តាមរយៈអនុក្រឹត្យលេខ ៧៨២ អនក្រ.តត ចុះថ្ងៃទី០៣ ខែកក្កដា ឆ្នាំ២០២៣​ ​​ក៏​បាន​ទទួល​ស្គាល់​សមាជិក​ជ្រើស​តាំង​សភាពាណិជ្ជកម្ម​ខេត្ត​បាត់ដំបង​ ចំនួន ១៥​រូប សម្រាប់​អាណត្តិទី១ លើកទី២ ​ដែល​រួម​មាន​ដូចជា៖ ១)ឧកញ៉ា ភួ វាសនា ២)លោក ពៅ ជា ៣)លោក ហ៊ុន វិបុល ៤)លោក ចាប ឃីម ៥)លោក អ៊ិត ម៉ៃខូល ៦)លោក យ៉ាន ហួត ៧)លោក ភួ អធិស័ក្ត ៨)លោកស្រី យី វណ្ណា ៩)លោក កែវ សម្បត្តិ ១០)លោក ជឹង ឆេងលី ១១)លោក ជា សុខឡេង ១២)លោក ឡូរ បូរិទ្ធ ១៣)លោក ឃុន ងួនហេង ១៤)លោក តាំង ឡេង និង ១៥)លោក ជិន ប៉ាវ។

សូម​ជម្រាប​ថា ការបោះឆ្នោត​ជ្រើសរើសសមាជិកជ្រើសតាំង និងប្រធានសភាពាណិជ្ជកម្មខេត្តបាត់ដំបង អាណត្តិទី១ លើកទី២ ​​ត្រូវ​បាន​ធ្វើ​ឡើង​នៅមន្ទីពាណិជ្ជកម្មខេត្តបាត់ដំបង ​​កាលពី​​​ថ្ងៃ​ពុធ ទី​០៤ ខែមករា ឆ្នាំ២០២៣។ ជាលទ្ធផល ឧកញ៉ា​ ភួ​ វាសនា​ អនុប្រធាន​សភាពាណិជ្ជកម្មកម្ពុជា ​​បាន​ជាប់ឆ្នោតជាប្រធាន​សភាពាណិជ្ជកម្មខេត្តបាត់ដំបង សម្រាប់អាណត្តិទី១ លើកទី២នេះ ជាបន្តទៀត ហើយ​គណៈកម្មការ​រៀបចំការ​បោះឆ្នោតជ្រើសរើស​បានសមាជិកជ្រើសតាំង ចំនួន៧រូប ដើម្បីបំពេញបន្ថែមសមាជិក​ចាស់ ដែលនៅក្នុងអាណត្តិ ចំនួន៨រូប ​បង្គ្រប់ចំនួន១៥រូប៕

The post សម្តេចតេជោ ហ៊ុន សែន ចេញអនុក្រឹត្យទទួលស្គាល់ឧកញ៉ា ភួ វាសនា ជាប្រធានសភាពាណិជ្ជកម្មខេត្តបាត់ដំបង appeared first on .

ក្នុង​ឱកាស​នោះ​ដែរ ​លោក​ឧកញ៉ា ភួ វាសនា ​​បាន​ទទួល​ជួប​លោក ​Nyuyen Thanh Van អគ្គកុងស៊ុល​នៃស្ថាន​អគ្គកុងស៊ុល​សាធារណរដ្ឋសង្គមនិយមវៀតណាម ​ប្រចាំខេត្តបាត់ដំបង​ និង​តំណាងសមាគម​ពាណិជ្ជករនៃខេត្ត​វង់តាវ​ ប្រទេសវៀតណាម។ បន្ទាប់​មក លោក​ឧកញ៉ា បាន​អញ្ជើញ​គណៈប្រតិភូ​វៀតណាម​​ទៅ​ទស្សនកិច្ច​​ រោងចក្រ​កិនស្រូវ​ កសិដ្ឋានចញ្ចឹមគោ​ ចំការទុរេន​ និងប្រភេទដីនៅស្រុកសំឡូត ខណៈ​ដែល​តំណាងសមាគម​ពាណិជ្ជករ​នៃខេត្ត​វង់តាវ កំពុងស្វែងរកឱកាស​វិនិយោគ ​នៅខេត្តបាត់ដំបង ដោយ​ផ្តោតសំខាន់លើ​វិស័យកសិកម្ម​​តែ​ម្តង។

