នៅក្នុងសារលិខិតខាងលើ សម្តេចក្រឡាហោម បានសម្តែងអំណរសាទរជូនចំពោះលោក​ គុយ សុផល ដែលត្រូវបាន ព្រះករុណា​ជាអម្ចាស់ ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យត្រាស់បង្គាប់ប្រោស ព្រះរាជទានគោរមងារជា «ឧកញ៉ា មហាមន្ត្រី»។

សម្តេចបានបន្ថែមថា គោរមងារថ្មីនេះ បានឆ្លុះបញ្ចាំងពីកិច្ចខិតខំប្រឹងប្រែង និងការតស៊ូពុះពារមិនខ្លាចនឿយហត់របស់ ឧកញ៉ា មហាមន្ត្រី អស់រយៈពេលជាច្រើនទសវត្សរ៍កន្លងមក ក្នុងបេសកកម្មបម្រើដ៏ស្មោះស្ម័គ្រ ដើម្បីបុព្វហេតុជាតិ សាសនា និងព្រះមហាក្សត្រ ជាពិសេសបានធ្វើពលិកម្ម គ្រប់បែបយ៉ាងក្នុងការថែរក្សា ការពារ និងលើកស្ទួយ​របបរាជា​និយម​អាស្រ័យរដ្ឋធម្មនុញ្ញនៅព្រះរាជាណាចក្រកម្ពុជា។

គួរបញ្ជាក់ថា ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ បានប្រាសព្រះរាជទាន​​ផ្តល់​គោរមងារ​ជា «ឧកញ៉ា មហាមន្ត្រី គុយ សុផល» ជូនលោក​ គុយ សុផល តាមរយៈព្រះរាជក្រឹត្យលេខ នស/រកត/​០២២៤/​១៤៨ ចុះថ្ងៃទី៣ ខែកុម្ភៈ ឆ្នាំ២០២៤ ខណៈដែល​បច្ចុប្បន្ន​ លោក​ជាឧត្តមប្រឹក្សាផ្ទាល់ព្រះមហាក្សត្រ និងជាទេសរដ្ឋមន្ត្រី​ទទួលបន្ទុកកិច្ចការទូទៅអមក្រសួងព្រះបរមរាជវាំង៕

The post សម្តេចក្រឡាហោម ផ្ញើសារអបអរសាទរ លោក គុយ សុផល ទទួលបានគោរមងារ «ឧកញ៉ា មហាមន្ត្រី» appeared first on .

ព្រះរាជក្រឹត្យព្រះមហាក្សត្រ ទ្រង់យល់ថា លោក គុយ សុផល ដែលបានខិតខំប្រឹងប្រែងយ៉ាងសកម្ម និងលះបង់កម្លាំង កាយចិត្ត ទាំងថ្ងៃ ទាំងយប់ ក្នុងការបំពេញភារកិច្ចថ្វាយព្រះករុណាជាអម្ចាស់ជីវិតលើត្បូង ព្រះមហាក្សត្រ, ថ្វាយសម្តេចព្រះមហាក្សត្រី និងជូនក្រសួងព្រះបរមរាជវាំង ប្រកបដោយមនសិការ និងការទទួលខុសត្រូវខ្ពស់ ទទួលបានលទ្ធផលល្អប្រសើរគួរជាទីមោទនៈ។

លោក សុផល គឺជាឧត្តមប្រឹក្សាផ្ទាល់ព្រះមហាក្សត្រ និងជាទេសរដ្ឋមន្ត្រីទទួលបន្ទុកកិច្ចការទូទៅ អមក្រសួងព្រះបរមរាជវាំង។

ក្នុងលិខិតអបអរសាទរដល់លោក គុយ សុផល សម្តេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ បានគូសបញ្ជាក់ថា «ជាយូរឆ្នាំមកហើយ ឧកញ៉ា មហាមន្ត្រី បានសម្របសម្រួលការងារស្ថាប័នរបស់រាជរដ្ឋាភិបាល ជាមួយស្ថាប័នព្រះមហាក្សត្រ ប្រកបដោយភាពរលូន និងជោគជ័យយ៉ាងត្រចេះត្រចង់»៕

The post លោក គុយ សុផល ទទួលគោរមងារ «ឧកញ៉ា មហាមន្ត្រី គុយ សុផល» appeared first on .