លោកជំទាវបណ្ឌិត បានមានប្រសាសន៍កោតសរសើរចំពោះកិច្ចខិតខំប្រឹងប្រែងរបស់សមាគម ក្នុងការរៀបចំកម្មវិធីប្រកបដោយសារៈសំខាន់នេះ ដើម្បីគាំទ្រដល់សហគ្រិន និងម្ចាស់អាជីវកម្ម តាមរយៈការកសាងសមត្ថភាព និងការចែករំលែកចំណេះដឹងផ្នែកហិរញ្ញវត្ថុពីអ្នកជំនាញដោយផ្ទាល់។

ក្នុងឱកាសនេះ ឧកញ៉ា ប៉ិច បូឡែន ប្រធានសមាគម បានគូសបញ្ជាក់ពីសមិទ្ធផលដ៏ត្រចះត្រចង់ក្នុងរយៈពេលកន្លងមក និងការប្តេជ្ញាចិត្តក្នុងការបន្តពង្រឹងសមត្ថភាពសហគ្រិនកម្ពុជា ព្រោះកម្មវិធីនេះនឹងបន្តដើរតួនាទីយ៉ាងសំខាន់ក្នុងការផ្តល់ចំណេះដឹង បង្កើតកាលានុវត្តភាព និងជំរុញការតភ្ជាប់។

គួរបញ្ជាក់ដែរថា កម្មវិធីលទ្ធភាពទទួលបានហិរញ្ញប្បទាន បានដាក់ដំណើរការតាំងពីឆ្នាំ២០២១ មកម្ល៉េះ ក្រោមកិច្ចសហប្រតិបត្តិការរវាងសមាគមសហគ្រិនវ័យក្មេងកម្ពុជា  សមាគមមីក្រូហិរញ្ញវត្ថុកម្ពុជា និងសមាគមធនាគារនៅកម្ពុជា៕

The post ឧកញ៉ា ប៉ិច បូឡែន អញ្ជើញអមដំណើរលោកជំទាវបណ្ឌិត ជា សិរី បើកសម្ពោធជាផ្លូវការ «កម្មវិធីលទ្ធភាពទទួលបានហិរញ្ញប្បទាន ២០២៦» appeared first on .

នៅព្រឹកថ្ងៃទី៣០ ខែមករា ឆ្នាំ២០២៦នេះ ឧកញ៉ា ប៉ិច បូឡែន បានលើកឡើងលើបណ្តាញសង្គមហ្វេសប៊ុកថា លោកកំពុងជជែកវែកញែកជាមួយ CEO Canadia Securities ថាកាលមុនមានលុយនាំគ្នាទិញដីទុក ដល់ពេល​គាំងដី មិនដឹងរកស៊ីអី សម្រុកយកលុយផ្ញើធនាគារយកការប្រាក់បញ្ញើ ហើយដល់ពេលធនាគារបញ្ចុះការប្រាក់បញ្ញើ នាំគ្នាសម្រុកទិញមាស ព្រោះមិនទាន់ដឹងរកស៊ីអី ហើយមិនទុកចិត្តសេដ្ឋកិច្ច ចុងបញ្ចប់ចរន្តសាច់ប្រាក់ប្រតិបត្តិការ​បង្វិលសម្រាប់ប្រតិបត្តិករសេដ្ឋកិច្ចនៅតែតឹង។

លោកឧកញ៉ា បានលើកជាសំណូមពរថា ជាការប្រសើរបើបងប្អូនទាំងអស់គ្នារំលែកលុយខ្លះចេញរកស៊ី បណ្តាក់ទុន​ក្នុងក្រុមហ៊ុនណាមួយ ឬវិនិយោគក្នុងទីផ្សាហ៊ុនខ្មែរយើង ដើម្បីក្រុមហ៊ុនខ្មែរយើងមានសាច់ប្រាក់ពង្រឹង និងពង្រីក​អាជីវកម្ម។ ការសំខាន់មួយទៀត សូមស្នើរាជរដ្ឋាភិបាលកែសម្រួល កុំអាលយកពន្ធលើចំណេញ​មូលធនសម្រាប់​ក្រុមហ៊ុនខ្មែរ។ សូមផ្តល់ឱកាសឱ្យក្រុមហ៊ុនខ្មែរជាពិសេសអាជីវកម្មខ្នាតតូច-មធ្យម ធ្វើការទិញ-លក់ហ៊ុន និងប្រមូល​ទុនវិនិយោគពង្រឹង-ពង្រីកអាជីវកម្មមួយរយៈពេលទៀតសិន៕