សូម​ជម្រាប​ថា ខេត្តបាត់ដំបង​ ជា​ខេត្ត​មួយ​ដែល​ត្រូវ​បាន​គេ​ចាត់ទុក​ថា​ ជា​ខេត្ត​​​​​មាន​សក្តានុពល​ខ្លាំង​លើ​វិស័យ​កសិកម្ម។ ជាមួយ​គ្នា​នេះ កាលពី​ថ្ងៃទី២២ ខែឧសភា ឆ្នាំ២០២៣ កន្លង​ទៅ​ថ្មីៗ ​​សម្តេចតេជោ ហ៊ុន សែន នាយក​រដ្ឋមន្ត្រីកម្ពុជា ​​​ក៏​បាន​ប្រកាស​កំណត់​យក​​​ខេត្ត​ចំនួន​៤ រួមមាន ខេត្ត​ពោធិ៍សាត់ បាត់ដំបង បន្ទាយមានជ័យ និង​ខេត្ត​ប៉ៃលិន ​​ជា​ប៉ូលសេដ្ឋកិច្ច​ទី៤ ដែល​មាន​សក្កានុពល​ក្នុងការផ្គត់ផ្គង់​ត្រី និងអង្ករ​ផង​ដែរ៕

The post ឧកញ៉ា ភួ វាសនា នាំគណៈប្រតិភូវៀតណាម ទស្សនកិច្ចស្វែងរកឱកាសវិនិយោគ នៅខេត្តបាត់ដំបង appeared first on .

ពិធីសម្ពោធរោងចក្រថ្មី នៃ​សហគ្រាស​កែច្នៃ​ម្ហូប​អាហារ និងភេសជ្ជៈ​​​នេះ មាន​ការ​ចូល​រួម​​​ពី​អាជ្ញាធរ​ដែនដី ​​​រួម​ទាំង​វត្តមាន​លោកជំទាវ​​ឧកញ៉ា កែវ មុំ ប្រធានសមាគម​ស្ត្រីកម្ពុជា ​​ព្រម​ទាំង​ភ្ញៀវ​កិត្តិយស​ជា​ច្រើន​រូប​ទៀត​ផង​ដែរ។ លោក អ៊ុយ ចេងហេង ស្ថាបនិក​ក្រុមហ៊ុន ណាវីតា ដែលបានបញ្ចប់ការសិក្សាថ្នាក់អនុបណ្ឌិតផ្នែក វិស្វកម្ម​ឧស្សាហកម្ម មកពីសាកលវិទ្យាល័យ Mahidol University ប្រទេសថៃ ​ធ្លាប់​បាន​លើក​ឡើង​ថា ​​ត្រឹម​រយៈពេល​មិន​ដល់​ ២​ឆ្នាំ ​ក្រុមហ៊ុន ណាវីតា ​​ទទួល​បាន​ការ​​គាំទ្រ​ និង​ការ​ទទួល​ស្គាល់​​​ពី​ស្ថាប័នរដ្ឋ និង​ឯកជន​យ៉ាង​លឿន ក្នុង​វិស័យ​កសិឧស្សាហកម្ម។ ជាក់ស្តែង ​​កាល​ចុង​ឆ្នាំ​២០២១ ​​ណាវីតា ​​បាន​ឈ្នះ​ពាន​រង្វាន់ «ឧស្សាហកម្ម​បៃតង» ពីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។ នៅ​ឆ្នាំ២០២២ ​​ក្រុមហ៊ុន​បន្ត​ទទួល​បាន​ពាន​រង្វាន់​មាស​ឧស្សាហកម្ម​បៃតង ខណៈ​ដែលម្ចាស់​ក្រុមហ៊ុន​ ​លោក អ៊ុយ ចេងហេង ​​ក៏​បាន​ឈ្នះ​ពាន​រង្វាន់​សហគ្រិន​ថ្នាក់​ជាតិ​ចំណាត់ថ្នាក់លេខ១ ក្នុង​តំបន់​ភូមិភាគ​ពាយព្យ ខេត្តបាត់ដំបង។

