ឧកញ៉ា ម៉ន សុខា

ឧកញ៉ា ៣រូប ទទួលការតែងតាំងជាទីប្រឹក្សាកិត្តិយសនៃសមាគមអ្នកអភិវឌ្ឍន៍ដីឡូត៍កម្ពុជា

ឧកញ៉ាដែនដី — Wed, 15 Mar 2023 01:20:00 +0000

ឧកញ៉ាចំនួន៣រូប បានទទួលការតែងតាំងជាទីប្រឹក្សាកិត្តិយស នៃសមាគមអ្នកអភិវឌ្ឍដីឡូត៍កម្ពុជា អាណត្តិទី២ ឆ្នាំ២០២៣-២០២៥។ នេះបើតាមសេចក្តីសម្រេច ចុះថ្ងៃទី១០ ខែមីនា ឆ្នាំ២០២៣។

ឧកញ៉ា ម៉ន សុខា ប្រធានសមាគមអ្នកអភិវឌ្ឍដីឡូត៍កម្ពុជា

យោងសេចក្តីសម្រេចលេខ០១០/២៣ ស.រ.ស.អ.ដ.ក ចុះថ្ងៃទី១០ ខែមីនា ឆ្នាំ២០២៣ សមាគមអ្នកអភិវឌ្ឍដីឡូត៍កម្ពុជា សម្រេចតែងតាំងបុគ្គលចំនួន៩រូប ជាទីប្រឹក្សាកិត្តិយស នៃសមាគមអ្នកអភិវឌ្ឍដីឡូត៍កម្ពុជា អាណត្តិទី២ ២០២៣-២០២៥ ក្នុងនោះមានឧកញ៉ាចំនួន ៣រូប ដែលមានដូចខាងក្រោម៖

១. ឧកញ៉ា ឃាង ពុទ្ធី ៖ ស្ថាបនិកក្រុមហ៊ុនភ្នាក់ងារអចលនទ្រព្យ Khompound និងជាប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យ

២. ឧកញ៉ា ម៉ាន់ ច័ន្ទឌី ៖ អគ្គនាយកក្រុមហ៊ុន អាយ ឃ្យូ អាយ ខេមបូឌា

៣. ឧកញ៉ា ចេង ខេង ៖ អគ្គនាយកក្រុមហ៊ុនអចលនទ្រព្យ CPL

ក្រៅពីឧកញ៉ាចំនួន៣រូប ក៏មានលោក ឃន ជឺ លោក អ៊ិន មាន លោកគ្រូបណ្ឌិត អោម សេងបូរ៉ា លោក សោម សម្បត្តិ លោក យិន លាងគង់ និងលោកគ្រូ អួន សារ៉ាត់ ជាទីប្រឹក្សាកិត្តិយសសមាគមអ្នកអភិវឌ្ឍន៍ដីឡូត៍កម្ពុជា អាណត្តិទី២ ផងដែរ។

កាលពីថ្ងៃទី១៦ ខែកុម្ភៈ ឆ្នាំ២០២៣ សមាគមអ្នកអភិវឌ្ឍន៍ដីឡូត៍កម្ពុជា ដឹកនាំដោយ ឧកញ៉ា ម៉ន សុខា ប្រធានសមាគម ព្រមទាំងក្រុមប្រឹក្សាភិបាល និងថ្នាក់ដឹកនាំជាច្រើនទៀត បានប្រជុំពិភាក្សា និងប្រកាសតែងតាំងសមាជិកគណៈកម្មការប្រតិបត្តិនៃគណៈកម្មាធិការសមាគម ដើម្បីបន្តការអនុត្តក្នុងអាណត្តិទី២ ឆ្នាំ២០២៣-២០២៥ ក្នុងគោលបំណងដើម្បីជួយសម្របសម្រួលដល់អ្នកប្រកបអាជីវកម្ម និងអ្នកអភិវឌ្ឍន៍ដីឡូត៍ទាំងអស់ទទួលបានការយល់ដឹង និងជ្រាបច្បាស់អំពីផ្លូវច្បាប់ និងបទបញ្ញត្តិផ្សេងៗរបស់ព្រះរាជណាចក្រកម្ពុជា។

សូមជម្រាបជូនថា សមាគមអ្នកអភិវឌ្ឍន៍ដីឡូត៍កម្ពុជា បានបង្កើតឡើងថ្ងៃទី១៧ ខែកក្កដា ឆ្នាំ២០២០កន្លងទៅ ខណៈដែលបច្ចុប្បន្នឧកញ៉ា ម៉ន សុខា បន្តជាប្រធាន និងមានអនុប្រធាន ក្រុមប្រឹក្សាភិបាល អគ្គលេខាធិការ ព្រមទាំងសមាជិកច្រើនរូបទៀត ប្រមូលផ្តុំដោយអ្នកអភិវឌ្ឍវិស័យអចលនទ្រព្យ៕

The post ឧកញ៉ា ៣រូប ទទួលការតែងតាំងជាទីប្រឹក្សាកិត្តិយសនៃសមាគមអ្នកអភិវឌ្ឍន៍ដីឡូត៍កម្ពុជា appeared first on .

