ឧកញ៉ា ភូ ចាន់ដារិទ្ធ

ឧកញ៉ា ភូ ចាន់ដារិទ្ធ សូមសម្តែងការអបអរសាទរបំផុតជូនចំពោះ ឯកឧត្តមបណ្ឌិត ហ៊ុន ម៉ាណែត ដែលត្រូវបានព្រះមហាក្សត្រ ត្រាស់បង្គាប់ចាត់តាំងជា នាយករដ្ឋមន្ត្រី នៃព្រះរាជាណាចក្រកម្ពុជា

ឧកញ៉ាដែនដី — Mon, 07 Aug 2023 05:18:24 +0000

លោកឧកញ៉ា ភូ ចាន់ដារិទ្ធ អគ្គនាយកក្រុមហ៊ុន PCDR Co., Ltd និងជាអគ្គនាយកក្រុមហ៊ុនអចលនទ្រព្យ SR Real Estate និងលោកជំទាវ សូមអបអរសាទរដោយស្មោះជូនចំពោះ ឯកឧត្តមបណ្ឌិត ហ៊ុន ម៉ាណែត ដែលត្រូវបានព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ត្រាស់បង្គាប់ចាត់តាំងជា «នាយករដ្ឋមន្ត្រី នៃព្រះរាជាណាចក្រកម្ពុជា» សម្រាប់នីតិកាលទី៧ នៃរដ្ឋសភា នៅថ្ងៃទី ០៧ ខែសីហា ឆ្នាំ២០២៣នេះ។

ការទទួលបាននូវតួនាទីភារកិច្ចដ៏ឧត្តុង្គឧត្តមនេះ គឺពិតជាស័ក្តិសមជាទីបំផុត ដែល ឯកឧត្តមបណ្ឌិត ទទួលបានការគាំទ្រយ៉ាងច្រើនពីប្រជាពលរដ្ឋ តាមរយៈជោគជ័យនៃការបោះឆ្នោតជាតិជាតិជ្រើសតាំងតំណាងរាស្រ្ត នីតិកាលទី៧ នៃរដ្ឋសភា កន្លងទៅថ្មីៗនេះ ហើយនេះជាសក្ខីភាពមួយ ឆ្លុះបង្ហាញអំពីការខិតខំប្រឹងប្រែងប្រកបដោយឆន្ទៈ ដ៏មោះមុតរបស់ ឯកឧត្ដមបណ្ឌិត ដែលបានលះបង់អស់កម្លាំងកាយ និងប្រាជ្ញាស្មារតីមិនខ្លាចនឿយហត់ ដើម្បីបម្រើដល់ឧត្តមប្រយោជន៍ជូនប្រជាជន និងសង្គមជាតិ។

យើងខ្ញុំទាំងអស់គ្នា ជឿជាក់យ៉ាងមុតមាំថា រាជរដ្ឋាភិបាលកម្ពុជា ក្នុងអាណត្តិថ្មី ក្រោមមាគ៌ាដឹកនាំប្រកបដោយគតិបណ្ឌិតរបស់ ឯកឧត្តមបណ្ឌិត នឹងធ្វើឱ្យប្រទេសកម្ពុជា បន្តទទួលបាននូវសុខសន្តិភាព ស្ថិរភាពនយោបាយ និងការអភិវឌ្ឍរីកចម្រើនទៅមុខឥតឈប់ឈរលើគ្រប់វិស័យ ស្របទៅតាមមាគ៌ា និងមរតកនយោបាយដ៏ថ្លៃថ្លារបស់គណបក្សប្រជាជនកម្ពុជា ពិសេសមាគ៌ាដឹកនាំប្រកបដោយគតិបណ្ឌិត និងភាពប៉ិនប្រសប់របស់ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា ដែលធ្វើឱ្យជាតិមាតុភូមិមានភាពសម្បូរសប្បាយ ប្រជាពលរដ្ឋរស់នៅប្រកបដោយសុភមង្គល និងវិបុលភាព ព្រមទាំងទទួលបាននូវកិត្យានុភាពល្បីល្បាញទាំងក្នុងតំបន់ និងសកលលោក។