The post ឧកញ៉ា ប៉ិច បូឡែន ណែនាំកុំនាំគ្នាទិញដីទុក ផ្ញើលុយនៅធនាគារ ឬសម្រុក​ទិញមាសទុក គួររំលែកលុយរកស៊ី​ជាមួយក្រុមហ៊ុនខ្មែរ appeared first on .

សកម្មភាពមនុស្សធម៌ដ៏ថ្លៃថ្លានេះ ធ្វើឡើងក្រោមកិច្ចផ្តួចផ្តើមផ្ទាល់ពី ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ។ កម្មវិធីនេះប្រារព្ធឡើងនៅភូមិបាតថ្កៅ ឃុំចុងកាល ស្រុកចុងកាល ខេត្តឧត្តរមានជ័យ ដែលជាការចូលរួមចំណែក​ក្នុងស្មារតី​សាមគ្គីភាព ការយកចិត្តទុកដាក់ និងការគាំទ្រដល់បងប្អូនប្រជាពលរដ្ឋ និងប្រជាពលរដ្ឋភៀសសឹក​នៅ​តាមតំបន់ព្រំដែនកម្ពុជា-ថៃ។

សូមជម្រាបថា គិតត្រឹមថ្ងៃទី២៩ ខែធ្នូ ឆ្នាំ២០២៥ ជនភៀសសឹករបស់កម្ពុជា បានកើនឡើងដល់ជាង​កន្លះលាន​នាក់​ (៥៩៦,៩២៦នាក់)។ នេះបើតាមរបាយការណ៍របស់ក្រសួងមហាផ្ទៃ។ គួររំឭកថា ចាប់តាំងពីថ្ងៃទី៧ ខែធ្នូ នៃការផ្ទុះអាវុធជាថ្មីរវាងកម្ពុជា​-ថៃ រហូតដល់ថ្ងៃទី២៦ ខែធ្នូ ឆ្នាំ២០២៥ តុល្យការចុងក្រោយគឺមានប្រជាពលរដ្ឋ​ស្លូតត្រង់​កម្ពុជា បាត់បង់ជីវិតចំនួន ៣២នាក់ និងរបួស ៩៥នាក់ ដោយសារការប្លោងទម្លាក់គ្រាប់​គ្រប់ប្រភេទចូល​តំបន់ស៊ីវិល​ជាច្រើនកន្លែង ក្នុងទឹកដីកម្ពុជា ព្រមទាំងមានប្រជាពលរដ្ឋភៀសសឹករាប់សិបម៉ឺននាក់ កំពុងរងការ​លំបាក ឃ្លាតឆ្ងាយពីផ្ទះសម្បែង៕

The post ឧកញ៉ា ប៉ិច បូឡែន ចូលរួមអមដំណើរឯកឧត្តម ហេង សួរ ចុះសួរសុខទុក្ខ និងចែកអំណោយដល់វីរៈកងទ័ព និងជនភៀសសឹក ចំនួន ២,០០០ គ្រួសារ នៅខេត្តឧត្តរមានជ័យ appeared first on .

តាមរយៈបណ្តាញសង្គម លោកឧកញ៉ា បានលើកឡើងបែបនេះថា៖ “បើយើងអាណិត ស្រលាញ់ប្រទេសជាតិយើង ចង់ឱ្យប្រទេសជាតិយើងខ្ពង់ខ្ពស់ មានកិត្តិយសឧត្តុង្គឧត្តម សូមវិនិយោគលើការអប់រំខ្លួនឯង និងកូនចៅជំនាន់​ក្រោយរបស់កម្ពុជាយើង”។

