បើតាមលោកឧកញ៉ា ផន វណ្ណិត ការប្រគល់សៀវភៅ «ថ្វីគំនិត»ដល់ក្រសួងអប់រំយុវជន និងកីឡានេះ ដើម្បីជាមរតកផ្នែកចំណេះដឹង បំណិន ទស្សនវិជ្ជាសម្រាប់អ្នកជំនាន់ក្រោយ។

នៅក្នុងបណ្តាញសង្គមតេឡេក្រាមឧកញ៉ា ផន វណ្ណិត បានសំដែងនូវអំណរអរគុណជាអនេកកប្បការជូនឯកឧត្តមបណ្ឌិតសភាចារ្យ ដែលបានកត់សម្គាល់ឃើញនូវស្នាដៃរបស់លោកនិងកិច្ចការងារកន្លងមក។

សូមជម្រាបជូនផងដែរថា កន្លងទៅឧកញ៉ា ផន វណ្ណិត ធ្លាប់បានប្រគល់«សៀវភៅថ្វីគំនិត»នេះ ជូនដល់ក្រសួង ស្ថាប័ន និងគ្រឹះស្ថានអប់រំជាង ៣ពាន់ក្បាលរួចមកហើយ។

សៀវភៅ«ថ្វីគំនិត» គឺជាឃ្លាំងចំណេះដឹង បទពិសោធ គន្លឹះខ្លី ខ្លឹម ច្បាស់ៗ ធ្វើឱ្យមានគំនិតមិនចេះរីងស្ងួត។លើសពីនោះ «ថ្វីគំនិត» ជាគន្លឹះសម្រាប់ការវិនិយោគ ដើម្បីស្រូបយកលុយ បង្កើតទ្រព្យ ក៏មានលទ្ធភាពជួយឲ្យមនុស្សយល់ដឹងកាន់តែស៊ីជម្រៅក្នុងការបង្កើតគំនិត ប្រើប្រាស់គំនិត ក្បួនរៀបចំផែនទីជីវិត គំនិតសេដ្ឋវិស័យអចលនទ្រព្យ និងគោលការណ៍ដឹកនាំធុរៈកិច្ចក្នុងស្មារតីគុណធម៌ធំធេងគ្មានទីកំណត់៕

The post ឧកញ៉ា ផន វណ្ណិត ប្រគល់សៀវភៅ«ថ្វីគំនិត» ជូនដល់រដ្ឋមន្រ្តីក្រសួងអប់រំយុវជន និងកីឡា appeared first on .

ក្រៅពី​លោក​ឧកញ៉ា​ទាំង​ពីរ​រូប​ខាង​លើ ​​​ក្រុមអតីតអ្នកបួសខ្មែរ​ដែល​ជា​បុគ្គលឆ្នើមៗ​មួយ​ចំនួន​ទៀត​ ក៏​ទទួល​បាន​បាន​ការ​តែងតាំង​ធ្វើជាទីប្រឹក្សាជាន់ខ្ពស់​ផង​ដែរ ក្នុង​នោះ​រួមមាន​ដូចជា៖ លោកគ្រូ សាន សុជា, ឧត្តមសេនីយ៍ឯក ឌី ពៅ នាយករងខុទ្ទកាល័យសម្តេចតេជោនាយករដ្ឋមន្ត្រី និងជាមេបញ្ជាការរង បញ្ជាការដ្ឋានអង្គរក្ស, បណ្ឌិត ឆាត សុឆេត ទីប្រឹក្សាអាជ្ញាធរជាតិប្រយុទ្ធប្រឆាំងគ្រឿងញៀន, លោក​ ងួន ស្តេចភក្តី ទីប្រឹក្សាផ្ទាល់សម្តេច​តេជោ​នាយករដ្ឋមន្ត្រី, លោក ស៊ិន គង់ ទីប្រឹក្សាក្រសួងព្រះបរមរាជវាំង, ឧត្តមសេនីយ៍ទោ មួង ឫទ្ធី, សាស្ត្រាចារ្យ ទូច គីមស្រ៊ាង, បណ្ឌិត ប្រាក់ សម្ផស្ស, បណ្ឌិត កែវ រតន:, លោក សេង សុភី, លោក ព្រើន សុវង្ស និង​ អ្នកអង្គ​ម្ចាស់ បណ្ឌិត ស៊ីសុវត្ថិ ឫទ្ធីរ៉ាវង្ស។

សមាគម​អតីត​អ្នកបួស​ខ្មែរ ​ត្រូវបាន​ចុះឈ្មោះ​ក្នុង​បញ្ជី​សមាគម នៅ​ក្រសួងមហាផ្ទៃ នៅ​ថ្ងៃទី​១៨ ខែកក្កដា ឆ្នាំ២០២៣​ ដែលមាន​អាសយដ្ឋាន ទីស្នាក់ការ​កណ្តាល​នៅ​បុរី​ប៉េង​ហួត​ ស្ទឹងមានជ័យ ផ្ទះ​លេខ​៤០ ផ្លូវ​លេខ​៨ ក្រុមទី​៩ ភូមិ​ដំណាក់​ធំ​១ សង្កាត់​ស្ទឹងមានជ័យ​ទី​២ ខណ្ឌមានជ័យ រាជធានី​ភ្នំពេញ​។ ​សមាគម​នេះ​បង្កើតឡើង​ក្នុង​គោលបំណង​ពង្រីក​ទំនាក់ទំនង បង្កើត​ការចែករំលែក​ចំណេះដឹង បទពិសោធន៍ បំ​ណិ​ន​ជីវិត ទ្រទ្រង់​ព្រះពុទ្ធសាសនា និង​មាន​ចក្ខុវិស័យ​ចង់ឃើញ​អ្នកបួស​ខ្មែរ មាន​សាមគ្គីភាព​គ្នា មានលទ្ធភាព​រស់នៅ​ថ្លៃថ្នូរ និង​ជា​គំរូ​ល្អ​ក្នុងសង្គម​។​​