ឧកញ៉ា ម៉ន សុខា៖ ទិញដីឡូត៍ឱ្យទទួលបានផលចំណេញ ត្រូវមើលលើ ៣ចំណុច

ឧកញ៉ាដែនដី — Thu, 09 Mar 2023 04:55:59 +0000

ឧកញ៉ា ម៉ន សុខា ប្រធានសមាគមអ្នកអភិវឌ្ឍន៍ដីឡូត៍កម្ពុជា និងជាប្រធានក្រុមប្រឹក្សាភិបាលក្រុមហ៊ុន យូនីវើសលហ្គ្រេត ឌីវេឡុបម៉ិន ឯ.ក បានបង្ហើបឱ្យដឹងពីគន្លឹះចំនួន ៣ចំណុច ដើម្បីប្រាកដថា យើងទិញដីឡូត៍អាចទទួលបាននូវផលចំណេញ។

លោកឧកញ៉ា បានលើកឡើងក្នុងបទសម្ភាសន៍មួយ កាលពីពេលថ្មីៗកន្លងទៅនេះថា អតិថិជនដែលទិញដីឡូត៍កន្លងមក គឺទទួលបានផលចំណេញ ប៉ុន្តែសួរថាតើចំណេញលើអ្វី? ចំណេញដោយសារតែតម្លៃកើនឡើងក្នុងតំបន់នោះ ឬមានអ្វីមកវាស់វែងបន្ថែម ព្រោះឧទាហរណ៍ កាល៣ឆ្នាំឬ៥ឆ្នាំ អតិថិជនអាចទិញដីឡូត៍តម្លៃក្រោម ១ម៉ឺនដុល្លារ ៣ពាន់ដុល្លារ ឬ៥ពាន់ដុល្លារ ហើយមកទល់បច្ចុប្បន្នដីឡូត៍របស់ពួកគាត់ ពិតជាមានតម្លៃខ្ពស់ជាងមុន ២ឬ៣ដងមែន។ ប៉ុន្តែសួរថា យកតែករណីនេះមកវាស់វែងបានដែរឬទេ? ដូច្នេះដើម្បីប្រាកដថា ទិញដីឡូត៍ទទួលបានផលចំណេញ លោកឧកញ៉ា សូមលើកឡើងនូវ ៣ចំណុចដូចខាងក្រោម៖

ទី១ ទិញដីឡូត៍ក្នុងតំបន់មួយដែលមានតម្លៃល្អប្រសើរ តម្លៃពិសេស ហើយតម្លៃនេះជឿថានឹងមានការកើនឡើងនៅពេល៣ឆ្នាំ ឬ៥ឆ្នាំខាងមុខ។

ទី២ ពេលទិញដីហើយ មួយឆ្នាំឬពីរឆ្នាំក្រោយ ត្រូវច្បាស់ថាដីនោះស្ថិតក្នុងតំបន់អភិវឌ្ឍន៍ អាចយកទៅប្រើប្រាស់អាស្រ័យផលបាន ដូចជាសម្រាប់សាងសង់ផ្ទះរស់នៅ សម្រាកលំហែ ឬធ្វើអ្វីដែលជាប្រយោជន៍សម្រាប់ខ្លួនឯងបាន។

ទី៣ អាចយកតម្លៃដី ហាងឆេងដែលឡើងនោះ ទៅប្រើប្រាស់សម្រាប់ដាក់បញ្ចាំទៅគ្រឹះស្ថានហិរញ្ញវត្ថុណាមួយ ដើម្បីបានហិរញ្ញប្បទានពីធនាគារមកប្រើប្រាស់ជាប្រយោជន៍ផ្សេងៗបន្ថែមទៀត នោះទើបទទួលស្គាល់ថា ដីឡូត៍នោះពិតជាទទួលបានការចំណេញ។

លោកឧកញ៉ា បានបន្ថែមថា ជាក់ស្តែងលោកធ្លាប់ជួបអតិថិជនភាគច្រើនកន្លងមក ពិតជាអាចប្រើប្រាស់ចំណុចទាំង៣នេះបាន ប៉ុន្តែក៏មានអតិថិជនមួយចំនួនទិញដីឡូត៍ហើយ មិនអាចទទួលបានចំណុចទាំងអស់នេះដែរ ដោយសារមូលហេតុទិញដីនៅតំបន់ឆ្ងាយពេក មិនមានការអភិវឌ្ឍន៍ ឬគ្មានទឹកគ្មានភ្លើងទៅដល់ ជាដើម។

សូមជម្រាបថា ឧកញ៉ា ម៉ន សុខា ជាប្រធានសមាគមអ្នកអភិវឌ្ឍន៍ដីឡូត៍កម្ពុជា តាំងពីអាណត្តិទី១ ចាប់ពីឆ្នាំ២០២០មក ហើយលោកទើបបានជាប់ឆ្នោតជាប្រធានដឹកនាំសមាគមអ្នកអភិវឌ្ឍន៍ដីឡូត៍កម្ពុជា នៅអាណត្តិទី២ រយៈពេល ៣ឆ្នាំបន្ត ចាប់ពីឆ្នាំ២០២៣ ដល់ឆ្នាំ២០២៥។ ស្ថាបនិកសាលាបណ្តុះបណ្តាលយូជីឌី (UGD Academy) ដែលទទួលគោរមងារ «ឧកញ៉ា» ពីព្រះមហាក្សត្រកម្ពុជា នៅថ្ងៃទី២ ខែធ្នូ ឆ្នាំ២០២០ រូបនេះ បច្ចុប្បន្ន ក៏ជាម្ចាស់គម្រោងអភិវឌ្ឍដីឡូត៍ដែលមានឈ្មោះ លំហែក្រាំងទំនប់ ហ្គ្រីនហ្សូន រេស៊ីដិន (Green Zone Residence) ដែលមានទីតាំងស្ថិតនៅភូមិក្រាំងទំនប់ ឃុំចាន់សែន ស្រុកឧដុង្គ ខេត្តកំពង់ស្ពឺ ខាងលិចផ្សារបាត់ដឹងប្រហែល៦គីឡូម៉ែត្រ ផងដែរ៕

The post ឧកញ៉ា ម៉ន សុខា៖ ទិញដីឡូត៍ឱ្យទទួលបានផលចំណេញ ត្រូវមើលលើ ៣ចំណុច appeared first on .