លោកឧកញ៉ាអគ្គនាយក បានបន្ថែមថា វិស័យណាក៏ដោយអាចរីកចម្រើនទៅបាន លុះណាយើងមានចំណេះដឹង​ខ្ពស់ ជំនាញច្បាស់ ចរិតល្អមាំទាំសមស្រប សុខភាពល្អ និងឆន្ទៈ មនសិការស្រលាញ់សង្គមជាតិពិតប្រាកដ។

សូមជម្រាបថា កន្លងមក ឧកញ៉ា ប៉ិច បូឡែន ក៏ធ្លាប់បានលើកឡើងផងដែរថា ប្រទេសកម្ពុជាយើងពិតជាត្រូវការ​មូលធនមនុស្សល្អៗច្រើនទៀតណាស់ ដើម្បីអភិវឌ្ឍប្រទេសមួយនេះឱ្យរីកចម្រើន​ស្មើមុខស្មើមាត់នឹង​ប្រទេសជិត​ខាង កុំឱ្យគេនៅបន្តមើលងាយយើង។ លោកឧកញ៉ា ក៏បានអំពាវនាវដល់អ្នកមានលទ្ធភាព​ សូមជួយវិនិយោគ​បន្ថែម​លើវិស័យអប់រំផងដែរ៕

The post ឧកញ៉ា ប៉ិច បូឡែន អំពាវនាវឱ្យពលរដ្ឋខ្មែរធ្វើរឿងមួយ បើអាណិតស្រលាញ់ប្រទេសជាតិ appeared first on .

កម្មវិធី​ខាង​លើ​នេះ​ ក៏​មាន​ការ​អញ្ជើញ​ចូលរួម​ពី​​​ថ្នាក់ដឹកនាំ​ បុគ្គលិក សាស្ត្រាចារ្យ និង​ភ្ញៀវកិត្តិយស​​ជា​ច្រើន​នាក់ រួម​ទាំង​លោក​បណ្ឌិត តាន់ មុនីវណ្ណ អនុប្រធានសភាពាណិជ្ជកម្មកម្ពុជា និង​ជា​អគ្គនាយករង​ក្រុមហ៊ុន ម៉ុង ឬទ្ធី គ្រុប ផង​ដែរ។

លោក​ឧកញ៉ា ប៉ិច បូឡែន ស្ថាបនិក​វិទ្យាស្ថានអភិវឌ្ឍវិស័យអប់រំ (EDI) ​​បាន​លើក​ឡើង​លើ​ទំព័រហ្វេសប៊ុក នៅ​ព្រឹក​ថ្ងៃទី០១ ខែកុម្ភៈ​នេះ​ យ៉ាង​ដូច្នេះ​ថា៖ “​​បើកឆាកឆ្នាំថ្មីជាមួយនឹងការគាំទ្រសេវា ៤០វគ្គសិក្សា ក្នុងថ្ងៃថ្លែងអំណរគុណដៃគូ។ សូម​អរគុណក្រុមហ៊ុនឯកជន ស្ថាប័នរដ្ឋ និងអង្គការជាតិ-អន្តរជាតិនានាដែលបានគាំទ្រ វិទ្យាស្ថាន អភិវឌ្ឍវិស័យអប់រំ Educational Development Institute – EDI អស់រយៈពេល១៦ឆ្នាំមកនេះ”។

សូម​ជម្រាប​ថា ​​វិទ្យាស្ថានអភិវឌ្ឍវិស័យអប់រំ​ គឺ​ជាក្រុមហ៊ុនបុត្រសម្ព័ន្ធមួយរបស់​វេសឡាញ អេឌ្យូខេសិន គ្រុប ​(Westline Education Group) ដែល​បាន​បង្កើត​ឡើង​​នៅ​ឆ្នាំ២០០៧ និង​ផ្តោតលើសេវា​បណ្តុះបណ្តាលបុគ្គលិក សេវា​ប្រឹក្សាយោបល់និងស្រាវជ្រាវអាជីវកម្ម ប្រឹក្សាយោបល់ទៅសិក្សានិងរស់នៅក្រៅប្រទេស និងសេវាប្រលងតេស្ត​អន្តរជាតិ​ជាច្រើន ដូចជា​ប្រលងទៅធ្វើការនៅជប៉ុន, TOEFL, Pearson, CFA និង​ CPA ជាដើម៕

The post អ្នកឧកញ៉ា ឧកញ៉ា ៣រូប ចូលរួមវេទិកាចែករំលែកចំណេះដឹងអំពីសហគ្រិនភាព របស់វិទ្យាស្ថាន EDI appeared first on .