ជាថ្មីម្តងទៀត យើងខ្ញុំទាំងអស់គ្នាសូមលើកហត្ថបួងសួង វត្ថុស័ក្ដិសិទ្ធិទាំងឡាយ សូមជួយអភិបាលគ្រងរក្សា ប្រោះព្រំ ប្រសិទ្ធពរ បវរមហាប្រសើរ ជូន ឯកឧត្តមបណ្ឌិត ហ៊ុន ម៉ាណែត និង លោកជំទាវ ព្រមទាំងគ្រួសារជាទីស្រឡាញ់ សូមបានប្រកបនូវព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍៕

The post ឧកញ៉ា ភូ ចាន់ដារិទ្ធ សូមសម្តែងការអបអរសាទរបំផុតជូនចំពោះ ឯកឧត្តមបណ្ឌិត ហ៊ុន ម៉ាណែត ដែលត្រូវបានព្រះមហាក្សត្រ ត្រាស់បង្គាប់ចាត់តាំងជា នាយករដ្ឋមន្ត្រី នៃព្រះរាជាណាចក្រកម្ពុជា appeared first on .

ឧកញ៉ា ភូ ចាន់ដារិទ្ធ អបអរសាទរអ្នកឧកញ៉ា គិត ម៉េង ដែលភរិយានិងកូនប្រុស ទទួលបានគោរមងារ «អ្នកឧកញ៉ា» និង «ឧកញ៉ា»

ឧកញ៉ាដែនដី — Mon, 10 Jul 2023 11:32:41 +0000

លោកឧកញ៉ា ភូ ចាន់ដារិទ្ធ អគ្គនាយកក្រុមហ៊ុន PCDR Co., Ltd និងជាអគ្គនាយកក្រុមហ៊ុនអចលនទ្រព្យ SR Real Estate និងលោកជំទាវ ព្រមទាំងបុគ្គលិកគ្រប់លំដាប់ថ្នាក់ទាំងអស់ សូមផ្ញើសារអបអរសាទរអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាអគ្គនាយកក្រុមហ៊ុន រ៉ូយាល់ គ្រុប ដែលភរិយារបស់លោកគឺ លោកជំទាវឧកញ៉ា ម៉ៅ ចំណាន និងកូនប្រុសច្បង លោក គិត ស៊ូឡា ត្រូវបានព្រះមហាក្សត្រចេញព្រះរាជក្រឹត្យ ផ្តល់គោរមងារជា «អ្នកឧកញ៉ា» និង «ឧកញ៉ា» នៅថ្ងៃទី០៤ ខែកក្កដា ឆ្នាំ២០២៣។

នាឱកាសប្រកបដោយក្ដីសោមនស្សរីករាយនេះ យើងខ្ញុំសូមបួងសួងដល់គុណបុណ្យ ព្រះរតនត្រ័យ កែវទាំងបី វត្ថុស័ក្ដិសិទ្ធិក្នុងលោក និងទេវតាឆ្នាំថ្មី សូមប្រោះប្រទានពរជ័យជូនចំពោះ អ្នកឧកញ៉ា គិត ម៉េង លោកជំទាវអ្នកឧកញ៉ា ម៉ៅ ចំណាន លោកឧកញ៉ា គិត ស៊ូឡា និងក្រុមគ្រួសារជាទីស្រឡាញ់ សូមមានសុខភាពល្អបរិបូរណ៍ បញ្ញាញាណវាងវៃ អាយុយឺនយូរ សម្រេចបានជោគជ័យបន្ថែមទៀត ដើម្បីចូលរួមចំណែកជួយអភិវឌ្ឍប្រទេសកម្ពុជាលើគ្រប់វិស័យ និងសូមបានសមប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post ឧកញ៉ា ភូ ចាន់ដារិទ្ធ អបអរសាទរអ្នកឧកញ៉ា គិត ម៉េង ដែលភរិយានិងកូនប្រុស ទទួលបានគោរមងារ «អ្នកឧកញ៉ា» និង «ឧកញ៉ា» appeared first on .