តាម​ការ​បញ្ជាក់ពី​លោក ហឿន សំនៀង ប្រធាន​សមាគម​អតីតអ្នកបួសខ្មែរ​ ​បាន​ឱ្យ​ដឹង​ថា សមាគម​នេះ​មាន​លក្ខណៈពិសេស​ត្រង់​ថា​ អ្នក​ដែល​ចូលជា​សមាជិក​បាន ទាល់តែ​ជា​អ្នក​ធ្លាប់បាន​បួស​ក្នុង​សំណាក់​ព្រះពុទ្ធ​សាសនា​។ ដូច្នេះ​ដើម្បី​បានក្លាយ​ទៅជា​សមាជិក​ គឺ​ទាល់តែ​ធ្លាប់បាន​បួស​ក្នុង​សំណាក់​ព្រះពុទ្ធសាសនា។ ទោះបី​បុគ្គល​នោះ​មានបុណ្យ​ស័ក្តិ​ឋានៈ​ខ្ពង់ខ្ពស់​ លុយកាក់​ច្រើន​ប៉ុណ្ណាក៏ដោយ​ ក៏​មិនអាច​ចូល​ជា​សមាជិកសមាគម​អតីត​អ្នកបួស​ខ្មែរ​បានទេ បើសិនជា​មិន​ធ្លាប់​បួស​។ មួយវិញទៀត បើទោះបីជារស់នៅក្នុង​ស្ថានភាព ឬ ជីវភាព​បែបណា នៅ​ឆ្ងាយ​ប៉ុណ្ណា (ក្រៅ ឬក្នុងប្រទេស) និង​បួស​នៅក្នុង​សម័យកាល​ណាក៏ដោយ ក៏​អាច​ក្លាយជា​សមាជិកសមាគម​នេះ​បានដែរ ដោយ​មិនមាន​ការរើសអើង ប្រវត្តិ ជីវភាព និង​ឋានៈ​ក្នុងសង្គម​ឡើយ៕​

The post ឧកញ៉ា ២រូប ទទួលការតែងតាំងជា «ទីប្រឹក្សាជាន់ខ្ពស់» នៃសមាគមអតីតអ្នកបួសខ្មែរ appeared first on .

តាមរយៈសារនយោបាយពិសេសនេះ សម្តេចតេជោ ហ៊ុន សែន បានប្រកាសថា ឯកឧត្តមបណ្ឌិត ហ៊ុន ម៉ាណែត នឹងក្លាយជានាយករដ្ឋមន្ត្រីថ្មីនៅល្ងាចថ្ងៃទី២២ ខែសីហា ឆ្នាំ២០២៣ខាងមុខ។

យើងខ្ញុំទាំងអស់គ្នា សូមប្រកាសគាំទ្រទាំងស្រុងចំពោះការសម្រេចចិត្តដ៏ត្រឹមត្រូវរបស់សម្តេចតេជោ ហ៊ុន សែន និងសូមប្រកាសគាំទ្រទាំងស្រុងចំពោះឯកឧត្តមបណ្ឌិត ហ៊ុន ម៉ាណែត សម្រាប់កាន់តួនាទីជានាយករដ្ឋមន្រ្តីថ្មី សម្រាប់អាណត្តិទី៧នេះ ដើម្បីបន្តដឹកនាំប្រទេសកម្ពុជា ពង្រឹងសុខសន្តិភាពកាន់តែរឹងមាំ, ប្រទេសជាតិកាន់តែមានការអភិវឌ្ឍរីកចំរើន និងមានមោទនភាព ហើយប្រជាជនកាន់តែមានជីវភាពធូរធារ និងរស់នៅប្រកបដោយសេចក្តីសុខសាន្តបន្តទៀត។

ក្នុងឱកាសដ៏ប្រសើរថ្លៃថ្លានេះ យើងខ្ញុំទាំងអស់គ្នា សូមលើកហត្ថប្រណមបួងសួង ដល់គុណបុណ្យព្រះរតនត្រ័យ គុណកែវទាំងបី ព្រមទាំងវត្ថុស័ក្តិសិទ្ធិក្នុងលោក សូមតាមជួយថែរក្សា ការពារ និងប្រោះព្រំប្រទានពរជ័យបវរសួស្តី ជ័យមង្គល និងវិបុលសុខគ្រប់ប្រការ ជូនចំពោះសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, ឯកឧត្តមបណ្ឌិត ហ៊ុន ម៉ាណែត និងលោកជំទាវព្រមទាំងបុត្រា បុត្រី ចៅប្រុស ចៅស្រី។

សូមសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, លោកបណ្ឌិត ហ៊ុន ម៉ាណែត ព្រមទាំងបុត្រា បុត្រី ចៅប្រុស ចៅស្រី បានសមប្រកបតែនឹងពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post ឧកញ៉ា ផន វណ្ណិត ប្រកាសគាំទ្រប្រសាសន៍សម្តេចតេជោ ហ៊ុន សែន និងគាំទ្រឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្រ្តីថ្មី នីតិកាលទី៧ នៃរដ្ឋសភា appeared first on .

ក្រុមការងារផលិតសៀវភៅថ្វីគំនិត របស់អ្នកនិពន្ធឧកញ៉ា ផន វណ្ណិត ទីប្រឹក្សាអាជ្ញាធរកម្ពុជាគ្រប់គ្រងសកម្មភាពមីន និងសង្គ្រោះជនពិការដោយសារមីន បានឲ្យដឹងថា រយៈពេល ៤ខែ ក្រុមការងារ និងអ្នកនិពន្ធផ្ទាល់ បានថ្វាយសៀវភៅថ្វីគំនិត ដល់អង្គព្រះកូណាព្រះមហាក្សត្រខ្មែរ និងតម្កល់ទុកនៅក្រសួង ស្ថាប័ន សាកលវិទ្យាល័យ សមាគម និងក្រុមហ៊ុននានាប្រមាណជាង ៣ពាន់ក្បាល ខណៈដែលអ្នកនិពន្ធផ្ទាល់គ្រោងនឹងបោះពុម្ពលើកទី២ ក្នុងចំនួនកំណត់ពិសេស Limited edition។