ឧកញ៉ាវ័យក្មេង ម៉ន សុខា ជាប់ជាប្រធានសមាគមអ្នកអភិវឌ្ឍន៍ដីឡូត៍កម្ពុជា អាណត្តិទី២

ឧកញ៉ាកោះក្របី — Mon, 05 Dec 2022 00:12:39 +0000

សហគ្រិនវ័យក្មេងក្នុងវិស័យអចលនទ្រព្យ ឧកញ៉ា ម៉ន សុខា ជាប់ឆ្នោតជ្រើសរើសជាប្រធានដឹកនាំសមាគមអ្នកអភិវឌ្ឍន៍ដីឡូត៍កម្ពុជា នៅអាណត្តិទី២ រយៈពេល ៣ឆ្នាំបន្ត ក្នុងកម្មវិធីមហាសន្និបាតប្រចាំឆ្នាំ២០២២ កាលពីថ្ងៃសៅរ៍ទី៣ ខែវិច្ឆិកានេះ។

ការជាប់ឆ្នោតបន្តជាប្រធានសមាគមអ្នកអភិវឌ្ឍន៍ដីឡូត៍កម្ពុជា សម្រាប់អាណត្តិទី២នេះ គឺជាលើកទី២របស់លោកឧកញ៉ា បន្ទាប់ពីការបង្កើតសមាគមនេះឡើង ដើម្បីចូលរួមអភិវឌ្ឍវិស័យអចលនទ្រព្យ ពិសេសផ្នែកអភិវឌ្ឍដីឡូត៍តែម្តង។

ឧកញ៉ា ម៉ន សុខា ស្ថាបនិកក្រុមហ៊ុន Utrust Investment Co,.LTD ដែលវិនិយោគលើការអភិវឌ្ឍអចលនទ្រព្យ សេវាគ្រប់គ្រង និងវាយតម្លៃអចលនវត្ថុ។ លោកទទួលគោរមងារ «ឧកញ៉ា» ពីព្រះមហាក្សត្រកម្ពុជា នៅថ្ងៃទី២ ខែធ្នូ ឆ្នាំ២០២០ ដោយព្រះរាជក្រឹត្យលេខ នស/ករត/១២២០/១៣០៩ តាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្ត្រី។

តាមរយៈទំព័រហ្វេសប៊ុកផ្លូវការផ្ទាល់ខ្លួន ឧកញ៉ា ម៉ន សុខា បង្ហាញនូវការកោតសរសើរថ្នាក់ដឹកនាំ ក្រុមប្រឹក្សាភិបាល ទីប្រឹក្សា អគ្គលេខាធិការ អគ្គលេខាធិការរង សមាគមអ្នកអភិវឌ្ឍន៍ដីឡូត៍កម្ពុជា អាណត្តិទី១ គ្រប់រូបដែលបានលះបង់កំលាំងកាយ កំលាំងចិត្ត បញ្ញាស្មារតី សម្ភារៈថវិកា និងពេលវេលាដ៏មានតម្លៃចូលរួមជ្រោមជ្រែងសមាគមនាពេលកន្លងមកប្រកបដោយទឹកចិត្តថ្លៃថ្លា គុណធម៌ ដើម្បីលើកកម្ពស់វិស័យអចលនទ្រព្យ សេដ្ឋកិច្ចសង្គមជាតិ បង្កើតការងារជូនប្រជាពលរដ្ឋ ឱ្យមានភាពរីកចម្រើន នាពេលកន្លងមក រហូតដល់បច្ចុប្បន្ន។

សូមជម្រាបជូនថា សមាគមអ្នកអភិវឌ្ឍន៍ដីឡូតិ៍កម្ពុជា បានបង្កើតឡើងថ្ងៃទី១៧ ខែកក្កដា ឆ្នាំ២០២០កន្លងទៅ ខណៈដែលបច្ចុប្បន្នឧកញ៉ា ម៉ន សុខា បន្តជាប្រធាន និងមានអនុប្រធាន ក្រុមប្រឹក្សាភិបាល អគ្គលេខាធិការ ព្រមទាំងសមាជិកច្រើនរូបទៀត ប្រមូលផ្តុំដោយអ្នកអភិវឌ្ឍវិស័យអចលនទ្រព្យ៕

The post ឧកញ៉ាវ័យក្មេង ម៉ន សុខា ជាប់ជាប្រធានសមាគមអ្នកអភិវឌ្ឍន៍ដីឡូត៍កម្ពុជា អាណត្តិទី២ appeared first on .

ឧកញ៉ា ម៉ន សុខា មានរបររកស៊ីអ្វីខ្លះនៅក្នុងដៃ?

កូនចៅឧកញ៉ា — Mon, 24 Oct 2022 08:13:17 +0000

ជាសហគ្រិនវ័យក្មេងពោរពេញដោយសមត្ថភាព និងឆន្ទៈខ្ពស់ ឧកញ៉ា ម៉ន សុខា បច្ចុប្បន្នកំពុងដឹកនាំអាជីវកម្មជាច្រើនលើពហុវិស័យ។ ក្រៅពីនោះលោកជាប្រធានសមាគមអ្នកអភិវឌ្ឍន៍ដីឡូតិ៍កម្ពុជាដែលធ្វើការជំរុញលើកទឹកចិត្ត និងគាំទ្រសល់សកម្មភាពអ្នកប្រកបរបរក្នុងវិស័យអចលនទ្រព្យប្រភេទដីឡូតិ៍ និងបុរីលំនៅឋានកម្រិតមធ្យម។

លោកទទួលបានគោរមងារ «ឧកញ៉ា» ពីព្រះមហាក្សត្រ នៅថ្ងៃទី២ ខែធ្នូ ឆ្នាំ២០២០ ដោយព្រះរាជក្រឹត្យលេខ នស/ករត/១២២០/១៣០៩ តាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្ត្រី។