ឧកញ៉ា ភូ ចាន់ដារិទ្ធ៖ ធ្វើជំនួញ រាល់ទំនាក់ទំនងសុទ្ធតែត្រូវគិតពីផលប្រយោជន៍

ឧកញ៉ា ឆ្នាំងដី — Sun, 09 Jul 2023 02:09:50 +0000

ឧកញ៉ា ភូ ចាន់ដារិទ្ធ បច្ចុប្បន្នអគ្គនាយកក្រុមហ៊ុន PCDR Co., Ltd ជាក្រុមហ៊ុននាំចូលបរិក្ខាសុខាភិបាល និងលក់ផលិតផលឱសថ ហេនខ្យួរ (HENP Cure)។ លោក ធ្លាប់រកស៊ីសាងសង់ផ្ទះល្វែងលក់នៅឆ្នាំ២០១៦ និងត្រូវបានព្រះមហាក្សត្រចេញព្រះរាជក្រឹត្យ ត្រាស់បង្គាប់ផ្តល់គោរមងារជា «ឧកញ៉ា» កាលពីថ្ងៃទី២៦ ខែកុម្ភៈ ឆ្នាំ២០២២។

ផ្តើមពីបុគ្គលម្នាក់ដែលមានបញ្ហាគៀបសរសៃឆ្អឹងខ្នងរហូតដល់ឆ្លងកាត់ការវះកាត់ និងទទួលបានអាការៈធូរស្បើយដោយសារការប្រើប្រាស់ឱសថហេនខ្យួរ លោកឧកញ៉ា ភូ ចាន់ដារិទ្ធ ក៏បានសម្រេចចិត្តនាំចូលផលិតផលដែលគុណភាពនេះ មកលក់ជូនដល់ប្រជាពលរដ្ឋខ្មែរដែលបញ្ហាសន្លាក់ សរសៃ ឆ្អឹង និងសាច់ដុំ។

ដ្បិតតែមិនទាន់ស្គាល់ពាក្យបរាជ័យចំពោះអាជីវកម្មក៏ពិតមែន ប៉ុន្តែឧកញ៉ា ភូ ចាន់ដារិទ្ធ ក៏ធ្លាប់ជួបបញ្ហានៅក្នុងអាជីវកម្មច្រើនមិនអស់ផងដែរ។

សូមទស្សនាវីដេអូខាងក្រោម៖

The post ឧកញ៉ា ភូ ចាន់ដារិទ្ធ៖ ធ្វើជំនួញ រាល់ទំនាក់ទំនងសុទ្ធតែត្រូវគិតពីផលប្រយោជន៍ appeared first on .

ក្រោយប្រឡូកអាជីវកម្មជិត២០ឆ្នាំ ឧកញ៉ា ភូ ចាន់ដារិទ្ធ មានពាក្យមួយឃ្លា ចែករំលែកដល់អ្នកជំនាន់ក្រោយ

ឧកញ៉ាដែនដី — Tue, 04 Jul 2023 05:18:19 +0000

ឧកញ៉ា ភូ ចាន់ដារិទ្ធ អគ្គនាយកក្រុមហ៊ុន PCDR Co., Ltd និងជា អគ្គនាយកក្រុមហ៊ុនអចលនទ្រព្យ SR Real Estate បានបង្ហើបឱ្យដឹងពីគន្លឹះសំខាន់ខ្លះៗ ក្នុងការធ្វើអាជីវកម្មឱ្យទទួលបានជោគជ័យ។ ក្រោយប្រឡូកក្នុងអាជីវកម្មផ្ទាល់ខ្លួន អស់រយៈពេលជិត ២០ឆ្នាំ លោកឧកញ៉ា សូមផ្តាំផ្ញើថា ធ្វើអ្វីក៏ដោយត្រូវមានផែនការច្បាស់លាស់មួយ មានគោលដៅមួយពិតប្រាកដ ហើយរាល់ការងារអាជីវកម្មទាំងអស់ ផ្តោតមុនគេ គឺ «គុណភាព»។

ថ្លែងក្នុងបទសម្ភាសន៍ជាមួយ ឧកញ៉ាញូស៍ កាលពីពេលថ្មីៗនេះ ឧកញ៉ា ភូ ចាន់ដារិទ្ធ បានឱ្យដឹងថា ការប្រកបអាជីវកម្មរបស់លោក ដំបូងឡើយគឺផ្នែកខាង Credit Operator (ប្រាក់កម្ចីជនបទ)។ បន្ទាប់មកនៅឆ្នាំ២០១៦ លោកចាប់ផ្តើមធ្វើជាអ្នកអភិវឌ្ឍន៍លំនៅឋាន ដោយបង្កើតក្រុមហ៊ុនអចលនទ្រព្យ SR Real Estate សង់ផ្ទះល្វែងលក់នៅផ្នែកខ្លះនៃខេត្តកំពង់ស្ពឺ និងខេត្តកណ្តាល។ រហូតដល់ឆ្នាំ២០២១ លោកឧកញ៉ា បានបើកក្រុមហ៊ុនមួយទៀត គឺក្រុមហ៊ុន PCDR Co., Ltd ដែលជាក្រុមហ៊ុននាំចូលបរិក្ខាសុខាភិបាល និងឱសថធម្មជាតិ ហេនខ្យួរ (HENP Cure)។