គួរ​បញ្ជាក់​ថា ក្រុមហ៊ុន ណាវីតា ត្រូវ​បាន​បង្កើត​ឡើង​នៅ​ខែ​វិច្ឆិកា ឆ្នាំ២០២០ ដែលជាសហគ្រាសផលិត​តំណាប់​ផ្លែឈើស្ងួត និង​ភេសជ្ជៈជាច្រើនប្រភេទ។ បន្ទាប់មក ​នៅ​ឆ្នាំ២០២១ ក្រុមហ៊ុន​បាន​ចុះ​បញ្ជី​ពាណិជ្ជកម្ម ​​ដោយ​ដាក់​ឈ្មោះ​ក្រុមហ៊ុន​​ទៅ​ជា ណាវីតា ហ៊ែលស៊ីហ្វូដ & បេវើរីច ឯ.ក (Navita Healthy Food & Beverages CO.,LTD)។ បច្ចុប្បន្ន​ផលិត​ផល​របស់​ក្រុមហ៊ុន​ ណាវីតា កំពុង​មាន​វត្តមាន​នៅ​តាម​​ផ្សារ​​មួយ​ចំនួន ក្នុង​រាជធានីភ្នំពេញ ម៉ាត ​និង​ផ្សារ​នៅ​តាម​បណ្តាខេត្ត​ផ្សេងៗ​។ បើ​តាម​លោក អ៊ុយ ចេងហេង បាន​ឱ្យ​ដឹង​ថា ក្រុមហ៊ុន ក៏​មានគម្រោង​​ដាក់​ផលិតផល​​​ខ្លួន​នៅ​តាម​ផ្សារទំនើបធំៗដូចជា អ៊ីអន ម៉ាក្រូ ឡាក់គី និង​ជីប ម៉ុង ក្នុង​ពេល​ឆាប់ៗ ដើម្បី​ពង្រីក​ទីផ្សារ​ចែកចាយ​ឱ្យ​បាន​ទូទាំង​ប្រទេស៕

The post អគ្គនាយកក្រុមហ៊ុនណាវីតា បើកសម្ពោធដំណើរការរោងចក្រថ្មី ក្រោមអធិបតីភាពឧកញ៉ា ភួ វាសនា appeared first on .

​ការបោះឆ្នោតជ្រើសរើសសមាជិកជ្រើសតាំង និងប្រធានសភាពាណិជ្ជកម្មខេត្តបាត់ដំបង អាណត្តិទី១ លើកទី២ ​​ក៏​មានការ​អញ្ជើញ​ចូល​រួម​ពី លោក​ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា និងជាអនុប្រធាន​គណៈកម្មការរៀបចំការបោះឆ្នោតជ្រើសរើសសមាជិកជ្រើសតាំងសភាពាណិជ្ជកម្មកម្ពុជា និងសភាពាណិជ្ជកម្ម​រាជធានី-ខេត្ត សម្រាប់អាណត្តិថ្មី និងអាណត្តិបន្ត ក្រោមអធិបតីភាព​លោក​ គឹម មាសសុខសីហា អនុរដ្ឋ​លេខាធិការ​ក្រសួងពាណិជ្ជកម្ម លោកជំទាវ កែវ ដាណា អភិបាលរង នៃគណៈអភិគណៈខេត្តបាត់ដំបង ព្រមទាំងលោក លោកស្រីប្រធានមន្ទី អង្គភាពពាក់ព័ន្ធ​ក្នុងខេត្ត។ ក្នុង​នោះ​ បេក្ខជនឈរឈ្មោះបោះឆ្នោត​មាន​ចំនួន ១០រូប និងអាជីវករចុះឈ្មោះអ្នកបោះឆ្នោតចំនួន ៣៣៣នាក់។