ក្រសួង ស្ថាប័ន ដែលក្រុមការងារ «សៀវភៅថ្វីគំនិត» បានប្រគល់ជូនរួមមាន៖ មន្រ្តីជាន់ខ្ពស់នៃទីស្តីការគណៈរដ្ឋមន្រ្តី, ក្រសួងធម្មការ និងសាសនា, គណៈសង្ឃនាយកគណៈធម្មយុត្តិកនិកាយ, ពុទ្ធិកសាកលវិទ្យាល័យព្រះសីហមុនីរាជា, ពុទ្ធិកសាកលវិទ្យាល័យព្រះសីហនុរាជ, វិទ្យាស្ថានតេជោសែន សាធារណការ និងដឹកជញ្ជូន, សាកលវិទ្យាល័យជាតិគ្រប់គ្រង, សាកលវិទ្យាល័យបញ្ញាសាស្រ្ត, សាកលវិទ្យាល័យភូមិន្ទនីតិសាស្រ្ត​និងវិសាស្រ្តសេដ្ឋកិច្ច, សាកលវិទ្យាល័យភូមិភ្នំពេញ, រាជបណ្ឌិត្យសភាកម្ពុជា ព្រមទាំងស្ថាប័ន សមាគម។ល។

បើតាមក្រុមការងារសៀវភៅ «ថ្វីគំនិត» នៅក្នុងការបោះពុម្ពលើកទី១នេះ ដែលជាស្នាដៃដំបូងដ៏ពិសិដ្ឋពីឧកញ៉ា បណ្ឌិត ផន វណ្ណិត ជាអ្នកជំនាញក្នុងវិស័យអប់រំ និងអចលនទ្រព្យឆ្នើមម្នាក់ ឃើញថាមានគាំទ្រច្រើនមែនទែន រហូតដល់ពេលខ្លះក្រុមការងារដឹកជញ្ជូនមិនទាន់ក៏មានដែរ បន្ទាប់ពីការកម្ម៉ង់រួច តែក្រុមការងារយើងបានព្យាយាមគ្រប់ឧបសគ្គដើម្បីឲ្យពលរដ្ឋខ្មែរបានអានសៀវភៅដ៏មានសារៈសំខាន់មួយនេះ។

សូមជម្រាបថា សៀវភៅ ‘’ ថ្វីគំនិត’’ គឺជាឃ្លាំងចំណេះដឹង បទពិសោធ គន្លឹះខ្លី ខ្លឹម ច្បាស់ៗ ធ្វើអោយមានគំនិតមិនចេះរីងស្ងួត ។ ទន្ទឹមនឹងនោះ «ថ្វីគំនិត» ជាគន្លឹះសម្រាប់ការវិនិយោគ ដើម្បីស្រូបយកលុយ បង្កើតទ្រព្យ ក៏មានលទ្ធភាពជួយឲ្យមនុស្សយល់ដឹងកាន់តែស៊ីជម្រៅក្នុងការបង្កើតគំនិត ប្រើប្រាស់គំនិត ក្បួនរៀបចំផែនទីជីវិត គំនិតសេដ្ឋវិស័យអចលនទ្រព្យ និងគោលការណ៍ដឹកនាំធុរៈកិច្ចក្នុងស្មារតីគុណធម៌ធំធេងគ្មានទីកំណត់។

ឧកញ៉ា បណ្ឌិត ផន វណ្ណិត អតីតនិស្សិតពីសាកលវិទ្យាល័យនៅប្រទេសឥណ្ឌា និងជាសាស្រ្តាចារ្យ បច្ចុប្បន្នជាអ្នកអភិវឌ្ឍអចលនទ្រព្យមួយរូបនៅក្នុងពិភពជំនួញឆ្នើមនៅប្រទេសកម្ពុជាដ៏ល្បីឈ្មោះ ហើយក៏ជាទីប្រឹក្សាផ្ទាល់សម្តេច​ព្រះអភិសិរីសុគន្ធា បួរ គ្រី ព្រះមហាសង្ឃរាជ គណៈធម្មយុត្តិកនិកាយ និង ទីប្រឹក្សាអាជ្ញាធរកម្ពុជាគ្រប់គ្រងសកម្មភាពមីន និងសង្គ្រោះជនពិការដោយសារមីន៕

The post ឧកញ៉ា ផន វណ្ណិត បានប្រគល់«សៀវភៅថ្វីគំនិត»ជូនដល់ក្រសួង ស្ថាប័ន និងគ្រឹស្ថានអប់រំជាង ៣ពាន់ក្បាល appeared first on .

បច្ចុប្បន្នទំនោរអ្នកនិពន្ធមានចំនួនកើនឡើងច្រើនគួរឱ្យសម្គាល់ទាំងក្នុងរឿងប្រលោមលោក ទស្សនៈ ភាពដឹកនាំ ជំរុញលើកទឹកចិត្ត ជំនាញ វិជ្ជាជីវៈ បច្ចេកទេសជាដើម។ យ៉ាងណា ចំនួនកំណើនជាវិជ្ជមាននេះ ពោលគឺនិយាយទូទៅ។ បើនិយាយដាច់ដោយឡែក សម្រាប់អ្នករកស៊ី ម្ចាស់អាជីវកម្មធំ ឧកញ៉ា អ្នកឧកញ៉ា ហាក់នៅមានចំនួនតិចតួចនៅឡើយ។

យ៉ាងណានៅមួយរយៈចុងក្រោយនេះ គេសង្កត់ឃើញថា មានពាណិជ្ជករ ឧកញ៉ា អ្នកឧកញ៉ា ចេញមុខមកចែករំលែកទស្សនាទានតាមរយៈសៀវភៅ គំនិតសហគ្រិន របៀបដឹកនាំធនធានមនុស្ស របៀបរបបគ្រប់គ្រងក្រុមហ៊ុន និងចំណេះដឹងទូទៅទាំងក្នុងវិស័យអប់រំ អចលនទ្រព្យ ហិរញ្ញវត្ថុ ចាប់ផ្តើមមានសកម្មភាពផុសផុលឡើង ដែលសកម្មទាំងអស់នេះជាសញ្ញាវិជ្ជមានក្នុងវិស័យអំណាននៅប្រទេសកម្ពុជា។