លោកឧកញ៉ា បានបន្តយ៉ាងដូច្នេះថា៖ “ចំពោះការប្រឡូកក្នុងអាជីវកម្ម គឺខ្ញុំបានប្រឡូកអស់រយៈពេលជិត ២០ឆ្នាំមកហើយ ហើយតែងតែបង្កើតក្រុមហ៊ុនខ្លួនឯងជានិច្ច តាំងពីដំបូងមក ព្រោះខ្ញុំចូលចិត្តសហគ្រិនភាព។ អ្វីដែលជាបទពិសោធន៍ គឺធ្វើកិច្ចការអ្វីក៏ដោយ យើងត្រូវមានផែនការច្បាស់លាស់មួយ ហើយគោលដៅមួយពិតប្រាកដ មិនអាចធ្វើលំៗតែមួយគ្រាៗនោះទេ។ រាល់កិច្ចការដែលខ្ញុំធ្វើ គឺតែងតែមានផែនការមួយច្បាស់លាស់ ហើយយើងផ្តោត ខំប្រឹង តស៊ូ និងមិនបោះបង់ ហើយរាល់ការងារអាជីវកម្មទាំងអស់ ផ្តោតមុនគេ គឺគុណភាព”។

សូមជម្រាបជូនថា លោកឧកញ៉ា ភូ ចាន់ដារិទ្ធ ជាឧកញ៉ាវ័យក្មេងមួយរូប កំពុងប្រកបមុខជំនួញលើពហុវិស័យ និងមានតួនាទីជាច្រើនក្នុងការងារសង្គមផ្សេងទៀតផងដែរដូចជា សមាជិកសភាពាណិជ្ជកម្មកម្ពុជា និងជា សមាជិកសមាគមឧកញ៉ាកម្ពុជា។ តាមរយៈការខិតខំប្រឹងប្រែងប្រកបមុខជំនួញជាច្រើនឆ្នាំ ព្រមទាំងការចូលរួមកិច្ចការងារជួយសង្គមជាច្រើនផងនោះ លោកត្រូវបានព្រះមហាក្សត្រចេញព្រះរាជក្រឹត្យ ត្រាស់បង្គាប់ផ្តល់គោរមងារជា «ឧកញ៉ា» កាលពីថ្ងៃទី២៦ ខែកុម្ភៈ ឆ្នាំ២០២២៕

The post ក្រោយប្រឡូកអាជីវកម្មជិត២០ឆ្នាំ ឧកញ៉ា ភូ ចាន់ដារិទ្ធ មានពាក្យមួយឃ្លា ចែករំលែកដល់អ្នកជំនាន់ក្រោយ appeared first on .

ឧកញ៉ា ភូ ចាន់ដារិទ្ធ ប្រាប់វិធីសាស្ត្រឱ្យទទួលបានលទ្ធផលជោគជ័យថ្មីៗ ក្នុងឆ្នាំថ្មី២០២៣

ឧកញ៉ាដែនដី — Thu, 05 Jan 2023 02:37:52 +0000

លោកឧកញ៉ា ភូ ចាន់ដារិទ្ធ អគ្គនាយកក្រុមហ៊ុន PCDR Co., Ltd និងជាអគ្គនាយកក្រុមហ៊ុនអចលនទ្រព្យ SR Real Estate បានផ្តល់ជាអនុសាសន៍ថា កុំរំពឹងខ្ពស់តែលើឆ្នាំថ្មីពេក បើសកម្មភាពរបស់អ្នកនៅតែដដែល នោះលទ្ធផលក៏នៅតែដដែលដូចគ្នា ដូច្នេះជាវិធីសាស្ត្រល្អគឺ ត្រូវតែផ្លាស់ប្តូរសកម្មភាព ផ្លាស់ប្តូរទម្លាប់ ទើបទទួលបានលទ្ធផលថ្មី។