ជាលទ្ធផល មានអ្នកអញ្ជើញមកចូលរួមបោះឆ្នោតសរុបចំនួន ២៤៨ នាក់ ដែលស្មើរនឹង ៧៤.៤៧%។ គណៈកម្មការៀបចំការបោះឆ្នោតជ្រើសរើសបានសមាជិកជ្រើសតាំងចំនួន៧រូប ដើម្បីបំពេញបន្ថែមសមាជិក​ចាស់ ដែលនៅក្នុងអាណត្តិចំនួន៨រូបបង្គ្រប់ចំនួន១៥រូប។ ដោយមើលឃើញនូវការដឹកនាំដ៏ឈ្លាសវៃ និងត្រឹមត្រូវ​របស់ ឧកញ៉ ភួ វាសនា ក្នុងមួយអាណត្តិកន្លងមក​ លោក​ឧកញ៉ា ​ត្រូវបាន​សមាជិក សមាជិកាបោះឆ្នោតគាំទ្រ​ជាប្រធានសភាពាណិជ្ជកម្មខេត្តបាត់ដំបង សម្រាប់​អាណត្តិ​ទី១ លើកទី២នេះជាបន្តទៀត។

សូម​ជម្រាប​ជូន​ថា លោក​ ភួ វាសនា គឺជាសហគ្រិនវ័យក្មេងមួយរូបនៅកម្ពុជា ហើយលោកនាយកប្រតិបត្តិ​នៃ​ក្រុមហ៊ុន បៃតង កម្ពុជា ភីអិលស៊ី។ លោក ភួ វាសនា ប្រធានសភាពាណិជ្ជកម្មកម្ពុជាខេត្តបាត់ដំបង ត្រូវបាន​ព្រះបាទសម្តេចព្រះបរមនាថ នរោត្តម សីហមុនី ត្រាប់បង្គាប់ផ្តល់គោរមងារជា ឧកញ៉ា តាមសេចក្តីក្រាបបង្គំ​ទូល​ថ្វាយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី​នៃព្រះរាជាណាចក្រកម្ពុជា កាលពី​​ថ្ងៃទី​១៩ ខែ​វិច្ឆិកា ឆ្នាំ២០២០៕

The post ឧកញ៉ា ភួ វាសនា ជាប់ឆ្នោតជាប្រធានសភាពាណិជ្ជកម្មខេត្តបាត់ដំបង អាណត្តិទី១ លើកទី២ appeared first on .

ការប្រកួតកីឡាពានរង្វាន់​ សម្ដេចក្រឡាហោម​ ស​ ខេង​ ខេត្តបាត់ដំបង​ នេះដែរ ត្រូវបានរៀបចំឡើងដោយ​សហភាពសហព័ន្ធយុវជនកម្ពុជាខេត្តបាត់ដំបងក្រោមអធិបតីភាព​ ឯកឧត្តម​ សុខ​ លូ​ អភិបាលនៃគណ:អភិបាលខេត្តបាត់ដំបង​ និងឯកឧត្តម​ ស​ រដ្ឋា​ ប្រធាន​សហភាពសហព័ន្ធយុវជនកម្ពុជាខេត្តបាត់ដំបង​ នៅបរិវេនទីលានបាល់ទាត់សកលវិទ្យាល័ជាតិបាត់ដំបង។

ពានរង្វាន់សម្ដេចក្រឡាហោម ស ខេង រៀបចំឡើង ក្នុងគោលបំណងលើកស្ទួយវីស័យកីឡានៅកម្ពុជា ជាពិសេសនៅខេត្តបាត់ដំបងផ្ទាល់តែម្ដង។ សម្រាប់ការប្រកួតឆ្នាំ២០២២ នេះ ប្រារព្ធឡើងនៅក្នុងកីឡដ្ឋាន សាកលវិទ្យាល័យជាតិបាត់ដំប​ង ដែលមានកីឡាករ ចូលរួមចំនួន៨៥០នាក់ចូលរួមប្រកួត ចាប់ពីថ្ងៃទី២៩ ខែតុលា ដល់ថ្ងៃទី២៩ ខែវិឆ្ឆិកា ឆ្នាំ២០២២ ដោយមានបញ្ចូលវិញ្ញាសាកីឡាចំនួន ៣ រួមមាន៖ វិញ្ញាសាបាល់ទាត់ វិញ្ញាសាវាយសី និងវិញ្ញាសាប៉េតង់។  