នៅដើមឆ្នាំ២០២៣ ពោលគឺនៅថ្ងៃទី៣ ខែមករា អ្នកឧកញ៉ា សុខ គង់ សម្ពោធសៀវភៅ«អ្នកឧកញ៉ាបណ្ឌិត សុខ គង់» ស្ថិតនៅលើកំពូលភ្នំបូកគោ។ ចំពោះការចេញស្នាដៃនិពន្ធនេះ ត្រូវបានអ្នករៀបចំបញ្ជាក់ថា មិនមែនចងក្រងឡើង ដើម្បីរកប្រាក់ចំណេញទេ ប៉ុន្តែ​ក្នុង​គោល​បំណង​ដើម្បី​​​អាច​ក្លាយ​ជា​ត្រីវិស័យ​សម្រាប់​មនុស្ស​គ្រប់​ស្រទាប់​វណ្ណៈ ពិសេស​​ជា​ប្រយោជន៍​ដល់​យុវជន ក្នុង​ការ​ក្រេប​ជញ្ជក់​យក​ចំណេះ​ដឹង​​សម្រាប់​ការ​រស់​នៅ និង​ការ​ប្រកប​មុខរបរ​ក្នុង​ពេល​បច្ចុប្បន្ន និង​ទៅ​អនាគត។

ជាមួយគ្នានេះដែរ អ្នកជំនួញអចលនទ្រព្យវ័យក្មេង ដែលមានប្រវត្តិធ្លាប់ជាព្រះសង្ឃទទួលសញ្ញាបត្របណ្ឌិតពីបរទេស អតីតសាស្ត្រាចារ្យ ឧកញ៉ា ផន វណ្ណិត កីបានសម្រេចចេញស្នាដៃដំបូងរបស់ខ្លួនជាផ្លូវការ ក្រោមចំណងជើងថា សៀវភៅ «ថ្វីគំនិត» កាលពីខែវិច្ឆិកា ឆ្នាំ២០២២កន្លងទៅ។

ទន្ទឹមនឹងនេះ សហគ្រិនវ័យក្មេងវិនិយោគនៅក្នុងវិស័យអប់រំ ម្នាក់ទៀត គឺឧកញ៉ា ប៊ិច បូឡែន បានបង្ហាញស្នាដៃសៀវភៅ «យុទ្ធសាស្រ្តនៃភាពជាអ្នកដឹកនាំ»។ កន្លងទៅ អ្នកឧកញ៉ា វេជ្ជបណ្ឌិត គួច ម៉េងលី ដែលជាវាគ្មិនជំនាញដ៏ល្បីល្បាញប្រចាំប្រទេសកម្ពុជាក៏បានចេញផ្សាយស្នាដៃជាច្រើនចំណងជើងរួចមកហើយដែលទទួលបានការចាប់អារ្មណ៍ខ្លាំងពីប្រិយមិត្ត។

ដោយឡែក ឧកញ៉ាដែលរកស៊ីក្នុងវិស័យអចលនទ្រព្យម្នាក់ទៀត ក៏ទើបនឹងបានសម្ពោធសៀវភៅផ្លូវការរបស់ខ្លួនផងដែរ ឧកញ៉ា ម៉ាន់ ច័ន្ទឌី ដែលនិយាយពាក់ព័ន្ធផ្លូវច្បាប់លើវិស័យអចលនទ្រព្យ គឺមានឈ្មោះថា «នីតិវិធី និងយុទ្ឋសាស្ត្រ គ្រប់គ្រងក្រុមហ៊ុនតាមលក្ខណះស្តង់ដារ»។

អ្នកតាមដានស្ថានការណ៍សង្គមនៅប្រទេសកម្ពុជា បានសម្តែងការសាទរ ព្រមទាំងគាំទ្រចំពោះការចែករំលែកទស្សនៈរកស៊ី ការគ្រប់គ្រងក្រុមហ៊ុន គន្លឹះសំខាន់សម្រាប់ជោគជ័យក្នុងអាជីព សុទ្ធតែជាប្រយោជន៍អ្នកអាន សិស្ស និស្សិត។

លោក ឈុន សារិន សាស្រ្តាចារ្យអក្សរសិល្ប៍ខ្មែរនៃសាកលវិទ្យាល័យឯកជនមួយ បានលើកឡើងថា សម្រាប់អ្នករកស៊ី មានក្រុមហ៊ុនហើយជោគជ័យ ចេញមកចែករំលែកបទពិសោធន៍ និងចំណេះដឹងដល់មនុស្សក្នុងសង្គមវាពិតជាមានប្រយោជន៍ខ្លាំងសម្រាប់ពលរដ្ឋ ព្រោះអ្នករកស៊ីគេមានររៀបរកលុយ បង្កើតទ្រព្យ ដូច្នេះកាលណាយុវជនបានរៀនសូត្រ ទទួលបទពិសោធន៍ហើយយកទៅអនុវត្តវាជាផ្លែផ្កាមួយក្នុងសង្គម។

លោកបន្តថា «សម្រាប់អ្នកមានគោរម្យងារឧកញ៉ា អ្នកឧកញ៉ា ពួកគាត់មានឥទ្ធិពលខ្លាំងនៅក្នុងសង្គម ដូច្នេះស្នាដៃនិពន្ធសៀវភៅរបស់គាត់អាចជិះឥទ្ធិពលលឿនជាងអ្នកនិពន្ធទូទៅ ខណៈពួកគាត់ដើម្បីក្លាយជាអ្នកឧកញ៉ា ឧកញ៉ា សុទ្ធតែជាអ្នកមានលុយរួចមកហើយ ទម្រាំជោគជ័យក្នុងជីវិត និងមុខជំនាញ ប្រាកដណាស់ថា មានរឿងរ៉ាវជាច្រើននៅពីក្រោយ»។