ប្រធានប្រឹក្សាយោបល់សមាគមរាជសីហ៍ សាខាខេត្តកំពង់ស្ពឺ រូបនេះ បានលើកឡើងលើបណ្តាញសង្គម កាលពីថ្ងៃពុធម្សិលមិញ យ៉ាងដូច្នេះថា៖ “កុំរំពឹងខ្ពស់តែលើឆ្នាំថ្មីពេក បើសកម្មភាពរបស់អ្នកនៅតែដដែល នោះលទ្ធផលក៏នៅតែដដែលដូចគ្នា! សម័យនេះហើយ មិនអាចផ្ដេកផ្ដួលតែលើព្រេងវាសនាបានទេ មិនអាចធ្វើបុណ្យ ១ដុល្លារ ប្រាថ្នាលុយ ១០លានដុល្លារបានទេ ធ្វើបែបហ្នឹង កុំថាឡើយទេវតាគិតថាមិនសម ខ្ញុំក៏យល់ថាវាមិនយុតិ្តធម៌ដែរ! ផ្លាស់ប្ដូរសកម្មភាព ផ្លាស់ប្ដូរទម្លាប់ ទើបទទួលបានលទ្ធផលថ្មី”។

សូមជម្រាបជូនថា លោកឧកញ៉ា ភូ ចាន់ដារិទ្ធ ជាឧកញ៉ាវ័យក្មេងមួយរូប កំពុងប្រកបមុខជំនួញលើពហុវិស័យ និងមានតួនាទីជាច្រើនក្នុងការងារសង្គមផ្សេងទៀតផងដែរ។ តាមរយៈការខិតខំប្រឹងប្រែងប្រកបមុខជំនួញជាច្រើនឆ្នាំ ព្រមទាំងការចូលរួមកិច្ចការងារជួយសង្គមជាច្រើនផងនោះ លោក ភូ ចាន់ដារិទ្ធ ត្រូវបានព្រះមហាក្សត្រចេញព្រះរាជក្រឹត្យ ត្រាស់បង្គាប់ផ្តល់គោរមងារជា «ឧកញ៉ា» ដល់រូបលោក កាលពីថ្ងៃទី២៦ ខែកុម្ភៈ ឆ្នាំ២០២២៕

The post ឧកញ៉ា ភូ ចាន់ដារិទ្ធ ប្រាប់វិធីសាស្ត្រឱ្យទទួលបានលទ្ធផលជោគជ័យថ្មីៗ ក្នុងឆ្នាំថ្មី២០២៣ appeared first on .

ឧកញ៉ា ភូ ចាន់ដារិទ្ធ ឧបត្ថម្ភកីឡាករ ធឿន ធារ៉ា ម្ចាស់ពានរង្វាន់ប្រដាល់ស្ដេចថៃ ចំនួន ២លានរៀល

អ្នកឧកញ៉ាវត្តភ្នំ — Fri, 30 Dec 2022 03:09:15 +0000

អគ្គនាយកក្រុមហ៊ុន PCDR Co., Ltd និងជាអគ្គនាយកក្រុមហ៊ុនអចលនទ្រព្យ SR Real Estate ឧកញ៉ា ភូ ចាន់ដារិទ្ធ បានឧបត្ថម្ភថិវកា ជូនកីឡាករ ធឿន ធារ៉ា ចំនួន ២លានរៀល និងកីឡាករ ហ៊ុន ថង ចំនួន ១លានរៀល ដើម្បីជាការចូលរួមអបអរសាទរ និងលើកទឹកចិត្តដល់ម្ចាស់ពានរង្វាន់របស់ព្រះមហាក្សត្រថៃឆ្នាំ២០២២ «THAI FIGHT 100 Years Nakhon Ban» ដែលទើបតែដណ្ដើមខ្សែក្រវាត់ វាយឈ្នះកីឡាករថៃ កាលពីថ្ងៃទី២៤ ខែធ្នូ ឆ្នាំ២០២២ នៅប្រទេសថៃ។