ដោយឡែកសម្រាប់វិញ្ញាសាបាល់ទាត់ មានក្រុមចូលរួមប្រកួត សរុបចំនួន ៣៧ក្រុម។ សម្រាប់ម្ចាស់ជ័យលាភីលេខ១ នឹងទទួលបានប្រាក់រង្វាន់ចំនួន ៦លានរៀល លេខ២ ទទួលបាន ៤លានរៀល និងជយលាភីលេខ៣ ទទួលបាន ៣លានរៀល៕  

The post បើកឆាកពានរង្វាន់ សម្ដេចក្រឡាហោម ក្រុមឧកញ៉ា​ ភួ​ វាសនា​ បំប៉ោងសំណាញ់ទីក្រុម ស.ស.យ.ក​ បាត់ដំបង ដោយលទ្ធផល ៣-២ appeared first on .

ក្រុមហ៊ុនដែលបាននាំចេញអង្ករមានចំនួន ៦២ក្រុមហ៊ុន ហើយបរិមាណអង្ករដែលបាននាំចេញដោយ ក្រុមហ៊ុនធំៗចំនួន១០ មានរហូតដល់ ៤៥ម៉ឺនតោន និងក្រុមហ៊ុន ៥២ដទៃទៀតបាននាំចេញ ត្រឹមតែ ១៦ម៉ឺនតោន។ នេះបើតាមរបាយការណ៍ក្រសួងកសិកម្ម។

សារព័ត៌មានឧកញ៉ាញូស៍ នៅថ្ងែនេះសូមណែនាំលោកអ្នកមកស្គាល់ក្រុមហ៊ុនចំនួន ៥ ដែលកំពុងប្រតិបត្តិការនាំចេញទៅក្រៅប្រទេសយ៉ាងសកម្មក្នុងការជំរុញកំណើនសេដ្ឋកិច្ចជាតិ ខណៈកសិកម្មបានចូលរួមចំណែកប្រមាណ ២២% នៃផលិតផលក្នុងស្រុកសរុប​(GDP) របស់កម្ពុជា ហើយមនុស្សចំនួនប្រហែល ៣ លាននាក់ធ្វើការក្នុងវិស័យ​នេះ។

១-ក្រុមហ៊ុន បៃតង របស់ឧកញ៉ា ភួ ពុយ

ក្រុមហ៊ុនបៃតង ដែលមានរោងចក្រខ្នាតធំ ទំនើប និងមានសមត្ថភាពផលិតបានច្រើនជាងគេ ស្ថិតក្នុងខេត្តបាត់ដំបង ដោយចាប់ផ្តើមផលិត កែច្នៃ និងនាំចេញអង្ករផ្គត់ផ្គង់ទៅកាន់ទីផ្សារអន្តរជាតិ តាំងពីឆ្នាំ២០១០ មកទល់បច្ចុប្បន្ន។ បច្ចុប្បន្នក្រុមហ៊ុន បៃតង ដឹកនាំដោយឧកញ៉ា ភួ វាសនា នាយកប្រតិបត្តិ និងអនុប្រធានសហព័ន្ធស្រូវអង្ករកម្ពុជា។

២-ក្រុមហ៊ុន CITY RICE

ក្រុមហ៊ុន City Rice Import-Export គឺជាក្រុមហ៊ុនផលិតអង្ករធំជាងគេមួយនៅខេត្តបាត់ដំបង​ ដោយដឹកនាំផ្ទាល់ដោយ ឡាយ អានឌី ជាប្រធានក្រុមហ៊ុន City Rice Group និងជានាយកប្រតិបត្តិ។