ឧកញ៉ា ម៉ន សុខា ជាស្ថាបនិកក្រុមហ៊ុន Utrust Investment Co,.LTD វិនិយោគការអភិវឌ្ឍអចលនទ្រព្យ សេវាគ្រប់គ្រង និងវាយតម្លៃអចលនវត្ថុ ដែលបង្កើតឡើងនៅថ្ងៃទី២០ ខែមីនា ឆ្នាំ២០១៩។ ជាមួយគ្នានេះ លោកឧកញ៉ាក៏បានចូលរួមបង្កើតនៅគេហទំព័រទីផ្សារហិវញ្ញត្ថុអចលនទ្រព្យមួយផងដែរ មានឈ្មោះ Estate Xchange។

ថ្មីៗបើទោះស្ថិតក្នុងវិបត្តិកូវីដ១៩យ៉ាងណាក្តី ក៏ឧកញ៉ាបន្តបោះទុនវិនិយោគលើគម្រោងអភិវឌ្ឍន៍ហ្គ្រីនហ្សូន រេស៊ីដិន (Green Zone Residence) មានទីតាំងស្ថិតនៅភូមិក្រាំង ទំនប់ ឃុំចាន់សែន ស្រុកឧដុង្គ ខេត្តកំពង់ស្ពឺ ខាងលិចផ្សារបាត់ដឹងប្រហែល៦គីឡូម៉ែត្រ។

នៅក្នុងបេសកកម្មជីវិត និងវិនិយោគ ឧកញ៉ា ម៉ន សុខា ទទួលបានពានរង្វាន់សហគ្រិនជាច្រើនផងដែរ រួមមាន៖

ពាន Accounting Award គឺជាពានសម្រាប់ទទួលស្គាល់ និងលើកទឹកចិត្តដល់សហគ្រិនរបស់ CEO Master Club ។
ពាន Master CEO Award គឺជាពានជ័យលាភីសម្រាប់ទទួលស្គាល់ និងលើកទឹកចិត្តសហគ្រិនដែលបានតស៊ូខិតខំប្រឹងប្រែងកសាងសមត្ថភាពរបស់ខ្លួនឲ្យក្លាយជាអ្នកដឹកនាំធុរកិច្ចកំពូលជាមួយ CEO Master Club ចាប់ពី ៨កម្មវិធីឡើងទៅ។
ពាន Outstanding CEO Award គឺជាពានជ័យលាភីសម្រាប់ទទួលស្គាល់ស្នាដៃសហគ្រិនឆ្នើមរបស់សមាជិក CEO Master Club ដែលបានជ្រើសរើសដោយគណៈកម្មការ CEO Award ។
ពាន Outstanding Entrepreneur Medal គឺជាមេដាយសម្រាប់ទទួលស្គាល់ស្នាដៃសហគ្រិនលេចធ្លោរបស់សមាជិក CEO Master Club ៕

The post ឧកញ៉ា ម៉ន សុខា មានរបររកស៊ីអ្វីខ្លះនៅក្នុងដៃ? appeared first on .

ឧកញ៉ា ម៉ន សុខា ប្រធានសមាគមន៍អ្នកអភិវឌ្ឍន៍ដីឡូតិ៍កម្ពុជា ពិភាក្សាការងារសំខាន់ៗជាមួយមន្ត្រីជាន់ខ្ពស់នៃសភាពាណិជ្ជកម្ពុជា

អ្នកឧកញ៉ាវត្តភ្នំ — Tue, 24 Aug 2021 02:50:34 +0000

ឯកឧត្តម ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា និងជាតំណាងដ៏ខ្ពង់ខ្ពស់ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា បានទទួលជំនួបសម្តែងការគួរសម និងពិភាក្សាការងារ ជាមួយនឹង ឧកញ៉ា ម៉ន សុខា ប្រធានអ្នកសមាគមន៍អភិវឌ្ឍន៍ដីឡូតិ៍កម្ពុជា និងសមាជិក សមាជិកា សមាគមអ្នកអភិវឌ្ឍន៍ដីឡូតិ៍កម្ពុជា តាមរយ:ប្រព័ន្ធអនឡាញ (Zoom Meeting) នៅថ្ងៃទី ២៣ ខែសីហា ឆ្នាំ ២០២១ កន្លងទៅ ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

ក្នុងការជួបសំណេះសំណាលគ្នានោះ ឯកឧត្តម ឧកញ៉ា អគ្គនាយកសភាពាណិជ្ជកម្មកម្ពុជា បានសម្ដែងនូវក្ដីរីករាយ និងស្វាគមន៍យ៉ាងកក់ក្តៅ ចំពោះវត្តមាន លោកឧកញ៉ា ម៉ន សុខា ប្រធានសមាគមន៍អភិវឌ្ឍន៍ដីឡូតិ៍កម្ពុជា និងសមាជិក សមាជិកា សមាគមអ្នកអភិវឌ្ឍន៍ដីឡូតិ៍កម្ពុជាទាំងអស់ ។

លើសពីនេះ ឯកឧត្តម ឧកញ៉ា ក៏មានប្រសាសន៍ផងដែរថា បើទោះបីជាបញ្ហាជំងឺកូវីដ-១៩ កំពុងតែរាតត្បាតយ៉ាងខ្លាំង ទូទាំងសកលលោក តែមិនអាចរារាំងនូវកិច្ចពិភាក្សាការងារផ្សេងៗ ដែលសភាពាណិជ្ជកម្មកម្ពុជា បានរៀបចំតាមរយ:ពេលប្រព័ន្ធអនឡាញកន្លងមកនោះទេ ហើយសង្ឃឹមថានឹងអាចមានការរៀបចំការប្រជុំដោយផ្ទាល់នាពេលឆាប់ៗខាងមុខនេះ នៅពេលបញ្ហាកូវីដ-១៩ បានធូរស្បើយ ។