លោកឧកញ៉ា បានពន្យល់ថា កត្តាគោលដំបូងបំផុតដែលនាំឱ្យសិស្សានុសិស្សមានលទ្ធផលល្អក្នុងការសិក្សា គឺទី១កត្តាខ្លួនឯង ដោយចាំបាច់ត្រូវខិតខំប្រឹងប្រែងរៀនសូត្រ សេពគប់មិត្តដែលត្រឹមត្រូវ ព្រមជាមួយនឹងការមានគោលដៅ និងបុព្វហេតុសន្ទុះចិត្ត។ ទី២ សាលារៀន គឺជាកត្តារួមចំណែកបន្ទាប់ដើម្បីឱ្យសិស្សានុសិស្សទទួលបានជោគជ័យក្នុងការសិក្សា, ក្នុងនោះមានដូចជាការបង្កបរិយាកាសល្អសម្រាប់សិស្សក្នុងការសិក្សា រៀបចំឱ្យសិស្សបង្កើតក្លឹបសិក្សា បង្កើតក្លឹបសិក្សាមិត្តបង្រៀនមិត្ត ។ ការតាមដានសុខភាពផ្លូវចិត្ត និងផ្តល់ការប្រឹក្សាយោបល់ដល់សិស្ស ក៏ជារឿងសំខាន់ដែលសាលារៀនត្រូវធ្វើដើម្បីជួយទៅដល់សិស្សដូចគ្នា។ ទី៣ គ្រូបង្រៀន ក៏ជាកត្តាសំខាន់សំខាន់មួយដែរ ក្នុងនោះគ្រូបង្រៀនត្រូវតាមដានលទ្ធផលសិក្សារបស់សិស្ស ហើយជួយសិស្សប្រសិនបើពួកគេរៀនខ្សោយ ដោយផ្តល់នូវការរៀនបំប៉នបន្ថែម។

ចំណែក ទី៤ អាណាព្យាបាល កត្តានេះជាកត្តាសំខាន់បំផុតពីព្រោះមិនថាតែសាលារដ្ឋ សាលាឯកជននោះទេ ការចូលរួមជាវិជ្ជមានពីមាតាបិតាអ្នកអាណាព្យាបាលគឺសំខាន់ណាស់។ មាតាបិតា ឬអ្នកអាណាព្យាបាល គឺជាអ្នកលើកទឹកចិត្ត ជាអ្នកប្រឹក្សា និងផ្តល់បរិយាកាស និងទី៥ កត្តាទំនាក់ទំនងសង្គម រួមទាំងមិត្តភក្តិ កត្តានេះ សិស្សានុសិស្សគួរសេពគប់មិត្តភក្តិដែលល្អ, នៅពេលដែលមានមិត្តភក្តិល្អ បង្កើតជាក្លឹបសិក្សាល្អ នោះលទ្ធផលក៏ទំនងជាខ្ពស់ផងដែរ។

លោកឧកញ៉ាបញ្ជាក់ថា លោកគ្រូអ្នកគ្រូ មាតាបិតា អ្នកអាណាព្យាបាល ក៏ត្រូវជួយមើលសិក្សានុសិស្សក្នុងការរាប់អានមិត្តភក្តិផងដែរ ដើម្បីឱ្យប្រាកដថា កូនរបស់យើង សិស្សរបស់យើង មានមិត្តភក្តិត្រូវ មានសង្គមត្រូវ។ អត្ថបទ៖ សុកធា

The post ឧកញ៉ា ប៉ិច បូឡែន ៖ ដើម្បីទទួលបានជោគជ័យក្នុងការសិក្សាចាំបាច់ត្រូវមានកត្តាសំខាន់ៗចំនួន៥ appeared first on .