៣-ក្រុមហ៊ុន AMRU RICE (Cambodia)

Amru Rice ជា​រោង​ម៉ាស៊ីនកិនស្រូវ ​ឈានមុខ​គេ​មួយ​ក្នុង​ការជំរុញ​ការនាំចេញ​អង្ករ​កម្ពុជា​ទៅ​ទីផ្សារ​អន្តរជាតិ ដែល​ឱ្យ​កម្ពុជា​ក្លាយ​ជា​ប្រទេសមួយ​ក្នុង​ចំណោម​ប្រទេស​នាំចេញ​អង្ករ​សំខាន់ៗ​ក្នុង​ចង្វាក់​ផ្គត់ផ្គង់​ស្បៀង​ពិភពលោក​។ Amru Rice បង្កើតឡើងដោយឧកញ៉ា សុង សារ៉ន និងនិងជាប្រធានសហព័ន្ធស្រូវអង្ករកម្ពុជា បច្ចុប្បន្នក្រុមហ៊ុននេះដឹកនាំដោយលោកស្រី អ្នកស្រី ឃី មុនី អគ្គនាយិការ។

៤-ក្រុមហ៊ុន KHMER FOODS

KHMER FOODS មានរោងម៉ាស៊ីនកិនស្រូវ នៅស្រុកគងពិសី ខេត្តកំពង់ស្ពឺ ដែលដឹកនាំដោយឧកញ៉ា គឹម សាវុធ ជាអគ្គនាយក ហើយជាក្រុមហ៊ុនដ៏ធំមួយនៅកម្ពុជាក្នុងការនាំអង្ករទៅលក់នៅលើទីផ្សារអន្ដរជាតិ។

៥ ក្រុមហ៊ុន Mekong Oryza Trading

ក្រុមហ៊ុន​ Mekong Oryza Trading គឺជារោងម៉ាស៊ីនកិនស្រូវមួយដែលបាន​ចុះហត្ថលេខា​លើ​អនុស្សរណៈ​យោគយល់​គ្នា (MoU) ​ជាមួយ​ក្រុមហ៊ុន​បរទេស​មកពី​ទីក្រុង​ហុងកុង និង​អាហ្វ្រិក ដើម្បី​ពង្រីក​ការនាំចេញ​អង្ករ​ពី​កម្ពុជា​ទៅ​ចិន អឺរ៉ុប និង​អាហ្វ្រិក​ខាងត្បូង​ដែល​ទីផ្សារ​ថ្មី​របស់​កម្ពុជា។ ក្រុមហ៊ុននេះដឹកនាំដោយឧកញ៉ា ហ៊ុន ឡាក់ ប្រធាន​ក្រុមហ៊ុន និងជាប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា។

សប្តាហ៍ក្រោយសារព័ត៌មានឧកញ៉ាញូស៍ នឹងផ្សាយជូនប្រិយមិត្តឲ្យស្គាល់រោងម៉ាស៊ីនកិនស្រូវ ព្រមទាំងថ្នាក់ដឹកនាំក្រុមហ៊ុនដែលមានភាពល្បីល្បាញខាងនាំអង្ករចេញទៅទីផ្សារអន្តរជាតិបន្តទៀត៕

សូមចុចអានអត្ថបទទាក់ទង៖

The post ណែនាំឲ្យស្គាល់ថ្នាក់ដឹកនាំក្រុមហ៊ុន រោងម៉ាស៊ីនកិនស្រូវដែលល្បីនាំអង្ករចេញទៅកាន់ទីផ្សារអន្តរជាតិ appeared first on .