ក្នុងឱកាសនោះផងដែរ ឯកឧកត្តម ឧកញ៉ា អគ្គនាយក បានលើកអំពីអត្ថប្រយោជន៍នៃការចូលរួមជាមួយសភាពាណិជ្ជកម្មកម្ពុជា ដើម្បីជម្រុញអោយវិស័យឯកជនមានការអភិវឌ្ឍន៍ទៅមុនជាធ្លុងមួយ ព្រមទាំងអាចដោះស្រាយបញ្ហារួមផងដែរ ថែមទាំងអាចធ្វើឲ្យសមាជិកនីមួយៗអាចពង្រឹង និង ពង្រីកនូវការសហការគ្នាទៅវិញទៅមក តាមរយ:ទំនាក់ទំនង ដែលសភាពាណិជ្ជកម្មកម្ពុជាបានរៀបចំក្នុងជំនួបផ្សេងៗ។

បន្ថែមពីនេះ ឧកញ៉ា ម៉ន សុខា ប្រធានសមាគមន៍អ្នកអភិវឌ្ឍន៍ដីឡូត៍កម្ពុជា ក៏សូមអរគុណ ចំពោះការស្វាគមន៍យ៉ាងកក់ក្តៅ ពី ឯកឧត្តម ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា ដែលអនុញ្ញាតឲ្យមាននូវជំនួបសម្តែងការគួរសមនេះ ព្រមទាំងមបានស្វែងយល់កាន់តែច្បាស់នូវសភាពាណិជ្ជកម្មកម្ពុជា ។ មិនតែប៉ុណ្ណោះ ក្នុងឱកាសនោះផងដែរ ឧកញ៉ា ប្រធានសមាគមន៍អ្នកអភិវឌ្ឍន៍ដីឡូត៍កម្ពុជាបានអនុញ្ញាតឲ្យសមាជិក សមាជិកានៃសមាគមន៍ដែលមានវត្តមាន បានណែនាំខ្លួនអំពីក្រុមហ៊ុននីមួយៗ៕

The post ឧកញ៉ា ម៉ន សុខា ប្រធានសមាគមន៍អ្នកអភិវឌ្ឍន៍ដីឡូតិ៍កម្ពុជា ពិភាក្សាការងារសំខាន់ៗជាមួយមន្ត្រីជាន់ខ្ពស់នៃសភាពាណិជ្ជកម្ពុជា appeared first on .

ឧកញ៉ា ម៉ន សុខា លើកឡើងចំៗពីអ្នកអភិវឌ្ឍន៍គម្រោងអចលនទ្រព្យល្អ និងអ្នកគិតតែផលប្រយោជន៍ខ្លួនឯង

អ្នកឧកញ៉ាវត្តភ្នំ — Wed, 18 Aug 2021 07:42:13 +0000

ភាពរីកចម្រើន នៃវិស័យអចលនទ្រព្យ គឺជាមុខមាត់ប្រទេសដែលបង្ហាញឲ្យឃើញពីកំណើនសេដ្ឋកិច្ច ការអភិវឌ្ឍន៍លើគ្រប់វិស័យ ។ លោកឧកញ៉ា ម៉ន សុខា ប្រធានសមាគមអ្នកអភិវឌ្ឍន៍ដីឡូត៍កម្ពុជា មានប្រសាសន៍ថា៖ «អ្នកអភិវឌ្ឍន៍គម្រោង អចលនទ្រព្យ ដើរតួយ៉ាងសំខាន់ ក្នុងការរៀបចំហេដ្ឋារចនាសម្ព័ន្ធសំណង់ បង្កើន ធនធានមនុស្ស ព្រមទាំងលើកមុខមាត់ និង តម្លៃអចលនទ្រព្យក្នុងតំបន់ ក្នុងនោះយើងសង្កេតឃើញថា មានទាំង ចំណុចវិជ្ជមាន និងអវិជ្ជមាន ដែលកើនឡើង ពោលគឺមានអ្នកអភិវឌ្ឍន៍ល្អគិតពីផលប្រយោជន៍រួម និងអ្នកអភិវឌ្ឍន៍ មិនល្អគិតតែពីផលប្រយោជន៍ខ្លួនឯង»។

ប្រធានសមាគមអ្នកអភិវឌ្ឍន៍ដីឡូត៍កម្ពុជា វ័យក្មេងរូបនេះ បានពន្យល់លម្អិតទៀតថា ប្រសិនបើអ្នកអភិវឌ្ឍន៍ គម្រោងអចលនទ្រព្យល្អ ពួកគាត់នឹងបានជួយ ដូចជា៖
-ផ្តល់អចលនទ្រព្យល្អសម្រាប់ប្រជាពលរដ្ឋ
-បង្កើតចរន្តសេដ្ឋកិច្ច លំហូរសាច់ប្រាក់
-ផ្តល់ចំណូលចូលរដ្ឋ តាមរយៈការបង់ពន្ធ
-ផ្តល់ឱកាសវិនិយោគ សម្រាប់ប្រជាពលរដ្ឋ
-លើកស្ទួយមុខមាត់ក្នុងតំបន់ដែលគាត់អភិវឌ្ឍ
-ធ្វើឲ្យដីធ្លីឡើងតម្លៃខ្ពស់ ចំណេញដល់ពលរដ្ឋក្នុងតំបន់
-បង្កើតឱកាសការងារច្រើនផ្នែក
-ផ្តល់ប្លង់កម្មសិទ្ធិត្រឹមត្រូវជូនអតិថិជន

ផ្ទុយពីការលើកឡើងខាងលើ ឧកញ៉ា ម៉ន សុខាក៏បានលើកឡើងពីលក្ខណៈសម្បត្តិរបស់អ្នកអភិវឌ្ឍន៍ គម្រោងអចលនទ្រព្យ មិនល្អ និងផលប៉ះពាល់ដែលអាចនឹងកើតឡើង ដូចជា ៖
-ប៉ះពាល់ ហិរញ្ញវត្ថុរបស់អតិថិជន (ខាតបង់លុយកាក់ )
-ប៉ះពាល់កេរ្តិ៍ឈ្មោះ វិស័យអចលនទ្រព្យ
-បង្កើតភាពស្មុគស្មាញដល់អាជ្ញាធរ
-ខាតពេលវេលាអ្នកវិនិយោគ (អតិថិជន )
-ខាតអត្ថប្រយោជន៍សង្គមជាតិ
-បំផ្លាញទំនុកចិត្ត ភាពជឿជាក់ លើវិស័យនេះ
-បង្អាក់ដំណើរអភិវឌ្ឍន៍សេដ្ឋកិច្ចជាតិ