លោក សារិន លើកឡើងបន្ថែមទៀតថា បទពិសោធន៍ ដំណើរជីវិត ការចាប់ផ្ដើមរកស៊ីរបស់អ្នកមានទាំងនោះ អាចទុកជាមេរៀនសម្រាប់អ្នកចេញរកស៊ីជំនាន់ដើរតាមបាន។

សូមរំលឹកថា កាលពីប៉ុន្មានឆ្នាំមុន អ្នកឧកញ៉ារកស៊ីដ៏លេចធ្លោក្នុងវិស័យកសិកម្ម ម៉ុង ឫទ្ធី ដែលជាសេដ្ឋីដ៏មានឥទ្ធិពលជើងចាស់ឈរជើងចាក់គ្រឹះយ៉ាងរឹងមាំក្នុងពិភពជំនួញនៅក្នុងប្រទេសកម្ពុជា ក៏បានសម្រេចបោះពុម្ពផ្សាយសៀវភៅក្រោមចំណងជើងថា «វិថីក្រាលមាស ជីវប្រវត្តិឯកឧត្តម ម៉ុង ឬទ្ធី» ជាផ្លូវការផងដែរ៕

The post ឧកញ៉ា អ្នកឧកញ៉ាច្រើនរូបចាប់ផ្តើមបញ្ចេញស្នាដៃនិពន្ធសៀវភៅទស្សនៈជោគជ័យ និងមុខជំនួញ ចែករំលែកបទពិសោធន៍ជីវិត appeared first on .

ឧកញ៉ា ផន វណ្ណិត អតីតអ្នក​បួសក្នុងសាសនាព្រះពុទ្ធអស់រយៈពេលប្រមាណជាង ១៣ឆ្នាំ ហើយបញ្ចប់ការសិក្សាថ្នាក់បណ្ឌិតនៅប្រទេស​ឥណ្ឌា​ និងជាសាស្ត្រាចារ្យនៃសាកលវិទ្យាល័យបញ្ញាសាស្ដ្រកម្ពុជា។

លោកឧកញ៉ាដែលមានស្រុកកំណើតក្នុងខេត្តព្រៃវែងរូបនេះ ធ្លាប់ជាទីប្រឹក្សាផ្ទាល់ក្រសួងធម្មការ និងសាសនា បច្ចុប្បន្នជាក្រុមប្រឹក្សាភិបាល អនុប្រធានសមាគមអ្នកអភិវឌ្ឍន៍កម្ពុជា សមាជិកសភាពាណិជ្ជកម្មកម្ពុជា ហើយក៏ជាអ្នកវិនិយោគអចលនទ្រព្យមួយរូបដ៏ល្បីល្បាញនៅប្រទេសកម្ពុជា។

លើសពីនេះ លោកឧកញ៉ាក៏ជាទីប្រឹក្សាផ្ទាល់សម្តេចព្រះអភិសិរីសុគន្ធា ព្រះមហាសង្ឃរាជាធិបតី បួរ គ្រី សម្តេចព្រះមហាសង្ឃរាជគណៈធម្មយុត្តិកនិកាយ ព្រះសាកលវិទ្យាធិការនៃពុទ្ធិកសាកលវិទ្យាល័យព្រះសីហមុនីរាជា។

គួររំលឹកបន្ថែមទៀតថា ឧកញ៉ា ផន វណ្ណិត កន្លងទៅធ្លាប់បានចូលរួមដឹកនាំនិស្សិតកម្ពុជារាប់ពាន់ធ្វើការចុះសហគមន៍ដើម្បីអប់រំបញ្ហាសុខាភិបាល និងព្យាបាលជំងឺជូនប្រជាពលរដ្ឋនៅតាមមូលដ្ឋាន ហើយក៏ជាសប្បុរសជនមួយរូបដែលតែងតែបង្ហាញវត្តមានចុះជួយឧបត្ថម្ភដល់រាជរដ្ឋាភិបាលដូចភ្លៀងរលឹមផងដែរ៕

The post ព្រះមហាក្សត្រ តែងតាំងម្ចាស់ស្នាដៃនិពន្ធសៀវភៅ «ថ្វីគំនិត» ជាទីប្រឹក្សាអាជ្ញាធរមីន ឋានៈស្មើរដ្ឋលេខាធិការ appeared first on .

ម្ចាស់ស្នាដៃនិពន្ធ ឧកញ៉ា បណ្ឌិត ផន វណ្ណិត បានថ្លែងថា៖ សៀវភៅ «ថ្វីគំនិត» គឺជាឃ្លាំងចំណេះដឹង បទពិសោធ និងព័ត៌មានមិនចេះរីងស្ងួត ហើយជារូបមន្តដ៏ឆ្នើមចូលរួមបង្កើតឱ្យស្ថាប័នខ្លាំង អ្នកដឹកនាំខ្លាំង បុគ្គលិកខ្លាំង បុគ្គលភាពដ៏ខ្លាំងពូកែ។ លោកបន្តថា សៀវភៅថ្វីគំនិត ក៏ជាសំណៅឯកសារទុកជាគន្លឹះសម្រាប់ការវិនិយោគ គំនិតសេដ្ឋីវិស័យអចលនទ្រព្យ ការប្រមូលទុន រៀបចំអនាគត ដើម្បីស្រូបយកលុយបង្កើតទ្រព្យ។ លើសពីនេះ ក៏មានលទ្ធភាពជួយឲ្យមនុស្សគ្រប់គ្នាយល់ដឹងកាន់តែស៊ីជម្រៅក្នុងការបង្កើតគិត ប្រើប្រាស់គំនិត ក្បួនរៀបចំផែនទីជីវិត និងគោលការណ៍ដឹកនាំធុរៈកិច្ចក្នុងស្មារតីគុណធម៌ធំធេងគ្មានទីកំណត់។