​​​​​ប្រធានសមាគមសហគ្រិនវ័យក្មេងកម្ពុជា បាន​បញ្ជាក់​​លើទំព័រហ្វេសប៊ុក ជាមួយ​នឹង​ការ​ថ្លែង​អំណរគុណ​ នា​ព្រឹក​ថ្ងៃ​អាទិត្យ​នេះ​ថា ​​សូម​អរគុណក្រុមហ៊ុន M’s Pig របស់ក្រុមហ៊ុនយក្ស ម៉ុង ឫទ្ធី គ្រុប​ ដែលបានផ្តល់ឱកាសដល់ វិទ្យាស្ថាន អភិវឌ្ឍវិស័យអប់រំ (Educational Development Institute – EDI) រៀបចំវគ្គបណ្តុះបណ្តាល​ស្តីពី “ទម្លាប់​៧​យ៉ាង​​ដ៏​មាន​ប្រសិទ្ធភាព​ខ្ពស់​របស់​បុគ្គល​ឆ្នើម” ជូនបុគ្គលិកប្រហែល ១០០នាក់។ ឧកញ៉ា ប៉ិច បូឡែន ​បាន​ឱ្យ​ដឹង​ផង​ដែរ​ថា វគ្គបណ្តុះបណ្តាល​នេះ​ក៏​មាន​ចូលរួម​សហការ​បណ្តុះបណ្តាល​ពី​​​អ្នកគ្រូ នុត ក្លារ៉ា (Clara Nouth) នាយក Apsara Media Service ​ផងដែរ។

ក្រុមហ៊ុន M’s PIG ACMC គឺ​ជា​ក្រុមហ៊ុន​ផ្គត់ផ្គង់​សាច់ជ្រូក​គុណភាព​ខ្ពស់​ដ៏​ធំ​មួយ​នៅ​កម្ពុជា​ បង្កើត​ឡើង​តាំងពីឆ្នាំ​២០០៨។ ក្រុមហ៊ុន​មួយ​នេះ​ ជា​បុត្រ​សម្ព័ន្ធ​របស់​ក្រុមហ៊ុន ម៉ុង ឫទ្ធី គ្រុប មាន​ទីតាំង​ស្ថិត​នៅ​តាម​បណ្តោយ​ផ្លូវ​ជាតិ​លេខ​៤ ស្ថិត​ក្នុង​ភូមិ​មនោរម្យ ឃុំ​ជើងគោ ស្រុក​ព្រៃនប់ ខេត្ត​ព្រះសីហនុ។

វិទ្យាស្ថាន អភិវឌ្ឍវិស័យអប់រំ (Educational Development Institute) ជាស្ថាប័ន​អប់រំ​មួយ​ ក្នុងការ​ផ្តល់​កម្មវិធី​បណ្តុះបណ្តាល​វិជ្ជាជីវៈ សេវាប្រឹក្សាយោបល់ និង​ការ​ស្រាវជ្រាវ​នៅ​កម្ពុជា។ វិទ្យាស្ថាន អភិវឌ្ឍវិស័យអប់រំ ជា​​បុត្រ​សម្ព័ន្ធ​មួយ​នៃ​ក្រុមហ៊ុន វេសឡាញ អេឌ្យូខេសិន គ្រុប ដែល​បាន​បង្កើត​ឡើង​ នៅ​ឆ្នាំ២០០៧៕

The post ឧកញ៉ា ប៉ិច បូឡែន ចូលបង្រៀនដោយផ្ទាល់ដល់បុគ្គលិក អ្នកឧកញ៉ា ម៉ុង ឫទ្ធី ចំនួន ១០០នាក់ appeared first on .