ជាចុងក្រោយ លោកឧកញ៉ា ម៉ន សុខា លើកឡើងជាសំណូមពរថា៖ «សូមអ្នកអភិវឌ្ឍន៍គម្រោងអចលនទ្រព្យទាំងអស់ បំពេញកាតព្វកិច្ច ជូនដល់អតិថិជនចប់សព្វគ្រប់ តាមផែនការដែល កំណត់ក្នុងនាមជាអ្នកអភិវឌ្ឍន៍ល្អ សម្រាប់សង្គមជាតិកម្ពុជា»៕
ចុចអានអត្ថបទ៖ ឧកញ៉ា ម៉ន សុខា៖ មនុស្សជោគជ័យ នឹងបង្រៀនប្រាប់អ្នកពីរបៀបធ្វើឲ្យអ្នកជោគជ័យ

The post ឧកញ៉ា ម៉ន សុខា លើកឡើងចំៗពីអ្នកអភិវឌ្ឍន៍គម្រោងអចលនទ្រព្យល្អ និងអ្នកគិតតែផលប្រយោជន៍ខ្លួនឯង appeared first on .

អ្នកឧកញ៉ា គិត ម៉េង ផ្ញើសារលិខិតអបអរសាទរឧកញ៉ា ម៉ន សុខា និងឧកញ៉ា សឿ សុវណ្ណ ដែលត្រូវបានសម្តេចព្រះសង្ឃរាជ បួរ គ្រី ប្រទានគោរមងារជា “ទីប្រឹក្សាផ្ទាល់”

ឧកញ៉ាកោះក្របី — Tue, 03 Aug 2021 11:05:54 +0000

នៅរសៀលថ្ងៃទី៣ ខែសីហានេះ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា ផ្ញើសារលិខិតអបអរសាទរចំពោះលោកឧកញ៉ា ម៉ន សុខា ដែលត្រូវបានទទួលជាទីប្រឹក្សាផ្ទាល់ ដែលមានបញ្ញត្តិគោរម្យ៍ងារ “ធម្មសុខោមហាឧបាសកពុទ្ធសាសនូបត្ថម្ភន៍” និងលោកឧកញ៉ា សឿ សុវណ្ណ នាមបញ្ញត្តិជា “សុវណ្ណធម្មសួគ៌ាមហាឧបាសកពុទ្ធសាសនូបត្ថម្ភន៍” របស់សម្តេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី សម្តេចព្រះមហាសង្ឃរាជនៃគណៈធម្មយុត្តិកនិកាយ និងជាព្រះសាកលវិទ្យាធិការនៃពុទ្ធិកសាកលវិទ្យាល័យព្រះសីហមុនីរាជា កាលពីថ្ងៃទី៣០ ខែកក្កដា ឆ្នាំ២០២១។

សូមចុច Subscribe Telegram oknha_news នឹងទទួលបានព័ត៌មានពីសកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ក្នុងសារលិខិតអបអរសាទរដាច់ដោយឡែកពីគ្នា អ្នកឧកញ៉ា គិត ម៉េង បានថ្លែងកោតសរសើរដោយស្មោះជូនចំពោះលោកឧកញ៉ា ម៉ន សុខា និងសឿ សុវណ្ណ សមាជិកសភាពាណិជ្ជកម្មកម្ពុជា ដែលខិតខំលះបង់កម្លាំងកាយ កម្លាំស្មារតី ព្រមទាំងថវិកាផ្ទាល់ខ្លួនប្រកបដោយសទ្ធាជ្រះថ្លាដ៏មោះមុត ក្នុងការជួយទ្រទ្រង់ និងបំរើវិស័យព្រះពុទ្ធសាសនាដែលជាសាសនារបស់រដ្ឋឲ្យមានការរីកចម្រើនលូតលាស់បន្ថែមទៀត។

ព្រះរាជពិធីប្រគល់ធ្វើឡើងក្រោមព្រះរាជាធិបតីដ៏ខ្ពង់ខ្ពស់បំផុតសម្តេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី ជូនលោកឧកញ៉ា ឯកឧត្តម និងសប្បុរសជនឆ្នើមចំនួន ៦រូប ដើម្បីបញ្ជាក់សិក្ខីភាពនៃការជួយជ្រោមជ្រែងផ្នែកបញ្ញាស្មារតី និងកម្លាំងសទ្ធាក្នុងការបន្តព្រះពុទ្ធសាសនាឲ្យបានគ្រប់ ៥០០០វស្សា៕

The post អ្នកឧកញ៉ា គិត ម៉េង ផ្ញើសារលិខិតអបអរសាទរឧកញ៉ា ម៉ន សុខា និងឧកញ៉ា សឿ សុវណ្ណ ដែលត្រូវបានសម្តេចព្រះសង្ឃរាជ បួរ គ្រី ប្រទានគោរមងារជា “ទីប្រឹក្សាផ្ទាល់” appeared first on .