បើតាមអ្នកនិពន្ធរូបនេះ «ថ្វីគំនិត» បង្កើតភាពជាសហគ្រិនក្នុងវិស័យអចលនទ្រព្យ និងជាគម្ពីរសម្រាប់ជាទុនគំនិតឈ្វេងយល់ពីតម្លៃខ្លួនឯងឱ្យច្បាស់ បង្កើនសុភមង្គលប្រកបដោយសោភ័ណជីវិតថ្លៃថ្លា។ លោកឧកញ៉ាពន្យល់ថា សោភ័ណជីវិត គឺជាវិថីដែលអ្នកមានភាគច្រើនបានជួបប្រសព្វ និងបែងចែកត្រឡប់ទៅកាន់មនុស្សទូទៅតាមរយៈសកម្មភាពទាំងកាយ ទាំងចិត្ត និងបរិច្ចាគទ្រព្យធនធានជាដើម។

ឧកញ៉ា បណ្ឌិត ផន វណ្ណិត បានថ្លែងដកស្រង់ខ្លឹមសារក្នុងសៀវភៅថ្វីគំនិត បង្ហាញយ៉ាងដូច្នេះថា រកស៊ីក្នុងវិស័យអចលនទ្រព្យមិនមែនគ្រប់គ្នាសុទ្ធតែជោគជ័យនោះទេក្នុងនោះក៏មានអ្នកខាតបង់ឡុងចុងក៏មានដែរ។ ដូច្នេះមុនធ្វើការរកសុី ត្រូវមានក្បួនខ្នាត បាត្រាឲ្យបានត្រឹមត្រូវ។ ជីវិតបើរស់នៅប្រើទម្លាប់គិតរឿយៗ តែត្រូវគិតឲ្យចំណេញ នឹងជំរុញស្មារតីរបស់យើងឲ្យមានការសម្រេចចិត្តខ្ពស់ក្នុងកិច្ចការទាំងពួង៕

រួសរាន់ឡើង កម៉្មង់ សៀវភៅ «ថ្វីគំនិត» បោះពុម្ភលើកទី១ មានចំនួនកំណត់។

https://t.me/oknhaphanvannithofficial

The post ឧកញ៉ាបណ្ឌិត ផន វណ្ណិត សម្រេចបោះពុម្ពស្នាដៃដំបូង «សៀវភៅថ្វីគំនិត» appeared first on .

លោក​​​បន្ត​​ថា​ ប្រទេសជាមិត្ត​ដែលកម្ពុជា​តែងតែនិយមហៅថា មិត្តដែកថែប គឺប្រទេសចិន ជាសម្ព័ន្ធ​មិត្ត​ចាក់ទឹកមិនលិច ក្នុងវិស័យនយោបាយ ការទូត សេដ្ឋកិច្ច ពាណិជ្ជកម្ម វិនិយោគ និងទំនាក់ទំនង​លើ​សកល​លោក។ ក្នុងចំណោមវិស័យជាច្រើននៅកម្ពុជា ប្រទេសចិនបានដើរតួនាទីធំជាងគេ​នៅក្នុងការវិនិយោគ​ក្នុង​វិស័យសំណង់ និងអចលនទ្រព្យនៅកម្ពុជា តាមពីក្រោយដោយប្រទេសកូរ៉េខាងត្បូង ជប៉ុន ថៃ។

របាយការណ៍ធនាគារជាតិនៃកម្ពុជា បានឲ្យដឹងថា លំហូរនៃការវិនិយោគផ្ទាល់បរទេសនៅក្នុងឆ្នាំ២០១៩ បានកើនឡើង១២% ស្មើនឹង ៣,៥ ពាន់លានដុល្លារអាមេរិក គឺបានចូលទៅក្នុងវិស័យហិរញ្ញវត្ថុ ក្នុងនោះ​ប្រទេសចិន គឺជាប្រទេសដែលធំជាងគេ បានវិនិយោគដោយផ្ទាល់ស្មើនឹងចំនួន ៤៣% បន្ទាប់មក កូរ៉េ​ខាង​ត្បូង ១១% វៀតណាម ៧% ជប៉ុន ៦% និងសិង្ហបុរី ៦%។

យ៉ាងណាមិញ ក្រសួងរៀបចំដែនដី នគរូនីយកម្ម និងសំណង បង្ហាញថា ៦ខែនៅក្នុងឆ្នាំ២០២២នេះ ការ​វិនិយោគក្នុងវិស័យសំណង់មានប្រមាណជា ២០០០ពាន់គម្រោង មានផ្ទៃក្រឡាសំណង់សរុប​ទាំងអស់​ប្រមាណជា ២,៨ លានម៉ែត្រការ៉េ ដែលមានទុនវិនិយោគ១២០ ៦លានដុល្លារអាមេរិក បើធៀបនឹង​ឆ្នាំ​២០២១ មាន ៤៣០៣គម្រោង មានផ្ទៃក្រឡាសំណង់ជាង ១២លានម៉ែត្រការ៉េ ជាមួយនឹងទុនវិនិយោគ​ប្រមាណជា ៥៣៣៣ លានដុល្លារអាមេរិក។

លោកឧកញ៉ា មើលឃើញ​ថា​ការកើនឡើងក្នុងវិស័យនេះ គឺផ្អែកលើស្ថិរភាពនយោបាយ សន្តិសុខ សង្គម ដែលធ្វើឲ្យមានការអភិវឌ្ឈលើវិស័យសំណង់នេះគួរឲ្យកត់សម្គាល់។ វិបត្តិកូវីដ១៩ វាគ្រាន់តែមកបង្អាក់​ដំណើររយៈពេលខ្លីប៉ុណ្ណោះ ព្រោះអ្វីៗពិភពលោកទាំងមូលបាននឹង​កំពុងពួតដៃគ្នាយ៉ាងសកម្ម​ក្នុងគោលដៅ​តែមួយលុបបំបាត់ ទប់ស្កាត់ជាមួយជំងឺនេះ ហើយរយៈពេលដ៏ខ្លីខាងមុខ អភិវឌ្ឍវិស័យអចលនទ្រព្យ និង​សំណង់ ឬវិស័យផ្សេងៗទៀត សង្ឃឹមវិវត្តន៍ទៅរកស្ថានភាពប្រក្រតីឡើងវិញ។