ក្រៅពីជូនថវិកាលើកទឹកចិត្តកីឡាករប្រដាល់ខ្មែរទាំង ២រូប ខាងលើ ឧកញ៉ាវ័យក្មេង និងជាសមាជិកសភាពាណិជ្ជកម្មកម្ពុជាផង បានជូនថវិកាជូនលោកគ្រូ អេភូ ថង និងលោកគ្រូ ស៊ន អេឡិត ក្នុងម្នាក់ ៤០ម៉ឺនរៀល រួមទាំងអញ្ជើញពិសារអាហារសាមគ្គីជួបជុំគ្នា ក្រោមបរិយាកាសយ៉ាងរីករាយ ប្រកបដោយស្នាមញញឹម។

ឧកញ៉ា ភូ ចាន់ដារិទ្ធ ថ្លែងថា៖ ក្រោយពីបានជួបជជែកគ្នា ជាមួយលោកគ្រូអេ ភូថង និងប្អូនប្រុស ធឿន ធារ៉ា ក៏ដូចជាប្អូនប្រុស ហ៊ុន កង រួចមក ខ្ញុំពិតជាមានក្ដីរំភើប និងភ្ញាក់ផ្អើលជាខ្លាំង នៅពេលដែលបានដឹងអំពីជីវិតពិត និងការតស៊ូរបស់កីឡាករខ្មែរយើងម្នាក់ៗ ដោយពួកគាត់សុទ្ធតែឆ្លងកាត់ ការលំបាក ពុះពារគ្រប់ឧបសគ្គ ទម្រាំបានសម្រេចជោគជ័យជូនជាតិមាតុភូមិដូចថ្ងៃនេះ នៅពីក្រោយភាពជោគជ័យ ដែលយើងបានឃើញថ្ងៃនេះ បង្គប់នូវការលំបាក ភាពនឿយហត់ បាក់ទឹកចិត្ត និងរងការរិះគន់ ជាច្រើនលើក ច្រើនសារមកពីគ្រប់មជ្ឈដ្ឋានទាំងអស់។

លោក បន្តថា៖ ដោយបានយល់ច្បាស់ និងមានក្ដីអាណិតអាសូរ ខ្ញុំមានតែទឹកចិត្តបន្តិចបន្តួច ដោយជូនជាថវិការលើកទឹកចិត្ត ដល់ប្អូនប្រុសទាំងពីរ និងលោកគ្រូ ដែលខំប្រឹងប្រែងយ៉ាងខ្លាំងសកម្មក្នុងការអភិរក្ស និងផ្សព្វផ្សាយគុណខ្មែរយើងទៅកាន់ពិភពលោក គុណខ្មែរខ្លាំង….!

ជាចុងក្រោយ លោកឧកញ៉ាវ័យក្មេង ភូ ចាន់ដារិទ្ធ ក៏សូម សំណូមពរ ដល់បងប្អូនជនរួមជាតិទាំងអស់គ្នាបើកចិត្តទូលាយ គាំទ្រវិស័យកីឡាប្រដាល់ខ្មែរយើង ដោយលើកទឹកចិត្ត កីឡាកររបស់យើងស្មើរៗគ្នា ទោះក្នុងកាលៈទេសៈឈ្នះក្ដី ចាញ់ក្ដី សូមរិះគុណក្នុងន័យស្ថាបនា កុំជាន់ពន្លិច កុំក្ដិចត្រួយ។ ជាពិសេសលោកឧកញ៉ា ក៏សូមលើកទឹកចិត្តឲ្យប្អូនៗ កីឡាករយើងព្យាយាមហ្វឹកហាត់ យកចិត្តទុកដាក់ស្ដាប់តាម គ្រូបង្គោល ដើម្បីអាចសម្រេចបាននូវគោលដៅ យកបានជ័យជម្នះ ល្បីឈ្មោះសុះសាយ លើកមុខ លើកមាត់ប្រទេសជាតិយើងតរៀងទៅ។

ក្រោយផ្ដួលកីឡាករ សៃយុគ ភុមផាន់មួង របស់ថៃក្នុងទឹកទី១ ដោយបុកមួយកែងធ្វើឱ្យកីឡាករថៃបែកចិញ្ចើមធ្ងន់ធ្ងរ មិនអាចបន្តការប្រកួតបាន កូនសិស្សគុនលោកគ្រូ អេភូ ថង និងកូនចៅអ្នកស្រុកពាមរក៍ ខេត្តព្រៃវែង កីឡាករប្រដាល់ ធឿន ធារ៉ា បានជាប់ឈ្នះជាកីឡាករសាងព្រឹត្តិការណ៍ប្រវត្តិសាស្ត្រថ្មីមួយទៀត សម្រាប់កីឡាករប្រដាល់របស់ខ្មែរ ដែលមានសមត្ថភាពអាចឈានទៅយកខ្សែក្រវាត់ និងពានរបស់ព្រះមហាក្សត្រថៃបានគួរជាទីមោទនភាព។

