ្ឍ ក្រុមហ៊ុន 7NG វិហ៊ារសួគ៌ ដើម្បីការពារការចម្លងវីរុសCorona នឹងសូមដល់បងប្អូនអាជីវករ រឺអ្នកមានម៉ាសលក់ សូមកុំតំឡើងថ្លៃខ្លាំងពេក អាណិតគ្នាអ្នកខ្វះខាត ខ្មែរ ស្រលាញ់ខ្មែរ )

៤/ ឧកញ៉ា ហ៊ួត ជា (១ម៉ឺនម៉ាស់)

ផ្អែកតាមផេក លោក ឧកញ៉ា បានសរសេរបង្ហោះឲ្យមានមហាជនដឹងបែបនេះថា(ក្រុមហ៊ុន ហ៊ួត ជា យេីងខ្ញុំបានត្រៀមម៉ាស់ចំនួន ១០០០០ម៉ាស់សម្រាប់ចែកជូនបងប្អូនដែលមិនទាន់មានម៉ាស់ដូចរូបខាងក្រោម អាចcall 087806010 រឺឆាតមកខ្ញុំ រឺ ខំមិនខាងក្រោមនេះដម្បីក្រុមការងារប្រាប់ទីតាំងខ្ញុំចែកជូនដោយឥឥគិតថ្លៃ Free Free Free
បញ្ជាក់ ៖ ក្នុងម្នាក់ចែកបានតែ5ម៉ាស់ទេ យើងចែកគ្នាប្រើសិនទៅណា ព្រោះក៏ពិបាករកទិញដែរ
ម៉ាស់ប្រភេទណាក៏អាចពាក់បានដែរ មិនថាម៉ាស់3M រឺ ម៉ាស់ពេទ្យទេ បើម៉ាស់3Mថ្លៃយើងពាក់ម៉ាស់ពេទ្យទៅ ចាំបាច់អីត្រូវចំណាយថវិកាលើសពីសមត្ថភាពខ្លួនធ្វើអី ? ពេលនេះគេបានផ្សាយហើយថាជំងឺកូរូណា មិនមែនឆ្លងតាមខ្យល់បរិយាកាសទេ គឺឆ្លងតាមទឹកមាត់ ចឹងហើយយើងពាក់ម៉ាស់ពេទ្យក៏អាចការពារបានដែរ សំខាន់អោយតែខ្លួនយើងប្រកាន់ភ្ជាប់នូវ3ចំនុច គឺ៖ បរិភោគស្អាត គេងស្អាត រស់នៅស្អាត គឺគ្រប់គ្រាន់)

៥/ លោក គល់ តុលា ប្រធានក្រុមហ៊ុន ដង្ខៅ អចលនទ្រព្យ (១ម៉ឺនម៉ាស់)

ផ្អែកតាមផេក គល់ តុលា ដែលជា ថៅកែក្រុមហ៊ុន “ដង្ខៅ អចលនទ្រព្យ” បានសរសេរបង្ហោះឲ្យមានមហាជនដឹងបែបនេះថា(ដីឡូតិ៍ដង្ខៅប្រកាសចែកម៉ាស់ជាង១ម៉ឺនដល់ប្រជាពលរដ្ឋនៅកំពង់ស្ពឺ)៕

The post ខ្មែរជួយខ្មែរ! ករណីវីរុសកូរ៉ាណា អ្នកជំនួញទាំង៥ រូបនេះ ចែកអស់១០ម៉ឺនម៉ាស ដល់ពលរដ្ឋ appeared first on .

ឧកញ៉ា អ៊ឹង ឃាង ប្រកាសចែកម៉ាស៤ម៉ឺនម៉ាស ដល់មន្ទីរពេទ្យ៣ក្នុងខេត្ត សៀមរាប

កូនចៅឧកញ៉ា — Tue, 28 Jan 2020 00:59:24 +0000

វីរុសកូរ៉ាណា ដ៍កាចសាហាវ កំពុងតែធ្វើឲ្យពិភពលោកភ័យខ្លាច ម្សិលមិញ ព្រះរាជាណាចក្រកម្ពុជា រកឃើញអ្នកឆ្លងវីរុសនេះ មួយករណីហើយ នេះបើយោងតាមការប្រកាសរបស់ឯកឧត្ដមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលនៅក្នុងល្ងាចថ្ងៃច័ន្ទ។ ទទឹមគ្នានោះដែរ មានសប្បុរសជនជាច្រើនបាននាំគ្នាបរិច្ចាគនៅម៉ាសដោយឥតគិតថ្លៃថ្លៃជូនដល់ពលរដ្ឋ ដើម្បីពាក់ការងារជំងឺមួយនេះ។ ឧកញ៉ា បណ្ឌិត អ៊ឹង ឃាង ដែលជាឧកញ៉ាវ័យក្មេងមានចិត្តសប្បុរសធម៌ម្នាក់បានប្រកាសថា លោកឧកញ៉ា នឹងធ្វើការចែកម៉ាសរហូតដល់ទៅ ៤ម៉ឺនម៉ាស ដល់មន្ទីរពេទ្យចំនួន៣នៅដឹកដី ខេត្ត សៀមរាប ហើយការចែកជូននឹងធ្វើនៅថ្ងៃនេះវេលាម៉ោង៣រសៀល។