សម្រាប់កម្ពុជា គិតមកទល់នេះ ស្ថានភាពសេដ្ឋកិច្ច អចលនទ្រព្យ និងសំណង់ ក្រោយវិបត្តិកូវីដ១៩ កំពុង​មានភាពជាវិជ្ជមានបណ្តើៗ ជាមួយវិធានការសុខាភិបាល និងផែនការច្បាស់លាស់​ស្តារសេដ្ឋកិច្ចសង្គម​ឡើង​វិញ។ ក្នុងនោះដែរ វិស័យសំណង់ជាផ្នែកមួយដ៏មានសារៈសំខាន់រួមចំណែកដល់ការអភិវឌ្ឈសេដ្ឋកិច្ច ដោយបំពេញនូវគោលបំណងជាមូលដ្ឋាននៃការអភិវឌ្ឈសង្គម បង្កើតដោយការងារយ៉ាង​ច្រើនដល់ប្រជា​ពលរដ្ឋ។ វិស័យសំណង់ និងអចលនទ្រព្យ ចូលរួមបង្កើននូវប្រាក់ចំណូលខ្ពស់ដល់សង្គមជាតិ។ ហើយក៏​បានដើរតួនាទីយ៉ាងសំខាន់នៅក្នុងការរីកចម្រើននៃវិស័យសេដ្ឋកិច្ចជាតិ៕

The post ឧកញ៉ា ផន វណ្ណិត៖ ចិន វ៉ាដាច់ កូរ៉េ ជប៉ុន ថៃ នាំមុខគេក្នុងវិស័យសំណង់ និងអចលនទ្រព្យនៅកម្ពុជា appeared first on .

ពាក្យមួយឃ្លាខាងលើនេះ ឧកញ៉ា ផន វណ្ណិត ហាក់បានជំរុញនិងលើកទឹកចិត្តដល់បណ្តាយុវជនទាំងអស់ ដើម្បីទុកជាយុទ្ធសាស្រ្តក្នុងការរៀនសូត្រ ធ្វើការងាររកស៊ី ពិសេសចង់អភិវឌ្ឍន៍ខ្លួនឯងបន្ថែមទៀត ដើម្បីជាប្រយោជន៍ទៅថ្ងៃអនាគតផងដែរ។

តាមរយៈពាក្យមួយឃ្លាថា «ជីវិតអ្នករៀន មិនមែនដើម្បីសញ្ញាប័ត្រតែមួយមុខទេ គឺត្រូវរៀនដើម្បីចំណេះ ដើម្បីគុណធម៌ ដើម្បីការងារ រៀនដើម្បីសុភមង្គល» ឧកញ៉ា ផន វណ្ណិត បានធ្វើការពន្យល់នៅចំនុច៣សំខាន់ៗយ៉ាងលម្អិតដូចខាងក្រោមនេះថា៖

១.រៀនដើម្បីចេះ៖ ក្នុងនាមជាអ្នករៀន ត្រូវចេះឱ្យប្រាកដ មិនមែនគ្រាន់តែរៀនចោលនោះទេ។ ព្រោះដែលអ្នកបានចេះប្រាកដ គេនឹងត្រូវការអ្នកគ្រប់ពេល ហើយចង់បានអ្នកទៅធ្វើការជាមួយ។ ប្រសិនបើរៀនគ្រាន់តែប្រកួតប្រជែង យកចំណាត់ថ្នាក់ និងសញ្ញាប័ត្រ នោះមិនមែនជាត្រឹមតែជាភាពជោគជ័យនៃអ្នករៀនសូត្រឡើយ។

២.រៀនដើម្បីការងារ៖ រៀនចេះហើយ ត្រូវយកចំណេះនោះមកអនុវត្តឱ្យបាន ធ្វើការងារឱ្យមានប្រសិទ្ធភាព ដើម្បីរកប្រាក់ចំណូលមកចិញ្ចឹមខ្លួនឯងវិញ។ បើគ្រាន់តែចេះ តែធ្វើការងារមិនកើត មិនចេះសម្របខ្លួនក្នុងបរិស្ថានការងារ នោះក៏មិនដឹងថារៀនមានន័យអ្វីដែរ។ ត្រូវរៀនទាំងសមត្ថភាពការងារ (ជំនាញរឹង Hard Skill) និងរៀនទាំងរបៀបធ្វើការ (ជំនាញទន់ Soft Skill)។

៣.រៀនដើម្បីមានសុភមង្គល៖ រៀនចេះហើយ មានការងារធ្វើហើយ សួរខ្លួនឯងទៀត ថាមានសុភមង្គលហើយឬនៅ? ប្រសិនបើមិនទាន់មានសុភមង្គល មិនទាន់រកក្ដីសុខដាក់ខ្លួនបានទេ ត្រូវព្យាយាមរៀនបន្ថែមទៀត ដើម្បីផ្លាស់សកម្មភាព ផ្លាស់ប្ដូរការគិត រហូតជីវិតមានសុភមង្គល។

គួរបញ្ជាក់ដែរថា ឧកញ៉ា ផន វណ្ណិត មិនត្រឹមតែជាអ្នកជំនាញអចលនទ្រព្យ និងអនុប្រធានសមាគមអ្នកអភិវឌ្ឍន៍ដីឡូតិ៍ប៉ុណ្ណោះទេ។ នាពេលកន្លងមក គេក៏ឃើញ ឧកញ៉ា និពន្ធសៀវភៅ ដែលពាក់ព័ន្ធនឹងការបង្កើតផ្នត់គំនិត សហគ្រិនភាព និងគន្លឹះអប់រំចិត្តជាច្រើន ដើម្បីចែករំលែកចំណេះដឹងល្អៗ ដល់សារធារណៈជនកម្ពុជា គឺ«សៀវភៅថ្វីគំនិត»៕ អត្ថបទ៖ រង្សី

The post ឧកញ៉ា ផន វណ្ណិត៖«ជីវិតអ្នករៀន មិនមែនដើម្បីសញ្ញាប័ត្រតែមួយមុខទេ​ តែត្រូវរៀនឲ្យចេះ៣ចំនុចនេះ» appeared first on .