យោងតាមសេចក្ដីសម្រេចស្ដីពីការកែសម្រួលសមាសភាពគណៈកម្មាធិការជាតិផលិតភាពសេដ្ឋកិច្ចកម្ពុជា បានសម្រេចតែងតាំងសមាសភាពគណៈកម្មាធិការចំនួន២៧រូប ក្នុងនោះមានប្រធាន១រូប អនុប្រធានចំនួន៤រូប និងសមាជិកចំនួន២២រូប។

តាមសេចក្ដីតែងតាំងគណៈកម្មាធិការចំនួន២៧រូប ចុះថ្ងៃទី១ ខែវិច្ឆិកា ឆ្នាំ២០២៣ មានឧកញ៉ា ចំនួន២រូបដែលមានឈ្មោះជា «សមាជិក» ក្នុងបញ្ជីគណៈកម្មាធិការជាតិផលិតភាពសេដ្ឋកិច្ចកម្ពុជា ដូចជា ឧកញ៉ា ប៉ិច បូឡែន ប្រធានសមាគមសហគ្រិនវ័យក្មេងកម្ពុជា និង ឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជា។

សូមជម្រាបជូនថា គណៈកម្មាធិការជាតិផលិតភាពសេដ្ឋកិច្ចកម្ពុជា ត្រូវបានបង្កើតឡើងកាលពីថ្ងៃទី២៧ ខែសីហា ឆ្នាំ២០១៩ យោងតាមអនុក្រឹត្យលេខ ១២៣ អនក្រ.បក។ គ.ជ.ផ.ក. មានតួនាទី និងភារកិច្ច ដឹកនាំនិងរៀបចំគោលនយោបាយ សម្របម្រួល តាមដាន ត្រួតពិនិត្យ និងវាយតម្លៃលើការអនុវត្តគោលនយោបាយ ដើម្បីជំរុញផលិតភាពជាតិសរុប និងភាពប្រកួតប្រជែងនៃសេដ្ឋកិច្ចជាតិ, សហការជាមួយក្រសួងស្ថាប័ន និងដៃគូរពាក់ព័ន្ធ ក្នុងគោលដៅរៀបចំ សម្រិតសម្រាំង និងធានាប្រសិទ្ធភាពនៃការអនុវត្តគោលនយោបាយ សំដៅបង្កើនផលិតភាពជាតិសរុប និងភាពប្រកួតប្រជែងនៃសេដ្ឋកិច្ចជាតិ, បង្កើតនិងអនុវត្តកម្មវិធីវិទ្យាសាស្រ្តទិន្នន័យ ការសិក្សាស្រាវជ្រាវទីផ្សារ ការវិភាគទិន្នន័យ និងវិទ្យាសាស្រ្តគោលនយោបាយ ដើម្បីធានាបានភាពច្បាស់លាស់ ភាពប្រាកដនិយម ភាពឆ្លើយតប និងប្រសិទ្ធភាពនៃគោលនយោបាយពាក់ព័ន្ធផលិតភាពសេដ្ឋកិច្ច, និងបំពេញភារកិច្ចផ្សេងទៀតតាមការសម្រេចរបស់គណៈកម្មាធិការគោលនយោបាយសេដ្ឋកិច្ចនិង ហិរញ្ញវត្ថុ៕

អត្ថបទ៖ សុកធា

The post ឧកញ៉ាពីររូប មានឈ្មោះក្នុងបញ្ជីសមាសភាពគណៈកម្មាធិការជាតិផលិតភាពសេដ្ឋកិច្ចកម្ពុជា appeared first on .

ក្នុង​ជំនួប​កិច្ចប្រជុំ​ដែលធ្វើឡើងនៅសាលាខេត្តកំពតនេះ ឧកញ៉ា ​ប៉ិច បូឡែន បានមានប្រសាសន៍ថា សៀវភៅ​មគ្គុទេសក៍វិនិយោគនេះ គឺជាធនធានយ៉ាងសំខាន់ខ្លាំងណាស់ ​សម្រាប់ទាក់ទាញ និងជំរុញ​ឱ្យអ្នក​វិនិយោគ​ទាំង​ក្នុង និងក្រៅស្រុកមកធ្វើការវិនិយោគតាមខេត្តនានា​នៃព្រះរាជាណាចក្រកម្ពុជា។