ក្បួនលក់មិនឱ្យគេជំពាក់ដ៏មានប្រសិទ្ធភាព ៦យ៉ាង ពីឧកញ៉ា ម៉ន សុខា

អ្នកឧកញ៉ាវត្តភ្នំ — Mon, 26 Jul 2021 10:39:26 +0000

ក្នុងនាមជាអ្នករកស៊ី ការបង្វិលលុយកាក់ ដើមទុន គឺជាចំណុចស្នូល សម្រាប់អ្នករកស៊ី មិនថាមុខរបរតូចធំ លក់ចេញទិញចូល ជាពិសេសពេលកប់លុយនៅនឹងដៃអតិថិជនយូរ ម្ចាស់អាជីវកម្មគ្រប់រូប ច្បាស់ជាប្រឈមនឹងបញ្ហាហិរញ្ញវត្ថុជាក់ជាមិនខាន។ ដូច្នេះហើយ ទើបសហគ្រិនគ្រប់រូប តែងតែប្រយ័ត្នតាំងពីដើមទី រឿងទិញជំពាក់ ឬការខ្ចីលុយ ជៀសវាងថ្ងៃក្រោយទាស់គ្នាដោយសារបញ្ហាលុយកាក់បន្តិចបន្ទួច។

ខាងក្រោមនេះ គឺជាគន្លឹះនៃការលក់អ៊ីវ៉ាន់ជូនអតិថិជនចំនួន ៦យ៉ាង ដើម្បីកុំឱ្យគេជំពាក់ ជៀសវាងមើលមុខគ្នាមិនត្រង់នៅថ្ងៃក្រោយ៖

១.ត្រូវលក់មិនជំពាក់តាំងពីបើកលក់ដំបូង

២. បើអតិថិជនទិញអ៊ីវ៉ាន់ស្ទើរលុយ ត្រូវដកឥវ៉ាន់វិញ កុំឱ្យខ្វះ(នាំធ្លាប់លើកក្រោយ)

៣. ត្រូវមានអ្នកគិតលុយផ្សេង អ្នករៀបផ្សេង កុំឱ្យអតិថិជនមានឱកាសតវ៉ា ពេលចង់ជំពាក់

៤.ពេលអតិថិជនចង់ជំពាក់ ត្រូវនិយាយថា ” បង ឬ ប្អូន ខ្ញុំមិនមែនមិនឱ្យជំពាក់តែបងទេ ខ្ញុំធ្វើចឹងគ្រប់គ្នា (អ្នកទិញមានអារម្មណ៍ថា ស្មើភាព ចឹងពិបាករកហេតុផលតប)

៥. អ្នកលក់គួរកុំយកការស្គាល់គ្នា ជាការរកស៊ីអី ត្រូវយកក្បួនខ្នាតវិញ ព្រោះថា បើរកស៊ីពឹងលើការរាប់អាន ថ្ងៃណាមួយ គេនឹងលែងរាប់អានយើង តែបើប្រើប្រព័ន្ធវិញ គឺទៅរហូត

៦. អតិថិជនណាសាំ ចង់រកតែជំពាក់ ជាយោបល់ កុំទៅរវល់ មនុស្សល្អៗ មិនខ្វះទេ អតិថិជនចឹងមិនស្មោះត្រង់ទេ ខុសតែមួយកាក់ ក៏ទៅទិញគេដែរ

លោកឧកញ៉ា ម៉ន សុខា បញ្ជាក់បន្ថែមថា ការប្រើយុទ្ធសាស្ត្រលក់មិនជំពាក់ នឹងបង្កលក្ខណៈល្អក្នុងទំនាក់ទនងសម្រាប់រយៈពេលយូរ ជាពិសេសអាចទុកមុខរាប់គ្នានៅថ្ងៃក្រោយ ដោយមិនបារម្ភខ្លាចប្រេះឆាទំនាក់ទនងដោយសារតែរឿងលុយកាក់ឡើយ៕

The post ក្បួនលក់មិនឱ្យគេជំពាក់ដ៏មានប្រសិទ្ធភាព ៦យ៉ាង ពីឧកញ៉ា ម៉ន សុខា appeared first on .

សេដ្ឋីអចលនទ្រព្យ ៣រូប ឧបត្ថម្ភថវិកាដល់សម្តេចព្រះសង្ឃរាជ បួរ គ្រី ក្នុងកម្មវិធីចែកទាននៅខេត្តកំពត

ឧកញ៉ាកោះក្របី — Fri, 02 Jul 2021 09:02:10 +0000

ឧកញ៉ាអចលនទ្រព្យ ៣រូប ឧបត្ថម្ភថវិកាចំនួន ៣លានរៀល ក្នុងពិធីចែកព្រះរាជអំណោយសម្តេចព្រះមហាសង្ឃរាជ បួរ គ្រី និងផ្សព្វផ្សាយអាហារូបករណ៍១០០%ថ្នាក់បរិញ្ញាបត្រទូទាំងស្រុកបន្ទាយមាសខេត្តកំពត និងប្រគេនទេយ្យទានចំនួន៥វត្ត ព្រមទាំងផ្តល់ឯកណ្ឋានប្រជាការពារឃុំ១២រូប ដើម្បីចូលរួមចំណែកសកម្មភាពមនុស្សក្នុងបរិបទនៃការរីករាលដាលជំងឺកូវីដ-១៩។

នេះបើយោងតាមទំព័រហ្វេសបុកផ្ទាល់ខ្លូនរបស់លោក ងួន ស្តេចភក្តី សាកលវិទ្យាធិការងនៃពុទ្ធិកសាកលវិទ្យាល័យព្រះសីហមុនីរាជា នៅថ្ងៃទី២ ខែកក្កដានេះ។

ឧកញ៉ាដែលមានបេះដូងសប្បុរសធម៌ទាំង ៣រូបនោះរួមមាន៖

១.លោកឧកញ៉ា ផន វណ្ណិត អនុប្រធានសមាគមអ្នកអភិវឌ្ឍន៍ដីឡូតិ៍កម្ពុជា និងលោកជំទាវ ឧបត្ថម្ភថវិកា ចំនួន ១លានរៀល

២.លោកឧកញ៉ា ម៉ន សុខា ប្រធានសមាគមអ្នកអភិវឌ្ឍន៍ដីឡូតិ៍កម្ពុជា និងលោកជំទាវ ឧបត្ថម្ភថវិកាចំនួន ១លានរៀល