ឧកញ៉ា ផន វណ្ណិត បានគូសបញ្ជាក់ពីវឌ្ឍនភាពអចលនទ្រព្យនៅប្រទេសកម្ពុជា ក្រោយរដ្ឋាភិបាលសម្រេចបើកប្រទេសឡើងវិញកាលពីចុងឆ្នាំ២០២១ រហូតមកដល់ពេលនះ ដោយលោកសង្កេតឃើញថា ការទិញលក់អចលនទ្រព្យចាប់ផ្តើមមានចរន្តឡើងវិញ ទាំងដីធ្លី ផ្ទះសម្បែង អាផាតមែន ខន់ដូរ គឺដំណើរការទិញ-លក់-ជួលដដែល តែគ្រាន់តែសកម្មភាពក្នុងវិស័យខ្លះបានបង្អង់បន្តិចប៉ុណ្ណោះ។

លោកថ្លែងថា៖ «ខ្ញុំបានដើរស្ទង់មើលវឌ្ឍនភាពចរន្តអចលនទ្រព្យនៅរាជធានីភ្នំពេញ និងបណ្តាខេត្តមួយចំនួនឃើញមានសកម្មភាពទិញលក់បណ្តើរៗ។ ដោយឡែក ក្រុមវិនិយោគិនបរទេសតាមរយៈភ្នាក់ងារទិញលក់ក៏បានចាប់ផ្តើមរកដីតម្លៃធូរៗថ្លៃសម្រាប់បើករោងចក្រ សហគ្រាសរបស់ខ្លួន»។

«តែបើយើងនិយាយជាទូទៅ ពាក់ព័ន្ធទៅនឹងកំណើននៃវិស័យនេះសម្រាប់អ្នកមានលុយនៅពេលនេះ ពួកគេមិនខ្លាចទិញដីធ្លីទុកយកចំណេញនោះទេ ដោយសារតែសំអាងលើវឌ្ឍនភាពសេដ្ឋកិច្ចនៃប្រទេសកម្ពុជា ស្របពេលរដ្ឋាភិបាលសម្រេចអភិវឌ្ឍគម្រោងហេដ្ឋារចនាសម្ព័ន្ធផ្សេងៗ និងសម្រេចចុះបញ្ជីគម្រោងវិនិយោគដោយក្រុមប្រឹក្សាអភិវឌ្ឍន៍កម្ពុជា CDC ច្រើនគម្រោងរួចមកហើយ»។ លោកឧកញ៉ាបន្ថែម។

លោកឧកញ៉ាថ្លែងបញ្ជាក់ថា៖ «តាំងពីដើមមក ខ្ញុំតែងតែជំរុញលើកទឹកចិត្តឱ្យបងប្អូនគួរទិញដីទុក ប្រសិនបើមានលទ្ធភាព ព្រោះដីមិនបានឱ្យយើងក្រនោះទេ ផ្ទុយទៅវិញ វាជាមរតកដែលយើងត្រូវមាននាពេលអនាគត។ ហេតុអ្វីខ្ញុំនិយាយអ៊ីចឹង…! ដោយសារមនុស្សចេះតែកើនឡើងពីមួយថ្ងៃទៅមួយថ្ងៃ ហើយការអភិវឌ្ឍទៀតសោត កំពុងរីកដុះដាលលូតលាស់ឆ្ពោះទៅឈរដំណែងជាកូនខ្លាសេដ្ឋកិច្ចនៅអាស៊ីរបស់កម្ពុជា»។

ទន្ទឹមនឹងនោះលោកឧកញ៉ា ក៏បានសម្តែងអបអរសាទរជាមួយរដ្ឋាភិបាលកម្ពុជា ដែលសម្រេចបានកិច្ចព្រមព្រៀងពាណិជ្ជកម្មសេរីកម្ពុជា-ចិន និងកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) បានចូលជាធរមានក្នុងថ្ងៃទី០១ ខែមករា ឆ្នាំ២០២២ ហើយកិច្ចព្រមព្រៀងពាណិជ្ជកម្មសេរីកម្ពុជា-កូរ៉េខាងត្បូង នឹងត្រូវចូលជាធរមានក្នុងពេលឆាប់ៗខាងមុខនេះផងដែរ។

បើតាមក្រសួងសេដ្ឋកិច្ច និងហិរញ្ញវត្ថុ សេដ្ឋកិច្ចរបស់កម្ពុជាមានកំណើនជាមធ្យមប្រមាណ ៧% ក្នុងរយៈពេលជាងពីរទសវត្សរ៍កន្លងមកនេះ។ ទោះបីជា សេដ្ឋកិច្ចកម្ពុជាមានកំណើនអវិជ្ជមានក្នុងអត្រា -៣,១% ក្នុងឆ្នាំ២០២០ ដោយសារវិបត្តិជំងឺរាតត្បាតកូវីដ-១៩ ក៏កំណើននេះបានកើនឡើងវិញប្រមាណ ៣% នៅឆ្នាំ២០២១ និងត្រូវបានគេព្យាករថានឹងមានកំណើនប្រមាណ ៥,៦% នៅឆ្នាំ២០២២៕

អត្ថបទ៖ កូនខ្លាគហបតី

The post អ្នកជំនាញ៖ ឱកាសបណ្តាក់ទុននៅក្នុងពេលនេះជារឿងល្អដែលអ្នកវិនិយោគគួរអភិវឌ្ឍ appeared first on .