ជាមួយគ្នានេះដែរ លោក​ ពេញ ធារម្យ អភិបាលរង​ខេត្ត​កំពត និងមន្ត្រីជំនាញពាក់ព័ន្ធ ក៏​បាន​​មាន​ប្រសាសន៍ចូលរួម និងណែនាំបន្ថែម ​ដែល​នឹង​ធ្វើឱ្យ​សៀវភៅមគ្គុទេសក៍វិនិយោគកាន់តែលម្អិត ច្បាស់លាស់ និងសម្រេចក្នុងពេល​ឆាប់ៗ។ លោក​ ពេញ ធារម្យ ក៏​បាន​សម្តែង​ការ​គាំទ្រសមាគមសហគ្រិនវ័យក្មេង​ពេញទំហឹង និងរីករាយស្វាគមន៍ជានិច្ចក្នុងការបើកសាខា​សមាគមសហគ្រិនវ័យក្មេង​ខេត្តកំពត ក្នុងពេលឆាប់ៗខាងមុខនេះ។​​

ខេត្តកំពត ​ជាខេត្តដែលមានសក្តានុពលមួយយ៉ាងខ្លាំងក្លា​ក្នុងចំណោមខេត្តជាប់តំបន់សមុទ្រទាំង៤ ដែល​ពោរ​ពេញទៅដោយធនធានធម្មជាតិយ៉ាងសម្បូរបែប ​រួមមាន​ទាំង​ភ្នំ សមុទ្រ ព្រែក ព្រមជាមួយនឹងអាកាសធាតុ ដែល​ជាកត្តាអំណោយផល​ដល់ការវិនិយោគលើវិស័យជាច្រើនដូចជា ទេសចរណ៍ ឧស្សាហកម្ម និងកសិកម្មជាដើម៕

The post ឧកញ៉ា ប៉ិច បូឡែន សុំការត្រួតពិនិត្យបន្ថែមទៅលើការរៀបចំសៀវភៅមគ្គុទេសក៍វិនិយោគ សម្រាប់ខេត្តកំពត appeared first on .

លើកឡើងលើបណ្ដាញសង្គមនាព្រឹកថ្ងៃទី១០ ខែធ្នូ ឆ្នាំ២០២៣ នេះ ឧកញ៉ា ប៉ិច បូឡែន បានលើកយកបណ្ដាំ របស់ឪពុកម្ដាយ ផ្ដាំបន្តទៅកូនប្រុសវ័យ១៨ឆ្នាំថា «ធំពេញវ័យហើយណាកូន! ១៨ឆ្នាំហើយ ចប់បាក់ឌុប ហើយត្រូវបន្តសិក្សាមហាវិទ្យាល័យ។ កូនត្រូវដើរតួជាបង្គោលទី២ក្នុងគ្រួសារយើង។ កូនគិតត្រូវ យល់ត្រូវ ធ្វើត្រូវ បើធ្វើខុស ឆ្លុះបញ្ចាំង ហើយកែតម្រូវតម្រង់ឱ្យត្រង់វិញ ហើយដើរទៅមុខទៀត។ »

ក្នុងជីវិតរស់នៅប្រចាំថ្ងៃ លោកឧកញ៉ាផ្ដាំកូនប្រុសថា ការរស់នៅមិនត្រូវបំពានគេនោះទេ តែក៏មិនត្រូវនៅស្ងៀម នៅពេលដែលគេបំពាននោះដែរ។ ក្នុងការរស់នៅត្រូវចេះស្ដាប់គេ និងចេះលើកជាយោបល់ប្រាស្រ័យទាក់ទង ដើម្បីបង្កើតប្រយោជន៍រួម។

សូមជម្រាបជូនថា ស្ថាបនិក វេសឡាញអេឌ្យូខេសិន ឧកញ៉ា ប៉ិច បូឡែន ជានិច្ចកាលតែងតែមានដំបូន្មានល្អៗ ជូនដល់យុវជនជំនាន់ក្រោយ ជាពិសេសសិស្សានុសិស្សដែលទើបប្រឡងជាប់បាក់ឌុបថ្មីៗក្នុងការមករៀនបន្តនៅសាកលវិទ្យាល័យ៕

អត្ថបទ៖ សុកធា

The post បណ្ដាំតជំនាន់! ឧកញ៉ា ប៉ិច បូឡែន ផ្ដាំទៅកូនប្រុសក្រោយចប់បាក់ឌុបយ៉ាងមានអត្ថន័យ appeared first on .