បន្ទាប់ពីឈ្នះ កំពូលកីឡាករថៃ សៃយុគ ភុមផាន់មួង ត្រឹមទឹក១ ធឿន ធារ៉ា ទទួលបានប្រាក់រង្វាន់លុយសុទ្ធប្រមាណ ១លានបាត ប្រហាក់ប្រហែលនឹង ១២០លានរៀល រួមជាពានមួយ និងខ្សែក្រវាត់មួយ បូកផ្សំជាមួយប្រាក់លើកទឹកចិត្តជាច្រើនទៀត។ មិនតែប៉ុណ្ណោះ ក៏មានសប្បុរជន ជាច្រើនរូបនៅកម្ពុជា បានបន្តចូលរួមឧបត្ថម្ភថវិកា និងលើកទឹកចិត្តកីឡាករ ធឿន ធារ៉ា ជាហូរហែថែមទៀតផង៕

The post ឧកញ៉ា ភូ ចាន់ដារិទ្ធ ឧបត្ថម្ភកីឡាករ ធឿន ធារ៉ា ម្ចាស់ពានរង្វាន់ប្រដាល់ស្ដេចថៃ ចំនួន ២លានរៀល appeared first on .

លោកឧកញ៉ាវ័យក្មេង ភូ ចាន់ដារិទ្ធ កំពុងកាន់កាប់ក្រុមហ៊ុនពីរ និងមានតួនាទីជាច្រើនទៀត

ឧកញ៉ាដែនដី — Tue, 20 Dec 2022 03:14:48 +0000

លោកឧកញ៉ា ភូ ចាន់ដារិទ្ធ បច្ចុប្បន្នកំពុងកាន់កាប់ក្រុមហ៊ុនចំនួនពីរ ដោយលោកជា អគ្គនាយកក្រុមហ៊ុន PCDR Co., Ltd និងជា អគ្គនាយកក្រុមហ៊ុនអចលនទ្រព្យ SR Real Estate។ ក្រៅពីម្ចាស់ក្រុមហ៊ុន លោកឧកញ៉ាវ័យក្មេងរូបនេះ ក៏បានឆ្លៀតពេលធ្វើការងារសង្គមមួយចំនួន ហើយលោកក៏មានតួនាទីផ្សេងៗខ្លះទៀតផងដែរ។

ក្រុមហ៊ុន PCDR Co., Ltd របស់ឧកញ៉ា ភូ ចាន់ដារិទ្ធ ជាក្រុមហ៊ុនលក់ផលិតផលឱសថ ហេនខ្យួរ (HENP Cure) ឯកទេសដោះស្រាយបញ្ហាសន្លាក់ សរសៃ ឆ្អឹង និងសាច់ដុំ។ រីឯក្រុមហ៊ុនអចលនទ្រព្យ SR Real Estate របស់លោកឧកញ៉ា ជាក្រុមហ៊ុនមានគម្រោងផ្ទះល្វែង ផ្ទះវីឡាកូនកាត់បែបទំនើបៗ ដែលមានទីតាំងស្ថិតនៅភូមិត្រាំខ្នារ ឃុំស្នំក្រពើ ស្រុកគងពិសី ខេត្តកំពង់ស្ពឺ។

ឧកញ៉ា ភូ ចាន់ដារិទ្ធ ក៏ជាសមាជិកសភាពាណិជ្ជកម្មកម្ពុជា ខណៈដែលលោកក៏បានអញ្ជើញចូលរួមអមដំណើរ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ចូលរួមកិច្ចប្រជុំកំពូលរំលឹកខួបអនុស្សាវរីយ៍ ខួបលើកទី៤៥ អាស៊ាន-អឺរ៉ុប កាលពីសប្តាហ៍មុនផងដែរ។ បន្ថែមពីនេះ លោកឧកញ៉ា ភូ ចាន់ដារិទ្ធ ក៏មានតួនាទីជាប្រធានប្រឹក្សាយោបល់សមាគមរាជសីហ៍ សាខាខេត្តកំពង់ស្ពឺ។