៣.ឧកញ៉ា សឿ សុវណ្ណ អនុប្រធានគណៈកម្មការ សម្របសម្រួល និងសិក្សាវិវាទនៃសមាគមអ្នកអភិវឌ្ឍន៍ដីឡូតិ៍កម្ពុជា និងលោកជំទាវ ឧបត្ថម្ភថវិកាចំនួន ១លានរៀល

គួររម្លឹកជូនថា សប្បុរសជនទាំង៣ខាងលើ ជានិច្ចកាលតែងតែចុះជួយឧបត្ថម្ភថវិកា និងនាំយកនូវគ្រឿងឧបភោគបរិភោគជាច្រើនជូនដល់ប្រជាពលរដ្ឋដែលកំពុងរងគ្រោះពីវិបត្តិកូវីដ-១៩ ក្នុងព្រឹត្តិការណ៍សហគមន៍ ២០កុម្ភៈ៕

The post សេដ្ឋីអចលនទ្រព្យ ៣រូប ឧបត្ថម្ភថវិកាដល់សម្តេចព្រះសង្ឃរាជ បួរ គ្រី ក្នុងកម្មវិធីចែកទាននៅខេត្តកំពត appeared first on .

ឧកញ៉ា ម៉ន សុខា៖ មនុស្សជោគជ័យ នឹងបង្រៀនប្រាប់អ្នកពីរបៀបធ្វើឲ្យអ្នកជោគជ័យ

ឧកញ៉ាកោះក្របី — Wed, 09 Jun 2021 01:51:51 +0000

ការសេពគប់មនុស្ស គឺជារឿងសំខាន់បំផុត សម្រាប់ត្រួសត្រាយធ្វើឲ្យមានលំនាំដើម្បីបានសម្រេចជោគជ័យនៅក្នុងជីវិត។ ការរស់នៅទៀតសោត សូមកុំពឹងលើព្រេងវាសនា ប៉ុន្តែត្រូវបង្កើតឪកាសនិងលើកទឹកចិត្តខ្លួនឯងជានិច្ច។ ដូចពាក្យចាស់ពោលថា ខ្លួនត្រូវទីពឹងខ្លួន។

ប្រធានក្រុមប្រឹក្សាភិបាលក្រុមហ៊ុន Utrust Investment និងជាប្រធានសមាគមអ្នកអភិវឌ្ឍន៍ដីឡូត៍កម្ពុជា លោកឧកញ៉ា ម៉ន សុខា បានបង្ហាញការយល់ឃើញពីដំណើរនៃរសជាតិជីវិតដោយសង្កេតលើហេតុផលដូចខាងក្រោយ៖

អ្នកនៅក្បែរមនុស្សបែបណា គឺនឹងដើរតាមផ្លូវបែបនោះ
-អ្នកក្រ បង្រៀនអ្នកចេះសន្សំកឹបកេងថ្លៃអារហារ និងសម្លៀកបំពាក់
-មនុស្សខូច បង្រៀនអ្នកឲ្យចេះប្រើល្បិចកុហកបោកប្រាស់គេ
-មនុស្សល្បែង នឹងអូសទាញអ្នកឲ្យលែងល្បែងដែរ
-មនុស្សប្រមឹក គិតតែបង្ខំអ្នកឲ្យលើកកែវដាច់
-មនុស្សជោគជ័យ នឹងបង្រៀនប្រាប់អ្នកពីរបៀបធ្វើឲ្យអ្នកជោគជ័យ
-មនុស្សដែលមានសំណាងធំក្នុងឆាកជីវិត មិនមែនរើសបានលុយ ក៏មិនមែនត្រូវឆ្នោតរង្វាន់ធំ ប៉ុន្តែមានមនុស្សនៅចាំលើកទឹកចិត្តអ្នក ចង្អុលបង្ហាញផ្លូវអ្នក ជួយអ្នកឲ្យអ្នកបានឃើញសមត្ថភាពរបស់ខ្លួនឯងកាន់តែប្រសើរឡើង ដើរឆ្ពោះទៅកាន់វេទិកាកាន់តែធំ។

លោកឧកញ៉ា ម៉ន សុខា បានគូសបញ្ជាក់ថា តាមពិតរបស់ដែលរារាំងការរីកលូតលាស់របស់អ្នក មិនមែនជាប្រវត្តិសិក្សា ក៏មិនមែនមកពីបញ្ហាឆ្លាតវៃដែរ ប៉ុន្តែគឺជាមជ្ឈដ្ឋានជុំវិញខ្លួនអ្នកដែលកំពុងរស់នៅ កន្លែងការងារ នឹងមនុស្សសំខាន់នៅក្បែរខ្លួន វាសំខាន់ខ្លាំងណាស់។ ដែលហៅថា អ្នកមានបុណ្យរបស់យើង មិនមែនទាល់តែមនុស្សយកលុយ ឬផលប្រយោជន៍មកឲ្យយើងនោះទេ។

ប៉ុន្តែជាមនុស្សដែលចង្អុលបង្ហាញការយល់ដឹងរបស់យើងឲ្យមើលឃើញកាន់តែធំទូលាយជាងមុន មកកែកម្រិតយល់ដឹងរបស់យើង មកបន្ថែមឋាមពលវិជ្ជមានដល់យើង និងធ្វើឲ្យយើងយល់ថា ពេលវេលាដែលបានខ្ជះខ្ជាយកន្លងមកត្រូវតែខិតខំទ្វេរដងដើម្បីសងត្រឡប់មកវិញ៕

The post ឧកញ៉ា ម៉ន សុខា៖ មនុស្សជោគជ័យ នឹងបង្រៀនប្រាប់អ្នកពីរបៀបធ្វើឲ្យអ្នកជោគជ័យ appeared first on .