ប្រទេសកម្ពុជាធ្លាប់មានប្រវត្តិរុងរឿងជាងគេនៅតំបន់អាស៊ីភាគអាគ្នេយ៍ ដែលអាចឆ្លុះបញ្ជាំងបានតាមរយៈសម័យមហានគរ ដោយយើងអាចសិក្សាស្វែងយល់បានថា ពឹងផ្អែកលើវិស័យកសិកម្ម ជាវិស័យស្នូលសម្រាប់កសាងមូលដ្ឋានគ្រឹះសេដ្ឋកិច្ច ហើយវិស័យនេះនាំទៅដល់សន្តិសុខស្បៀង។ តាំងពីដើមរៀងមក មានសហគ្រិនខ្មែរច្រើនរូប បានចាប់អារម្មណ៍លើវិស័យកសិកម្ម ដែលជាវិស័យដ៍សំខាន់មួយសម្រាប់ទ្រទ្រង់សេដ្ឋកិច្ចជាតិមួយនេះ។

គេហទំព័រឧកញ៉ាញូស៍ សូមលើកពីឧកញ៉ាគ្រាក់ៗ ៤រូប កំពុងក្តោបក្តាប់មុខជំនួញលើវិស័យកសិកម្ម និងបានទទួលជោគជ័យ ល្បីឈ្មោះបោះសំឡេងនាពេលបច្ចុប្បន្ន។

១.ឧកញ៉ា សុង សារ៉ន

លោកជាអគ្គនាយកក្រុមហ៊ុន Amru Rice ដែលត្រូវបានគេស្គាល់គាត់ថា ជាឧកញ៉ាស្រូវអង្ករវ័យក្មេងមួយរូប។ រហូតមកទល់ពេលនេះក្រុមហ៊ុនលោក បានផលិតអង្ករជាច្រើនប្រភេទដើម្បីលក់លើទីផ្សារ មានដូចជា៖ អង្ករក្រហម អង្ករស អង្ករសំរូប អង្ករសរីរាង្គ ក៏ដូចជាប្រភេទអង្ករពិសេសៗរបស់កម្ពុជាច្រើនប្រភេទទៀត។
លោកឧកញ៉ាតែងតែផ្សារភ្ជាប់មុខជំនួញរបស់លោកជាមួយនឹងកសិករ ដោយបានចូលរួមការបង្កើតសហគមន៍កសិកម្ម ជួយទ្រទ្រង់កសិករ ទាំងការ បណ្តុះបណ្តាល បច្ចេកទេស ការស្វែងរកទីផ្សារឲ្យកសិករ និងការធានាទិញផលពីកសិករក្នុងសហគមន៍។

បច្ចុប្បន្នឧកញ៉ាវ័យក្មេងដែលកំពុងមានឈ្មោះបោះសំឡេងលើវិស័យស្រូវអង្កររូបនេះ កំពុងកាន់តួនាទីជាប្រធានសហព័ន្ធស្រូវអង្ករកម្ពុជា និងជាអគ្គនាយក ក្រុមហ៊ុននាំអង្ករចេញ Amru Rice។

២.ឧកញ៉ា ហ៊ុន ឡាក់

នៅក្នុងចំណោមឧកញ៉ាល្បីៗជាច្រើនរូប ដែលកំពុងមានឈ្មោះបោះសំឡេងខ្លាំងលើវិស័យស្រូវអង្ករ លោកឧកញ៉ា ហ៊ុន ឡាក់ ក៏ត្រូវបានគេដឹងថាមានជំនួញធំៗជាច្រើនទៀតក្នុងដៃ ក្នុងនោះក្រុមហ៊ុននាំចេញអង្ករដ៏ធំមួយ ដែលមានឈ្មោះថា Mekong Oryza Trading គឺជាក្រុមហ៊ុនល្បីឈ្មោះធំមួយនៅកម្ពុជា។

ទន្ទឹមនឹងនេះ លោកឧកញ៉ាក៏មានតួនាទី ជាប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា (CRF) ដែលជាតួនាទីមួយដ៏សំខាន់ក្នុងការត្រួសត្រាយផ្លូវដើម្បីស្វែងរកទីផ្សារអង្ករដល់កម្ពុជាទៅកាន់ពិភពលោកផងដែរ។