សូមជម្រាបជូនថា ដោយមានក្តីស្រមៃខ្លួនឯងតាំងពីក្មេង “ចង់ក្លាយជាអ្នកជំនួញ ចង់ក្លាយជាអ្នកមានម្នាក់” និងតាមរយៈការខិតខំប្រឹងប្រែងប្រកបមុខជំនួញជាច្រើនឆ្នាំ ព្រមទាំងការចូលរួមកិច្ចការងារជួយសង្គមជាច្រើនផងនោះ លោក ភូ ចាន់ដារិទ្ធ ត្រូវបានព្រះមហាក្សត្រចេញព្រះរាជក្រឹត្យ ត្រាស់បង្គាប់ផ្តល់គោរមងារជា «ឧកញ៉ា» ដល់រូបលោក កាលពីថ្ងៃទី២៦ ខែកុម្ភៈ ឆ្នាំ២០២២។

លោកឧកញ៉ាវ័យក្មេង ភូ ចាន់ដារិទ្ធ ធ្លាប់មានប្រសាសន៍ដ៏មានអត្ថន័យជ្រាលជ្រៅមួយថា៖ “បើយើងកើតមកក្រ សូមកុំបន្តវេនភាពក្រទៅជំនាន់ក្រោយទៀត ត្រូវតែស៊ូៗ ដើម្បីលុបបំបាត់ភាពក្រទាំងអស់គ្នា និងដើម្បីជួយគ្រួសារ សាច់ញាតិបងប្អូន ជួយអ្នកក្បែរខ្លួន និងជួយសង្គមជាតិ ឱ្យបានច្រើនបំផុត តាមដែលអាចធ្វើបាន”៕

The post លោកឧកញ៉ាវ័យក្មេង ភូ ចាន់ដារិទ្ធ កំពុងកាន់កាប់ក្រុមហ៊ុនពីរ និងមានតួនាទីជាច្រើនទៀត appeared first on .

អ្នកជំនួញអចលនទ្រព្យម្នាក់ទៀតហើយ ទទួលបានគោរមងារ “ឧកញ៉ា”

ឧកញ៉ាតូច — Thu, 03 Mar 2022 10:53:06 +0000

ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ ទ្រង់ឡាយព្រះហស្តលេខា ត្រាស់បង្គាប់ លោក ភូ ចាន់ដារិទ្ធ ជាឧកញ៉ា កាលពីថ្ងៃទី២៦ ខែកុម្ភៈ ឆ្នាំ២០២២នេះ។

ភ្លាមៗបន្ទាប់ពីទទួលបានគោរមងារជាឧកញ៉ា លោកមានប្រសាសន៍ថា ទួលបង្គំជាខ្ញុំ ភូ ចាន់ដារិទ្ធ មានសេចក្តីរំភើបឥតឧប្បមា និងមហាកិត្តិយស ដែលបានព្រះមហាក្សត្រជីវិតដម្កល់លើត្បូងទ្រង់សព្វព្រះរាជហរទ័យប្រោសព្រះរាជទានគោរមងារជា ឧកញ៉ា ដល់ទួលព្រះបង្គំ។

សូមជម្រាបជូនថា លោក ភូ ចាន់ដារិទ្ធ បច្ចុប្បន្នជាប្រធានក្រុមប្រឹក្សាយោបល់សមាគមរាជសីហ៍សាខា ខេត្តកំពង់ស្ពឺ និងម្ចាស់ក្រុមហ៊ុន CPDR Co.,LTD និងជា CEO SR Real Estate។

លើសពីនេះលោកក៏ជាអ្នកជំនួញមួយរូបដែលតែងតែបរិច្ចាគទឹកប្រាក់ និងធនធានសម្ភារៈផ្សេងទៀតជូនដល់រាជរដ្ឋាភិបាល ដែលហេតុបណ្តាលឱ្យប្រមុខរាជរដ្ឋាភិបាល សម្តេចតេជោ ហ៊ុន សែន ស្នើសុំក្រាបទូលថ្វាយដល់ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ត្រាស់បង្គាប់ផ្តល់គោរមងារឧកញ៉ា នាពេលនេះ៕

The post អ្នកជំនួញអចលនទ្រព្យម្នាក់ទៀតហើយ ទទួលបានគោរមងារ “ឧកញ៉ា” appeared first on .