តាមការបង្ហោះលោកគណនីយFacebook លោកឧកញ៉ាបណ្ឌិត បានសរសេរបែបនេះថា( ពេលនេះដោយមើលឃើញខេត្តសៀមរាប ជាខេត្តទេសចរណ៍ដែលមានអ្នកទេសចរណ៍ចេញចូលច្រើននិងជួយសំរួលដល់រាជរដ្ឋាភិបាល ក្នុងការ បង្ការ ការពារ ទប់ស្កាត់ វីរុសឆ្លងដ៏កាចសាហាវ(កូរ៉ូណា)ខ្ញុំបាទបានបន្ថែមម៉ាស់ការពារវីរុសដល់ចំនួន40000ម៉ាស់(4ម៉ឺនម៉ាស់) ដែលបែកចែកដូចខាងក្រោម:

-មន្ទីរពេទ្យគន្ធបុប្ផាខេត្តសៀមរាបចំនួន 20000ម៉ាស់

-មន្ទីរពេទ្យកុមារអង្គរខេត្តសៀមរាបចំនួន 10000ម៉ាស់

-មន្ទីរពេទ្យបង្អែកខេត្តសៀមរាបចំនួន 10000ម៉ាស់

ខ្ញុំបាទនិងធ្វើការចែកជូននៅវេលាម៉ោង3រសៀល នៅថ្ងៃទី28,01,2020)

សូមបញ្ជាក់ផងដែរថា បើយោងការថ្លែងរបស់ ឯកឧត្ដមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានឲ្យដឹងថា អ្នកដែលឆ្លងវីរុសផ្លូវដង្ហើមដែលកម្ពុជារកឃើញនេះ ជាបុរសជនជាតិចិនអាយុ ៦០ឆ្នាំ នៅក្នុងខេត្តព្រះសីហនុ។ បុរសនោះដែរ បានធ្វើដំណើរមកពីទីក្រុងអ៊ូហាន មកកាន់ប្រទេសកម្ពុជា ជាមួយនឹងគ្រួសាររបស់លោកចំនួន ៣នាក់ទៀត។ យ៉ាងណាមិញ មកទល់ពេលនេះ បុរសនោះមានសុខភាពនឹងននៅឡើយ ដោយមានរោគសញ្ញាវីរុសនេះ។ ចំណែកឯក្រុមគ្រួសាររបស់លោកទាំង ៣នាក់នោះ នៅមិនទាន់ឆ្លងនូវវីរុសនោះនៅឡើយទេ។

ទាក់ទិននឹងករណីនេះដែរ វិធានការសំខាន់ៗរបស់ក្រសួងសុខាភិបាលនោះគឺ ដាក់អ្នកឆ្លងវីរុសនេះ និងក្រុមគ្រួសារឲ្យនៅដោយឡែក ដោយដាក់នៅមន្ទីរពេទ្យបង្អែកខេត្តព្រះសីហនុ ដែលខាងក្រសួងបានរៀបចំតាំងពីមុនពេលកើតហេតុ។ ជាមួយគ្នានេះដែរ ខាងក្រសួងបានប្រកាសថា ក្រុមគ្រូពេទ្យនៅខេត្តព្រះសីហនុនឹងតាមដានឲ្យបានម៉ត់ចត់៕

ប្រភពរូបថត៖ Sabay

The post ឧកញ៉ា អ៊ឹង ឃាង ប្រកាសចែកម៉ាស៤ម៉ឺនម៉ាស ដល់មន្ទីរពេទ្យ៣ក្នុងខេត្ត សៀមរាប appeared first on .

ឧកញ៉ា បណ្ឌិត អ៊ឹង ឃាង

ឧកញ៉ា អ៊ឹង ឃាង ប្រកាសលក់ដីនៅស្រុកស្រែអំបិល តម្លៃពិសេស ៩ដុល្លារក្នុងមួយម៉ែត្រការ៉េ

ក្រោយភ្ជាប់ពាក្យរួចគូដណ្តឹងមួយគូដែលកាន់ងារជាឧកញ៉ា រឹតតែបង្ហាញភាពផ្អែមល្ហែម

ផ្អើល​ខេត្ត​បន្ទាយមានជ័យ ឧកញ៉ា​ទាំង​៨រូប​នេះ​​ចុះ​​ចែក​អំណោយ​ជូន​ពលរដ្ឋ​ព្រឹក​មិញ

ឧកញ៉ា​ល្បីៗ​ច្រើន​រូប នាំ​អំណោយ​ជូន​​ដល់​សាលា​ខេត្ត​កំពង់ស្ពឺ

ឧកញ៉ា​ម្នាក់ ប្រកាសផ្តល់សណ្ឋាគារមួយ​កន្លែងសម្រាប់​ជា​កន្លែង​ព្យាបាលអ្នកជំងឺកូវីដ១៩នៅ​ខេត្តព្រះវិហារ

ខ្មែរជួយខ្មែរ!​ឧកញ៉ាអ៊ឹង ឃាង ទិញត្រសក់ផ្អែម១៥០០Kgចែក​ freeជូន​ពលរដ្ឋ