៣.ឧកញ៉ា ភួ វាសនា

ដោយមានឈាមជ័រជាអ្នកជំនួញស្រាប់ លោកឧកញ៉ា ភួ វាសនា បានចាប់ផ្តើមប្រឡូកក្នុងវិស័យកសិកម្ម ជាមួយលោកឧកញ៉ា ភួ ពុយ ដែលត្រូវជាឪពុករបស់លោក។ បន្ទាប់លោកបានកាន់តួនាទីជាប្រធានក្រុមហ៊ុន បៃតង កម្ពុជា ភីអិលស៊ី និងកាន់តូនាទីជាច្រើនទៀត ដូចជា អនុប្រធានសហព័ន្ធស្រូវអង្ករកម្ពុជា និងប្រធានសភាពាណិជ្ជកម្មខេត្តបាត់ដំបង។

ក្រុមហ៊ុនបៃតងកម្ពុជា ជាក្រុមហ៊ុនដែលមានមូលដ្ឋានគ្រឹះជាក់លាក់ និងចក្ខុវិស័យច្បាស់លាស់ ក្នុងការរផលិតអង្ករនាំចេញ មានគុណភាពខ្ពស់ និងមានបរិមាណច្រើនជាងគេ នៅទូទាំងប្រទេសកម្ពុជាដោយផ្អែកលើមូលដ្ឋានផលិតរួមមាន៖ ឡសម្ងួត ឃ្លាំងស្តុក បណ្តាញម៉ាស៊ីនកិនស្រូវ ម៉ាស៊ីនកែច្នៃអង្ករ ដែលមានលក្ខណៈបច្ចេកទេសតាមស្តង់ដារអន្តរជាតិ។

ចាប់តាំងពីឆ្នាំ២០០៨មក ក្រុមហ៊ុននេះបានចូលរួមបង្កើតសហគមន៍កសិករ (សហគមន៍បៃតង) នៅតាមបណ្ដាលភូមិ ឃុំ ស្រុក ក្នុងខេត្តបាត់ដំបង ពោធិ៍សាត់ និងខេត្តបន្ទាយមានជ័យ។

៤.ឧកញ៉ា ម៉ុង ឬទ្ធី

ជាសមាជិកព្រឹទ្ធសភាមកពីខាងគណបក្សប្រជាជនកម្ពុជា និងជាស្ថាបនិកនៃក្រុមហ៊ុន Mong Rithy Group Ltd ដែលដើមឡើយបាននាំចេញកៅស៊ូ មុនពេលពង្រីកខ្លួនទៅនាំចេញប្រេងដូង និងចិញ្ចឹមសត្វ។

បើនិយាយពី ឧកញ៉ា ម៉ុង ឬទ្ធី លោកអ្នកប្រហែលជាបានស្គាល់យ៉ាងច្បាស់ណាស់ដូចថ្ងៃ ត្បិតលោក គឺជាស្ដេចកសិកម្មល្បីឈ្មោះបោះសំឡេងមួយរូបនៅប្រទេសកម្ពុជា។

បច្ចុប្បន្នលោកឧកញ៉ាមានមុខជំនួញជាច្រើនប្រភេទដូចជា៖ ក្រុមហ៊ុន ម៉ុង ឫទ្ធី គ្រុប, ក្រុមហ៊ុន ម៉ុង ឫទ្ធី វិនិយោគលើដំណាំដូងប្រេងនៅកម្ពុជា, ក្រុមហ៊ុនសំណង់ក្មេងវត្ត, ក្រុមហ៊ុន M’s PIG ACMC កម្ពុជា, កំពង់ ផែ ឧកញ៉ា ម៉ុង, ក្រុមហ៊ុន កសិកម្មសមុទ្របៃតង, ក្រុមហ៊ុន ឫទ្ធី គិរីសីមា, ក្រុមហ៊ុន ឫទ្ធី គិរីសាគរ និងអាជីវកម្មមួយចំនួនផ្សេងៗទៀត៕

The post ឧកញ៉ាគ្រាក់ៗទាំង៤រូបក្តោបមុខជំនួញក្នុងវិស័យកសិកម្មដែលកំពុងមានឈ្មោះបោះសំឡេង appeared first on .